♡︎-𝗛𝗘𝗔𝗥𝗧𝗕𝗘𝗔𝗧-♡︎

-16-

Unicode-

ရုံထဲက ထွက်လာတော့ တစ်ခုခုသွားစားရအောင် ဆိုတဲ့ Jungkookကြောင့် စား‌သောက်ဆိုင်တွေနဲ့ပြည့်နေတဲ့ ဆိုင်တန်းတွေဘက်ရောက်လာတယ် ။

ချစ်ရသူနဲ့နှစ်ယောက်အတူစားဖို့အတွက်ဆို ကိုရီးယားအမဲသားကင် ကအရသာအရှိဆုံးပဲမဟုတ်လား ။

ရောက်လာတဲ့ အသားလွှာတွေကို မီးဖိုပေါ်တင်ပြီး သေချာလေးကင်နေတဲ့ Taehyungက ကျက်သွားတဲ့ အသားတစ်ဖတ်ကို သေချာမှုတ်ပြီး Jungkookပါးစပ်နားတေ့ပေးတော့ ပြုံးစိစိနဲ့ စားလိုက်တယ် ။

Jungkookက သဘောကျတာကြောင့် ဖုန်းလေးထုတ်ပြီး သူ့ရှေ့က ထယ်ကို ဓာတ်ပုံရိုက်ထားမိလိုက်တယ် ။စားနေရင်း ဓာတ်ပုံအရိုက်ခံလိုက်ရတဲ့ Taehyungက ပလုပ်ပလောင်းနဲ့မော့ကြည့်လာတော့ ပြည့်နေတဲ့ပါးက ဖောင်းကားနေရောပဲ ။

" ဘာရယ်တာလဲ ? "

ခေါင်းခါပြလိုက်တော့ သူ့ဆီမျက်စောင်းနုနုရောက်ရှိလာပြီးနောက် ထယ်က အသားကင်ကိုသာဆက်စားနေတော့တယ်။

______________________________

‌လျှောက်လည်လို့ဝတော့ Jungkookက Taehyungကို ကွန်ဒိုအထိလိုက်ပို့ပြီးမှ အိမ်ပြန်တယ် ။

အပြင်ကပြန်လာပြီး သီချင်းလေးညည်းပြီး အိမ်ထဲဝင်လာတဲ့ သားကြောင့် မာမီကတော့ ရင်တမမပါပဲ ။ သားလေးတစ်ကောင် မျောက်တစ်ထောင်မွေးထားရသလို တစိတ်ရှိ ဒီသားတစ်ယောက်ကိုပဲ လိုက်ကြည့်နေရတယ်။

" တစ်မနက်လုံးကိုပျောက်နေတာ... လျှောက်သွားနေတော့တာပဲ.. "

" ဟဲဟဲ..မာမီကလဲ.. "

" မာမီကမလဲဘူး..သွား ရေမိုးချိုးပြီး ထမင်းလာစားတော့..မင်း ဒယ်ဒီပြန်လာတော့မှာ "

" ဟုတ်..မာမီ "

အခန်းထဲဝင် ရေမိုးချိုးသန့်စင်ပြီးတော့ ထယ့်ဆီဖုန်းခေါ်လိုက်တယ် ။ ဒီချိန်လောက်ဆို ထယ် နားလောက်ပြီ ။

" ဟယ်လို ထယ်! "

* ခုမှ အိမ်ပြန်ရောက်တာလား *

" မဟုတ်ပါဘူး..ရေချိုးနေလို့ပါ "

* ပြန်ရောက်တာနဲ့ ဖုန်းဆက်ဆိုတာကို.. *