الميت اللي بيننا حي

الثاني

قبل سبع سنوات
فهد واقف وهو عاقد يدينه وراء ظهره ويناظر قدامه وهو يفكر
عزيز كان واقف على يمينه وأحمد على شماله وقدامهم صاله واسعه فاضيه لها واجهه قزاز تطل على الشارع العام
عزيز كان يحس بطعم الانجاز وشعور والوصول للحلم المناظر ، نقل نظره بين فهد وأحمد وقال بفخر : سويناها ياعيال ، نجحنا
تنهد أحمد : انشهد انا نجحنا
فهد : انتظروا حتى توصل السيارات وتعبى المعرض وقتها نقول نجحنا
كشر عزيز و دف فهد : ياهادم الحظات
أحمد : السيارات في الطريق ، بحول الله بكره توصل وندخلها هنا ونفتتح المعرض رسمي
عزيز : والعروض جاهزه ، واللوح الدعاية بعد
تنهد فهد وبعدين ركض في المكان وهو يصارخ والصدى يرد عليه ، لحقه عزيز وصار يصارخ مثله ، وقف أحمد يراقبهم وهو يضحك  بعدين ماقدر يمنع نفسه وصار يصارخ مثلهم بعدين هجم على عزيز وطرحه على الارض ، هجم فهد على أحمد يحاول يبعده عن فهد ، المكان كان كله صوت ضحكهم واصراخهم
قطع صوتهم صوت تصفير عالي ، و التفتوا له
كانو على الارض احمد جالس على طهر عزيز اللي مكتف فهد تحته ، على طول وقفوا باحراج لما شافو ( راشد ال ثابت و ابو عياف وابو أحمد ومعهم عياف
الجد راشد ال ثابت : الله يخلف عليكم ، ورعان انتم تلعبون هنا
فهد باحراج : نمزح يبه
قرب ابو عياف من عزيز مسك عزيز يد ابوه وباسها : مبروك يا بوك الله يفتح لك الرزق المبارك
عزيز : تسلم يا بوي ...... وسلم على اخوه عياف اللي بارك له
أحمد على طول راح لابوه يسنده ويبوس راسه ويحضنه ، كانت علاقه أحمد مع ابوه قويه مره عكس عزيز مع ابوه اللي كان قاسي معهم وشديد اكثر من الازم وكان دائما خايف على عياله ولا يسمح لهم يبعدون عنه حتى انه زوج عياف وسكنه معهم في غرفته ، لكن بعد ماجاء اول حفيد له سمح له يطلع ويعيش في بيت ثاني
ابو أحمد يبتسم وعيونه مليانه دموع : مبروك يا ولدي ، الله يرزقكم ويوسع لكم
أحمد : الله يبارك فيك يابوي ويخليك لنا
اما علاقه  فهد بجده علاقه اب بولده فيها شده ولين وثقه وخوف ، قرب فهد من جده وباس راسه وعقب سلم على ابو عياف وابو احمد وعياف ، وسلموا عزيز وأحمد
ناظر الجد في المعرض الفاضي وسال : ماوصلت السيارات للحين
فهد لاف يده حول يد جده باس كتف جده وقال : في الطريق ان شاء الله توصل الليله
عزيز : كله من أحمد هو اللي اخرنا
أحمد : انا ، ياكذاب ، انت اللي ماتعرف الفرق بين ( AM/PM)
ضحك عزيز باحراج : يا رجال لا تدقق
ابو عياف : المهم انها توصل بالسلامه
فهد بخبث : بهذه المناسبة عزيز وأحمد عازمينكم على العشاء في افضل مطعم في الرياض
فهد : جدي اكيد انكم جوعانين لا تستحون اطلبوا اللي تبغون
قرب عزيز وشد شعر فهد بعدين ضرب راسه والثاني انفجر ضحك