في شوفتك سالت دموع العين من فرحها

البارت التاسع

الساعه 4:28 عصر
دخل نياف البيت مسرع بخطواته يدور الجوهره وقابل
نياف صرخ : بسم الله الرحمن الرحيم
الجده مزنه ضربته بالعصا : وجع شايف جني يمنك تصيح وتسمي ؟
نياف مسك مكان الضربه وتكلم بالم : يجده شوي شوي كسرتي عظامي بهالعصا
الجده مزنه : شعندك جاي الحين ؟
نياف : جاي باخذ اختي
الجده مزنه : وين تاخذها ؟
نياف مشى وجلس على الكرسي الي تصلي عليه الجده مزنه : خويي عازمني وباخذ معي الجوهره
الجده مزنه شهقت : ابكك انت شتقول
نياف ضحك لانه فهم تفكيرها : مسوين عشاء كبير بالمزرعه هو اهله واخوان جده وعرب ثانين المهم انهم واجد
الجده مزنه : انا بروح بعد
نياف : لازم ؟
الجده مزنه: ايه لازم اخلي البنت تروح لحالها ؟
نياف : وش لحالها وانا ؟
الجده مزنه: بتدخل مع الحريم ؟
نياف : لا
الجده مزنه: اجل سقها
نياف ضحك ووقف : ابشري
_________________
عند البنات
ارجوان دخلت تعدي وزحلقت وصرخت
ساره فزت وراحت لها : بسم الله عليك جاك شي
جميله : يمه شفيك تعدين
ارجوان وقفت وتكلمت بالم : اخخخ الله ياخذك يسعود
ريتال استندت على الباب : شعندك تدعين على خالي ؟
ارجوان بغضب : خرشنييي تخيلي دخل المطبخ وانا به
ترف ضحكت : معليك شوفه شرعيه
ارجوان شهقت : هااا
حور دفة ترف : معليتس منها كذوب
ليالي ( كانت لابسه فستان اسود ماسك لين نص الساق وباكمام طويله وكعب شفاف وشعرها مسويه له ويفي من الاطراف وميكب خفيف ) دخلت الغرفه الي فيها البنات : خلصتو ولا لسا
ريم بانبهار : ماشاءالله تبارك الرحمن
ريتال قعدت تغمض وتفتح عيونها
ليالي: شفيكك
ريتال فتحت : لا اله الا الله يشيخه علامتس مخبيه هالجمال عنا ؟ ليالي ضحكت وراحت للمرايه تطالع بشكلها : تحسون شكلي مبالغ فيه ؟
جميله : لا لا ماشاءالله تبارك الرحمن تجننيي
ترف : يلبيههه يليالي تهبلينن ماشاءالله
حور : منجد بسم الله عليك حصني نفسك
ليالي بابتسامه: ياقلبييي اخخ احبكمم مرهه
ارجوان : ياحبيبتيي انتِ ماشاءالله تبارك الرحمن
ريتال : تكفينن لوني ولد كان تزوجتكك
ريم ضحكت : ريتال مو صاحيه !
وبدو البنات يتجهزون ومعاد بقي على العزيمه الا ساعه .
__________________
وصف بسيط للبس البنات
ليالي
"لابسه فستان اسود ماسك لين نص الساق وباكمام طويله وفتحه بسيطه عند الصدر وفاتحه شعرها ومن الاطراف مسويه له ويفي خفيف وميكب خفيف "
ريتال
" لابسه تنوره بنفسجية فاتحة مع توب ابيض وكانت لامه شعرها بربطه كله "
حور
"لابسه فستان ناعم بيج بدون اكمام لين نص الساق وشعرها الكيرلي
كانت صابغه شعرها اشقر ورجعتها اسود "
ترف
" لابسه بنطلون اوفر سايز بلون الاسود وتيشرت ماسك لونه اخضر غامق باكمام طويله ورقبه وكان شعرها لين نص ظهرها ومسويه له تكسير "
ارجوان
"فستان ازرق فاتح بدون اكمام وظهرها كان مفتوح والفستان لين الركبه ، وقاصه شعرها مدرج "
والباقي مو مهم
__________________