الميت اللي بيننا حي

ثمانية واربعون

أحمد في غرفته يشيك على الايملات  ويشرب قهوته قبل يروح الدوام  ، وصلت له رساله من فايز اخو ياسر ، يطلب يقابله ضروري اليوم في اي مكان بس يتمني يكون بعد ساعتين
ارسل له أحمد : تمام انتظرك في المكتب
فايز رد : يفضل مكان بعيد عن العمل
اختار أحمد غرفة الاجتماعات اللي في الكوفي ، طلع للعمل
يخلص الاشياء الضرورية وبعدين توجه يقابل فايز
حصله ينتظره ، سلم عليه واخذ اخباره واخبار الاهل
بعدين سال سوال غريب صدمه أحمد تماما : فجر البنت اللي اشتغلت معكم مره ، تعرفها

الدكتور بعد ماكشف على وجد وشاف نتائج التحاليل والاشعة ، على راسها ورجلها ويدها المكسوره كانت كلها زينه ، حتي التورم اللي في جسمها خف ، كتب لها خروج ، مع تقديم نصائح لها وتحديد موعد الاسبوع الجاي
وجد على طول طلبت من امها تدقت على ثواب تبلغه وتطلب منه يجي ياخذهم ، دخلت عليهم الممرضه وهي شايله باقة ورد بيضاء ، اعطتها وجد وهي تبتسم لها ، اخذت  وجد الورد تدور على الكرت ، حصلته كان مكتوب فيه :
عسى المرض بالدار ماعاد ينشاف
‏ويبقى الفرح لوجد في كل حي ومدينه

قربت موضي تاخذ الكرت ، وجد : شكلهم ناسين يكتبون الاسم المرسل
دخلت سحاب وهي تبتسم : يقولون بتروحين عنا اليوم
موضي : وش نبغى نقعد عندكم اكثر خلاص وجد طيبه الحمدالله وبيتها موجود
سحاب : الحمدالله على السلامه ، خارجه من الشر يا وجد ، الله ورد اعجبك
وجد : مره تجنن ، بس مو مكتوب فيه اسم المرسل
سحاب بصدمه : بالله ، حسبي عليهم ، وانا ماكده عليهم يكتبون الاسم
وجد : منك
سحاب : ايه اعجبتك ، وترى كل يوم برسل لك وبعد فيه هدية تستناك في البيت
وجد : بالله ، شكرا سحاب والله انك افضل صديقه
حضنت سحاب وجد وتركتها تتجهز علشان تروح البيت