وانا متاكد ان البنت بتكون جميله مثلك !
لفت رغد نظرها لـ طرف سلمان ونطقت : ولصبي بيكون ريال مثل ابوه !
ضحك سلمان ونطق : يخوفي ينحاش !
عبست رغد وجهها بـ ضيق ونطقت : سلمان ! لا تقول جذي ! راح ازعل وراح افصل عليك لا تقول جذي انت ماسويت شئ غلط انت كل الي سويته ان رحت عشان شغلك ؟!
سلمان: ابشري !
وقبل سلمان عنق رغد وابتعد الى الخلف ونطق : بنطلع نتعشاء برا ! تجهزي !
ابتسمت رغد : غريبه شنو الي طار عليك ؟!
ضحك سلمان وتقدم لـ رغد ورفع حاجبه : ليه مااخذ مرتي ونطلع نتمشى ونسولف مع بعض ؟
ابتسمت رغد واشرت لـ سلمان بـ الوداع : عيل باي !
رففع سلمان يده ونطق ضاحكًا : هيا بايي !! هههههههه
ضحكت رغد وطلعت لـ الطابق العلوي , وتوجه سلمان لـ الكنب , وفتح الابتوب يكمل شغله على بال ماتنتهي رغد .
-
« بـ السعوديه , الرياض »
دخلت فرح غرفة زياد وليالي , والتفت ليالي لـ الباب ونطقت بـ ابتسامه: فروحه !
توجهت فرح تركض لـ ليالي تحضنها وحضنتها بـ قوه ونطقت: وحشتينيي مرهه !!
ضحكت ليالي ونطقت : وانا كمانن
ابتعدت فرح ونطقت ليالي : وش سويتي اليوم بالمدرسه ؟
جلست فرح على السرير وبدت تسرد لـ ليالي شنو صار بـ المدرسه ونطقت بـ سعاده : الاستاذه عطتني شهادة شكر !!
توسعت عيون ليالي بـ فرحه وتوجهت لـ فرح وجلست على ركبتها : جد !! شطورههه
هزت فرح راسها بـ الايجاب: وقالت لي منو يدرسك ؟ قلت اختي ليالي !
ابتسمت ليالي وحضنت فرح بـ قوه ونطقت : ياروحييييي
ودخل زياد الغرفه وتوجه لهم ونطق : في طرف ثالث شكله !
ضحكت ليالي ووقفت وتوجهت لـ زياد ووقفت امامه بـ الضبط : ممكن ! والطرف ثالث مره احبه !
رفع زياد حاجبه ونطق : والله ؟
ضحكت ليالي , و وقفت فرح بهدوء وهي تذكرت توصيات ريتال لها , وطلعت من الغرفه وضحك زياد : حتا انا حبيتك يالطرف ثالث !
ضحكت ليالي وتقدم زياد ونزل ذراعه اسفل خصر ليالي , وطول النظر بـ عيون ليالي , وكانت عيونها جميله جدًا , وتجذب , ويعشقها زياد بـ شكل جنوني , ورفعت ليالي ذراعه ومررته حول رقبة زياد ونطق زياد : يا كثر حبّي لك و يا كثرك بباليّ
ابتسمت ليالي وميلت راسها بـ خفه , ونطقت : زياد !!
يحب زياد نبرة صوت ليالي عندما تناديه ونطق : لبيه !
حضنته ليالي بـ قوه وشد زياد على خصر ليالي ولا ترك لها مجلل تبتعد وطول زياد وهو حاضن ليالي , وبعد مدة ابتعد بـ خفه وقبلت ليالي خد زياد بـ سرعه ونطقت : انتظرك تحت !
وطلعت تركض وضحك زياد : اهربي اهربي !
سمعته ليالي ونزلت لـ الطابق السفلي تضحك , وبدلت فرح ونزلت تتغداء معهم , نزل زياد وكانت حياتهم مع بعض هاديه وسعيده ويكبر الحُب بين زياد وليالي كل يوم ويزداد .
-
« بعد مرور يومين , الاربعاء »
وصل على جوال ارجوان رساله , وفتحت الجوال وشهقت من شافت القبول , وطلعت تركض لـ ابوها ونطقت : لقيتت لقيتت !! وظيفههه
ابتسم ابو طلال لكن متاكد ان مراح يقدرون يجمعون المبلغ بـ يومين وتوجهت ارجوان لـ ابوها وحضنته بـ قوه ونطقت بـ سعاده وفرحه : بدفع الدين ! بدفعه ونطلع من هذا البيت ! ونرجع لديرتنا واهلنا !
تنهد ابو طلال بـ ضيق من تذكر ايامه بـ الديره وخوته مع ابو فايز ، ووقفت ارجوان وقاطعة تفكيره : بكره بروح لـ المطعم وبحاول ادبر الدين !
ابو طلال : يابنتي الدين كبير ! مابتقدرين !
هزت ارجوان راسها بـ النفي : راح اقدر !
وتقدمت وقبلت راس ابوها وتوجهت لـ غرفتها , وقفلت الباب , والسعاده ماليه قلبها وتحس ان الامر هذا بيتم , وماتنكر شعور الخوف وارجوان للان مقتنعه ان المطعم مو لـ سعود , وتوجهت لـ سريرها , وارسلت لـ ميار صوره فيها القبول , ونامت وهي سعيده ولاول مره تنام والسعاده ماليه قلبها من سنه ونص , ومتاكده ان كل شيء بيهون ونامت ارجوان , ومر الوقت وصار وقت ~ اذان الفجر ~
قامت ارجوان وتوضت وفرشت سجادتها , وصلت الفجر ثم صارت تدعي من كل قلبها بان يتيسر هذا الامر وتقدر تسدد دين ابوها , وبعد ماانتهت طلعت لـ الصاله وشافت امها وابوها حول السفره يفطرون وجلست بينهم تفطر وكان الهدوء قوي بينهم , وماتحملت ارجوان وقامت لـ غرفتها واخذت شور ولبست وطلعت لـ مطعم ~ SA ~ مع اوبر , ووصلت والتوتر كان ماكلها ومتحمسه بشكل جنوني , ودخلت واستقبلها انور وفهم انها من الي قبلهم سعود , ومستغرب شلون قبل بنت بـ المطعم , لكن مااهتم وبالفعل فعل كل طلبات سعود وماسوا مع ارجوان مقابله ولا سالئها أساله كثير , وعرفت مكانها وقالوا لها تشتغل من بكره لكن هي رفضت وقررت تشتغل من الان , ولا اهتمت لـ سرعة قبولها وعدم اخذ المعلومات الكافيه لهم , وبالنسبه لها ريحها الأمر, وكان سعود يحاول يبعد ارجوان عن المكان الي فيه اشخاص كثير لكن اضطر يوظفها كاشيره لـ المحاسبه , ومر اليوم وبـ الساعه ~ 12 الليل ~ بلغ انور جميع الموظفين بـ الخروج ماعدا ارجوان , وطلب منها تبقى ولا بين لها السبب وكان هذا طلب سعود وطلع انور وبقت ارجوان لوحدها بـ المطعم , وطلعت من طاولتها وبدت تلف بـ المطعم تبحث عن احد ونطقت بـ صوت عالي : في احد ؟؟
وصرخت من طفى نور المطعم وبدت تسمع صوت حذاء , والتفت ارجوان لـ الخلف بـ صدمه من سمعت صوت , اشتاقت له وفاقدته ونزلت دموعها من نطق سعود : ماقدرت اتحمل واصبر وانتي جنبي !
وابتعدت ارجوان وبدت تعود لـ الخلف , بهدوء , وسعود يقترب اكثر لين حاصرها بـ احدا زوايا المطعم , وقدم يده بـ يرفع نقابها ودفته بـ قوه وصرخت : لا تلمسني !!!
ضحك سعود ونطق : للحين للحين ماتغيرتي !
مسحت ارجوان دموعها بـ عنف , وتكتف سعود يحاول تامل عيونها السّود الموجه له نور خفيف , يصعب عليه تاملها جيدًا , وتقدم سعود ومسك ذراع ارجوان ونطق : ماشتقتي لي ؟
رفعت نظرها لـ عيون سعود , وكانت تحاول تكابر لكن ماقدرت ونطق سعود : انا اشتقت لك ! انا تدهورت حياتي بعد ما اعطيتيني ظهرك وركبتي مع ابوك ! ومن بعدها وانا مو سعود !
نزلت وجهها وعضت شفتها بـ شده تحاول توقف بكي , وقرب سعود وجهه ودفنه بـ عنق ارجوان ومرر ذراعه حول ظهرها وتسارعت نبضات قلب ارجوان , وبدات ترجف من الخوف , وسعود الي قلبه معاد يقدر يتحمل مكانه , وكان عاجز عن وصف شعوره , وكان فقط يريد احتضانها , ولا يبتعد عنها ونطق بهدوء : لاتبعدين !!
سكتت ارجوان وكانت دموعها تسيل ورفع سعود وجهه ورفع كفينه وكان بيثبتها على خدها ودفته بـ قوه وصرخت : وش تبيي ؟؟؟؟
ضحك سعود ونطق : وش ابي ؟؟
ابتعدت ارجوان من سعود بـ تطلع , ولف سعود لـ الخلف وسحب ذراعها ووقفها , وسحبت ذراعها من يد سعود ونطق : ارجوانننن !!!
بكت ارجوان ورجعت لـ الخلف واصطدمت بـ الجدار ونزلت على الارض , وحضنت رجولها , وتقدم سعود وجلس بـ جانبها وبينهم فجوه كبيره , ولفت ارجوان وجها لـ سعود وتذكرت جلستهم بـ المستشفى وقت موت طلال , وانهارت تبكي , والتفت سعود بـ صدمه عليها عليها وكان بكيها اقوى من اول وواضح ان في شيء تمر فيه , ونطق سعود : ام العيون السّود !
غطت وجهها بيدينها ونطقت بـ صوت بَكي : طلال
بلع سعود ريقه من طرت اسم طلال , وتملت عيونه دموع من رجعت فيه الذاكرة لـ وقت وفاة طلال , وصد وجهه عن ارجوان , وحاول مايبكي لكن سالت دموع سعود شوق وفقد , ونطق : طلال راح
نطقت ارجوان بـ غصه : اشتقت له !
ابتسم سعود بـ خفه ولف وجهه لـ ارجوان وثبت نظره على عيونها , ثم قدم يديه وسندها على خدها , وتسارعت نبضات ارجوان من لمس سعود خدها , ونطق سعود بـ غصه : ارحمي عيونك السّود من البكي ! وارحميني
رفعت ارجوان يدها ونزلت يد سعود من وجهها ومانطق سعود بـ شيء , ورجع لـ مكانه ورفع راسه لـ السماء , ونطقت ارجوان ببكى : سعود انا معاد اقدر اتحمل !
نزل سعود راسه , ويجهل كل الي مرت فيه ارجوان طول السنه ونص ونطق : ارجوان وش الي حدك على الوظيفه !
غمضت ارجوان عيونها بـ قوه من مر شكل ابوها من امامها وضعفه والكسر الي كان واضح فيه , ولف سعود وجهه لـ ارجوان وطول النظر بـ وجهها المكشوف , وماينكر ان الشعور الي كان يحس فيه قديمًا عاد , الشعور الي شعر به لاول مره بسن 12 عام ...
~ فلاش باك ~
طلع سعود يركض من بيت الجد ناصر , لـ بيت ابو طلال , وساعده قرب المسافه , ودخل مع الباب متوجه لـ مجلس ابو طلال وتجمد بـ مكانه من شاف ارجوان بين الألعاب , والفتت ارجوان على الصوت وكان سعود واقف , وابتسمت : سعود !
ابتسم سعود بـ خفه رغم حزنه , ووقفت ارجوان صاحبة 8 أعوام وتوجهت لـ سعود : طلال مو بالبيت ! و...
ووقفت ارجوان كلام من انتبهت لـ احمرار خد سعود , وشهقت : من ضربككك !!!
صد سعود وجهه عن ارجوان , وكان كاتم البكيه ويبين ان الأمر عادي , لكن هزمته دموعه من حضنته ارجوان بـ قوه ونطق ببكى : ارجوان عمي بيجي وبيضربك !
تعلقت ارجوان بـ حضن سعود ورفضت تبتعد ونطقت : انا اسفه ! لاتزعل !
غمض سعود عيونه من اجتاحه شعور غريب , وكان يتمنى يتوقف الوقت ولا يبتعد عن ارجوان , وكانوا صغار بالسن ويجهلون معنى الحُب , لكن سعود تعلق بـ ارجوان , وحبها حُب طاهر , حُب طفولي جدًا , وكبرت ارجوان وتغطت عن سعود , وكان هذا الشيء تعب سعود جدًا , ويحاول يلمح طرفها لكن بكل مره يوقفون بوجهه , ويعود خائب , ومرت السنين وفعل سعود اكبر غلطه بـ حياته , وهي اقترب من ارجوان , وندمان جدًا على هذا الفعل , لكن طاح الفاس ولم يستطيع تبرير فعلته وذهبت ارجوان ولكن لم تذهب الذكريات بكل زاويه بزوايا البيت لها ذكره مع سعود , وطفولتها التي مرت بـ بيت الجد ناصر , ومر سنه ونص على خصام الجد ناصر وابو طلال , لكن مازال قلب سعود ينبض لـ ارجوان .
وأرخى سعود راسه بـ الارض ونطق بنبرة الشجي : الحياه تعبتك ؟
سالت دموع ارجوان على وجنتيها , ونطقت بـ غصه : الحياه تعبتني بعد وفاة اخوي !
تنهد سعود بـ ضيق وكان الفضول قاتله ، ومستغرب تقديم وظيفتها بـ المطعم ونطق : اسالك بالله ليش قدمتي على وظيفه ؟
زفرت ارجوان بـ ضيق وهي كانت تتهرب عن السؤال لكن سعود يلف ويعود اليه , ورفعت كتوفها : انحديت !
عقد سعود حاجبه ووالتفت اليها ونطق بـ صدمه: انحديتي ؟؟ ارجوان عمي هزت ارجوان راسها بـ النفي وبشكل متكرر ونطقت بـ غضب من تفاؤل سعود : لااا !!!
واخذ سعود نفس طويل بـ أريحيه, وسكت سعود وكذلك ارجوان , واخذ دقايق وهم على هذا الوضع , لكن ارجوان قررت تخبر سعود , ونطقت بـ غصه : لو اطلب منك دين تديني ؟
التفت سعود بـ صدمه واستنكار طلبها جدًا ، وعدل جلسته وصار مقابل لـ وجهها , وزفرت ارجوان من انتبهت لـ ملامح سعود وواضح عليها الصدمه وخافت يرفض , ونطق : ليش ؟
ارجوان : سعود بتعطيني ولا ؟؟
رفع سعودحاجبه بـ الرفض : لا مراح اعطيك الا اذا عرفت ليه !
غمضت ارجوان عيونها بـ قوه , وزفرت بـ غضب وصرخت : سعود لاتخلينييي اندم اني طلبت منكك !! انا انحديتتتت انحديتتت !!!
تقدم سعود لـ ارجوان وقرب وجهه من وجهها ونطق بهدوء : بايش ؟ بايش انحديتيي ؟؟؟
نزلت نظرها على عيون سعود , ونطقت : يمكن انا ماقدر اقولك !
رفع سعود حاجبه بـ النفي ونطق : مافي يمكن ! ارجوان قوليلي وش صاير لك !!!
بلعت ريقها بـ ضيق , ونطقت ببكى : سعود تكفى لا تسالنييي لا تسالنييي !!
سعود : انسي اجل !
توسعت عيون ارجوان بـ صدمه وماتوقعت من سعود ووقف سعود بيمشي , ووقفت ارجوان وركضت خلفه ومسكت كتفه ونطقت : سعود !!!
لف سعود وهز راسه بـ الاستفهام , ورفعت ارجوان راسها لـ السقف واخذت نفس ثم انزلته , ونطقت ارجوان : ابوي متدين ! وعليه نص مليون !
رفع سعود حاجبه بـ صدمه ولا توقع ان هذا هو السبب ونص مليون
كثير ونطق بـ استغراب: نص مليون !!!
بكت ارجوان وصرخت بـ وجهه سعود : ابوي تعب وهو يدور وظيفه !! وولا وظيفه تقبله ودورت على وظيفه قلت ممكن صاحب المطعم يعطيني دين وياخذ راتبي مايعطيني ! لكن انا راضيه عشان ابوي عشان راحته !! معاد بقي الا يومين ! يومين على كلام الرجال ! سعود انا تعبتتت انا تعبت بهدنيا ! كل شيء ضدي ! انا تعبتتت من الضغط الي علي كل يوم !!! سعود انا انتهيتتت انتهيتتتت
وقاطع سعود كلامها من سحبها لـ حضنه وشد على اكتافها وبكت ارجوان على صدر سعود , ورفع يده ومسح على شعرها ونطق بـ كل حنية العالم : لاتشيلين هم دامني معك !
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
