الميت اللي بيننا حي

خمسه وثلاثون

في شقة موضي كان ثواب موجود عندهم
وجد جالسه تسولف معه وتضحك وامها في المطبخ تشرف على العشاء
ثواب : ماعلى منك انا قلت على يعني على
وجد : تكفي لا تحرجني ثواب
ثواب : اي احراج يا اخت ثواب
طلعت موضي من المطبخ وقربت منهم ، ثواب اول ماشافها تقرب منهم قال : تعالي يا عمه اسمعي واحكمي بينا
جلست موضي واخذت كاست الشاي اللي مدتها لها وجد : مالي دخل بينكم اخ واخت تصافوا
وجد باحراج : يمه ثواب يبغى يتكفل بشهر العسل من تذاكر وفنادق يقول هدية منه
ناظرت موضي في ثواب باحراج : ليش يمك ، بعدين ليش شهر عسل ما يحتاج
ثواب : ليش مايحتاج ياعمه اختي عروس وكل عروس تحتاج شهر عسل ان شاء الله بتروح وتبسط
وجد : اكيد عزيز بيرفض
ابتسم ثواب : ماعليك من عزيز ، اعرف الوى يده ،فيك
ضحكت وجد باحراج
موضي : اجل عرسك على
ثواب : تم ، والعروسة موجودة وودي تخطبين لي
وجد : والله من سعيدة الحظ اللي فازت في قلب اخوي
ابتسم ثواب باحراج : قريبه
موضي : قول يامك ابشر من عيوني اخطب لك
ثواب بتردد : انا ،، مدري خايف
موضي : ليش خايف انت رجال والنعم فيك والكل يتشرف بنسبك
وجد : مين قول لا تستحي
ثواب : اخت هيثم الصغيرة
ثواب من اليوم اللي شافها فيها يوم كانت عند الدرج مع عمته ونجد ما طلعت من باله مع انها لمحه بسيطه لكن علقت في تفكيره وبعد يوم  قابلتهم في السوق وسلمت عليهم كيف كانت محترمه ومحتشمه ، ومن يومها وهو يفكر فيها ويدعي ربه تكون من نصيبه
شهقت وجد : حصه
ارتبك ثواب وخاف وناظر في عمته اللي ابتسمت له بحنان : والله زين ما اخترت يا ولدي ، وربي يتمم له
ثواب على طول قام وجلس جنب عمته وحضنها : الله يخليك لي انت ووجد
مسحت موضي على ظهره : ثواب والله انك غالي واني احبك مثل وجد
بعد ثواب عنها واخذ يدها يبوسها : وانا احبك واعتبرك امي
موضي : اجل نادني امي يا وليدي