في شوفتك سالت دموع العين من فرحها

«41»

ابتسم سعود من لفت ريتال وحضنته بـ قوه وتشكره , ضحك سعود ونطق : يبنتي والله ماسويت شيء !
ابتعدت ريتال ونطقت : ماسويت شيء ؟ وش باقي ماسويته لنا ؟
ضحك سعود وحس بـ شعور حلو ونطق : والله اني ماعدكن الا بناتي !
رفعت ريتال ذراعها بـ تتكلم ونطقت : انت مو بس خالي ! الا ابوي ! ترانا بناتك كلنا ! مو بس ليلي !
رفع سعود يده بـ مزح : معليش بس هي بنتي وانتم بناتي !
عقدت ريتال حاجبه بـ استغراب وهي مافهمت وش يقصد : ها كيف هي بنتك واحنا بناتك ؟
سعود : هي بنتي ولا اجمعها مع بناتي ! فهمتي
رفعت ريتال حاجبها بـ صدمه : اوله وش هالتفرقه !
ضحك سعود ولف بيطلع من المطبخ : بروح اجيب بنتي
ريتال بـ صوت مرتفع : ايه ايه انحاش هههههههه
ضحك سعود وطلع متوجه لـ الجامعه .
-
« بـ الجامعه »
مستنده ليالي على الجدار وتناظر البنات تنتظر سعود يجي وترف عندها محاضره ماتقدر تطلع وانحنت تعدل شنطتها وتشوف وش فيها ورفعت راسها تدور من الي ناداه وشافت بنت واقفه قدامها شبهت عليها وحست انها تشبه جنى صاحبتها مره ورفعت حاجبه من نطقت جنى : ليالي !!!!!! يمه !!!!
ضحكت ليالي وحضنت جنى بـ قوه وهي اول مره تقابل جنى ليالي واستغربت ليالي كيف جنى لقتها بين الاعداد الكبيره من البنات وابتعدت عنها ونطقت بـ ضحكه : شلون لقيتيني ؟
جنى : سر مراح اقول لك !
عقدت ليالي حاجبها : يليل قولي !
ضحكت جنى : صاحيه انتي مو مرسله مكانك واسم الجامعه وتتحلطمين ؟
رفعت ليالي حاجبه وهي حرفيًا نست الصوره وضحكت : يمه منك !!!
ضحكت جنى وطلعت جوالها تدق على اخوها , وابدًا مايرد مقفل ولفت على ليالي : الله يقلع هالغيث سحب علي !!!!!!
رفعت ليالي يدها : عندي وعندك خير حتا سعود مكلمته من ساعه وللحين ماجـ...
كانت ليالي بـ تكمل كلمتها لكن قاطعها صوت جوالها , اخذته ونطقت بـ فرحه : سعود جاءء !!
عبست جنى وجهاا : تكفينن تو شفتك !!
ابتسم ليالي وحضنت جنى ونطقت : يوم ثاني ان شاء الله
ابعدت من جنى ولفت بـ تطلع وخطر على بالها شيء ورجعت لـ جنى ونطقت : تجين معي ؟
جنى : لا يقلبيي
ليالي : البسي عبايتك والحقيني
ضحكت جنى : غصب؟
تقدمت ليالي ومسكت يد جنى : ايه تعالي البيت معي هياا
بعدت جنى يد ليالي ونطقت : خالك !!!! مستحيل
ليالي : يبنت الناس سعود مايقعد بالبيت واليوم متهاوش مع واحد بيروح ماهو بقاعد
وافقت جنى بعد تردد وهي تبي تقعد مع ليالي من زمان ولبست عبايتها وحطت الطرحه على راسها وطلعت , وكان سعود منزل شباك السياره وعابس وجهه من الحر ولابس نظاره ,وركبت ليالي وركبت جنى بـ ولف سعود على جنى ونطق : ترف مـ..
لف وجهه بـ سرعه وكان متوقع ان ترف خلصت وضربته ليالي بـ خفه على يده : ترف ؟ هههههههه
نزل سعود النظاره وما نطق بـ شيء ويناظر الطريق وليالي تتكلم عليه ولف على ليالي وقطع سالفتها : خل السالفه ناخذ غدا ؟
ليالي : ريتال من امس مجهزه طبخه تبي تسويها
سعود : وانتي واثقه ان ريتال بـ تسويها وتطلع حلوه ؟ ترا حرقت القدر جيت برقع الطبخه الا انحرقت زياده
ضحكت ليالي ونطقت : ريتال تبي تصير سنعه بس ماتعرف هههههههه
ضحك سعود وراح لـ المطعم ووصل ورفع جواله ودق على راكان : راكان بسرعههههه جبلييي الاكل الي دايم تطلبه لي ومدري وش اسمه بس كثر
وقفل من راكان , وضحكت ليالي : ماتعرف اسمه ؟
ابتسم سعود : والله اسماء الاكل صعبه هههههههه
ضحكت ليالي وكملت تسولف عليه , وجنى داخت من منظر سعود عيونه وحدة حاجبه وشنبه وصوته , ماتوقعت انه بـ كل هالجمال وهي تسمع كلام ليالي عنه ، وكانت تناظر بـ المرايه وعيون سعود باينه ورفع سعود نظره لـ المرايه ونزلت عيونها بـ سرعه وارتبكت , وسعود مادرا عنها , ونطقت ليالي بـ نذاله تبي تخليه يـ فرح وتطيح كل اماله ونطقت : توقع من لقيت ؟
سعود وهو يناظر باب المطعم : وانا وش دراني ؟
ليالي ونظرها على اظافره : شكلك نسيتها
عقد سعود حاجبه ولف على ليالي : من تقصدين ؟
ليالي : الحب نسيته ؟
رفع سعود حاجبه وهو توقع اول شيء بـ باله ارجوان وليالي تعرف عنها ونطق : تمزحين ؟
ضحكت ليالي ونطقت بـ نذاله وكذب : شفت ام العيون السّود
رفعت جنى عيونها على وجه سعود وانتبهت لـ تعابير وجهه الي واضح الفرحه , وشدها كلمة « ام العيون السّود »
وناظر سعود ليالي بـ صدمه وماتوقع ان ممكن ليالي تشوف ارجوان ونطق : احلفي انك شفتيها احلفي ! طيب كيف تغيرت سمنت نحفت اخخ تلقينها نحفت من الهم تكفين قولي عيونها تعبانه ؟ يخوفي العيون السّود تعبت احلفك بالله كيف شكلها تغيرت عن قبل ؟ للحين نفس ماهي ؟
ليالي من اليوم كاتمه ضحكتها تبي تكمل المقلب على سعود وتسمع اسالته : ليالي انطقييي تكفين صوريهاا وارسليها لييي ابي اشوفها
رفعت ليالي حاجبها بـ صدمه وضحكت : انهبلت ؟
سعود : معليههه ام طلال تراها مرتي !
ناظرتها بـ ضحكه وتبي تكمل تكذب لكن سعود تحمس وتسمع كلامه وماتت ضحك وناظرها سعود بـ استغراب : علامك تضحكين تراني جاد وربي اني مشتاق لها ومشتاق لـ مبسمها العذب الي ذبحني وانا حي اخخ يام العيون السّود متى اشوفك قبالي وبحضني طلال !
ماتت ليالي ضحك ونطقت : احلامككك متتت هههههههه وانت صدقت ؟
عقد سعود حاجبه واستنكر اخر كلمه ونطق : تكفين لا تكذبين علي ترا قلبي معاد يصبر زياده !
نطقت ليالي وهي ميته ضحك على كلام سعود : كيف تبيني اطلع ارجوان بين مية بنت ؟ صاحي هههههههه ولا ادري عنها
انجن سعود وهي كذبت عليه وكان بـ يهاوشها ودق الشباكه ولف عليها بـ غضب وصرخ : نعمم !!!!
نزلها ونطق راكان : يارب سترك علامك مغير معصب ؟
سحب سعود الاكل ونطق : خلك ساكت احسن
ضحك راكان ورجع لـ المطعم وطلع سعود لـ البيت ومعصب من ليالي , ولفت ليالي عليه وضحكت : ريتال رقم ثنين يخي ترا السالفه ماتسوى واذا شفت ارجوان ابوي بيخليك تتزوجها ؟ ولا ابوها وانت تعرف بكل الي صار !
تجاهلها سعود ولا نطق بـ حرف ووصل البيت ولف على ليالي : جهزوا البيت زياد بيجي بعد المغرب
هزت ليالي راسها : ابشر
ونزلت ليالي معها جنى وماتحملت جنى وسالتها وهم داخلين البيت , : ارجوان هي الي زمان قلتي لي صارت سالفه
ليالي : ايه
جنى : فينها الحين ؟
دخلت ليالي البيت ونزلت الاكل وفسخت نقابها ونطقت : تهاوشوا ابوي وابوها وسعود يحب ارجوان مره ولا يسمع فيها لكن الحين صار صعب مره
رفعت جنى حاجبها بـ تمثيل لـ الصدمه : اما هم ذوليك !
ليالي : ايوه , انا بطلع ابدل وانادي ريتال
ابتسمت جنى : خذي راحتك
طلعت ليالي ودخلت غرفة ريتال وفزت ريتال من سريرها : جيتي !!!
تقدمت ليالي وهي تضحك لـ ريتال بـ تقول لها عن سعود ونطقت : اليوم لعبت على سعود ؟
عقدت ريتال حاجبها مافهمت كيف لعبت عليه ونطقت : لعبتي عليه ؟
تكلمت ليالي عن سعود وارجوان وماتت ريتال ضحك وفرحانه لقت شيء تعاير سعود فيه لـ سنتبن قدام ونطقت : قبالي وبحضني طلال اجل ؟ هههههههه
وقفت ليالي وهي تضحك : وربي سعود حفلهه وعاد معنا جنى ونسى العالم من طريت ارجوان هههههههه
استنكرت ريتال اسم جنى : من جنى ؟
ليالي : صاحبتي هيا البسي وانزلي لها تحت
وطلعت ليالي من الغرفه وراحت ريتال فتحت دولابها تدرو ملابس ولبست بـجامه وهمست : مع هالحر اكشخ لها تبطي !
ولفت بـ تطلع من الغرفه وانتبهت لـ سلسال تعشقه ومحتفظه فيه من هي صغيره وضحكت من تذكرت الموقف والشخص الي عطاها السلسال وكان السلسال من عساف وقت ماهوشتها امها بسبب ضربها لـ ولد الجيران وانتظر عساف عمانه يروحون السوق وراح معهم واشترى السلسال و اول من رجع اعطاه ريتال , وابتسمت ريتال من تذكرت كلامه « هذا هديه لانك ضربتي ولد الجيران » وضحكت بـ خفه ولـ بسته ومررت اصابعها على عنقها تتذكر الاحداث الي صارت بينهم واهمها الفقشه ونزلتها وطلعت من الغرفه نازله لـ الصاله تفكر بـ عساف .
-
« بـ الديره بـ بيت الجد ناصر »
الساعه الان 3 العصر ومجيد جالس بالحوش على باب المجلس وجوعان ولا لقاء اكل وكل الي بـ البيت نايمين وقف وتوجه لـ المطبخ , فتح الثلاجه يدور اكل لكن تجحفل وما رجعوا له اكل وفتح الفريزر وشاف برقر , واخذه , شغل على الزيت ويسحب رجله وهي للان توجعه من الطيحه لكن خفت اكثر عن اول وحاول يطلع البرقر من العلبه ومو راضي يطلع لانه جامد وتهاوش مع البرقر : يحماررر اطلعععع
وحاول يطلع البرقر وهو نسى الزيت شغال ومرفوع عليه ، ولف بـ يحط البرقر ورماه بـ الزيت و جاء على النار زيت واشتعل الزيت نار , انخرش مجيد ويصارخ ولا احد يسمعه وجته ام الركب ولا قدر يـ تحرك ويصرخ وجاه نواف يركض وشاف الزيت مشتعل بـ كل مكان وركض له وطفى النار على ان اكلت اطراف يده واخد منشفه كبيره وحاول يطفي النار وطفت ولف نواف على مجيد وشافه طايح على الارض ووجه احمر وتقدم لـه ومسكه من كتفه يقومه وقام مجيد معه يعرج وشاف جابر يصارخ وينادي ابوه ويوم شاف مجيد صرخ ويبي يركض لـ مجيد لكن طاح على الارض لان رجله مجبسه ولا يقدر يمشي بدون عكازه , وركض مجيد لـ جابر ونسى امر رجله وكل التعب نساه من شاف جابر طايح على الارض , حاول جابر يرفع نفسه وتقدم مجيد وقرب من جابر وحضنه بـ قوه ومن طاح عند جابر بكى ماينكر مجيد ان جابر اقرب له من اخوه ويعتذر من جابر اذا خوفه , وضربه جابر وصرخ بـكى : غبي انت غبي كنت بتموت !!!
ضحك مجيد : خايف اني اموت ولا خايف اني اتركك ؟
عقد جابر حاجيه بـ عدم فهم ونطق : مابيك تموت وتتركني وصلت !
ضحك محيد وحضن جابر : يجودي والله اني احبك
ضربه جابر : حتا انا بس لاتقول جودي ذا !
ضحك مجيد ولف على جيت الجد ناصر وتقدم الجد ناصر بـ خوف ونطق : مجيد صار لك شيء ؟
هز مجيد راسه بـ النفي واخذوه وطلعوا لـ المجلس وجلس بـ ينهم ومبتسم يناظر اهتمامه الي ماحضى فيه من طرف الاب وكل الي يسويه مزف لـ اجل انظر الناس .
-
« بـ بيت سعود »
شالت ليالي السفره ودخلت المطبخ ودخلت ريتال خلفها وتغس يدها , ولفت ليالي على ريتال وعقدت حاجبها من شافت السلسال وشهقت : حق البعيررررر !!!!!!
فتحت ريتال عيونها بـ صدمه من ليالي ونطقت : يمه وش عرفك ؟؟؟؟؟؟؟؟
ضحكت ليالي وتقدمت لـ ريتال ورفعت السلسال وغمزت : كيف ماتبين نعرف اول هديه من عساف لك ؟
ضربتها ريتال بـ خفه على كتفها ولفت بـ خجل , وضحكت لـيّالي واستندت على الطاوله ونطقت معليكككك ترا خلص جامعه ويقول سعود انه بيجي معهم بـ الويكند فليها
لفت ريتال على ليالي ومسكت يدها : احلفي !!!!
ليالي : اي والله
ابتسمت ريتال وبدون وعي صارت تلعب بـ شعرها وتهوجس وابتعدت ليالي عن الطولاب وناظرت ريتال ونطقت : مادريتتتتت وينن قلبيي مادريتتت مادريتت ان قلبيي انسرق هههههههه
رفعت ريتال راسها على ليالي مبتسمه وتلاشت ابتسامتها من شافت نظرات ليالي وصدت : اعوذ بالله منك اشبك اليوم قلبتي ؟ مو انتي ليالي !
ضحكت ليالي ونطقت وهي طالعه : الا انا ليالي العلم انتي هههههههه
طلعت ليالي من المطبخ تضحك على ريتال ودخلت الصاله الي موجوده جنى فيها وقعدت معها واخذتهم السوالف وهم صاحبات من 5 سنين اكتروني وجمعته جامعه **** ، ومرت ساعه وساعتين ودق جوال جنى وردت وكان اخوها واستاذنت من البنات بـ تطلع وحاولوا فيها لكن اخوها برا وكانت بتفتح الباب لكن فتحته ترف وعقدت حاجبه بـ استغراب من البنت لكن سرعان ماتركتها ودخلت لـ البيت بـ عدم اهتمام وطلعت جنى من البيت و وقفت عند الباب تناظر سعود وتسمع صراخه وهواشه لـ شخص بـ الجوال : يا زياد كيفف يطلعونهه كيففف والحمار صادم سيارتيييي وليالي لو ما سكرت الباب والله ان ندفنها اليوم !!! .... يازياد الله يرضي عليك شوف لي دبره معه الرجال مادانيهه من شفته وانا كارهه ... اسمع اسمع دقيقه ......... يازياد مافي حل غير ترمي عليه اي تهمه حط تحرش حط .... زياد انا عارف انه حرام مايصير بس الرجال ذا اقلعه لا عاد اشوفه !!!! ..... الليله تجينيي بـ بيتي .... يرجال تعال معليه .... يازياد افهم العلم من اول مره !!!!!!
وضحك سعود من كلام زياد وقفل , نزل الجوال ولف على جنى وطاحت عيونها بـ عيون سعود بـ الغلط وماقدر سعود ينزل عيونه وجنى أساسًا كاشفه وعبايتها مو مقفله ولبسها باين , وصد سعود وصار يستغفر وركب سيارته , رفع راسه ياخذ نفس وفك ياقة ثوبه لانه حس بـ ضيق بـ التنفس وسحب البخاخ الي يستعمله بسبب انقطاع التنفس , وشغل سيارته وطلع مايعرف فين يروح وشغله التفكير بـ ارجوان مايدري اذا ليالي صادقه ولا تكذب وزفر بـ ضيق وراح يلف بـ الاحياء وشاف بيت ومكتوب مجالس ال عبدالله بن طارق , وخطر على باله ابو ليالي وشاف الزحمه الي على البيت والرجال والسيارات بس مو فقط بـ الرياض اسمه عبدالله غير ابو ليالي وكمل وراح لـ مطعمه ودخل , وشاف راكان لابس سماعه ويرقص , سحب السماعة ونطق عابس وجهه : الله لا يشغلنا الا بطاعته انت كل ماجيت لقيتك ترقص ؟
ضحك راكان وسحب سماعته من سعود ولبسها : لوسحمت خل اكمل
سعود بـ صوت عالي : اسمع اسمع بتنفجر اذانيك بسبب هالي لابسه
زفر من شاف راكان وعمره بيصك 26 وهو كانه مراهق عمره 18 وشاف اوراق وقراها وصرخ على راكان ومايسمع وشاف موظفه وصرخ : خلي راكان يعاين فيني
نزل راكان السماعه من اشرت له الموظفه ولف على سعود وصرخ سعود : يالمهبول رافعين بلاغ فيك وانت ترقص !!!!
عقد راكان حاجبه بـ استغرب: بلاغ كيف ؟
مايقدر سعود يتحمل غباء راكان واخذ الاوراق وراح يخلصها وراكان لا حياه لمن تبالي لبس سماعته تارك الكل خلفه ويرقص .
-
« الساعه 9 الليل »
بـ غرفة ليالي مستلقيه على سريرها ونظرها لـ السقف وشعرها مبعثر على الفرش ودخلت بـ دوامه كبيره من الافكار وبدون سابق انذار خطر على بالها البر المكان الي كرهته بعد كل الي صار لها فيه وكيف بـ كل مره زياد الي يسعى انه يساعدها ويطلعها من الي هي فيه عكس الباقين يساعدونها لكن زياد اول من يدور عليها وهو اول من لقاها بـ البر وكانوا بيفقدون الامل بانهم يحصلون ليالي لكن زياد تركهم وراح لوحده ودخل جوا البر ودخل مناطق كبيره وقد يضيع الشخص داخلها وما حس بتعب , زفرت بـ ضيق تحاول تبعد الافكار الغريبه الي داهمتها وداهمها شعور غريب وعدلت جلستها ومسحت وجها ورفعت شعرها عن وجهها وهمست بـ ضحكه : وش ذا مالقيتي تفكرين الا بـ شخص كبر ابوك يليالي !!!
وقفت وتوجهت لـ المرايه وصارت تتامل ملامحها الحاده طول شعرها وكثفه وجمال لونه الاسّود , طول عنقها وجمال لون بشرتها وضحكت : يحق الغرور يليالي !
ابتسمت ليالي ومن شدة اعجابها بـ نفسها , والتفت على فتح باب الغرفه ودخل سعود راسه :تجين تنقذيني ؟
ضحكت ليالي وتقدمت لـ سعود وتكتفت : وش المقابل ؟
مسك سعود ذراعها وطلع من الغرفه : تعالي واقولك المقابل
طلعت ليالي مع سعود تجهل طلب سعود ونزلت معه لـ قسم الرجال ونطق : نثرت الشاهي على الارض وجيت بغسله ماعرفت وزياد بيجي
شهقت ليالي وركضت لـ الفرشه وشافت البقعه و لونها فاتح ولفت على سعود ونطقت بـ صوت عالي : سعود !!!! يخال الحين كيف انظفه بيبقى بقعه !
حط سعود اصبعه على جبينه ومبتسم ابتسامه غبيه : هو بالغلط والله انـ..
وقفت ليالي وتركته وراحت تركض لـ المطبخ ودخل سعود وهرب لـ غرفته ودخل يتروش , وليالي رجعت لـ المجلس وحاول تمسح البقعه وقامت جابت مويه لـ انها كانت تستعمل بخاخ وتصارخ : سعوددد وجعع فين اختفيت !!؟؟؟
زفرت بـ غضب وكملت تمسحه وسمعت صوت فتح باب و وقفت شالت الطاسه وطلعت بـ تشوف اذا سعود طلع وكانت تمشي بـ سرعه وعلى طلعها صدمة بـ شخص وانتثرت المويه على زياد وطاحت بالارض , عقد زياد حاجبه بـ صدمه ونزل نظره على ثوبه , ورفعت ليالي راسها ولف زياد نظره عليها وانفكت عقدت حاجبه وعيونه مثبته على عيون ليالي ونزلها بـ هدوء على ثغرها , بلعت ليالي ريقها بـ توتر وحاولت تقوم وتدخل لكن زياد مو تارك لها مساحه , وخافت يجي سعود ويشوفهم ويفهم خطا , وشوي وتبكي , وتقدم زياد ومسكها من ذراعها , وانخرشت ليالي , ووقفت بـ مساعدة زياد وكانت بتدخل لكن زياد للان ماسك ذراعها ولفت وجها عليه بـ بعبس وبـ حده : اترك ذراعي !
ابتسم زياد وهو يـ حدق بـ عيونها ونطق : واذا ماتركتها ؟
ارتعبت ليالي من كلمة زياد وصارت ترجف من الخوف ونزل زياد نظره على يدها ونطق : كل هذا خوف ياليالي ؟
تسارعت انفاس ليالي و ارتبكت من نظرات زياد , وتحاول تفك يد زياد لكن ماقدرت ولفت وجهها لـ زياد تبي تتكلم لكن بدت تحس ان لسانها انربط ولا تقدر ترد عليه , واستغل زياد خوفها ومرر ذراعه حول خصر ليالي ونطقت بـ خوف وتلعثم : زياد زياد تكفى سعود ! زياد
صار زياد يـرمش بـ سرعه وابعد ذراعه عن ليالي , وحس بـ شعور سيئ وعض شفته بـ ندم وكان بـ يلف لكن يبي يتكلم ويقول الي من زمان كاتمه بـ قلبه لكن صعب عليه صعب ولا قدر , ولف وطلع من البيت , وليالي حطت يدها على صدرها تاخذ نفس وكانت بـ تبكي من التوتر والخوف الي داهمها , ودخلت مع الباب وصدف سعود يركض بيطلع ونطق : ادخلييي ادخليي زياد بيجي !!
فتحت عيونها بـ صدمه وان كان ممكن سعود يدخل وهو موجود وهزت راسها : طيب
وراح سعود لـ الحوش ويرحب بـ زياد وليالي تسمع ترحيب سعود لـ زياد وتسمع صوت زياد وللان مو مصدقه الي حصل وخصوصًا ان الي كان ماسكها زياد , وطلعت لـ غرفتها , دخلت وتلف بالغرفه ماتدري وش تسوي وشايل هم ان زياد يقول لـ سعود شيء وسيطر عليها التفكير ولا قدرت تنام , ومرت ساعتين وللان ليالي مو قادره تطلع من الموقف وفتح سعود باب الغرفه ودخل راسه مثل عادته : مانمتي ؟
عدلت ليالي جلستها وابتسمت بـ خفه : لا ماقدرت
دخل سعود يركض وجلس على سرير ليالي ويناظرها ونطق : تجين معي ؟
عقدت ليالي حاجبها : فين اجي معك ؟
مسك سعود يدها ووقف : امشي امشي يالله البسي عبايتك والحقيني
فكرة ليالي انها تروح مع سعود يشغلها عن التفكير بـ زياد , وفعلًا طلعت وشافت جيب سعود وركبت بـ جانبه , ولفت على سعود وتناظره تعرف سعود زين وتعرف اذا فيه شيء وعرفت انه يبي يتكلم وهو كان صاحب روحه طلال الشخص الي يلجاء له دومًا لكن الان ذهب طلال وطاح سعود لـ وحده , ولف سعود على ليالي وناظرها بـ طرف عين وشافها تناظره وزفر بـ ضيق ونطق : ليش تعاينين كه كاني ذابح ولدك !
ضحكت ليالي وعدلت جلستها , وتناظر الطريق : احاول افهم ايش فيك
رفع سعود حاجبه بـ ضحكه ونطق : اوههه يالمحاميه ليالي بدت تطلع الاعراض هههههههه
ضحكت ليالي وتذكرت سبب دخولها لـ تخصص القانون ونطقت بـ غصه : تعرف ليه دخلت قانون ؟
لف سعود نظره لـ ليالي عاقد حاجبه : ليه ؟
ابتسمت ليالي وعيونها تملة دموع وتحاول تمسكها ماتبكي لكن ليالي تنهزم امام سعود ونطقت بـ بكى : عشان امي !
انتبه سعود لـ نبرة صوت ليالي ولف عليها ونطق بـ حنيه : يامي انتي طلبتك لا تبكين !!
غطت ليالي عيونها بـ يدها واسوا شيء لها انها تبكي عند احد , وسكتوا طول الطريق وشاف سعود محل ورد مفتوح ولبق السياره والتفت لـ ليالي ونطق : بجيك انتظري ,
ليالي : تمام
نزل سعود بـ سرعه ودخل المحل ويعرف حب ليالي لـ الورد واخذ باقة ورد وهذا أبسط شيء يـ قدر سعود يـسعد ليالي فيه واخذها من الرجُل وطلع من المحل ولف من خلف السياره , وضرب شباك ليالي , وفتحتها بـ استغراب , وضحكت من شافت الورد ونطقت : سعود !!!
نزل سعود الورد من وجهه ونطق : تحداك تطلعين الفرق مافيههه مافيهه
ضحكت ليالي واعطى سعود ليالي الورد ونطق : هيا افرحي لا اهبدك
اخذت ليالي الورد ونطقت بـ فرحه : ابشر !
ركب سعود وحطت ليالي الورد , وشغلة اغنيه وصورة ومنعجبه بـ الوان الورد وخاقه معه ونست سعود لـ لحظه ولف سعود عليها ونطق : لوني داري كان مااجبت لك ورد نسيتيني!
ضحكت ليالي وحطت الورد بحضنها وبعدت جوالها وصورة وكان سعود طالع بـ الصوره ونزلت جوالها , ومد سعود يده امام ليالي ونطق : الو معي ؟
التفت ليالي لـ سعود ونطقت : معك معك فين بـ نروح الحين ؟
مايدري سعود فين يروحون ونطق : لونا بالديره كان رحنا الوادي !
ضحكت ليالي ونطقت : الوادي ذا الي ابوي بغى يذبحك بسببه على اني معك الا انه ماقالي شيء !!!! هههههههه
سعود : من الحب , انا يومين مجلد بـ المقلط ماطلع عشان ما يشوفني ابوي هههههههه
لفت ليالي وجهها لـ سعود ونطقت بـ ضحكه : والا اذا انحشنا بـ شاص ابوي وسلمان راح لـ ابوي وقال عيالك انحاشوا واخذوا الشاص ! ويسحبك ابوي هههههههه
ضحك سعود ونطق : من وانا صغير منكوب كل شيء يطيح براسي وسلمان حروش يقول لـ ابوي وللحين حروش ماتغير الله يستر من عياله
ضحكت ليالي ونطقت: ولا يوم ريتال تهاوشت مع عيال الجيران وصفقتهم كلهم ابوي للحين منصدم كيف طقتهم هههههههه
ميل سعود راسه ضاحكًا : يانها جلدتهم اعوذ بالله ماهي بنت ذي ! هههههههه
لفت ليالي لـ سعود ونطقت : ابوي من الخرشه مالقال لها شيء المشكله هي اصغرهم ! هههههههه
ضحك سعود وعادت فيهم الذاكره لـ ذكرياتهم ومصايبهم وهم صغار ولف على ليالي ونطق : كل شيء يهون عند سرقتنا لـ وايت ابوي هههههههه
فتحت ليالي عيونها بـ قوه من تذكرت التغريسه وعدلت جلستها بـ حماس ومعطيه ظهرها لـ الباب وتناظر سعود ونطقت ضاحكه : اوففف يوم غرسنا ! اخخ ونبي سلمان يفزع لنا وجحفلنا وقال لـ ابوي !!! هههههههه
هز سعود راسه ويضحك : سلمان حروش من صغره وللحين !
ضحكت ليالي ونطقت : واحنا صغار مابقي شيء ماسوينها هههههههه
سعود ونظره على الطريق : ابوي افتك مني انا وانتي وجوه جابر ومجيد هههههههه
ضحكت ليالي وحركت يدها : اوههه ذول سالفه ثاني ! هههههههه
تذكر سعود موقف ومات يضحك ونطق : ابك يوم رحنا بقالة ابوي الي بالحاره ومتلثمين عشان ولي مايعرفنا ويعلم ابوي !
ضربت ليالي يدها وتضحك : بموتتت وشافتنا مزنه وسحبتني هههههههه
سعود : ومسكتنا من عند رقبتنا موديتنا بيت ابوي وتقول عيالك طقو ولي هههههههه
ليالي : واحنا صدق طرحنا ولي بالارض هههههههه !
ضحك سعود منهار من الضحك وليالي ماتت ويتذكرون المواقف وكانوا سعود وليالي ماخذين اسم ثنائي الفلس قبل ثلاثي الفلس والجد ناصر عاني مع سعود وليالي اكثر من مجيد وجابر ومصايبهم من كثرها ماتنعد ومع ذلك سعود وليالي متماسكين وللان علاقتهم ببعض قويه ومهما يصير سعود مايفرط بـ ليالي وكل الناس عند ليالي ولا شيء ومر سعود كوفي واخذ قهوه وكملوا يـلفون بـ الرياض ومشغلين اغاني وليالي ماعندها دوام وماخذين راحتهم وتغير مودهم ميه وثمانين درجه وانبسطوا مع بعض مره وكانت بـ تصير الجلسه فضفه لكن صارت تذكر مواقف وضحك و بـ الطريق لـ بيت سعود لف وجهه لها ونطق : وحشتني طلعه مثل كذا !
لفت ليالي وجهها بـ خفه لـ سعود ونطقت بـ هدوء : جد من زمان ماطلعنا مع بعض !
ضحك سعود ونطق : لونا بالديره اخذنا شاهي وفصفص ورحنا الوادي قعدنا فيه لين الفجر ونصلي ونشوف شروق الشمس ونعود على قومت ابوي ونقعد معهم كاننا تو قمنا هههههههه
ضحكت ليالي : ليش احنا كنا نعاني كذا ؟ هههههههه
سعود ضاحكًا : عاد لـ ليت ناخذ احد معنا لا نروح انا وانتي لحالنا ونقعد مع الجنون هههههههه
ليالي : من كثرت روحاتنا لـ الوداي معاد نخاف من شيء
سعود : انشهد
وكملوا يـ سولفون و وصلوا البيت ونزلت ليالي وحاضنه الورد وشايله القهوه وعلى دخلتهم لف سعود بـ قوه على صوت شهقت ريتال وصرخت : افااااااا رايحين بعدونييي ؟؟؟
لف سعود وجهه وعطاء ريتال قفاه واشر لـ ليالي تطلع وطلعوا يركضون وريتال خلفهم , وحرشتهم بـ زاويه بـ الحوش ومعصبه عليهم ونطقت : انتم كلاب !!!
عقد سعود حاجبه ونطق : ياريتااا انتبه لـ كلامك !
حطت ليالي كفها على فمها كاتمه ضحكتها ونزلت يدها ولفت على ريتال ونطقت : ياريتاا اشبك ؟ هههههههه
ريتال بـغضب : تروحون وتتركوني ؟!!!
سعود : ياريتا علامك علانا خل نمسي و القابله نطلع نفس هالحزه ونروح خلاص ! !
تضايقت ريتال من اسم ريتا ونطقت : ليش تقولون ريتا !!!!!!!!
ابتسم سعود ابتسامه تغث ونطق : ياريتا لاتزعل لاتزعل وعدناك القابله نطلع
زعلت ريتال ولفت بـ ترجع وركض سعود ولفها وحضنها : انتي كل شوي تزعلين خلاص والله اسفين !
حضنت ريتال سعود ونطقت : انتم تسحبون علي بكل شيء حرفيًا !
ضحك سعود وابتعد عن ريتال : خلاص ياريتا لاتزعلين !
ريتال بـ غضب : سعود !!!!
ضحك سعود ودخلت ريتال البيت ولف على ليالي وتقدمت ليالي وحط سعود ذراعه فوق كتف ليالي ودخلوا البيت .
-
« بـ الكويت »
مرت ثلاث ايام وسلمان لا يكلم رغد ولا رغد تكلم سلمان واذا طلعوا بـ نفس الوقت كل واحد يتجاهل الثاني وحالتهم غريبه وسلمان مو كره لكن مايقدر يتقبل هـ الزواج وهو يكره الزواج ولا يددانيه والحب بـ النسبه له السفريات ولف العالم والطياره ولا قد خطر على باله بيوم قد يحب شخص وزفر من التفكير وعدل جلسته على سريره ووده يقوم ويطلع لـ رغد لكن توتر من التفكير فقط , ماينكر ان الوضع الي قاعد يصير مو عاجبه مره ووقف ولبس ثوبه ومر المرايه وناظر بـ شكله وهمس : الحمد لله امهم حلوه بتزين الجينات
ووعدل شعره ولف بيطلع , وشاف عطره على الرف واخذه وتعطر وفتح الباب وطلع بـ ثقه وعارف انه بينكرش لكن كمل طريقه الي هو خطوتين لان غرفهم بجانب بعض ودق الباب وسند كتفه على الباب ومتكتف وابتسم من فتح الباب وانصدمت رغد من شافت سلمان وماتوقعت انه ممكن يجيها وعبس سلمان وجهه من شاف ملامح رغد و وقفوا كلهم واقفين عند الباب ولا احد تكلم وسلمان يناظر رغد ينتظرها تدخله وهي تنتظره يروح ومرت دقايق وكلها نظرات وزفر سلمان ونطق : بـ نقعد واقفين لمتى ؟
رفعت وغد حاجبها ونطقت : لين تغرب الشمس من الشرق
عقد سلمان حاجبه : تمزحين ؟
رغد بـ ابتسامه مستغزه : شدعوه ؟ ليش اتغشمر وياك اعرفك ؟
رفع سلمان حاجبه وعدل وقفته وبـ ابتسامه. : ايه يالمهندسه رغد اسمك مربوط باسمي ! اعز المعرفه بعد
تلاشت ابتسامة رغد وهي لها فتره تحاول تتناسى السالفه , وابتسم سلمان وتعدى رغد ودخل الغرفه , ولفت رغد على سلمان وهو داخل والغرفه كانت فوضه حرفيًا وقفلت الباب , وعلى دخلت سلمان ناظر بـ الغرفه ونطق عابس الوجهه : اوف شصاير في قنبله منفجربه بـ غرفتك ؟
مرت رغد من امام سلمان واخذت ملابسها وحطتها بـ شنطتها : شكو شدخل ؟!
تكفت سلمان وتوحه لـ سرير رغد ورافع ظهره وسانده على السرير وماد رجوله وحط ساق على ساق ويناظر رغد , مرت رغد بـ تسحب طرحتها وسلمان مو راضي يبعد رجلوه ونطقت بـ غضب : يا عجوز النار وخر ريلك
عقد سلمان حاجبه وابعد رجله : خذي اغراضك ولا تنافخين
رمت رغد الي بيدها على سلمان : شرايك جذي ؟
رفع سلمان حاجبه وسحب المخده وضرب رغد , وصرخت ولفت عليه : سلمان !!!!!!
ابتسم سلمان : ايش ؟
اخذت رغد المخده وضربت سلمان بـ قوه , وصرخ سلمان من الصدمه الي جته وكان فيه حديد وصدم بـ خشم سلمان ونزل سلمان المخده ولف على مكان رغد وشافها اختفت , ووقف ومشي لـ الباب وينادي على رغد : رغد !!! اطلعي يرغد والا ان يصير شيء مو زين لك ترا انا الكسبان !
وكانت دورة المياه مفتوحه ورغد بداخلها ومر سلمان ورش على سلمان مويه , وصرخ سلمان من المويه الي جته مايدري كيف جته وماتت رغد تضحك ونطقت : تسبحت !! هههههههه وبعدين لاتزعل قاعده اتغشمر وياك هههههههه
لف سلمان على رغد وتقدم بـ سرعه لـها ومسك ذراعها بـ غضب وحصرها بـ الزاويه : وش تسوين انتي ؟!؟؟؟؟؟؟
بلعت رغد ريقها بـ توتر ورفعت نظرها لـ سلمان : شنو اسوي ؟ انت الي تعال شكو يايني هل حزه وهل وقت بتصير الساعه ثلاث الفجر!!
قطع سلمان كلام رغد ونطق وهو راص على اسنانه : ليش تتكلمين وكاني قاعد اسوي شيء حرام ؟ حطي بـ عقلك انك الحين مرتي واذا على بالك انك بـ ترجعين لـ ابوك تبطين ماترجعين لـ ابوك الا على جثتي فهمتي !
تغيرت ملامح رغد لـ صدمه من كلام سلمان وانفجعت من الي قاله ونطقت : مو انت الي تقولي لا تروحين عند ابوج ومو بعد برضاك غصب عنك حلوه هذي بتخليني ماروح عند ابوي طير زين واذا كنت بتخلي ما ارجع لا راح ارجع وارجع و وقت مابي قطيعه بس هذا الي ناقص
مد سلمان يده وشد على فك رغد وقرب وجهها لـ وجهه ونطق بـ غضب : انتبهي لـ كلامك يبنت مبارك الي بـ راسي بـ اسويه وماعلي من احد ومن بكره واحنا بـ السعوديه ومن بعدها شوفي الي بيرجعك !
ولف بـ يطلع وانهارت رغد تبكي وتصارخ على سلمان وسحبت يده ونطقت : ابوي عطاك الثقه وامحلفك على اخر شئ تسوي جذي ؟!!! ليش تقول جذي كاني انا مسويه حرام او منكر عليك ؟!!! وانا ماييت معاك الا اني كنت مجبوره ولا احد يتمنى ان ينجبر ويكون مضطر ان يعيش مع واحد مثلك والله وبجلال الله اكرهككك اكرهكككك واكـ...
قاطعها سلمان من قبلها بـ ثغرها بـ قوه , و رفع يده وثبتها على خدها ، ومتعمده انه يـ ضغطها ويخليها تندم على كلامها وبـ فعلته هذي بـ تنقهر وتحس بـ الاهانه ونزل ذراعه لـ خصرها و....‼️‼️.
-
«الظهر بـ الكويت »
طلع سلمان من غرفة رغد ووقف يقفل الباب بـ هدوء عشان ماتقوم وتذكر كلامه لها امس وعارف انه خان ثقتها فيه ومستحيل ترجع تثق فيه وطلع من الفندق وركب سيارته مايدري وش يسوي وضايقة فيه الوسيعه وقرر يروح لـ علي , واخذ معه فطور , و وصل ونزل من سيارته وطلع لـ شقه علي , دق الباب ومافي اي رد ورجع يدق , وفتحه علي , وانصدم من شاف سلمان وكان متوقع انه سافر , ودخل سلمان , وتوجه لـ سرير علي وطاح عليه ويناظر السقف وغمض عيونه بـ قوه , وعقد علي حاجبه وتكتف يناظر سلمان وعارف انه مسوي مصيبه وجايه وراح لـ الاكياس يفتحها ونطق : شنو مهبب شنو مسوي يالله عادي متعود عليك مصيبه يديده ولا في ريال ثاني قال تزوج بنتي ؟!
رفع سلمان راسه يناظر بـ علي ونطق : تشمت انت ووجهك كل تراب وجب الاكل
ضحك علي واخذ كيس الفطور ونطق : اقول بس انزل تبي اييب الاكل فوق تاكل وينعدم التخت !
نزل سلمان واخذ الفطور وزفر بـ ضيق وهو ماله نفس ياكل وحط الاكل ويناظر علي الي بدا ياكل ولا اهتم لـ سلمان , ولف علي لـ سلمان ونطق وهو ياكل : يته الحاله تكلم!!
تنهد سلمان ونطق : جبت العيد
ضحك علي وغص وهو ياكل ولف سلمان على علي بـ غضب : ياولد اشرب ماء ترا مالي خلق اعدي وراك بعد !
اخذ علي مويه وميت ضحك وعارف ان سلمان مايجيه الا فيه شيء ونطق : شنو الموضوع الي مختلف الحين عن باجي المواضيع ؟! ودايم انت جذي المصايب تعشقها
سلمان بـ غضب : علي تراك فليتها ماخذني رايح جاي اكل اكل توبه اجيك !
اشر علي على نفسه ونطق : اي اي مستحيل ماراح تقدر تعيش او تتنفس بدوني
سلمان بـ تسليك :ايه ايه
ضحك علي ونطق : يارب ما اصدع من الي راح تقوله بس يالله شنو بتقول من صجي هـ المره مااتغشمر !
سلمان : سويت شيء قوي وندمان مره وانا الي قلته وربي بس كلام ولا راح امنعها من ابوها ومستحيل امنعها وكل الي سويته ابيها تنضغط وتنقهر وعارف اني انهيت كلامها بـ شيء خايسسس لكن ....
ولف سلمان على علي وشاف نظرات صدمه ونطق : علي !!!!!
نزل علي الاكل وحت يده ورفعها لـ سلمان ونطق : من صجك ولا تتغشمر ؟! مينون انت ليش كل هل الافلام و الشي الي سويته وبعدين تعال شنو سويت انت وخليت الكلام يخلص تكلم تحج شنو سويت ؟! ليش مستعيل ؟؟. بتموت انت ترى مو عتق رغبه ولا قصاص عشان ما تصبر انطر ؟ انت جذي استغليتها واستغليت تضعفها وضغف ابوها ؟! مو صاحي انت ؟؟ يا سلمان انت مو بس يبت العيد انت يبت الاعياد كلها حق نفسك فرضاً قالت حق ابوها انت شنو راح تقول له شنو بتسوي شنو بيصير لك ؟
سلمان بـ غضب : ابوها مايقدر يسوي شيء لو يقدر كان وقف عيال عمها وتاركهم على هواهم والحين تو يفكر بـ بنته ! انا قلت لك ان كل كلامي كذب ! ومستحيل اخليها تترك ابوها !! والي سويته هذا ابسط حقوقي !!
انجن علي من كلام سلمان ونطق : البنت راح تطلقها صح ؟
عقد سلمان حاجبه : من قاله ؟
فتح علي عيونه بـ صدمه وكان متوقع انه فتره ويطلقها سلمان : شلون ؟ مو صج الي تقوله يعني مو السالفه كانت فتره بسيطه وتنحل ؟! وترجع كل شئ نفس اول واحسن !
ضحك سلمان ونطق : حتا اذا انحل مو لعبه عندهم متى مابغوا اتزوجها ومتى مابغوا اطلقها
غمض علي عيونها ووقف : لا لا انت مو رفيجي سلمان الي اعرفه الي يتبع عاطفيته وقلبه مستحيللللل يفكر بهل تفكير بنفسه شنو صاير ليش جذي صج غيرك الزواج وحيل كنت شخص يفكر بقلبه وعاطفيته وصرت انسان متملك واناني يا سلمان بس تفكر بنفسك
وقف سلمان ونطق : الناس ماتقعد مثل ماهي يا علي والكل يتغير وزواجي بـ يتم حتا لو كل اهلي معارضين ويطردوني انا ماسويت شيء حرام وبتقعد على ذمتي لين تشيلون جثتي وتدفنوني !!!
صفق علي بـ يده ونطق :الصراحه حدك قوي برافو يعني بس اسمع لا تييي عندي وتدورني انساني بعد حركاتك وافعالك هذي
انصدم سلمان من كلام علي ومايعرف ليه علي قلب عليه كذا ونطق : ليش قلبت علي كذا ؟ عشان واحد ماتعرفه ولا قد شفته ؟
علي : انا ما ارافج جذي ربع و امشي معاهم واحد نفسك انت مو رفيجي الي اعرفه انت تغيرتتت حيل بعد مو شويه مو شويه استوعب مو شويه يا سلمان ولا اتشرف اني ارافج رفيج اناني وما يهمه الا نفسه ومايفكر الا بنفسه
ضحك سلمان بـ غصه و بـ منصدم من كلام علي ونطق :طلع لي وجهك الثاني يا علي !
كان بـ يتكلم علي لكن تركه سلمان وطلع من الشقه , وماسك نفسه لا ينهار وكل شيء لف عليه ودام صاحبه سوا كذا كيف اهله , وطلع متوجه لـ الفندق وهو معاد يقدر يقعد بـ الكويت ثانيه وحده , ونزل من سيارته متوجه لـ غرفته ودخل وجمع كل اغراضه وجهز شناطه على جنب ودخل دورة المياه وتروش , وطلع وتجهز , ثم طلع من الغرفه ودخل البطاقه ودخل غرفة رغد , وسحب الستاره ودخل الغرفه نور , فتحت رغد عيونها وغمضتها من شافت سلمان قدامها وتتمنى انها بـ حلم وتقوم , لكن تقدم سلمان وهز كتف رغد : رغد رغد !
رغد : نعم !!!
لف سلمان لـ الدريشه ونطق : اخلصي تجهزي الطياره الساعه 4
اخذت رغد جوالها وشافت الساعه 12 وقامت والتعب ذابحها ودخلت دورة المياه , وسلمان توجه لـ السرير وستلقاء مغمض عيونه , وطلعت رغد وشافت سلمان منسدح وزفرت بـ غضب ونطقت : سلمان اطلع من الغرفه خلني البس بسرعه خلصني !!!
سلمان وهو مغمض عيونه : خلصي خلصي معليك بـ غمض عيوني ماكاني شفت شيء البارح !!
رفعت رغد حاجبه ونطقت : مصدق نفسك عبالك راح اوثق فيك؟!
جلس سلمان ويناظر رغد : طبعًا بـ تثقين !
ضحكت رغد ولفت تاخذ لبسها ورجعت لـ دورة المياه , وطلعت وشافت سلمان يـ حوس بـ اغراضها ونطقت بـ غضب : سلماننن وخر عن اغراضي شتبي فيهم ؟!
لف سلمان وجهه لـ رغد وبيده خلخال ورفعه : شوفي !
ناظرت رغد الخلخال : اي قاعده اشوف وشنو يعني
رماه سلمان لـ رغد ونطق : البسيه والله اسطوري عشان اسمع صوته اذا انحشتي !
ناظرته رغد بـ طرف عين وطلعت عبايتها وحجابها الزيتي , وسلمان رجع لـ السرير واخذ له غفوه ينتظر رغد تخلص وطولت مره ورفع جواله وشاف الساعه 3 وفز من السرير : للحين ماخلصتي !!! هياا تاخرنا ،
قامت رغد ولفت لـ سلمان : بمر بيت ابوي بـ اخذ اغراضي
ماعلق سلمان وطلع لـ غرفته وطلع شنطته وطلعوا من الفندق متوجهين لـ بيت ابو رغد .
-
« بـ الرياض بـ بيت ابو طلال »
تجهزت ارجوان وطلعت وشافت امها جالسه بـ الصاله وتناظرها بـ نظرات خوفتها مره وهي عارفه ان امها ماتثق فيها ابدًا لكن متجاهله كل شيء وتاركتهم وتدور سعادتها لانها تعبت طول الفتره الماضيه وموت طلال للان بـ قلبها وتحاول تنسى لكن ماقدرت , وفتحت الباب وشافت بوها جاي ونطق : ارجوان يابوي !
التفت ارجوان لـ ابوها بـ ابتسامه ونطقت : لبيه
ابتسم ابو طلال وتقدم لـ ارجوان ونطق : تعالي معي بـ اوصلك
ابتسمت ارجوان : ماودي اتعبك والجامعه بعيده وبروح مع ميار صاحبتي !
ابو طلال : اي تعب وانا ابوك يالله الحقيني
ماقدرت ارجوان ترد ابوها وهو يبيها تروح معه وكلمت ميار وقالت لها لا تجيها ورجعت جوالها الشنطه ولفت لـ الباب بـ تطلع لكن سمعت صوت وكلام كسر في قلبها الف قطعه وحست بـ شعور سيء جدًا , ولفت على امها وسمعت كلامها : والله ماقول الا يا حرام على ابوك الي ثقته فيك عمياء ولا يصدقني انا عارفه انك ضعتي بعد ماصرتي تطلعين مع هالبنت الي ما تتسمى ولا في وحده صاحيه ترجع الساعه 1 بالليل ؟ كل يوم اقول لـ ابوك افعالك لكن ثقته فيك هي الي شافعه لك ولا انا عارفه انك تسوين شيء استغفر الله بس ولا عاد انك بنتي ولا عادني امك ولا ابي اشوفك بعدين اذا شفتيني طلعت من غرفتي ادخلي غرفتك وانصكي , يبنت الـ**** انقلعي لا بارك الله فيك واعرفي اني مادانيك ولا قد حبيتك من ولدتي ومن جيتي على الدنيا صرتي زي الهم علي الا الله يرحم اخوك وياليته حي ويشوف تصرفاتك الا ماقول الله يصبرني على بلوه مثلك !
انصدمت ارجوان من كلام امها سالت دموعها حزن وضيق وهم مايعلم فيه الا الله وكلام امها ذبحها ولفت بدون ماتنطق بـ حرف وطلعت من البيت ونزلت وهي تسترجع كلام امها وهي ابدًا ماقد سوت شيء من الي تقوله ولا قد دخلت أماكن مشبوها وميار انظف خلق ربي , لكن اعتقادات امها الغريبه تعبت ارجوان بـ الحيل وطلعت لـ ابوها وتحاول تنسى الموضوع ولا تبين لـ ابوها شيء ومسحت دموعها عشان ابوها , وهم رايحين لـ الجامعه لـف ابو طلال لـ ارجوان ونطق بـ ابتسامه: يبوي افطرتي ؟
ناظرت ارجوان ابوها وماقدرت تتحمل وبكت مشتاقه لـ الاهتمام والحنيه الي انحرمت منها من فتره طويله , انصدم ابو طلال من بكي ارجوان ووقف السياره ولف لها ونطق بـ خوف : ارجوان يبنتي علامك ؟؟
حضنت ارجوان ابوها ومنهاره تبكي وتردد جملة : تثق فيني ؟ تثق فينيي ؟؟؟
عقد ابو طلال حاجبه من كلامها ونطق : ايههه اثق فيكك انتي بنتي وحيدتي شلون ما اثق فيك ؟ انا اثق فيك ومستحيل بـ يوم اشك فيك شيء مو زين حطيه بـ راسك اني اثق فيك يابوي انتي ومستحيل تنهدم ثقتي فيك
ارجوان بـ بكى : ليه امي ماتثق فيني ليه تقول لي كلام يعورني بـ قلبي انا وش سويت لها ليه ماتحبني ليه تكرهني ليش تـ...
قاطعها ابو طلال ويمسح على راسها : الا تحبك يارجوان كيف ماتحبك وانتي بنتها الوحيده ؟ ومافي شخص بـ الدنيا يحبك كثر امك
هزت ارجوان راسها بـ نفي وبـ تكرار : ماتحبني ماتحبني !!! تكرهني وتقول اني بلوه عليها واني زي الهم على قلبها !!
انصدم ابو طلال من كلام ارجوان ونطق : اذا هي ماتحبك انا احبك ! انتي بنتي انا مو لازم كل العالم يحبونك يكفي اني احبك يبنتي حتا لو يجوني كل من على هالارض ويقولون بنتك فعلت انا بـ اكذبهم وبجيك انتي !! انتي حاولي انك ماتعصينها اهم شيء رضى الوالدين يارجوان انتبهي تعصينها ! واعرفي ان ربك اولًا ثم والديك ثم صلاتك !! انتبهيي انتبهي تعصين ربك و والديك وصلاتك لا تتكرينها الصلاه هي العلاقه الوحيده الي بين العبد وربه وهي سبب بـ توفق العبد والله لو بـ قلبك كل هموم الدنيا تروح اذا صليتي ودعيتي لـ ربك وتكلمتي لله افرشي سجادتك وتكلمي كل الي بـ قلبك لاتدورين الناس وانا ابوك لاتدورينه اعرفي انهم مستحيل يتحملون انك كل يوم تفضفضين لهم وبياخذون ضيقتك وهمومه عيره لك وبيعيرونك وبيذكرونك فيها وبكل مره بيطقطقون على الي تمرين فيه ! مالك الا ربك يارجوان سويتي خطا توبي ان الله يحب التوابين ..
هدت ارجوان من كلام ابوها وحضنته بـ قوه , وابتعدت عنه وتناظر الطريق وكمل يسوق ومانطقت بـ حرف ويتردد كلام ابوها بـ راسها واقتنعت ان كل كلامه صحيح وبدون شك ان اهم شيء بـ الحياه علاقتك بـ ربك ووالدينك , واابو طلال يـ نتظر ارجوان تتكلم لكن وصلوا الجامعه وهي للان مانطقت بـ حرف والتفت لها ونطق بـ ابتسامه : استودعتك الله
لفت ارجوان لـ ابوها ونطقت : انتبه لـ نفسك !
ضحك ابو طلال ونطق : ابشري تامرين بـ شيء ثاني ؟
ارجوان : سلامتك
ابتسم ابو طلال وقفلت ارجوان باب السياره ودخلت الجامعه وماحرك ابوها الا يوم دخلت ارجوان وراحح .
-
« بـ بيت سعود »
قامت ليالي على الساعه 3 العصر ,قامت وتوجهت لـ دورة المياه وتوضت وطلعت تصلي , بدلت لـ بسها ونزلت لهم , وشافت ترف وريتال جالسين بـ الصاله وكل وحده على جوالها , ونطقت بـ صوت عالي وقوي وتغير صوت ليالي مره : اســتعدددد
فزت ريتال وطاح الجوال من يدها : بسم الله الرحمن الرحيم علامك ؟
ناظرتها ترف بـ طرف عين : تاثير زياد !
لفت ليالي بـ صدمه على ترف والتفت ريتال على ليالي وعيونها شوي وتطير ونطقت : زياد ؟؟؟؟
توجهت ليالي لـ الكنب : شدخل زياد امانه ؟
غمزت ترف لها ونطقت : شدخل ؟
ضحكت ريتال وعجبها الوضع وجلست جنب ليالي ونطقت : اخلصي انطقي ؟
عقدت ليالي حاجبها : وش اقول ؟
نزلت ريتال راسها وناظرت ليالي بـ ابتسامه , وترف تقدمت وسوت نفس ريتال وصرخت ليالي عليهم : وجع وش هالنظرات !
ريتال بـ نفس الوضعيه : اخلصي علي عيوني عورتني
وقفت ليالي وسحبوها البنات وجلست , وينتظرونها تتكلم وهي تخزهم تبينهم يفكونها لكن مافي امل , وقرصتها ريتال : والله لو ماتتكلمين ان اعلم سعود !!
شهقت ليالي وضربتها على يدها : يالخايسه تهددين بنت خالتك !
رفعت ريتال اصبعها : فضولي ثم فضولي !
زفرت ليالي ونطقت : وش تبون تعرفون ماصار شيء فقط غرقته بـ الماء.
فتحت ريتال عيونها بـ صدمه وطاحت تضحك , وترف ماقدرت تتحمل وضحكت , وليالي عابسه وجهها ونطقت : عشان كذا مابي اقول لكم شماتات ! لو ارجوان معكم كان
دخل سعود على طاري ارجوان وركض لهم وهو يتكلم : علامها ارجوان وش ارجوان !
لفت ريتال على سعود ونطقت ضاحكًه : ياتهبى انت ماتجي الا على طاري ارجوان ؟ هههههههه
ضحك سعود وجلس على الارض جنب ترف , وليالي وريتال فوق الكنب ونطق سعود : داوموا بكره والاربعاء نمشي الديره وحاتم وحور معنا ,
ليالي : حلووو وربي انك كفو
وقفت ترف ونطقت : مراح اجي معكمم
لف سعود لـ ترف : وليه ؟
ترف وهي تمشي طالعه : بقعد عند عمه نوره وانتم روحوا
سعود : نوره بتجي معنا
ترف : بدبر نفسي !
عقد سعود حاجبه ووقف ولحق ترف , وطلعت ترف لـ الدور الثاني , و بـ تدخل غرفتها لكن وقفها سعود ونطق : شفيك ؟ تعالي معنا بـ نستانس والله وبنقعد الاربعاء والخميس والجمعه والسبت نرجع
كانت ترف ماسكه دموعها ماتبكي ونطقت : مابي اروح هناك تكفى يا سعود مابي بدون عمي سلمان ماقدر !
عقد سعود حاجبه بـ اسغراب : وش دخل سلمان
ترف : سعود تكفى خلاص !
سعود : بـ رجع لك !
ترف بـ تسليك : يصير خير
نزل سعود وطلع من البيت وطلع جواله يدق على زياد ، ورد زياد ,
سعود : ارحبب يابو سلطان
زياد : الله يبقيك
سعود : علومك
كملوا يسولفون وطرا سعود مشاري : الا يا زياد وش صار على مشاري ؟
زياد : طلع حتا ماقعد 5 ساعات بالتوقيف جابوا محامي ملـ***** اقسم بالله انه بـ دقايق طلع مشاري ! وقلب السالفه عليك يقول انه هو الي متهجم عليه
سعود بـ غضب : كيففف كيف يطلع كذاااا !!! يرجال كيف. طلعوه !!!
زياد : حاولت اطلعك انت من السالفه واشوا مرت بدون مشاكل عاد انت انتبه ترا مو صاحي
سعود : خل ياكل ضـ*** ،،،، الا مو رافع ضغطي الا انهم مطلعينه وهو مخطييي !!!!
زياد : سيارتك ماجاه شيء لو الصدمه قويه كان مير ان الصدمه بـسيطه بـ الحيل ,
زفر سعود بـ غضب ونطق : انت وينك ؟
زياد : كنت عند الالبل ورحت ادور شبكه ودقيت
سعود : اوفف بـ الديره ؟ متى امداك ؟
ضحك زياد ونطق : شسوي الرياض زحمه وناس ولجه
ضحك سعود : رحت لـ ذهبه للحين ماحد اخذ مكانها ؟
ضحك زياد ووده يقول انه انخذ واخذته بنت اختك : انسرق مكان ذهبه !
فتح سعود عيونه بـ صدمه ونطق ضاحكًا : اسالك بالله واخيرًا هههههههه
ضحك زياد واخذتهم السوالف .
-
« بـ مطار الرياض »
اخذ سلمان شناطهم وطلع هو ورغد مايدري وين يروح ودق على اوبر وطلعوا من المطار وقف سلمان ويناظر السيارات والمباني ونطق : وحشتيني يـا الرياض
تكتفت رغد وتناظر سلمان , وكان مبتسم ونطق : شنو سر هـ الابتسامه ؟
التفت سلمان لها ونطق : كيف مابتسم وافرح وانا بـ دياري ؟
ماتنكر رغد انها تحب الرياض ونطق سلمان : هيا تعالي
ركب سلمان وركبت رغد معه و متوجهين لـ الفندق , حطت رغد كفها على فكها وتناظر الرياض واخذها التفكير وللان من عارفه وش بيصير وفين بـ ياخذها سلمان ووش بتقابل بـ ايامها الجايه وقاطع تفكيرها من فتح سلمان بابها : رغد ! هيا نزلت ونزلت الشناط وانتي للحين هنا ؟
تنهدت رغد ونزلت من السياره وسحبت شنطتها واخذ سلمان كرت الغرفه , وشافت المرت واحد ونطق : غرفه وحده ؟؟
التفت سلمان لها : ليه كم اخذ ؟
زفرت رغد ومشت خلف سلمان , ووصل الغرفه ودخل الكرت , ودخلوا الغرفه , وفتح سلمان شنطته على طول وطلع اغراضه وثوبه ودخل دورة المياه , ورغد كانت ميته تعب ولا وتبي تنام وبلدت لبسها واستلقت على السرير وتبي تنام , لكن سلمان طش راسها مشغل الاستشوار وينشف شعره وريحت العطورات ذبحتها , ولفت عليه بـ غضب : عورت راسي شنو فيك ليش هل فوضه هذي كلها الي يشوفك اليوم يقول عندك اعراس ؟!
ضحك سلمان وطلع ساعته ولبسها , ولف على رغد ونطق : لي فوق الشهر مدري شهرين ماشفت بناتي ! بروح لهم
عقدت رغد حاجبها بـ صدمه : شنو شنو ؟ عندك بنات شلون؟؟؟
ابتسم سلمان وتجاهل سؤالها ونطق : شفتي الشنطه الصغيره ؟ فيها
رغد : سلمان رد على سؤالي !!
لف سلمان يدور الشنطه : دقيقه بس خل القاء الشنطه كلها هدايا لـ بناتي وعيالي وامهم
فزت رغد ووقفت قدام وجهه سلمان ونطق : سلمان لا ترد علي بسؤال ؟ رد على سوالي !!!
سلمان بـ نذاله : ايه متزوج وعندي 4 بنات و 3 عيال واعشق امهم احبها بـ شكل وهي بعد تحبني مره عاد وعدتها بـ هدايا
رفعت رغد حاجبها ونطقت : ما شاء الله حشى محركات شغال كل وقت
ضحك سلمان بـ خفه وصد عنها بـ يطلع الشنطه , ورفعها على السرير وفتحها , طلع عقد فخم وفتحه , و وراه رغد : هذي لـ حبيبتي !
تنهدت رغد ونطق : الحريقه ان شاء الله تلبسها و بشبه وتنقطع رقبتها
لف سلمان عليها بـ صدمه وضربها على كتفها : اعوذ بالله !
ضحكت رغد ونطقت : اوك خلصني خلصني روح حق مرتك ولا تيي اليوم خل ارتاح من ويهك
وراجعت لـ سريرها وغمزت له : لاتنسى جيب اخو 8 لـ عيالك
ضحك سلمان : بس ابشري هههههههه
جلست رغد على السرير وتناظر سلمان , ويطلع الهدايا ويقول لـ من : هذي لـ ترف وذي بعد لـ ترف وجبت عطر لها بعد , وهذي لـ ليالي وريتال وذا لـ حور ولـ البيبي الي انا متاكد انه جاي دام ابوه حاتم , وذا لـ سعود سعود لو ما اجيب له ذبحني وذا لـ جابر ومجيد وراشد وذي لـ ووجدان وغنى وفي ورع ماعرف اسمه ناسيه لكن جبت له بعد
رغد بـ اندهاش : مالومك تنسى ! دقيقه هم كانوا اربعه وثلاثه شنو صار منو ذول كلهم ؟
ضحك سلمان ونزل الاغراض وتقدم لـ رغد , وجلس جنبها , ولفت عليها وابتعدت لان حرفيًا سلمان لصق فيها , وشافها ابتعدت وسحبها لـ حضنه , انصدمت رغد من جراءة سلمان وحاولت تبعد يده ونطق : حشي ايدك تقول ملاس مو ايد
ضحك سلمان ونطق : انتي مصدقه اني متزوج ؟
لفت رغد وجهها لـ سلمان وعقدت حاجبها بـ استغراب : منو هذول كلهم من زوجتك الي تحبها ؟!
سلمان ونظره على ثغرها : ماعندي الا زوجه وحده وهي رغد
رفعت رغد حاجبها : عيل جذي انا بصدقك !هههههههه
رفع سلمان نظره لـ عيونها ونطق : وليه ماتصدقين ؟
غمضت رغد عيونها ولفت بـ تقوم لكن مثبتها سلمان ولا تقدر تتحرك وزفرت بـ غضب : سلمان انت تجذب علي امبلا متزوج وعندك كل هل يهال
ضحك سلمان : والله ماعندي يهال وانا مو متزوج ولا قد فكرت بـ الزواج ولا ابيه
رغد : صاج شيل ايدك وبصدقك
سلمان : قومي اجهزي بـ تروحين معي
عقدت رغد حاجبها: وبن بنروح ؟
ابتعد سلمان ووقف و توجه لـ اغراضه يرتبها ونطق : بيت سعود اخوي وبنات خواتي موجودات وبنات اخوي بس لكن اهلي كلهم بـ الديره وبنمشي بعد يومين ان شاء الله
رجعت رغد راسها بـ تعب ونطقت : امانه تكفى والله تعبانه وايد ماقدر وماعرفهم
سلمان : بـ تحبينهم انا متاكد وخصوصًا ترف وليالي
وقفت رغد ونطقت : اعيل انطر لازم اتكشخ !
سلمان : مطوله ؟
رغد : اي عيل تبيني اروح لهم وانا مبهذله ؟!
زفر سلمان وجلس يرتب شكله ويتاكد من الاغراض ورغد بدت تتجهز طلعت عبايتها الكحليه مزينه بـ الكرستال , وجهزت شعرها واستعملت الفير وطلعت كعبها وسلمان عاقد حاجبه يناظرها ومنصدم : ياساتر رغد هذا واحنا رايحين بنات خواتي بس كيف اهلي وجماعتي ؟
ضحكت رغد واخذت شنطتها ولفت على سلمان : خلصت يالله لا تتحلطم كانك عجوز
سلمان : الحمد لله يالله تعالي خل ناخذ بس الي موجودين بـ بيت سعود
اخذت رغد بيدها اكياس وسلمان نفس الشيء وطلعوا من الفندق متوجهين لـ بيت سعود , وسلمان للان ماقال لـ احد عن زواجه ومايدري كيف يصارحهم .
-
« بـ بيت سعود »
قال سلمان لـ البنات انه بـ الرياض و حرفيًا كلهم فرحانين بـ جيته وهم من زمان ماشافوا سلمان وسعود طلع يجيب اشياء طلبوها البنات , وطلعوا البنات وتجهزوا بشكل بسيط جدًا ودق الجرس وراحت ريتال تفتح الباب , ودخلت حور ويجهزون وهم بـ كامل سعادتهم , وعلى وصول سعود وصل سلمان , ووقف سلمان سيارته وضحك من شاف سعود وقف ونزل بـ سرعه متوجه له , ونزل من السياره وحضنه سعود بـ قوه ويرحب فيه وكان لهم سنين ماشافوا بعض ورغد تناظرهم وتشوف كيف سلمان تغير من جو السعوديه وهو بـ كل مره تشوفه يكون واضح على وجهه التعب والضيق لكن الان صارت ماتعرفه ,و تنتظر سلمان يرجع لها لكن سحب عليها ودخل مع سعود , واخذت جوالها واتصلت على سلمان اكثر من مره ,
« بـ المجلس »
لف حاتم على سلمان وضحك : جوالك شوي وينفجر رد !!
اخذ سلمان الجوال وكان مصمته وشاف اسمها وفز من مكانه وطلع من المجلس , وراح لـ السياره وفتح الباب , وضحك من شاف ملامح الغضب على وجهها وسحب يدها : والله اني اسف نسيتك ونزلت مع اخوي هههههههه
رغد بـ غضب : نسيتني ؟! وين اوديها هذي اذا جذي من اولها شلون بعدين
ركب سلمان السياره ويحاول يـ عتذر من رغد وطلع سعود من المجلس وشاف شباك سلمان منرخي وواضح الي داخله , فتح عيونه بـ صدمه وهو تو ينتبه , ومايدري مين مع سلمان , ولف سلمان وجهه لـ بيت سعود وتلاشت ابتسامته من شاف سعود , وبلع ريقه بـ توتر و...
__________________