وكان اسم صاحب المطعم سعود ! تو اتذكر وخطر ببالي الضابط !
ضحكت ارجوان بـ قوه من استوعبت تفكير ميار واستغربت ميار ضحك ارجوان ونطقت بـ اسغراب : اشبك تضحكين ؟
ميار وهي ضاحكه : تمزحينن ؟؟ تكفين قولي تمزحينن ؟؟ وش جاب سعود من الديره المحقه لـ الرياض وبعد يفتح مطعم ويصير من أرقى المطاعم واشهرها ؟؟ ومافي سعود بالدنيا غير سعود ذاك ؟
اقتنعت ميار ونطقت ضاحكه بـ خفه : ممكن ؟
ضحكت ارجوان ورفعت نظرها على جوالها وفتحته وشافت رسـاله من امها , وابتسمت من توقعت ان امها حنة عليها , لكن الصدمه من فتحت الرسالة وقرت الكلام الموجود , وقوة الكلمات والمصطلحات البذيئة, وعرفت ان امها مستحيل تحن عليها بل تزداد كرّه وتفكير خاطىء , وللان مستحيل تتقتنع ومتاكده ان ارجوان وجودها بـ الرياض اكبر خطأ وهي ماتروح الجامعه بل تسوي اشياء حرمها الله , ووجودها مع ميار قد يدمرها اكثر , وماذبح ارجوان الا الكلام الي انقال عن ميار , وميار انظلمت وتجزم ان ميار انظف مخلوق شافته على وجهه الأرض, واكثر شخص وقف معها هي ميار , لكن امها مستحيل تقتنع , وزفرت بـ ضيق داهمها بـ شده , وطلعت من الرساله بدون ماتقول شيء , وكان باين على وجهها الضيق والحزن , ومنبته ميار لـ اغير ملامح ارجوان , وتقدمت وجلست بـ جانب ارجوان , ومسكت يدها وشدت عليها بـ قوه ونطقت: اشبك ؟
لفت ارجوان وجهاا لـ ميار وطولت النظر بـ وجهها وامتلت عيونها دموع وسالت دموع ارجوان حزن وضيق وانهارت تبكي بـ حضن ميار , وانفجعت ميار من بكت ارجوان , وتحاول تواسيها لكن ارجوان تنهار وتبكي اكثر اذا تكلمت ميار , وماتعرف ميار وش تسوي وايش تقول ، واكتفت بانها تحضن ارجوان , ولا تكلمت , ورفعت ارجوان وجهها لـ ميار ونطقت ببكى : انا اسفه !
استغربت ميار اعتذار ارجوان وتجهل سبب اعتذارها ونطقت: ما سويتي شيء عشان تعتذري ؟
ماعرفت ارجوان ايش تقول والتزمت بالصمت والتحديق بـوجه ميار , ووقفت واخذت شنطتها وطلعت من البيت , وميار منصدمه من تصرفات ارجوان , وتبعتها تركض , ومسكتها عند الباب من معصمها وصرخت : وش فيكك ؟؟؟ وش شفتي بالجوال عشان تصيرين كذا ؟؟؟
وقفت ارجوان ونزلت نظرها بالارض , ورفعت ميار وجهه ارجوان وثبتت نظرها على عيونها ونطقت : مااسامحك ياارجوان اذا في شيء مضايقك ولا قلتي لي !ولا احد مسوي لك شيء !!
هزت ارجوان راسها بـ النفي وبشكل متكرر : لالاا !!!
ميار : اجل وش فيك ؟؟؟
بلعت ارجوان ريقها بـ توتر ونطقت: مافيني شيء ! واذا فيني شيء كان تكلمت !
رفعت ميار ذراعها ضاحكه : هذا كلامك دايم مستحيل تتكلمين ؟ ليهه ليهه تخلينهه بقلبك !! تكلميي انا عندك !
تذكرت ارجوان كلام ابوها وقد ايش الفضفضة لشخص شيء سيئ ومستحيل يتحمل , ونطقت: من قال اني اخلي شيء بقلبي ؟
رفعت ميار حاجبها بـ اسغراب: نعم ؟
ماردت ارجوان وطلعت من البيت , ماتعرف فين تروح , واتصلت على اوبر , وجلست على طرف تنتظر وبدا يدخل البرد ونسمات الهواء البارده قتلتها لكن صبرت وانتظرت اوبر , ووصل وركبت متوجها لـ البيت , وتناظر من الشباك السيارات وابراج الرياض والبيوت, ولها الان سبع شهور بـ الرياض وهمست : ياسرع الأيام!
وتذكرت حياتها بـ الديره وعلاقتها بالبنات وغلطات سعود الي الكل عارف انه متعمد يدخل , وطلعاتهم لـ العزبه , وماتعرف وش صار لهم وتذكرت لينا وقررت من توصل البيت تتصل عليها لانها الوحيده الي تقدر تكلمها , بما انها بنت عمها , ومستغربه كيف للحين حاتم وحور ماتطلقوا بما ان عتيق ومحمد اخوان , لكن الطامه الكبرى ان ارجوان ماتعرف عن هوشة عتيق ومحمد , وكان عتيق ضد هوشة محمد وناصر , ومقتنع ان الغلط كله على محمد اخوه لانه ببساطه زعل من نفسه ولا فهم السالفه صح , ومر الطريق بـ بطىء وتسترجع أيامها بالديره ومشتاقه لبيتهم وسمراتهم اخر الليل , وسعود , الي ياما حاولت تكرهه ولا تبين حبها له لاحد الي للان ماانتهى , لكن سلع شهور مو هينه وبنظرها ان سعود تغير ونساها وحب وحده ثانيه وممكن تزوج ! , حست بفوضى قويه بـ عقلها مو عارفه كيف ترتبها , ووصلت البيت بعد صراع داخلي مر باصعوبه ، ونزلت ونزلت متوجها لـ البيت الي حاولت تهرب منه كثير وبكل مره ترجع اليه , ودخلت لـ قسمهم بارياحيه بما ان مشاري انمسك , ولا صارت تخاف يطلع لها , ودخلت بـ سرعه القسم متوجه لـ غرفتها هاربه من امها , ودخلت وقفلت الباب خلفها واستندت على الباب , واخذت نفس براحه , وتوجهت لـ دورة المياه .
-
« سويسرا , بـ المستشفى »
دخل زياد بعد ماطلع الدكتوره على ليالي , وتقدم بـ سرعه لها وقبت مفينه على خدها وثبت نظره على عيونها : كيفك الحين ؟
ناظرته ليالي ونطقت بـ هدوء : بخير !
نزل زياد نظره على الخيط وكان فقط غرزتين بـ بطنها بسبب قزاز ونطق : مأجوره باذن الله
كان التعب باين على وجهها ونطق : نقعد ؟
هزت ليالي راسها بـ النفي : انا ماابي اقعد هنا ابي ارجع السعوديه !
زياد : تم احجز التذاكر ونرجع السعوديه !
ماتكلمت ليالي ولا قدر زياد يقول شيء ثاني وطلعوا لـ الفندق , دخلت ليالي وعلى طول طاحت على السرير ونامت , عكس زياد بدا يحوس بـ الغرفه ويكمل اغراضه , ثم توجه لـ السرير ويناظر ليالي وحس بتانيب ضمير بما ان ليالي الي صار لها بسبب زياد , وقدم وجهه وقبل جبين ليالي بـ شده وهمس : استودعتك الله من كل شر
وتركها وسرعان مانام زياد ،
« الصباح »
قامت ليالي قبل زياد , وتوجهت لـ دورة المياه , واخذت لها شور بـ اصعوبه بما ان الخيط للان لين , وطلعت وبدت تجهز اغراضها ومعاد تقدر تتحمل تقدر بـ سويسرا شوي , وقام زياد على الأصوات ونطق : لياليي !!!
لفت وجهها له ونطق زياد بـ غضب : يابنتيي اجلسي اجلسي !! انا بجهز كل شيء !
تجاهلته ليالي وكملت اغراضها , ووقف زياد وتوجه لـ ليالي ومسكها من عضدها ووقفها , ولف جسدها لـ جهته وعقدت حاجبها : زياد !!
زياد : ليالي !!
طول زياد النظر بـ عيون ليالي وبكت ليالي بدون سبب , وانفجع زياد ونطق : يوجعك شيء ؟؟؟
هزت ليالي راسها بـ النفي , وحضنها زياد بـ خفه بسبب جرحها , ونطقت ببكى : زياد متى نرجع !!
زياد : الليله ! باذن الله بنرجع السعوديه ! تامرين بشيء ثاني ؟
ليالي : سلامتك !
ابتسم زياد وقبل راسها ونطق :
لاتنزل دموعك ونفس لاتضيق ولا تخيبِ
انا معك لو جار بك وقتك ووقتك عصاك
وابتسمت ليالي ونطق زياد : بتقعدين ساكته كذا لمتى ؟
ليالي : لين يطيح الي براسي !
وابتعدت عن زياد وضحك : اجل طاح ؟ هههههههه
ضحكت ليالي وتوحه زياد لـ دورك المياه ثم بدوا يجهزون اغراضهم بيطلعون .
-
«الديره »
تجمعوا العيال والبنات بـ مجلس الجد ناصر , ووقف سعود ونطق بـ صوت عالي :،بغني لكم بصوتي الجميل !
عبست ريتال وجهاا ونطقت : عز الله بيجينا تلوث سمعي !
ضحك سلمان ولف على سعود ونطق : يخوفي نضيم !
ناظرهم سعود بـ طرف عين ونطق : حلالاه لو بنتي ليلي معي كان كسرت خشومكم لكن اللواء سرقها !
ضحك الكل من كلام سعود ونطق جابر : غني غنىى غنى ولا عليك منهم
ابتسم سعود ورفع يده لـ السماء وحاول يخرب صوته ويخليه شين ويصارخ , وماتوا يضحكون على سعود وهزمه الضحك وضحك معهم ونطق : لاتصدقون ترا ذا صوتي الكذبي !
رفع نواف حاجبه بـ اسغراب ونطق ضاحك : ليش كم صوت عندك ؟
مات مجيد يضحك ونطق : عمي قلب ببغاغي
لف جابر عليه وضربه على فخذه : ببغاغي ايش ياتيس !
ضحكت ترف ولف مجيد عليها ونطق : فزعتكك وانا اخوكك !!
لفت ترف وشافت نعال , وسحبته ورفعته على جابر , ونطقت : وانا اخت عبدالمجيد !
وصرخ جابر من رمتها ترف وطلع يركض من المجلس , وضحكوا ورجع جابر ورفع يده يهدد بـ مزح : عبدالمجيد !!
ضحكت ترف ونطق سلمان : اجلس اجلس وريحنا !
نطق مجيد ثم جلس : ابشر !
وزفر سلمان من فقد رغد وهي رفضت تجي معهم , ووقف ولف سعود عليه : علامك قمت ؟
اشر سلمان له يعني بمالك دخل , وصرخ مجيد ضاحك على سعود , وسحب سعود المركه بيرميه على مجيد وتهابدوا شوي ورجعوا يسولفون وكملوا ضحك وسوالف ودخل سلمان لـ غرفته ونطق : ماخليت مكان مادورتك فيه !
لفت رغد وجهها لـ سلمان وغمزت : ها اعترف اعترف لي يالله بسرعه اشتقت ؟
سلمان : مهبوله انتي ؟ بغت روحي تطلع !
ضحكت رغد وتقدم سلمان لـ السرير عند رغد وحضنها بـ شده ونطق : يانك وحشتيني !
قبلته رغد على طرف خده ونطقت : وانا بعد حيلل اشتقت لك
رجع سلمان ظهره لـ الخلف وثبت نظره على عيونها ونطق : اشتقتي لي ؟
رغد : اي ليش ماتبيني اشتاق لك !؟
حضنها سلمان بـ قوه ونطق : معليك مراح اخليك تشتاقين لي مره ثانيه لاني مراح اتركك !
بادلته رغد وحز بخاطرها كلامه ماتعرف ليه يحسسها انه ممكن يتركها ونطقت : سلمان خلك جنبي دائما !
سلمان: يابوي انتي انا بكون مثل ضلك مستحيل اتركك !! طيب اسمعي عندي لك شيء من زمان تبينه !
اتبعدت رغد وجلس سلمان بـ جانبها وسحب يدها وصار يلعب بيدها ونظره على يدها ونطقت: اي قول شنو اهو ؟
ابتسم سلمان ونطق : بنروح الكويت !
توسعت نظرات رغد بـ صدمه وصرخت من استوعبت كلام سلمان , وفتح عيونه بـ قوه وغطى فمها بـ سرعه : تبين نموتت انتي ؟؟؟
ضحكت رغد ونزل سلمان يده : جذابببب !!!! من صجك سلمان متى؟!
ضربها سلمان بـ خفه على راسها : امسّي امسّي !
عقدت رغد حاجبها بـ اسغراب ونطقت ببكى :لا عاد ياسخافتك لا تقولهااا!!
سلمان : وش اقول ؟؟؟
زعلت رغد ونطقت بـ غضب : لايكون ياسلمان ماراح نروح ؟! اذا صج خير ان شاء الله خليتني اشتط ؟!
ضحك سلمان ونطق : من قالك اننا مو رايحين !! يبنت افهمي افهمي !
تجاهلته رغد وحرفيًا معاد تعرف كلام سلمان وانسدحت وغطت وجهها بـ المخده , وناظرها سلمان وضحك : وش تسوين انتي ؟؟
ماردت رغد وتقدم سلمان وبدا يدغدغ بـ بطنها , وضحكت رغد وضحك سلمان: ايوهه !! لا اشوفك زعلانه او مكشره !! مايليق عليك !
وحضنها ورفعت رغد ذراعها وحضنت راس سلمان وانسدح بـ جانبها ونطقت ضاحكه : واييي سلمان راسك حيل عود بروحه بحضني ههههههه!
رفع سلمان نظره لها ونطق : تطقطقين علي ؟ افا يارغد !
رفعت حاجبها ضاحكه ونطقت : والله هذا الصج مااقول الا الله يعين عيالك بيصير راسهم مدام نفيخه من كبر راسهم ههههه
غمض سلمان بينام ونطق : عيالنا حبي مو عيالك !
ضربته بـ خفه على راسه ونطقت بالم : ايي وجع؟؟ عورتني بايدي!!
ضحك سلمان ونطق : رغد شبعت تنمر خلاص ! هههههههه
قدمت رغد كفينها وثبتتها على خد سلمان وووجها مقرب من وجهه سلمان ونطقت بـ طقطقه: واههه قلبي والله تضايقت ؟ ياحبيبي يا سلماني ياهل انت ؟
ابتسم سلمان من نطقت رغد بـ سلماني , وقدم وجهه وقبل خشم رغد : كنت بدق على العنف الاسري لكن دخت من تأملت جمالك !
ضحكت رغد بـ خفه ونزلت يدها واشر سلمان على خده : يارب بوسه منه ولا منه !!
ابتسمت رغد وتقدمت بـ سرعه وقبلته على طرف خده , وغمض سلمان عيونه : يالبيههه !!!
ابتسمت رغد بـ خجل , ودفنت وجهه بـ المخده وثبت سلمان راسه على كتفها وغمض عيونه ونطق : الحين اقدر انام وانا بقمة السعاده !
ضحكت رغد بـ خفه , ثم نام سلمان وبعده رغد .
-
« يوم جديد , في الرياض »
وصلوا زياد وليالي الرياض بـ الليل وتوجهوا لـ الفندق يدورون الفراش يبون ينامون , واخذ جواله يناظر الساعه , ونطق بـ صوت ثقيل : ليالي !
ناظرت ليالي زياد من المرايه وكانت واقفه قدام المرايه مثل عادتها , ونطقت : صباح الخير
ابتسم زياد ونزل يدينه وسند وجهه على كفه يتامل ليالي من الخلف ونطق : صباح النور بشري كيفك اليوم ؟
رفعت ليالي طرف شعرها لـ جنبها الأيمن ونطقت : الحمد لله خف الالم !
زياد : الحمد لله ! من صحيتي ؟
لفت ليالي وتقدمت وجلست جنب زياد وناظرت بـ وجهه : تو الناس زياد الساعه 2 الظهر ؟ من اليوم انا صاحيه !
زفر زياد ووقف : والله فاتتني الصلاه !
ليالي : هيا هيا صل وتعال خل ننزل وربيي طفشتت !!
زياد : ابشري
وتوجه لـ دورة المياه ثم توضى وصلى , وبعد انتهاه طلعوا من الفندق وركب زياد السياره وبجانبه ليالي وشغلها وانتظرها تحمى ونطق : وين نروح ؟
ليالي : نروح مطعم سعود ؟
زياد : تم !
وتوجهوا لـ مطعم سعود , ووصلوا ونزل زياد ودخلت ليالي ذراعها داخل ذراع زياد ودخلوا وعرفت رهام زياد , وابتسمت وتوجهت لهم ونطقت ضاحكه : اللواء زياد ؟ مبروك الزواج ؟ بحق ماتعلمنا ؟
عقد زياد حاجبه بـ اسغراب ونساها حرفيًا لكن تذكر انها البنت الي تشتغل مع سعود , وناظرتها ليالي بـ اسغراب واستنكرت الميانه ونطق زياد : الله يبارك فيك
ولف لكن وقفته رهام واشرت على نفسها : عرفتني ؟
ناظرها زياد بـ طرف عين : لا
ضحكت رهام ونطقت بغنج : شدعوه ماتعرفني بزعل !!!؟؟
حامت كبد ليالي وقرصت ذراع زياد , وتوسعت عيونه بـ صدمه , ونزل نظره على يدها وضحك بـ خفه , وتوفعت رهام انه ضحك لها , وابتسمت ابتسامه عريضه , وبدت تلعب بـ شعرها : تفضلو خذوا راحتكم المكان مكانكم
ليالي : طبعًا حبي مو مطعم خالي ؟
ابتسمت رهام بـ فشله ونطقت : صحيح !
ورفعت ليالي عيونها وتوجهت هي وزياد لـ احد الطاولات ونطقت بـ صوت منخفض بـ غضب : زياد !!! خير خير ؟؟؟؟
عقد زياد حاجبه بـ اسغراب: شفيك ؟؟
ليالي : تستهبل انت ؟ وش ذا الميانه خير وش تحس فيه رهام ذي ! اقسم بالله اني كارهتها من اول ماوظفها سعود !! وهين اذا ماطردته مع هالباب !
ضحك زياد بـ صدمه ونطق : مو صاحيه تقطعين رزق البنت ؟ خليها ماهي مسويه شيء !
ناظرته بـ طرف عين ومستغربه دفاعه لها ونطقت : تعرفها تقرب لك يوم تدافع عنها ؟
ابتسم زياد وثبت كوعه على الطاوله , وسند لحيه على كفينه المشبكهم بـ بعض , ويناظر ليالي , وضحك : وش مزعلك الحين ؟
توسعت عيون ليالي ونطقت بـ غضب : وش مزعلنييي !! زياد تشوف كيف تتكلم وشكلها !
زياد : ياليلي يابعد طوايف اهلي انتي ! انتي تطقطقين ولا ؟ صاحيه انت اعاين بذي والقمر عندي ؟ وانا اشوف حركاتها مع العيال وتروع اقسم بالله انها تحوم الكبد !
صدت ليالي عن زياد ولا نطقت شيء وضحك زياد : شكلنا مطولين ؟
ليالي بـ غضب : زياد لا تتكلم !
حب زياد يعاندها ونطق : بس ؟ اسكت ؟ تبشريين يابنت ناصر اسكت لك !!
رفعت ليالي وجهها لـ زياد ونطقت : تعاندني انت ؟
ضحك زياد ورفع كتوفه يجحد : من ؟ انا ؟
زفرت ليالي وكان زياد يحاول يكلمها لكن ليالي طنقرت , ووصل طلبهم وبدوا ياكلون وليالي ماتناظر بـ زياد ويضحك عليها وماسكها طقطقه .
-
« بـ الديره , 9 الليل »
بـ الحوش متكي سعود على المركه ومجيد جالس قدامه وغمض عيونه يغني :
لا صرت واثق في حبيب توده
ماهمك الي ينقل العلم منه
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
