بيت نياف |الساعه 12:37
الجوهره دخلت غرفة نياف : نيافوهه ولد قم يالله
نياف كان نايم وتكلم بثقل : هاا
الجوهره: نياف تكفى قوم البلد كلها مطر هيا نياف
نياف رفع حاجبه : اما الديره أمطرت ؟ متى
الجوهره: وانت خامد يخي قم جدتي مزنة طلعت روحي قم يالله
نياف وقف : يليل وربي انك نشبه
الجوهره ضحكت : يالله ابيك توديني لبيت ناصر عشان البنات
نياف :بنات ناصر؟ من ناصر ؟
الجوهره: جد خويك يالفاغر
نياف : اطلعي اطلعي معاد خليتي فيني عقل
الجوهره طلعت تكلمت بصوت عالي : يالله ترا زهبت الغداء
نياف : زين بصلي واجي .
-
بيت الجد ناصر
وقفت سيارة طلال كان معه ليالي وحور ، تكلم طلال : ليالي
ليالي بصوت خفيف : نعم
طلال كان يبي يتكلم معها باي طريقه : خالك سلمان الحمدلله صحى من الغيبوبة والاهل كلهم راحو له
ليالي : الحمدلله ...... عشان كذا انت جيت ؟
طلال : يعني تقريباً
ليالي : الله يعطيك العافيه ماتقصر
طلال كان يحاول مايلف ويفضح نفسه : الله يعافيك والحمدلله على السلامه وانتبهي للجرح وكل يومين تروحين المستشفى يتغير واذا تبين اودي
ليالي قاطعته : الله يسلمك ومره ثانيه ماقصرت معنا "
ونزلت هي وحور وعند باب البيت حور ضحكت : يبنت شفييه طاير ذا
ليالي بتكشير : ويع كريه
حور : وربي ان بعدين تقولين يحلوه
ليالي لف بصدمه عليها : مستحيل
حور : عانيني قلت
ليالي : يصير خير ... حور
حور : لبيه
ليالي : لباك يقلبي اسمعي لاتقولين لاحد
حور : عن ايش كلامي ولا طلال ؟
ليالي : عن سالفة الانتحار
حور : اذا انا ماتكلمت طلالوه بيعلم سعود
ليالي : افف
حور : ادخلي ادخلي .
دخلو البنات عند ام حور وام سلطان بما ان البيت فضي وبقي بس ذول .
-
المستشفى في جده |الساعه 2:24
دخلو المستشفى
جابر كلم الاستقبال: لو سمحت كم رقم غرفة سلمان بن ناصر
الموضف : ممنوع الزيارة الحين
الجد ناصر: شلون ممنوع ولدي تو قام من الغيبوبة لازم نقابله لنا اربع شهور ماشفناه
الموضف : اعتذر يعم لكن تعالو الساعه 4 ومعكم لين 7 وتقفل
جابر لف على اهله : يليل وين نروح الحين
ابو جابر : بيتي
جابر صد : يجد شرايك نستاجر شقه ؟
ابو جابر لف على سند وهمس : ذا ماياخذ مني كلمه اقنعه خل تجون بيتي ولا كلم ابوي
سند راح عند الجد ناصر: يجد
الجد ناصر: وش ؟
سند : يجد شرايك نروح بيت عمي نواف ؟
الجد ناصر لف على نواف : كنت ساكن هنا ؟
سند : يجد خلاص السالفه لها اربع شهور تكفون انسو بعدين هو ولدكم
الجد ناصر: مالك دخل فاهم
سند : يجد خل نطلع قبل ننطرد
الجد ناصر ناظر جابر : طلعنا وبنروح بيت نواف
جابر مثل بانه تذكر ان في صاحب له هنا وبيقابله : ايهه خويي قال اذا وصلت جده كلمني امرك دامي هنا بقابله
الجد ناصر باستغراب : الحين هالحزه ؟
جابر : معليه يجد انتم روحو وارسلولي الوكيشن واذا خلصت جيتكم
ابو حور : انتبه لنفسك
راشد : جابر عادي اجي معك ؟
جابر حط يده فوق كتف راشد : ايه عادي
الجده فاطمه: استودعتك الله يعيالي
وطلعو من المستشفى متوجين لبيت نواف >
جابر ضحك : صدقت ؟
مجيد طاح يضحك
راشد باستغراب: وش اصدق ؟
جابر : ماعندي لا خوي ولا شي بس مابي اروح بيته
راشد ضحك : حركات هيا خذلك وين بنروح الحين ؟
جابر غمز : معليك اضبطكك
مجيد : وربي جويي خل نروح البحر شرايك ؟
جابر : موب صاحي البحر هالحزه ؟
مجيد : عاديي يرجال
طلع جابر جواله ودق على ، سعود : الو
جابر : سعود تقدر تهربنا ؟
سعود ضحك : وصلتو ؟
جابر : انا وراشد ومجيد تحت والباقين راحو تكفى تعال طلعنا فوق
سعود : طيب في مكان بدخلكم معه
جابر : خبرهه اربع شهور مسنتر بالمستشفى
سعود : حقيقي
ودخلو راشد وجابر ومجيد لغرفة سلمان .
-
بالديره بيت الجد ناصر ،
دخلت حور غرفة ليالي : بنات تخيلو الجوهره كنسلت معاد بتجي وارجوان بعد تقول طلال بيطلعها ف ماتقدر تجي
ترف : اف سند ومجيد بجده وبابا وعماني كلهم يخي خير ؟
ليالي : افضل لان مالي خلق احد
حور تربعت على السرير وفتحت الايباد حقها : بندق على ريتال
ترف تحمست وبدت تصفق : وايي مره واحشتني الزفتت
ليالي : مراح ترد لانها بالشركه
ترف تلاشت ابتسامتها : امانه
حور وقفت : اساسا قعدتنا هنا مو زينه
ليالي : ليه ؟ عادي اقعدو تكفين انا ماحب اقعد لحالي
ترف وقفت : صح لازم ترتاحين
حور : يالله خلنا بنروح نرتاح واليل نقوم نرتب البيت لان عمي ممكن يطلع الاسبوع ذا
ليالي : براحتكم
ترف باست خد ليالي : لاتزعيلنن احنا نبي راحتك
ليالي غمضت عيونه وتكلمت بغصه : تمام خلصتو خلاص اطلعو
ترف استنكرت طريقة كلامها وطلعت هي وحور وكل وحده خلصت شغلها .
-
أنت تقرأ
في شوفتك سالت دموع العين من فرحها
Losoweاول رواية لي || الكاتبه ندى حسابي بـ الانستا ~ j.xiiix ~
