الميت اللي بيننا حي

خمس وعشرون

فجر في موقع عمل جديد تشرف عليه وتتاكد من شغل العمال ، وصلت صاحبة المشروع وكانت حرمه في الاربعين من عمرها وواضح انها سيدة من طبقة عالية ، كانت جميله في شكلها وتعاملها واسلوبها ، ماحسست فجر انها اقل منها او انها تشتغل في مشروعها بالعكس كانت تقول له : انا ماعندي بنت عندي ثلاث اولاد الله يحفظهم لي ، وانت تعرفين اهتمامات الاولاد تختلف عنا الحريم وابوهم مثلهم ، لكذا احسك مثل بنتي
فجر : شكرا يا استاذة
قاطعتها : اسمي هيفاء الراجح ، ناديني هيفاء ، بيني وبينك ما احب احد يناديني بام ماجد
ابتسمت لها فجر : عاد مو باين عليك الكبر ، امي الله يرحمها كانت تقول ، الحرمه يبان كبره على طول اذا كان عندها بنات ، اما ام العيال ماتكبر
ضحكت هيفاء : والله ان العيال يشيبون في الام بسرعة
انا ثلاثة الله يحفظهم لي جننوني
فجاه ارتفع في المكان اصوت رجال يتكلمون وينادون
هيفاء : جبنا سيرة القط . تركت فجر وراحت تستقبل اصحاب الاصوات . فجر ارجعت تشرف على العمال
ولكن قطع عليها صوت مو غريب يقول : الله عليك ، هذا الشغل يا هيفاء
التفتت فجر وشافت ياسر يدخل المكان وهو يتفرج فيه ولا كان منتبه لها
ضحك ياسر لكن بلع الضحكه اول ما شاف فجر قدامه ، الا هي واضح من عيونها ، التفت لامه واخوانه ورجع ينظر فيها
هيفاء : هذا ولدي ياسر ، وهذا ماجد الكبير وفايز الوسطاني ، في الاصل ياسر وفايز توم ، بس فايز ولد اول واحد لكذا يعتبر الاكبر
ضحكت هيفاء وهي تلف يدها حول ذراع ياسر : هذه الجميلة والمبدعة فجر اللي صممت المكان الجميل هذا
ياسر اتسعت ابتسامته وهو يناظر في فجر ، ويقول في نفسه : جابك الله
ياسر : خلاص سامحتك يا استاذة فجر ، لانك رفضتي مشروعي ، بما ان السبب مشروع الوالدة
هيفاء مصدومه : تعرفها
ياسر : ايه صممت لنا كذا مشروع ، في شركة فهد الله يرحمه
ابتسمت هيفاء بفرح واضح : طلعنا زباين من زمان
ابتسمت فجر باحراج لها ،
ياسر : بما ان مشروع هيفاء راح يخلص قريب ، ماعندك عذر ترفضين مشروعي
فجر : للاسف عندنا حجز مسبق
ياسر يناظر في امه ويقول : هيفاء حاولي لي معها ابغاها بس هي رافضه
انقلب وجه هيفاء وفجر فتحت عيونها مصدومه من كلامه
ياسر استوعب اش قال بعد ما ضرب اخوه فايز على ظهره : ياسر ولد
حاول ياسر يشرح لهم : وش فيكم انا اقصدي ابغاها تشتغل معي ، تعرفين ارض البحر في الدمام ابغي ابني شاليه فيها ، والحين بعد ماشفت ابداعها هنا انا اتمني تقبل فيني .. اقصد في مشروعي
فايز رجع  يضرب على ظهره وهو يقول : خلاص اسكت ، خلونا نكمل جوله في المكان
هيفاء : راح تشوفون شي ولا في الاحلام
فايز : حنا ارجال ما راح نفهم اغلب اللي هنا بس واضح جميل
هيفاء : فجر راح تشرح لكم كل شي
ياسر ما زال ساكت منحرج من اللي قاله
فجر بكل ثقه ابهرت الجمع خاصه ياسر اللي ناظر فيها : مشروع الوالده عباره عن سبا خاص بالطبقه vip وهذا من اعتقادها راح يكون سبب تميزها في الخدمه
فايز : بس انا اعتبره عنصرية اغنياء
هيفاء : فايز انا عندي مشاغل وسبا للكل واسعاره معقوله ، الفكره انه يكون مشروعي هذا خاص بالفئه هذه علشان تكون الخدمه اكثر جوده لان الزبائن راح يكونون قليل
ماجد : من حقك تختاري المشروع اللي تبغين ولا هو عيب او غلط الواحد يخصص فئه معينه يتعامل معهم
فجر : هذه هي فكره الوالده ، لكذا حرصنا ان المكان يكون فخم وغالي ومميز طبعا
ياسر بخبث : ما احتجتوا تسافرون علشان القطع
فجر فهمت عليه وقالت : الحمدالله الحين صار عندنا مورد خاص بتكفل بتوصيل القطع و التامين عليها
ناظر لها ياسر باعجاب
فجر : اخترنا الاستايل الاندلسي الفخم وانا من عشاقه سوينا السونا هنا كانه حمام اندلسي قديم
ياسر : جميل والله . التفت لامه وقال : هيفاء تكفين اقنعيها
هيفاء : اوعدني تتزوج واقنعها
ياسر مصدوم : خير وش دخل 
هيفاء : فجر تكفين قولي له اذا تزوجت اتعامل معك
ياسر من غير مايحس في نفسه قرب منها وهو يقول : لا ، لا تقولينها
ارجعت فجر للوراء مصدومه منه هنا هيفاء تدخلت ومسكت ياسر تبعده : شكل ريحه الدهان اثرت فيك ، اطلع اطلع انت واخوانك
ياسر : زوجي فايز ، ولا نسيتي انه عزوبي بعد
فايز وهو صاد بيطلع : جربنا الزواج مانجح معنا . وطلع
هيفاء ناظرت في ياسر بغضب
ماجد بغيض : ياسر مو وقتك . وطلع يلحق فايز
ياسر باحراج يناظر في امه : ماقصدت شي
هيفاء : انت تعرف ان فايز حساس في هذا الموضوع ليش تتكلم فيه
ياسر : انت اول من بدا، ليش تراعون فايز وانا تضغطون على ، انا بعد ما ابغي اتزوج
هيفاء : فايز ما زال يتعافي من تجربته السابقة لكن انت وش عذرك
ياسر ناظر بطرف عينه لفجر وبعدها صد : اطلع احس ، مبروك المشروع ، واستاذة فجر اهنيك على شغلك ، كنت اطمع في التعامل معك بس ما صار
عن اذنكم
و طلع ياسر بسرعة من المكان
هيفاء بتعب : تقولين ام الاولاد مرتاحه شوفت عينك
فجر تحاول ما تتدخل في الامور الخاصه لكذا ما قالت شي