يوم جديد السبت ، الساعه 4 الفجر
الجد ناصر دخل غرفة العيال عشان يقومهم ل الصلاه : لا اله الا الله قومو قامت عليكم القيامه الناس بالمسجد تصلي وانتم خمد !
وماكانو يسمعونه من قوت التعب ونومهم ضربهم بالعصا وكان اقرب واحد له سند ، فز بالام : اولهه شسالفه
الجد ناصر بعصبيه ،: قوم اخوانك والحقني المسجد لو اوصل ومالقى واحد منك وربي ليصير شي ماتتوقعونه يالله
خالد الي سمعه ووقف : ابشر
وطلع الجد ناصر
خالد دفهم عشان يقومون وقامو كلهم الا جابر
الجد ناصر رجع للمجلس بعصبيه : جابررر
جابر فز من فراشه ووقف : سم
الجد ناصر ضربة بالعصا : قدامي على المسجد بسرعهه وبعد الصلاه اتفاهم معك
طلع جابر وشاف العيال كلهم واقفين بالحوش ينتظرونهم ، وتوجهو للمسجد
ورجعو وافطرو وبدا كل واحد يجهز اغراض المزرعه عشان بكره والي نام والي راح السوق يشتري باقي الاغراض .
__________________
يوم جديد عند اهل الجد ناصر الي كانو يتجهزون للمزرعه
جابر وسند ومجيد كانو يركبون الاغراض بالسياره
سعود متجه لهم ومعه اغراض : يالله يذا الاغراض ترسبن فجاه
سلمان بضحكه : جد عيت تخلص
فايز جايهم : خلصتو ؟
سعود : اسال الحريم كل شوي معطيتني شي
سلمان : سعود جبت العود
سعود راح يركض للبيت : لا نسيته
الجد ناصر : وش نسى
فايز : شي خاصه فيه المهم خلصتو خل نتوزع بالسيارات
كانت السيارات ثلاث ثنتين لكزز وجمس
السياره الاولى كان يسوق فايز وابوه جنبه والجده فاطمه و ام خالد وام حور ومزون كانت شوي زحمه عشان الاغراض
السياره الثانيه كان يسوق خالد وجنبه سلمان والمرتبه الثانيه فيها ريتال وليالي وحور والمرتبه الثالثه ترف ودارين
والسياره الثالثه الجمس كانت اغلبها اغراض وزحمه مره العيال فوق بعض سعود يسوق وجنبه سند وورا جابر ومجيد وراشد
وكان الطريق تقريباً ساعه للمزرعه ، بسيارة سعود
راشد بحلطمه : ياعمم تكفى أنقذني فرسني جابروه
جابر : يتبن تراني اخوك الكبير وين الاحترام
سعود : راشد كان رحت مع فايز افضلك
راشد : كنت بروح بس زحمه ولا انا وش يوديني مع مجنن
مجيد بضحكه : شفيك انت من ركبت تحلطم
راشد ناظره بطرف عين وتجاهله
جابر بصراخ : ياعم شغل شيله اغنيه شي
سعود : تم
وشغلو شيلات وكان جوهم حماس ويرقصون وضحك وراشد دخل معهم
بسياره خالد
حور : خالد بليز شغل اغنيه
خالد بابتسامه: ابشري
وشغل لعبدالمجيد
ما بقى في حبّنا باكر
ما بقى في حبّنا باكر
حدّنا لين أمس
انتهينا أمس
شفت كيف الوقت قادر
ما بقى في حبّنا باكر
ما بقى في حبّنا باكر
حدّنا لين أمس
انتهينا أمس
شفت كيف الوقت قادر
مع السلامة
مع السلامة يا حبيبي
ما الله كتب يا حبيبي
مع السلامة يا تارك بقلبي علامة
ومسحة حزن ما تداريها ابتسامة
مع السلامة يا حبيبي
ما الله كتب يا حبيبي
مع السلامة يا تارك بقلبي علامة
ومسحة حزن ما تداريها إبتسامة
وخلصت ، سلمان : وجع جبتلي ضيقه
خالد : ههههههههههههههه
ليالي : سلمان حرام عليك والله حلوه
سلمان : هي حلوه ماقلنا شي بس حزن
حور : هو الحن كذا يدخلك بهواجيس
وصلو المزرعه وكان الجو شوي بارد لان بدا يدخل فصل الشتاء
ونزلو ودخلو الاغراض وبدو يرتبون وكانو جايبين معهم غداء وتغدو
ليالي وقفت : الحمدلله
مزون : كملي يامي ماكلتي شي
ليالي بابتسامه: ماتقصرين يالغاليه شبعت الحمدلله
راحت ليالي تغسل وبدو يقومون واحد ورا واحد ورجعت ليالي المجلس وجلست جنب الجد ناصر الي جابو له ماء عشان يغسل بطاسه ( سحله )
ليالي : ابوي ممكن اطلب طلب
الجد ناصر بابتسامه: اطلبي يابوي انتي
جابر بطرف عين : لنا الله يجدي ترانا احفادك كمان
الجد ناصر تجاهله وطالع بليالي : قولي والي اقدر عليه تم
ليالي : ماتقصر جعل عمرك طويل ، انا ابي اروح ل الاسطبل
الجد ناصر طالع بساعته : يبنتي الحين الشمس حاره خليه العصر افضل
ليالي بابتسامه حزينه: ان شاء الله
وطلعت وكملو سوالف وشربو الشاهي
__________________
بسيارة ابو طلال طلعو متوجهين للمزرعه ، وصلو واسقبلهم الجد ناصر : ارحبب حيا الله اخوي محمد
ابو طلال سلم عليه : البقى الله يحيك
وسلمو على بعض وبدات السوالف والسال عن الحال والشغل وتوجهة ام طلال وارجوان ل الحريم
مزون بابتسامه : يالله انك تحيها
ام طلال : هلابك ياقبي
ارجوان ركضت لليالي وتركت الكل وحضنتها لان لها فتره ماشافتها
ليالي : ياقلبيي يارجوان كيفك
ارجوان : الحمدلله دقيقه وارجعك
راحت ارجوان سلمت على الحريم وراحو البنات مع ارجوان لغرفه بعيده شوي عن الحريم وجلسو
حور معها القهوه : جبت القهوهه
ترف : يالله وربي انه بوقتهه
ليالي لفت على ترف : ترف قومي جيبي الحلى بالمطبخ جيبي المفتوح وركضت تجيبه ورجعت : جبته
ارجوان : يالله ياني اشتقت لجلستنا
ريتال : حتا انا يشيخه انتم جنب بعض انا بمدينه ثانيه !
ارجوان : يبنت انا امي ترفض عشان بيتكم مليان عيال
ليالي : وين عيال وهم كل يوم مع اخوك
ريتال : اكثر شخص يكره طلال ذي
ارجوان بضحكه : ليه ؟
حور : لو تشوفينها قبل امس تهاوشت مع عمي عشانها ماشافته طول اليوم وعمي يقول كان مع طلال !
ارجوان : حتا انا هههههههههه طلال كان معهم مايجي الا باليل
ليالي : بنات ابي اروح الاسطببلل جدي يقول خلي الجو يبرد بس ماني قادرن اصبر
حور : طيب خليه يبرد شفيك
ريتال : شرايكم نروح ؟ الساعه 5 اكيد برد
ليالي بتايد : تم تم مشينا
ارجوان : بنات استاذن من امي ولا
ترف : معليه تعالي ترا بنفس المزرعه بس شوي بعيد
ارجوان : طيب في عيال ؟
ليالي : اكيد فيه لانهم دايم عند الخيول
طلع البنات للاسطبل وكانو العيال موجودين
سعود : يليلي ماقدرتي تتحملين
ليالي : ايه ههههههههههههههه
جابر : ليالي وينك يخيتي ؟
مجيد : ليالي تراه ابلشنا من امس يقول ماحارشت ليالي
ليالي بضحكة : تعلمني فيه ؟
طلال قرب من سعود : منهي ذي ؟
سعود : ياطويل العمر ذي بنتي
طلال بذهول : ها شلون بنتك ؟
سعود تجاهله وكلم ليالي : ليالي اقول للعامل يطلع الخيل ؟
ليالي : ايه خال تكفى الابيض
سعود لف على حور : وانتي تبين ؟
حور : ايه
سعود : تمام سند روح قل للعامل يجهز الخيول لنا ولهم "،ولف على البنات " انتم تبون ؟
ريتال : انا اخاف وترف تخاف وارجوان مدري تبين ؟
ارجوان اشرت براسها بمعنى لا
وطلعو الاحصنه وكانت ل طلال وسعود وسلمان وسند وجابر ومجيد وليالي وحور وسوو سباق
سلمان : شرايكم نسوي سباق ؟
جابر : ايه تكفون
ليالي : انا موافقه
طلال طالع بليالي وكان مستنكر الميانه مع العيال : يالله وانا بعد
سعود : يليلي اسفه اذا سبقتك
ليالي : انا الي اسفه اذا سبقتك
جابر : اقول فكونا اكيد بفوز انا
مجيد : معليش جابر انت خويي لاكن ليالي محد يفوز عليها بالخيول !
طلال : يمكن انا ؟
ليالي : تتحدا ؟
طلال : موافق بس على ايش ؟
ليالي : اي شي ابيه تسويه والعكس
طلال : توكلنا على الله
سعود : واذا فزت انا ؟
الكل ضحك ، سعود طالع بريتال : اسمعي انت الحكم بنروح ونرجع واول واحد الفايز
ريتال بصراخ : واحد اثنين ثلاثه
وانطلقت الخيول وكان خيل ليالي متقدم بعدها طلال والباقين شافو ان السباق صار حماسي وقوي وقفو وبقي ليالي وطلال وكانت ليالي متقدمه لاكن فجاه طلال فاز عليها وهي خسرت
جابر بعصبيه : ليالي شلون خسرتي
طلال : ههههههههههههههه قلتلك لاتتحديني !
ليالي : مبروك
طلال بابتسامه: الله يبارك لك وهاردلك
سعود : مبروك لكم كلكم
سند : معوض يليالي
طلال رفع يديه بالهواء: الحين اقدر اختار اي شي ؟
ليالي بثقه : ايه وانا موافقه على كل شي
سعود : طلال شوي شوي على بنتي
طلال اخذ ثواني يفكر : تغني
ليالي : تمام موافقه بس متى ؟
طلال : شوي باليل نتجمع بالخيمه او برا كلنا وتغنين
ليالي : ان شاء الله
سعود طالع ليالي : اذا ماتبين عادي
ليالي : شدعوه ترا عادي ؟
سلمان : يعيال هيا مشينا ابوي ينادينا
وتوجهو للخيمه وبقي بس ليالي وكانت على الخيل وطلعت نقابها والحجاب وفتحت شعرها الاسود الطويل وبدت تمشي على الخيل وكل مالها تسرع كانت متوقعه عدم وجود احد لاكنها كانت مراقبه ويشوف جميع تحركاتها كان طلال منصدم من شكلها من جمال عيونها اعجب جداً بشكلها ليالي ابعدت عن الاسطبل وطلال رجع للعيال ومندهش من الي شافه .
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
