مرت سنه على هروب وجد
نزلت سحاب من الطيارة وهي متحمسه لشوفة اهلها
حتى انها اخذت شنطه صغيرة معها داخل الطيارة علشان تطلع بسرعة ماتنتظر سير الشنط وزحمته
طلعت وشافت ابوها ورعد ينتظرونها اركضت تحضن ابوها بكل شوق ولهفه
ابو سحاب : هلا ، هلا بسحايب بيتنا وخيرها
سحاب وهي تبكي : هلا فيك يبه ، جعلك ذخر لي يارب
التفتت لرعد وحضنته وباست خده وهي تضغط بيدينها على وجهه : قلبوا اشتقت لك يا رعود
رعد : فكيني انا معاد صغير لاتسوين كذا
سحاب : اسفه اسفه
مسك ابو سحاب بيدها واخذها لسيارة ورعد اخذ شنطتها
وفي البيت حصلت امها وجدتها مضبطين لها حفلة استقبال بسيطه حضنتهم وصاروا يبكون سوء
رعد بقهر : ليش تبكون الحين ، هذا هي عندنا
ام سحاب : هذه دموع الفرح
الجده ام صقر : جعل ايامكم كلها فرح يارب
ابو سحاب : بوجودك يا بركة البيت
رعد : وش جبتي هدية لي
سحاب فتحت يدينها وقالت : ترررتا
رعد باستغراب : وش
سحاب بخيبه : جيتي هديتك يا دب
ابتسم ابو سحاب وحضن بنته وجلسها بجنبه وهو يقول : اجمل هدية والله ، الله يخليك لي ويحقق كل احلامك
ام صقر : امين ، امين
سحاب كانت تحس بالراحه والامان بين اهلها وتهمس لقبها قرت عينك بشوفت غواليك
YOU ARE READING
الميت اللي بيننا حي
Romanceالموت لا يلغي وجود الشخص من حياتك ابدا ومهما حاولت ابعاده عن طريقك ، فهو يجد طريقه لك
