في شوفتك سالت دموع العين من فرحها

«45»

كانت رغد تحاول تغير صوتها : اشوف اشوف لكن حشره ! وابي تنزل احد عشاني !
ضحك سلمان من عرفها ونطق : يقلع بليسك يانك خرشتيني قلت رغد الحين بتشوفني وعز الله بنام مع سعود !
ضحكت رغد ودخلت ذراعها جوا ذراع سلمان , وبعد سلمان طرف الطرحه وكان متوقع انها غطت وجهها عشانها بكامل زينتها ونطق : شرايك انزل كل الي بالسياره ونكنسل الزواج ونروح لوحدنا ؟
عبست رغد وجهها : امبيه سلمان شتحس فيه فيك شئ اليوم ؟!؟
عبس سلمان وجهه وبعتاب : تشوفين الظلام ؟ ابي اشوف وجهكك واكحل عيوني !
ابتسمت رغد ونطقت : والله شوف انت الغلطان جان ييت من زمان !
زفر سلمان وعارف ان مافي امل يشوفها ونطق : والله اني عارف لكن ابوي مسكني انا وترك اخواني وعيال عمي ! الا انت ياسلمان تجي !
ضحكت رغد والتفتوا على صوت الجده فاطمه وكانت تصارخ على سلمان , لكن سلمان مانطق بـشيء والفت على رغد : بدور لك مكان
وراح سلمان لـ السياره وابدًا مافي مكان وراح يركض لـ سيارة سعود وشافها فاضيه ودخل راسه مع الشباك وصرخ سعود : وجههع
سلمان : سعودد انزلل واخذ سيارتيي ود النسوان
رفع سعود حاجبه بـ صدمه ونطق : تبلشني فيهم اقول انقلع والله ماخذهن !!
ضربه سلمان على كتفه وصرخ : ورع ودهم خل باخذ مرتي على سيارتك !
ابتسم سعود بـ نذاله ونطق : خيرر ليس مرتك لحالها ؟ هههههههه
سلمان : مالك دخل يالله عجل
ضحك سعود ونزل من السياره وراح لـ سيارة سلمان واضطر يودي الحريم وسلمان اخذ رغد ومشي قدامهم لـ القاعه , ومن زمان ماتكلم مع رغد كذا وهم لهم فوق الشهر حايسين بالزواج ويجهزون , و وصلوا القاعه , ووقف سلمان ينتظر تكتمل السيارات , ونزلوا الحريم ودخلت الجده فاطمه القصر وشافت الحريم الي من طرفهم وماقدروا البنات يطلعون عباياتهم ودخلوا ال سعد مع ال راجّح , والطبول هزت الارض هز , ويرفعون البنات البوارق المطرزة بـ اسماء العرسان والخ.. والسيوف , ويرقصون ويباركون لبعض ومشوا لـين الكوشه ووقفوا البنات وطلعوا عباياتهم بسرعه وطلعوا خلفهم والدقاقه ماسكه بيدها مكرفون ومعها حريم يمشون بالطبول وتبارك لـ ال سعد و ال راجّح , ورافع الجده فاطمه السيف بـ يدها وترقص ونوف وعمات وخالات زياد , وبعد ماانتهوا من المقابل , طلعوا الدقاقة ويسلمون الحريم على بعض , وطلعوا حريم ال سعد يوقفون عند الباب يستقبلون الحريم , وجلسوا حريم ال راجّح وجلست رغد جنب حور ونطقت بـ اندهاش : شنو صار ؟ واووو شلون جذييي؟؟
ضحكت حور ونطقت : لسا ماشفتي شيء ! انتظري شوي بنطلع من القصر بنروحل لـ الاستراحه عشان زفة ليالي
اشرت رغد على نفسها : انا بروح وياكم ؟؟
ناظرتها حور بـ استغراب : ليه مانتي بنتنا ؟ اكيد بتجين !
ضحكت رغد ونطقت : بنتكمم بنتكمم !!
ضحكت حور وبعد صلاة العشاء وصلت المطربه , وكانت القاعه زحمه بـ شكل بسبب معارفهم الكثير , وكانوا البنات مستمتعين بشكل مو طبيعي وماتت رجولهم من الرقص وانسجمت رغد معهم بـ قوه ومنعجبه بعاداتهم , وبدوا ينادون لـ العشاء وراحوا الضيوف لـ صالة العشاء , وطلعوا البنات يركضون يبون يلحقون على الزفه , ومابقي احد من خوال ليالي والجد ناصر ترك الرجال وراح لـ الاستراحه عند ليالي , وركبوا مجموعه مع سلمان ومجموعه مع سعود وموجوده مع نواف ونفس الشيء مع اهل زياد الي توزعوا مع عبدالرحمن ونادر وعيال عم زياد , وكانت السيارات اكثر من 7 وكلهم رايحين لـ الاستراحه عشان زفة ليالي , وكان قرار من الجد ناصر ان كل بناته ينزفون بين اهلهم وممنوع قدام العرب , وكلهم عاجبهم القرار هذا ، ووصلوا ونزلوا البنات وزحمه بـ الحيل وكلهم يبون يدخلون , وتوجهوا اهل ليالي لـ الغرفه الموجوده فيها , وانفتح الباب وصرخوا البنات من وقفت ليالي وشافوها بـ الفستان الأبيض , وضحكت ليالي من شافتهم يبكون : تمزحون ؟؟؟؟؟
رغد وهي تمسح دموعها : ليالي مابيجج تروحينن !!
ترف بـ نبره حزينه : تدرين احنا بنخطفك من زياد !
ضحكت ليالي ونطقت : خير ماصدقت على الله ترا !
ضححوا البنات على كلام ليالي , ويسلمون عليها ويحضنونها ورغد اكثر وحده تاثرت وكان ليالي لها سنين معها , ورفعت كفينها لـ خد ليالي وتناظر بـ عيونها ونطقت ببكى : انا موجوده  واي وقت تبيني اجيج  واعتبريني اختج وسند لج
ابتسمت ليالي واشرت على عيونها : ابشري من عيونيي
ودخلت ام خالد الغرفه وغطت فمها من شافت ليالي وامتلت عيونها دموع , ضحكت ليالي وجتها ام خالد وحضنتها ونطقت : مبروك ياميي انتييي والله يوفقكك ونشوف عيالكك
ليالي : يخاله لاحقين على الورعان هههههههه
ضحكت ام خالد والبنات , ورفعت يدها تشرح : كنت جايه اقولك زياد بيدخل لكني بكيت معكم ! هههههههه
ضحكوا البنات ونطقت رغد بضيق : يابخت زياد !
التفتت حور عليها ونطقت مستغربه كلامها : هاه؟ ليهه هههههههه
استندت رغد على الجدار : كل يوم بيشوف ليالي !
التفتت عليها ام خالد ورفعت حاجبها وناظرتها بـ مزح : الا مااقول ياحظ سلمان ! هو الي طاح بالنعمه صدق !
صدت رغد من حست بالخجل وضحكت ام خالد من شافت خجل رغد ونطقت : يالله بنات ترى بيون الريايل  يالله فشله؟!
تغطوا البنات وطلعوا من غرفة ليالي ودخلوا الصاله الكبيرة الموجوده فيها كوشه ليالي وشافوا المصوره , والتجهيز وليالي كانت قمه بالذوق وقدرت تغير الاستراحه وصارت فخمه , وتوزعوا ينتظرون زفة ليالي .
-
« بـ غرفة ليالي »
دخلوا العيال على ليالي وانصدموا من جمالها وطلتها ونطق سعود بـ صوت عالي : ابكك ذي بنتي ؟؟؟؟
ضحك سلمان ونواف من كلام سعود ونطق سلمان وهو يناظر ليالي : شفت ياسعود ! كل ذي الكشخه لـ زياد يعزتي لنا !
لف نواف وجهه لـ سلمان بـ اسغراب وضربه على راسه من استوعب كلام سلمان : ياغبي تراك خالها !!!
كتم سعود ضحكته وصد وجهه وناظره سلمان بـ طرف عين ونطق : سعدوننن !!
لف سعود وجهه على سلمان ورفع حاجبه ونطق ماسك الضحكه : ايش ؟
وضحك وتنرفز سلمان وسوي بيضرب سعود بوكس وضربهم نواف قبل يبدون بيدينه على ظهورهم ونطق بـ غضب : اهجدوا ولا اطلعوا !!
ابتعدوا العيال ونطقوا بصوت واحد : ابشر
وتقدم نواف مبتسم وسلم على ليالي وبارك لها , و ابتسم سعود يحاول مايبكي وتكتف يناظر ليالي ويحاول يستوعب انها كبرت وصارت عروس , وهي كانت طفله بين حضنه , والتفت سلمان عليه ونفس الشيء مع سلمان الي وده يطلع كل شيء مقلب وترجع معهم ليالي ، وضحكت ليالي من شافت تعابير وجيهم ونطقت بـ غصه : مراح تباركون لي ؟
نزل سعود يدينه ونطق بـ غضب : تعقبين !
لف سلمان على سعود وضحك من نطق سعود بـ غضب : علامك معصب ؟؟
توجه سعود لـ ليالي وهو يمشي : بنتي ببتزوججج !
ضحكت ليالي وحضنت سعود بـ قوه , وماسكه نفسها ماتبكي ويخرب مكياجها , وابتعد سعود وتغير لون عيون سعود من بكى وبسرعه حاولت ليالي تمسح دموعها لانها بدت تسيل , ونطق سلمان : لا تبكون لاني ببكي بعد !
ضحكوا العيال ونطق نواف : ترا ليالي ماهي مختفيه معك بالرياض !
ابتسم سعود وهو كان يبكي , ونطق بصوت خشن : ايه صح بخلي زياد يحط لي غرفه معكم !
ضحكت ليالي وتقدم سلمان وبارك لليالي ويباركون لها ويطقطقون عليها , ودخل الجد ناصر الغرفه والتفتت ليالي على الجد ناصر , وشافته رفع طرف شماغه يمسح عيونه , واجتاحها شعور غريب وحزن على دموع جدها وتقدمت له ونطقت : تكفى يابوي لا تنزل دموعتك !
رفع الجد ناصر عيونه لـ ليالي وكانت متغرقه دموع , ونطق ضاحكًا : لالا من الفرح من فرحتي يم شفتك عروس !
وسحب الجد ناصر يدها وفتحها , وطلع من جيبه سلسال لـ امها وحطها جوا يدها وقفل عليها ونطق بـ غصه : ذي امك شرتها لك قبل تموت بـ فتره وكانها حاسه انها بتموت قبل تزفك وتعطيك هالهديه
وضاقت بليالي الوسيعه وحست بـ ضيق قوي بـ صدرها , وشدت بـ قوه على السلسال , وقبلت يدها الموجوده فيه السلسال , وطلع الجد ناصر من الغرفه وطلعوا العيال , ودخلوا القاعه لين وصلوا لـ الكوشه وزياد بينهم ينتظرون ليالي , وكانت القاله مليانه والطاولات فيها إعداد كبير من الحريم والتفت الجد ناصر على نواف ونطق بـ صدمه : لوننا مسوينها بالقصر اهون ما شاء الله
ضحك نواف بـ خفه من فهم ابوه وعرف انه يطقطق بسبب كثرهم , والتفتوا على البوابه الي بتنزف ليالي منها , وتقفلت الانوار وبدت مقدمة الزفه , والكل نظره على البوابه وزياد متحمس وينتظر ليالي على احر من الجمر , ودخلت ليالي ونظرات الاعجاب من الجميع ويرددون ذكر الله وكانت ليالي قمه بالجمال , وجمالها بـ الفستان الأبيض زاد اعجاب زياد بـ ليالي , وداخ من تاملها وهمس :
جعل زولك عن عيوني ما يغيّب
يا بعد شُوف العرب و أزوالها
وابتدت كلمات زفه ليالي وكانت بدايتها صدمه لـ الكل وحرصت ليالي على عدم معرفت احد قبل زفتها :
يمة مزون اليوم ليتك حضرتي
وتشوف عينك فرحتي في عيوني
يمة هقيت إن الفرح راح خدي
واليوم كل الناس فيك اذكروني
يمة الفرح باهت وروحك بتحيي
أتخيلك جنبي وتزهر غصوني
يا ليت كل العمر ترجع أماني
أضمك بروحي وتبرا حزوني
وقشعرت اجسم الحاظرين من سمعوا كلمات الزفه , وكملت ليالي تمشي بـ كل هدوء ومانزلت منها دمعه وحده ومتماسكه , وناظرت خوالها وشافتهم يحاولون يتماسكون وماينهارون وسعود صاد ومغطي عيونه , وانهاروا البنات يبكون من تذكروا مزون , ونزل زياد وتوجه لـ ليالي من استغرب هدوئها ومن اقترب زياد انهارت ليالي وطاح تمساكها وحضنها بـ سرعه وسالت دموع ليالي حزن وفقد وحضنها لـ وقت طويل ونسوا الموجودين حولهم , وابتعد زياد وقرب وجهه لها ورفع كفينه وثبتها على خد ليالي ويمسح دموعها بـ ابهامه ونطق :
انا دربّك وانا سلمك وانا حّربك وانا منفاك
وانا بينك وبين الحزن والعبرات والضيقة
ابتسمت ليالي من كلام زياد ونطق : تكملين ؟
هزت ليالي راسها بـ الايجاب ونطقت : ايوه
وقف زياد جنب ليالي وشد على يدها بـ قوه ومشوا متوجهين لـ الكوشه , وكانت كلمات الزفه زي السكاكين طاعنتهم بـ قلوبهم خصوصًا اهل مزون , وفقدوا حضروا مزون بينهم , وهمست ليالي لـ زياد : تدرين كانت امنيتي امي تزفني لكن ...
التفت زياد على ليالي وناظرها بـ ضيق وماحب يحسسها بالفقد وهي معه : ربي كاتب لك كذا ياليالي , يزفونك خوالك وجدك الي كان لك الاب ! وطلبتك ادعي لها بالمغفره وافرحي بليلتك ! وهم السابقون ونحن اللاحقون !
اخذت ليالي نفس بـ شكل طويل وزفرته بـ هدوء , وطلعوا لـ الكوشه وصارت ليالي بين خوالها , وغيروا الزفه لانهم ماقدروا يتحملون زياده واكتملت الزفه والفرحه كانت واضحه من عيونهم لكن كلمات زفة ليالي لعبت فيهم لعب ,والتفتوا يباركون لـ زياد وليالي ووقفوا سعود وسلمان قدام زياد ورفع سعود يده يهدد زياد : نذر يازياد ان جتني ليالي ونازلتن دمعه وحده منها بسببك ان اقلع عيونك,
رفع زياد حاجبه من تهدديد زياد ورفع زياد يده ورجع سعود لـ الخلف منخرش , وضحك سلمان من خاف سعود وضحك زياد : بتقلع عيوني؟
لف سعود وسحب ابوه وهو كان يسولف مع ليالي ونطق : ابوي بيقلع عيونك !
عقد الجد ناصر حاجبه بـ اسغراب : سعود وجعت علامك ؟
ضحك سلمان ونطق : ابوي سعود يهدد زياد اذا زعل ليالي يقلع عيونه!
فتح الجد ناصر عيونه بـ قوه ونطق : ايهه كفو ولدي خلك سند لـ ليالي ! وهو صادز انا بقلع عيونك ! اذا جاها شيء !
اشر زياد على خشمه ونطق يـ هدوء : ابشر على خشمي !
والتفتوا العيال لـ ليالي وسلموا عليها وطلعوا العيال من القاعه , وزياد طلع خلفهم وقاموا البنات وطلعوا لـ ليالي ويباركون لها وفرحانين لها مره ويتمنون لها السعاده , و التفتت ليالي صدفه وطاحت عيونها على فرح وشافتها تبكي , وماتحملت وتركت البنات والي يكلمونها وراحت لـ فرح وحاولت تنحني وكانت صعب عليها ، ورفعت يد فرح : فروحه شفيك ؟
وقفت فرح وحضنت ليالي بـ سرعه وكانت تبكي وماعرفت ليالي وش فيها ونطقت وهي تناظرها : فروحه ياروحي شفيك ؟
كانت تبكي ونطقت بـ صوت عالي : زياد بيتركنيي سمعتهم سمعتهمم
انصدمت ليالي من كلام فرح ونزلت كفينها ورفعت وجهه فرح لـها : فرح وش سمعتي ؟؟
فرح ببكى : يقولون زياد بيترك فرح وبيروح الرياض مع ليالي وبينسى اخته !
زفرت ليالي بـ ضيق وماحبت الكلام الي سمعته فرح ونطقت : وانتي صدقتيهم ؟ انتي اخته !! مستحيل يترككيي واذا تركك انا باخذك غصبً عنه معليك من كلام الناس !
هدت فرح ومسحت دموعها ونطقت : والله ؟
هزت ليالي راسها بـ الايجاب وابتسمت : اكيد وانتي مو قلتي لي تبين لك اخت ؟ اكون لك اخت ! والاخت ماتبتعد عن اختها ولا ؟
فرح بـ ابتسامه: صح !!
ابتسمت ليالي وقدرت تغير تفكيرها وتقنعها ان زياد مستحيل يتركها ولفت على اصوات البنات وكانوا ينادونها ومسكت يد فرح وراحت لـ البنات واخذت معهم دقايق وطلعت وراحت فرح مع نوف ولبسوا ليالي عبايتها وشافت زياد واقف وساعدوها خوالها وركبت وكانوا يوصون زياد على ليالي وحرفيًا الكل مابقي احد ماوصاه عليها , ورجعوا البنات القاعه , وطلعت متوجه زياد لـ المحافظه القريبه منهم وكان حاجز فندق هناك وشغل اغنيه « اخترتك من الناس للقلب خله »
ولف زياد نظره لـ ليالي وكان ماسك يدها ونطق : اخترتك من الناس للقلب خله
صدت ليالي وتناظر مع الشباك تتهرب من نظرات زياد , وكمل يردد مع الاغنيه وكانت كل كلمه يوصف زياد فيها ليالي وكملوا متوجهين لـ المحافظه .
-
« بـ الاستراحه »
راحت وحده من البنات الصغار لـ رغد , ومسكت يدها وسحبتها , انفجعت رغد من سحبتها ونطقت بـ خوف : بسم الله الرحمن الرحيم واي شفيج ؟؟
رفعت البنت راسها لـ رغد وغطت طرف وجهها الايمن وهمست : سلمان يبيك !
عقدت رغد حاجبها وضحكت من عرفت ان البنت مرسوله من سلمان ومشت معها ودخلتها غرفه بعيده عن القاعه , ودخلت وشافت سلمان واقف وانسحر من طول النظر بـ رغد ونطق : ‏ما بعد حسنك جمال ، وما قبل وجهك غزل !
ابتسمت رغد وميلت راسها : سلمان ؟!!!
ضحك سلمان وتقدم لـ رغد وسحب يدينها ولف رغد ويتاملها بـ شكل طويل , وزفر : ياربي انا وش مسوي عشان تجيني انتي ؟
رفعت رغد نظراتها ونطقت : وايييي ..
ابتسم سلمان ومرر ذراعه حول خصر رغد ونطق بـ هدوء ونظره مثبت على نظر رغد : واييي شنو ؟ اخذتي عقلي يامره ! اتركي عقل الرجال طلبتك !!
ضحكت رغد ورفعت كفها لـ لحيت سلمان وخللتها داخلها وقبلتها بـ خفه ونطقت : سلمان ... انا احبك وايددد !!!
ابتسم سلمان ونطق بـ حماس : واقسم لك انيي مو بس احبك الا امـ....
قاطع كلامه من دخلت ترف وتصارخ بـ الجوال : ريتال ياتراب اقولك مالقيت شيء الا تخليني اروح لاخر الاستراحه ادور نقابككك محد قال لك ارميه يالمرجوجههه !!
كتمت رغد ضحكتها وخبت وجهها بـ رقبة سلمان , ولف سلمان على ترف وانصدم بالحيل ونطق بـ غضب : ترفوههه !!!
فتحت ترف عيونها بـ قول وعدلت وقفتها ولفت جسدها وشافت سلمان وحاضنته رغد وصرخت وطلعت تركض بـ سرعه من الغرفه وتتحسب على ريتال , وضحك سلمان والتفت على رغد : امشي امشي خل نروح هههههههه
ضحكت رغد والتفتت تدور عبايتها ولبستها وغطت وجهها وناظرها سلمان : شعندك شكلك دخلتي الاسلام ؟
نزلت رغد الطرحه ونطقت : شنو ماتبيني اسلم ؟
ضحك سلمان وماعلق , ونطق رغد : لا والله سلمان يعني ماتدري الحين عن شئ
لف سلمان لها وعقد حاجبه بـ اسغراب , ومافهم ايش تقصد : عن ايش ؟
كانت رغد متمسكه بـ ذراع سلمان وطلعوا من الاستراحه: وايييي سلمان حدك سخيف امبيه شفيك ماتدري ان مرتك تغطت ؟!!
ضحك سلمان من الصدمه وحرفيًا انصدم ماتوقع انها بتتغطى وتلبس النقاب وهي كانت على حجابها : اسالك بالله ؟
انصدمت رغد وضربت كتف سلمان ونطقت بغضب : امبيهههههه سلمان ؟!
ضحك سلمان بـ عدم استيعاب , وراحت معه لـ السياره وللحين مصدوم : رغد صدق ؟
لفت رغد وجهها لـ سلمان : شفيك سلمان مخك اليوم اعدادته خربانه ؟!
شغل سلمان السياره : مدري عنك اقسم بالله ماتوقعت وربي انك كفو كفو كفو وعلى ذا عندي لك مفاجاه ؟
غطت رغد وجهها ونطقت بـ اسغراب : مفاجاه ؟
سلمان : هو من زمان ابي اوريك مير اننا انشغلنا والحين بوريك !
لفت رغد وجهها لـ سلمان واكلها الفضول وتبي تعرف هالشيء الان ولا تقدر تتحمل تنتظر : سلمان ؟؟ شنووو !؟؟؟
هز سلمان راسه بالنفي ونطق : رغيّد !! ابك اصبري علي الحين بوريك اصبري !!
زفرت رغد بـ ملل وتوجهت لـ باب المعاون وركبت وركب سلمان وطلعوا متوجهين لـ مكان المفاجاة .
-
« عند الفندق »
وقفل زياد سيارته , وتوجه لـ باب ليالي وفتحه ومد يده , ومدت ليالي يدها لـ زياد ووقفت بمساعدة زياد وساعدها تطلع لـ الجناح بسبب فستانها , ودخلت ليالي وترجف من التوتر والخوف وودها تبكي وتقول رجعني بيت ابوي , وقفل زياد الباب , وغمضت ليالي عيونها بـ قوه من سمعت صوت القفل وبداخلها تصيح , وطلعت عبايتها , وتقدم زياد لـ ليالي , وفصخ بشته ورماه على الكنب , وفتحت ليالي عيونها بقوه من شافت رميت البشت وسمعت صوت فتح السحاب وانخرشت , وتوجه زياد لـ الكنبه وجلس وحنى ظهره , وثبت كوعه على ركبته وضم يدينه لـ بعض وحطها اسفل لحيه ، ومثبت نظره على ليالي , وليالي على التوتر الي فيها زاد من نظرات زياد , وليالي ابتلشت وكانت تحاول تفتح سحاب فستانها لكن كان قوي وصعب عليها وحرفيًا ماعرفت وش تسوي وندمت ان فستانها سحاب , ووقف زياد بـدون مايقول حرف , وتقدم لـ ليالي ونزل نظره على سحاب ليالي وفتحه بهدوء , وكان يدقق النظر بـ ظهرها وكتوفها , وبعد مافتحه مرر اطراف اصابعها على كتوف ليالي وكانت بارده , اسغرب برودها ولف على المكيف وكان طافي , وكان بيتكلم لكن قاطعته ليالي بـ تلعثم وسرعه وكانت تبي تصرف زياد باي طريقه: زياد انا جوعانه ؟
حس زياد من طريقة كلامه انها تبيه يطلع , وهز راسه بالايجاب : ابشري !
ولف زياد وطلع من الغرفه وقفل الباب على ليالي , وماعلقت لان لو ماقفل هو كان قفلت هي , وكانت تاخذ نفس بـ سرعه وطلعت فستانها وكان صعب مره لكن قدرت تطلعه , وشافت فستان الحرير النودي وشهقت من عرفت ان ريتال ورطتها صدق ونطقت بـ قهر : حسبي الله عليك يارتالوه !
وتورطت حرفيًا لان مامعها غيره ولبس غداء بكره , واخذته وتوجهت لـ دورة المياه واخذت شور بشكل سريع ومسحت مكياجها وحطت ميكب خفيف مره , ولمت طرف شعرها بـ توكه صغيره , وبلعت ريقها بـ توتر من طولت النظر بـ شكلها وندمانه انها اعتمدت على ريتال لانها حطت شيء غير الي قالته ليالي , ولفت على الباب من سمعت صوت زياد ويناديها , وزادت رجفتها , وطلعت من دورة المياه , وترك زياد العشاء على الطاوله ونطق : دورت مطاعم مفتوحه لكن معظمها مقـ..ـفـ........ـله
ورفع راسه على ليالي وتلعثم بالكلام من طاح نظره على ليالي وركز على وقفتها وخصل الشعر على وجهها وشدة سواده ,بلع زياد ريقه وصد عن ليالي واشر على الاكل : بالعافيه
وتوجه لـ دورة المياه , واخذت ليالي بـ سرعه مويه , ولا قدرت تاكل ابدًا وطلع زياد من دورة المياه , والتفت على الاكل وشافه على ماجابه ونطق : ليش مااكلتي ؟
ناظرت ليالي الاكل : ماابي
عقد زياد حاجبه بـ اسغراب لكن سكت ولا علق , وجلس على الكنب مقابل لـ ليالي , ومنتبه لـ رجفتها وخوفها ونطق : خذي راحتك !
ناظرته ليالي ووودها تقول له شلون اخذ راحتي وانت اكلتني بـ نظراتك وصدت عنه , وتقدم زياد وجلس بـ جانبها وسحب يدها , وقبلها بـ هدوء , ولفت ليالي عليه ونطق وهو يناظر بـ عيونها :
ياوطن قلبي وغربة ناظري ..
‏يا اختياري يا صوابي يا خطاي ..
ابتسمت ليالي بـ خفه , وحضنها زياد بدون اي سابق انذار وسند وجهها على صدره , ويقبل راسها بـ شكل متكرر وتوقف ومازال حاضن ليالي ثم ابتعدت وتوجهت لـ السرير تنام وزياد ماتركها وتوجه خلفها و... ‼️‼️
« انحشنااااا »
-
« بـ سيارة سلمان ورغد »
وصلوا سلمان ورغد لـ المكان الي فيه المفاجاة وتناظر رغد البيت الضخم ومستغربه البيت ونطقت بـ فضول : سلمان هذا البيت حق منو ؟!
ناظر سلمان البيت ونطف ضاحكًا : هذا بيتنا وبيت عيالنا !
لفت رغد بـ صدمه على سلمان ونطقت بـ صوت عالي : جذابب اكيد تتغشمر ؟!
ضحك سلمان بـ قوه ونطق : لا مااتغشمر الا صجج بيتككك !!
ناظرته رغد عابسه وجهها : اهخ ياربي دقيقه شوي خلك من البيت الحين لاتتكلم نفسنا لانه خربت للهجتنا ؟ وبعدين شكو كلمه وحده من لهجتي وعشره منك
ضحك سلمان ونطق : كيفي ! شدخلك ؟ هههههههه
ضحكت رغد وناظرت البيت وللان مو مصدقه وهي طلعت روحها ببيت اهله ونطقت : سلمان احس اني ببجي
لف سلمان عليها ورفع حاجبه بـ اسغراب وضحك : والله انك مهبلوه وش يبكيك ؟
ضحكت رغد على بكيه وسلمان يناظرها بـ صدمه ووقف السياره ونطق : انزلي انزلي هههههههه
ضحكت رغد ونزلت , وتقدمت ودخلت ذراعها داخل ذراع سلمان ودخلوا البيت وفتح سلمان الباب , ونطقت رغد : هو ليش ما دخلت السياره ؟
لف سلمان على السياره ونطق : والله اني نسيت ! يالله معليه ادخلها المره الجايه !!
لفت رغد وجهها لـ سلمان ونزلت نظرها على جيبه واخذت المفتاح , ونطقت بـ صوت عالي : اصبر انا بدخلها
ضحك سلمان وثبت يدينه على جنبه الايمن والايسر : يالله نشوف ! هههههههه
ضحكت وغد وركبت السياره وشغلتها, ونزلت نظرها على القير تماتيك وحركته على D ومشت بـ هدوء ودخلت وركنت السياره وسلمان مبتسم ويناظره , ونزلت بعد ماقفلتها وصفق سلمان ونطق بـ صوت عالي : كفووو والله برافووو
ضحكت رغد ونطقت : شفتتت شلونن ؟؟
تقدم سلمان وحضن خصر رغد ودخلوا البيت وبدت رغد تتامل ارجاء البيت ونطقت بـ غصه : تذكرت بيت ابوي
لف سلمان عليها : ان شاء الله قريب بتروحين له !
وقفت رغد وناظرته بـ صدمه : امانه قول والله
سلمان : والله
صرخت رغد وحضنت سلمان بـ سرعه ونطقت : سلمان !!! والله احبكككوايددددددد وايد واحس حيل فقدت ابوي وحشني
رفع سلمان يدينه وبعد وجهه رغد عن رقبته , وثبته امام نظره ونطق ونظره مثبت على عيونها : هذي ابسط حقوقكك وباي وقت تبين نروح نروح حتا لو الحين !
توسعت عيون رغد بـ صدمه وسعاده ونطقت : الحين ؟!!!
ضحك سلمان بـ خفه , وقبلها بـ هدوء على طرف ثغرها ثم كرر القبله , ورفع يده وفتح التوكه وانتشر شعرها على كتوفها ووجها , و... ‼️‼️‼️ .
-
« بـ بيت حور وحاتم »
قدرت حور تقنع حاتم يطلعون من بيت ابوه واستقروا فيه وتغيرت حور وصارت افضل من اول وماقطعت اهله وتجيهم كل فتره لكن ماتتركها ام حاتم من الكلام , بس عشان خاطر حاتم ما تقول شيء , وبـ غرفة النوم »
دخل حاتم وشاف حور على السرير وسانده ظهرها وبيدها الايباد ونطق : حوريي !
نظارته حور وضحكت : حاتم لاتقول حوري !
عقد حاتم حاجبه ونطق : وش اقول اجل ؟ حوريه ؟
عبست حور وجهها بـ ضيق : ياويلك تقولي كذا عارف ماحب !!
ضحك حاتم وطلع شماغه وتوجه لـ حور واستلقاء بجانبها وطول النظر بـ الايباد ونطق : يالبيهه
ضحكت حور : هذا لبنوتتنا
تنهد حاتم ونطق : متى تجي تراني تعبت انتظر ؟
نزلت حور نظرها على بطنها ومدة يدها لـ بطنها ونطقت بـ ابتسامه : باقي لها خمس شهور متخيل ان بعد خمس شهور بتجي على الدنيا ؟ وبتنور بيتنا ؟
ابتسم حاتم واجتاحهم شعور غريب يخالطه حماس على جيت البنوته ونطق حاتم بـ حماس : وش نسميها ؟
لفت حور وجهها لـ حاتم وهي مافكرت بالاسم ابدًا ونطقت : ماعرف مافكرت
رفع حاتم حاجبه بـ اسغراب ونطق : تمزحين ؟ مافكرتي بـ اسم ؟؟
ضحكت حور من تعابير وجهه حاتم : جد ترا مافكرت
ضحك حاتم وهو كان مجهز فوق العشره اسماء : لو اقولك اني مجهز عشر اسماء ؟
ضحكت حور بـ صدمه وتاكدت ان حاتم متشفق على جيت البنوته : ما شاء الله ؟ عطني اشوف ذوقك
رفع حاتم يده وكان ساند راسه على كتف حور ولف نظره عليها : تطقطقين ياويلك ترا ذا مسقبل بنتنا !
ضحكت حور بـ خفه : اسلم !
بدا يعد حاتم بـ يده : نور فكرت بنور عشانها بنتور حياتنا , وصبا ماعرف ليه لكن عاجبني , وريما , وايمان , وحنان ، و...
قاطع كلامه من صرخت حور بـ غضب من ذكر اسم حنان : خيرر ؟؟ حاتم وش حنانن ؟؟ ليش اخترت حنانن ؟؟؟؟
انفجع حاتم وهو نسى سالفة الدكتوره حنان ونطق بـ عدم فهم :شفيكك ؟؟ وش اسم واخترته ؟
ضربته على كتفه ونطقت : اطلع من الغرفه نكدت علي !!!
لزم حاتم مايطلع : والله مااطلع ! وان انشب فيك بس علميني ليش عصبتي ؟؟
عقدت حور حاجبه : علامك نسيت حنان ؟ ذيك الدكتوره المـ^^^
تنح حاتم يناظرها ويحاول يتذكر حنان وضحك بـ قوه من تذكرها وهوشتهم , : اما ذيك ؟ حور مانك بصاحيه !
سالت دموع حور قهر : خير حاتم !!
انفجع حاتم وتلاشت ابتسامته ونطق : لبيه يانظر عيني ! امري ماتبي حنان ابشري وانا ماني بقاصد والله !
وعدل سدحته وسحبها لـ حضنه ونطقت بـ هدوء : كمل
ضحك حاتم بـ خفه ونطق : في اسم من وانا صغير واقول اني بسميه بنتي وحتا اخوياي ينادوني بهالاسم !
حور : وش الاسم ؟
ابتسم حاتم : نجد !
ابتسمت حور من نطق حاتم باسم نجد وعجبها مره ونطقت : مره يجنن !!
رفع حاتم يده وحركها : نجد بنت حاتم بن عتيق آل تركي يالبيه !
ضحكت حور ونطقت : مره يجنن !! انا كنت اقول نسميها روان لكن نجد مره جاز لي !
ضرب حاتم كفه بـ كف حور ونطق : اجل يـ ام نجد خل نمسي
ضحكت حور ونطقت : يابو نجد امسّ لوحدك !
لف حاتم وجهه لها ونطق : والله مانام لحالي !
رفعت حور حاجبها ضاحكة : بزر انت يومنك ماتنام لحالك ! ؟
حضنها حاتم ونطق : للاسف
ضحكت حور وحضنها حاتم وغمض عيونه : نامي ! يام نجد
حور ضاحكه : يابو نجد اخمد وريحنا
حاتم : ابشري هههههههه
-
«بـالفندق »
طلع زياد من الغرفه وبقيت ليالي واخذت شور بـ سرعه واستشورت شعرها واخذت الفير وبدت تفير اطراف شعرها وخلصت وخلتت يدها داخل شعرها وصار شكله يغتح النفس ولون شعر ليالي ولمعته زاده جمال , ووقفت وناظرت بـ شكلها بـ المرايه وتتامل تفاصيل جسدها بـ الفستان الابيض البسيط , واخذت الروج الاحمر ورسمته على ثغرها المليان , ولفت تدور شنطتها وانحنت تاخذ كعبها , ودخل زياد , وثبت بـ مكانه يناظر ليالي وكان شعرها مغطي ظهرها ولا يبان منها شيء , ووقفت بـ غضب ونطقت : الله ياقلع بليسك ياريتال !! وياخذ من يعتمد عليك !!
والتفتت بتاخذ جوالها وطاحت عيونها بـ عيون وكلنت بتصرخ لكن غطت فمها بـ سرعه , ونطق زياد : شفيك ؟
نزلت يدها واخذت نفس بـ هدوء , وزفرته : ولا شيء !
عقد زياد حاجبه بـ اسغراب لكن سرعان ماتجاهل ونطق : هيا ماودي نتاخر !
هزت ليالي راسها بـ الايجاب وكملت باقي اغراضها وطلعت خلف زياد متوجهين لـ بيت الجد ناصر وكان الهدوء والصمت حاظر بينهم دومًا .
-
« في بيت الجد ناصر »
راح سعود لـ المطبخ وميت جوع , وهو فاته الفطور ودخل ويدندن : على الموعد الي بيننا جيتلك ملهوف اسابق عقارب الساعه
ويهز راسه ومنطرب , ورفعت ريتال حاجبها ضاحكه من شكل سعود واندماجه بـ الشيله , ويرددها ويغني وفتح باب الثلاجه وتنهد بـ قوه : اخخ يام العيون السّود ياليتك يمي والله اني راضي تصفقين الباب بوجهي !
ماقدرت ريتال تتحمل ماتضحك من كلام سعود وضحكت بـ قوه , ولف سعود على الصوت وانفجع من شاف ريتال وكانت عند الباب وماشافها ونطق بـ غضب : وش تسوين هنيه ؟
وقفت ريتال ضحك وتخصرت ونطقت : ليه المطبخ لحالك انت ؟ انت الي وش جايبك ؟ تو جابوا فطور الرجال مسرع جعت !
زفر سعود ونطق : ياليت افطرت مير انهم كلوا وخلوني ! وجيت ادور اكل بفتح ريقي اقل شيء !
ريتال : اقضب الباب مابه شيء ! ولا كلم الكويتي يجي لك !
ضحك سعود وفهم الكويتي : الكويتي غرقان ماهو يمنا !
ضحكت ريتال وهم اخذوا رغد وسلمان ذب : انشهد ! ترف المهبوله طاحت على رغد وسلمان بعد زفة ليالي
توسعت عيون سعود بـ صدمه وتقدم لها وجلس على الارض ونطق : امشي امشي اجلسي !
ضحكت ريتال وتقدمت وجلست مقابله له وبدت تتكلم وتقول له وش صار بعرس ليالي : ابدا من وش ؟
سعود : ابديي من رحتوا القصر !!
وقفت ريتال وراحت تجيب شاهي : صبر لازم شاهي
ضحك سعود واخذت ريتال شاهي ولقت فصفص مدسوس وضحكت : شوف ذا داسينه خل نسرقه
وتربعت ريتال وبدت تسرد لـ ريتال كل شيء شافته ونعطيه اسماء بنات مزز وتحاول فيه يتزوج وحده منهم , لكن سعود رافض ونطق بـ غضب : يبنت خلاص خلاص انا مراح اتزوج غير ام العيون السّود !
عبست ريتال وجهها ونطقت : بتموت انت وام العيون السّود ولا اجتمعتوا !
ضربها سعود ونطق : ياتهبين ! فال الله ولا فالك !
ضحكت ريتال : وانا صادقه ؟ جدي اذا طروا اسم محمد كشر !
سند سعود ظهره على الجدار : الله يعين !
حست ريتال انها ضايقة سعود ونطقت ضاحكه : جهز نفسككك برجعع معكم هالمره !!
غطى سعود وجهه بـ مزح وبتتمثيل : ياليل ! مانفتك منك ؟
ريتال : لوء ! مراح تفتكون مني !
ضحك سعود ونطق : يبوي امشي والله ماقول لك لا ! بس بشرط !
ريتال : امر !
سعود : مايامر عليك عدو , ابيك تجين عندي بالمطعم ! انا اعدي بالقسم واعدي للمطعم تعبت
رفعت ريتال حاجبها : بس ؟ والله كنت متوقعه شيء اقوى وتمم
مد سعود كفه لـ ريتال وضربت كفها بكفه ونطق : اسلميي
ريتال : ترف كانت تدور نقابي و....
وكملت ريتال تسولف على سعود وتقول له وش صار بالعرس , وفزوا من سمعوا ترحيب الجده فاطمه بـ ليالي , ودخل سعود يركض وصرخوا البنات من شافوا سعود ، وتوسعت عيون سعود بـ صدمه وانفجع من صراخهم , وفطست ريتال تضحك وصرخت عليه الجده فاطمه : سعدونن اطلعع !!
لف سعود وسحب ليالي وتوجه لـ المطبخ , والجده فاطمه منصدمه من تصرف سعود ونطقت : الله يخلف علي ! مدري وش سويت عشان ربي يبلاني بعيال مثلكم ! واحد انحاش من البيت مع مرته والثاني ماصدق على الله يطلع وراح لـ الرياض وواحد مسجون والثاني طايح عندنا !
لفت ريتال بـ صدمه على الجده فاطمه ونطقت : جده وش هالكلام الحمد لله خوالي بصحه وعافيه وبارين فيكم !
ناظرتها الجده فاطمه بـ نقد وتركتها وراحت لـ المجلس , ومااهتمت ريتال وتوجهت لـ المطبخ وشافت ليالي واقفه وتوجهت لها بتحضنها وصرخت : وحشـ....
ضربتها ليالي بـ قوه على كتفها ونطقت بـ غضب : الله يقلع هالراس!! فشلتيني الله يفشلك !! جبتي فيني العيددد !!! و...
سكتت ماقدرت تكمل بسبب وجود سعود وضربتها على كتفها : انقلعي عن وجهي
ضحكت ريتال ونطقت : اوف شكل جحفلتي جابت فايده ! هههههههه
ضحك سعود والصدق مايعرف وش السالفه لكن ضحك ونطق : علامكم فهموني ؟
لفت ريتال على سعود وناظرته وكانت كاتمه الضحك : ليش تضحـ...
وانفجرت تضحك وضحك سعود معها وضحكت ليالي ونطقت : مو صاحين ! هههههههه
وطاحت ريتال على الارض , وصرخت وكان شكلها يضحك وضحك سعود وبصوت مرتفع يطقطق على ريتال : ياضعيفهه !! هههههههه
ودخل سلمان على ضحكهم وضحك : شسالفه ؟ هههههههه
لفت ليالي واشرت عليهم : وجعوا !
لف سعود على سلمان وصرخ ضاحك : الكويتيييي ارحبب هههههههه
لفت ريتال على سلمان وضربت سعود بـ رجلها وضحكت : سعود !!!!! شوفففف واضح انه كان غرقان ! هههههههه
رفع سعود وجهه على سلمان وركز على اسفل خد سلمان وانفجر يضحك , ونطق : ريتالل !!! هههههههه
ناظر سلمان بـ شكله مستغرب وش يقصدون ولفت ليالي تدقق بوجه سلمان وكتمت ضحكتها ورفعت يدها لـ خدها واشرت لـ سلمان , وانخرش وراح لـ اقرب مرايه وحمد ربه انه مادخل على الرجال وضحك من فهم كلاممهم , ومسح الروج الي طبع بسبب رغد , وطلع لـ المطبخ , وكان سعود معطيه ظهره ومثبت يده على جنبه الايمن , ولف راسه فقط لـ سلمان وغمز : البيبي جاي ؟؟
تقدمت ريتال ووقفت جنب سعود و كاتمه ضحكتها ونطقت : البيبي ؟ ورالي تؤام !
ضحك سعود وضرب كفه بكف ريتال ونطق : ورالي ! هههههههه
غطت ليالي وجهها وتدعي انها ماتطيح بين هالاثنين ونطق سعود : الا صدق متى بنروح بيتك ؟
ولف على ريتال وغطى فمه : يخوفي نقاطعهم !
شهقت ريتال : يافضحي فضحاه ياسعود !
تقدم سلمان وضرب سعود على ظهره : اعقب !! كانك فليتها ؟ ولا نسيت ام العيون السّود ؟
لف سعود بـ غضب على سلمان : تمون يالغالي ؟ ام العيون السّود مايقولها الا انا !
عقدت ريتال حاجبها بـ استهزاء ونطقت : خف علينا يالرجُل القيور !
ضحك سلمان ونطق : مسرع قلبتي عليه !
لف سعود وجهه لـها ورفع حاجبه : ياتهبين ! وين الي تطقطق معي قبل شوي ؟
ورفعت ريتال كفينها : معليش مستحيل افوت هالفرصه !
ضحكت ليالي : اعوذ بالله منكم الاثنين !!!
خّزتها ريتال ونطقت : دزيها امانه !
لفت ليالي بتطلع ونطقت : كلي تراب !
ضحكت ريتال ولفت على سعود ونطقت : شرايك نروح ندوج ؟
سعود : عشان يفرم راسي ابوي والله مادري شلون مافقدني للحين !
ريتال : صدقني يبيي الفكه منك ولا ليه مادورك !
ناظرها سعود بـ طرف عين ونطق : انقلعي انقلعي !!!
ضحكت ريتال ودخلت لـ الحريم تدور الكويتيه وليالي , وطلعوا العيال لـ مجلس الجد ناصر .
-
« في مطعم سعود »
دخلت ميار وبجانبها ارجوان ومندهشه من جمال المطعم وضخامته , وتوجهت ميار لـ إحدى الطاولات , وتبعتها ارجوان , وطلبت المنيو وكانت تتصفح المنيو , ورفعت راسها لـ ارجوان ونطقت بـ تساؤل : ستيك ؟
هزت ارجوان راسها بـ النفي : سلطه !
عبست ميار وجهها ونطقت : وش جوك ؟؟
ضحكت ارجوان ونطقت : بطني ولا بطنك ؟ هههههههه
ميار : براحتك براحتك
وطلبت لها ستيك وارجوان سلطه , ونطقت ميار موجهه لـ ارجوان : ليش ماتجربين تقدمين على وظيفه مسائية! يوم دخلت كان في اعلان
ضحكت ارجوان بـ استهزاء: تمزحين ؟ هههههههه
هزت ميار راسها بـ النفي : طبعًا لا ! جد اتكلم !
ارجوان بـ تافف : بليز سكري على الموضوع !
ماعلقت ميار وشغلت نفسها بـ الجوال تنتظر الاكل , ووصل وبعد دقايق توجهت لهم رِهام ونطقت بـ ابتسامه: ان شاء الله عاجبك الاكل ؟
رفعت ميار وجهها لـ رهِام وغمضت عيونها لـ ثواني وفتحتها ونطقت : حرفيًا الاكل لذيذ ! ما شاء الله المطعم يجنن ياعسل !
ابتسمت رهِام ونطقت : بصحه وهنا , واذا في اي مشكله بلغوني !
هزت ميار راسها بـ الايجاب وابتسمت لـ رهِام وصاده ارجوان عنها , وابتعدت ونطقت بـ قرف : الله يقرفها ياشيخه ! ويع تجيب المرض
ضحكت ميار ونزلت نظرها على الشوكه : حرام عليك والله تجنن !!
صدت ارجوان بـ قرف وانتظرت ميار تخلص اكل وماصدقت على الله تخلص وطلعوا بسرعه ومستغربه تغير ارجوان بثواني وحاولت تسائلها لكن تسكر ارجوان بسرعه الموضوع , ثم طلعوا لـ بيت ميار .
-
« بـ الديره »
اساذن زياد من اهل ليالي وطلع سعود يركض لـ قسم الحريم , وانفجع من شاف جود قدامه ونطق : اللهم سكنا بمساكنهم ابك ذي جود ام ذبان ؟
سمعت ريتال سعود وضحكت : بلحمها وشحمها !
دخلت جود بـ سرعه وخايفه يتكلم سعود ويقول شيء وكانت متوقعه ان سعود يعرف لكن ليالي ماقالت لـ احد عن سالفتها , وضحكت ريتال : وش عندك جاي ؟ اعترف اشتقت لي ؟
عبس سعود وجهه ونطق : والله اني وجعان لو اشتاق لك !
صرخت ريتال : وجعع سعود !!
ضحك سعود وقاطعه من دق جوالها ورفعه ونطق : رهِام ؟ امري
التفتت بـ صدمه واستغراب لـ سعود وتخصرت تنتظره يخلص وتسأله عن رهِام ونطق : الاسبوع ذا وانا عندك ... ولا يهمك كل شيء بينحل ! في أمان الله
خزته ريتال ونطقت : مسرع ؟ نسيت ام العيون السّود افا ياسعود !
تغيرت ملامح سعود لـ الغضب وبنبرة حاده : ريتال !! انقلعي لا اشوف وجهككك !!
انفجعت ريتال من تغير نبرة صوت سعود وقررت تدخل ودق سعود على ليالي وطلعت له وقالها عن زياد ولا نطق بشيء ثاني استغربت ولا هي من عوايد سعود , وشافته طلع متوجه لـ سيارته والشنطه معه , ونطقت : سعود ؟؟؟
الفتت سعود ونطق : استودعتك الله يبنتي بعود الرياض !
ابتسمت ليالي بـ ضيق ونطقت : بلحقك !
ضحك سعود وتقدم لها وحضنها لـ وقت طويل , وقبل راسها : سافري الحين وانبسطي ولا راح اشيل هم دامك مع زياد ! واستودعتك الله الذي لاتضيع وداعه !
وطلعت متوجه لـ سيارة زياد وشوي وتبكي , ابدًا مو مستعده لحياتها الجديده وركبت السياره والتفتت زياد ونطق بـ ابتسامه: ياهلا بدهر قلبي ورجعانه !
ابتسمت ليالي ونطقت بـ همس : هلابك
ناظرها زياد بـ تفحص وركز على ذبلان عيونها ونطق : صاير لك شيء ؟
لفت ليالي بهدوء لـ زياد وهزت راسها بـ النفي :لا شدعوه !؟
حس زياد ان في شيء مضايقها لكن ماحب يسالها ويضايقها زياده وراحوا لـ بيت اهل زياد , ونزلوا وسلموا عليهم واخذوا فنجال قهوه ثم طلعوا منوجهين لـ المطار , لـ سويسرا ، ودخلوا مطار جده , وبعد ساعه بالضبط أقلعوا لـ الرياض ثم أقلعوا من جديد لـ سويسرا .
-
« بعد مرور اسبوع من سفرة زياد وليالي »
مر اسبوع طبيعي على الكل وهادي بـ النسبه لـ ابطالنا , الا زياد وليالي الي استمتعوا جدًا بـ سويسرا , ودخلوا احد المطاعم , وبسبب اتقان زياد للغه الانجليزيه ونفس الشيء مع ليالي ماعانوا بـ السفره , وطلب لهم اكل , وبخارج المطعم ، زفر زياد وللان ماقدر يتحمل قوانين الدوله ونطق بـ غضب : يرحم لي والدينك غطي حواجبك على الاقل !
ضحكت ليالي ونطقت : الكمام لوحده قتلني يكفي لا تجيك جلطه من تشوف المخالفات!
ضحك زياد وضربها بـ خفه على يدها : عاجبك شكلك ؟ الله يلعـ^^^ قوانينهم !
وضحكت ليالي وكانت تتامل جمال الطبيعه والوانها المنعشه , ووصل اكلهم , وبدوا ياكلون , وبعد انتهائهم ، وقفت ليالي ونطقت : وعدتني نروح نلعب ! هيا !
عقد زياد حاجبه ونطق : خليه يوم ثاني !
رفعت ليالي حاجبها ونطقت : زياد تكفىى !!
فز زياد من مكانه : تكفى تهز رجاجيل !
ضحكت ليالي : لوني داريه انك بتفز كذا اجل بقول تكفى على طول هههههههه
ضحك زياد وتقدم وثبت ذراعه على خصر ليالي ومشوا متوجهين لـ السياره عشان يوصلون جريندلفالد , وركبوا التلفريك متوجهين لـ الزحليقه , وزياد مايحب الألعاب لكن عشان خاطر ليالي تشجع وقرر يلعب ولاول مره من 25 سنه , ونطق : اركبي قدامي عشان اشوفك !
ضحكت ليالي وبالفعل ركبت بـ العربه الاولى , وزياد بالثانيه , وسحبت ليالي على زياد وتركته , وضحك من شافها ابتعدت , وحاول يلحقها لكن ابتعدت بالحيل , وزياد يحاول مايطلع اي ردة فعل لكن صرخ بقوه من لفح الهواء وجهه وحس ببروده قويه وخاف على ليالي مره , ورجعوا بعد طلعت روح , ونزل زياد وتوجه لـ ليالي بـ سرعه وخمها , صرخت ليالي بخوف وضحك زياد بـ قوه وضربته ليالي على صدره بـ قوه : زياد !!
ضحك زياد ونطق : اسف !
ابتسمت ليالي ونطقت : معليه تعال خل نروح هذيك الي فيها حبل !
ضحك زياد من شرح ليالي وفهمها وعرف انها تقصد زبلاين , وتوجهوا لها وكانت تحتاج التلفريك للوصول لها , وتاكد زياد من ثباتها ونطق : استودعتك الله !
وراحت ليالي بين الاشجار وتصور والسعاده ماليه قلبها وضحكت من سمعت صوت زياد خلفها وصارت تسمع صوته بوضوح : معاد بمشيء وراك ! هههههههه
ضحكت ليالي وفهمت قصده بانه مراح يسوي اي شيء تطلبه ، ونطقت بـ صوت عالي : شرايك ؟؟
زياد وهو يلهثه : خل نوصل بسلامه واقولك !
وصرخت ليالي بـ قوه من نزلت بـ سرعه , وانفجع زياد وكان يدور ليالي بعيونه ونزل نفس ليالي وبدون مايشعر صرخ بـ قوه , وكانت ليالي قد وصلت وتشوف زياد وانهارت تضحك , ونزل وركزت بوجهه وكان منقلب لـلون الأحمر ومنهاره تضحك وضحك من ضحكتها وتقدم لها ورفع فكها ونطق : بتذبحيني انتي ؟
رفعت ليالي يدها وثبتتتها على يد زياد : اوه ياللواء زياد ليالي قد ذبحتك من قبل وانتهيت !!
ابتسم زياد وكانت ليالي صادقه بكلامها وقبلها بـ سرعه بـ خدها وابتعد ونطق : عز الله ماكذبتي !
وشده ليالي على يد زياد بـ قوه وطلعوا من زبلاين وكملوا يلعبون ويتمشون وماكانهم عرسان , وبنهاية اليوم بعد ما طلعوا طاقتهم بـ جريندلوالد متوجهين لـ الكوخ المتواجد في جريندلوالد , ودخل زياد والفتت على ليالي وضحكت : مرهه مرهه يهبل !!!
تقدم زياد ونظره على عيون ليالي : والله انتي الي تهبلين !
ضحكت ليالي بـ خفه وتقدم زياد اقرب لـ ليالي وحاصرها بـ زوايا الكوخ ونظره مثبت على عيون ليالي ونطقت ليالي بـ توتر : زياد !
نزل زياد حجابها وفلت شعرها الحرير , وانتشر على كتفها وصدرها ورفع يده لـ خدها ورفعه لـ الاعلى وتجمدت ليالي بـ مكانها وحست بـ حراره قويه داهمتها , وبهدوء نزل راسه وطبع قبلات بـ شكل متكرر على خد ليالي , ثم فتح ازرار جاكيتها ونزله بـ نفسه , والتفت على ثغر ليالي و... ‼️‼️.
-
« بعد مرور اربع ايام , انترلاكن »
توجهوا لـ البحيره في انترلاكن وينتظرون القارب , وكالعاده زياد مثبت ذراعه فوق كتف ليالي وغالبًا حاضنها ونطق : تتغرقين تتعبين انا مالي دخل !
ضحكت ليالي ونطقت : ماتقوى !
ضحك وهو عارف انها عارفه كل شيء وقافطته وعارفه انه ميت فيها , وحاول يشغل نفسه باي شيء لين يصير دورهم , وجاء وقتهم وركب زياد القارب , ومد السايق يده لـ ليالي يساعدها , وكانت الدوخه مسيطره على ليالي واضطرت تمد يدها عشان تطلع , والتفت زياد صدفه وطاحت عيونه على يد الرجُل الملامسه يد ليالي , وبرزت عروق جبينه بـ غضب , وتقدم بـ سرعه وسحب يد ليالي , ورفعها بـ سرعه لانها ماكانت ثابته وممكن تطيح , وانصدم السايق من فعلت زياد وتهاوش زياد مع الرجُل وتعالت اصواتهم وتقدموا المتواجدين وضرب صدر الرجُل بـ قوه وستر ربي مايطيح بالماء وطاح على ارض القارب وبسبب صغره صدم بـ الحديد الموجود ، على كتفه وكان يصارخ بالم ، وابتعد زياد نطق بـ غضب : امشي !
ماقدرت ليالي تنطق بـ حرف واحد , وبالفعل خربت خطتهم لـ القارب , وكان ماسك ليالي من ذراعه متوجه لـ الاكواخ , لكن زياد أخطاء وابتعد من الاكواخ ودخل مكان غريب واصوات الحيوانات وطول الأشجار , وبكت ليالي ونطقت بـ صوت عالي : خلاصص خلاصص عارفه ان خطا لكن كنت محتاجه شيء اسند نفسي عليه !!!
لف زياد عليها ونطق بـ غضب : تسندين نفسك عليه ؟ انتي شفتي كيف يعاين فيك ومسكت يده !!!
ليالي : بس انا ماليي دخللل !!!!!
ضحك زياد بـ استهزاء ونطق : الخطأ مني اجل ؟
زفرت ليالي بـ ضيق ولفت صدفه وطاحت عيونها على ثعبان وصرخت باقوى صوتها , وانخرش زياد من صراخها ونطق : شفيـ...
ومااكمل كلامه لان ليالي مسكت يده وصاروا يركضون جاهلين المكان الي قدامهم , وزياد مايعرف ليه صرخت ومن ايش يركضون , ويحاول يسالها لكن كانت تبكي وتصارخ عليه , وكان فيه اغصان شجر وكبيره وكانت بـ تتخطاها لكن نشبت رجلها وطاحت على بطنها وجرحت رجلها ودخلت الاغصان بـ ساقها ، وصرخت بـ الّم ، ولف زياد مصدوم ونطق : بسم الله عليك !
وبكت ليالي ونطقت : زيادد !!!
وتقدم وحاول يساعدها , ونطقت : زيادد تكفى بسرعه !!
وقفها زياد بـ صعوبه ونطق : ليالي ليش نعدييي !!!
ليالي : في ثعبان كبيرر كبير مره !!
فتح زياد عيونه بـ صدمه ونطق : داب !!!!
هزت راسها تعني بـ « نعم » وحاولت تمشي لكن رجلها توجعها بالحيل , وتقدم زياد ونزل ذراعه اسفل ركبتها وشالها بـ سرعه وتثبتت برقبته ونطقت ببكى : زياد !!
زياد : لبيه ياقلب زياد !
ماقدرت ليالي وبكت بانهيار , واختفى الثعبان عنهم وطلع زياد من الغابه الي دخلوها بـ الغلط متوجهين لـ الكوخ وصلوا والتعب كان ذابحهم , ودخل زياد وتوجه لـ السرير ونزلت ليالي وكانت منسدحه على ظهرها ومغطيه وجهها بـ ذراعها , وقفل زياد باب الكوخ وصار يدور شنطة إسعاف أوليه ولقاها واخذها بـ سرعه ومتوجه لـ ليالي , وفتح جاكيت ليالي وحاول يرفع ظهرها ومررت ليالي ذراعها حول رقبة زياد تتثبت , وحاول يطلع جاكيتها وكانت تبكي وقبل عنقها بـ خفه ونطق : معليك خفيفه بعطيك مسكن ويخف الالم !
مانطقت ليالي بـ حرف ورجعت نفس وضعيتها الاولى , ومايقدر يرفع بنطلونها وتتوجع , واخذ مقص , وقصه واخذ المحلول المغذي , وقطن ومحلول خاص بتطهير الجروح وتعقيمها , وكان يطبط عليها بـ خفه ويحاول يشير الاغصان وكانت ليالي تزيد بكى وصارخ اذا شال الاغصان والداخل بـ الجرح , ومسك يدها وقبلها بـ تكرار : ليالي طلبتك لاتبكين ! والله انها خفيفه ! ولا فيه شق يحتاج خياطه ولا هو عميق بس الجلد تمشخ !
بكت ليالي واشرت على بطنها , وتقدم زياد بـ سرعه وشال التيشرت ونطق بـ صدمه : اوّ !!
خافت ليالي من تغير ملامح زياد ونطقت : شنوو ؟؟
زياد بتلعثم : مافي شيء خفيف
خافت ليالي , وماقدر زياد يسوي اي شيء لانه يحتاج خياط ونطق : ليالي هيا بنروح المستشفى!
فتحت ليالي عيونها بـ صدمه : مستشفى !! مستحيل!!!
زفر زياد وتقدم لـ وجهه ونطق بـ هدوء : اسمعي اسمعي بس عشان يتاكدون ان مافي شيء ! وبس حاولت انظفه لكن يحتاج شخص عنده خبره ومتعلم !
ليالي : زياد انت تعرف !
هز زياد راسه بـ النفي : لا مااعرف !
بكت ليالي ووقف زياد ليالي وعدلت حجابها وطلعوا من الكوخ متوجهين لـ المستشفى .
-
« الرياض, بيت ميار »
رفعت ميار راسه على ارجوان وعقدت حاجبها من شافتها سرحانه وضحكت : تهوجسين ؟؟ بمينن ! هههههههه
ضحكت ارجوان ونطقت : اهوجس ؟ بمين مثلًا ؟ هل بسبب تتدهور حال ابوي ولا امي ولا الجامعه ! ولا ولا ... اشياء كثير !!
ميار : معليك بيتغير كل شيء ! وقولي ميار ماقالت !
ضحكت ارجوان بـ استخفاف لـ ميار , ونطقت ميار بعد دقايق من تذكرت اسم المطعم : ارجوان !! شفتي المطعم الي جيناه وطلبت ستيك وكان لذيذ !!
عقدت ارجوان حاجبها بـ قرف من ذكرت ميار المطعم : الي فيه الموظفه الغثيثه ذيك !
ضحكت ميار وهزت راسها تعني بـ « نعم » : ايواا شفت اعلان يطلب الموظفين !
-
-
-