الميت اللي بيننا حي

خمسون

بدا شهر رمضان شهر الرحمة والقران شهر تتجمع فيه قلوب الناس ويزول الزعل وتنتهي فيه القطيعه ، وكان اول يوم فطور في بيت ابو هيثم ، اللي اصر على ثواب يجي ويجيب معه وجد وموضي
كان يوم جمعه مافيه دوامات ، بس عزيز صحي من بدري صل صلاة الجمعة ورجع لغرفة ينام ، وبعد صلاة العصر جلس يقرأ قران ، دخل عليه سالم : انت صايم
ابتسم عزيز : ايه وانت
سالم : انا بعد ، صمت وبعد الصلاة امي تسوي الفطور
عزيز : تعال اجلس بجنبي
جلس سالم بجنب عزيز ورجع عزيز يقرأ القران ، انتبه ان سالم كان هادى مره التفت له شافه نايم وهو جالس
سدحه على السرير وغطاه ، ونزل المصحف وطلع من غرفة
وهو يحجز ورد لوجد ، من يوم طلعت من المستشفي وهو يرسل لها كل يوم باقة ورد ويكتب لها شعر وعبارات حلوه ، علشان تتعافي وعلشان يخفف من الشوق اللي في داخله لها

وجد نايمه بس صحت على صوت نجد تصحيها : وجد ، وجد قومي جاتك باقة ورد
زفرت وجد بعصبيه ،سحبت الكرت من نجد تقرأ اللي مكتوب فيه :
عســـى السعاده ماتفارق حناياك
‏متعلقه في مبسمــك ماتخليـك
راحه وفرحه ياعساهـا ماتعداك
‏تستوطن احساسك وتسكن نواحيك
وجد في داخلها : انا مو غبيه وانت حسابك معي يا سحاب ،
سحبت درج الكومدينه وحطت الكرت مع الكروت الثانية واخذت الباقة تناظر فيها اليوم لون الورد وردي جميل
نجد : وجد عمتي تقول ان الفطور عند بيت خالك ابو هيثم انا صعبه اروح ، تكفين اقنعي ثواب وعمتي
وجد : اذا ما انت رايحه انا بعد ما راح اروح اصلا حتي انا مو متحمسه وانا هذا شكلي . واشرت على رجلها ويدها الملفوفه
موضي دخلت عليهن : كلكن بناتي وراح تروحن معي والحين ، كل وحده تدخل المطبخ وتسوي لها صنف حلا لاني قلت لام هيثم الحلا علينا ، والشغاله راح تكوي درعاتنا
وجد بتعب : يمه ، شوفي حالي كيف بسوي حلا
نجد : انا اسوي ياعمه
موضي : قومي بلا دلع سوي حلا سهل وانا اساعدك