ضحك سعود ومن قوة الطيحه بدال لاتبكي صارت تضحك بشكل هستيري , ماقدر سعود يوقف ضحك وربتال صحكتها كانت فضيعه وضحك من الضحكه , توجه لها ومد يده ، رعفت يدها وتمسكت فيه وحاطه يدها خلف ظهرها ولف لـ سعود وبضحكة :والله طيحتي قويهه
سعود : وجعانه تضحكين هههههههه
ضحكت ريتال وطلعوا لـ السياره ومتوجهين لـ محلات لـ الاثاث .
-
«بـ الكويت , شقة سلمان »
تكتف سلمان يناظر علي وصرخ , لف علي عليه مفزوع ونطق: شنوووو !!!؟؟
سلمان بـ نبرة حزينه : اشتقت لاهلي وعيال اخواني والبنات انا وش جابني هنا مغير اقابل وجهك !
علي : ماحد غصبك تيي
سلمان : طفشتت معاد اتحملللل
ناظره علي بطرف عين : بطل الدريشه وانتحر
ضحك سلمان بـ تسليك ومشى لـ الشباك ويناظر الكويت وابتسم من تذكر ام جنطه , لف لـ علي ونطق :رغد بنت مبارك اسمها مو ذاك الزود ابوها ماعرف يختار والله لكن معليه وشفت ملابسها والله ماعندها ذوق
علي : وانت شكو ؟
سلمان بـ غضب : انت علامك علي اليوم مغير تكسر مجاديفي ؟؟؟
سكت علي وابدا ماله خلق هواش , تقدم سلمان وجلس جنب علي : ولد ولد عليي عليي
لف علي عليه وبصوت مرتفع: نعمم نعممم
ضربه سلمان على كتفه : لا تانفخ وتراني جويع خل نطلع لمطعم بسرعه !
رجع علي نظره لـ الجوال ورفعه لـ سلمان : هذه المطعم افتتح الاسبوع الي طاف
وقف سلمان : مشينا شكله كايف يالله
وقف علي ولف لـ سلمان رايح لـ الغرفه وبنبرة عاليه : سلمان يبلي الجوتي ماليي
دخل سلمان وخذه , طلع ونطق : شدخلني فيك
كان علي بيتكلم وقاطعه من طارت الجزمه لـ جهته وصدمت فيه , ضحك سلمان من صدمت بـ علي : لاعاد تدزني يبزر
اخذ علي الجزمه ولبسها ونطق : انت لازم نردك لـ السعوديه ولا بتين علينا
ضحك سلمان بخفه , وطلع علي خلف سلمان متوجهين لـ المطعم .
-
«بـ الطريق , لـ الديره »
مشى من الرياض العصر راجع لـ الديره وهو اشتاق لـ فرح مره وكِان له سنه ماشافهم ومرر بباله الشامه الي لعبت بموازينه وحبه لـ الشامه الي صار فجاه ,لكن شايل هم اذا خطب هل بيوافقون ؟ وفارق العمر الكبير هل بيصير عايق ولا يقدر يتزوج ؟ وهو يعرف انها صغيره وتبلغ من العمر 20 سنه ! , زفر بضيق ونظره لـ الطريق وبدت الشمس تغيب ، نزل نظره لـ كوب الشاهي اخذه , ضحك بـ خفه من استوعب انه برد ورجعه مكانه , وماينكر اشتاق لـ ذهبه ووده من يرجع يتوجه لـ الابل عشان يشوف ذهبته كان الكل يقول مستحيل زياد يحب له شخص اكثر من ناقته ذهبه وذهبه مستحيل احد ياخذ مكانها بقلب زياد ، وضحك بخفه ، وهمس : جاء الي اخذ مكانك ياذهبه لكن لولا الدين كان خميتها ولا اهتميت باحد !
عبس وجهه من استوعب الي يقوله , وتنهد بقل حيل وخايف بالحيل من الرفض ومتاكد من جوابهم , وهمس : 10 سنين يزياد !! 10 سنين وش جاك يومنك تحب لك بزر ! والله انك وجعت !!
زفر بـ ضيق وكمل طريقه ويحاول يشيل طاريها من باله ولا يفكر بـها ابد وللاسف زياد مو قادر يسيطر على نفسه وكل ماله يتمادا .
-
«بـ الرياض , بيت ميار »
نزلت ارجوان وشافت ميار جالسه وتناظر بالتلفزيون, رفعت راسها من حست بـ صوت وبـ ابتسامه: جوجوو صح النوم
ابتسمت ارجوان , وتوجهت لـ ميار وودها تقول عن مكالمات اهلها لكن متردده , وجلست جنب ميار : ياهلاا يقلبي ....... ميار
لفت ميار عليها : هلا
ارجوان : ابوي اتصل علي ! كثيرررر لكن مارديت ابد
جلست ميار مقابله لـ ارجوان وبـ صدمه : تمزحيننن !!!
بلعت ريقها بـ توتر وخوف , وزفرت بـ ضيق : انا مقدر اقعد هنا انا اعرف ابوي هو طيب ومستحيل يضرني لكن امي....
نزلت ميار نظرها لـ ايد ارجوان , عقدت حاجبها من رجفت يدها ومسكتها تهديها ونطقت : اهديي اهديي
نزلت دموع ارجوان خوف وحزن , وببكى : انا خايفه من مشاري وامي
ميار : وابوك ؟
هزت راسها بـ النفي , وتعرف ان ابوها بيرجع احسن من اول : ابوي مستحيل يسوي لي شيء الان هو فقط حزين بموت طلال
ناظرتها ميار وابتسمت : الله يعطيك على قد نيتك لكن انتبهي من مشاري روحي لـ بيتكم بس ماتنزلين !!! وابعدي عنه واذا شفتيه انحاشي
رفعت ارجوان نظرها لـ ميار , وخايفه من موقف اهلها , ونطقت بتردد : وش اقول لـ اهلي ؟
وقفت ميار ومسكت يد ارجوان , وبـ ابتسامه: شرايك نطلع ونخلي النكد شوي على جنب وننبسط ؟ وارجعك لـ اهلك شوي واقولك وش نسوي اتفقنا ؟
وقفت ارجوان معها ومسحت دموعها : اتفقنا
التسمت ميار وحطت ذراعها فوق كتف ارجوان وطلعوا لـ غرفة ميار وتحاول ميار تغير من نفسية ارجوان ..
-
«بـ محال اثاث**** , العشاء »
زفر سعود بـ غضب من طولوا البنات ماطلعوا وللان ما اختاروا شيء لـ البيت , ضحكت ليالي من شافت ملامح سعود , وتوجهت لـه , استندت على الجدار وتناظر المكان الي يناظر له سعود , وتكتفت , لفت وجهها لـ سعود , ونطقت بـ ضحكة : شفيك مطنقر ؟ هههههههه
لفّ سعود عابسس وجهه , وماضدق احد بساله وانفجر يتحلطم : من العصر واحنا ندور ولا شيء يعجبكم !!!!!!! وريتال وترف اربعه وعشرين ساعه يتهاوشون !! والله معاد اخذهن تجين معي ولا اخذ اختي ابرككك
ضحكت ليالي , ونطقت بـ ضحكة : شوي شوي تكلم مافهمت شيء
لف سعود عليها وضغب العالم كله فيه , وكان بـ يضربها لكن هربت وتضحك , وقفت بجنب البنات وتسمع نقاشهم , وضحكة بـ خفه : يساتر يالموضوع المهم لهدرجه النقاس قوي شوي وتذبحين ترف ! هههههههه
ناظرتها ريتال وضربتها بـ خفه على كتفها : خيرر خيرر من اليوم وانتي وسعود تطقطون علي !
مشت ترف بتبتعدت ونطقت بضحكه : احسن هههههههه
فتحت عيونها بـ قوه ولفت لـ ليالي وعصبت من شافتها تضحك , وتجاهلتهم وراتحت اـ سعود ونطقت بـ غضب : يالله مشينا !
وقف سعود بـ فرحه : أخيرًا مابغيتوا
طلعوا ترف وريتال وليالي ميته ضحك على مناقراتهم وفرحة سعود وقت ماطلعوا
« بالسياره »
لف سعود لـ البنات ونطق : وين نروح ؟ تراني جوعانننن
نطقت ريتال ونظرها على جوالها : نروح مطعم فخم وكبير ونتعشى هناك
ماعجب ليالي الوضع : لا لا خل ناخذ شاورما ونروح لـ البيت
جازت الفكره لـ سعود وعجبته وشغل سيارته يدور مطاعم , وصدفه طاح على المطعم الاول الي دخله مع راكان , وشافه مفتوح , وقف سيارته ونزل , دخل وكان بيطلب ودخل راكان يركض ويصارخ , ناظره بطرف عين وشافه متوتر وواضح يدور له احد ,
لف راكان على الموظف وصرخ : محمد وينههه !!!!
الموظف : الان ادق عليه يجي
انجن راكان : كيف كيففففف يطلععععهع من عطاه اذن ؟؟؟ متى يجي لين يجون الشرطه ويتلوني لـ السجن ؟؟؟؟؟
لف سعود عليه وناظره من فوق لـ تحت ، ويحاول يفهم مشكله الرجال , اخذ راكان الاوراق وحطها قدام وجه الموظف : شوففف شوف اهمال محمددد مو انا موظفه محاسب !!! ليشششس ماقاليي عننن الديننن صار عليي فوق الميه الف ومو قادر اسددههههه !!!ولا اعرف له !!!
فهم سعود وش الي صاير له وهو يفهم بالامور هذي وتقدم لـ راكان ومد يده : سلام عليكم
لف راكان عليه وماعرفه , مد يده باستغراب: وعليكم السلام
سعود : عندك مشكله تبيني اساعدك ؟
ماصدق راكان على الله وعطاه الاوراق على طول , اخذ يقرا الاوراق , ولقاء حل واخذوا حول الساعه , والبنات طقت كبودهم بالسياره ونزلت ليالي لانها بدت تخاف , نزلت وشافت الرجال الي جالس جنب سعود ويناظر بالابتوب الي بحضن سعود ,ماعرفت تكلم سعود ورجعت لـ السياره , وبعد مدة ,
وقف سعود بعد ماانتهى من المشكله الي حصلت لـ راكان ولف لـ : الحمدلله انتهى
ابتسم راكان : مشكور وماتقصر والله انك فكيتني من ازمه يقول لو ماتدفع رفعوا علي قضيه !
سعود : طبيعي لان لهم فتره يرسلون لك تدفع الي عليك لكن
زفر راكان : انا معتمد على محمد بكل امور الدفع والشحنات وكل شيء
سعود : انتبه ذي اشياء ممكن تطيرك ورا الشمس وواضح ان مالك خبره بهالمجال وماعرفت تدفع الي عليك
ضحك راكان : ماابي اكذب عليك والله مدري عن شيء
ابتسم سعود يحاول يكتم ضحكته ولا ينفضح عند الرجال , وعرف من اسلوبه انه شخص لعاب , رفع سعود يده : استاذنك
وقفه راكان : اصبر يرجال تعشيت ؟
كان سعود بيتكلم وتذكر البنات ونطق : يوهه يولد اهلي بالسياره نسيتهم
مسكه راكان : اسمع يابو...
سعود : سعود سعود اسمي
حااول سعود ينحاش من راكان وابد مو راضي يفكهه وعزمه وسعود شايل هم البنات وش صار فيهم وراكان يحاول فيه يتعشى , وافق عشان يفتك ونطق : اهلي معي يـ راكان
ابتسم راكان ونسف شماغه : حياكم
و طلع سعود لـ البنات ودخل راسه مع الشباك , ونطق بـ ضحكة : يالله حولوا
ريتال بـ غضب , رفعت يدها : تو الناس كان نمت !!!!!
فتح الباب وركب , لف جسمه لـ البنات ونطق : والله انشغلت ساعدته بامور وانتهت الحين
ترف : طيب هيا حرك خل نروح
فتح سعود بابه ونطق : ابكك حولوا لي ساعه اقول حولوا !!!
فتحت ريتال بابيها ونزلت , لفّت على ليالي تبي تنرفزها : شفتي قلت نروح مطعم كبير وفخمم والا تبعصون وتقولون نشتري شاورما لكن نيتي صافيه
ناظرتها ليالي بـ طرف عين ونطقت : ريتال الو وجعتي يامي ؟
ضحكت ترف بـ خفه وسعود تجاهلهم ودخل , ضيفه راكان وكل انواع الاكل قدمه .
-
« عند باب بيـت ابو مشاري ، 11:59»
وقفت ميار سيارتها عند الباب ولفت لـ ارجوان تنتظر منها تنزل لكن من الخوف تجمدت رجولها , تنهدت ميار بـ ضيق وحرن على حالة ارجوان ومقهره ان حتا بـ بيتها ماتقدر ترتاح ولا هاد تحبه , ونطقت بـ هدوء وحنيه : ارجوان قلبي بتنزلين ؟
لفت ارجوان وجهها لـ ميار وعيونها متغرقه دموع وتحاول تمسك بكيتها ولا تبكي , : بنزل
بلعت ريقها , مدت يدها بتفتح الباب , لكن في شيء يرجعها , طفشت من الوضع وتجاهلت الافكار الي تجيها ونزلت , وقفت واخذت نفس بقوه وزفرته , وتوجهت لـ باب البيت , ولحسن حظها طلع مفتوح ودخلت هلى روس اصابعها وتحاول ماتطلع صوت لان المجلس مفتوح على الباب ويشوفون الرايح والجاي , وباب قسمهم من خلف البيت , والتعدت عن المجلس وصارت تركض بـ تدخل قبل احد يشوفها , لكن وقفت بـ خوف من سمعت صوت ,
انصدم من شاف البنت وهو مايعرف ان بيتهم فيه احد : من انتي ؟
رفعت راسها ومعطيته ظهرها ولا لفت : وش تبي ؟
زفر بـ غضب : وش مدخلك بيتناا اخلصي !!!
لفت ارجوان لـ الولد , زفرت بـ راحه وهي كانت متوقعه مشاري , ونطقت : نعم ؟
تقدم بدر لـ جهتها : اخلصي وقولي من انتي لا الحين ادق على الشرطه
ماعطته اي اهتمام وعرفت انه صغير بالعمر وتعطيه 18 , وتجاهلته بـ تدخل قسمها , وشهقت من شافت مشاري متكتف ومستند على الجدار والابتسامه شاقه وجهه ، توترت ارجوان ومتاكده انها طاحت عند مجانين
ورفع مشاري يده لـ بدر : انقلع من هنا ولا اشوفك
رفع بدر حاجبه بـ استغراب وقرر يروح قبل يذبحه مشاري
تقدم مشاري لـ ارجوان وترجع لـ الخلف , طرا ببالها سعود ماتدري ليه لكن نفس الحدث الي صار مع سعود لكن الفرق بينهم كبيررر ,
ابتسم مشاري ونطق : تحسبين بمشي لك الضربه ؟
ارجوان بـ تلعثم : اي ضربه ؟
نطق مشاري وهو يمشي لـ ارجوان وكل خطوه يخطيها ارجوان ترجع على ورا , ومن التوتر والخوف ترجع على ورا انلفت رجلها بدون ماتحس وطاحت على الارض , دخل قلب ارجوان الخوف والظلام وصوت انفاس مشاري ارعبتها , وتقدم مشاري ووقف عند رجولها و ويناظرها , انحنى لها وشدها من ذراعها , وارجوان تدفه برجولها وتصارخ , ومشاري مستمتع بـ صراخها وضربها , رمي نقابها وتقدم اكثر لـ وجها ، غمض عيونه من شم ريحة عطرها , وكل ماله يقترب اكثر لـ ارجوان , وانخنقت من ريحت الدخان الي تفوح من مشاري وقربه ، وبدون وعي دفته بـ قوه بـ بطنه وطاح على الارض , وقفت بـ صعوبه وتبي تركض وتدخل لكن مشاري اسرع منها ووقف ومسكها من ذراعها , بـ سبب خفة ارجوان قدر يسحبها بـ سهوله , رفعت راسها وناظرت بـ عيون مشاري ونطقت : وش تبغى !! تكفى يمشاري فكني
مسكها من فكها بقوه وقرب وجهاا وبـ همس : بفكك الحين لكن بعدين ؟ اعرفي اني بكون ظلك وكل مكان وراك
فك يده وشتت نظره عنها وتوتر وثم رجع لـ الخلف , ولف وبكل هدوء راح وكان ماسوا شيء , عضت شفتها بـ قهر على حالها وماقدرت تتحمل وطاحت على الارض تبكي وتتسال وش سوت من ذنب وربي بلاها بـ مشاري ؟ , مسحت دموعها , ووقفت , اخذت نفس بـ صعوبه وطلعت لـ قسمهم .
«عند ابو طلال وام طلال »
وقفت ام طلال بـ غضب ولف لـ ابو طلال ونطقت بصوت عالي : هذا اخر دلعك وين البنت ؟؟؟؟
وقف ابو طلال وبنفس النبرة , واشر على نفسه ثم هي : دلعي انا ؟ ولا اهمالكككك من تزوجتك وانتي ماتهتمين بعيالك !!! كانت علاقتي معهم اقوى وانتي ؟ كنت فقط تحملين وتولدين ثم تاكلينهم وتدخلينهم المدرسه وعيش انتهى دوري انا ، الامومه مو كذااااا
شهقت ام طلال وحطت يدها على صدرها : تشكك بامومتي ؟
كان ابو طلال بيتكلم , وقاطعه صوت الباب , لفوا لـ الباب وكانت ارجوان ، انصدم ابو طلال من شكل ارجوان وتقدم لها ونطق : ارجوان وش صاير فيك
ماقدرت ارجوان تتحمل وهي من زمان ماحضنت ابوها وحضنته وصارت تبكي , خاف ابو طلال ان ارجوان صار لها شيء , وطولت ارجوان بـ حضن ابوها وبس تبكي ولا تنطق بشيء توتر ابو طلال ونطق : ارجوان فيك شيء ؟ صار لك شـ....ــيء
مانطقت ارجوان بـ حرف ورجع يكرر السوال عليها , ومافي اي رد من ارجوان , وقامت بكل هدوء ودخلت غرفتها , لفت ان طلال على ابو طلال وبـ غضب : البنت راجعه اخر الليل وحالتها حاله ولا قلت لها شيء ؟؟؟ اجل هاذي الابوه بنظرك ؟؟؟؟؟
وقف ابو طلال ولف على ام طلال وشدها من ذراعها بقوه ونطق بـ غضب : اول شيء صفي نيتك الوصخه ذي ولا تتوقعين ببنتك الشيء الي يطيح الوجه وانا اعرفها هي بنتي وتربيتي ماتسوي شيء ينزل راسي !! وحطي براسك ان ارجوان انظف خلق ربي ويويلك تقربين منها والله يسلمى ان تعرضتي لها بشيء يضرها ! ان مايحصل لك خير !
-
« مر اسبوع بدون إحداث مهمه وفي يوم الاحد ، وقت الظهر »
قام سعود بـ انزعاج من الاتصالات المتكرره ورد وماانتبه لـ الاسم ونطق بصوت عالي وكان متوقع ان المتصل وحده من البنات : نعم !!!! ماتخلون الواحد يرقد حتا باحلامي محاشراتني !!
ضحك راكان وعرف ان سعود مضيع ونطق بـ ضحكه : صباح النوم يسعود
فز سعود من فراشه وبعد الجوال عن وجها وكان راكان رجع الجوال لـ اذنه ونطق : المعذره يراكان ماركزت بالصوت
راكان بـ ضحكة : تحصل يرجال ومعليش ماعرفت انك نايم
سعود : امر في شيء ؟
تورط راكان كيف يفتح الموضوع وتردد مره , ونطق بعد معاناه : سعود تعالي المطعم ضروري
استغرب سعود طلب راكان لكن قرر يروح ويشوف وش عنده : شويات وانا عندك
وقفل من راكان , طلع من الغرفه وفتح الباب وصرخ من شاف ريتال , ونطق بـ صوت عالي : وجععع وجععع خرشتينييي وش تسوين عند الباب
تكتفت ريتال و بـ غضب: لا تصارخ وكنت جايه بقومك
لف بيروح لـ دورة المياه واشر لها تروح وماتكلم , وراحت ريتال لـ البنات .
-
«بـ المالديّف »
نزلت حور رجولها بالمويه وحاتم ماسك يدها وميته من الخوف لكن تبين انها مو خايفه وحاتم عارف ولعانه لانها رفعت ضغطه طول السفره سحبها وكل مالهم يبتعدون , انخرشت حور وناظرت حاتم ونطقت بـ خوف : حاتمم قاعدين نبعددد
رفع حاجبه يستفزها : مو تعرفين تسبحين خلاص عادي
تورطت حور وهي اذا خافت نست كل شيء ونطقت بـ تمثيل لـ القوه : معليكك اعرفف لكن بتغرب الشمس واحنا بعيد يخوفي نضيع !
حاتم بـ ثقه : لا معليككك
فك حاتم يدها ولفت عليه بقوه : حاتم !!
حاتم بـ استغباء : ايش ؟
زفرت حور بـ غضب من حاتم وتجاهلته ومشت بتبتعد عن حاتم , ابتعدت وكل مالها تصير المويه اعمق , لكن ماحطت ببالها لو واحد بالميه ان المويه عميقه وللاسف حطت رجلها وكانت متوقعه انه نفس الي من اليوم تمشي عليه لكن المويه وصلت لين عنقها وحور نست كيف تسبح وتنقذ نفسها وتطلع من المكان الي طاحت فيه وحاتم بعيد عنها وفقدت الامل من استوعبت ان خلاص حاتم بعيد وهي سيئه بالسباحه ممكن لو المويه اقصر بتقدر لكن المويه بدت تغطي جسمها كله وصارت تبكي وتصارخ لعل حاتم يسمعها او احد ثاني , لف حاتم يدور حور وهو يسمع صوت لكن خفيف , وشاف طرحت حور وحور مالها اي اثر , انجن وصار يسبح ويصارخ بيروح لـ حور وشافوه الناس الموجودين ونزلوا مع حاتم , وصل حاتم لـ حور وشالها بسرعه , وساعدوه وطلعوها من المويه , نزلها حاتم ويحاول يطلع المويه من فمها حس بـ ضعف على انه متعود على الحالات الي مثل كذا , لكن ماتحمل وصار يبكي ويصارخ باسم حور وحور ماتتنفس , اسعفوها وابدا مافي اي تجاوب , وقف شخص من شاف حور ولف لـ حاتم بيقوله انها ماتت , وملامح وجهه توضح ان صار شيء ومن شاف حاتم تعابير وجه حسس ان حور صار لها شيء وفوق ماهو منهار يبكي حس بـ ضيقه قويه بـ صدره وضاق عليه التنفس
تنهد الرجُل بـ حزن وبيتكلم لكن قاطعه صوت بنت تصرخ وتقول لها قامت البنت الي قدامهم قامت , مافهم حاتم كلامها ولا اهتم على انه يفهم الغه بس من التعب والهم الي جاه ماركز بكلامها ومتوقع انها تقول ماتت , لكن سمع صوت حور رفع راسه بـ صدمه وشاف حور تبكي وفز من مكانه , وتجمد من شاف بكي حور و بـ حيره مايدري يفرح ولا يبكي ولا وتقدم لـ حور وحضنها بـ قوه , انهارت حور تبكي وحاتم يمسح على راسها ويسمي عليها , وكلهم صاروا يبكون , حاتم ماتوقع بيوم بـ يضعف كذا ويبكي عشان شخص , وقف حاتم وشال حور , دخلها وانسدحت على سريرها , وحاتم جلس على الطرف قدام حور , مسك يدها وكانت باردهه , سكت ولا نطق بـ حرف ونظره على وجهه حور , استوعب ان قبل دقايق كانت ممكن تموت و يرجعون حور السعوديه جثه , حط يده على فمه يكتم بكيته وحور من التعب نامت وماوده تقوم , و احمر وجهه وامتلت عيونه دموع من فكرة ان قبل دقايق البنت الي حبها وعشقها بتتركه ولا عاد بيشوفها , مسح دموعه بـ عنف من تحركت حور وصد وجهه عن حور , فتحت عيونها بـ خفه وعضت شفتها تكتم البكيه من رجعت فيها الذاكره لـ وقت الغرق , لف حاتم وجهه لها , وشاف وجهه ونطق : ليه ليهه يقلبي الدموع
ماقدرت حور تمسكها وانهارت تبكي والموقف ينعاد براسها , تقدم حاتم وحضنها , تعلقت فيه وماتركته , رجع حاتم ظهره لـ السرير , وحطت حور راسها بحضن حاتم , غمضت عيونها , وحاتم يمسح على شعرها وفجاه الا الاثنين نايمين وانتهى يومهم بحدث سيئ مستحيل ينسى .
-
«بـ السعوديه , الـرياض »
وصل سعود مطعم راكان , نزل من سيارته ودخل المطعم وقف راكان من سمع صوت سعود , ونطق بترحيب : ارحبب حيا الله ابو ناصر
تقدم سعود لـ راكان وسلم عليه , وجلس على الكنب : الله يبقيك
لف راكان وسال سعود وش يشرب وقال شاي , جابوا الشاي وللان راكان مادخل بـ الموضوع الي نادا سعود عشانه , طفش سعود ولف لـ راكان ونطق : ان شاء الله خير
راكان بـ ابتسامه , حط الاوراق قدام سعود , نزل نظره لـ الاوراق ونطق بترحيب : ارحبب حيا الله ابو ناصر
تقدم سعود لـ راكان وسلم عليه , وجلس على الكنب : الله يبقيك
لف راكان وسال سعود وش يشرب وقال شاي , جابوا الشاي وللان راكان مادخل بـ الموضوع الي نادا سعود عشانه , طفش سعود ولف لـ راكان ونطق : ان شاء الله خير
راكان بـ ابتسامه , حط الاوراق قدام سعود , نزل نظره لـ الاوراق
لف لـ راكان , واشر راكان على الاوراق , اخذها راكان وقرأها فهم انه يبيه يدخل معه شراكه , عقد حاجبه بـ استغراب ونطق : ايش ذا ؟
راكان : بس اوراق توقع عليها ونص المطعم لك
رفع حاجبه : يعني ادخل شراكه معك بالمطعم ؟
راكان : ايه وانت تفهم بـ هالامور وانا سيئ فيها واحتاج احد يساعدنيواول شخص طرا علي انت ولو ادور من اليوم لـين اقول بس مراح القاء مثلك
جازت لـ سعود الفكره وعجبته وهو وده يفتح مطعم من زمان و هذي كانت بالنسبه له فرصه : يعني الان اعطيك مبلغ عشان ادخل شراكه ولا كيف ؟
رفع راكان يده : لالا بعطيك نص المطعم لكن بدون مقابل مالي يرجال افهم اني مدقر ومعرف كيف اطلع
رفع سعود حاجبه بـ ضحكه من فهم وش يبي راكان , ووقف : يومين واعطيك خبر
طاحت كل امال راكان , وفز بـ ضيق : انتظرك
طلع سعود وتوجه لـ سيارته , ودق على خالد على طول , رد خالد ونطق سعود : خالد يولد في واحد يقول بدخلك شراكه !
مافهم خالد شيء : ايش ؟
سعود : تذكر المطعم الي دخلناه وكان يهاوش الموظفين
خالد : ايه
سعود : هجيته مره ثانيه وكانت متوهق وساعدته واخذ رقمي واليوم دق علي يقول تعال جيته الا يعطني اوراق واشياء وش كثرها يبيني ادخل معه شراكه وان انا عندي خبره وكلام كثير
خالد : والله فكره حلوه مو انت تبي تدخل بشراكه و تفتح مطعم ؟ هذي فرصه فكر وشوف كيف الرجال على انه غثيث الا ان يمكن رافعين ضغطه وعصب
سعود : والله جازتلي الشراكه وانا ابيها من زمان
خالد : توكل على الله وادخل معه
سعود : بشوف
وقفل سعود من خالد , وحط يده على جبينه ويفكر بـ المطعم , على ان طلب راكان لـ الشراكه غريبه لكن كل شخص واسلوبه وطريقته , , وشغل سيارته متوجه لـ البيت عشان يركبون الاثاث ويستقرون .
-
« قـسم ابو طلال »
طول الاسبوع ابو طلال يهتم بـ ارجوان ويحاول يفهم وش فيها لكن ارجوان ماكانت تنطق بحرف , وهي كرهت الرياض وكرهت الناس وكل شيء معاد تتحمل وودها ترجع الديره حقتهم , وطلعت من غرفتها وشافت ابوها جالس بـ الصاله وقدامه برادي شاي ويهوجس ماتدري ليه لكن ودها تاخذ الضيقه الي بابوها وتحطها عليها متاكده ان ابوها مايستاهل كل الي حصل , ومشتاقه لـ حياتهم قبل بالحيل وودها يرجعون نفس قبل ومع طلال , توجهت لـ ابوها ومشتاقه لـ حياتهم قبل بالحيل وودها يرجعون نفس قبل ومع طلال , توجهت لـ ابوها وجلست بجانبه , لف ابو طلال على ارجوان وحاول يتصنع الابتسامه ومايبين انه متضايق : ياهلا ببتني ياهلا بارجوانيي
ابتسمت ارجوان ورفعت يدها بتحضن ابوها , وبادرها ابو طلال , وتعلقت ارحوان فيه مو راضي تبعد , مشتاقهه لـ هالحضن مرهه , وكان لها سنين ماشافت ابوها وتو تحس بـ حنانه الي كانت تدوره طول الفتره الي فاتت , ابتعدت عن ابوها , وجلست تسولف معه وتحاول تغير موده وواضح انه متضايق , ولف عليها من تذكر الجامعه ونطق : سجلي بالجامعه ؟
هزت راسها : ايه سحلت وقبلوني بادارة الاعمال
ابتسم ابو طلال وباس راس ارجوان : الله يوفقك يامي انتي وارفعي راسي وانا ابوك
ارجوان وهي حاضنه ابوها : ابشر
-
«بـ الكويت , الليل »
كان المطر مغرق المدينه ومن قوته السيارات موقف ومحد يمشي والغبار والصواعق مرعبه , وكان سلمان يبي يروح لـ شقته ومايدل المنطقه زين , وعلى المطر والغبار انتبه لـ سياره موقفه حس بـ خوف ان ممكن احد ماعطله سيارته والمطر قوي ممكن يشيله هو وسيارته , وقف ونزل بـ صعوبه وتوجه لـ السياره وفتح الباب , وانخرش من صرخت رغد وكانت بـ تضربه برجلها , رفع يده من الخرشه : يبنت الناس انا انا
رفعت رغد راسها وزفرت بـ رحه غريبه داهمتها ونطقت : سلمان شتبيي ؟
هز راسه وتكلم بـ صوت عالي عشان تسمعه : ايه ايه سلمان انتي وش تسوين هنا ؟
رغد : خربت السياره وابي ارد بيتنا
فكر سلمان وخطر على باله انه يوصلها ونطق : طيب وين بيتك ؟
رغد : هنيه قريب
سلمان : طيب بوصلك
خافت رغد وعلى طول رفضت : لالا مشكور
حس سلمان انها خايفه : يبنت الناس ماني بماكلك وترا عادي اخليك ويجيك واحد ثاني مايخاف الله
ترددت رغد كثير لكن مافي حل غير انها تروح معه , وكانت بتنزل لكن الهواء قوييي ولا تقدر تمشي , انتبه سلمان ومد يده , رفعت نظرها له بـ استغراب
وبعد يده : براحتك بس ماضنتي بتخطين خطوه على هالحال
ماكان عندها خيار ثاني ومسك سلمان , وفجاه تسمع رغد صوت صاعقه ومن الخوف تعلقت بـ سلمان , لف سلمان نظره عليها وشافها حاضنته ومغطيه وجها , مانطق بـ حرف ووداها سيارته وركبت بالخلف , وحرك وابتعدوا عن سيارة رغد لكن غصب وقفوا من المطر و وطفا السياره , واستند على المرتبه ونطق : والله يبنت الناس ان غصب اوقف واذا ماوقفت ممكن نصدم
رغد : مو مشكله
جاء سلمان فضول مو طبيعي يبي يعرف عنها شيء ونطق : عادي اسالك ؟
انعقد حاجب رغد بـ استغراب : عادي
لف سلمان عليها وتربع على المرتبه : الحين كيف انتي تتحجبين ولابسه عبايه على انها ملونه لكن غريب
ضحكت رغد بـ خفه : وين الغريب ؟
سلمان : البنت الي معك عند الرماه كاشفه
رغد : كل واحد والي يريحه مو الكل نفس بعض
عقد سلمان حاجبه ونطق : انتي سعوديه ولا كويتيه ؟
رفعت حاجبها بضحكه: الاثنين
مافهم سلمان : كيف ثنين !
رغد : ابوي تزوج سعوديه
سلمان : اهاا عشان كذا تشطحين بـ كلمات
ابتسمت رغد بـ خفه : الله يرحمها كنت وياها دايم وتعلمت كلمات
سلمان : الله يرحمها
ولف يشوف وش صار وكان المطر خف عن اول وقدر يحرك سيارته
ودلته رغد على بيتهم , وصلوا بعد طلعت روح بسبب الامطار ولف عليها ونطق : عطيني رقمك
عقدت حاجبها بـ اسغراب : شنو ؟
مد سلمان جواله وعطاه رغد : اكتبي رقمك عشان ادق عليك واقولك عن السياره
اخذت رغد جوال سلمان وكتبت رقمها , ونزلت وكان ابو رغد واقف برا ينتظر رغد , وشافتها وراحت تركض له , ماتحرك سلمان وكان يناظر
ابو رغد فتح يده : رغد يامي وينج صيفتي حاتيتج وفعدت انطرج تردين
حضنته رغد بـ قوه : اسفه اني خليتك تحاتي
ابتعد ابو رغد وشاف سيارة سلمان واشر عليه بـ استغراب : منو ذا ؟
لفت رغد وشافت سلمان للحين ماراح وتورطت : هذا .... يبه واحد شافني يروحي وسط الطريج وجيت وياه
عقد حاجبه مافهم ولا كلمه من رغد ونطق : شنو تقولين انتي ؟
ابتسمت رغد بـ تسليك ومسكت ابوها من ذراعها : هيا تعال وياي ندش
سحب ابو رغد يده ونطق : بشكر الريال ساعدج
وتوجه ابو رغد لـ سلمان وشافه سلمان ونزل من السياره ويرحب بـ ابو رغد , واشرت رغد لـ سلمان وشافها كانت تاشر انها يجحدها ولا يعرفها , ابتسم سلمان بنذاله وكان بيغدر فيها لكن تراجع ، ورغد متوترهه تناظر بس سلمان يقول اني اعرف رغد وشفتها علىى الطريق وسرحت تتخيل وش بيصير اذا سامان قال لـ ابوها وقاطع سرحانها كلام ابوها : والله ريال ريال صج يبخت الي بتاخذه
ضحكت رغد وهمست : الا منحوسه
وطلعت مع ابوها لـ بيتهم وانتهى يوم متعب على رغد ورجع سلمان لـ شقته .
-
«بـ المالديف , الصباح »
كانت حور ترجف من البرد وفوقها اكثر من بطانيا , وحاتم نايم بـ جانبها وهي تحس انها تعبانه لكن ماقومته , وميته بردد وحرارته مرتفعه , ولف حاتم لـ جهة حور وفتح عيونه بـ خفه , وفز من شاف حالة حور , جلس على السرير ونطق بـ خوف : حور يعمري تعبانه ؟ اشبك
وحور من التعب مغيبه وماسمعت حاتم , وحط يده على جبينها , وكار ناررر تحرق , فز من مكانه يدور مويه بارده ومنشفه وصار يكمدها وراح يدور علاجات وجاب خافض حراره وعطاها وللان مو راضيه تنزل حرارتها , توقع انها من المويه امس تعبت , وقف ويلف على حور وكل شوي يعدل لها الكمادات لين نزلت حرارتها , ومرت ثلاث ساعات وحور نايمه ورجعت حرارته طبيعيه , فتحت عيونها وشافت حاتم فوق راسها , واخذت دقايق ثم وقفت وناظرها حاتم ونطق : على وين ؟
اخذت منشفتها وطلعت لـ دورة المياه : بتروش
وشغل حاتم نفسه لين طلعت حور من دورة المياه ولبست بجامه, وجلست على السرير وحاتم بجانبها , ولف وجهه له ونطق : لا شوفي لون وجهك تغير عن اول ان شاء الله بتطيبين
حور : لسا احس مره فيني خمول مو طبيعي
وتقدم حاتم وجلس بـ جانب حور وبيده فرشت الشعر ونطق : لفي بمشط شعرك
ضحكت حور بـ خفه : بتقطع شعري
ابتسم حاتم وبغرور : لوسمحتي انا الدكتور حاتم ماتبيني اعرف امشط شعر
رفعت حاجبها بـ صدمه من غرور حاتم وثقته : واوو يالثقه هههههههه
ابتسم حاتم ولفّت حور ظهرها لـ حاتم وصار يمشط شعرها ومره تنشب الفرشه ومره تقطع شعرها وحور متحملها وبعد معاناه انتهى حاتم , ونطق : خلصت
زفرت حور بـ راحه : أخيرًا
ضحك حاتم ومرر ذراعه حول خصر حور وحضنها من الخلف بـ قوه وشوي وتدخل بـ عظامه, ونزل راسه على عنقها من الخلف , وحطت حور يدها على يد حاتم ولف حاتم جسم حور و نزل وجهه لـ وجهه حور وصار جبينه على جبين حور وهمس : يكثر حبي لك يحور
ابتسمت حور بـ خفه , وماقدرت تنطق بحرف الا حاتم مقبلها بـ شفايفها , وشد على خصرها ونزل وجهه لـ عنقها و....‼️'
-
« بـ الرياض , الظهر »
قاموا كل من بالبيت والبنات يجهزون اغراضهم عشان بيروحون لـ البيت الي شراه سعود , وريتال معهم تجهز , ولفت ليالي بـ ضحكة : يعني بتروحين معنا ؟ هههههههه
كانت ريتال فرحانه بشكل ومتحمسه اكثر من البنات : اكيددد وبنام عندكم وسعود سوا لي غرفه لكن بنشب لكم ومستحيل اترككم وكل يومين عندكم وابوي فصلني من الشركه عشان تهاوشت مع موظف وقطعت اوراق مهمه ف ماعندي شغل ولا مشغله
ضحكت ترف : الله يكون بعون الموظف لا يكون تطاقيتي معه
غمزت ريتال لها : طبعًا مدخلينه المستشفى جاه كسر بخشمه وووجه ممشخ
طاحت ليالي تضحك بـ قوه , وترف معها , وريتال من ضحكهم ضحكت , وجهزت اغراضهم وطلعوها لـ سعود , وسحبت ريتال شنطتها ووقفتها عند سعود , ولفت بترجع : سعود شف الشنطه ركبها
نزل سعود نظره لـ الشنطه : شنطة مين ذي ؟
لفت ريتال وجهها لـ سعود واشرت على نفسها : انا
ضحك سعود : اجل بتجين معنا ؟ ملزمه
ريتال : طبعًا
ضحك سعود وراح يركب شناط البنات ويحاول يعجلهم يخلصون بسرعه ويستقرون لان الجامعه باقي عليها يومين , وطلعوا متوجهين لـ البيت الجديد , وحياه جديده وعالم جديد وناس اول مره تشوفهم وعادات جديده كل شيء فرق عن الديره وحياتهم هناك .
-
«بـ قـسم ابو طلال , غـرفة ارجوان »
كان يوم مو زي الايام الي فاتت بـ النسبه لـ ارجوان قامت وتحس بسعاده وطاقه مو طبيعيه واول شيء سوته سحبت الستاره وفتحت الشباك ودخل غرفتها اشعت الشمس , غمضت عيونها من دخل النور بعيونها , وفتحتها بـ خفه وتوجهت لـ دورة المياه, طلعت وصلت الصلاه , ثم فتحت باب غرفتها بهدوء وشافت ابوها جالس بـ الصاله وقدامه ثلاجة القهوه والقدوع , رجعت فيها الذاكره لـ ايامهم بالديره وقعدت ابوها وجلستهم معه والقهوه كانت شيء اساسي والان يوم ايه وعشره لا , توجهت لـ الصاله وريحة البخور والقهوه حست بالحياه الي اشتاقت لها الحياه الي تربت عليها ودها لو يوجعون الديره ولا يقعدون هنا ,
لف ابو طلال على ارجوان وهو حاس بالتقصير مع ارجوان ووده يعوضها عن الايام ايا فاتت ونطق بابتسامه:يامرحبا يامرحبا ببنتي ارجوان
كانت ارجوان كل مره تشوف ابوها لازم تحضنه وابتعدت وجلست مقابل له , وصبت لـها قهوه وسحبها من يدها , عقدت حاجبها بـ استغراب : شسالفه ؟
حط ابو طلال فنجال ارجوان ونطق : تبي تشربي قهوه على الريق ؟ على الاقل كلي تمره ثم تقهوي
نزلت نظرها على التمر : مااحبه
ابو طلال : عشان خاطري كلي لو لقمه
اخذت حبة التمره واكلتها عشان ابوها , ويالله بلعتها , رمت العجم ولفت لـ ابوها , واشرت على الفنجال : ابي فنجالي
ضحك ابو طلال ومده لـ ارجوان : غيريه برد
غيرته ارجوان , وكملت تسولف مع ابوها واستاذنت منه تروح مع صاحبتها السوق عشان الجامعه , ودور بمخباه فلوس وطلعه وكانت خمسين ريال , عبس وجهه بـ ضيق وهو يالله يلقى الريال بعد جيتهم لـ الرياض ومدها لـ ارجوان , ونطقت بـ ابتسامه: يقلبيي يابوي معي ماتقصر
اصر ابو طلال : عادي يبنيتي خذيها على انها قليلها
حطت ارجوان يدها فوق يد ابوها والثانيه اسفلها : بنظري ملاين
تنهد ابو طلال ووقفت ارجوان , وتوجهت لـ غرفتها بتجهز عباتها بتطلع مع ميار , وحط ابو طلال الفلوس بـ شنطة ارجوان لانها كانت بالصاله , وطلع من البيت ويدور وظيفه لان من جو ومالقاء وظيفه بسبب كبر سنه واذا لقاء مايطول ويفصلونه , وهو سكر محلاته الي بالديره ولا عاد معه فلس وايجار القسم الي هُم فيه وشايل هم مايعلم فيه غير الله .
-
«الـبيت الجـديد »
وصلوا البيت الجديد ونزل سعود الاغراض والبنات معه , وصارت لجه لا اله الا الله حتا الي باخر الشارع يسمعون , ودخلوا والفرحه مو سايعتهم , وبدا كل واحد يرتب اغراضه ودخلت ليالي غرفتها , قفلت الباب و حطت شنطتها على السرير وبدت تطلع فساتينها وملابسها ورفعت الفستان الاحمر , وتوجهت لـ المرايه وحطته على جسمها وابتسمت بـ اعجاب شديد , وبدلت لبسها ولبست الفستان وكـان ماسك على الجسم وعـاري الاكمام , ووقفت قدام المرايه وفكت شعرها الحـرير , واخذت روجها الاحمر الغّـامق , ورسمته على شفايفها بكل دقه وتركيز , وشافت عطرها المفضل من ديور وبـخت , ومررت اصابعها على شعرها ونثرته بشكل مبعثر لكن يُجذب , وماقدرت واخذت جوالها وصارت تتصور وتسوي حركات وتضحك من حركاتها الغـريبه , وارسـلته بالغلط لـ فرح وكانت ملخبطه بين فرح وفرح ثانيه لانها كـاتبه فقط فرح وماركزت بالايموجي ومستعجله , وارسلت لـ صحباتها , وحطت جوالها وكملت تلبس وتجرب الفساتين واكتشفت ان عندها فساتين تقطع القلب , لكن مهما تسوي ومهما تشتري الوان مختلفه يبقى الاحمر غير , ورجعت تلبس بـ جامتها وتـكمل تـرتيب لـ اغراضها وللان تتوقع انها ارسلته لـ صاحبتها فرح لكن هي ارسلتها لـ فرح اخت زياد .
-
«بـ الديره , بـيت زياد »
متجمعين بـ المجلس وفرح وعبدالرحمن وخالتهم نوف , وسوالفهم وطقطقتهم على بعض وضحكهم و وقفت الخاله نوف وتوجهت لـ المطبخ تشوف الاكل وقام عبدالرحمن عنده شغله وجلس زياد مع فرح واخذت فرح ايبادها وجلست جنب زياد وفتحت على الالعاب , زياد بـ ابتسامه : الله وش هـ الألعاب الحلوه
ضحكت فرح وحطت الجوال على المركه ومقابله لـ زياد , وشغلت لعبه وتحمسوا مره وفجاه وقفت فرح : زياد بروح الحمام واجي
اشر زياد لها ودخل لعبه يلعبها الا يجي اشعار من ليالي وزياد كان تركيزه على العبه وكان يبي يرفع الاشعار لكن بالغلط دخل السناب وفتحت على الفديو صد من شاف البنت وكان بيطلع لكن شده الاحّـمر مايدري ليه لكن اذا شاف الاحّمر تـذكر ليالي , وناظر الفديو وكـانت ليالي , انسحر زياد من جمال ليالي وتفاصيل جـسمها وشـفايفها المـليانه , والشّـامه الي اسفل شـفايفها بالضبط وللاسف الفديو كان ينعاد وزياد سج مع ليالي وحركاتها وضحكتها الي تلت قلب زياد تل وبدون وعي ابـتسم , ويتامل جميع تفاصيلها , و مايقدر ينكر انه ماطـاح الا طـاح وغـرق كمان , وجـذبه طول شـعرها وكثفه وهـمس : تبارك الرحمن
و بوسـط تـاملـه سـمع صـوت عبدالرحمن ورفع راسـه , وعبس وجهه من شـاف عبدالرحمن , كان عبدالرحمن مبتسم من ابتسامه زياد وجاه فضول يشوف وش يناظر فيه زياد لدرجه ان عيونه تتكلم بدال لسانه , وانصدم من غطاء ايباد فرح عنه وماخلاه يـشوف , ونطق بـ غضب : ولد بشوف وش تناظر فيه !
ضربه زياد على يده وعقد حاجبه : بعد يدك
تجاهله وكان بـيسحب الايباد وصرخ زياد , ونزل نظره لـ الايباد وبسرعه طلع من الفديو ومن السناب كله , اكله الفضول يبي يـشوف وسحب الايباد ومافي شيء ونطق : زياد !! انت وش تعاين فيه ؟؟ علمنيي ولا اروح اقول لخاله نوف
ضحك زياد : وش تقول لخاله نوف ؟
زفر بـ ضغب وجلس جنب زياد , وصار يتحلطم ويتكلم وزياد ماهو معه ولا يدري وش يقول , وشاغل باله ليـالي , ولف عبدالرحمن على زياد , وعقد حاجبه من شاف ابتسامه زياد وواضح ماهو بمعه , مايدري ليه شك ان ام احمر هي الي شافها وضحك بـ خفه ونطق : ترا راعي الهوى مفضوححححح هههههههه
لف زياد بـ سرعه على عبدالرحمن عاقد حاجبه : ها !
ضحك عبدالرحمن وغمز : والله انك شايف لك شوفه ولا وش يخلي زياد يهوجس ؟
ناظره بـ طرف عين , وكان بـ يـوقف ومسك يده , لف زياد عليه ونطق : شتبي ؟
عبدالرحمن بـ ضحك وطقطقه على زياد : لا بس بقولك يخوي قلبت ثور
رفع حاجبه بـ صدمه , وضرب عبدالرحمن برجله على فخذه وطلع من المجلس وعبدالرحمن ميت ضحك من اخوه .
-
« يوم جديد , بـ المالديف »
كانت حور جالسه على الكرسي ونظرها لـ السماء وتتتامل الغـروب وصارت زي العـاده بالنسبه لها , ولازم حـاتم يشاركها ويجي بـ جانبها , وكالعاده جلس بـ جانبها ويناظر السماء بفراغ مايدري وش الي سبب حُب حور لـ السماء ونطق بـ فضول : شنو سبب حبك لـ السماء ؟
ابتسمت حور بـ خفه ورفعت كتوفها : مادري
لف حاتم جسمه وحط كوعه على الكرسي ويده على راسه ويناظر حور : كيف ماادري ؟ تعشقينن الغروب والشروق بشكللل ومستحيل تفوتين وقتها ؟
لفت حور وسوت نفس حاتم : ايوه
عقد حاجبه : وش ايوه ؟
ضحكت حور واشرت بيدها : كمل وش انتبهت علي كمان ؟
ابتسم حاتم : انك تحبيني لكن تتغلين
ضحكت حور من تتغلين وعرفت ان حاتم عارف كل اطباعها وقفت بتدخل و استندت على الجدار وماسكه بطنها من الام الي جاها من الضحك , وتقدم حاتم لـ حور وحاصرها ويناظر حور بـ نظرات مليانه حُـب واعجـاب شديد , ورفع يده لـ وجهها وشال الشعر الي على وجهه ونزل نظره على شفايفها ومـوت حاتم مبسمها وابتسامتها الي تشلع قلبه من مكانه ومرر اصابعه على اطراف شعرها وصار يلعب بـ شـعرها بيده , وحطت حور كفينها على صدر حاتم ونطقت تصحي حاتم من سرحانه : حاتم ! هيا خل نجهز الشناط
رفع حاتم نظره لـ عيون حور وبـ ابتسامه : لبيه يا قلب حاتمم
صدت حور من نظرات حاتم ،وابتعد , وراحت حور ماتدري وين تروح من التوتر صارت تدور بـ الغرفه , وضحك حاتم بـ خفه من توترها , وتوجه لها ومسك يدهها ونطق : مو تقولين نجهز الشناط ؟
هز راسها بـ المـوافقه وتوجهت لـ الشنطات , وحاتم مـاسك يدها , جلست حول الشناط وحاتم واقف وحاط يدينه على خصره وعابّس الوجهه : كل ذي لنا ؟
ضحكت حور بـ خفه : لك هههههههه
كملوا يتجهزون عشان سفرتهم بكره لـ السعوديه.
-
« بـ الرياض , العصر »
نزل سعود من غرفته مستعجل يـبي يطلع ,
-
سلام عليكم اخباركم ؟ المعذره حبايبيي على التاخير لكن غصبًا عني اتاخر وكل شخص وظروفه والان بدت الدوامات وبيصير صعب التنزيل ، لكن هذا حسابي انستا « j.xiiix » تقريبًا التنزيل بيكون كل ويكند او على حسب وحسابي برايفت ^^^^ تضيف واقبل اضافتك .
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
