نور ما بعد الظلمات

Part «13»

#الڪاتبه_نَجمه

#نور_ما_بعد_الظلمات

‏ياغاية العُمر وضِحَڪة سنيّنه♥️

لا تنسون التصويت ++
و

علقو ؏ المشاهد اريد تفاعل حلو منكم
نجماتي اتمنى الكم قرائه ممتعه ✨💖

........................................................

«جنات»

وره ما راحت عمه ضلينه بس انه و فرقان صار ما يطلع هواي او من يطلع ما يتأخر اكثر شي يتأخر ساعتين يخاف يخليني وحدي مرات الوم نفسي من اشوفه هواي اشياء ميسويها بسببي لا يسافر و يتونس لا يتأخر بطلعاته و من يطلع باله يمي حتى بدوامه و بوجود عمه يضل كل شويه مخابرني يطمن عليه بس انه هم ما عندي غيره و متعلقه بي و هوه يخاف عليه من الهوه الطاير مره چنت گاعده يمه و سألته

جنــات؛؛ فرقان انتَ متضوج مني

عگد حاجبه مستغرب من سؤالي گال

فرقــان؛؛ شني اضوج منچ شهل حچي شمالچ

جنــات؛؛ يعني من تتقيد بيه ما تطلع او من تطلع ما تتأخر ما تضوج

أشرلي و گال

فرقــان؛؛تعاي يمي

گمت يمه خل ايده ؏ چتفي و حضني الصدره و گال

فرقــان؛؛انه لو اضوج من الدنيا كلها منچ مستحيل اضوج انتِ كلشي بحياتي الطلعه الونسه و الاصدقاء كلهم مهمين بس انتِ أهم منهم انه فرقان بس ڪ جسد اما روحي فہ هيه جنات و فرقان بدون جنات ميعيش وصيت أمي انتِ حاطچ بنص گلبي شلون اضوج منچ

يحچي و انه دمعت ؏ كلامه فرحت بي حيل مديت ايدي حضنته و حچيت

جنــات؛؛ و جنات هم ما تسوه شي بدون فرقان يا نظر عينها انتَ

باس راسي و گال

فرقــان؛؛يا روح فرقان و هذا الحچي بعد ما اسمعه منچ و اذا عدتي ازعل منچ مفهوم

جنــات؛؛ مفهوم.

كلامه هذا يخليني انه احسد نفسي لان عندي هيچ أخ يحبني و مهتم بيه ضلينه كل هل ايام لو يجيب اكل من بره نادراً ما اطبخ و من اطبخ هوه يمي يخاف عليه مرت فتره و اجه موعد التحاق فرقان و هنا احتار شلون بيه وين اضل گال

فرقــان؛؛جنه اوديچ وره عمه؟.

جنــات؛؛ وين يعني

فرقــان؛؛ يعني وين غير التركيا

جنــات؛؛ لا شيوديني و انه ماريد هناك اريد هنا قريبه منك حتى من تنزل تجيني و اشوفك

فرقــان؛؛چا شلون اوديچ الخاله چم يوم ؏ ما انزل

جنــات؛؛ اي خوش بس اول ما تنزل تجي عليه

فرقــان؛؛صار يلا حظري نفسچ اوديچ