My Wife Is My Mistress( Filipino Version)

Chapter 47: Pagkalito Ng Kaniyang Isipan

Bumalik na si Jane sa kumpanyang pinagtatrabahuan niya, mula sa Helson-B Equipment Maker Company. Pagpasok niya sa gusali, awtomatiko siyang humiling ng emergency meeting para sa lahat ng empleyado. Inihatid niya sa komite ang mahahalagang detalye na natanggap niya sa pulong; pumasok sa isip niya ang mga bagay na nag-uugnay sa kaniya.

Nahihirapan siya sa kan'yang iniisip, ngunit napansin ng mga abogado sa kan'yang harapan ang kaniyang paraan ng pagsasalita. At iyon ang nag-udyok sa kanila na tanungin ang babaeng nasa kalagitnaan ng kaniyang pagsasalita sa harapan nila.

"Ms. Jane," sabi ng lalaki, sabay taas ng kanang kamay. Ibinaling ng babae ang tingin sa kaniya at pagkatapos ay sinabi ng lalaki, "Alam namin na malayo ang narating ng iyong karanasan sa mga Helson, lalo na sa kanilang anak na si Jester. Sa uri ng pagbabahagi mo sa amin noong nakaraang linggo, napakalinaw na nag-aalala kami sa iyong kalagayan. Okay ka lang ba ngayon?" tanong ng isa sa pinakamahuhusay na abogado ng kompanya.

Ibinaba ng sekretarya ang kaniyang tingin sa mesa. Malungkot ang mukha niya. Halata sa lahat na may malalim siyang naaalala sa kaniyang maling gawain. Gayunpaman, hindi niya hinayaang patuloy na pagdudahan siya ng mga abogadong iyon at nanatili lamang upang ipagtanggol ang sarili. Natatakot lang siyang sisihin ang sarili at matanggal din sa trabaho.
 
Maya-maya ay binalik niya ang tingin sa lalaki sabay ngiti at sumagot, "I'm fine. Matagal ko nang tinapos ang relasyon namin ng ex-husband ko, kaya hindi big deal  siya sa akin."

"Pero alam din namin na sinubukan ka ni Mrs. Helson na patayin. Minsan mo na itong ibinahagi sa amin noong isang araw. Kaya, gusto lang naming ipaalam sa iyo na kakampi mo kami. Maaari mong sabihin sa amin ang iyong mga sikreto at ipinapangako namin na itatago namin ang lahat ng ito at ipagtatanggol ka namin anuman ang mangyari," mungkahi ng CEO ng law firm na dumalo rin sa pulong.

Nagdadalawang-isip pa si Jane na ibahagi ang kaniyang nalalaman tungkol sa kaso na kanilang hinahawakan. Hindi sa wala siyang tiwala sa kaniyang mga kasamahan, ngunit nagtaka rin siya kung bakit nalaman nila ang pagtatangka ng ina ni Jester na patayin siya at kung sino ang nagsabi sa kanila. Pinaalalahanan niya ang kaniyang sarili na ni minsan ay hindi niya binuksan sa sinumang empleyado ng kompanya ang tungkol sa sakit na naranasan niya sa pamilyang Helson. Kaya, mas naging palaisipan sa kaniya ang bagay na iyon.

Nanahimik lang siya at ngumiti sa kanilang lahat, at ilang sandali pa ay nagpatuloy ang kaniyang diskusyon. Natigilan lang ang lahat na hindi niya pinansin ang pahayag ng CEO hanggang sa matapos ang buong turn niya. Walang magawa ang kanilang amo kundi ang pag-usapan at lutasin ang kaso na kanilang haharapin. Itinalaga ng pinakamataas na opisyal ng firm ang abogadong hahawak ng bagong kaso at ang kaniyang kasamahan. Siyempre, gaya ng inaasahan, kasama si Jane sa pagsama sa abogadong hahawak ng kaso bilang kalihim nito.

Ang napiling abogado ay isa sa pinakamalapit na empleyado ng babae doon. Kung matatandaan, isa si Danvic Virusko sa mga tagapagsalita sa bidding na hindi nakarating sa venue dahil sa emergency sa kalye. Siya ay itinalaga upang pangasiwaan ang kaso ni Gng. Helson at mangangalap ng impormasyon na maaaring magamit laban sa mga pinaghihinalaang empleyado na kinasuhan ni Helson at ng koponan.

Pagkatapos ng pulong, kinausap ni Jane ang abogadong iyon tungkol sa isang tanong na gumugulo sa kaniyang isipan. Lumapit ito sa kaniya sa designated table malapit sa poste nito at umupo sa harapan nito.
   
"Attorney, may itatanong lang sana ako."

"Ano 'yan?" Itinabi ng abogado ang kaniyang telepono para aliwin ang sekretarya.

"Gusto ko lang itanong kung kailan ko sinabi sa 'yo ang tungkol sa atraso ni Mrs. Helson sa akin?" Tumindig ang balahibo ng lalaki, na parang nakaamoy ng kakaibang buntong-hininga mula sa kausap.

"Hindi mo ba natatandaan? Nang makuha namin ang resulta ng bidding na ginanap noong nakaraang linggo, nagpatawag ng meeting si boss para batiin kaming lahat. Lumabas ka pa nga saglit dahil pupunta ka sa comfort room, at nang ikaw ay bumalik mula roon, ibinahagi mo na sa amin iyon."

Agad na nanlaki ang mga mata ni Jane, at kinabahan siya sa narinig. Hinawakan niya ang kaniyang noo at pinunasan ito ng mariin, nag-isip sandali bago nagsimulang magbigay ng panig niya. Ang totoo, hindi siya ang nagpakalat ng kaniyang sikreto.

Ito ay isang tao na gumamit ng kaniyang mukha sa pamamagitan ng paggamit ng mukha ng isang pekeng plastic surgeon. She recalled that time, she went to the toilet kasi feeling niya natatae siya. Hindi na siya nakabalik sa meeting dahil nag-emergency exit siya sa trabaho kaninang araw na iyon dahil hindi na talaga kaya ng katawan niya.

Napagtanto niya na dalawa lang ang maaaring gumaya sa kaniya noon. It was either Arrianne, her sister, or Lila, kasi ginagaya niya dati ang mukha ni Jenny sa eksaktong hugis nito. Marami pa siyang itinanong sa kaibigang abogado hanggang sa nagulat siya na wala ni isang beses na pumasok ang impostor sa kanilang firm kundi maraming beses nga.

"Teka, anong ibig mong sabihin? Nasabi mo na ba sa akin na hindi ikaw 'yong nakilala natin lately na minsan kakaiba ang usapan?" tanong ni Danvic, na halatang naiintriga sa kaibigan.

"Yeah. Please don't tell anyone about this, okay? Ayokong pag-isipan nila ako ng masama," sabi ni Jane, habang lumilinga-linga pa rin sa likuran niya, pinapanood na baka may makarinig sa kanila.

Tumango lang ang lalaki. Nakita ni Jane ang tanda sa mukha ng abogado ng isang mapagkakatiwalaan at mabuting pakikinig na kaibigan sa kaniyang mga hinaing. Sa kanilang pagsasama bilang magkaibigan, ni minsan ay hindi sila nag-away dahil sa kaniya. Sa halip, puro kabutihan ang ibinigay niya rito. Kaya, nagpasya siyang ibahagi ang kan'yang panig batay sa  nalalaman nito tungkol sa bagong kaso ng abogado. Subalit, nang magsimula na siyang magsalita, may biglang tumawag sa kaibigan niya sa Skype.

Naghintay siya ng limang minuto upang tapusin ang kanilang tawag, ngunit nawalan siya ng interes na ibahagi dahil naunawaan niyang hindi ito ang perpektong oras. Kakaalis niya lang. May ibang kausap si Danvic online at bumalik sa table niya. Malapit ang poste sa kanilang dalawa kaya madali siyang bumalik sa kaniyang upuan.

Habang nakaupo siya sa kaniyang naitataas na upuan, ipinikit niya ang kaniyang mga mata, nanalangin sa Diyos na bigyan siya ng sapat na talino upang malampasan ang problemang kaniyang kinakaharap. Maya-maya pa ay may nagtext sa phone niya since nag-ring ito.

Bigla siyang napatayo nang mabasa ang, "Ate, nakatakas sila," mensahe ng kan'yang nakababatang kapatid.

"Ano ang—?" sigaw niya, kinakalikot sa upuan niya.

She replied to that message with, "Mamaya na lang tayo mag-usap. Nasa trabaho pa ako."

Muling nagtaka sa kaniya kung sino ang lalaking kalaban niya. Sigurado siyang mapagkakatiwalaan niya ang mga guwardiya na itinalaga ng kaibigan niyang si Lila. Galing pa rin sa mayaman na nobyo ni Lila ang tatlong lalaking iyon, kaya binayaran sila ng malaki, at pumirma pa sila ng kontrata na kahit anong mangyari, sa amo lang ang kanilang loyalty.

Gayunpaman, ang twist dilemma ay kung sino kaya ang taong nasa likod ng pagpapalaya nina Jester at Jenny sa kani-kanilang kuwarto?