عبدالرحمن ناظر بزياد بطرف عين واشر عليه : ذا ؟
زياد فتح عيونه بقوه وبغضب : نزل يدكك !
عبدالرحمن هجد : اسفين طال عمرك نسيت انك لواء
زياد وقف : يالله استاذنكم بروح احلق واخلص اموري واذا تبين تروحين تجهزي وباخذك
طلع زياد
-
بيت جديد | اهل ابو حاتم
ام حاتم بغضب رفعت صوتها : البنت ذي مراح تتزوجها لعب هو لعب
حاتم : وش الي مراح اتزوجها ؟ انتهينا خطبنا واليوم الملكه
ام حاتم : اي خطبه ؟؟ بالبر ابوك من راسه قال بزوجك منهم ؟؟؟
لينا : يامي استهدي بالله البنت تعرفينها مو دايم تروحين لهم ؟؟
ام حاتم : اي اعرفها ؟ شفتها مره ومرتين والبنت شينهه !!
حاتم ( اذا هذي بدايتها وانا بس خاطبها كيف لتزوجتها ) بهدوء : احنا مو قفلنا على الموضوع ليش رجعتي تفتحينه ؟؟
ام حاتم : انااا ؟؟ رجعت السالفه علي ؟؟ انقلعع وماني بحاضره ورح انت وابوك الي عقله بيده
لينا ماقدرت تمسك ضحكتها وضحكت
ام حاتم لفت عليها بغضب : وش فيك تضحكين انتي ؟؟ بدال ماتكونين معي تكونين مع اخوك ؟؟؟
لينا : يالغاليه شفيك حولتي علي ؟ بعدين انا مو مع احد ، والبنت مالها اي ذنب واحس مغصوبه بما ان ابوها ماسالها حتا
حاتم : بملك عليها اليوم وبتزوجها وبجيبها هنا
ام حاتم ضحكت : بتجيبها عندي ؟؟؟ اقول بيتي يتعذرك انت ومرتك
حاتم ابتسم : اتوقع لي قسم اروح اشتري بيت وانا عندي قسم وش كبره
ام حاتم قطبت حواجبها : من بدايتها ولدي تغير اجل لو جت عندنا وش بيصير فيك بتنهبل
لينا ( الحمدلله اني بالرياض ) : حاتم خلاص انت خلص امورك "وغمزت " اروح انا معليك
ام حاتم : روحي انتي بعد روحي
حاتم تنهد بقل حيل : يمه تكفين خلاص
ام حاتم بغضب : ووعدي لمجده وين اوديه ؟؟
حاتم : مجده ؟ خالتي وش وعده ؟
لينا بهمس : نسيت يغبي على اساسا تتزوج مُنى
حلتم عبس وجه : مُنى ماغيرها
ام حاتم طلعت من عندهم ،
لينا جلست : شفيها امي ؟؟ فجعتني
حاتم : فجعتك ؟؟ ماقول الا الله يعين حور ويصبرها
لينا : شوف امي الحين زعلانه ومستحيل تاذي البنت بترضى معليك
حاتم ضحك : امي بترضى ؟
لينا وقفت : اوفف خلاص مفروض تروح الحين تاخذ شور تروق والشبكه جاهزه وباقي المهر تحطه انت
حاتم : الله يستر بس والله اني خايف عليها اكثر من نفسي
لينا : صح اهل ماما شوي استغفر الله لكن معليه معليه انا معها
حاتم قرب من لينا ومسك راسها وباسه وابتعد : الله لايحرمني منك
لينا ابتسمت : ولا انت
-
نرجع لسعود وليالي |
دخل سعود البيت وصار ينادي : ليالي
طلعو ليالي وريتال ،، ليالي : تعال تعال خل نروح بعيد "لفت على ريتال " نادي سلمان
سعود استغرب كلامها : ليالي فيك شي ؟
راحو ليالي وريتال وسعود وسلمان ابعد ماكن بالبيت وفاضي عشان احد مايسمع
ليالي كانت محتاره كيف تبدا فكرة تستدرجه : انت مين ؟
سعود باستغراب: ها ؟
ليالي : انت سعود ؟
سعود بمزح : لا جدي
ليالي قطبت حواجبها : سامج ، يوم ضعت انت وش سويت ؟
سعود : وش دورناك
ليالي : لا اقصد باليل يم دورتوني ومالقيتوني
سعود : تهاوشت انا وابوي وطلعت برا و "رفع راسه بصدمه "
ليالي ابتسمت : فهمت الحمدلله ماتعبتني بالشرح
سلمان ماكان مستوعب شي كل شي غريب ( صايره مصيبه والله يستر )
سعود بلع ريقه وبدا يحتر وينعاد المشهد بعقله ( شلون عرفت ؟
شدخل ريتال وسلمان ؟ رحت فيها )
ليالي صرخت : عطني سبب الي خلاك تسوي هالشي
سعود بلل شفايفه : شدخلك ؟؟
ليالي بغضب : شدخلنيي ؟؟؟ وش ذنبها ؟ وانا اقول وش فيها البنت متغيره "وضحكت باستهزاء " حبيت اقولك جود تعرف وكانت بتفضحكم بس انت طحت علينا وطبعاً
سعود وقف : انا ماسويت شي والي سويته عقلي مو براسي ماكنت منتبه
ليالي : عذرك اقبح من ذبك ، وش الي مو منتبه الا قل انك استغليت ضعف شخصيتها وتعرف انها مستحيل تتكلم
سلمان بهدوء : احد يفهمني
سعود لف عليه : مالكك دخلل
ليالي : اخوك شاف ارجوان اخت طلال
سلمان : بس ؟ عبالي شي كبير
ليالي ضحكت : خل ريتال تشرحلك
ريتال كانت مو قادره تكلم ، تكلمت بسرعه : سعود باس ارجوان
سلمان شهق : ايشششششس ؟؟؟ تستهبلون كيف وين و متى
ريتال تكلمت بقرف : بشفايفها وعلى خدها ورقبتها
سلمان ناظر سعود بقرف : شلون تسوي كذا ؟؟
سعود : ماكنت ادري كنت معصب وهي الي كلمتني !!!
ليالي : كلمتك ؟؟
سعود بدا يلخبط بالكلام : تقول انا اخر من كلمها واحب علاقتكم ببعض واشياء مادري مادري
ليالي : مستحيل لاتحط الذنب عليها
سلمان : ماني قادر استوعب شلون صار كذا ؟ اخت خويك يظالم !!
سعود : ولا انا وربي يناس اني ندمان مو قادر ارتاح انا اعرفها من هي صغيره شخصيتها ضعيفه وماتتحمل وكل شي تتحس منه
ليالي : كرهتني فيك تعرف الله يسامحك بس
وطلعت وريتال معها
سلمان ناظر فيه : الله يعينك بمصيبتك "وطلع "
-
الساعه 5 بدت الحوسه الصدق الحين الكل يحاول يخلص بسرعه عشان الضيوف بيجون ،
ليالي دخلت على البنات : بنات كيف شكلي ؟
ريم : ماشاءالله تبارك الرحمن
ريتال باعجاب : تهبليننن
جميله : استودعتك الله
ليالي ضحكت بخجل ، قاطعها دخول حور بعبس : بناتت ببكي خايفه
ليالي ابتسمت : يمامييي تهبليننن يحظ حاتم بس
ترف ضحكت: منجد من اليوم اقنع فيها مو راضيه
ريتال حطت رجل على رجل وبغرور : خلو عنكم انا اجملكم كلكم
ليالي تذكرت ارجوان ولفت على ريتال بقوه ، وبنبره سريعه : كلمتي ارجوان ؟؟
ريتال : انا ؟ لا
ليالي : بسرعه كلميها وتجي واذا رفضت علميني
حور باستغراب : شفيكم ؟
ليالي ابتسمت : ماعليكم اهتمي بنفسك انتي
ترف تفكر في شوفه شرعيه ولا : بنات في شوفه ؟
حور بصدمه : مستحيل بنات لا
ريتال تنرفزة ؛ اقول نشوفك بكره وانتي جايبه منه عشره
ليالي ضحكت بخفه : اخلصن جو الحريم وانتي انزلي يالله
حور : عادي ؟
ليالي : امشي معليه
-
بسيارة حاتم |
لف حاتم على امه وبترجي : يمه طلبتكك خلي اليوم يعدي على خير
ام حاتم تجاهلته ، حاتم : يامي خلاص يرحم لي والدينك
لينا مسكت حاتم وهزت راسها بمعنى خلاص معليك ، ام حاتم : الناس ذول ماحبهم تروح انت تتزوج منهم !!
حاتم قطب حواجبه : ليه ؟
ابو حاتم بغضب : يحرمه اهجدي وخلي اليوم يعدي وبعدين الي بيتزوج انتي ولا ولدك ؟
حاتم لف على ابوه بصدمه مستغرب كلامه بما انه ماستشاره ابداً وكانه هو الي بيتزوج
ام حاتم بغضب : شف من يتكلم انت حتا ما سالت ولدك
لينا : خلاص خلاص خل ننزل الناس ينتظرون عيب
ام حاتم ضحكت بسخريه : عيب علينا احنا ؟ وهم ناطلين بنتهم علينا ماصدقو يجي احد يخطبها ووافقو من اول دقيقه
حاتم انضغط مره حتا لو مايحبها ولا يبي يتزوجه لكن مجبور واسمها بينكتب باسمه والي يضرها يضره قبلها ، تنهد بقل حيل : افضل اننا نزل قبل تصير مشكله اقوى وننفضح عند الناس
نزلت ام حاتم وكانت مكشره وابو حاتم معصب من ام حاتم ولينا وحاتم ضاعو بينهم
لينا وقفت جنبه وبهدوء : الله يعدي هاليله على خير
حاتم : اي والله
دخلت ام حاتم ولينا لقسم الحريم
-
دخلت ترف تركض : بناتتت ام حاتم جتت يمه يبنات تخوف وكانت واضح زعلانه
حور بدا الشيطان يوسو بها وزاد خوفها اكثر من قبل ، وبخوف : تخوف مره ؟
ريتال هبدت ترف وبغضب : خير ؟ بدال ماتهدين اختك تخوفينها ؟؟
ترف صرخت بالم : كسر يترتر كسر
ليالي دخلت الغرفه : يليل انتم بكل وقت تتهاوشون وربي مهبَل
خلود : الحين بتنزلين وتقعدين تحت مع الحريم وممكن يطلب شوفه وماتوقع لانها مو من عادات خوالي
حور بصدمه : طبعاً ما راح ادخل عليه بنات تكفون ببكييي
ريتال جلست : حبيبتي طبعاً بيطلب شوفه لو انا بطلب الشوفه بداله
ترف : آيه عز الله كدينا خير ههههههههههههههه
ليالي وقفت قدام المرايه وكان منظرها ولا غلطه ، فستانها الاحمر ، شعرها الطويل الكثيف ، وميكبها الخفيف كانت ايه بالجمال
ريتال ضحكت : لولي اعترفي معجبه بنفسك يومنك تطالعين بنفسك كذا ؟
ليالي ضحكت ولفت عليهم وابتسمت بغرور : طبعاً
ريتال ضحكت: يشيخه انتبهي احد يشوفك
ليالي باستغراب: ليه ؟
ريتال رفعت حاجبها : ماشاءالله تبارك الرحمن يقلبي شكلك يسحرر تموتيننن تطيحين الطير من السماء ماشاءالله تبارك الرحمن استودعتك الله اقري اذكارك
ليالي ابتسمت واشرت على عيونها : ابشريي من عيوني ذي قبل ذي
لفو كلهم بصدمه على صوت البكاء طلعت حور تبكي طاحو يضحكون عليها
حور زادت تبكي من ضحكهم وبغضب : شفيكممم ؟؟
ترف وقفت: حور خلاصص تكفين خلاص
خلود : بنات اطلعو خلوني معها لحالنا
طلعو البنات ، جلست خلود على رجولها ومسكت يد حور وتكلمت بحنية العالم كلها : حوري يقلبي شفيك ؟ خايفه ؟ يعيوني انا يوم تزوجت باسل كنت خايفه ومتوتره وربي انهم زفوني وانا ابكي الحين انا ندمانه اني بكيت وخفت الحين احّمد ربي على باسل جد اتكلم يقلبي حاتم انا سالت عنه شفتك خايفه منه مره كلمت خالد وقالي عنه وجد ماشاءالله رجال بمعنى الكلمة صح حّركة خالي غلط لكن يمكن خيره لك ممكن عوض من الله عز وجل ، أنتي الحين اهدي وانزلي تحت ولاتهتمي باحد وهم طبعاً بيقطون كم كلمة وهذا شي طبيعي وتذكري اسمك بينشبك باسم الدكتور حاتم ، بتصيرين زوجة الدكتور يغبيه "وضحكت "
حور هدت جداً من كلام خلود وابتسمت من قالت زوجة الدكتور : الله يسعدك يخلود وربي انك انقذتيني كنت خايفه مره الحين اشوا شكراً
خلود وقفت : ماسوينا شي هذا طبيعي جداً خير بنت عمتك على الفاضي ؟ ههههههههههههههه
حور ضحكت ، خلود مسكت يدينها تبي تقومها : هيا هيا قومي وعدلي مكياجك لانه انعدم من الدموع
حور ضحكت : خلود !!
خلود وهي طالعه : هيا هيا برجع والقاك مخلصه
-
الساعه 7:05 جاء المأذون ووقع حاتم واخذ سند الكتاب يوديه لحور عند الباب سند ناظر باخته کانت مشاعره ملخبطه يحس انه ارتكب جريمه بحقها لانه ماقدر يرفض ابوه وابتسم بالقوه : الله الله الله الله وش ذا ياخت سند ؟
حور قطب حواجبها مافهمت عليه : هلا ؟
سند عطی ترف الكتاب وحضن حور بقوه وحور بكت ماقدرت تستحمل وسند نفس الشي ترف نزلت دمعتها ومستحها بسرعه ونطقت : خلاص لاتبكون خیر ترا مراح تتزوج وتسافر المريخ عندنا هنا
! سند ضحك : خبله انتي ؟
ترف : اقول اخلص ووقعي انتي شدخلني معطيني الكتاب هي الي بتتزوج مو انا
حور: اف اف ترف اسكتي خلاص ارتحت من ريتال جيتي انتي !
وقعت حور وصارت رسميًا زوجة حاتم طلع سند بعد ماسلم عليها وباركلها ودخلو البنات وكان الوضع فوضه وحور كانت بس تبكي لينا دخل قلبها الشك شافت بكاها مو طبيعي حست شي غلط لكن سريع ما اختفى التفكير هذا من اخذوها البنات ودخلت معهم ورقصو والكل كان مشغول ومحد انتبه لاختفاء ارجوان ارجوان ماقدرت تتحمل وجود جود وفجر وطلعت ضاق عليها المكان ماهي قادره تتحمله وكان فيه حوش ورا البيت ومنعزل عن البيت كله ومحد يجيه الا اذا يبون المخزن ، راحت وجلست هناك وكانت تبكي منهاره كرهت نفسها وكرهت اهل سعود وسعود وكرهت جود وفجر تتمنى الموت ولا تنفضح قدام الناس، كان المكان فاضي وماخذه راحتها لكن لفّت برعب من سمعت صوت مشي وأحد متجه لجهتها و ..
-
-
نيّاف دخل البيت وكان التعب ذابحه ما استغرب هدوء البيت والظلام توجه لغرفته لفة انتباهه صوت بكي شّده هالصوت لف يدور صوت البكي طلع من غرفة الجوهره عبس وجه وبضيق همس : اخخ وش سوت جدتي بعد
توجه للباب كان بيدقه ومتردد جداً حس وقته غلط طرا بباله كم فكرة( الحين اروح اشتري لها من كوفي ولا اوديها ؟ احس افضل اروح اشتري لها ؟ بس ودي امشيها ؟ ) كان بحيره وده يطلعها ويغير من جوها ومايبي يدخل ويضايقها قرر انه يشتري لها ويراضيها وبعدها يطلعون يتمشون وبالفعل شرا لها قهوتها المفضلة ومر البقالة وشرا لها الاغراض الي تحبها وورح البيت اختفى صوت البكي دق الباب وماكان فيه استجابه دق مره ثانيه ورد بصوت مختفي تقريبًا : نعم
نيّاف استغرب صوتها فتح الباب وبهدوء : بدخل عادي ؟
عدلت الجوهره جلستها : ادخل
شاف كيف وجها ذابل وواضح انها تبكي من احمرار عيونها من الهالات سوا نفسه مانتبه ولا سمعها وطلع الاغراض من ورا ظهره وبضحكه : شوفي وش جبت لك
الجوهره ابتسمت : يعمريي الله يعطيك العافية
نيّاف : كنت طالع من الدوام قلت اجيب لك اعرفك تحبينها
الجوهره كانت تشوف الاغراض وكل الاشياء الي تحبها موجوده لفّت على نيّاف وحضنته بقوه : وربي اني احبك الله لايحرمني منك
نيّاف : حتا انا احبك ياحلى اخت واجمل بنات حواء كلهم واكثر شخص احبه بالدنيا كلها انتي الشي الي يخليني احب حياتي
الجوهره بكت : نيّاف انا اشتقت لماما وابوي نيّاف انا مقدر اعيش بدونهم انا تعبت من جده مزنه تعبت من السب والاهانه والذل الي تذلنا اياه مزنه يخي احنا احفادها ؟ وربي اشك اننا مو عيال بنتها لهدرجها تكرهنا تخيل ان اليوم جو بنات خالاتي وخالاتي وكانت انسانه ثانيه وتحب البنات مره وتسولف معهم وتضحك أمّا الجوهره لا الجوهره تنكرف وتنهان وغصبن عنها وحتا الابتسامة مستكثرتها علي ! ينيّاف اليوم اهل ليالي عندهم ملكة وكنت ابي اروح بس جده مزنه رفضت وخالاتي راحو المغرب يقولون عندهم عزيمه مدري وش هي خلتني اقعد عشانهم ؟ وهم راحو يخي وربي تعبت
__________________
حياكم حسابي بالانستا ، j.xiiix ، انزل يومياً عكس الواتباد
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
