الميت اللي بيننا حي

الرابع

بدات السنه الجديدة للجميع وهي مليانه تغيرات وتحديات كثيرة
الشباب فتحوا لهم مقهى قريب من المعرض ، لان فهد يعشق القهوة مره تكفل هو في كل امور البن سافر للبرازيل يجيب افضل انواع البن وايضا راح تانازانيا واثيوبيا وطلب من مصممة ديكور تهتم في كل التفاصيل
كانت المصممة بنت مبتدئة في مجالها وهذا اللي حمس فهد لها اكثر لانها تذكره بنفسه وبطموحه قابلها في مكتبهم اللي في المعرض الاول ، كانت بنت منقبه ، لكن عيونها قدرت تاسر فهد وصوتها الثابت المليان ثقه اعجبته مره
فهد : انا متحمس مره للعمل معك وعندي احساس بتقدرين توصلين للي احلم فيه يا استاذة فجر
فجر : بس ارجو ان الشركاء الاخرين مايدخلون اذا ما اعجبهم التصميم لاني صممته على شخصيتك
أحمد : هذا بلا ابوك ياعقاب
التفتت له فجر بعصبيه : عفوا
أحمد : اسف ، كنت امزح مع فهد
نظر أحمد في عزيز بخوف ، ابتسم عزيز بس اول ما التفتت له فجر سكت
فهد : الشباب من البداية وانا قايل لهم ان المقهى انا المسؤل عنه ، وهم مالهم الا كوب قهوة كل صباح
أحمد : كثر خيرك يا الخوي
فجر وقفت تبغو تطلع ، بس فهد قال : اسمعي اذا ما يتعبك الموضوع ، ممكن ترسلين كل خطوة في التصميم
فجر : اسفه انا ارسل التصميم كامل اولا وعقب تحدد انت اللي مو عاجبك ونحاول نغيره ، لان التغير في البدايات يخرط ترابط التصميم
فهد باحراج : تمام اللي يريحك