رجع عزيز ووجد لبيتهم واول مادخلوا راحوا لبيت ابو عياف سلموا عليهم بعدين راحوا لشقه موضي ، اللي اخذت بنتها في حضنها وصارت تبكي
عزيز : ليش تبكين ياعمه ، هذا بنتك قدامك طيبه مافيها شي ناقص
موضي : انا ما ابكي انا فرحانه ، كيفكم يمه عساكم بخير ، انبسطتوا سوء
وجد : ايه يمه مره
عزيز : بنتك كل شوي تهددني ترميني في البحر ، استفردت فيني بنت ثواب
ضربت وجد عزيز مع يده وارجعت لحضن امها : يمه شوفيه
موضي : عزيز ، مو قلت لا تزعلها ولا تخليها تعصب
ضحك عزيز : كذا الوضع اجل بروح اجيب امي تدافع عني
ضحى قعدت ثلاث ايام ماترد على مكالمات فايز او رسائله
وهو مستغرب ، متاكد انه ما زعلها ولا قال شي غلط ، ليش قاطعته ، ارسل لها : ضحى ، فيه شي ليش ماتردين علي
بعد خمس دقايق ردت : مافيه شي ، بس ليش نكلم بعض
فايز تاكد من رسالتها انها زعلانه عليه كتب : بينا اتفاق نحاول ننهيه
ضحى : فايز ارجوك خل نوقف لعب الاطفال هذا قبل يصير شي اكبر
فايز على طول دق عليها ، ما كانت بترد خصوصا ان فجر عندهم في البيت وخايفه تكشفها ، قفلت في وجهه وارسلت : لا تدق
فايز : ليش ، انا زعلتك في شي ضحى ارجوك ردي
رجع يدق ، سكرت ضحى باب الغرفة وردت بصوت واطي : وش تبغي
فايز : ليش زعلانه ، قولي لا تسكتين
ضحى : وليش تظن اني زعلانه
فايز : تسالين بعد ، انت مو ضحى اللي اعرفها واضح فيك شي ، انا زعلتك ،او احد كشفنا
ضحى صارت تبكي : شفت وش قلت كشفنا يعني اللي نسويه غلط يا فايز تكفي خلاص
فايز عارف انها حاليا منفعله وحساسه لكذا قال : بتركك الحين حتى تهدين وعقب نتكلم ، ما راح اعدي الموضوع لازم اعرف ايش فيك
ضحى : ابتسام
جمد فايز مكانه لدرجه انه حبس حتى انفاسه ، كملت ضحى : ابتسام اسمها صح ، زوجتك السابقة اللي باقي ماتخطيتها وقاعد تتسل معي او انك تبغاني اكون علاج لك
فايز شد على يديه واخذ نفس يهدي اعصابه وقال : اكلمك بعدين
وقفل الخط ، هذا اللي ما توقعه ابد ان ضحى تعرف بزواجه السابق وتفسر على كيفها
YOU ARE READING
الميت اللي بيننا حي
Romanceالموت لا يلغي وجود الشخص من حياتك ابدا ومهما حاولت ابعاده عن طريقك ، فهو يجد طريقه لك
