وفز من مكانه وتوجه لـ جابر ونطق بـ صوت عالي يخالطه البكى : جابرر جابررر
جابر كان يسمع الاصوات لكن مايفهم وش يقولون وللحظه حس انه فقد عقله وتقدم عبدالمجيد وهز جابر بـ قوه ويصرخ عليه وفز نواف لـ جابر وكلهم تجمعوا حول جابر وكان شاد على راسه وجلسوه وثبت نواف جسده ونطق : جابر يابوي
واخذ جابر نفس قوي وزفره بـ قوه وصرخ باعلى صوته وكان يحاول نواف يحضنه لكن جابر طول حياته لوحده ومايحب يدخل احد معه ويبعدهم عنهم وقام بـ سرعه وماكانت مشيته متوازنه ومنهار يبكي ويشاهق وماقدر يتقبل موت جدتها فاطمه وطلع من البوابه بدون وجهه محدده ومجيد تبع جابر ولا قدر يتركه لحاله وصار جابر يمشي ويبكي وابتعد عن البيت وتوتر مجيد وركض خلفه وسحبه وطاح جابر على التراب وصرخ : خلنييي خلنيي
بكى مجيد وحضن جابر بـ قوه ويرمي بالتراب على مجيد ويبكي بـ صوت مرتفع جدًا .
-
« المـستشفى »
امتلى المستشفى باقارب الجد ناصر والرجال والناس الي يعزون الجد ناصر وكان سعود بـ نهاية الممر على احدى الكراسي ومرخي نظره لـ الارض ينتظر نواف وابوه , وما مر وقت كثير و وصل نواف والجد ناصر وكانوا الرجال يلتفون حول الجد ناصر ويعزونه وماكان عاجبه وجودهم بـ المستشفى ونطق : جزاكم الله خير
و وقف سعود وجلس الجد ناصر على الكرسي وجلسوا عياله نواف وسعود يمينه ويساره ونطق سعود : يبه نصلي على امي العصر ؟
وقف الجد ناصر و وقفوا الرجال معه وكانوا منعجبين بـ ثبوته وقوته ونطق : لا اله الا الله يالله يارجال على صلاة الجمعه
وطلعوا كلهم وسعود فهم الرد وطلعوا يصلون ودخلوا المسجد والكل مستغربهم ومنصدم من قوتهم وصلوا الجمعه ورجعوا لـ البيت وماكان يحتاج صيوان لان مجالس الجد ناصر واسعه وكبيره وقسم الحريم مليان والكل يطله ويدخل ونطق الجد ناصر : كلم اختك نوره وليالي يروحون للمغسله يغسلون امك
وماسمع رد سعود ودخل المجلس وغمض سعود عيونه بـ ضيق ودق على البنات وطلعت ليالي لـ سعود وركضت له وحضنته بـ قوه وبكت : سعودد
حضنها سعود ومسح على راسها ونطق : عظم الله اجرك
بكت ليالي من قسوة الكلمه وابتعدت عن سعود ومسحت دموعها ونطق سعود : كلمي نوره تجي تغسل امي بس انتي ونوره غيركم لا وبتروحون مع واحد من العيال
وترك ليالي وراح لـ المجالس و وقف الجد ناصر من اقبل عليه سعود ونزل نظره على الساعه بايده وطلع من المجلس وطلعوا خلفهم عياله واحفاده وانسابه لـ المغسله
~ قـسم الحريم
دخلت ليالي وتقدمت لـ نوره وجلست عند رجولها ومسكت ايدها ونطقت ببكى : ابوي يبيك تغسلين جدتي
غمضت نوره عيونها بـ شده وبكت من بشاعة الكلمه و نطقت ببكى : امسس غسلتهااا امسسس غسلتهااا وهي حيه وتهرجنيي الحين بغسلها وهيي ميتهه
بكت ليالي وحضنت خالتها نوره بـ شده وكان الكل يبكي و وقفت نوره ولفت على ريتال ونطقت : جيبي عباتي
وعدلت ليالي حجابها ولبست نقابها وطلعت نوره شرشف الصلاه ولبست عبايتها ومسكت نوره من ذراعها وطلعوا مع خالد ولد نوره لـ المغسله .
-
« المـانيا »
طلعت رغد من المستشفى هي واطفالها سعود ووديّان وكان سلمان يداريهم ويهتم فيهم ويهتم بـ رغد بشكل مجنون , وقام الصباح ودخل المطبخ متورط وش يسوي لـ رغد اكل وهو يتذكر خواته اذا نفسىوا دايم يسون اكل دسم وثقيل , وقرر يسوي مرقوق ولكن تورط ماعرف شلون يسويه واخذ جواله ودخل السناب بيدق على سعود لان الخط مايوصل , لكن شده الستوريات الي منزلينها الي متواجدين بـ سنابه ودخل صدفه على احدى الستوريات وتوسعت عيون بـ صدمه من قرأ اسم امه وسند ايده على الطاوله ونطق بـ اعلى صوته : يمهههههه
وفزت رغد من مكانها من صوت سلمان ونزلت تركض لـ الطابق السفلي ودخلت المطبخ وانصدمت من شافت سلمان يبكي وجالس على الارض وماكان بكيه طبيعي وتوجهت لـ سلمان وتوترت ولا عرفت وش تقول ولفت نظرها على الجوال واخذته ودخلت على الستوري وشهقت من قرت ~ انتقلت الى رحمة الله مرة الشيخ ناصر بن فايز ال راجّح الـ^^^^^ ~ وطاح الجوال من ايدها وحضنت سلمان بـ قوه وحاولت ماتبكي لكن ماقدرت وصارت تبكي بـ قوه وسلمان منصدم من خبر وفاتها ونطق : راحتتت يارغدد راحتتت وهي مو راضيه عنيي راحت وانا مزعلهاا يارغدد
ابتعدت رغد عن حضن سلمان وثبتت ايدها على خد سلمان ونطقت ببكى: حبيبي قلبي انت سلمان من سابع المستحيلات ام تزعل على ولدها
هز راسه بـ النفي وكان يعرف زعل امه ومستحيل ترضى : ماضنتيي يارغدد ماضنتيي
بكت رغد ورجعت تحضن سلمان وماتعرف شلون تواسيه لكن حاسه بشعوره وهي الي قد حست بمرارة الشعور و ابعد سلمان رغد عنه و وقف ومسح دموعه ونطق : بنمشي السعوديه
توسعت عيون رغد بـ صدمه ونطقت : تغشمررر !!؟
هز سلمان راسه بـ النفي ونطق ببكى : بشوفها لو اخر مره تكفين لاتحرميني منه
وقفت رغد وطلعت من المطبخ تجهز ملابسها وطلع سلمان جواله ودق على شخص يعرفه وطلب منه يحجز له تذاكر ولحسن حظ سلمان ان جوازات عياله قد طلعها , ودخلت رغد تركض لـ الغرفه وطلعت الشناط وبدت ترتب الملابس ومنهاره تبكي وكانت تلوم نفسها انها السبب ببعد سلمان عن امه وماكانت مركزه ايش تحط وايش خلت , ودخل سلمان يساعدها عشان ينتهون بـ سرعه ولفت رغد على سلمان ومسكت ايده ولف سلمان لها ونطقت رغد ببكى : اسفه اسفه اسفه وايدددد اسفه انا السبب انا السبب كله مني انا
انصدم سلمان من كلام رغد وسحبها لـ حضنه ومسح على راسها ونطق : لا تلومين نفسك يارغدد طلبتك
بكت رغد ونطقت :كل مني انا الي خليتك بعيددددد حيل عن اهلك كله مني كله مني
ماعجب سلمان كلام رغد وابعد رغد وثبت نظره بـ عيونها ونطق بـ حده : لا اسمعك تقولين كذا انا هنا عشان شغلي !
نزلت نظرها من عيون سلمان وقفت متوجه لـ دورة المياه وبتبدل لبسها وتتهرب من سلمان ودق جوال سلمان وبلغه ان اقرب حجز بعد ساعتين وقدر يلقى مقاعد , وصرخ : رغدددد
انرعبت رغد من صراخ سلمان وطلعت بـ سرعه ونطق : يالله تكفين لا نتاخر
ونزل سلمان الشناط ولبست رغد عباتها وتحجبت وطلعت تركض وماكانت تهتم لـ الالم بمكان عملية الولاده وطلعوا لـ المطار والضيقه ماكلتهم اكل وسلمان يحاول مايبكي لكن كل ماخطر على باله لحظه مع امه ينهار يبكي , وخايف مايلحق على الدفن ومايشوف امه و وصلوا لـ المطار ونزلوا ودخل سلمان التذاكر وبعد ما أنتهى من الاجراءات جلس بـ جانب رغد وسند راسه على كتفها وسالت دموعه بدون صوت وينتظر متى يوصلون السعوديه , ومر الوقت وطلعوا لـ الطياره واقلعت الطياره وسلمان ورغد ماوقفت عيونهم من البكي وموت فاطمه ما كان طبيعي لانه مثل الفاجعه وسند سلمان راسه على كتف رغد ونزلت رغد راسها وسندته على راس سلمان وكانت الرحله طويله جدًا ويحاولوا يتحملون ثقل الوقت وشعوره .
-
« مغسلـة الموتى »
دخلت نوره وليالي لـ المغسله وكانوا العيال محذرين ليالي ونوره مايبكون ويحاولون يثبتون , ودخلوا على الجده فاطمه وغطت ليالي فمها بـ ايدها وتقدمت نوره وكانت تردد : لا اله الا الله ، لا اله الا الله , ان لله وان له راجعون , لاحول ولاقوة الابالله العلي العظيم,
وتكرر ذكر الله وتدعي بالرحمه لـ الجده فاطمه وبدت تغسل جسدها بـ السدر والماء وليالي بـ جانبها تساعدها وماقدرت تتحمل ليالي وبكت وحضنت الجده فاطمه ونطقت : رحتي لامي وبعيش الفقد مره ثانيه ياميي
رفعت نوره نظرها لـ ليالي ورفعتها عن الجده فاطمه وماقدرت تقعد ليالي بـ المغسله وطلعت مسرعه بـ خطواتها وزياد كان عارف بـ وجودها ووقف عند الباب ينتظرها وطلعت ليالي تبكي والتفت زياد لـ الخلف وشاف ليالي ونطق : لياليي
رفعت ليالي نظرها لـه و فتح زياد ذراعه وركضت ليالي لـ حضن زياد وحضنها بـ شده وانهارت ليالي تبكي ومسح زياد على راسها ونطق : ليالي يا عيوني تعوذي من الشيطان
وابعد زياد وجهها عن عنقه وثبت اصابعه على خدها وثبت نظره بـ عيون ليالي وكانت منهاره تبكي وبدت تحاول تشرح لـ زياد الي حصل ونطقت : يازياد ماتتت وهي جالسه معنا !!! ماتت واحنا توقعنا انها نامت لكن .... لكن جدتي نامت ولا عاد قامت
وارخت راسها وثبته على صدر زياد وكان متضايق على حال ليالي ورفع راسها وقبل جبينه بـ شده ثم ثبت جبينه على جبينها , وغمض عيونه لـ ثواني ونطق بـ هدوء : راحت للي ارحم مني ومنك وهذي سنة الحياه والموت ينتظرنا كلنا وبياخذنا
توسعت عيونها بـ قوه ورجعت لـ الخلف وطولت النظر بـ زياد وليالي تكره طاري الموت وهزت راسها بـ النفي ونطقت ببكى: لا لا لا !! مراح تخلينيي زياد تكفى الموت اخذ اعز ناسي ماقوى على الفقد مره ثالثه
تنهد زياد بـ ضيق وسحب ليالي وارتمت بـ حضنه ودفنت وجهها على صدر زياد وانهارت تبكي بـ صوت عالي ويحاول زياد يهديها لكن كان بكيها يزيد , وابعدها عنه وهزها بـ قوه ونطق : لياليي طلبتك اهدي تكفين ياعيون زياد لا تجزعين طلبتك تحملي واصبري على قضاء الله ولا تعارضين الي كاتبه ربي
غمضت ليالي عيونها واخذت نفس ثقيل ورفعت راسها لـ الاعلى وزفرته بـ بطىء ومسحت عيونها بـ عنف ونزلت نظرها على زياد ونطقت بـ غصه وصوت مهزوز : ابي اروح
هز زياد راسه بـ الايجاب وتقدم وسندها على كتفه وتوجه لـ سيارته وصدوا العيال لين ركبت ليالي السياره وحرك زياد وطلعوا من المغسله راجع لـ بيت العزاء وليالي دموعها ماوقفت , ونوره الي بعد ما انتهت من تغسيل امها رجعت لـ البيت
~ المقـبره
نزلوا الجده فاطمه بالكفن ودخل سعود ونزلوا الجده فاطمه بـ القبر وبدوا يدفنونها بـ التراب و وقف ابو طلال بـ جانب الجد ناصر ومسانده باصعب اوقاته وشاد على كتفه لعل يختلف توازنه ويكون سانده ابو طلال , وبعد مانتهوا من الدفن بدوا الرجال يعزون الجد ناصر وعياله سعود ونواف , وسلمان الي ماقدر يلحق على الدفن ومالحق يشوف امه اخر مره , وطلعوا من المقبره راجعين لـ البيت يوفتحون ابواب العزاء
ومر الوقت وللان سلمان ماجاء ولا كان احد يعرف بان سلمان جاي الديره , وبعد اذان العشاء تكلف ابو عساف بـ العشاء لـ اهل العزاء والمعزين , وبعد ما انتهوا خفت الزحمه وبدوا يروحون والتفت سعود يدور نواف وهو فقده مره ولا شافه من بعد الدفن ونطق : نواف وينه ؟
وقف مجيد من جانب جابر الي للان مو مصدق وفاة الجده فاطمه وطايح باحدى زواياء المجلس , ونطق : عمي نواف راح الطايف يقول عندي شغله
عقد سعود حاجبه بـ اسغراب من الشغله الي كاننت تستحق يترك العزاء ونطق : وش مويـ...
وماقدر يكمل كلامه من سمع صوت صراخ وطلع لـ الحوش وتوسعت عيونه من شاف سلمان طايح على الارض يبكي ونطق باعلى صوته : ليهه ليهه تدفنونهاا ليهه تحرمنونييي من شوفتهاا ليه تحرمونيي من اخر مره اشوفهاا ليههه ليههه
توسعت انظارهم مذهولين من الموقف وركض سعود لـ سلمان وحضنه بـ شده وبكى سعود : ياسلماننننن
رفع سلمان نظره لـ سعود وحاول يبعده وابعده بـ عنف ونطق : ليههه ياسعودد ليهههه!!!
انصدم سعود من ابعده سلمان بـ عنف وبلع ريقه بـ ندم وتوتر شديد وتقدم الجد ناصر ونطق : وقف ياسلمانن وقففف
رفع سلمان نظره وطاحت عيونه على عيون الجد ناصر وماقدر يناظره ونزله على الارض و وقف الجد ناصر بـ جانبه ونزل ايده وثبتها على كتفه ونطق : قوم وانا ابوك قوم
رفع سلمان ايده وركضوا العيال وسندوه ودخلوه المجلس وكانت رغد واقفه عند باب السياره ومنصدمه من منظر سلمان وكانوا يسحبونه جثه والبكى مغرق وجهه وتجزم ان محد بكى وحزن مثل سلمان وكان شكله يرثى له ونواف الي ماقال له ان الجده فاطمه اندفنت الا عند دخولهم لـ الديره , وبعد مادخلوا العيال وسلمان لف الجد ناصر على رغد ونطق : ادخلي يابنتي عند البنات والعيال يدخلون الشناط
نزلت رغد نظرها لـ الارض وهي ماقوت تحط عيونها بـ عيونه لانها تحس انها السبب بموت الجده فاطمه , وتقدم الجد ناصر ومسك رغد من ذراعها ونطق : امشي معي
رفعت راسها بـ صدمه ولا فهمت وش مقصده لكن الجد ناصر توقع انها تعبانه واخذ سعود من حضنها ولا شعوري ابتسم اثناء تامله بـ لطافة الطفل سعود ونطق : اخذك ربي قبل تلحقين تشوفين احفادك عيال سلمان
اثر فيها كلام الجد ناصر والتفت عاقد حاجبينه من سمع صوت شهقاتها وتنهد بـ ضيق ونطق : سامحيها يابنتي سامحيها
ورغد ابدًا ماقد شالت بـ قلبها على الجده فاطمه ومسامحتها على كل ضرر ضرتها فيه وسحبها الجد ناصر ومشى متوجه لـ قسم الحريم وضايقه صوت بكيها وتطاول شهقاتها , ونطق : يارغد وانا ابوك ادخلي وغسلي وجهك وصلي لك ركعتين تهدين فيها وسلمان لا تخافين عليه اخوانه معه انتي انتبهي لـ نفسك وعيالك
هزت رغد راسها بـ الايجاب وتنتظر متى يبعد الجد ناصر لان وجوده بدا يوترها ولف الجد ناصر لـ الطفله وديّان التي بين اذرع رغد والتفت لـ الباب ونطق باعلى صوته : ريتاللل ليالييي
فزوا البنات من سمعوا صوت الجد ناصر وطلعت ليالي تركض وطاحت عيونها على رغد وشهقت بـ قوه وغطت فمها بـ ايدها منصدمه من وجود رغد ونطقت : رغد !!!!
امتلت عيون رغد دموع وركضت ليالي وحضنت رغد وبكت : ياليالييي اناا السببب انا السببب
عقد الجد ناصر حاجبه بـ اسغراب كلامها وطلعت ريتال والصدمه من لمحت رغد ونطقت بـ اعلى صوتها : رغد ؟؟؟؟؟؟؟
لفت رغد وجهها لـ صاحب الصوت وابتسمت بـ عرض من شافت ريتال وركضت ريتال لـ رغد حضنتها ...
~ بعد مرور يومين
ثـالث أيام العزاء بـبيت الجد ناصر
مرت الايام بـ ثقلًا شديدًا وحزنًا مميت وهمًا اجتاحهم وخلال مرور اليومين لم يستطيع احد التكلم لـ الاخرى وبدا يتضح التشتت القوي بين الإفراد والنفور , وكان هذا اكبر مخاوف الجد ناصر , الذي ياما حاول ان لا يتفكون عن بعض , وفي الساعه ~ 8 الصباح ~ من ثالث أيام العزاء , خرج سعود هاربًا من العزاء الى بيت ابـو طلال , ومثل عادته يتسلق ويدخل البيت من الخلف واستغل خروج ابـو طلال وام طلال لـ العزاء , ودخل البيت متوجه لـ غرفة ارجوان , ومسك مقبض الباب لكن قرر يدق الباب وما لقى اي اجابه وقرر يدخل , وفتح الباب بهدوء , وكانت ارجوان نائمه مثل الطفل , وتقدم سعود الى السرير , وجلس على الارض , وسند فكه عليه وثبت نظره على ارجوان وميل راسه بـ خفه ويحدق بـ وجهه ارجوان ويتنتظر متى تقوم , وصدفه فتحت ارجوان عيناها ولمحت سعود وسرعان مافزت بـ صدمه ونطقت بـ عدم استيعاب : سعود !!!!! ؟؟؟؟؟؟
رفع سعود راسه وابتسم بعرض لكن كان الحزن بأين بـ عيونه , وماقدرت ارجوان تعاتبه وسرعان ماتقدمت وحضنت سعود وبادلها سعود الحضن وحضنها الي كان لـ سعود شفاءٍ ودفن وجهه بـ عنق ارجوان ونطق بـ صوت مهزوز : راحت يارجوانن راحتت
ماقدرت ارجوان تتحمل زياده وبكت وابعد سعود راسه وعبس وجهه بـ ضيق ورفع ايده وثبتها على خدها ويمسح بـ هدوء ونطق وهو مثبت نظره بـ عيون ارجوان : ام العيون السّود ! يابعد طوايفي ارحمي عيونك السّود ! وبعدين انا جايك عشان تواسيني شكلي بقعد اواسيك ! ؟
تغيرت ملامح ارجوان وضحكت على كلام سعود وابتسم بعرض وميل راسه يتامل ابتسامتها ورفعت نظره لـ الاعلى تتهرب من نظرات سعود وضحك سعود : ياحبك للتهرب !
ضحكت ارجوان ونزلت نظرها لـ سعود وتقدم بـ شكل سريع وقبل خدها بـ تكرار , وضحكت ارجوان بـ صوت عالي ورفعت ايدها تبعد سعود ونطقت بـ ضحكه: سعودد ويي سعوددد !!!!
ضحك سعود وحضن ارجوان ونطق : لبيهههه لبيههه !!
ضربته ارجوان على ظهره ونطقت : سعود ياويلك من ربي
رفع سعود وجهه ونطق عاقد حاجبينه: وش سويت ؟؟
وقفت ارجوان ولفت نظرها لـ الباب واشرت بايدها يطلع : هيا حبيبي هيا ياروحي مع الباب !
وقف سعود ورفع حاجبه بـ استغراب : لا ياشيخه ؟ هههههههه
ضحكت ارجوان وتقدمت تسحب كتف سعود تطلعه من الغرفه وهي عارفه ان الي قاعد يصير حرام ولا يجوز , وطلعته من الغرفه والتفت سعود لـ ارجوان ونطق : برجع للجحيم الحين
عقدت ارجوان حاجبها بـ اسغراب : جحيم ؟
زفر سعود بـ ضيق ونطق : انتبهي لـ نفسك
وطلع بدون ماينتظر رد منها متوجه لـ العزاء .
-
« البـيت الطيني »
مرت الايام بـ لياليها وغرام لوحدها بـ البيت وبكل لحظه تسمع فيها حس تهرب لين تتاكد ان مافي احد ثم تعود , وعلى هالحال , عندما سمعت صوت مشي توقفت بشكل سريع , والتفت تدور على غطاء , واخذت شرشف الطويل وضربته على راسها , وخرجت من الخلف تركض ودخل مشاري البيت ونطق : وينكك يابنت
وماكان في حس ودخل يدور بـ الغرف وتاكد انها هربت وهو يعرف المكان الي تهرب له دايم , وطلع يركض لـ المكان , وعندما وصل صرخت غرام باعلى صوتها منرعبه من الشخص الي مسك كتفينها , ولف مشاري جسدها وناظر بـ عيناها بـ حده وثبت اصبعه على ثغرها ونطق : اصصص !!!! تبينهم يسمعونكك !!
زفرت غرام بـ غضب ونطقت : وش تبي ؟؟ مو قلت ماتبي مشاكل ؟ هيا روح
بلع مشاري ريقه من تذكر لياليه الي مضت بالحوم حول البيت خوفًا من هجوم اي شخص على البيت وهي لوحدها , ونطق بـ فضول : ماني بتاركك الا اذا عرفت قصتك يالغريبه
ضحكت غرام باعلى صوتها تشمت بـ مشاري : حقًا غبي
رفع مشاري حاجبه بـ اسغراب : ريحينااا !!
نزلت غرام ايدها وشبكت ايدها بـ ايد مشاري وسحبته لـ الطرف المنعزل ونطقت : تبي تعرف ؟
وجلست على التراب وكان نور القمر يضىء المكان ويستطلع مشاري النظر بـ عيناها بكل وضوح واريحيه, ونزل نظره على ايده ومنصدم من جراءة الفتاه وجلس بالطرف المقابل لها ونطق : اسلمي
غرام : وش اسمك ؟
ميل مشاري راسه ونطق ضاحكًا : وش يهمك باسمي ؟
غرام : احتياط
ضحك مشاري ونطق : ماني بقايل الا اذا قلتي
زفرت غرام بـ غضب ونطقت: يليل حركات المبزره ! اسمي مرح ارتحت ؟
ماصدق مشاري ان اسمها مرح ونطق : مافي اي توافق بين شكلك واسم مرح لكن مايهم اسمي بدر
ومشاري الي كذب على غرام وغرام الي كذبت على مشاري ولا واحد قدر يصدق ان الاسماء اسمائهم الحقيقية ونطق مشاري : من الي كانوا يلاحقونك ذاك اليوم ؟
زفرت غرام بـ ضيق ورجعت ظهرها لـ الخلف وسندت راسها على الجدار ورفعت نظرها لـ القمر وماتعرف تقول لـ مشاري او لا , ونطقت : عيال عمي من وعيت على الدنيا وانا مع عمي وعياله بس ماكان يعدني مثل عياله ابد
رفع مشاري حاجبه بـ اسغراب لعدم وجود احد والديها ونطق : امك وابوك ؟
نزلت غرام نظرها بـ الارض ولا تعرف وش تقول هل تقول انها ولدت من علاقه غير شرعيه وانها بنت حرام ونطقت : امي وابوي ماتوا وللاسف ما مت معهم ذاك اليوم
نزل مشاري نظره بالارض ونطق : الله يرحمهم
وحست غرام انها تكلمت اكثر من الازم ونطقت : وانت ؟ وش سالفتك
ضحك مشاري ونطق : وش تبيني اقول ووش اخلي ؟
جاء غرام فضول عن حبيبته ونطق : منهي حبيبتك ؟
لف مشاري وجهه لها ونطق : وش تستفيدين اذا عرفتي ؟
زفرت غرام ونطقت : لا تصير غثيث وتكلم مثل ماتكلمت
هز مشاري راسه بـ الايجاب : ابشري ,, البنت حبيتها عشان رفضها وصدها لي حبيتها عشقتهاا ولدرجه اني طعنت الشخص الي يحبها وهي تحبه من الغيره ! مابيها لاحد غيري ! لكن لو تساليني الحين مادري وش جاني معاد افكر فيها مثل اول معاد اشعر بشعور الحرقه الي بصدري ! ماني فاهم وش جاني مره ! صارت اخر همي وحتا افكر ارجع ديرتي ولا عاد اقعد هنه معاد عندي سبب اقعد عشانه !
رفعت غرام حاجبها بـ اسغراب ونطقت : في احد يتخلى من الي يحبه بسهوله ؟
تنهد مشاري بـ ضيق ونطق : يمكن كنت اتوهم حبها ؟ ولا انا ما احبها ولا في اي شعور اتجاهها !؟ واتوهم
ضحكت غرام بـ خفه ولفت نظرها لـ وجهه مشاري وشهقت من استوعبت مكانها وفزت بـ سرعه ونزلت نظرها على ايدها ومسحتها بـ قوه واسغرب مشاري تصرفاتها , وركضت بتبعد عن مكان مشاري ثم توقفت والتفت لـ الخاف ونطقت باعلى صوتها: ابعد يالغريب ولا عاد تحوم حول البيت اذا تبي تطوف وتحوم روح مكه يمكن ربي يغير حياتك
ولفت تركض لـ البيت الطيني ومنصدمه شلون تمادت بالكلام معه ولاهي من عوايدها ومن كرهها لعيال عمها كرهت كل الرجال وتشوفهم نفس الطينه , ومنصدمه شلون مشاري ماحست بـ نفس الشعور الي يراودها بكل مره ترأ بها رجُل , ودخلت البيت ونزلت اللثمة واخذت نفس بـ سرعه وغمضت عيونها من حاولت تسترجع كلامها لـ مشاري الملقب بالغريب, وفتحت عيناها بـ هدوء واجتاحها شعور غريب وبشع جدًا بـ النسبه لها وامتلئت عيناها بـ الدموع وتوجهت لـ مكانها المعتداد وفتحت الشبـاك , وجلست على الارض وتناظر من خلال الشباك القمر المكتمل , ولم تستطيع التحمل وأجهشت بـ البكاء بكل ضعف , ونطقت بـ حرقه : ياليتك معي يامي ولا صار لي كل هالمعاناه
وغرام الي تحدتها الحياه وكانت ضدها بـ كل إتجاهه, وانزلت جسدها على الارض واستلقت على ظهرها , وتناظر بـ عشوائيه وغمضت عيونها ببساطة , وسرعان من استرجعت الذاكره بـ اول موقف لدمار حياتها ....
~ فلاش بـاك ~
ايام التسـعينات .. اقبلت غرام بـ ابتسامتها البريئة تركض بـ ارجاء البيت بـ فرحه وسعاده لـ قدوم جدتها ام ابيها , واثناء ركضها ونقزاتها اوقعت الـفازه المـحببه لـ زوجة عمها , وتوسعت انظارها منرعبه من الصوت المرتفع خلفها ، وتقدمت زوجة عمها وصرخت باعلى صوتها تخاصم غرام ومسكتها مع شحمة اذنها وترص عليها بـ شدة الى ان تغيرت للون الاحمر ونطقت بـ غضب : وش سويتيي يابنت الحرام ؟؟؟؟ ماصدقت ارتاح من امك جيتيني انتي يابنت الحرام !
انصدمت غرام من لقبتها زوجة عمها بـ ~ بنت الحرام ~ وبسبب صغر سنها لم تستطيع فهم معنى الكلمه ودفتها زوجة عمها بـ قوه وارتمت على الارض و بدون وعي ثبتت ايدها على الزجاج , ودخل بـ كفها , وسفك الدم وكان غزير جدًا وعبست وجهها بـ تقرف : اوفف قوميي قوميي وصختي علي بيتي قومييي
وطلعت غرام تركض لـ دورة المياة , تغسل كفها من الدم وتحاول اخراج الزجاج من كفها وكانت تتألم ومع ذلك كانت تجاهد الألم, وبعد طلعة روح قدرت تخرج الزجاج بعد مانزفت بشكل كبير وسالت دموع عيناها , وبدت بتعديل مظهرها وخرجت بـ ابتسامه عريضه وخبت كفها بـ شال ونطقت باعلى صوتها موجهته لـ جدتها : جدهه !!
لفت جدتها عليها وفتحت ذراعيها ونطقت : غرامم !! تعاليي تعاليي يابنتيي يابنتيي تعالي يابنت الغاليي
ركضت غرام لـ الجده لكن استوقفها صراخ عمها من نطق : هدييي فكينا من الخمخمه وسلمي على امي باحترام وادب !
عقدت الجده حاجبها بـ اسغراب اسلوب ولدها ومع ذلك لم تتلاشى ابتسامه غرام وتقدمت وقبلت ايد الجده وبدا الكل يتفرق وابتعدت غرام عن مكان جلستهم لان بكل مره تجلس بـ جانبهم يقومها عمها ابو ماهـر وكانها شخص يحمل فايروس مميت , وبعد مامر الوقت احل الليل وتوجهت غرام لـ غرفة الجده وعندما حاولت فتح الباب توسعت عيون ابو ماهر ونطق بـ غضب : وينك رايحه ؟؟؟
لفت غرام وبلعت ريقها بـ توتر ونطقت بـ تلعثم : لـ لـ..ـا لا بس بـ...ـكلم جدتـ..ـتـ..ـي و.. و...
تقدم ابو ماهر بـ غضب ومسكها من عضدها وسحبها بيطلعها وعندما حاول التكلم : يابنت الحرام مـ....
رفعت صوتها بـ غضب وقاطعت كلامه : جمعان !!!! فك بنت اخوك ياللي ماتستحي
سالت دموع غرام وركضت لـ جدتها وحضنتها تهرب من عمها ونزل ابو ماهـر نظره بـ الارض وحس بـ القهر بان ممكن بنت مثلها سبب بنزول راسه , وناظرت الجده غرام ونطقت : علامك ياجدتك وش مسويه ؟
هزت غرام راسها بـ النفي وتحاول تبين انها ما سوت شيء ونطقت بـ بكى: ياجدها والله والله والله ماسويت شيء والله
حضنتها الجده ولفت تناظر ابو ماهـر بـ حده وهزت راسها تعني له بان لنا كلام , واخذت غرام ودخلتها الغرفه ونطقت : اقعدي هنيه وجايتك
وطلعت الجده لـ خارج الغرفه وألتفت على ابو ماهـر ونطقت الجده : علامك على بنت اخوك ؟ ياللي ماتخاف الله انت ومرتك تكدون البنت كد عيره ؟ وش سوت لكم الضعيفه !!!! وقسم بـ جلال الله ان انسيك اسمك يا جمعان !! واعرف اني بكل سجاده اتحسب عليك انت ومرتك ياللي ماتخافون الله تتهمون اخوك ومرته بالزنا ؟؟؟ بالزنا !!! حسبي الله عليك ياجمعان حرام عليك حملي وتعبي ! ذا جميلك لاخوك !؟ حسبييي الله حسبيي الله والله عز وجل بياخذ حق هالمسكينه والمرحومين منك ومن مرتك ! ولو عندي بيت والله ماخليها عندك دقيقه مير ان الحظ كه !
وكان صعب على غرام فهم الكلمات الضخمة وللاسف كانت وقتها صغيره بـ السن وقدر عمها جمعان يسيطر على تفكيرها ويقنعها بانها بنت حرام واتهم امها وأبوها بـ الزنا وهم بـ قبورهم وان غرام حملت قبل وقع النكاح , وبعد سنتان أنتقلت جدة غرام الى رحمة الله ,, وتوفت وتركت غرام بين الوحوش , الذين يصعب قولهم عم وزوجة عم ....
اغمضت عيناها من حاولت تسترجع بعض الكلمات التي نطقتها جدتها وعتابها لـ عمها جمعان لكن لم تستطيع التذكر ابدًا وتجهل سبب خصامهم و ارتفاع اصواتهم ,
, مع ذلك لم تستطيع تخطي الموقف وبكل مره تتذكر وقوفها خلف الباب والتنصت لـ حديثهم , وفتحت عيناها وميلت راسها بـ خفه وبدات تحدق بـ القمر وضاق صدرها جد وكانت تشعر بان ممكن ينفجر قلبها لانه معاد يتحمل مكانه وبعد معاناه غفت غرام ونامت بـ عمق .
-
« بيت الجـد ناصـر »
مر الوقت وانتهى ثالث أيام العزاء , وعلى عددهم الضخم الا هدوء البيت كان واضح و غريب على الجميع ، ودخل سعود يركض مع الباب لكن وقفه صوت الصرخه العاليه الموجهه لـ سعود : سعوددد
توسعت عيون سعود والتفت بـ صدمه يبحث عن صاحب الصوت وعقد حاجبه من استغرب ان الصوت الي خرج هو صوت : نواف ؟ شفيك
تقدم نواف ومسكه مع أكمام ثوبه ودفه لـ الجدار ونطق راس على اسنانه بـ غضب : وين كنت اليوم الصباح ؟
بلع سعود ريقه بـ توتر وهو الي اسنتكر علم نواف : وين كنت ؟ اكيد كنت بالعزاء
غمض نواف عيونه بـ غضب وزفر : يارب صبرك
حس سعود ان ممكن نواف يكفر فيه الان ونطق : بقولك بس طلبت هالخشم لا تعصب !
ضربه نواف بـ قوه على خده ونطق : شلوننن ماا اعصببب شلوننن !!!! علمني شلوننن ؟؟؟؟؟ ياسعود سكتت مره ومرتين وثلاث ! ياولد ريحني وريح نفسك !! ارهقتني معك !
ماقدر سعود يرفع نظره لـ نواف ومايقدر ياكل حق نواف وهو الي صادق بكل كلمة قالها ونطق : ياسعود ياخوك انا مابيك تتطيح بالحرام ! ياسعود تعرف وش يعني البدايه التي لا ترضى الله لن ترضيك نهايتها ؟ ياسعود الشيء الي فيه معصيه مستحيل يستمر مستحيل!! والحين تاخذ سلمان وتروحون الرياض , الود ودي مايروحون معكم ترف ومرة اخوك مير غصب , وانتبه لشغلك ياسعود ولا عاد تجي الديره الا اذا قلت لك !
توسعت عيون سعود من كلام نواف ولا عجبه ابدًا ونطق : يانواف !!!
سكته نواف ونطق : اصصص الي قلته سوه وابشر بها وانا اخوك مير ان وجودك هنه بيلعـ** والدينا وتحوسنا حوس ونذر ياسعود ان اجيبها لك ! حتا لو اوقف قدام الكل
ابتسم سعود بـ عرض وهو الي اقتنع بكلام نواف جدًا وتقدم وقبل راس نواف ونطق : اعذرني يانواف
ارخى نواف راس سعود وسحبه لـ صدره وضربه بـ خفه على ظهره : انتبه لـ نفسك والي وعدتك فيه ابشر به ...
-
« بـعد مـرور شـهـر »
مر شهر مثل لمح البصر وانشغل الجميع بـ اعماله , وسعود ترك الديره من اليوم الي قاله نواف فيها وياخذ اخبارها من بعيد لـ بعيد وانشغل بـ مطعمه وطول هالشهر كان يجهز لـ فتح فرع ثـاني بـ مدينة آخرى , والجد ناصر وابـو طلال إشتدت صداقتهم وكانت صدمه بـ النسبه لـ الكل , واخوان لـيالي غازي وتميم بعد ما شاف غازي الفوضه والحزن الذي يمرون بها قرر يبتعد ويرجع بعد ما تهدأ الامور , وسلمان اهمل شركته التي بـ المانيا وتغير ميه وثمانين درجه واهمل رغد وكانت هذي اقوى صدمه لـ رغد , ومنصدمه من أختفى روح سلمان وللاسف سلمان لم يهمل فقط رغد بل اطفاله سعـود و ودّيان , وياما حاولت رغد ترجع روحه وتتقرب منه لكن بكل مره يهرب ...
~ رغـد
وقفت رغد وسندت رأسها على طرف الباب وتحدق بـ سلمان الذي منطوي على سجادة الصلاة ونائم وتناظر بـ تفاصيل وجهه آلتي تغيرت وبأن الاحمرار والانتفاخ ونفس الشيء مع رغد ضعف وزنها بـ شده وذبلت عيناها وأصابت بالانتفاخ من كثرة البكي والتفت لـ الخلف من سمعت صوت خفيف ينادي لها : رغد يابنتي
وابتسمت بـ ضيق من شافت الجد ناصر وتقدم لها وناظر وجهها وشاف جميع التعب : علامك يابنتي وش فيك ؟ متعبك شيء ؟ محتاجه شيء ؟ اساعدك فيه ؟
تغيرت ملامح رغد وكانت تحاول تكتم البكي لكن هزمها وذرفت دموعها ولفت وجهها لـ سلمان وحزينه على حاله وحالها وأطفالها ومسك الجد ناصر كفها وثبت يده الاخرى على باطن كفها ومسح عليها : يابنتي معليك لا تحاتين سلمان بيعود مثل اول واقوى انتي اهتمي بنفسك وعيالك وسلمان بيدارونه اخوانه وانا فوقهم عيالك محتاجيك يارغد
هزت رغد راسها بـ الايجاب وكانت تحاول تصمد ولا تبكيي , وشد الجد ناصر على ايدها ونطق : مثل ماوصيتك يابنتي !
ولف نظره على سلمان ومحزن على حالته ومتضايق جدًا لتغيره السيئ , ونزل ايد رغد واكمل مشيه يتفقد افراد البيت وسمع صوت يقارب لـ الهمس بـ احدى الغرف وتقدم لـ باب الغرفه وفتحه وشاف جابر ساند راسه على فخذ عمته ام سلطان , وكانت تمسح على راسه وتقرأ آيات من القران وجابر كانت حالته قريبه من حالة سلمان لكن زوجة ابوه ماتركته لوحده واهتمت فيه وحبها جابر جدًا وكان طول الوقت الي ابوه رجع فيها ماقدر يكلمها واذا كلمها يكون بكل سطحيه , وابتسم بـ راحة ورجع لـ الخلف واكمل يمشي وكان الدور كبير جدًا والغرف كثير التي خلت من الناس , وتقدم لـ غرفة ترف وفتحها , ودخل وكان يناظر بـ اغراضها وغرفتها المريحه واثاثها البسيط والهادي وتنهد بـ ضيق من تذكر حالتها الي كان منتبه لها ومهما حاول يكلمها تهرب , وكان يوصي العيال والبنات على ترف لكن ماكانت تفتح لهم مجال , وطلع من الغرفه يكمل مشيه , وابتسم بـ عرض من سمع صوت طفله خلفه : جدي
وضحك باعلى صوته من ركضت نجد بـ أرجلها الصغيره ومشيتها الغير متوازنه : ارحبيي ارحبييي
وارخى جسده ورفعها لـ الاعلى وقبل خدها وثبتت نجد اثدها على لحية الجد ناصر الطويله التي يكسوها اللون الابيض والتفت على صوت ضحكت حور الهادئه
وتقدمت لـ الجد ناصر وقبلت راسه ونطقت : اخبارك ياجدي ان شاء الله طيب
ابتسم الجد ناصر ومد ايده ونزل راس حور وقبلها بـ خفه ونطق : انا بخير وعلومي زينه مير انتي يابنتي شلونك وكيف حاتم معك ! قوليلي اذا يزعلك اروح ادق وجهه
ضحكت حور من مزاح الجد ناصر ونطقت : ياجدي الحمد لله كل اموري بخير وحاتم مايقصر ياجد
مسك الجد ناصر ايد حور ومشى يكمل طريقه لـ الطابق السفلي : الحمد لله الحمد لله
ونزلوا لـ المجالس ودخل الجد ناصر وكانت القهوه جاهزه وجلس وجلست حور بـ جانبه ويدت تقهوي الجد ناصر , وكان يلعب مع نجد واذا ضحكت يضحك باعلى صوته وكان لطيف جدًا مع احفاده وعيالهم وجلسها بـ حضنه ودخل مجيد ونطق باعلى صوته : نجدوههههه
لفت حور بـ صدمه زائفه لـ مجيد ونطقت : ما شاء الله اختك يالتيس وين راحت ؟
ضحك مجيد وتقدم لـ حور وفتح ذراعه ونطق : يعني الحب وش نقول !
ضحكت حور و وقفت وحضنت مجيد بـ قوه ونطقت : اشتقت لك ياوصخخ !!
ضحك مجيد : ماقدر اكذب والله فقدتك !
ضحكت حور وابتعد عنها وتقدم وجلس بـ جانب الجد ناصر ورفع ايده وقبلها ثم لف وجهه لـ نجد ومسك خدها واوجعها ولف الجد ناصر من بكت نجد على مجيد وضربه بـ قوه على راسه : وخرر عن نجد وخرر اظهر اظهر والله اني مرتاح منك اظهررر
ضحك مجيد بـ قوه ونطق : ياجد هالنتفه تفرق بيني وبينك اخخ
ضحك الجد ناصر وهو يعرف مزح مجيد وهباله وكملوا يتقهون بـ القهوه العربيه , وتذكر الجد ناصر قبول مجيد بـ العسكريه ونطق : وش صار على عسكريتك !
لف مجيد وجهه لـ الجد ناصر ونطق : جاني قبول بالقوات الجويه
توسعت عيون الجد ناصر ونطق : ايش ؟
عدل مجيد جلسته ونطق : مابيها ياجد مابيها ! انا ماسقت سياره تبيني اسوق طياره !
دفه الجد ناصر بـ رجله بـ قوه ونطق : درج طول عمرك درج !
ضحكت حور ونطقت : ياجد خله يمسك محلاتك افضل
الجد ناصر : ابك بيلعب بحساباتي خله خله !
ضحك مجيد بـ قوه ونطق : مدري وش سويت عشان تطيح ثقتك فيني !
ناظره الجد ناصر بـ طرف عينه ونطق : قول وش خليت ؟
ضحك مجيد بـ قوه وهو الي مستحيل ياثر فيه كلام الجد ناصر ونطق يغير الموضوع: عادي اطلع ؟
هز الجد ناصر راسه بـ الايجاب وكمل يشرب القهوه وتقدم مجيد بـ سرعه يقبل راس الجد ناصر ودفه الجد ناصر يحاول يبعده لان مجيد اذا لصق معاد يبعد : وخررر ياورع وخرر !
ضحك مجيد و ابعد عن الجد ناصر وطلع يركض ويرقص وضحك الجد ناصر ونطق : استودعته الله
وابتسمت حور وكمل الجد ناصر يسولف معها ومر الوقت بدون ما يحسون .
-
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
