الميت اللي بيننا حي

ثمانية وثلاثون

أحمد دق على عزيز يذكره بموعد الطيارة : عزيز لا تجي اليوم العمل ارتاح ، واطلع المطار الساعة وحده الظهر رحلتكم الساعة ثلاث ان شاء الله
عزيز : وتبغاني من وحده هناك يا ظالم
أحمد : اعرفك انا عزيز لو قلت ثنتين رحت ثلاث
ضحك عزيز : طيب ، وصيت ياسر بعد ولا بس انا
أحمد : وصيته يا رجال ، بس انت امسك الوصيه ، وانتبه لنفسك لا تضغط عمرك في الشغل ، واطلع تمشي وغير جو
عزيز : يصير خير
سكر عزيز وشيك على ملابسه اللي رتبها في الشنطة
، شاف ناقصه سلبير ، فتح واحد من الادراج وشاف الصندوق اللي اعطته وجد ، جلس وفتح الصندوق ينظر في البشت قفل الصندوق واخذه وطلع لشارع ورماه في برميل الزباله ورجع لغرفته

والتلاعب بـ المشاعر لا تسميها شطاره
‏كم نديمٍ زاد همه والسبايب من نديمه
ما يجوز إنك تصلي قبل تبدى فالطهاره
‏ولايجوز انك تحب ونيّتك ماهي سليمه

ياسر  وقف سيارته في المواقف ونزل متوجهه لمكتب فجر ، شاف رجال يضرب له مره ويشدها على الارض والناس متجمعه تتفرج ولا تسوي شي عصب و اسرع في خطوته  لهم واول ماشاف دارين تبكي : اتركها يامتوحش
سحب شماغه من فوق راسه وركض بسرعة لهم ، على طول ضرب الرجال بكس على خشمه ، وسحب البنت اللي عرف انها فجر من يده ، كان نقابها وطرحتها طايحين  على الارض وشعرها منكوش من الشد والضرب
ناظر ياسر في وجهها وشاف دموعها ودمها مختلط ،رفع شماغه وحطه على راسها ولفه عليها يغطي وجهها فيه
الرجال : من انت اكيد واحد من ربعها
التفت ياسر له وصرخ : احترم نفسك ، باي حق تضرب مره يا رخمه
الرجال :  لانها تستاهل سويدة الوجه كل يوم مع رجال شكل ، اذا تبغين لك رجال يطفي محنتك انا جاهز يا كلبه ، معي اللي معهم
وسوي حركة وسخه
ياسر لف فجر علشان ماتشوف حركته  وسال : مين هذا  الكلب
الرجال : انت الكلب
سفهه ياسر ورجع يكلم فجر : فجر مين هذا
فجر بصوت مبحوح من الصراخ : واحد من القرايب مجنون مبتلينا طول عمره
الرجال : اقطعي يا الفاجرة
هنا ياسر فقد عقله ولا عاد يشوف قدامه هجم عليه وصار يضربه بقوه وبعدين طرحه على الارض وقال   : والله لدفعك الثمن يا كلب
لقط ياسر شماغ الرجال من اللارض وربط يدينه وراء ظهره وجلس عليه وهو يضغط بيده على راسه ووجه على الارض ، طلع ياسر جواله ودق على الشرطة
الرجال : اوريك والله ماخليك والله اذبحك واشرب من دمك
ضغط ياسر وجهه على الارض اكثر : تخسي تقرب منها
  جات الشرطة وتقدم العسكري منهم ، قام ياسر اللي كان جالس على ظهره وارفعه من الارض وكان خشمه يصب دم ووجه مفقع من ضرب ياسر له
  اول ما شاف العسكري قعد يصيح :  شوف ، شوف بعينك   مكتفني وضاربني راح اشتكي عليه ودخله السجن
قدم ياسر بطاقته للعسكري : خذه القسم عند الضابط بندر  وهو يتصرف
ناظر ياسر في وجهه وقال : والله لاخليك تخيس في الحبس
الرجال : وانا ارفع عليها قضية اخلاقيه لاني حصلتكم في وضع مخل وهي بنت عمي
ياسر : تخسي وتعقب ، بعدين هذه زوجتي ، انا اللي برفع عليك قضية قذف ومحاولة قتل
سحبه العسكري وركبه الدورية ، التفت ياسر لفجر
بعدين شال شنطتها من الارض ونفض عنها الغبار ولف يدور على طرحتها ونقابها حصلهم وشالهم ولفهم بعدين اعطاها فجر ومسك يدها يسحبها معه ، وصل سيارته وركبها وراء ، فجر اللي صارت تمشي مع ياسر وهي ماتحس بالدنيا كانت تبكي من القهر والالم ولا انتبهت ان ياسر ماسك يدها
ياسر فتح الجوال وسجل صوت :
بندر بيجيب لك العسكري رجال حطه في الحبس عندك كان يتهجم على وحده انا بعد ساعة اجيك
شغل ياسر سيارته وانطلق ناظر في المراية يشوف فجر وراه وسال  : وين بيتكم 
فجر كانت تبكي  ولا تقدر تتكلم
رفع ياسر صوته  : وين ساكنه يافجر
اعطت فجر ياسر العنوان واخذها للبيت ، فتح باب السيارة لها : انزلي
فجر تشد شماغ ياسر عليها مستحيه تنزل ويشوفها احد من الجيران
ياسر  : اي الباب
اشرت فجر له وقبل يدق الجرس فتحت ضحى الباب كانت بتطلع، اول ماشافت  ياسر استغربت اشر لسيارة وناظرت باستغراب ، ياسر : فجر في السيارة
اركضت ضحي لها اخذتها في حضنها : بسم الله عليك فجر وش فيك
ياسر كان منزل نظره للارض : عمتك موجودة
ضحى : ايه داخل
ياسر : ابغى اقابلها
ساعدت ضحى فجر تنزل من السيارة ودخلتها البيت على طول ، دخل ياسر قبلها ومشي ووقف عند الدرج
ضحى : الدور الثاني الشقة اللي على اليمين
تقدم ياسر حتى وقف قدام الباب ، بعدين صد عن الباب فتحت ضحى الباب ودخلت هي وفجر وسكرت الباب وراهم ، كان ياسر يسمع صوت صراخهم وبكائهم ، وهذا الشي زاد غضبه ، اول مره ياسر يفقد اعصابة ويضرب شخص ويكون هو البادي في الضرب
بعد دقايق انفتح الباب ونادت ضحى : تفضل
دخل ياسر وجلس في المجلس كانت عمة فجر لابسه عباتها ومتغطيه وضحى واقفه عند الباب اما فجر ما كانت موجودة ، حس ياسر بقلق عليها فسال : وين فجر
ضحى : داخل
ياسر : كيفها
العمه : وش صاير يا ولدي ، فجر مو قادرة تتكلم من البكاء
ياسر : فيه رجال تهجم على فجر في مقر عملها وانا كنت موجود ، تقول انه من قرايبكم
العمة :  اكيد طلال مافيه غيره النذل
ضحى وهي تبكي : الله ياخذه المجرم
ياسر : وش يقرب لكم
العمة : ولد عمي رجال ضايع سكار وراعي سوابق كل مره ينسجن ويطلع ، كان ناشب لنا رجال وسخ الله ياخذه من طريقنا ويفكنا منه
ياسر بحده : بياخذه الله ، بس عندي طلب ، انا بتزوج فجر علشان اقدر ارفع عليه قضية قذف واعتداء
العمة بصدمه:  تتزوجها
ياسر : الحيوان هدد برفع قضية اخلاقية عليها ، صح ماعنده دليل قاطع بس راح يمس سمعتها ، واذا كانت متزوجة مني راح ارفع عليه قضية قذف ، وبكذا ما احد بيصدقه لانها متزوجة ، بتزوجها لفتره واطلقها
العمة : مايجوز هذا الكلام يا ولدي
ياسر :  صدقيني ياعمه هذا افضل شي لها علشان نخرس الناس اللي راح تتكلم ، القضايا اللي مثل كذا تحتاج وجود رجال
دخلت فجر وكانت متغطيه بطرحه على وجهها : بس انا ماني محتاجة رجال في حياتي ، اقدر اوقفه
ياسر  : فجر خليك واقعيه شفتي وش سوي فيك ما احد تدخل يساعدك للاسف،  مافيه غير كذا خاصه اني قلت قدام الكل انك زوجتي
ناظر ياسر في ساعته ووقف : اسمعي انا عندي سفره ، والحين المحكمة مفتوحه نقدر نلحق عليها ، علشان بعدها لازم نروح للمستشفي ناخذ تقرير طبي ونقدم الشكوه يلا فجر مشينا لا تاخريني الله يرضي عليك
ضحى اللي كانت تبكي قربت من فجر ومسكت يدها : فجر روحي تكفين طلال ما احد يقدر عليه غير رجال ، المره الجاية بيهجم علينا في البيت ويمكن يذبحنا
حس ياسر بخوف من كلام ضحى ، كيف يتركهم لوحدهم يمكن يوصي احد ويتهجم عليهم على طول قال : اسمعوا خذوا لكم ملابس والاشياء المهمة باخذكم لشقة ثانية ، مستحيل اسافر واترككم هنا لوحدكم ، فجر يلا مشينا
التفتت فجر في عمتها واختها
العمه : روحي يمك والله اني عاجزه وخايفة ولا فيدي شي
ياسر : لا تخافين انا موجود وراح اوقفه واوقف كل من يتطاول عليكم
دخلت فجر تلبس نقابها وتاخذ شنطتها ، كانت شايله شماغ ياسر بيدها مدتها له  
اخذها ياسر وهو يبتسم : كيف البسه من غير عقال وطاقيه
حط الشماغ على كتفه وطلع  وطلعت فجر وراه