في شوفتك سالت دموع العين من فرحها

البارت السادس

الساعه 8:38
بين السوالفه فتحة سالفه عن المغنين واسامي مغنين واغاني
ابو وايل تنهد : تذكرت جلستنا ببيت ابو فرح وتغني لنا يالله يليت ترجع ذيك الايام
الجد ناصر  : الله يرحمك يابو فرح اكثر شخص عانا معنا هو ،
كانو العيال منجذبين لموضوعهم ومركزين
ابو وايل : ههههههه تذكرت يم قفطوك
الجد ناصر لف وجه عن ابو وايل : هههههههههههه هذا ماينسى
ابو مسفر : وعانك تزوجتها الله يخليكم لبعض
سعود بصدمه  : اما يبه تزوجت امي عن حب !
ابو وايل : يم كان شباب كان شخص ثاني عن الحين ، شخص ذابحه الحب كان احن شخص بيننا الحين اعوذ بالله
ابو مسفر : طلبتك يخوي غن نفس قبل
الجد ناصر : يوهه ناسي الاغاني
سلمان : يبه في كلمات تكون بالجوال
خالد : خالي سلمان حط كلمات خالد عبدالرحمن وسعود يعزف بالعود
سلمان حط كلمات خالد ومجيد بدا يصور ،
سعود بدا يعزف
الجد ناصر :
وشلون مااغليك
وانت الذي علمتني حبك
ياهاجسييي ... عشقيي عيونك
إسأل .... وتقرا الجواب
في ناظرة عيونييي
تصوير لاجمل عذاب
حبك يامفتوني
سعود حس ان ابوه تعب وكمل عنه :
تلقى حياتي كلها لذة غرام
مهما سهر طرفي
أو جارت ظروفي
أو عشت انا الحرمان
تلقى حياتي كلها لذة غرام
....
بدو يصفقون
ابو وايل : يالله
طلال : ماشاءالله
وليد : تبارك الرحمن
عساف : ماشاءالله ياعم صوتك فنانن
غسان : الاب والولد ماشاءالله
سلمان الي دقو عليه يجي يودي العشاء ووقف واشر على : سعود جابر وسند تعالو معي
مجيد :  وانا؟
سلمان : تبي تشتغل تعال
مجيد : اجل الله يستر عليكم ان شاء الله ماتعطلون
ابو حور ناظره بطرف عين : قمم تبي عمانك يشتغلون وانت تقعد ؟
مجيد فز : ابشر
عند سعود الي درعم على المطبخ بدون ينبه : يليلي تخيلي انا وابو
قاطعه الي كانت واقفه قدامه وطاح منها قوارير المويه ولف سعود وهي راحت جوا
ليالي : سعود انت هنا تو ارجوان طلعت تركض من المطبخ لايكون ؟
سعود توتر : ها وشو ؟
ليالي ضحكت : يالله ناد العيال وتعالو شيلو العشاء
طلعو البنات من المطبخ ودخلو العيال وودو العشاء وتعشى الكل وراح كل واحد ينام
عند البنات
ليالي : بنات خالي سلمان قالي بكلمك بموضوع وللحين ماجاء
ريتال : دقي عليه
حور : لا لاتدقي يمكن مشغول مع الريجيل
دق جوال ريتال : هلا خالد ، تبي دارين ؟ ، طيب الحين بطلعها لك ،
ليالي : دارين يمكن نايمه
ريتال : معليه بشيلها اوديها له لي يومين ماشافها
حور : يالله شقد احب علاقته ببنته ووشكثر يحبها، لدرجه وقف حياته عشانها
ريتال غمزت لها : شرايك ازوجك له
حور وهي تحاول تغير الموضوع : ليالي كلمي عمي خليه يجي
ريتال ضحكت : لاتغيري الموضوع
حور عصبة : ريتال تقلعييي
ريتال : ابشري
ليالي دقت على سلمان
__________________
بين جلسة العيال دق جوال سلمان
سلمان : لبيه يقلبي امري
ليالي : خالي مو قلت في موضوع بقولك عيا يجيني نوم من اليوم افكر به
سلمان ضحك : نامي نامي يمكن ماجي
ليالي : خالي تكفى ترا اعرف نفسي الحين اشيل هم ومانام وحوسه
سلمان : يليلي عيني من الله خير وترا الموضوع بسيط معليتس لاتشيلي هم
سعود : ورع ليالي فيها شي ؟
سلمان : شدخلك موضوع بيني وبينها تلقف ليه ؟
ليالي : خال عط الجوال لسعود
سلمان مد الجوال لسعود بعصبيه : هاك نشبه وربي يسعود انك ناشبلي بكل شي
سعود ضحك ورد : ارحبيي
ليالي : البقىىى
سعود : امري بغيتي شي مني ؟
ليالي : خال بطلب طلبين
سعود : اطلبي
ليالي : واحد ابيك تجيب سلمان عندي والثاني اذا جيت اقولك
سعود ناظر سلمان : وشتبين به مالقيتي الا سلمان ؟
ليالي : يخال قالي بقولك موضوع وسحب علي الحين وش ينومني ؟
سعود : اها الموضوع كذا تم الحين وهو محظر عندك
سلمان : ورع ماني بقايم لاتحاول
سعود قفل من ليالي : تعقب والله انتقوم
جابر : شفيكمم ليالي فيها شي ؟
سعود : لا بس البزر ذا قالها بقولك شي وسحب عليها
طلال : بس عبالي صار شي
سلمان :  يولد يرحم لي والدينك مابي اقوم مافيني حيل
سعود : اخو العيال تبي بنتي ماترقد اعرفها اذا شالت هم مارقدت
سلمان : ترا مو عشان وجهك لان الموضوع شوي يبيله واسطات واشوا انها قالتلك
سعود : شنهو ؟
سلمان : باخذ ليالي معي الرياض
سعود : وجعان انت ؟ وينك موديها
سلمان : سعود امش معي وبعدين اقولك السالفه زين
راحو لليالي ونادوها بالمجلس
جت ليالي : شفيكم وترتوني زياده
سعود : جايس خطاب
ليالي : رافضه
سعود : على طول ههههههههههههههه
سلمان ضرب سعود : ورع اهجد ولا اطلع خلني اتكلم
ليالي : خال يالله سريع
سلمان : تراه كذوب لاتصدقي
ليالي : ايوه
سلمان : بعطيك عرض او فرصه ، شرايس تروحين معي الرياض تدرسين هناك
ليالي وقفت : والله ؟
سلمان : اجلسي دقيقه
جلست ليالي
سلمان :  اذا موافقه اسجلك بجامعة الاميره نوره او الملك سعود وعندي ناس اعرفهم هناك بيساعدونك بالتسجيل
ليالي : والله يخال مادري بفكر واقولك
سلمان: تممام لاتطولين
ليالي باست راس سلمان : يجعلني ماخلا منك
سعود تكتف : خير وانا
ليالي باست راسه : عرفنا على من طلعت ريتال
سعود تكلم بنبره سريعه  : ليالي تخيلي انا وابوي غنينا
ليالي : اما مستحيل
سعود : انصدمنا طلع متزوج امي عن حب
ليالي ضحكت : اخس اخسس
سعود : تكلمو عماني عن واحد كان خوي ابوي الله يرحمه كان متحملهم بالحيل
ليالي : الله يرحمه تكفى اذا في فديو ارسله لي برسله لصحباتي
سعود : ابشريي بس خلي مجيد يسويه
سلمان : هيا قم طولنا
سعود : دقيقه ليالي قلتيلي ابيك بشي ثاني شنهو
ليالي : خال انت تعبان ؟
سعود : لا
ليالي : نبي نروح كوفي وتمشينا
سعود : تم يالله اجهزو
سلمان : هي هي الساعه 12 وين كفي الحين
ليالي : خالي سلمان تكفى
سلمان : معليشش نامي وانت اضهر
سعود  : اعصابكك
ونام الكل