في شوفتك سالت دموع العين من فرحها

«40»

ومافيه حيل يقوم ويفتح الباب وصرخ : من
نطق علي : انا عليي
غمض سلمان عيونه : عليي تعال بعدين
عقد علي حاجبه وضرب الباب: سلمان بطل الباب !!!
سلمان : علي انقلع امانه
استغرب علي كلام سلمان ونطق بـ خوف : سلمان شنو فيك ؟ تعبان ؟
وقف سلمان بـ صعوبه وتوجه لـ الباب فكه وعلي عقد حاجبه بـ صدمه من شكل سلمان , : شفيككك !!!!
عبس سلمان وجهه : شفيني ؟
ناظر علي وجهه سلمان وعيونه ذابله بشكل ومحمره وشكله كان متبهذل مره , : اول مره اشوفك جذي !
زفر سلمان ودخل الغرفه : اجل استعد لـ انك بتشوفني كثير كذا
قفل علي الباب ومشي خلف سلمان ومو فاهم اي شيء وجلس سلمان على الكنب وساند راسه ومغمض عيونه ويحاول ياخذ نفس لكن يحس بـ كتمه قويه خانقته , و تقدم علي وحط كفه على جبين سلمان ومافي حراره , ونطق : بتنطق ولا شنو ؟
سلمان وهو لازال مغمض عيون : اقعد
قعد علي وتوتر من سلمان طول وهو ساكت وانجن : يمعودد اعجلللل
ضحك سلمان بـ ثقل ومسح وجهه وعدل جلسته ويناظر علي مايدري كيف يبدا ويقول له وعارفه انه بيكون ضد الي بيسويه لكن كمل كلامه وقال كل شيء صار معه لين طلع من بيتهم امس وماقدر يكمل عند طاري اهله واكثر شيء مخوفه هالشيء وصد عن علي ,,
انصدم علي من كل الي صار وماتوقع لو واحد بالميه ان سلمان صار معه كذا وكيف طاح عند ناس كذا وحاول يدور حل لكن مافي اي حل غير انه يرفض لكن سلمان رافض فكره انه يترك رغد بينهم , ووقف علي ونطق : الي ترتاح له سوه بدون تردد
نطق سلمان وهو معطيه ظهره : صعبه
تنهد علي وتقدم لـ سلمان وجلس قدامه , ونطق : يمكن نصيبك هنيه بالكويت وان كل الي صار شيء مكتوب والنصيب يصير لو تنطبق السماء على الأرض وانت ريال وعود تعرف تفرق بين الصح والخطاء واهلك بيتعودون صح اول الايام بيكونون جذي لكن تصبر
نزل سلمان نظره على علي ونطق بـ غصه : اتوكل على الله واتزوج البنت ؟
هز علي رأسه بالإيجاب: انت فكر وصل وشوف كيف لكن الحين تعال معاي خل نطلع نغير جو
وقف سلمان : لالا ماني برايح روح انت وانا بقعد
رفع علي حاجبه وسحب يد سلمان : تخسي والله ان تيي وياي شنو اروح بروحي ؟ ورفيجي وينه ؟ بتقعد هنيه قعدت وياك ريلي على ريلك فاهم
ضحك سلمان : والله النشبه طيب خل البس واخلص واجيك
لف علي راسه على سلمان وهو رايح : خل نلحق نمر بيت العروس نشوف شنو ناقصهم
ضحك سلمان بـ قوه ودخل دورة المياه .
-
«بـ الرياض, المغرب »
في غرفة ارجوان تجهز اغراضها لـ بكره اول يوم دوام لها بالجامعة , ومشغله بسماعتها اغنية الذاهبه لـ خالد عبدالرحمن وتغني معه ومندمجة وكل دقايق تتغير الاغنيه وطاحت على اغنيه لـ هيفاء وهبي واخذت الطرحه الي مرميه بـ وسط الغرفه وربطتها على خصرها ورفعت يدها وصارت تتمايل مع الاغنيه ونطقت بـ صوت عالي : واخر همي شو مايقولواااا
وكملت تدور وتهز ورفعت شعرها ولفت على فتح الباب وطاحت عيونها بـ عيون امها , ونزلت السماعه بسرعه من اذنها ونطقت : امي !
ام طلال : البسي واخلصي بنروح لـ ام مشاري
عبتس ارجوان وجهها من طرت امها اسم مشاري وزفرت بـ ضيق : روحي انتي انا مراح اروح
رفعت ام طلال حاجبه : يسلام وش اقول لهم اقول بنتي ماتبي تجي ولا تبيكم ؟
رفعت ارجوان كتفها : قولي كذا ماهموني
تقدمت ام طلال وسحبت الطرحه من تحت خصرها : فكينا من الحركات ذي وقلة الحياء وبتجي معي غصبًا عنك فاهمه
ارجوان : امييي تكفينن بكره عندي دواممم
ام طلال : بلا دوام يلا بطيح اخلصي
تقدمت ارجوان بتكلم امها لكن طلعت تاركه ارجوان ورمت بـ غضب السماعه الي بيدها وراحت تلبس بالغصب لا تحرمها امها من دراستها .
-
«بـ بيت ام مشاري »
كان البيت يعج بالناس والحريم وكان عشاء كبير وكل قرايبهم موجودين , ودخلت ارجوان وقدامها امها على مجلس كبير مليان بالحريم والبنات والاطفال وماتقدر تحط رجلك من الناس , وبلعت ريقها بـ توتر من نظراتهم ونزلت نظرها على لبسها وكان لبسها بسيط لونه أزرق وعاري الاكمام , تجاهلت ودخلت مع امها وتقدمت وصايف لها ونادتها , طلعت خلفها ودخلتها بـ غرفه فيها بنات وأصوات الضحك والسوالف فجرت طبلتها , تنهدت بقل حيل وبـ داخلها ( اصبري اصبري شويات وترجعين فوق ) وعرفتها على البنات وقامت وصايف طلعت وقعدت بينهم ارجوان , وطرت وحده من البنات مشاري : ارجوان يحظك كل يوم تشوفين مشاري !!
ناظرتها ارجوان بـ طرف عين ناقده عليها وماعلقت على كلامها ونقزت وحده : وربيي مشاريييي يموتتتت اخخخ يجننن
......... - : اما عن حلو وربييي يهبلل وملامحه وثقلهه اوففف
ضحكت ارجوان بـ خفه على تعليقاتهم وقاطع كلامهم من نادتها وصايف , وقفت وطلعت خلف وصايف ودخلت مطبخهم , واشرت على حلا : ناديتك بينهم عشان اوريك الحلا ذا وربيي لذيذ انصحكك تذوقينه
ابتسمت ارجوان واخذت حبه ودخلته بـ فمها , وكان لذيذ بشكل ولفت على وصايف : واووو !!!
ضحكت وصايف : شفتي وربيي يجننن ذوق مشاري !!
عبست ارجوان وجهها وهي بكل مكان يطرون مشاري ودبلها بكبدها ونزلت القطعه الي اخذتها : حلو
ولفت وصايف عليها : بروح شويات واجي ,
طلعت وصايف وبقت ارجوان بـ المطبخ والخدم طالعين وجاين واصوات الأطفال حرفيًا كرهت نفسها وشافت باب خارجي وماصدقت على الله وطلعت , وشافت ممر توقعت انه يودي لـ قسمهم ودخلت معه , وكل مالها تدخل بـ اماكن غريبه ولا قد دخلتها , ودخلها على قسم الرجال تحديدًا دورات المياه , وانخرشت من الرجال وكانوا قريبين منها وشافت دورات مياه ودخلت تركض خوف من ان احد يشوفها و تجهل انها لـ المجالس , ولا فكرت انها ممكن لـ ان قد يدخلها احد من الرجال , بسبب انها بعيده عن المجالس ، دخلت وماتدري فين تتخبى وصارت تدور بـ دورة المياه ماتدري وش تسوي وسمعت صوت , ودخلت تركض لـ احد دورة المياه وقفلت الباب , توترت ارجوان وخافت مره , وماسكه البكيه لاتبكي ويعرفون عنها , توجه احد الموجودين لـ بابها وحاول يفتحه ولف على خويه : مايفتح !
خويه : يرجال اتركه ورح لـ الثاني اخلص عمي ينتظرنا
غمضت ارجوان عيونها ومتاكده بيدخل الان وترجف وتحاول ماتبكي وفتحت عيونها بـ خفه من اختفت الأصوات وكرهت الساعه الي طلعت فيها من المطبخ و فتحت الباب , وتحاول تناظر من الفتحه الصغيرة اذا فيه احد وماكان فيه احد وطلعت تركض لكن طاح جوالها , لفت وانحنت له وعبست وجهها , وهمست : لااا مو وقتك تنكسر !!!!
رفعت من الأرض تناظره وتحاول تشوف وش فيه لكن اغلب الشاشه تكسرت , مافهمت كيف طاح وتكسر كذا , ووقفت معطيه الباب ظهرها وشوي وتبكي .
«خارج المجالس »
اخذ مشاري بيالته ولف على ولد عمه : طاح بالأرض بروح اغسله واجيك صبلي واحد ثاني انتظر
ولد عمه : دامنا بننتظرك بيصبح الصبح وانت ماجيت
ضحك مشاري ونطق : ازهلنييي دقيقة بس وانا عندك !
ولد عمه بـ استخفاف: نشوف على اني عارف انك بتطول وسنتك سنه
ضحك مشاري وطلع لـ دورة المياه بيغسل بيالته , ودخل يركض ووقف من شاف البنت الي معطيته ظهرها , وركز بـ شعرها وشك فيها , وتقدم بـ خفه ويسمعها تتحلطم وواضح معصبه ونزل بيالته بالأرض بهدوء ورفع يده , وارجوان شايله هم جوالها ولا اهتمت اذا احد موجود وتقدم مشاري وحط يده على فمها , فتحت ارحوان عيونها بـ صدمه وحاولت تنزل يد الشخص الي حطها على فمها همس مشاري : من انتي ؟
حاولت ارجوان تبعد يده عن فمها لكن مثبت يدينها ومافي حل غير انها تعض يده وعضته , حاول مشاري مايصرخ ولف على ارجوان بـ قوه ومسكها من عنقها وثبتها على الجدار و همس : وش تحسبين نفسك يوم تسوين كذا ؟؟؟؟؟
ناظرته ارجوان بـ حده : انت الي وش تحسب نفسك يوم تناظر بنت وتلمسها كانها تحل لك ؟ ؟
لانت ملامح مشاري وصار يرمش بـ كثره وكان بينزل يده لكن ارجوان دفته بـ قوه ولفت بتطلع , ومسكها مشاري : لا والله ؟
ناظرته ارجوان بـ استغراب ونزل شماغه ومده لها , نزلت ارجوان نظرها على يد مشاري ورفضت تاخذ شماغه , لكن مشاري غصب لفه على شعرها واكتافها , وكانت بترميه لكن مسكها من معصمها بـ قوه واوجعها , وساعده بنية مشاري الضخمه وطلعت بجانبه وابتعدت عن مشاري وعن الرجال ورمت شماغه على الارض وراحت تركض لـ قسم النساء , تقدم مشاري وزفر بـ غضب واخذ الشماغ و وقف ويناظر بـ المكان الي جت ارجوان منه وهمس : قريب يارجوان قريب .
-
« بـ بيت سعود »
طلع سعود وحاتم وبقي البنات فقط بالبيت , وجلسوا مع بعض وكانت جلسه مليئه بـ الأحداث الحنونه والطيفه وبين جلستهم لفت ريتال الشاشه وطاح السؤال هذا على ترف ونطقت ريتال بـ خبث : يقول هل قد طحتي بالحب ومين ؟
لفوا البنات يناظرون بـ ترف وتوترت , ونطقت بتلعثم : لـ..ـلا
ناظرتها ريتال وبـ ضحكه : علينا ؟؟؟؟؟ هههههههه
حاولت ترف ماتبتسمم لكن خذلتها ابتسامتها وابتسمت , ضحكوا البنات ونطقت حور : شعندههههه ؟؟؟ هههههههه
عدلت ترف جلستها و رفعت المخده على وجههها : خير ليش تطالعون فيني كذا !!!!
ضحكت ليالي و بـ طقطقة: خلاص لا تطالعون بترف كذا تستحييي هههههههه
فتحت ترف عيونها بـ قوه ونزلت المخده من وجهها ورمتها على ليالي : ليالي !!!!!
ضحكت ليالي وسحبت ريتال الشاشه وطاح السوال على ليالي : شيء اختفى من عندك وللان تدورين عليه
عقدت حاجبه تفكر ونطقت بـ حزن : اسوارة فرح للحين ادور عليها ومالقيتها
ابتسمت حور : الله متى اعطتكي ؟
ليالي : اف بنات وحشتني !!!
ضحكت ريتال وغمزت : يخوفي وحشك الكبير هههههههه
ناظرتها ليالي بـ طرف عين : يمه منك يريتال !
ضحكت وكملوا يلعبون والضحك والطقطقه والتنمر الي صار فضيع والفضفضه كانوا مره يبكون ومره يضحكون ومثل كل مره سحبت ريتال الشاشه وطاح على سؤال ونطقت : حور شيء صار لك وللان مالقيتي له اي تفسير ؟
اخذت حور نفس بـ ثقل ونطقت :فيه وللان مو مستوعبه الي صار
ريتال : اسلمم
حور : واحنا راجعين من المالديف بالطيارة نمت لكن كانت نومه غريبه وكلها كوابيس وحلمت بحلم قمت وانا ابكي منه كنا بـ مستشفى وحاتم و عبدالمجيد وعمي سلمان موقفين خلف القزاز ويبكون ماكان واضح الي داخله وانا بجنبي سرير فيه دم وكان حولي دكاتره وممرضات واسمع صوت بكي حاتم !وكمان اهلي كلهم يبكون وسعود منهار وجابر اغمى عليه واسمع صياح ويرددون كلام غريب ومات ومات ماعرف من مات واسالهم عن السرير لمن واسالهم من مات ومحد ينطق بشيء وكلهم ساكتين وكان فيه زي الشرشف الخفيف الابيض على السرير ومتغرق دمم وانا كنت بغرفة عمليات ويوم طلعت شفت كل الي صار وجديي جدي ناصر تعب والي فهمته من الحلم ان في احد مات ماعرف مين لكن في احد مات والحلم جد يخوف وثم قومني حاتم ونزلنا وانا للان مادري هو حلم ولا كيف غريب غريب
ريتال بـ خوف : يمه حور شذا ؟
رفعت حور كتوفها وهي ماتعرف كمان وش المقصد من الحلم ونطقت ليالي : فسرتي الحلم ؟
هزت حور راسها : لا ولا ابي افسره
تجمدت ترف بـ مكانها وسالت دموع ترف حزن وخوف , لفوا البنات عليها بـ صدمه ونطقت حور : ترف !!!
انفجرت ترف تبكي وحضنتها حور بقوه وتسمي عليها , ونطقت ترف وهي تبكي : تكفينن لا احد يموت وماقدر مااقدر اتحمل ان في احد بيصير فيه شيء
خافت حور على ترف مره ونطقت : ترف يقلبي حلم حلم خلاص انتهى وان شاء الله مو صاير شيء لاتخافين يقلبي
حطت ترف راسها بـ حضن حور وهدت ثم كملوا يلعبون , وطفشت ريتال مره ولفت عليهم بـ حماس : شرايكم نطلع !
ليالي وهي تشرب شاهي : اهجدي
عبست ريتال وجهها ونطقت : بنات خير خل نطلع ونفلهااا وفي مطعم يقولون صاحب المطعم شققققق يطيح الطير من السماء
شهقت حور : يفالي على الله نروح عشان نشوف الرجال ؟
ضحكت ترف وهي مستلقيه على حور : وش اسمه عاد
ريتال : مدري والله يقوولون اول مره يشوفونه وتو وحده مصوره بالمطعم تقول مو رايحه عشان اكل لا عشان اشبع نظري بتامله
ماتت ليالي تضحك على الكلام وطاحوا معها يضحكون ثم وقفت ريتال وقاموا بعدها يتجهزون .
-
« بـ مطعم سعود »
دخل سعود المطعم وبجانبه حاتم , وشاف راكان حايس بـ اوراق وتوجه له وسحب الاوراق من يده , لف راكان وجهه على سعود ونطق : الله جابك اقراء مدري وش مكتوب
اخذ سعود قلم ووقع ونطق : بس انتهى
رفع راكان حاجبه : وانا لي ساعه اقرا مافهمت شيء وانت بثانيه
ضحك سعود ولف على حاتم : نسيبنا
ابتسم راكان وسلم على حاتم ورحب فيه , و لف سعود على المطعم ونطق : ما شاء الله
تقدم راكان وصار بجانب سعود : شكلك ساحر وش ذا من وقعت والمطعم مايفضى
لف سعود على راكان : اعوذ بالله اذكر ربك
ضحك راكان ونطق : عشاكم علي
سعود : تم والله اني طويان
راكان : والله ان كلنا طويانين
ضحك سعود وجلسوا على طاوله وطلبوا اكل وحاتم دخل مع راكان بقوه وعلى ان شخصية راكان ماش الا انهم يتجاهلون كثير ولا يركزون .
«بـ بيت سعود »
طلعت ريتال من الغرفه ولفت على حور ونطقت : شرايك ؟
عقدت حور حاجبه : بايش ؟
اشرت ريتال على عينها ونطقت : شوفي رسمت ايلاينر
طلعت ليالي من الغرفه وسمعت ريتال وضربتها على كتفها : امسحيههه !!!!
لفت ريتال بـ غضب على ليالي : مراح امسحه وبروح كذا !!! ماصدقت على الله سعود مو معنا !
ترف بـ هدوء : خليها خليها هي الي تتحمل الي يصير
ريتال بـ سخريه : وش اتحمل قلبي ؟ عبالكم الرياض نفس الديره الي لو واحد قال حرف درت الدريه كلها ! يخوفون ينتشر الخبر بثانيه اما هنا قلبي سوي الي تسوينه محد داري وسعود ماهو بداري !
حور : امشي بس الله يستر
عدلت ريتال نقابها وطلعت والبنات خلفها , وركبت السياره وركبت بجانبها حور وبالخلف ليالي وترف , شغلت ريتال السياره ونطقت حور : بنات صليتوا كل صلاواتكم ؟
ضحكت ليالي بـ قوه ونطقت : ايه معليك هههههههه
ريتال بـ غضب : لاتطقطقون علي !!!!
طفشت ترف وهي تنتظر ونطقت : يبنت حركي اتركيهم
حركت ويتال وكلهم خايفات وعارفين تهور ريتال وكانت ليالي بـ تشغل اغنيه وصرخت حور عليها , لفت ليالي بـ خوف : اشبكك !!
حور : يغبيه ماندري احنا نرجع ولا تبين تشغلين اغاني ؟
رجعت ليالي لـ المرتبه ميته ضحك على حور وخوفها , ومن نذالة ريتال والعرق طلع وهي تسرع , صرخت حور وبدت تتشهد , وريتال ميتهه ضحكككك على خوفهم وليالي وترف متحاضنات وكل وحده تقول سامحوني ،، هدت ريتال ولفت على البنات وتضحك : يالخوافات ! هههههههه
رجعت حور راسها على المرتبه تاخذ نفس والبنات كل وحده قعدت تحسب اعمالها و وش سوت من حسانات وسيئات , وبعد معاناه وصلوا المطعم وناظرت ترف بالمطعم ونطقت : بنات مو هذا نفس المطعم الي جيناه ذاك اليوم مع سعود ؟
ليالي : الا هو ننزل ولا ؟
طفت ريتال السياره : حولوا
نزلوا البنات ودخلوا المطعم ويجهلون ان المطعم لـ سعود , ووقفوا بـ نص المطعم يدورون طاوله ولفت حور على طاوله سعود والعيال وطارت عيونها من شافت حاتم ولفت على البنات تهمس بخوف : بناتتتت
لفت ريتال ونطقت بـ صوت مرتفع : لبيههه
لفت ليالي على ريتال وضربتها بـ خفه وهمست : وجعع وجع اقصري صوتك فضحتينا ,
حور بـ صوت منخفض: شوفوا الطاوله الي وراييي
ناظرت ريتال بـ طرف عينها لـ الطاوله ولفت بسرعه وعطتهم ظهرها وفاتحه عيونها بـ صدمه ونطقت : سعود !!!!!!!
شهقت ليالي : وينهههههه
ترف من بعيد نطقت : ليالي !!
لفوا البنات كلهم على ترف بـ صدمه وياشرون لها تسكت ومعطين العيال ظهرهم خوف من انهم يعرفونهم وكل الي بـ المطعم سمعوا اسم ليالي وريتال انبلشت بـ كحلها وحاولت تمسحه ومافي امل
وحور بـ همس : خل ننحاششش الله ياخذها من ساعه !
ليالي بنفس النبره : المرجوجه بتدخلنا بالفين مشكله
كانت بتتكلم ريتال لكن ترف جتهم تمشي بـ سرعه ونطقت : خير بنات من اليوم اناديكمم
لفوا البنات على ترف وبصوت واحد : اصصصصصصصصص
انخرشت ترف من قربوا منها وسحبوها وحاول يطلعون لكن ,
« بـ طاولة سعود والعيال »
لف سعود يناظر بـ المطعم وصد من انتبه لـ مجموعات بنات دخلوا ويسولف مع العيال لكن اصوات البنات شدته , ولف راكان عليهم وضحك : يكثر لجتهم
ضحك حاتم ولا ناظر بـ البنات ابدًا
وسعود يناظر بـ البنات مو غريبات عليه وزولهم بدا يشك لكن شال الشك من راسه بـ سرعه وهمس : لو يجون كان قالوا لي
نزل راكان الكاسه ونطق : علامك ؟
سعود ونظره على صحنه وياكل : ولا شيء
وزادات اصوات البنات ولف حاتم عليهم وفتح عيونه بـ قوه من شاف حور عرفها من زولها ونفس الشنطه والعبايه , ولف على سعود بـ سرعه : سعود شوفف !!
لف شعود على البنات ونطق : وش ؟
حاتم : عان البنت الي على اليسار
سعود بعدم اهتمام : ويعني ؟
حاتم بـ غضب : ركزززززز يولددد بنات فايز ! وصدقني انهن بنات خواتك الي على جنب ,
لف سعود وركز بالبنات وجتهم وحده , وقف سعود وتوجه لهم وسمع ترف وتهاوشهم لكن لفوا بيطلعون وتقدم سعود ونطق : ارجعن !
وقفوا البنات و غمضت ريتال عيونها وهمست : عز الله رحنا فيها
حور بـ همس : الله يقلع عدوك يريتال !
لفت ليالي على سعود وضحكت بـ خفه ونطقت : سعود !!!!!
سعود بـ تقليد لنبرتها : ايه سعود !!! ايه بسرعه اسمعكم
بلعت ريتال ريقها ونطقت : ابي أتعشى
لفوا البنات بـ صدمه على ريتال ونطقوا : ذا وقته !!!!!!!!
لفت ريتال عليهم : بنات عاد جوعانه حرام عليكم الا سعود انت الي وش تسوي هنا ؟
سعود : مطعمي !
ترف بـ غباء : اما انت الي يمدحوننننكككككك !!!!!!
طارت عيون سعود بـ صدمه وضربت ريتال ترف تسكتها ورفعت ترف صوتها : ليش تضربيني !!!!
ناظرهم سعود بـ غضب ورفع راسه على ريتال وعقد حاجبه من شاف ايلاينر ريتال وتقدم لها ومسك فكها ويلف راسها يناظر بـ عيونها واوجعها لف سعود راسها ونطقت وهي راصه على اسنانها : راسيي ..... راسييي يسعودد .... راسيييي !!!!!!!!!!!
سعود بـ غضب : ما شاء الله!
ريتال بـ ضحكه : يعني شف شف والله شف يعني
ليالي بـ تشمت على ريتال : تم القبض
مسك سعود ذراع ريتال وتوجه بهم لـ ابعد طاوله بـ المطعم وجلسهم كلهم وجلس جنبهم : بسرعهه اختصروا !
تكلمت ليالي وكل شيء قالته ونطق سعود ؛ والله لو انكم دقيتوا علي وقلتوا نبي نطلع كانت قلت اطلعوا لكن ابدًا حتا ماتعطوني علم ! وش اقول لكم ؟
نطقت ريتال : يخي والله اسفين كم مره اعتذرنا ؟ وربي طفشت انا جوعانه !
سعود : بمشيها عشان توكم بزران ودام ريتال على راسك اجل كل يوم بـ جمعكم من وادي
ابتسمت ريتال واختفت عيونها ونطق سعود بـ استهزاء: وحاطه كحل وهو لو تبتسمين اختفى يويلك لو اشوفك طالعه مكان عام وحاطه كحل وغطي عيونك !
ضحكوا البنات وريتال معهم ونطقت : ابشر لكن انت الحين عين من الله وريلاكسس هبيبيي ريلاكس هبيبي إنتا
ضحك سعود وكملت ريتال تسولف عليهم وسعود طلب لهم اكل وقفل جواله ولف على حور ونطق : حاتم ينتظرك برا
فتحت ريتال عيونها بـ قوه ومسكت حور: على وين ! خل الشايب ينتظر على الاقل تاكل !
لفت حور عليها ونطقت : مره ثانيه
وقفت ترف وحضنت حور , ونطقت ليالي : بـ الويكند بنروح الديره الحقونا
ضحكت حور : جويييي
وطلعت من المطعم وشافت سيارة حاتم واخذت نفس , ركبت وجاهزه لـ الهواش وحرك حاتم بدون ماينطق بـ حرف ووقفوا عند اشاره ولفت عليه مستغربة هدوء ونطقت : اشبك ؟
حاتم بدون مايناظر فيها : ايش
قدمت حور راسها قدام وجهه حاتم وتناظر بـ وجهه : زعلان ؟
نزل حاتم نظره على حور ونطق بـ ضحكه : ليش ازعل ؟ عشان حور طلعت ولا عطتني خبر ؟؟
فتحت حور عيونها بـ قوه ونطقت : حاتمممم !!! مو منجدك تزعل ترا عادي سعود تو قعد يطقطق علينا صح هاوشنا لكن مشاها !!
حاتم : وش دخلني انا بـ سعود ؟
مسكت حور يد حاتم ونطقت : حاتم خلاصصص ناظر فيني على الاقل !!!!
حاول حاتم ماينزل نظره على حور لكن خذلته نظراته وثبت نظره على عيون حور وتوترت حور من نظرات حاتم ولفت بـ ترجع جسدها على المرتبه مسك حاتم معصمها ونطق : تقولين عاين فيني وترجعين ؟
حور بـ تلعثم : حـ..ـاتم ! اوجعتني !!!
ابتسم حاتم وهو يتامل رسمة عيونها وحور ثابته مانطقت بـ حرف والهدوء عم المكان وعقد حاتم حاجبه بـ غضب من اصوات البوري ونطق : الله يشغلكم بنفسكم !!!!!
عدلت حور جلستها وتحاول ماتلف على حاتم ولخصته وضحك حاتم من انتبه لها وغمضت حور عيونها تفشلت من ضحك حاتم وتوجهوا لـ الفندق .
-
« بـ الديره بـ بيت زياد »
دخل زياد وكانت الساعه 12 الليل والبيت ظلام وهدوء وطلع متوجه لـ غرفته ووقفته نوف , لف عليها ونطق : خالتي نوف عسى ماشو
نوف : من وين جاي؟
استغرب زياد سؤالها ونطق بـ ضحكه : من وين من عند اخوياء
تنهدت الخاله نوف واشوت له يلحقها وجلست بالمقلط وجلس زياد بـ جانبها , ولفت عليه بـ غضب : متى تتزوج ؟
انصدم زياد من سؤال نوف : شـطاري ؟
نوف بـ غضب : يزياد كملك كملك من بعد زواجك الاول ؟ للحين تحبها ؟؟؟؟
فتح زياد عيونها بـ قوه ونطق : اعوذ بالله انتي تعرفين وش سوت بـ فرح !! ومتى حبيتهاا ؟؟؟
نوف : اثبت انك ماحبيتها ونسيتها ؟
زياد : كيف ؟
نوف بـ ابتسامه: تزوج
تغيرت ملامح زياد لـ غضب ونطق : ماني بمتزوج غصب هوو ؟؟؟ وماحد بقابل يخاله بواحد متزوج وعمره صك الثلاثين
نوف بـ غضب : وش ناقصكك يوم مايوافقون ؟؟؟؟ ما شاء الله تبارك الرحمن مزيون وضابط وعندك بيت ملك ومعروف بين الناس ورجال ملتزم ويخاف الله وش ناقص ؟
ضحك زياد بـ خفه : يخاله لاتفتحين اشياء عارف انا نتائجها
رفعت الخاله نوف حاجبها ونطقت : وش نتائجها ؟
زفر زياد وطول النظر بـ الجدار بدون سبب ويبيي يقول لو يقدر راح خطبها الحين قبل بكره لكن في سبب موقفه ومصعب عليه كل شيء وشافت نوف سرحان زياد ومررت يدها قدام وجه زياد ونطقت : يولد وين سريت ؟
لف زياد عليها ونطق : يخاله لو اقول لك عنها بتخطبينها ؟
ابتسمت نوف ونطقت بـ فرحه : والله الساعه المباركه منهي الحيننن ادق عليهم منهي ؟؟
تنهد زياد ونطق : حفيدة ناصر بن راجح
رفعت نوف حاجبها ونطقت : اي وحده ؟
زياد : ليالي
ضحكت نوف ونطقت : والله اني حاسه
زياد : يخاله ماندري هم يوافقون ولا اصبري لاتستانسين اصبري
وقفت نوف وزغرطت , فتح زياد عيونها بـ صدمه ونطق : يخالهه قومتيي الي بالبيتتت
ماهتمت نوف والفرحه ماليه قلبها وجاهم نادر يركض : وش وش
ضحكت نوف ونطقت بـ سعاده : زياد بيتزوج !
لف نادر بـ صدمه على زياد ونطق : من زياد ؟ يمه شكلك مضيعه وقلتي زياد بدل عبدالرحمن
ضحك زياد ونطق : يخاله للحين ماخطبناا !!!
مسك نادر يده امه ويرقص معها : وأخيرًا وأخيرًا الحمدلله شفت زياد يتزوج قبل اموت
شهقت نوف و ضربته على كتفه : فال الله ولا فالك اعوذ بالله!
ضحك نادر وتقدم لـ زياد وسلم عليه ونطق : مبروكك مبروككك منهي تعيسة الحظ هذي الي بتتزوجك ؟
ضحك زياد ولفت نوف على نادر ونطقت : الا محظوظه وامها داعيه لها الا الي طايح حظها هي الي بـ تتزوجك من اول يوم منحاش من البيت
ناظرها نادر ويحاول يكتم الضحكه و بـ تمثيل لـ الزعل : يمه اعترفي اعترفي انا ماني بولدتس اعترفي
طبطب زياد على كتف نادر ونطق : لاتخاف نوف قدامي بس بشنب
ضحك نادر وحضن زياد : الله يتمم لك يولد الخاله وانتظر السمي
ضرب زياد على ظهر نادر وكح نادر ونطق : عمودي الفقري انكسر
ضحك زياد وابتعد عن نادر وطلع من المجلس وتوجه لـ غرفته دخل ولف الدولاب وابتسم , وتقدم فتح الدولاب وسحب علبه ناظر فيها ثم فتحها وطلع السواره ، وابتسم وهو يناظر الاسواره ورجعت فيه الذاكره لـ وقت مالقاء ليالي بالبر طايحه بسبب شدة الغيظ والعطش والعامل السكران وضحك : والله انها منكوبه !
وتذكر الاحمر الي اكل قلبه الي الكل كان مقتنع ان زياد زي الحجر مايحس ولا راح يحب في يوم صحيح فارق العمر مو عاجبه لكن القلب مايعرف الاعمار والاشكال وقفل على الاسواره بكفه ثم رجعها لـ العلبه ورجعها لـ مكانها وطاح على سريرية ويناظر السقف وخايف من الرفض الي متاكد انه بيصير وغمض عيونه و خانه التفكير ويمر على باله تفاصيل بسيطه بـ ليالي لكن عنده شيء عظيم ويعشقها .
-
« الصباح بـ الرياض »
اول يوم دوام , الساعه 7 الصباح والكل يحوس بـ البيت يتجهزون وليالي تركض بين غرفتها وغرفة ترف وريتال نايمه بـ غرفتها ولا درت عنهم وتجي ترف بـ كل قوتها فتحت الباب وصرخت : ريتال ريتالل
فزت ريتال ومن الخرشه وقفت عند الباب ومغمضه عين وعين لا : شفيه شفيهه !!!
ترف بـ استعجال : طلعيي لييييييي تيشرتت سريععععع
زفرت ريتال بـ غضب وصرخت : خيرررر الله يخرشك مثل ماخرشتينيييييي !!!!! عبالي احد مات
فتحت ترف عيونها بـ صدمه : اعوذ بالله اي موت !
اشرت ريتال على الدولاب وعابسه وجهها , تقدمت ترف ودورت عند ريتال ولقت قميص ابيض لـ ماركه معروفه واخذت وطلعت , وتوجهت ريتال لـ دورة المياه ثم طلعت وشافت الحوسه الي عند ترف وليالي ونطقت بـ صدمه : لونكم خمس وش بيصير بالبيت ؟
لفت ليالي على ريتال ونطققتت : الله جابككك تعالي ارسمييي عيونيي
عقدت ريتال حاجبها ونطقت : رايحين عرس ؟
ضحكت ترف ونطقت : اول يوم نداوم فيه ولازم يكون شكليي بيرفكت !
ناظرتها ريتال بـ طرف عين وتقدمت لـ ليالي ونطقت : جتني المصطلحات يبوي توك مادومتي حتا يوم فكينا الله يجزاك خير !
ضحكت ليالي ونطقت : لا معليك بنات الديره يوضحن بين خمسين بنت
ناظرتها ريتال ونطقت بـ اعجاب : اذا انتي بنت ديره وش تقولين لـ بنات المدن ما شاء الله هههههههه
ضحكت ليالي ورسمت ريتال الايلاينر ومركزه وخايفه تغلط وتاكل ضرب من ليالي ويوم خلصت اخذت نفس كَاّن النفس منقطع عنها , ودخل سعود معه فطور ونطق بـ صدمه : يالله صباح خير
صرخت ريتال ونطقت : وربي انك اسطورتييي كيف عرفت اني جوعانه ؟
نزل سعود الفطور من يده والتفت لها وهو يحت يده ونطق : مايحتاج اعرف كل شوي جوعانه
ريتال بـ صدمه : اح جرحتني !
وقفت ليالي ولفت على ريتال وبيدها سواره : خلي جرحك ثواني وهو رايح تعالي قفلي اسوارتي
كانت ريتال تقفل اسواره ليالي وتذكرت ترف وهي تسوي الميكب القميص وقامت تركض لـ الغرفه وشهقت من شافت القميص الي اخذته من ريتال اكله المكواه وهي نسته وكانت شوي وتبكي , ابتلشت كيف تقول لـ ريتال وطلعت وهو بيدها ورفعته , وكانت ريتال تسولف مع ليالي وتضحك , وكانت بـ تجلس لكن لفت صدفه على ترف وشهقت من شافت القميص محروق ونطقت : قميصي !!!!!!!!!!!!!!!!!!!!!!!!!؟؟؟؟
بلعت ترف ريقها بـ خوف ونطقت بـ صوت عالي : يسعودددددد!!!!!
التفت سعود على ترف وفز : لبيههه يا بنت فايززز
ريتال من الصدمه ركضت لـ ترف وترف صرخت وراحت تركض تبي تهرب , وسعود خلفهم ويهاوش ريتال , ضحكت ليالي وكملت تتجهز وتحط مناكير وتسمع اصواتهم وميته ضحك ,
« بـ الدور الارضي »
نزلت ترف تركض مع الدرج وريتال خلفها وتهاوشها , وسعود يركض خلفهم ويصارخ على ريتال تترك ترف , وترف تصارخ بـ اسم سعود تبيه يـ فزع لها , ووقفت ترف ووقفت ريتال قدامها وضربتها بـ قوه على كتفها
وسحبت القميص وشوي وتبكي وسعود خلفها ضربها على كتفها , صرخت ريتال ونطقت : ليش تطقني !!!
سعود بـ غضب : انهد حيلي وانا اعدي وراكن ! وراك تهبدين ترف ! وش سوت يومنك تهبدينها ! ترا بلوزه شنهي عاد
فتحت ريتال عيونها بـ صدمه وتناظر سعود : ايه ايه افزع لـ بنت اخوك وانا بـ الطقاق
سعود : يويل امها يريتال انا شقلت ؟ الصدق ينقال ترف مالها ذنب عشان بس بلوزه واذا اشتري لك وحده ثانيه وكلكم بعد !
رمت ريتال القميص بـ الارض وطلعت زعلانه عليهم لـ غرفتها وتركتهم , لفت ترف على سعود ونطقت بـ خوف : زعلت ؟
لف سعود نظره لـ ترف ونطق : لا ذي ماتزعل معليك وبشتري لها واحد ثاني
زفرت ترف بـ ضيق وهي ماكانت تقصد انه يحترق ونطقت : والله بالغلط والله
سعود بـ ابتسامه خفيفه : عارف والله عارف
تنهدت ترف ونطقت : سعود عمي سلمان متى يجي ؟
سعود بـ ضحكه : مدري عنه ادق عليه مايرد وأصلًا قريب بـ يرجع خلاص طالت مره
ترف : مرهه مرهه فاقدته !
حط سعود ذراعه على كتفها ماشين لـ فوق : اما سلمان ينفقد ! هههههههه
ضحكت ترف ونطقت : ايه انا افقده ! مثل ما انت ليالي تفقدك ودايم تدورك حتا سلمان !
ضحك سعود وكملت ترف وليالي يتجهزون وطلعوا مع سعود لـ الجامعه .
-
« بـ قسم ابو طلال »
تجهزت ارجوان ولا كثرت اشياء وجمالها يكفي ولا تحتاج تزيد شيء ولبست عبايتها ونزلت وتحاول تتجنب انها تطلع من عند باب بـيت ابو مشاري وطلعت ,, ضحكت من شافت ميار ترقص وتضحك ونطقت : الله الله وش هالروقان ؟
قصرت ميار بـ صوت الاغاني ونطقت : اسعد يوم بـ حياتي اتوقع اليوم !!
ركبت ارجوان ونطقت : شسالفه ؟
لفت ميار عليها ونطقت : صار شيء يجننن قمت على صباح اخخخخ يهبللل
ضحكت ارجوان ونطقت : انطقي !!!!
ميار : خل نمشي ونطلع من الحي واسولف عليك
هزت ارجوان راسها وطلعت ميار من الحي متوجهين لـ الجامعه ,
« بـ سيارة مشاري »
موقف مشاري بـ مكان بعيد شوي عن البيت ويتنظر ارجوان تطلع طلعت ارجوان وماعجبته البنت الي مع ارجوان وانتظرهم يـركبون ولحقهم وشاك بـ ارجوان مـره وقف سعود عند البوابه ومن الزحمه صعب عليه يلقى موقف وبـ نص الطريق وقف وكانوا البنات بينزلون وفتحت ليالي باب المعاون بـ تنزل وييمشي مشاري بسرعه بـ سيارته ضيع سيارة ميار بين السيارات وكان مشاري بيشيل ليالي والباب , وصرخ سعود من قفات ليالي الباب بـ سرعه : يا ابن الكلب !!!!
التفت ليالي على سعود ونطقت : خلاص خلاص الحين بننزل اتركه
لف سعود وشاف مشاري وقف قدام سيارته وسكر عليه الطريق تنرفز وفتح الباب ونزل , ونزلت ليالي معه ومسكته و بـ ترجي : تكفى يسعود اتركه تكفى !!!
التفت سعود بـ غضب على ليالي وسحب ذراعه من يدها : والله لعن خيره الـ***** شايف الزحمه والبنيت والناس فوق بعض ويسرع !؟؟؟؟ كان بيشيلك وندفنك مع امك !
لانت ملامح ليالي وحاولت تمسك نفسها ما تبكي من طرا سعود امها واخذت نفس بـ صعوبه وابتعد سعود عنها ووقفت تناظر سعود وعلى جيت سعود فتح مشاري الباب بينزل ولف على سعود ونطق سعود : عسى ماشر ؟
عقد مشاري حاجبه بـ استغراب من الرجُل : نعم ؟
سعود بـ غضب : وغد انت وغد يومنك تشوف هـ الزحمه والبنيت وتسرع !!!!!
لف مشاري على سعود بـ ذهول ونطق : وش دخلك انت ؟؟؟؟
تقدم سعود بـ غضب : ارواح الناس ماهي بلعبه عندك ! وصدمة سيارتي والله لطلعها من عينك يالـ****
ضحك مشاري بـ سخريه : من انت ؟؟؟ واحد ماعنده سالفه مغير يصايح ؟ هههههههه بتطلعها من عيني ؟ انا اقدر الحين اخليك تندم على كل حرف قلته وانت ماتعرف من انا !
ناظره سعود وضحك بـ خفه : من انت ؟
مشاري بـ غرور وقوه : انا مشاري بن عبد المحسن ال شجاع !
ضحك سعود ونطق : والـ*****
ناظره مشاري بـ صدمه وتقدم ودف كتف سعود بـ غضب : انتبههه !!!!
انجن سعود من لمس مشاري كتف سعود ودفه بقوه وصدم مشاري بـ باب سيارته ومشاري اخس من سعود والعن منه وقلب بعير حاقد ولكم سعود بـ خده وصرخت ليالي بـ صوتها كله والتفتوا الناس عليها ونزلوا الرجال الي بـ سياراتهم يفزعون ومشاري عن خمسه بـ البنيه والقوه وليالي من الخرعه اخذت عطر قوي مره وراحت تركض لـ مشاري وقعدت تبخ على وجهه وكتمته الريح ودخل بـ عيونه ونزلت ترف تركض وسحبت ليالي وسعود واقف ويمسح خشمه لانه صار ينزف ,
« بـ سيارة ميار وارجوان »
انتبهوا لـ الفوضه الي صارت واصوات الصراخ والشتم والرجال يـ فرقون بين اثنين وشافت ميار اشكال مشاري وسعود لكن مو مبينه وجيهم ونطقت ميار بـ اعجاب : يا ساتررر ابو ثوب !
لفت ارجوان على العيال وتحاول تركز بـ اشكالهم وقربت ميار منهم على ان الزحمه مغطيه عليهم لكن باين اشكالهم وملامح وجههم , وصرخت ارجوان بـ صدمه : سعود !!!!!!!!؟؟؟؟؟
ناظرتها ميار بـ استغراب ومافهمت من تقصد ونطقت : شسالفه من سعود !!!
لفت ارجوان وصرخت على ميار توقف وفتحت الباب ونزلت ، وشافت مشاري وسعود يتهاوشون وهي خلقه تكره مشاري وماصدقت احد يضربه والفرحه مو سايعتها ومشاري مستند على السياره منهد حيله وسعود يقوي نفسه وكانوا بـ يساعدونه لكن رفض واخذ جوال واحد من الموحودين واتصل على الشرطه ونطق : سلام عليكم.... معك العميد سعود بن ناصر فايز ال راجح الـعـ****ٰ , ارسل دوريه لـ جامعة ***** لـ البنات ...
ولف على مشاري ونطق بـ صوت جهوري : معك الحكومه يابن شجاع ،
رفع مشاري نظره لـ سعود بـ حقد و كره سعود وحقد عليه وهو مايدري انه الشخص الي يعشق البنت الي يحبها لـ درجة الهوس ووصلت الدوريات بـ سرعه ولف عليه الملازم ودق له تحيه سعود : استرح ...
ولف على مشاري ونطق : ارموه بـ التوقيف ودق على اللواء زياد بن سلطان يحضر الرياض اليوم
هز الملازم راسه : ابشر
واخذوا مشاري ويدفهم عنه ويصرخ : برفع بلاغ بعميدكمم !!! هو السبب
ضحك سعود ونطق بـ سخريه : طارت علومك يا ابن شجاع من سحبك الملازم !
انقهر مشاري وانرفع ضغطه من سعود و لو يقدر ذبحه , ولف سعود على ليالي ورفع حاجبه بـ اعجاب من وقفتها ورفعت كتوفها ونظرتها لـ مشاري عكس ترف الي انهارت تبكي , وراح لـ ليالي وترف وركبهم السياره وركب بـ جانبهم : بتنزلون ولا ارجعكم البيت ؟
لفت ليالي له ونطقت : لا بننزل وانت انتبه من الولد ذا ما ارتحت له
زفر سعود بـ غضب : يهايط علي ويقول بطيرك ورا السماء وانا بثانيه انهيته !
ضحكت ليالي ونطقت : العميد سعود ؟ وش هالغرور ؟
ضحك سعود ونطق : انزلوا انزلوا خل اروح هههههههه
نزلت ليالي ومعها ترف ودخلوا الجامعه ومستغربه نظرات البنات وتحاول تتجاهل الكل ..
« ميار وارجوان »
رجعت ارجوان لـ السياره تضحك ولفت على ميار بـ فرحه ونطقت : تخيليي وش صار ؟؟
ميار بـ فضول : وش وش وش
ارجوان بـ ضحكه وسعاده : مشاري انطق هههههههه
فتحت ميار عيونها بـ صدمه وضحكت : كيف ؟؟؟؟؟؟؟؟؟
اخذت ارجوان نفس بـ سعاده وونطقت : اليوم افضل يوم بحياتي حرفيًا!!!
صحكت ميار : دوم يارب هههههههه
لفت ارجوان ونطقت : سعود تضارب مع مشاري ومشاري يهايط على سعود الي فهمته ويتفاخر بنسبه وبموتت في بنت بخت بـ وجه مشاري عطرر وقوييي ريحه وصلتلنا كلنا ! هههههههه واستند مشاري على الباب انهد حيله ووسعود واقف ورفض احد يساعده وسحب جوال واحد من الموجودين ودق على الشرطه اتوقع معرف والله .
وضحكت ارجوان صوتها تقليد لـ سعود : سلام عليكم.. معك العميد سعود بن ناصر فايز ال راجح العـ**** وطلبهم يجون وقفل ولف على مشاري ونطق معك الحكومه يابن شجاع
رفعت ميار حاجبه بـ صدمه وفيها ضحكه ونطقت: اوله ! هههههههه
ارجوان : اوفف وش احلى من تشوف الي تكرهم يتضاربون اخخ يجنن
ميار بـ فضول : انت من وين تعرفينهم !!
ارجوان : معليك من انا من وين اعرفهم تعالي خل ننزل بتروح المحاضرة
لبقت ميار ونطقت : ماتوقع بيعطوننا محاضرات من اول يوم ؟
لفت ارجوان وضحكت : حبي الجدول مجهزينه من شهر ! بدون سبب ؟ هههههههه
ضحكت ميار ونزلت مع ارجوان ودخلوا .
-
« بـ الديره , بـ بيت زياد »
طلع زياد و شايل ثيابه وبدلته وشافته نوف ووقفته : على وين ؟
وقف زياد ولف على نوف : رايح الرياض
ناظرته نوف بـ استغراب وهو توه جاي من الرياض: ابك مالك يومين من رجعت من الرياض
ابتسم زياد ونطق : والله طلبوني ولازم اروح ومستعجلل !!
وكانت بـ تتكلم نوف ودق جوال زياد وشاف اسم سعود ونطق : دقايق
ورد على سعود : ارحب يابو ناصر امر
سعود : الله يبقيك .. انا الي طلبتهم يكلمونك تجي الرياض
عقد زياد حاجبه ونطق : وراه ؟ وكيف قدرت تخليهم يكلموني ؟
زفر سعود ونطق : تهاوشت مع واحد ملعـ**** وهم من اكبر التجار بـ السعوديه كلها وقعد يهايط بـ حلال ابوه والحين عانه بالتوقيف
ضحك زياد ونطق : حيككك والله الي عرفت له اجل انا بتصرف معه ساعات بس وانا عندكم
سعود : المعذره يابو سلطان عارف انك ماخذ اجازه لكن الرجال ذا ابيك تشوفه
زياد : عندي !
وقفل سعود من زياد وسحب عليهم وراح لـ المطعم , دخل وشاف راكان يتهاوش مع الموظفين وصرخ : انت ماتفهم ؟ كم مره قلت اتركهم انا اتصرف معهم !
لف راكان نظره لـ سعود وعقد حاجبه : الا اتركهم انت علامك كه ؟
ناظر سعود شكله ونطق : علامي ؟
ناظره واكان وتكتف عاقد حاجبه : انت متهاوش ؟
سكت سعود وناظر الاوراق ونطق بعد مده : تهاوشت مع واحد
ضحك راكان : حرسسسس
ضحك سعود ونطق : يهايط علي وهو ماعنده ماعند جدي ورع
رفع راكان حاجبه : يهايط بابيش ؟
سعود : تعرف واحد اسمه عبدالمحسن بن شجاع ؟
ناظره راكان بـ صدمه : تقصد رجُل الأعمال عبدالمحسن بن حمدان ال شجاع ؟
عقد سعود حاجبه : وانا شدراني مير انه الوغد يهايط ويقول ماتعرف من انا وقال انا مشاري بن عبدالمحسن ال شجاع
ضحك راكان من عرف الرجال ونطق : ابك انت كيف طحت عليه ؟؟
سعود : من؟
راكان بـ ضحكه : ذا ابوه تاجر قوي وكان ينافس واحد اسمه عبدالله ضني لكن ذا تعب وجاه مرض وعياله ماسكين مكانه لكن مايهتمون لـ عبدالمحسن ابد ولا كانه موجود وابوهم تعبان تعبان جاه مرض قوي والرجال مطلق حرمه وحرمه متوفيه وعنده بس ولدين وحرمته الاولى ضني ماجابت شيء واذا ماخاب ضني بنت جابت ! لكن ولد لا مستحيل
ناظره سعود بـ صدمه ونطق : ما شاء الله كل شيء تعرفه في شيء ماتعرفه ؟؟؟
راكان بـ ابتسامه غبيه : المسؤوليه والتصرف بالمطعم
ضحك سعود وراح يشيك على المطعم وراكان مشغل اغاني ويحوس بـ المطعم لانه فاضي .
-
« بـ الكويت »
راكب سيارته وواقف قدام بيت رغد واليوم هو يوم عقد القران ورسميًا بـ تكون رغد زوجة سلمان , تنهد بـ قل حيل ونزل من السياره وشاف باب البيت مفتوح والمجالس الخارجيه مفتوحه « الدوانيه » ورفع صوته : سلام عليكم
وقف ابو رغد وطلع من المجلس وحس بـ فشله من شاف سلمان وهو أخطاء خطا كبير بـ حق بنته وسلمان وتسرع بـ القرار وابتسم بـ ضيق : وعليكم السلام , حياك اقلط !
ابتسم سلمان وتوجه لـ ابو رغد وسلم عليه وحب راسه : الله يبقيك
ودخلوا المجلس ينتظرون الشيخ « الملاج » وطول الشيخ ولف ابو رغد على سلمان : وانا ابوك السموحه على الموقف الي حطيتك فيه وعارفه ان اهلك مراح يوافقون لكن ....
ابتسم سلمان ونطق :ربعي وجماعتي انا ادبرهم وانت لاتحاتي على رغد ومتى ماتبي تشوفها جيناك لين عندك ! وش تبي بعد !
زفر ابو رغد بـ راحه ونطق : سلامتكم
« بـ غرفة رغد »
واقفه جدام الدريشه وتطالع بـ سلمان يوم دخل والدمعه على خدها وتحس بـ خوف من الياي , اسيل خلفها متكتفه وتناظر رغد : شدعوه شدعوه حشى خليتي الولد اسد ويبي يذبح فريسته من صجج؟
خزتها رغد بحرقه وقهر وطلعت اسيل بنظره : انتِ اتقطين علي انتِ و وايهج تقولين مطاره قهوه ؟!
ضحكت اسيل وقالت : امبيه .... شدعوه كل هذا يبا نتغشمر ضحكي مو صاحيه عبالها اضحك بقصاد اوك كيفج مو صاحيه صج
طنشتها رغد وراحت حق كبتها ونزلت الجنطه وقامت ترتب ملابسها تبي يروح الوقت بسرعه لانها راح تنهار من انطره الزايده
اسيل واهيا تطالعها ب ستغراب: وايييي شفيج شفيج ليش جذي مستعيله وايد؟؟ رغد الحين صج يعني تروحين وماراح اتيين عندنا بعدين
رغد: اكيد لا بييي كل ازواره
ضحكت اسيل ونطقت : اي زين بنشوف منو الي راح تيي كل زواره
كملت رغد ترتب جنطتها ولفت على صوت دق الباب ونطقت : منو ؟
ابو رغد ؛ انا يالله يا رغد بسرعه نزلي ناطرج
نزلت رغد وشافت ابوها واقف بـ نص البيت وغمضت عيونها بـ قوه و وقفت رغد جدام ابوها وحضنها بكل قوته وبجى : سامحيني يابنتي سامحيني انا ابي الخير لج والخير لج بعد في حياتج ولا اخليج بينهم ابوي انتِ بجت رغد وانهارت و ماتكلمت ولا قالت شئ بس احضنت ابوها وتسمع كلامه وعقبه ابتعدت عن ابوها و طلع من البيت وراح صوب المجلس «الدوانيه» ورغد قامت تطالع ابوها رايح عند سلمان عند الملاج عشان يوقع العقد القران وتحاول ماتبجي .
-
« بـ المطعم »
خلص سعود كل الامور بـ المطعم وتاكد من كل شيء ولف على راكان ونطق : عطني مفتاح سيارتك
عقد راكان حاجبه باستغراب : سيارتك وينها ؟
سعود : سحبوها بس عطني خل اروح اشتري لـ بنت اختي قميص انحرق حقها واكلتها انا
رمى راكان المفتاح على سعود ونطق : اجي معك ؟
سعود وهو ماشي بـ يطلع : الحقني
ترك راكان الي بيده وطلع خلف سعود وركب سعود بـ يسوق , وراكان بـ جانبه وضحك : سيارتي يالحبيب مفروض اسوق ؟
طلع سعود جواله بيدق على ترف : معليه
« عند ترف بـ المحاضره »
نست ترف تصمت جوالها ودق وابتلشت كيف تصمته و استاذنت من الدكتوره وطلعت بسرعه , وردت :هاا هاا
سعود : بسم الله الرحمن الرحيم علامك !
ترف بـ غضب : الدكتوره بغت تفرمني بسبب الصوت وانت ماتدري ان الحين عندي محاضره !!!!!
ضحك سعود : من اول يوم الله يعينك هههههههه
زفرت ترف ونطقت: شعندك ؟
سعود : ريتال كم مقاسها ؟
عقدت ترف حاجبه : ريتال ؟ شطاري
سعود : وعدتها بـ اعوضها بـ القميص الي احرقتيه !
ترف : سمول او مديم وانا اكس سمول جبلي معها !
ضحك سعود : والله النشبه بجيب لـ ريتال وبنتي بس ! انتي خل سلمان يشتري لك
ترف بـ غضب :سعود !!!
ضحك سعود : دزيها ماني بجايب
ترف : والله لو ماتجيب ان اعلم جدي بكل شيء !!
لانت ملامح سعود : يا تهبين تهدديني ؟
ترف : يالله قفل خل ادخل ولا عاد تدق !
سعود : ابشري
قفل سعود وهو يضحك ورجعت ترف لـ كلاسها وتوجه سعود لـ المول معه راكان .
« بـ الكويت »
طلع سلمان من المجلس « دوانيه » ولف على ابو رغد محتار تجي رغد معه ولا تقعد لين يجهز تذاكر وسبقه ابو رغد ونطق : دقايق وتييك رغد
هز سلمان راسه و واقف متكتف ينتظر رغد ويناظر الباب الي بتطلع معه , وجته رغد ومعها شنطتها وتوجه ابوها لها واخذ جنطتها ونطق: قبل تروحون السعوديه مريني اغراضج مو تنسين
رغد : تمام ان شاء الله
واحضنت ابوها وسلمان يطالع رغد وحضنت ابوها وسلمان يناظر رغد بـ تفحص وطلع واهي خلفه , ركبت وشوي وتموت من التوتر وسلمان متورط وهو مايعرف لـ الطرق وشغل قوقل ماب وكان الطريق من بيت ابو رغد لـين الفندق طويل وطول الطريق ساكتين ولا احد قدر يتكلم وبعد مدة شبه طويله وصلوا لـ الفندق ولبق سلمان السياره ولف على رغد ونطق : حجزت لك غرفه
لفت رغد عليه وحست بـ شعور غريب وحلو بـ سبب فعلته ونطقت : زين
طلع سلمان المفتاح وفتح الشنطه واخذ شنطة رغد وتقدمت واخذتها منه واهي ماتبي يسوي اي شيء لها وعطاها الكارت ورقم الغرفه وطلعت لها وكانت غرفة سلمان بـ جانب غرفتها , ودخلت الغرفه وعجبتها وقالت مو نطقت تمام
قطت حجابها وبدلتها وحطت ايدها على خصرها وتطالع الغرفه وضحكت : بدايه موفقه
وطاحت على سريرها بـ تنام واخر همها سلمان .
-
« بـ المول »
دخل سعود محل , وشاف الملابس وداخ , والالوان كتمته , وطلع , ضحك راكان : وش جاك ؟
سعود : ذا شنهو !
راكان : امش امش كيف تعرف انك جاي من ديره وبدو
ناظره سعود بـ طرف عين ودخله راكان محل وشاف قمصان بـ جهه واخذ يشوف السعر ورفع حاجبه بـ صدمه : يراسي 600 والله لو يبرد علي ؟
مات راكان يضحك , وسعود يدور يدور وطاح على قميص عجبه مره وشاف سعره : ذا فوق الميتين لكن معليه مو ذاك بـ ست ميه !
راكان : ترا مانك ماخذ من بسطه من ماركه !
سعود : يبوي ماعندي مشكله لكن انا باخذ ثلاثه بطفر !
ضحك راكان : طيب حاسب يالله
اخذ سعود لـ ليالي وترف وريتال وهو رايح بـ يحاسب , شاف كاب وعجبه مره وسحبه وسحب واحد ثاني لـ راكان وحاسب , طلعوا ولف راكان على سعود ونطق : تبي شيء ثاني ؟
ناظر سعود المول : محل مكياج
لف راكان بـ صدمه على سعود ونطق : نعم ؟
ضحك سعود على ملامح راكان : باخذذ لـ بناتي !
راكان بـ ضحكه : خرشتني .. انت متزوج ؟
هز سعود راسه بـ النفي : لا
عقد راكان حاجبه : كيف عندك بنات ؟
ضحك سعود بـ قوه من تفكير راكان ونطق : بناتي ذول بنات خواتي واخوي
راكان : وتقول بناتي ؟ هههههههه
سعود : احب اقول كذا
ضحك راكان ودخله محل ميكب وسعود من كثر قعدته معهم صار عنده خبره واخذ كل الي قالوا له انه قرب ينتهي ومو موجود عندهم ويتحتاجونه ويوم حاسب طلع الحساب فوق الاف ,
راكان بـ صدمه : يا ساتر
ضحك سعود وسحب الكيس : طفرت هههههههه
ضحك راكان وطلعوا من المول وحط سعود بـ بيته وراح لـ المطعم , دخل سعود البيت وشاف الجه بـ البيت وتوقع ان البنات جو لكن هو قال انا الي بوديكم وبجيبكم , دخل و البيت ظلام ويسمع اصوات شيلات ويضحك من توقع انها ريتال ودخل المطبخ وشافها مره تقطع ومره ترفع السكين وترقص وتردد مع الشيله ولقدر على النار وحتهم ريحة حرق وصرخت ريتال وراحت لـ القدر وطفت عليه لانه احترق وصارت تتهاوش مع القدر ونطقت : اليوم ليش حظي خايس كذا باقي شوي واحترق انا ! اول شيء قميصي والحين انت وش باقي !
ضحك سعود ونطق : اعوذ بالله هههههههه
التفت ريتال على صوت سعود وكانت بـ ترحب فيه وتلاشت ابتسامتها ومثلت تنها زعلانه وتقدم سعود لها ونطق : اما زعلانه للحين ؟ هههههههه غسلي يدك وتعالي
غسلت ريتال يدها وطلعت خلف سعود وشافت اكياس بـ الصاله وفتحت عيونها بـ قوه من لمحت كيس لـ ماركه تعشقها واشر سعود على الكيس : مثل ماقلت لك بعوضك وعوضتك !
لفت ريتال بـ سرعه على سعود ونطقت بـ بـ سعاده : وربيي يانكك اسطورتييي كفووو كفووو
ضحك سعود ونطق : الزعل فينه ؟
ريتال : اي زعل وانت جايب لي من افضل واكثر ماركه احبها !!!!
اخذ سعود الكيس وطلع القمصان : واحد لك وواحد لـ بنتي وواحد لـ ترف
ناظرته ريتال بـ طرف عين : ماتنساهم انت ؟
رفع سعود حاجبه : كيف انساهم ؟
طلعت ريتال البس وقامت بـ تروح تجربه ودخل سعود المجلس وعقد حاجبه من شاف القدر والبصل احترق , حاول يعدل على الطبخ وريتال سحبت عليه مره وحده ويوم ضغط على القدر جته ريتال و ضحكت : اما !!!
لف سعود عليها ويحت يده : سحبتي علي لوني داري ماجبت لك
ضحكت ريتال ونطق : مشكور !!!
ابتسم سعود و..
__________________