الميت اللي بيننا حي

ثلاثة وثلاثون

وجد اول ماصحت من النوم كتبت لعزيز : لا تعلم احد عن قراري اول بعلم امي وابغاك تكون موجد ، لكذا تعال تعشي معنا الليلة
سكرت وطلعت تتغدا مع امها بعد ماصلت الظهر
بعد الغداء دخلت امها تقيلي وهي راح للمطبخ تسوي كيك وحلا ، وعلى صلاة العصر تسبحت و استشورت شعرها
وطلعت لامها وقالت بخجل : يمه ترى عزيز بيجي يتعشى معنا الليلة
موضي : وش عنده
وجد : انا عزمته ، الليلة بقول قراري اللي اتخذته
موضي : الله يقدم اللي فيه خير
موضي عرفت قرارها قبل ما تقوله من اللي قاعده تسويه وجد حاليا حلا وكيك وفطائر و تنظيف للبيت وطبخها العشاء بنفسها وكشختها ، دعت الله ان يسخر لها عزيز ويسعدهم في حياتهم

سحاب توجهت للكوفي وحصلت أحمد ينتظرها ، على طول اخذها لفوق وطلب لهم قهوة سعودية وحلا ، لانه لما سال سحاب وش تبغين ردت عليه : ولا شي ، اخلص قول اللي عندك
أحمد : انتظري
جات القهوة والحلا وقام أحمد قفل الباب عليهم ، خافت سحاب من حركته وبدات تناظر يمين ويسار
أحمد : خايفة
سحاب : لا
أحمد : انا اسف ، عارف ان كل الاسف اللي في العالم ما راح يخفف عليك الزعل ، بس اذا عرفتي ان اللي سويته كان بسبب الغيرة
رفعت سحاب راسها تناظر في أحمد مصدومه
أحمد : انا اول ماشفتك في لندن  وانت تقرأين كتاب في المقهى ملكتي تفكيري جلست اتاملك بدون وعي حتى اني ماستوعب  هجوم عزيز عليكم الا متاخر ، انا حتى وانا مصاب وطايح على الارض تخيلتك جالسه قدامي وتتكلمين معي
قاطعته سحاب : مو خيال ، كان حقيقة كنت احاول اسعفك
ابتسم أحمد : وفي المستشفي وخدعتك لي و حبسك انت ووجد في المطبخ ، واهتمامك فيني ، سحاب انا كنت مسحور فيك ومقهور انك صديقة وجد وهذا يعني اني لازم اكون في طرف العدو  واساعد صديقي حتى لو خسرتك
سحاب انا وافقت على الزواج ورفضت الشوفة الشرعيه علشان كنت اقول لنفسي : علشان ترتاح من التفكير فيها وتخيلها كل مره لازم تتزوج ، و اول ماشفتك بغيت انهبل زين ماصرخت قدام الكل وقلت : هذا اللي احلم فيها من زمان ، سحاب انا في المستشفي سمعت تكلمين وجد عن اليكس وللاسف عقلي فكر بشي ثاني
قاطعته سحاب بغيض : لان عقلك وسخ
ضحك أحمد وقال بخبث: جدا لو تدرين الحين وش افكر فيه
وعض على شفته ، ارتبكت سحاب وناظرت في الباب
أحمد : لا تخافين ما راح اتهور
سحاب : ليش سالت والله كلامك جرحني يا أحمد انت شككت في ترتبيه ابوي واخلاقي
أحمد : اسف بس ماقدرت اسكت وعقلي مشغول بكلامك انا حاولت اسال من غير مايجرحك سوالي بس انا دفش ما اعرف اتكلم
ابتسمت سحاب : والله انك تعرف يا كذاب نسيت كيف اقنعتني اساعدك في لندن
ضحك أحمد : من الغيره وقفت عقلي، سحاب والله اني احبك وابغاك
سحاب : ليش ما تتواصل معي
أحمد : لاني غبي ، ولاني كنت خايف اسال او اقول لك شي غلط
سحاب بحزن : يعني ماتثق فيني
أحمد : سحاب لو انت في مكاني وسمعتي اقول كلام مو مفهوم
سحاب بعصبيه : الكلام كان عادي انت اللي فسرته على خسب تفكيرك
أحمد : قلت لك عقلي وسخ  
سحاب : اخاف يا أحمد
أحمد : من ايش
سحاب : اخاف باقي شك في داخلك واخاف انا من جرحي لايفتح من جديد
أحمد : قلت لك بس موضوع اليكس اللي كان متعبني ولا  انت كامله من جميع النواحي
سحاب : تقول لاني صديقة وجد راح توقف في صف العدو
أحمد : الحين يخسون اقف مع احد منهم ، انا بوقف معك انت بس لو تقولين اترك عزيز ، تركته
ضحك سحاب وقال أحمد : بس انت ما راح تقولين اتركه ، عزيز ماله صديق غيرى خاصه بعد وفاة فهد
سحاب : ما راح اقول اتركه ، بس ما راح تمنعني اوقف مع صديقتي اذا احتاجت لي
أحمد : اكيد ، والحين
قام أحمد من مكانه وتوجه يجلس بجنب سحاب اللي قلب وجهها احمر من الاحراج ، مسك أحمد يدها وباسها وسال : تصافينا
سحاب : مدري
أحمد : كيف ما تدرين
سحاب : أحمد قلبي عورني من كلامك
أحمد بحب : سلامتك قلبك يا قلب أحمد ، وعدتك ما راح ازعلك
سحاب : اي فكره تخطر على بالك او شك لازم تشيلها من عقلك ، انا بنت عاقله صنت نفسي وحفظت على سمعة اهلي ولا خذلت ابوي ابد
أحمد مسح جبهته وقال : باح
ابتسمت سحاب بخجل
أحمد : تصافينا
سحاب بخجل : تصافينا 
أحمد ماقدر يمسك نفسه على طول باسها في خدها وهمس : احبك