الميت اللي بيننا حي

تسعه واربعون

وجد اللى كانت تمر في نوبات هلع كثير في اغلب يومها وتفز من  نومها مفزوعه لان سعود زارها في منامها ،او تداهمها موجه بكاء تجبرها في بعض الاحيان تنادي ثواب وتبكي في حضنه ، او تصحي امها من النوم علشان تضمنها وتنام في حضنها  بدات تتحسن كثير لانها وعدت نفسها تكون قوية وتتجاوز وضعها وبعد لان في حياتها اخ حنون طيب يسندها ويحميها ويعينها في حياتها ، وام طيبه محبه صبوره تتحمل حالتها من غير ما تتافف او تمل وخوال طيبين يزورونها ويبينون حبهم لها ويدلعونها مثل يوم كانت صغيره ، حتي بشرى وحصه ماكانو يقصرون معها كانو يزورونها كل يوم ويجيبون معها حلويات ومفرحات وتفرجون معها افلام او يلعبون معها ،حتي نجد اللي عاشت معهم بعد ماجابها ثواب وسال امها : يمه في قلبك مكان لاختي نجد
موضي رق قلبها على نجد اللي صارت وحيده في دنيا ماترحم ، نجد مالها ذنب في اللي سواه سعود في وجد ، او اللي سوته امها في موضي واخوانها
كانت دائما بعيده مشغوله في دراستها وفي مستقبلها اللي معاد تدرين فين راح يوصلها بعد اللى صار
موضي فتحت يدها لنجد : هلا وغلا في بنتي نجد
موضي اللي تعرف قسوة الناس وظلمهم وحال الدنيا اللي يخوف ، مستحيل ترضي وحده ضعيفه مثل نجد تواجههم
اخذتها في حضنها وهي عازمه على حمايتها وحبها ورعايتها مثلها مثل ثواب ووجد