ليالي : خلاص يكلم خالي نواف
ريتال : ايه عمي نواف حليل وبيتفهم عكس خوالي الثانين
ليالي : ماعندي رقمه !!
حور : انا عندي اخذته مره عشان طلعو كلهم وبقيت انا ووجدان وقال يبي يتطمن
ليالي :بنات هو موجود بقسمه ؟
ريتال ضحكت: وي نسينا هيا مشنا لقسمه
حور : لا بنات فشله
ليالي : يالله امشوو خلو الفشله انا اتكلم معليكم
-
توجهو للمستشفى وكان عبدالرحمن منقهر تخيل لو اخته دخلوها هنا وصار لها نفس الشيء ودخلت ترف على الدكتوره
زياد طلع جواله وبدا يدور رقم سلمان
توجه عبدالرحمن لزياد ونطق : اخخ يالقهر الي فيني كاني اعرف هالبنت ! تخيلت اختي مكانها قلبييي احترققق
زياد اشر له بمعنى "اسكت " و رد عليه سلمان : سلام عليكم
سلمان كان بالسياره مع نواف وسعود واستغرب مكالمة زياد ونطق : وعليكم السلام
زياد : سلمان ضروري تجي الان المستشفى
سلمان استغراب : شفيه ؟
زياد : تعال وتعرف انتبه تجي ومعك فايز
سلمان فتح الاسبيكر عشان يسمعون اخذ نواف الجوال : اي مستشفى
زياد : مستشفى الـ*****
سلمان : الان نجي
سعود : تتوقع شسالفه ؟
نواف : الله يستر هو شقالك ؟
سلمان : قال انتبه يجي معك فايز
سعود : ليه ؟
نواف دكتور وشك لف على سعود : دق على البنات شف موجودات
سعود : شدخل البنات ؟
نواف صرخ : دققق
اتصل سعود على البنات
نرجع لبنات
حور : والله مادق الباب بنات فشلهه
ريتال : اتفق وربي يخوف
ليالي : يخي عشان ترف هيا
ريتال : دقي انتي
ليالي : انقلعو انقلعو "وتقدمت بتدق الباب وقاطعها دق جوالها وكان سعود قفلت بوجهه وهي للحين منقهره من حركته ورجع يدق وكل مره تقفله لاترد عليه ولا دقت الباب
حور : ليالييي اخلصي دقي الباب ولا ردي
ليالي ردت على سعود : نعم شتبي ؟
سعود : شكلك للحين زعلانه
نواف ضربه : اسالها عن البنات اخلص
سعود : ليالي انتم كلكم بالبيت بنات فايز كلهن موجودات ؟
شهقت ريتال من سمعت كلام سعود
سعود باستغراب: بنت فيه شي ؟
ليالي بتوتر ماعرفت شلون تتكلم : اسمع ترف طلعت من البيت بتروح للبقاله وللحين مارجعت واحنا عند باب قسم خالي نواف كنا بنكلمه عشان يدورها وخالي فايز ممكن يذبحها لو عرف انها طلعت
نواف شكه صار بمحله ولف بغضب على سعود : قفللل
سعود وسلمان خافو ان ترف صار بها شي مانكرو انهم عصبو انها طلعت للبقاله وهذا ممنوع البنت تروح لحالها .
-
نرجع لمشاري وجهاد
جهاد بغضب : حماررر وربي انه حمار قلنا تعال معنا ولا سمعنا والحين انمسك
مشاري ببرود : بالطقاق الي يطقه يستاهل
جهاد : صاحي انت خوينا ذا ؟؟
مشاري وقف بغضب : انتي الي صاحي ؟ اخذنا يقول عندي شغله وابيكم تساعدوني طلع مراقب هالبيت من ايام ينتظر البنت تطلع واحنا زي الحمير جينا وراه ! البنت ذي اعمامها ال راجح !!! تعرف من ذول ؟؟؟؟؟؟؟؟
جهاد : انت غبي ؟ بيعلم علينا صالح يجحدك على طول لو بينكم عشره وسنين ماهمه ممكن مايتكلم المره الاولى الثانيه والله لو يضغطون عليه ان يفضحنا ويقلب السالفه علينا
مشاري : صالح غبي ومسوي نفسه فاهم وهو من جنبها
جهاد فتح عيونه بقوه : انت اغبىى منههه !!!!!!!! غبيي احنا اول من كلمها والبنت مستحيل تسكت بتتكلم واضح انها قويه .... يخي تقلعع معاد ابي اشوف وجهك
مشاري ضحك : انقلع روحه بلا رده عاد انا الي ميت عليك يشيخ طيرر
جهاد راح معصب من مشاري مستغرب كيف بارد كذا وماينكر ان خايف ينمسك .
-
دخل نواف ومعه العيال وانتبه لهم زياد وتوجه لهم وهو بحيره مايعلم فيها الا الله اول مره يتفشل ويتمنى مايقول خبر مثل كذا لاحد
نواف : زياد ان شاء الله خير ؟
زياد ( ودي اقول خير لاكن السالفه ابد ماهي خير ) وبهدوء : اعتذر اني بقول الخبر هذا لكم
نواف خلاص حس بدوخه وهو للان ماعرف : اخلص يزياد وانطق
زياد يحاول يتكلم بس مايقدر واخيراً نطق : للاسف بنت فايز الصغيره تعرضت لاعتداء
سعود فتح عيونه بقوه وبغضب : كذابب !!!
سلمان : ، زياد كيف ؟؟ شلون
عبدالرحمن توجه لهم وبهدوء: انا الي ساعدتها
نواف : شلون ساعدتها ؟؟؟؟
عبدالرحمن: كنت رايح للاستراحه وكنت اسمع اصوات وتوجهت لها وشفت البنت وكانو ثلاث عيال
زياد هبد عبدالرحمن وهمس : الله يسود وجهك يوجعان كانك فرحان وانت تقول لهم الخبر !
كانو بصدمه مستغربين كل شي والاهم ليه ترف طلعت لحالها ؟ وين العيال ؟
سعود : وينهاا ؟ وش صار فيها ؟ تكفى طمني
زياد : دخلت على الدكتوره ولازم يسون فحوصات و...
نواف رفع يده : خلاص لاتكمل يكفي
سعود مسك راسه بصدمه سالفة ليالي كانت اهون وكانو يحاولون يتناسونها بما ان ليالي ماتعرضت لشي عكس ترف
نواف لف على سلمان : كيف نعلم اهلها !!!
سعود زفر بضيق : اقطع ابو الحاله فايز بيذبح البنت واحنا معها
سلمان : يليت يذبحها فايز بيزوجها عاني قلتلك
رفع عبدالرحمن راسه بصدمه شلون يزوجها ؟ (شكلهم يخطبون لبناتهم ذول ؟ )
نواف : دق على ليالي ورح خذها خل تجي عند ترف ولاحد يدري
-
بعد صلاة الفجر -
طلع الجد ناصر ومعه فايز واحفاده سند وخالد وجابر وسلطان ومجيد
استغرب الجد اختفاء عياله ولف على فايز ونطق: اخوانك وينهم ؟
فايز بلامبالاة : مدري عنهم
الجد ناصر ناظره باستغراب وهو ملاحظ تغير ولده من فتره ماحب يناقشه وتجاهله
بهالحظه دق جوال فايز وابتعد بسرعه ووضح عليه الارتباك
قطب سند حواجبه واستغرب : يبه فيك شي ؟
فايز بارتباك : هـ..ا ... لا
إبتّعد فايز عنهم وراح لمكان بعيد عن البيت ورجع اتصل بالرقم
اخذ نفس بثقل ورفع الجوال على اذنه ونطق بنبره الشجي : نعم متى تفكني انت ؟
ضحك الرجُل باستهزاء ونطق : بنتك كانت بتروح اليوم بتضيع ويطيح راسك
فايز باستغراب: وش تقول انت ؟؟؟
الرجُل ضحك : شكلك ماتدري
فايز بغضب : وش ادري وشش ؟؟
نطق الرجُل بصوت مرتفع : اسمععع ولدي يطلع اليوم من المركز
فايز : بنتي وش صار فيهاا ؟؟؟ ووش دخلني بولدك !
الرجُل نطق بصوته الرخيم : الشّرطه مسكُو صالح بسّبب بنتك !
فايز بلع ريقه وهو للان مو فاهم شي : بنتي وش سوت بنتي مستحيل تسوي شي يطيح راسي وش سويتت فيهاا يكلببب !!
الرجُل ضحك : معك يومين تُطلع صالح فيها
فايز فتح عيونه بقوه: يومين شلونن ؟؟ كيف اطلعه ؟؟؟
الرجُل : اخوانك مو ضباط خلاص خل يساعدونك
فايز : ماقدر ماقـ
قاطعه من تقفل الخط ونزل الجوال من اذنه زفر بضيق وبداخله (وش دخل بنتي ؟ اي وحده فيهم ؟ بنتي شّلون جت عندهم ؟ ) تُوجه للبيت وصل لقسمه مسّرع فتح باب غرفة ترف وكانت ظلمه
فتح النور وماشاف احد انجن بنته وينها ؟ طلع يركض زي المجنون
مايدري وين يروح راح لغرفة حور وكانت مقفله وصار يدقها بقوه ويصرخ : حورر افتحيي الباب
حور انخرشت خافت ان ابوها درا فتحت الباب وابتّعد بسرعه عن الباب وغطت وجها بيدها تنتظر بس متى يمد يده عليها
ونطق فايز بغضب : ترففف وينها !!!
حور ماتكلمت وبكت بدون صوت ، مسكها فايز من عضدها بقوه ويصارخ : ترف وينهاااا !!!
حور تكلمت بصوت منخفض : ماادري ماادري وينها !
فايز تكلم وهو راص على اسنانه : اختك وينها ؟ شلون ماتدرين وين اختك ؟
حور : نفسككك بنتك ولا تدري فينها ؟
فايز دفها على الارض وطلع معصب وبينفجر مايدري وش يسوي
وقفت حور ومسكت مكان الي طاحت عليه فتحت جوالها ودقت على سعود بعد ثواني جاها الرد
سعود : هلا حور
حور سمعت صوته وماقدرت تبكي ، سعود استغرب ونطق : حور بنت فيك شي ؟؟
حور : عمي ابوي جاني وكان يهاوش يقول ترف وينها مدري كيف عرف
سعود استغرب: في احد معلمه ؟؟؟
حور : ماحد يعرف غيرنا احنا ماقلنا لاحد ابداً ، ،، يعمي ضربنيي
سعود بغضب : شلونن يمد يده عليكك !!!
سلمان سمعه واستغرب الكلمة واشر بمعن "شفيه؟"
سعود : اسمعيي بجيك الحين
حور : لاا تكفى اخاف امي تقوم وماتلقى ولاوحده منا
سعود : البسي وانا جاي ، "وقفل "
-
بالمركز دخل طلال وتوجه لغرفة زياد دق الباب وسمح له بالدخول وضرب تحيه لزياد بما انه اعلى منه رتب
زياد : استرح
طلال : امر يقولون لازم تجي مستعجل ؟
زياد : دقايق واقولك
بعد دقايق دخلو ضاري وعقاب وضربو تحيه لزياد
زياد : استرح ... قالولكم عن ساجي صحيح ؟
ضاري : صحيح طال عمرك قالو اكبر مروج مخدرات
عقاب بابتسامه : فضحه عامله
زياد : حددنا موقع لهم وبنروح الان
طلال باستغراب: كيف ؟ هم مختفين بشكل تام ولا لهم اثر
ضاري : كّانه بدري ؟ ماندري ممكن فخ ؟
عقاب : معليش انت وياه انا معك ياللواء زياد او تقول عقاب طب بالنار طبيت
زياد اخذ الملف الي على طاولته ونطق : هذا عطوني اياه وللحين مافتحته عن ساجي
ضاري بفضول : هل اسمه ساجي ولا لقب ؟
طلال ضحك من فضول ضاري ونطق : متحور عقاب
عقاب هبده على كتفه : مالي شبيه !!
طلال عبس وجه : كتفي انكسر لا اله الا الله
زياد ابتسم : لقب يستعمله بالتجاره
ضاري لف عليهم بانتصار : شفت انت وياهه
عقاب : يليل الحين سنه قدام بيذكرنا بالسالفه
زياد ضحك : تجهزو بنطلع
ضاري : ابشري
-
بالمستشفى
دخلت حور على ترف وناظرت فيها كانت نايمه بعمق شكلها متبهذل والتعب واضح على ملامحها بكت ماتحملت تشوف اختها كذا قربت منها لفّت بصدمه على ليالي اشرت على ترف وهمست: ترف ليه كذا شكلها ؟
ليالي نزلت دموعها و رفعت كتوفها بمعنى مادري ،
طلعت حور من الغرفة تدور احد تساله عن ترف ، شهقت من شافت حاتم ماحسبت حساب انها ممكن تشوفه تذكرت انه مايعرفها ولا قّد شافها الا مره وبعباتها ، وسعت عيونها من شافته جاي لجهتها صدت للجه اليسرى عشان ماينتبه ، زفرت براحه من تعداها .
سلم على عبدالرحمن ولف يدور العيال بعيونه : وينهم ؟
عبدالرحمن: نواف بالحمام وسلمان وسعود تحت وبقيت انا
حاتم : وش صار ؟
عبدالرحمن استند على الجدار : يحظك يحاتم ماشفت الي شفته
حاتم ضحك : شفت اشياء اقوى من الي شفته
عبدالرحمن ضرب صدره وبحرقه : تخيلت لو اختي مكانها اخخ يقوها وربي انها تكسر الظهر
حاتم طبطب على كتف عبدالرحمن : الله يعينهم وانت عين من الله خير
جاهم نواف وسلم على حاتم ، وتوجه لغرفة ترف دخل ولف على ليالي ونطق : كيفها ؟
ليالي : ماصحت للان ،،، خالي شوف حور طلعت ولا رجعت للحين
نواف استغرب وخاف صار فيها شي بعد : وينهاا ؟؟
ليالي : ماادري طلعت قالتلي وش تبي بس ماسمعتها زين
طلع نواف بسرعه وشاف العيال ونطق بنبرة خوف : شفتو حور ؟
حاتم استغرب : ها ؟
نواف : حور طلعت وللحين مارجعت
عبدالرحمن: ماعرف شكلها
حاتم : ولا انا
عبدالرحمن لفه عليه وباستغراب : كيف ماتعرف شكلها ؟
حاتم : ماعرفه
نواف : تعالو دورو معي يخوفي صار فيها شي بعد
حاتم تعداهم راح يدورها وكان يركض بالاسياب شافته الدكتور حنان ونطقت باستغراب : دكتور حاتم شفيك تركض ؟
حاتم : حور ماندري وينها طلعت من الغرفه وللحين مارجعت
الدكتوره حنان : صغيره ؟ كيف شكلها بدورها
حاتم : كبيره كبيره ماعرف قالو اختفت وتوزعنا ندورها
الدكتوره حنان : انا بدورها بسال كل النساء الموجودات اسمها الكامل ايش ؟
حاتم : حور فايز بن ناصر الـ****
الدكتوره حنان رفعت حاجبها : حور فايز اخت الترف ؟
حاتم : ايه ايه "وتركها راح يدورها "
بعد ربع ساعه توجهت الدكتوره حنان لوحده من النساء وسالتها : لوسمحتي انت حور فايز بن ناصر ؟
حور استغربت : نعم ايوه انا حور
الدكتوره حنان ابتسمت: اوه وينك الدكتور حاتم من اليوم يدورك
حور ناظرة فيها من فوق لتحت كانت لافه الحجاب اي شي ونقدت على شكلها ،، واستنكرت كلمة : دكتور حاتم ؟
الدكتوره حنان ابتسمت وطلعت جوالها : بتصل فيه بعلمه اني حصلتك
حور سحبت يدها بقوه ونطقت: مايحتاج تراني مو بزر ؟ اعرف اروح بنفسي
الدكتوره حنان مسكتها : معليشش والله ماتروحين الا اذا جاء الدكتور حاتم
حور : يبنت الناس فكيني
الدكتوره حنان تجاهلتها واتصلت على حاتم وتكلمت بعنج: دكتور حاتم ... حصلت حور كانت بتروح بس قلت والله ماتروحين الا اذا جاء الدكتور حاتم ..... عند الـ******
ناظرتها حور بقرف وهي شوي وتستفزغ وريحة العطر كتمتها وحر وصيام وضيقه .... بعد دقيقتين جاء حاتم ونطق : اخيراً طلعت روحي وانا ادورك
حور كانت مركزه على حنان وماسمعت حاتم ابد وكانت نظراتها تشرح مسكها حاتم من يدها نزلت نظرها على مسكته
حاتم كتم ضحكته من نظارتها : مشكوره يحنان على مساعدتك
الدكتوره حنان : امم ماسويت شي
حور تجاهلة حاتم وكانت تبي تمشي لاكن يدها مثبته وكآن صخره فوقها ،
نطق حاتم بهمس : اثبتي
حور تبي تتكلم لاكن ماتقدر اول مره تقرب منه هالقد وهي كارهته خلقه ،
الدكتوره حنان ابتسمت : حاتم اليوم عندك مناوبه المغرب صح ؟ شرايك نفطر هنا
حور لفت بصدمه على البنت وعلى ميانتها ونطقت بغضب : على كيفك هو ؟ وينا فيه اقول تقلعي وروحي لشغلك تراك دابلتني بكبدي انتي وريحتك الخايسه ذي
الدكتوره حنان: خير ؟ من انتي عشان تتحكمين ؟ وتسبيني ؟؟؟
حور : انا قلت رايي و الصدق ينقال من زين خشتك ؟
الدكتوره حنان بغضب : قليلة ادببب شكلك ماتربيتي
حور ضحك بسخريه : خليتها لك تحتاجينها اكثر مني
الدكتوره حنان تنرفزت : دكتور حاتم يرضيك تسبني ؟ وتقول خليت التربيه لك ؟
حور رفعت يدها وحركتها قدام وجه حنان : هيي انا هنا كلميني انا مو حاتم ،، وفطور مراح يفطر هيا دزيها
الدكتوره حنان : شدخلك ؟؟؟ زوجته وانا مدري ؟
حاتم : ايه حور زوجتي واليوم ماعلي مناوبه ولو علي بنحاش
الدكتوره حنان ناظرتهم بصدمه ونطقت : شلون ؟ كيف ومتى
حور : اقول اسري تراني مو فايقه لاحد لاتخليني اطرحك هنا
حاتم كان يحاول يكتم ضحكته وسحبها قبل يصير شي ويبتلش .
-
وصلو للموقع نزل زياد ورفع الخوذه من راسه : وصلنا هذا هو المكان
طلال باستغراب: احس الوقت مو مناسب
عقاب : الا مناسب بالعكس الوقت ذا مايطري على احد وتلقاهم رقود ونطب عليهمم حماسسس
ضاري ناظر عقاب وضحك على حماسه : عقاب متحمس هههههههه
عقاب تجاهله ولف على زياد : ياطويل العمر متى ندخل ؟
زياد : الان بدخل انا وبتاكد من الوضع
عقاب : بندخل معك مراح نخليك لحالك
زياد ابتسم: انا مو لحالي ربي معي وبيساعدني ان شاء الله
عقاب : ان شاء الله
توجه زياد للعماره وكانت برا المنطقه وشكلها يبين انها مهجوره ومافيها احد ، وصل زياد لدور الخامس وبدون ماينتبه وطىء على قُنبلة فتح عيونه بقوه من سمع الصوت لو يحرك رجله انفجر المبنى وصار هو رماد توهق كيف يحلها طلع الاسلكي ونطق : وطيت على قنبله
كان عقاب يناغش ضاري ويطقطق عليه وتكلم زياد وماانتبهو فز طلال من سمع زياد وصرخ : زياد وطى على قنبلههه !!!
عقاب : اخو مدرج ابك انت شتقول ؟؟؟
ضاري : قلتلكممم والله اني قايلكم فيه فخ هم مختفين شلون تعرفون مكانهم !؟؟
طلال لف على واحد من العسكرين : سمعت وش قال كامل ؟
العسكري : وطى على قنبله فقط قال كذا
عقاب مسك راسه خلاص انتهو مستحيل يرجع لهم زياد سالم بدون اصابات
ضاري كان يحاول يدور حل رفع الاسلكي ونطق : اللواء زياد ممكن توصف القنبله
وصف زياد له وعطاه ضاري حل وزفر : مافي حل غير كذا بتاخذ عشر دقايق وممكن تنفجر وممكن لا وانت توكل على الله والله يستر
سو زياد الي قاله ضاري كله ، استشهد و رفع رجله عن القنبله وهو يحط رجله يركض يبي يطلع قبل ينفجر مااخذ عشر دقايق الا وينفجر المبنى .
-
8:37
ببيت الجد ناصر وتحديدًا غرفة ام حور
قامت من النوم منفجعه وكانت تسمي بالله جاها كابوس غريب عن بناتها شربت ماء وتوجهت لدوره المياه تغسل وجها وتوضت طلعت من دورة المياة وفرشت سجادتها وصلت وبدت تدعي وكانت تبكي بكل كلمة تقولها كانت متاكده بناتها فيهم شي واحساس الام دايم يكون بمحله ، خلصت صلاه ورجعت شرشف الصلاة والسجاده لمكانها وطلعت بهدوء لغرف بناتها دقت باب غرفة حور مره مرتين ثلاث مافي رد فكره انها بغرفة ترف وسوت نفس الحركة عند غرفة ترف وابداً مافي رد فتحت الباب ولا لقت احد توترت ورجعت لغرفتها تتصل عليهم وماجاها رد ، حطت ببالها انهم عند ليالي وهذا شي طبيعي لاكن ولا مره راحو ولا قالولها كانت تحاول تهون الموضوع ولا تخلي الشيطان يوسوس بها ، رجعت تحاول تنام بس ماقدرت واخذها التفكير لعالم ثاني ..
-
بالمستشفى
نرجع شوي لحاتم وحور
بعد ما ابتعدو من الدكتوره حنان ضحك : شوي شوي كنتي بتذبحين البنت
حور تجاهلته وهي مو متحمله حتا نفسها ومنهلكة من التعب ،
لف عليها : لسانك انبلع ؟ وين الي قبل شوي ؟ "ورفع حاجبه كان يبي يستفزها " ماتوقعت اول لقاء لنا بيكون غيره هههههههه
حور ماستوعبت الي سوته الا تو ونطقت بحده : شدخل الغيره ؟
حاتم بابتسامه: اخيراً تكلمتي
حور ماردت ، وقفها حاتم ونطق : بنت هلو شفيك كذا كانك كارهتني ؟
حور : يخي فككك يدي اوجعتني !!
حاتم : لعانه مراح افك يدك وبنمشي قدام عمانك ويدي بيدك مو انتي زوجتي ؟
حور فتحت عيونها بقوه: صاحي انت ؟؟ بعدين تراني زوجتك بالورق بس !!
حاتم راح تفكيره بعيد وضحك : معليك قريب تصيرين زوجتي رسمي
انتظري بس اسبوعين
مافهمت عليه و تاففات : يولد الناس بروح لاختي خلاص لقيتي توكل
حاتم : لو اني داري كان وقفتك من اول خل ينطلق لسانك
حور ناظرته باستغراب وهي مو فاهمه ولا كلمة يقولها
حاتم : دقيقه انتي ليش رايحه هناك ؟؟؟؟
حور حركت راسها بمعنى وش ؟
حاتم : عند غرفة الدكتور
حور : بسال عن اختي حرام ؟
حاتم : كان جيتيني ؟
ماردت على حاتم وعضت شفتها بالم وهي يدها توجعها من اليوم وزادت اكثر الان ومررت اصابعها على الكدمه ،
انتبه حاتم وقطب حواجبه : فيك شي ؟
حور ماردت ، حاتم : يبنت ردييي فيك شي ليش تمسكين كتفك ؟
حور بهدوء: مافيني شي اتركني بس
حاتم فك يدها وماشال عينه عنها وعرف انها تتالم من مسكت ذراعها كانت بتمشي لاكن حاتم مسكها ودخلها لغرفة الطوارئ ،
حور بصدمه : شفيه ؟
حاتم كان يقفل الباب ونطق : اجلسي
حور : نعم ؟
حاتم : فكي عباتك بشوف
حور كحت بصدمه ،
ضحك حاتم : يبنت بشوف ذراعك شفيه ، بساعدك اصبري
شال نقابلها وغطت وجها بيدها ماتبيه يشوفها
حاتم ضحك على حركتها : هي تراني محرم ! طيب خلاص مراح اناظر فيك بس خلني اشوف ذراعك شفيه
حور هزت راسها بالرفض ،
حاتم تصرف بنفسه وفتح عبايتها وشاف الكدمه الي بكتفها : هذي من ايش ؟
نزلت دموعها الي كانت ماسكتها من اليوم ماقدرت تتحمل زياده و تحاول تلف ماتبي حاتم يشوفها
حاتم حضنها وصار خدها على صدره ماحب يضغط عليها لانه توقع وش صار فيها .
-
تاخرت ؟ عارفه اعتذر منكم جت عندي ضروف وعيد وحوسه ،
حسابي انستا || j.xiiix
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
