ام عياف جالسه وعياف وعزيز جالسين قدامها وسالم جالس بجنبها و حاضنها
عياف : يمه خلاص ، يكفي زعل صار لكم اسبوع متقاطعين ، بعدين ابوي على طول استرجعك
ام عياف بعصبيه : بس انا ما استرجعته
مسك عياف ضحكته : مو كذا يالغاليه
ماقدر عزيز يمسك ضحكته فانفجر يضحك بصوت عالي حاول عياف يوقف ضحكته بس ماقدر خاصه بعد ماضحك سالم من ضحك عزيز
ام عياف باحراج : انقلعوا عني ، انتم اصلا عيال ابوكم وانا الضعيفه بينكم
عزيز قرب من امه وصار يبوس يدينها بدون مايقول شي ، بعدين حط راسه على ارجولها وغمض عيونه وقال بتعب : يمه تكفين ، قلبي معاد يستحمل ذنوب ، يكفي الذنوب اللي شايلها
ام عياف : ماهي ذنوبك ، ذنوب ابوك وعمتك وعمك
عياف : طيب ليش انا ماتكلمتي
ام عياف : قالو ندفن الماضي ولا ننبشه ابد ، بس الجنيه وعمتها
زفر عزيز بقهر وام عياف نظرت في وجهه المهموم وقال : تبغاني ارجع لبوك ، طلق بنت موضي
رفع عزيز راسه وناظر في امه بقهر : يمه اذا طلقتها معاد اقدر احاسبها على اللي سوته ،وانا ابغى اذلها واقهرها مثل ماقهرتني يمه تكفين غير هذا الطلب
ام عياف : اصلا من اول وانا شاكه فيك انك ...
قاطعها عزيز : لا ،، لا يمه
عياف : طيب ليش متمسك فيها للحين
ام عياف : ماعليك منها اتركها وازوجك احسن منها ، وهذا اللي بيقهرها
عزيز : بتزوج بعد ما ارجعها تكفين يمه الحين خليني
سكتت ام عياف وتنهدت بقهر ، عزيز : يالله تعالي نروح البيت عاجبك وضع سالم ضايع بينكم
التفت لسالم وقال له : سالم تبغى امي ترجع للبيت
سالم : ايه علشان انام عندها
ام عياف : تنام عندي هنا
سالم : لا ابغى سريري
ام عياف : وليش ابوكم ماجاء
عياف : جاء يمه واكثر من مره بس انت رفضتي تطلعين له
عزيز : الحين ادق عليه واخليه يجيك وياخذك بنفسه
ام عياف باست سالم وقالت : مايحتاج ، برجع علشان سالم بس هو اللي تامر على قلبي
عياف قرب من امه وقال بحزن : وانا يمه
حضنته امه وقالت : انت ولدي الكبير وسندي واول فرحتي
دف عزيز عياف ونسدح في حضن امه وانا ولد البطه السوده
ام عياف : انت نور عينني ، بس الله يفكك منها
YOU ARE READING
الميت اللي بيننا حي
Romanceالموت لا يلغي وجود الشخص من حياتك ابدا ومهما حاولت ابعاده عن طريقك ، فهو يجد طريقه لك
