في شوفتك سالت دموع العين من فرحها

"14"

____
الفجر
الجد ناصر: يالله يعيال اذن الفجر يالله
خالد وقف : يجد انت رح استريح وانا بقومهم
الجد ناصر طلع : واثقٍ فيك
خالد صرخ : جديي جاء
وايل فز فتح نص عين: يعم ابشر الحين نجي
عساف يحاول يوقف وطاح على غسان : يز****
عساف : وجع انت ورجلك ذي كانها عامود كهرب
خالد طاح يضحك : تكفون اشكالكم
وايل فتح عيونه بقوه : خالددد
خالد كان يحاول يكتم ضحكته : يالله جد جدي بيجي عاد
قامو العيال كلهم يوضون واتجهو للمسجد .
-
عند الحريم
الجده فاطمه: خلصتو ؟
ام حور : ايه يعمه الحين بدق على سند يجي ياخذه
ليالي دخلت المطبخ بابتسامه وباست خد الجده فاطمه : يلبيهه
الجده فاطمه ضحكت : يقلبي يليالي
ليالي بابتسامه: اخبارك يعمه ؟
ام حور : الحمدلله يقلبي
ليالي : ايوه وش فطورنا اليوم شكله لذيذ !!
سند دخل يركض : يمه سريع بي
صد على الجهه الثانيه : معليشش
دخلت ليالي تركض
ام حور ضحكت : لف لف خلاص دخلت
سند : مادريت والله
الجده فاطمه: معليه
سند شال الصحن حق الفطور : باقي شي ؟
ام حور : وده وتعال خذ الشاهي والخبز سريع
سند بابتسامه: ابشريي
وفطر الجميع وجاء الوقت بانهم يرجعون بيوتهم .
عند الرجال | الساعه 12:30 الظهر
ابو وايل وقف وقال : يابو فايز كثر الله خيرك ماقصرت بثلاث ايام ذي
الجد ناصر بابتسامه: الله يعافيك يخوي ومابيننا وان شاء الله نتجمع مرتن ثانيه
عساف باس راس الجد ناصر: يالله ياعم مع السلامه
الجد ناصر: في حفظ الرحمَن
طلعت عائلة ابو وايل وابو مسفر وام جواد وابو طلال وبقي عائلة الجد ناصر
سلمان : يبه ترا ليالي ومزون بيجون معي
الجد ناصر: الله يستر عليكم
طلال جاء بابتسامه : في مكان لي
سلمان قطب حواجبه : اهلك تو راحو ؟
طلال ضحك : سحبو علي
سلمان ضحك : تعال معي الحين بطلع
طلال : من معك ان شاء الله مازاحمهم
سلمان : لا ليالي وامها بس
طلال ابتسم وهمس : يلبى والله
سلمان لف علها : تقول شي ؟
طلال : لا يالله متى نروح
سلمان توجه لسيارته : الحين
وفضت المزرعه من الناس .
في السياره
ليالي كانت بتوري سلمان صوره لسعود مع العيال بالمستشفى : خالي سلمان شوف العيال
سلمان لف عليها : لبيه
طلال صرخ : سلماننن انتبه
لف سلمان بسرعه وشاف التريله كان يحاول يلف بالدركسون وانقلبت السياره وطار منها طلال وبقي سلمان وليالي ومزون .
-
الساعه 3:15
الجد ناصر بقلق : فايز دق على سلمان شف وينهم للحين ماجو
ابو حور دق على سلمان ومارد ودق على ليالي وماردة ودق على طلال ورد : الو طلال وينكم
الشرطي : سلام عليكم
ابو حور باستغراب: وعليكم السلام من انت ؟ وين طلال
الشرطي : يخوي وش تقرب لطلال بن محمد
ابو حور : ولد جارنا
الشرطي : مزون بنت ناصر
ابو حور دخل الخوف قلبه : اختي
الشرطي : عظم الله اجركم
ابو حور صرخ وطاح منه الجوال
سند اخذ الجوال بسرعه : من انت وش فيه ؟
الشرطي: صار حادث على طريق ****** وتوفى امراة واثنين حالتهم خطره
سند نزلت دموعه : من المره ؟
الشرطي : مزون بنت ناصر
سند : شلون كنا مع بعض قبل شوي متى صار ؟ ليالي صار لها شي طلال وعمي سلمان
الشرطي: اتمنى تجون المستشفى الان
سند رمي الجوال ومسك راسه وقال : ان لله وان له راجعون
الجد ناصر: سند يابوي وش فيه
سند راح عند الجد ناصر وقال : جدي عمه مزون
الجد ناصر : وش فيهااا
سند : عطتك عمرها
الجده فاطمه سمعته وهي داخله المجلس وصرخت بصوتها كله : عيالييي
ريتال دخلت للمجلس تركض : جده بسم عليك
ابو حور تلطم وطلع للحوش
سند صد عن ريتال : بلغيهم ان عمتي مزون عطتك عمرها والباقين بالمستشفى حالتهم خطره
ريتال شهقت: سند تسمع وش تقول ؟
سند طلع من المجلس ،و ريتال جلست الجدة فاطمه ووقفت عند الباب : اميي حور ترفف
ترف : وش فيه وش الازعاج ذا كله
ريتال حضنت ترف وبكت : خاله مزون توفت
ترف ضحكت : لا ريتال تكذبين
ريتال ببكي : ماكذب والله ماكذب
ترف بعدتها وراحت للجد ناصر ومسكت يدينه : جدي
الجد ناصر رفع نظره عليها ترف حضنت الجد ناصر وبكت ام خالد دخلت المجلس وشافت حالة اهلها وقالت بهدوء: امي
الجده فاطمه كانت تبكي باقوى صوتها وريتال جلستها وقالت بغضه: ادعي لخالتي مزون بالرحمه
انقلبت حالة البيت فوق تحت وفتحت ابواب العزاء .
-
في المستشفى
دخلت ثلاث اسره فيها طلال وليالي وسلمان .
جابر : لا اله الا الله شكل فيه حادث
سعود وقف الشرطي وقال : لوسمحت تعرف اسمائهم
الشرطي : سلمان بن ناصر وطلال بن
سعود قاطعه : سلمان ؟ متاكد
الشرطي : ومعهم بنتين
سعود مسك راسه : مستحيل
الشرطي : تعرفهم ؟
سعود : اخوي
الشرطي : عظم الله اجرك
سعود شهق وصرخ : سلمان ماماتت
الشرطي : مزون بنت ناصر
جابر : عمتي ؟
الشرطي : ادعولها بالرحمه " راح وتركهم
سعود جلس على ركبتينه وبكى .
جابر راح يسال عنهم ودق على عمانه وكان نياف يساعده
ودخل ابو حور وسند وشافو سعود : سعود
سعود وقف وحضن ابو حور وبكو الاثنين : مزون ماتت
ابو حور : ياسعود راحت للي ارحم مني ومنك وادع لها
سعود : تركت ليالي وراها كيف بتعيش ليالي ؟
ابو حور بعد سعود منه ومسكه من كتوفه وقال : ليالي قويه وبتقدر تتخطى باذن الله انت لاتشيل هم والمغرب بندفن مزون .
-
دفنو مزون بعد المغرب وكان جزء بالمستشفى وجزء بالعزاء .
-
في المستشفى | الساعه 9:48
طلع الدكتور من غرفة العمليات كان وجه مايطمن ابداً : السلام عليكم
وقف سعود ومعه جابر وسند : وعليكم السلام
الدكتور : انتم اهل سلمان بن ناصر صح ؟
سعود : ايه
الدكتور : شي محزن باني اقولكم سلمان دخل بغيبوبه
سعود طاح على الارض ماقدر يتحمل وبكي وجابر معه بعد دقايق وقف سعود بصعوبه وطلع من المستشفى ودق على فايز
ابو حور : هلا يسعود طمني شصار
سعود كان يحاول يكتم البكيه : سلمان
ابو حور وقف : وش صار بسلمان
سعود : دخل غيبوبه
ابو حور : سعود تكفى تاكد يمكن اسماء متشابها
سعود : يليت يليتت
ابو حور بكى بدون صوت ، قفل من سعود ولف على ابوه كان بحيره مايعرف شلون يقول لابوه مراح يقدر يتحمل خبر ثاني تنهد تنهيدة طويله وجاء قدام الجد ناصر وقال : يبه
الجد ناصر: تكفى يفايز طمني على عيالي
ابو حور نزلت دموعه: يبه سلمان دخل بغيبوبة
الجد ناصر صد عن وجه فايز : سلمان قوي وبيقدر يتخطاها ان شاء الله
اصابات ليالي كانت كسر بالرجل واصابات قويه كالجروح والرضوض
طلال طار من السيارة وطاح على كتفه انكسر كتفه واصابه بالراس .
- انتهى اسوء يوم مر على الكل