الميت اللي بيننا حي

ثلاثه وعشرون

قامت وجد من النوم ودخلت الحمام اللي في غرفتها
تروشت و طلعت وهي لابسه روب الحمام جلست على كرسي التسريحه واستشورت شعرها وبعدين حطت لها مكياج خفيف ، كحلت عيونها من داخل وحطة مسكره وروج ودري فاتح وشويه بلشر وردي على خدودها
بعدين اختارت فستان قطني طويل وله اكمام طويله ورقبه مرتفعه وكان ماسك على جسمها ولونه ابيض وقبل تطلع ناظرت في نفسها في المراية وقالت : كيف تبغين توقفين عزيز لا يقرب منك وانت كاشخه ولابسه يا وجد ، ابتسمت بخبث وقالت : خله يحترق
قربت من الشباك وشافت عزيز واقف عند البحر ، كان لابس شورت اسود وتيشرت كت احمر ، فسخ التيشرت ودخل البحر يسبح ، شهقت وجد : مجنون هذا يسبح في البرد . قعدت دقايق تراقبه وهو يسبح بمهاره ، تذكرت ان عزيز يحب البحر وكان دائما يسافر الشرقيه في الويكند
، بعدت وجد عن الشباك واخذت شالها وانزلت تحت تسوي الفطور ، ناظرت في الثلاجة ودها تسوى شي غير الشكشوكه ، فرحت اول ماحصلت طحين وبيض ، على طول سوت عجينة بان كيك وبدات تسويها وركبت الشاي على النار وجهزت القهوة كانت تنتقل في المطبخ بين الاشياء بسرعة علشان تخلص قبل عزيز يرجع
صحى عزيز من نوم مقطع ومتعب وطلع برى ، كان يغلي من الغضب لان في اسئله كثيره مو قادر فعلا يتجاهلها مثل ماقال ، هم محتاجين  جلسه طويله ومصارحه ، بس مو الحين يا وجد اول لازم احصل على ثقتك واتاكد اني قدرت اسيطر عليك ، راح اغرقك في المشاعر وكلام الحب اللي كل بنت تضعفه عنده ، وبعدها يا وجد راح احاسبك على كل كبيره وصغيره ، ومثل ما انت استخدمتي الحيله معي راح استخدمها معك ، ناظر عزيز للبحر قدامه وحس انه يناديه رغم برودة الجو ، على طول فسخ تيشرته ونزل للبحر ، شهق اول ما حس ببرودة الماء ، لكنه استمر حتى تاقلم جسمه عليها ، سبح عزيز حتى تخلص من التوتر والقلق اللي كان شاد كل جسمه ، طلع من البحر و دخل الشاليه وقابلته ريحة القهوة والفطور ، كان ماسك فانيلته بيده وحاط على رقبته منشفه ، قرب من المطبخ اللي كان مفتوح على الصالة وشاف وجد تتحرك قدامه ، حست بسعادة تمل قلبه ومشاعر غريبه تمتص كل غضبه وافكاره  فابتسم وقال لها : صباحو
التفتت وجد وانصدمت انه واقف قدامها وصدره كاشف صدت وقالت بخجل: صباح الخير ، باقي شويات ويجهز الفطور يمديك تغير ملابسك
دخل عزيز لغرفة بعد ماشاف ان وجد انحرجت منه ، وهو بعد لما شافها تتحرك برشاقه قدامه وشعرها يتحرك على ظهرها بخفه ، خاف يسوى شي غلط ويهدم الثقه اللي بناها بينهم لكذا بعد بسرعةاخذ له حمام دافي ولبس بلوفر ابيض على بنطلون اسود
مشط شعره وتعطر وطلع حصل وجد حاطه الفطور برى
قرب منها وهو مو قادر يمنع ابتسامته خاصه بعد ماشاف الفطور المنوع اللىيمسويته قال بسعادة : ياهني بطنك ياعزيز ، طلعت تعرف تطبخ
ابتسمت وجد بخجل وهي تحاول ماتناظر في عزيز اللي واقف قريب منها ويناظر فيها : الغربة علمتني الطبخ عند امي كنت مدلعه
سحب عزيز لها كرسي علشان تجلس عليه : حلو حصلنا حسنه وحده لهروبك مني ، اجلسي
جلست وجد ومد عزيز يده واخذ ابريق الشاي وصب لها في كوبها وبعدين صب لنفسه نزل الابريق وسحب الكرسي وجلس بجنبها ، التفت لها وهو باقي شوي وياكلها بنظراته المفتونه : جميل وواضح لذيذ