My Wife Is My Mistress( Filipino Version)

Chapter 54: Maalpit na sa katotohanan

Tumingin si Jenny sa paligid. Napapaligiran siya ng mga tauhan ni Mrs. Helson. Nagtataka ang ina ni Jester kung bakit biglang sumulpot sa kaniya si Jenny gayong nasabi na sa kaniya ng kaniyang anak na sina Jenny at Jason ay kinidnap ng kaniyang kaaway na si Jane. Gayunpaman, binawi niya ang mga binitiwang salita dahil binibiro lang niya ang babae.

"Joke lang Jen. Ang seryoso mo. Ngayong nandito ka, ibig sabihin nakatakas ka na sa mga kamay ni Jane? Kung ganoon talaga ang nangyari, ayos lang. Ihahatid na kita. Just get in my car," wikaniya, at nag-alok ng kaniyang kabaitan ang kaniyang manugang.

Tumango lang si Jenny at sinenyasan ang mga kasama niya na sumakay na sa sasakyan. Hindi siya nagsasalita ng mga oras na iyon. Napansin niyang maraming tanong ang nanay ni Jester na para bang pinipilit siyang magsabi ng totoo. Nakakainis man ang biyenan niya ay tinakpan lang niya ang tenga habang natahimik. Hindi niya sinagot ang mga tanong ng babae, bagkus ay nagkunwaring bingi lang.

Makalipas ang isang araw, walang natanggap na balita si Jester mula sa kan'yang ina. Hinanap niya kung saan maaring pumunta ang babae, ngunit hindi niya ito makita. Marami na siyang naitanong kung saan huling nagpunta ang kan'yang ina, ngunit lahat sila ay walang sagot. Sabay ding nawala ang mga tanod at hindi na makontak. Nami-miss ng lalaki ng sobra ang kan'yang ina.

Samantala, nabalitaan niya ang paghahanap sa kan'yang dating asawa. Pumunta siya sa police station. Tinanong niya ang isang pulis na nakatalaga sa paghahanap, ngunit lahat sila ay tumugon nang negatibo. Duda ang lalaki na hawak nga ni Jane ang kaniyang pamilya, maliban sa kan'yang ama, na naka-confine sa ospital. Wala siyang ibang maisip na paraan para mailabas ang kaniyang kalaban sa lungga na iyon kundi gamitin ang nakakulong nilang si Arianne, kapatid ni Jane.

Mula nang tumakas si Jane at hindi nagpakita sa mga awtoridad, inaresto nila si Arianne sa kaniyang pinagtatrabahuan bilang bihag. Ang dalaga ang nagsilbing pain nila, para pilitin si Jane na isuko ang sarili sa batas. Kinasuhan ang babae ng criminal threat at oral defamation dahil binantaan daw niya si Mrs. Helson at siniraan siya, na nagresulta sa pagkasira ng kaniyang reputasyon. Kaya, naging wanted si Jane sa buong New York.

Pinuntahan ni Jester ang kaniyang preso sa kanilang bakanteng bahay. Doon, pinilit niya ang babae na magsalita tungkol sa totoong plano ni Jane.

"Sabihin mo sa akin, ano ang binabalak ng ate mo, ha? Bakit parang halos lahat ng kapamilya ko ay nahuhuli niya?" tanong niya, habang kino-corner niya ang babae.

Sabi ng matapang na babae, "Kahit na makuha mo ang buhay ko bilang kabayaran sa mga kasalanan ng kapatid ko, hinding-hindi ko siya ipagkakanulo kahit anong mangyari. Wala kang mapapala sa akin."

Halatang-halata sa mukha ng babae na mahina siya, pero lumalaban pa rin siya para makita ulit ang kapatid kung sakaling maalis siya roon. Ilang beses din siyang binantaan ni Jester na magsasalita, ngunit wala pa ring ibinunyag ang ginang sa lalaki. Nagpatuloy pa rin siya sa pagtatakip ng sarili para sa kapatid.

Samantala, habang pinipisil-pisil pa ni Jester si Arianne, si Mrs.Helson ay natatakpan ng mga pasa sa mukha at katawan, at hawak-hawak na siya ni Jane. Ang kaniyang bihag ay patuloy na sumisigaw, nagmumura, at nagbabantang papatayin si Jane kapag siya ay tumakas mula roon. Tinawanan lang siya ni Jane dahil alam niyang hindi siya makakaalis sa pagkakatali nito.

Ang mga kasama ng mayamang babae, na ikinulong at iginapos ni Jane, ay ang kaniyang mga bodyguard at driver, na alam kung saan huling nagpunta ang babae. Kaya, hindi mahanap ni Jester ang sagot sa kaniyang mga tanong dahil lahat ng tauhan ng kaniyang ina ay hawak ni Jane.

"Fuc* you, Jane. Hindi ka magtatagumpay sa plano mong sirain ang pamilya ko. Sigurado akong mabubulok ka sa kulungan!" sigaw ni Mrs. Helson, habang pilit na pumipiglas sa kaniyang tali.

Lumapit si Jane sa kaniya. Ipinakita niya ang video ng babaeng itinulak siya sa tulay noong nakaraang insidente.

"Napanood mo na ba ito nang maayos? Sabihin mo sa akin, sino ang mabubulok sa kulungan? Hindi ba ikaw dapat, mommy?"

"Nakakainis ka talaga, Jane. Naghahanap ka lang ng butas sa akin para maabsuwelto ka sa mga kaso mo laban sa akin. Anyway, hawak namin ang kapatid mo, kaya wag kang makampante na mananalo ang tauhan mo, dahil 'di natin alam kung hindi iyon gagalawin ng mga tauhan ko." Tumawa si Mrs. Helson, pagkatapos ng pahayag na iyon, habang nag-iinit sa galit ang kaniyang kalaban.

"Subukan lang nilang galawin ang kapatid ko, kung ayaw ka nilang dalawin sa puntod mo!" galit na pagsasalita ni Jane, habang nakaturo ang kaniyang daliri sa babae.

Laking gulat ni Jester nang mabasa na tumawag ang kaniyang asawa. Masaya siyang ngumiti habang binibilisan ang mga daliri para sagutin ang tawag.

"Babe, nasaan ka? Kamusta ka? Okay ka lang?" Kitang-kita sa kaniyang mukha ang kaniyang pananabik na sa wakas ay nakipag-ugnayan na sa kaniya ang kaniyang asawa tungkol sa kaniyang matinding pagkabalisa.

"Babe, Tulungan mo ako? Papatayin niya kami!" naiiyak na pakiusap ng babaeng asawa sa kabilang linya.

Ilang saglit pa, narinig ni Jester na may humablot sa phone ng kaniyang asawa, ngunit hindi niya matukoy kung sino iyon. Muling bumabalik ang kaniyang mga alalahanin na nasa panganib ang kaniyang pamilya, dahil narinig niya ang tungkol sa paghingi ng tulong.

"Hello, Jester. Kung gusto mong makita ang pamilya mo na humihinga pa, pumunta ka sa address na ipapadala ko sa 'yo. Dapat ikaw lang ang makapasok sa lugar, maliban kay Arianne, na gagamitin mong kapalit sa pamilya mo. Don't mess with me. I know your every move, so don't try to make a move against me," matapang na sabi ni Jane.

Desidido si Jane na ipagpalit ang pamilya ni Jester para lang makapiling muli ang kapatid. May Jason na siya, kaya magiging kumpleto sila kapag nakuha na niya si Arianne sa dating asawa. Gayunpaman, inihahanda pa rin niya ang kaniyang sarili para sa kaniyang malaking pagbubunyag kay Jester, isang pagsabog na magpapabago sa pag-asa ng lalaki.

Kinaumagahan, inutusan ni Jester ang kan'yang mga tauhan na bihisan nang maayos ang kanilang bilanggo upang maipagpalit niya ito sa pakikipagkita nila kay Jane. Kinakabahan, nalilito, at hindi mapakali ang lalaki sa gagawin. Hiniling pa niya kay Theo ang tamang gawin. At iyon, pinayuhan siyang magdala ng special action force sakaling magbago ang plano ni Jane sa kan'yang pamilya.

Isinakripisyo na ng lalaki ang kan'yang sarili para sa mapanganib na oras na iyon. Nag-alok pa ng tulong ang mga shareholder, at tinanggap niya ito. Tuso talaga ang CEO. Gusto pa niyang subukin talaga ang kaniyang kalaban. Gayunpaman, paano kung si Jane ay bumagsak sa kaniyang plano? Well, inaasahan niyang magdadala ng backup ang lalaki. Anyway, handa na siya sa kaniyang pasabog, at kung siya ay mahuli at makukulong, marami siyang naipaghiganti na.

Sa bilis ng orasan, dumating na ang eksaktong oras para sa permanenteng pagkikita nina Jane at Jester kasama ang kanilang mga bihag. Iminungkahi ni Jane na pumunta ang lalaki sa kan'yang hideout kasama ang babaeng hiniling niya, at napagkasunduan nila ito. Habang naglalakad siya sa paligid, tahimik na nakatago sa likod niya ang backup niya.

Pinasok niya ang room number, na tinext ni Jane, kung nasaan siya. Pagpasok niya sa loob, sumigaw agad si Arianne, "Ate?"

Agad namang lumingon ang babae, dahil natulala si Jester sa kan'yang nakita.