في شوفتك سالت دموع العين من فرحها

البارت الاول

ولدت ليالي وهي لم تكمل شهورها ولدت بسبب ضرب ابوها لامها بسبب شكه فيها وان الطفل مو طفله ، بسبب قوة ضربه ولدت مزون وشكر من ربي ان ليالي ماتوفت على ان عيشها كان جداً بسيط ويمكن باي لحظه تتوفى ، ليالي كانت بالنسبه لابوها غلطه ولازم يتبرأ منها ، لم يكلف نفسه ابداً بانه يصرف عليها وبالفعل تبرا منها برضاه ووقع انها معاد هي بنته ولا هو ابوها وطلق امها .
__________________
قبل 19 سنه :1423هــ ، يوم ولادة ليالي
مزون ببكي والم وكانت حاضنه بطنها: تكفى وقف تكفى
ابو ليالي زاد يقوة الضرب : البنت ذي ماهي بنتي ولازم تموت
مزون بغصه : وربي بنتك
اغمى على مزون ، خف صوت بكيها استغرب ابو ليالي وكانت تقريباً جثة بلحظه وداها للمستشفى ودخلوها لغرفة الولادة واتصل على اهلها عشان يجون ،
ابو فايز بخوف راح للاستقبال : بنتي وينها مزون وينها
وقالوله انها بالعمليات ، وكان معه فايز وام مزون ،
بالبدايه مافقدو ابو ليالي لكن وقت طلوع مزون كانت تسال عنه وماكان موجود ويتصلون ومايرد وعرف ابو فايز بان مزون انضربت من ابو ليالي ورفع عليه قضية تعنيف ، صارت مشاكل طويله ونهايتها طلاق مزون وتبرا ليالي ، مرت هالايام ببطىء كانت كئيبة على مزون بتربي بنت لوحدها وهي بعمر 21 كان شي صعب بالنسبه لها ،
ومرت الايام وبدت ليالي تكبر و كانت مزون لها الام والاب عانت بتربيتها جداً ليالي كانت بنت شقيه وقوية ماتخاف من احد ، تمنت ليالي كثير بان يكون لها ابو نفس صحباتها اب يحميها يكون لها سند اب يلعب معها يجيب لها حلاوه كانت ليالي بنت بريئه تحب ابوها من كلام امها كانت مزون دايم تبين لليالي ان ابوها يبيها وهو مسافر وبعدين يجي كل يوم يكبر حبها له بقلبها ، وللاسف الحب هذا مادام سمعت امها وهي تبكي وتكلم اختها وشقد ليالي تحب ابوها وهو يكرها وتبرا منها ليالي كانت طفله عمرها 14 سمعة هالكلام وتاثرت نفسيتها جداً  ، بذيك الفتره تقرب منها خالها سعود جداً صار لها صديق واذا تضايقة تدوره وتحس انه الوحيد الي يفهمها ،  تقريباً سعود قدر يطلعها من هالاكتئاب بناء بليالي شخصيه قويه شخصيه تقدر تتخطى اي شي وماتهتم لاحد تهتم بدراستها ورضا امها .
______________________________________
الساعه 5:30 الفجر  ، الخميس
عند جابر وسعود
سعود بعصبيه : جابروههه قم يولد تراك تعبتني
جابر : تقلع خلني انام
سعود بعصبيه ضربه برجله : يتبنن انا عمك مو واحد من اخوياك
جابر  بالم : اخخ تراك عورتني
سعود بابتسامه : احسن
ابو فايز جاهم بعصبيه رفع عصاته وضرب سعود وجابر : خير خير صوتكم واصل لشارع
سعود بالم : يبه شدخلني انا شف ولد ولدك
جابر : وش سويت يجد تراني نايم هو الي تلقف
ابو فايز : شكل النوم زانت لك ليش ماجيت المسجد
جابر بورطه : ا يجد والله ان سعود ماقومني
ابو فايز ضربه برجله : وانت ليش ماتقوم من نفسك ؟
سعود : يبه خلاص استهدي بالله وتعال ننزل نفطر واترك عنك ذالطايش
جابر بتايد لكلامه : ايه يجد روح ارتاح وانا الحين اجيك طيران
ابو فايز بتكشير : احمد ربك ان سعود تحايلني ولا انت ماني كفو
وراح هو وسعود
__________________
عند طلال
ارجوان وهي تدند بالمطبخ : لاتبتعد ارجوك عذبتني وياك عذبتني وياك عذبتني وياك مدري تبي قربي ولا تبي انساك ولا تبييي انساك
طلال وهو مستند على الباب ويطالع ارجوان وهي تغني ، تنحنح : يلبييهه وش ذا الصوت الحلو
ارجوان فزت : يمه طلال من متى وانت هنا ؟
طلال : من بديتي تغني
ارجوان : شرايك يصوتي حلو ؟
طلال : كلمة تجنن قليله فيه ، تصدقي اتمنى اتزوج وحده صوتها يكون حلو عشان لطفشت تغني لي
ارجوان ضحكت : يوه الله يعينها امها داعيه عليها اجل
طلال طالعها بطرف عين : اقول شكلك فليتيها ؟
ارجوان  بضحكه : تعال تعال خلاص لاتزعل ويالله بحط الفطور وتقلع لشغلك
طلال وهي شايل ثلاجة الشاهي والبيالات وطالع : مستحيل تتركين حركاتك
وتجمعو على الفطور ارجوان وطلال وام طلال وابو طلال ...
______________________________________
عند ابو فايز
ابو فايز بصرامه : فايز
فايز : سم
الجد ناصر : اسمع وانا ابوك نوره بنتي بتجي عندي بعد اسبوع وابيك تاخذ العيال وتروحون المزرعه وتشوفونها لي فتره ماطبيتها ونبي نبيت بالمزرعه الين تخلص الاجازه
فايز : ابشري لاكن الاسبوع ذا العيال عندهم اختبارات ولازم يذاكرون
الجد ناصر : انا قلت خذهم وروحو المزرعه لاتخليني اعيد كلامي وترا اخواني بيجون بعد
فايز : ابشري مايصير الا الي تامر به
الجد ناصر : اخوك سلمان وينه غادي ؟
فايز : بخير كلمتة امس ويقول بيجي الديره وبروح انا الطايف اجيبه
الجد ناصر بعصبيه : الولد ذا يسافر وياخذ شهور ماندري عنه اعوذ بالله
فايز : استهدي بالله وان شاء الله مافي الا كل خير وخلاص روق
الجد ناصر بنرفزه : وين اروق وانا ربي باليني بعيال واحفاد كل واحد اخس من الثاني بدون استثناء
سعود وهي جاي لجهتهم : تمون يالغالي
الجد ناصر لف عليه  : وينه جابر ؟
سعود : مافيه الا العافيه وراحو الحين مدارسهم وتو جيت
الجد ناصر بحنيه : استودعتهم الله يربي انك تحفظهم لي
فايز وسعود بابتسامه : امين يارب
______________________________________
الساعه 2 الظهر
ريتال وهي داخله البيت وتحلطم : انا تعبتتتت يناسسسس
خالد بضحك : توك ماشفتي شي هذي البدايه بس
ريتال بصياح : خالد تكفىى ابي اجازه
خالد : صاحيه انتي ؟ وش اجازته توك مالك الا شهرين بعدين احنا يمكن نروح خوالي
ريتال تعلقت بخالد : احلف ؟ بنروح لخوالي
خالد وهو يبعدها عنه : يبنت فكيني قلت يمكن
دارين وهي تعدي لخالد : بابا
خالد فز لها : ارحبي ارحبي يدهر قلبي ورجعانه
دارين جته وحضنته وخالد بادلها الحضن
ام خالد (نوره ) وهي داخله عليهم : اهلين
ريتال راحت تركض لامها : يمه يمه تكفين تكفين احلى ام
ام خالد تضحك : اخلصي شتبين ههههههه
ريتال : تكفين خل نروح لخوالي تكفينن اشتقت لهم مرهه
ام خالد : يالله بعطيك بشاره تجنن
ريتال بسرعه لفت : تكفين قولي اننا بنروح
ام خالد بضحكه : ايه
ريتال صارت تركض وتناقز : اخيراً اخيراً
خالد وهو يضحك : ههههههههههههههه امي بنتك انهبت
ام خالد وهي تدف ريتال : يالله تجهزي بنمشي ذالاسبوع او بعده
ريتال راحت تركض لغرفتها وتغني ...
______________________________________
بعد مرور اسبوع :
بالطايف
نزلو من الطياره
ريتال وهي تدور خالها بعيونها : افف يمه خالي وينه
خالد : شوفيه هناك
ريتال راحت ركض له وفتحت يدينها : خالي فايزز
فايز بابتسامه وحظنها: يلبى قلبك
ريتال : خال مره وحشتني مره اشتقت لك
فايز : يقلبي انتي يريتال حتا انا مره اشتقت لك انتي وامك وخالد الا خلود وينها ؟
ام خالد توجهت له وحظنته : كيفك ياخوي
فايز : الحمدلله انتي كيفك ياخيتي
ام خالد بابتسامه : نحمد الله
خالد حظنه : هلا والله بخالي
فايز بضحكه : ياهلا يابو دارين
خالد بابتسامه :يحلو الاسم
فايز : وينها عطني هي
خالد عطاه دارين وهمس باذنها بشبه مسموع  : شوفي يابابا هذا خالي فايز مره لطيف وبتحبينه
دارين بضحك : خالي فايز
فايز كان شوي وياكلها : ههههه يلبىىىى قلبك بسم الله عليك
ريتال تخصرت : اسال الله ان ينظر في امري
فايز : شفيك
ريتال : تسال ؟ خال يعني معليش انت خالي انا مو ذي
فايز دخلها تحت ذراعه : ههههههههههههههه افا بدينا نغار
ريتال : يعني ترا عندنا مشاعر ههههههههه
خالد : خال بنروح الحين الديره 
فايز : اذا تقدرون يالله
خالد : بسم الله توكلنا على الله
راحو كلهم بسيارة فايز 
وراحو متوجهين لديره
__________________
عند ليالي الي كانت بالسطح وكانت فارشه زوليه ومركى وشاهي والقمر ،  وبدات تغني بصوتها الجميل
وش تنتظر ؟يامحرق القلب بالنار
ماتستلم روحي وتقضي عليها
انا رمتني في محبتك الاقدار !
والروح سوى الي تبي اليوم فيها
وش تنتظر ؟ يامحرق القلب بالنار
ماتستلم روحي وتقضي عليها
انا رمتني في محبتك الاقدار
والروح سوى الي تبي اليوم فيها
ليالي بتنهيده طويله : يالله يا اغاني  خالد
سلمان الي كان موجود ويسمعها وهي تغني وكان مره معجب بصوتها ، تنحنح : تبارك الرحمن
ليالي فزت : اوه خالي سلمان 
سلمان راح لها وجلس : تدرين انك فتحتي باب كان مقفل
ليالي بابتسامه حزينه : يحبيبي يخالي شنو مكدر خاطرك ؟
سلمان الي ضم رجلينه لصدره وحط يدينه تحت رجله : ولاشي انتي وش تسوين هنا ؟
ليالي وهي تطالع القمر : مع رفيقي
سلمان باستغراب : رفيقك ؟
ليالي وهي مازالت تطالع القمر واشرت عليه : شوف هذا هو
سلمان : تحبين القمر ؟
ليالي بضحكه : هو بس حب ؟ اعشقه
سلمان : ليالي انتي للحين متضايقه من ابوك ؟
ليالي وهي تشتت نظرها عشان ماتبكي : لا والف لا معاد يهمني خال اذا ممكن تقفل السالفه
سلمان : ابشري
وقفت ليالي بسرعه وتكلمت بارتباك واضح : انا بدخل
سلمان وقف معها : ايه صح كنت ادورك اساسا ترا شوي بيجون اختي وعيالها
ليالي بابتسامه خفيفه : يوصلون بالسلامه
وطلعت ، وسلمان طلع وراها بثواني .
______________________________________
بعد اربع ساعات عند العيال
سلمان وقف واشر للعيال: يالله يرجال استاذنكم
طلال : بدري ؟
سند بابتسامه : عند جدي مو بدري
مجيد ( عبدالمجيد) وجابر ضحكو بنفس الوقت : ههههههههههههههه تكفى عاد الحين شيفكنا من جدي
سلمان بطرف عين : تراه ابوي 
مجيد : اسفين طال عمرك
سعود طلع متوجه لسياره وصرخ : لركبت السياره وانتم مو فيه سحبت عليكم
سلمان رفع يده : هيا احنا بنروح بحفظ الرحمن
طلال : مع السلامه
مجيد وجابر راحو يركضون
جابر وهو يدف مجيد : يورع ابعد بركب قدام
مجيد : لا انا وصلت اول
سلمان : اقول تقلعو انا الي بركب قدام
سند : ههههههههههههههه متى تعقلون انتم ؟
سعود : ماضنتي ذول يعقلون
مجيد : افا يعم ؟ ترانا عاقلين بس انتم ماتشوفون
سلمان : يولد اركب نبي نلحق على اختي
سعود : تدرون اني مشتاق لخالد وريتال
سند : حتا انا واحشتني دارين مره
مجيد : يو النتفه ذي بتاخذ اماكنا كلها كفايه ليالي
جابر : صادق ليالي الي يشوفها يقول حفيدكم انتم بس
سعود : وش حارك ؟
جابر : سلامتكم بس ترانا احفادكم نفسها
سلمان  :خل عنك مستحيل تصيرون نص ليالي
سعود : بعدين ليالي من هي باشهر وهي معي
جابر : حتا انا مو بس ليالي
سعود بابتسامه حزينه: انا احبكم كلكم بس ليالي اقرب لي
مجيد وهو يغير السالفه : يا الربع متى بنروح المزرعه ؟
سلمان : على حسب ضني بكره بعده وبناخذ اسبوع وبيجينا اخوان ابوي وابو طلال واهله
وصلو البيت وتوجهو ل الصاله
__________________
عند ليالي بغرفتها
طلعت من الحمام ماخذه دش ولبست ، اندق الباب
ليالي : مين ؟
سعود : انا ياليلي
ليالي : هلا والله بسعودتشي
سعود بابتسامه حظنها : كيفك ياخالي ؟
ليالي : ماني بخير
سعود : افا ليه قوليلي اذا احد مزعلك اروح اهاوشه لك
ليالي : هاوش نفسك ! ليشش ماجيتني وينك اليوم كله ؟
سعود بضحكة : معليش انشغلت مع العيال
ليالي : طلال ماغيره
سعود : ايه طلال ماغيره ، اسمعي ترا اختي نوره دخلت الديره البسي عبايتك وتعالي معنا تحت
ليالي : خال لازم ؟
سعود : ايه لازم اجل تبين تقعدين هنا لوحدك ؟
ليالي وهي تبوس يد سعود : خال تكفى مابي انزل بيجي خالد وانا مامون عليه
سعود : معليك تعالي جنبي وبعدين جابر من دخل وهو يدور عليك
ليالي بابتسامه: يالله من هالجابر
سعود : يالله البس جلالك وانزلي جابر مايعيش من دونك
ليالي : ان شاء الله دقيقه بس انتظرني وننزل
سعود وهو يطلع جواله : يالله انتظر
بعد دقايق جت ليالي : يالله
سعود : كان نمتي ؟
ليالي : ههههههههههههههه شدعوه
سعود حط كتفه فوق ليالي وحظنها من جنب : لا ترا جد طولتي يعني كل ذا تلبسين عبايه ؟
ونزلو تحت على دخلت نوره ...
__________________
عند ارجوان بالحوش ودخل عليها طلال : مانمتي ؟
ارجوان بابتسامه: ماجاني النوم
طلال جلس جنبها : فيك شي ؟ مو عادتك
ارجوان لفت على طلال : طلال تكفى تزوح فكني من الوحده
طلال : افا وش وحدته ؟ انا موجود
ارجوان بتسليك : ايه موجود
طلال : هههههه هو صح اني اسمر عند اخوياي لاكن اجيس
ارجوان : انا تعبت لحالي بهالبيت الكبير امي ماترضا اطلع ورا الباب على الاقل اروح ل ليالي وحور !
طلال : معليك وانا اخوك بكلم امي وتروحين لهم
ارجوان : مستحيل توافق ذي امي تقول عندهم عيال ! وهم معك اربعه وعشرين ساعه يعني لا اروح لهم ولا انت تجيني !
طلال بأبتسامه : لو اقولك اننا بنروح المزرعه معهم شتقولين ؟
ارجوان فزت : احلف والله بنروح معهم المزرعه ؟
طلال : ايه ويمكن نقعد اسبوع
وقفت ارجوان ترقص وتغني
طلال بضحكه : انهبلتي وانا اخوك ؟
ارجوان : ههههههههههههههه متحمسهه بروح اجهز اغراضي من الحينننننن
طلال اشر بيده بمعنا روحي : الله يستر عليس ههههههههههههههه
ارجوان دخلت داخل ودخل بعده طلال وتوجه لغرفته
__________________
بالسياره عن فايز
فايز  وقف السياره : وصلنا
ريتال فزت على طول ونزلت وكانت بتدخل
ام خالد : هي هي على وين
ريتال لفت عليها : بدخل ؟
خالد : شيلي شي معكك
ريتال بتحلطم : يخي خل نسلم بعدها نجي وترا بيصير زحمه براحتكم
فايز : صادقه ادخلو وشوي ينزلونها العيال
ودخلو مجلس الجد ناصر
الجد ناصر : ياهلا ياهلا ببنتي وعيالها
نوره باست راسه : هلابك يالغالي
ريتال حظنت الجد ناصر : يالله ياجدي ياني اشتقت لك مرههه
الجد ناصر بادلها الحظن بضحكه : يلبى قلبك يريتال
ريتال تركته ووقفت : كيفك ياجد ان شاء لله طيب
الجد ناصر : الحمدلله من شفتكم وانا طيب
دخل خالد وتوجه للجد ناصر وسلم عليه ودارين معه
الجد ناصر : ياهلا بالغالي خالد
خالد باس راسه : هلابك ياجد
الجد ناصر : الحمدلله وينها بنتك
الجد ناصر سلم على دارين وبدو يسلمون على بعض
ليالي حظنت ريتال : اخيراً شفناكم جد لكم فقدهه
ريتال توجهت لحور ، ام خالد : لو ماجتككم كانت ماتت
جابر : هلا والله ببنت العمه
حور : جابروه تقلع هناك لايشوفك خالد
خالد :  شنو لايشوفك خالد
ريتال : ولا شي المهم بنات نطلع ؟
سعود وهو جاي لريتال : ياهلا ياهلا ببنت اختي
ريتال حظنت سعود : خالي سعود المحبب لقلبي 
سلمان : لنا الله
ليالي بضحكه : انا موجوده خل ذي تقلع
سلمان : يلبى قلبك
سعود : افا يليلي سحبتي علي
ليالي : انت الي سحبت وكنت مع طلال
الجد ناصر : شفيكم اجلسو ؟
سعود : يبنت ترا كنت مع طلال ومعليش اعرف مفروض اجيك الصباح بس طلعت بدري
ليالي : سعودتشي لاتعكر مزاجي باسم طلال ذا لاني ماطيقه !
مجيد وهو داخل المجلس : من يكره طلال ؟
ليالي : انا
مجيد : جد ماعندك ذوق طلال لحاله عن عيال خوالك كلهم باستثناء انا
الكل ضحك ، الجد ناصر : تراك لجيتو راسي ادخلو ولا اطلعو
سلمان جلس : الا يبوي متى نروح المزرعه
الجد ناصر طالع بعياله وصرخ : اجلسو بقولكم متى نروح ووش تسون
سند دخل المجلس : العب عمتي نوره جت
وقفت نوره : ياهلا بسندي
سند بابتسامه: يلبى عمرك ياعمه كيفك ان شاء الله طيبه
ام خالد : بخير يبعد طوايفي انت كيفك
سند : بخي
الجد ناصر قاطعه بعصبيه  : شرايكم تجلسون ؟
سند جلس جنب عمته وكل الي موجودين ( الجد ناصر  ، وفايز وسلمان وسعود ومزون وام خالد وخالد وحور وسند وريتال وراشد وجابر وليالي ومجيد وترف و ام حور زوجة فايز .
الجد ناصر : ان شاء الله بعد بكره بنروح المزرعه بكره تريحون وبعده بنمشي وترا بيجي ابو طلال واهله واخواني وابو وايل وعياله واهلهم واختي دلال بس
فايز : كم المده ؟
الجد ناصر : ان شاء شاء اسبوع
وكلهم رجعو طبيعي يسولفون ويضحكون وكانت جلسة حلوه انتهت بهواش الجد ناصر عشان ينامون
__________________
بغرفة ليالي كان فيها حور وترف وريتال
ريتال بتكشير : يليل يبنات المخيسات بيجون
ترف : يارب انهم مايطولون لاني ماقدر اتحملهم
حور : شدعوه بنات ترا معليهم جود وفجر هم صح شوي نفسيات
ليالي : شوي ؟ يشيخه يخربون الجلسه تكرهين الطلعه
ريتال : اسمعو ، انتم لاتهتمو فيهم وتجاهلوهم وتلقيهن يجنا بنفسهن
ليالي : صادقه ريتال بعدين انا ابي اروح عشان الخيول بس
حور : يالله ياني متحمسه للخيول
ترف : شلون انتم تركبونها ماتخافون ؟
ريتال : انا وانتي خلينا على جنب ذول ماشاءالله خيالات
ليالي : بنات اغنيلكم ؟ ولا ننام
حور : بنات والله لو تقوم امي وتشوفنا صاحين ان تجلدنا
اندق الباب فزت ليالي له : من
سعود : انا يليلي
ليالي : هلا بسعوتشي
سعود : للحين مانمتو ؟ ليه
ترف : عم وين يجينا نوم واحنا شايلين هم شوفت المخيسات
سعود بضحكه : جود واختها
حور : ايه جد كيف جواد معكم ؟
سعود : يعني  معليه الصراحه رجال
ليالي : عاد عمه دلال طيبه مدري على مين طالعين
ريتال : ياخال  وراك ماتجلس ليش واقف ؟
ليالي : ايه جد اجلس
سعود : لا بروح لنا جيت بس اشوف نمتو ولا تحتاجون شي
ليالي بابتسامه : تسلم ياطلق خال
سعود باس راس ليالي : هيا استودعتك الله
ريتال : خير واحنا ؟
ترف : ياعم انت شخص مو عادل تحب ليالي اكثر منا
سعود توجه يبوس روسهم : عاد ذي بنتي غلاتها بتكون اكبر
ريتال : لنا الله
سعود ودعهم وطلع ينام ، ودقايق والبنات كلهم نامو