وقف وحضن عقاب واغلبهم فقدو الامل بانهم يلقون زياد ولله الحمد لقوه ،
عقاب وده يتاكد اكثر : بدخل
الدكتور : ممنوع ماتقدر تدخل
ضاري : اقول افتح الباب وخل اليوم يعدي على خير
الدكتور : على الاقل لازم تلبسون لبس خاص ومعقم
دخلو عقاب وضاري على زياد وتاكدو من شافو الحرق زين ، لاكن بقي يمسكون الشخص الذي تسبب بدخول زياد للعنايه طلعو وسالو عن صحة زياد وفهمو انه متعرض لتعذيب ودخلوه للعنايه بسبب التنفس ممكن ينقطع باي وقت ،
ضاري مسك راسه وباستغراب: مين الي بيسوي بزياد كذا ؟؟؟
طلال : لا حول ولا قوة الا بالله
كان عقاب بيتكلم لاكن قاطعهم اصوات العسكريين وتوجهو يركضون لصوت وكان الصوت من غرفة الرجُل الذي مسكة طلال وصلو ولقوه مخنوق انصدم الكل ماصدقو يلقون احد يساعدهم بمسك ساجي الا يموت
طلال صرخ : اغبياء انتممم !!! وينكم عنه !
العسكري نزل راسه ونطق : كنا هنا دخلت ممرضه تشوف حالته ولقته ميت
عقاب : شلون مات ؟
العسكري : منخنق
تذكر العسكري الشخص الي دخل عليه وكان اخر شخص وشك فيه : دخل شخص كان لابس لبس دكتور ومغطي وجه بكمامه ولا مانشوف منه شي كنا متوقعين انه دكتور الرجال
ضاري فتح عيونه بقوه: شلون تخلونه يدخل ! مو قلنا لاحد يدخل عليها !!!!
العسكري : نعتذر طال عمرك
عقاب ضحك : كل ماقلنا زانت انعطبت زياده
طلال لف على العسكري وبغضب مسكه من ياقته : انتم من وضفكم ؟ الله ياخذ من دربتكم يمنكم رفعتو ضغطي
عقاب بعد طلال عن العسكري ونطق : عين من الله خير اهدا الحين لازم نشدد الحمايه على زياد
ضاري : اهله علمتوه ؟
طلال : يوههه ماعلمتهم
عقاب : روح علمهم وخذ سعود معك
طلال هز راسه بالايجاب وطلع .
-
بمكان بعيد عن المنطقه اتصل فايز على ساجي ونطق بنبره الشجي : تكفى يساجي والله لرجع الفلوس لك لاكن لاتسوي شي لعيالي لاتجيهم انا تعالي انا لاتجي بناتي
ساجي : عطيتك يومين وبتخلص تطلع صالح و تجيب لي الثلاثه مليون
فايز : والله مامعي لو معي كان جبتها تبيني اسرق
ساجي : مثل مانت سرقتني اسرق اهم شي فلوسي تجيني
فايز حس انه ضعيف حس بالذل والاهانه : اذا ماجبتها لك
ساجي ضحك : انت تعرف وش اسوي
قفل فايز من ساجي و حط اصابعه على جبينه توتر وهو عارف ان ساجي ماعنده الا القتل والتعذيب كره الساعه الي دلوه على ساجي عشان ياخذ منه دين كانت اكبر غلطه بحياته تمنى انه كلم اهله
يساعدونه بفشله بالمشروع ويقفلون الدين لاكن توجه للغريب قبل
القريب ، سالت دموع فايز من الحزن و العجز الي هو يمر فيه مايقدر يكلم اخوانه ويقول انا صرت شريك لساجي انا طمعت بالفلوس ودخلت معهم وصنعت ماحرمه الله "جلس على الارض بتعب و بكي بانهيار ماتوقع يوم من الايام يضعف كذا .
-
عند باب بيت الجد ناصر
دق طلال على سعود وقاله يجي ضروري
طلع سعود من الباب ودخل راسه مع شباك السياره : شعندك جاي اخيرًا شفت وجهك !
طلال ضحك : يرجال اربعه وعشرين ساعه مسنتر عندك الا يالله اركب بنروح لبيت زياد
سعود استغرب: زياد ؟ ليه
طلال زفر بضيق: زياد تعرض لتعذيب وصار عنده ضيق بالتنفس وتدخلوه العنايه وبروح اعلم اهله
سعود بعبوس : لا اله الا الله اصبر خل ناخذ ليالي
طلال عادت فيه الذاكره لكل الاحداث الي صارت بينهم وهي تنعد بالاصابع ابتسم بخفه : ليه ؟
سعود : خل تدخل عند اخت سعود ويمكن عبدالرحمن يرُوح لزياد الا اخته عندها احد
طلال : تمام
دخل سعود ينادي ليالي لبست ليالي عباتها ماكانت متوقعه ان طلال الي بياخذهم تعوذت من الشيطان وركبت السياره القت السلام ورد طلال السلام وكانو طول الطريق ساكتين سعود يحاول يتكلم لاكن مايجيه رد منهم فقرر الصمت ،
وصلو بيت زياد نزل طلال وسعود للمجلس وليالي دخلت البيت عند
الخاله نوف كشفت ليالي نقابها و اول ماشافتها فرح صرخت وركضت تحضنها
ضحكت ليالي وبادرتها الحضن وابتّعدت ليالي عن فرح و بابتسامه: اخبارك يحلوه ؟
فرح : مره فرحانه لانك جيتي
مسكت فرح يد ليالي وودتها للخاله نوف
فرح اشرت على ليالي : هذي ام احمر ليالي
ليالي أستغربت كلمة ام احمر
ضحكت الخاله نوف بفشله وسلمت على ليالي وقلطتها ،
-
بمجلس زياد قلطهم عبدالرحمن وقهواهم ويسولف معهم
سعود بابتسامه: عبدالرحمن انت عارف ان اي شي يصير هذا ربي كاتبه وانت مؤمن بالله صح ؟ ولا تقدر تعارض عليه ؟
عبدالرحمن قطب حواجبه على سواله : ايه الحمدلله وش الطاري ؟
سعود : زياد دخل المستشفى اليوم وحالته تتحسن لاتخاف
وقف عبدالرحمن بصدمه ننطق : كيف متى ؟ ليه تو ندري ؟؟
زياد شصار فيه ؟
طلال : اصابه من العمل ومعليك عدت على خير
عبدالرحمن: ياطلال قول السالفه زين ! شلون متى صار ذا !!
سعود مسك عبدالرحمن يجلسه : يولد اخوك بخير حالته تتحسن وفقط دخل العنايه عشان عنده ضيق بالتنفس
عبدالرحمن : طلبتك يسعود ابي اروح له وينه فيه ؟
طلال : احنا نوديك اذا تبي
عبدالرحمن: لا معليه عندي سيارتي بروح بس وينه ؟
سعود وقف : احنا رايحين رايحين تعال معنا
عبدالرحمن تذكر خالته وانها طبعاً بتروح معهم : انا يمكن خالتي تجي معي ؟
سعود :معليه بنت اختي جت معنا عشان اختك اذا بتروح تقعد عندها
عبدالرحمن: بروح اكلمها
سعود : خذ راحتك
-
ناداها عبدالرحمن وهي قد عرفت بالسالفه وقالتلها ليالي توجهت لعبدالرحمن وبنبره الدافئ : عبدالرحمن
عبدالرحمن حضنها بقوه ونطق : يخاله زياد
الخاله نوف: اعرف يبوي اعرف
عبدالرحمن: يخاله تو يقولون لنا ! وهو من الصبح بالمستشفى
خاله نوف ابتعدت عن عبدالرحمن: ممكن افضل لنا وانت بتروح له ؟
عبدالرحمن: ايه وانتي معي يالله البسي عبايتك
خاله نوف قطبة حاجبها: وفرح ؟
عبدالرحمن: بنت اخت سعود هنا صح ؟
خاله نوف: ماعرف سعود لاكن فيه بنت هنا
عبدالرحمن: ها بتقعد عند فرح جت عشانها اصلاً يقولون كذا
خاله نوف: يولدي عيب اروح واتركها لحالها
عبدالرحمن: عادي مراح تقول شي هي جايه وهي عارفه انك بتروحين
خاله نوف تنهدت بقل حيل: طيب بلبس عبايتي واجيك ،
طلعو سعود وطلال ومعهم عبدالرحمن وخاله نوف وبقي بالبيت ليالي وفرح .
-
ببيت ابو حاتم
دخل حاتم غرفة لينا وجلس على سريرها وكانت هي تجهز لبسها حق العيد ، معطيته ظهرها وهو طول ساكت لفت عليه ونطقت : من اليوم انتظرك تتكلم شعندك ؟
حاتم توتر : شسمه .... عادي اطلب منك طلب ؟
لينا : اطلب
حاتم ضحك بخفه : ابيك تعطين حور هديه لان العادات الزفت ذي ماقدر اعطيها
فتحت لينا عيونها بصدمه : نعم ؟ شلون
حاتم استند على الجدار : العلم سلامتك ابيك تعطينها هدية طلبتها ووصلت اليوم ، "وابتسم " شفتها تطير الطير من السماء واكتشفت اني خفيف
لينا ضحكت بصدمه من اخوها : حاتم حرارتك مرتفعه ؟ شلون شفتها عندنا ممنوع ؟
حاتم : بالمستشفى
لينا حطت الاغراض الي بيدها وجلست قدام حاتم : اوله يحاتم صاير شي قول قول ؟
حاتم : يليل يالفضوليه وش دخلك ؟
لينا رفعت يدها : اذا ماقلت لي مراح اعطيها الهديه
حاتم قطب حواجبه: مصلحه يعني ؟
لينا : افهمها على كيفك
حاتم اخذ نفس وتذكر ملامحها : شقول ووش اخلي مسكتها بالمستشفى " وضحك " تهاوشت مع دكتورها عندنا
لينا : اوله تهاوشت مع دكتوره ؟
حاتم قالها السالفه من اختفت لين طلعو من غرفة الطوارئ
لينا انصدمت : كل ذا صار ؟ تكذب صح ؟
حاتم ضحك : لا والله جد
لينا : الله يعيناا تجمعو اقوى غيورين بالحياه
حاتم رفع حاجبه وضحك : شتقصدين ؟
لينا : سلامتك ، انت وش جبت لها ؟
حاتم طلع الساعه من مخباه ووراها لينا
لينا انغرمت بالساعه : واووو حاتم ماشاءالله تجنننن يربي انغرمت بالساعه وفخمههه
حاتم بغرور : طبعًا هاذي لحرم الدكتور حاتم لازم تكون فخمه
لينا : اوله يالغرور ، وين التغليف حقها ؟
ضحك حاتم : خلي عنك الغرور متى تعطينها ،بعيدن جاء معه كيس بس بغرفتي
لينا طرت ببالها فكره : شرايك نحطها بباقه ونوديها لها
حاتم : والله فكره حلوه
لينا : نوديها الحين ؟
حاتم : عندك رقمها ؟
لينا غمزة
حاتم : شبلاك تغمزين ؟
لينا ضحكت : تبيه ؟
حاتم : بنت لو يدرون عني والله ان يذبحوني
لينا ضربته : غبيي مفروض تحارب بالحب هذا وش ذا يكثر خوفك
حاتم ضربها بخفه : لاتضربيني انا اكبر منك !! بعدين ابي روحي ابي اقضي باقي عمري معها مو الحين وبعدين يذبحوني ؟ بعدين الزواج خلاص معاد بقي عليه شي
لينا وقفت وتوجهت تطلع عبايتها وحركة يدها : يالله مشينا
حاتم : وين ؟
لينا عصبت من فهاوة حاتم : يولد الاوادم صبري انتهى انت لمتى غبي كذا شلون صرت دكتور انت ؟
حاتم ضحك : امشي امشي
لينا نطقت وهم طالعين : بنشتري لها كوفي بعد
-
ببيت زياد
تحديدًا غرفة فرح بدت فرح توري ليالي اغراضها
فرح حطت يدها ورا ظهرها : غمضي عيونك
ليالي حطت يدينها على عيونها ووسعتها عشان تشوف
فرح ضحكت : شفتكي غطي عيونكي بوريك شيي
ليالي ضحكت: كذا زين ؟
فرح حطت الاسواره قدام ليالي : افتحي
ليالي فتحت عيونها وشافت الاسواره : واووو تجننن
فرح : لكي
ليالي ضحكت: يقلبي شكراً
فرح حضنتها : العفو وخليها معكي دايم
ابتعدت فرح و ليالي مدت يدها : لبسيني هي
كان الاسواره توري بورش خيط ، فرح بابتسامه: تجننن عليكي
ليالي : من وين لك ذي ؟
فرح : زياد جابها لي راح الرياض وطول مره وجابها هديه يقول عشان تاخرت عليك "وضحكت " لاني كنت ادق عليه اتهاوش معه لانه تاخر ذاك الوقت وحشني مره مااتخيل حياتي بدونه مثل الطفل مايقدر يعيش بدون امه وابوه انا ماقدر اعيش بدون زياد
ليالي بابتسامه حزينه تذكرت امها وقد ايش اشتاقت لها مسحت دموعها بسرعه عشان ماتنتبه فرح ونطقت : شرايك نلعب نسوي اكل وش تبين ؟
فرح : بكره عيد الاضحى
ليالي : ايوه
فرح بابتسامه : بتروش وابيك تسوين شعري تكفينن
ليالي ضحكت: تمام روحي تروشي والبسي وتعالي استشور شعرك
فرح نقزت بفرح وحضنتها بسرعه و ابتعدت وراحت تتروش .
-
بالمستشفى
توجهو لقسم العنايه المركزه وصلو لغرفة زياد ومالقو احد لفّ عبدالرحمن باستغراب: زياد وينه ؟ متاكدين هنا
طلال : يرجال يم جيتك توني طالع من عنده
سعود : انا ماجيته مادريت الا تو اصلاً
شاف عبدالرحمن الممرضه وتوجه لها : لوسمحتي زياد بن سلطان وينه ؟
الممرضه : توفى قبل ساعه
عبدالرحمن فتح عيونه بصدمه : ايش ؟؟؟؟؟؟
طلال : متاكدهه ؟؟؟؟
الممرضه اذا تبون تتاكدون روحو لثلاجة الموتى ، "وراحت "
عبدالرحمن نزلت دموعه : لا لا سعود تكفى اخوي يسعود تكفى قولو مقلب وزياد حي تكفون اخوي مابه شي
سعود حضنه بقوه : عبدالرحمن قول لا اله الا الله
الخاله نوف طلعت من القسم وكانت تبكي ،
عبدالرحمن ببكى : سعود اخوي يسعود انا مااقدر بدونه اختي فرح شلون يموت ؟
طلال مسكه ونطق : عبدالرحمن اسمعنيي اسمعنيي
عبدالرحمن حط عينه بعين طلال ودموعه كانت تنزل
طلال ماقدر يتكلم ماعرف وش يواسيه فيه وحضنه
جلس عبدالرحمن وكان يبكي ويون زياد كان اقرب شخص له
بعد نص ساعة تقريبًا وقف عبدالرحمن وتلثم بشماغه وراح لثلاجة الموتى ومعه سعود طلال ماقدر يدخل ،
العامل فتح الثلاجه : هذا زياد سلطان
شهق عبدالرحمن من شاف الرجال هذا مو اخوه هذا شايب مايعرفه ولا قد شافه جته ضحكه مع فرحه حضن سعود وسالت دموع عبدالرحمن فرح : يسعود مو زياد مو زياد
سعود بفرحه : لا اله الا الله
عبدالرحمن إبتعد وناظر بالشخص الي : الله يرحمك ويصبر اهلك
وطلعو سعود وعبدالرحمن
لف عليهم طلال واستغرب من شاف عبدالرحمن مبتسم شك ان الولد انجن اخوه توفى وهو يبتسم لف على سعود وهمس : انجن ؟
سعود ضحك : زياد مامات
طلال بإبتسامه: ها ؟ وذا
عبدالرحمن : هذا شخص يشبهه اسم زياد شايب واقسم بالله اني بغيت اموت
طلال :انتم صادقين ؟ هههههههه
سعود : امشو خل ندور على زياد
دلوهم على غرفتة وان حالته تحسنت وبقوه وطلعوه من العنايه
دخل عبدالرحمن على زياد وحضنه بقوه : الله ياخذ بليسك خرشتنا قالو انك مت
زياد قطب حواجبه: انت وش تقول ؟
جلس عبدالرحمن على سرير زياد : رحنا للعنايه والغرفة الي انت فيها مابها احد وسالنا عن اسمك قالو توفى ويم دخلنا الثلاجه طلع واحد ثاني كبير بالعمر الله يرحمه
زياد : الله يرحمه
سلمو طلال وسعود على زياد
طلال : الحمدلله على السلامه
سعود : ماتشوف شر يابو سلطان ماجور
زياد : الله يسلمكم ،
عبدالرحمن لف يدور خالته ووقف : خالتي وينها ؟
زياد استغرب: وش ؟
عبدالرحمن طلع يركض يدورها
زياد لف على العيال : شفيه ؟
سعود : خالتك جت معنا وانخبصنا بسالفة الي مات
زياد كان بيقوم وقفه سعود : هي هي على وين ؟
زياد : بدور خالتي
سعود : اجلس اجلس وينك رايح ؟ انت يالله بنفسك اقعد
زياد ضحك : خالتي بدورها
سعود : يولد ارتاح معليك عبدالرحمن الحين يلقها انت ارتاح .
-
ببيت الجد ناصر
وصلو لينا وحاتم لبيت حور
حاتم : دقي عليها
طلعت لينا جوالها ودقت عليها
همس حاتم : فكي سبكر
لينا ضحكت بخفه وفتحت السبكر
كانت حور جالسه مع عمتها وريتال رفعت جوالها ورت ريتال الاسم
ريتال ضحكت وهمست : ممكن حبيب القلب يبي يعايدك
حور : لا وين مستحيل
ريتال وقفت : تعالي
قامت حور وراحت هي وريتال للمجلس وفتحت حور الخط : الو
لينا : هلا والله بزوجة اخوي
حور : هلابك يقلبي
لينا ناظرة بحاتم : حوري يعيوني اطلعي عند الباب بعطيك حاجه
حور : نعم ؟
لينا : حوري هيا انا نزلت تعالي بسرعه بعطيك الاشياء واروح قبل يشوفني احد سريع
قفلت لينا ولفت حور باستغراب على ريتال : بنت ذي تقول بعطيك اشياء
ريتال ضحكت : في شي متاكده
حور ضحكت: امحق هيا بلبس عبايتي واطلع لها
ريتال كانت جالسه على الكنب ورفعت يدها : يارب ارزقنا
حور سمعتها وضحكت ،
لينا : حاتم ذي شلون اشيلها
حاتم : لينا ترا باقت وكوب كوفي بس !
لينا ضحكت : يارب زوجهم وفكني
حاتم رفع حاجبه: وش سويتي ؟ الي يشوفك يقول كل يوم تودين هدايا
لينا ضحكت وقفلت الباب حق السياره وعلى جيتها انفتح الباب
دخلت لينا على حور وحطت الهديه وسلمت على حور
حور ناظرة الاغراض باستغراب
لينا ضحكت: هاذي من اخوي حاتم
حور ضحكت: من مين ؟
لينا : من حاتم لبس العافيه يقلبي "وطلعت "
ناظرة حور الهديه وضحكت : مسرع هههههههه
اخذتها ودخلت لغرفتها على طول .
-
ببيت زياد
طلعت فرح من الحمام ولبست بجامتها وبدت ليالي تمشط شعرها وتسولف مع فرح طلعت الاستشوار واستشورت شعرها ، بعد ماخلصت وقفت فرح تناظر بنفسها بالمرايه لفّت على ليالي ، وباعجاب: مره مره يجنن شكراً
ليالي فرحت انه عجبها : العفو يقلبي ، تعالي خل اربطه عشان مايخرب
جلست فرح وربطت ليالي شعرها ، وتوجهت فرح لدولاب ملابسها وطلعت فستان وردي : هذا فستاني انا وزياد اخترناه
ليالي باعجاب : ماشاءالله يجنن يفروحهه مره
فرح رجعت الفستان وجلست جنب ليالي : وانتي كيف شكل فستانك
ليالي : نيلي وماسك على الجسم
فرح باستغراب : نيلي كيف شكله
طلعت ليالي جوالها وورتها
فرح : واوو ماشاءالله تجنن مره نفسكك
ليالي مسكت خدود فرح : انتي الي تجننيي والله
فرح ضحكت ،
ليالي بابتسامه: تكلمي عن حياتك كيف ووين تروحون وكيف زياد
تربعت فرح : اول شي بقولك كيف انا جيت على الدنيا
حطت ليالي يدها على فكها وتناظر بفرح
فرح : بابا مات قبل اولد مااعرف كيف لاكن يوم ولدت كان ابوي متوفي يقول زياد ان بابا وماما بالجنه واحنا بنروح لهم ان شاء الله وماما بعد ولادتي بسنه توفت انا سمعت خاله نوف قالت لحرمه ان
امي من ولدتني تعبانه وكنت مع خاله نوف وبعدها توفت وزياد اعتبره ابوي عمره 30 وللان ماتزوج اقوله زياد تزوج يقول لا بعدين مايفهم
ليالي ضحكت : ليه تبينه يتزوج ؟
فرح : ابي عندي اخوات بعدين انا طفشت كلهم عيال نادر وزياد وعبدالرحمن يكفي ابي بنت
ليالي : ممكن مايبي
فرح : لا هو ماتزوج عشاني
ليالي باستغراب: عشانك ؟
فرح : ايوه انا سمعته هو وخاله نوف كانو يتهاوشون مايتهاوشون مادري بس كان صوتهم مرتفع وتقوله تزوج هو يقول ماابي اجيب وحده وماتخاف الله باختي مافهمت وش يقول اذا تعرفين قوليلي
ليالي انصدمت من سبب انه للان مو متزوج : لا يقلبي مافهمت
فرح تاففت : اف ابي افهم وش قال !
ليالي : لكبرتي تعرفين
فرح : بس قلت لك الي اعرفه وانتي ؟
ليالي : انا بعد امي راحت عند ربي
فرح : نفس ماما ؟
ليالي بابتسامه حزينه : ايوه وان شاء الله نتقابل بالجنه وابوي مشغول ف مااقدر اشوفه وان شاء الله اشوفه كمان
فرح :طيب ليه انتي مو ببيت ابوك ؟
ليالي جتها ضيقه بس ماتقدر تسكت فرح او تتجاهل اسالتها : ربي كاتب لي اني اعيش عند خوالي
فرح حضنتها وببراءة: عادي لاتزعلين هم راحو لدنيا ثانيه زياد قال لي ان ربي غفورًا رحيم ، فهمت ان الشخص مستحيل مايغلط ماهو نازل من السماء عشان مايغلط الكل يرتكب ذنوب وربي غفور وابواب التوبه مفتوحه دايم
تُعجبة ليالي بفرح استوعبت ان العمر فقط رقم التربيه لها دور كبير وزياد تشهر فرح له بتربيته ، نطقت ليالي : صحيح ابواب التوبه دائمآ الا وقت طلوع الساعه
فرح :ايوه زياد قالي اشياء كثير وكلها للحين حافظتها واتمنى اعرف اكثر
ليالي : ان شاء الله لكبرتي عرفتي
لفت ليالي على الباب ودخلت الخاله نوف : سلام عليكم
ليالي بابتسامه : وعليكم السلام
خاله نوف : يقلبي خالك برا ينتظرك وماقصرتي تعبناك معنا
ليالي وقفت : شدعوه يخاله بالعكس استانست مع فرح ومره ثانيه ان شاء الله تجيني "وصفقت يدها بيد فرح " اتفقنا ؟
فرح ضحكت : اتفقنا
-
بييت الجد ناصر
اول مادخلت حور غرفتها شهقت من شافت ريتال منسدحه على سريرها : وجع جنيه انتي ؟
ريتال ناظرة الهديه وضحكت : حركات الشايب يجيب هدايا
حور : اقول دزيها
ريتال كانت بتطلع العلبه من الباقه وصرخت حور عليها : علامك خرشتينيي
حور : اتركي بصورها
ريتال ضحكت : بتصورينها ؟ وش بتكتبين خطيبي ولا زوجي ؟
حور ناظرتها بطرف عين : تطقطقين ؟
ريتال ضحكت : اكتشفت يحور انك متناقضه وهو متناقض و ليش اخته جابتها
حور ضحكت: مسطوله ممنوع !
ريتال : مو منجدك حتا الهدايا ممنوع وجع !
حور : ان شاء الله تتغير
ريتال جلست على سرير حور : هيا هيا صوري وخلصي بعد جايب قهوه حركات هههههههه
دخلت ترف وشافت الباقه وباستغراب : شذا ؟
ريتال ضحكت : حبيب القلب جايبها
ترف ضحكت : حاتم ؟ مستحيل اشوفف
توجهت ترف للهديه : واووو كارتير ماشاءالله فكي اشوف
ريتال : حبيبة القلب تبي تصورها
ترف ضحكت : من حقها جد ماشاءالله حاتم رجال ومدري احس علاقتكم بتكون اسطوره بس انتي ثقيله الله يعينه
حور كانت تصور وماهي مهتمه لكلامهم خلصت تصوير وجلست فكت الهديه وطلعت ساعه : بنات واووووو شوفو
ريتال : ماشاءالله تبارك الرحمن
ترف : لبس العافيه يقلبي تجنن
-
الساعه 3:40
دخلو سعود ونواف وسلمان ومجيد للبيت توجهو لغرفة ترف دق نواف الباب ودخلو فزت ترف خوف من شافتهم دخلوه كلهم مره وحده ووقفت فوق السرير ونطقت بخوف : شفيكم ؟؟؟
سلمان ضحك على ملامح وجها وكان واضح انها خافت : هدي هدي من روعك
ترف زفرت براحه : دخولكم خرشني
توجه نواف لتسريحة الترف ونطق : هيا بسوي شعرك
ترف ضحكت : صاملين ؟
سلمان توجه لها ومسك يدها : طبعًا
سعود فتح دولاب فساتينها ولف على سلمان يوريه فسان ازرق : شوف ذا حلو ؟
سلمان توجه لسعود واشر بيده : لف لف
لف سعود وحط سلمان الفستان على ظهر سعود : يوه يسعود اثرك صغير
ضحكت ترف ، مجيد بضحكه : وين صغير يعمي ماشاءالله الفستان مايجي بكتفه هههههههه
سعود ضرب مجيد : وجع عمك احترمم
نواف بصوت مرتفع : سلمان وش لون الفستان ؟
سلمان طلع فستانين واحد لونه اسود وواحد ازرق : ابوك يالحيره كلها حلوه
سعود اشر على الازرق : هذا احلى تصدق
مجيد طلع فستان برتقالي : العبب ياللون عمي شوف ذا
سلمان ضحك: ترف شذا اللون يصرع
ترف توجهت لهم وطلعت فستان بنفسجي : هذا الي بلبسه
سعود كان ماسك فستان : طيب الي ماسكه انا وين اوديه ؟
ترف ضحكت: رجعه
سلمان ناظر بالفستان : والله حلو مع مكياج ازرق
مجيد : اولههه مكياج ازرق ؟
سعود ضحكت : يقصد الايشدو ، ماينفع ازرق ابد
سعود مسك يدها وجلسوها على الكرسي حق التسريحه
سعود : السلام عليكم ورحمه الله وبركاته بنسوي تتوريل للميكب
ترف ضحكت وبمزح : عمي شعرفك بتتوريل ها ؟ اعترف اعترف
سلمان اشر على سعود وبضحكة : من اليوم وهو يشوف مقاطع مكياج يقول بسوي ذا ولا ذا
سعود ضحك : لازم نخلي بنتنا تطلع بافضل شكل
نواف مسك الاستشوار: انا بسوي شعرك
ترف : تعرف ؟
نواف : طبعًا دايم اسوي لوجدان
مجيد رفع حاجبه: اما يعمي
نواف : والله بنتي حبيبتي دايم بالعيد اقعد معها ونقعد نخبص وتعلمت منها
سعود كان يفتش التسريحه ويتعطر من العطورات ويستخدم الخواتم :والله عندك اشياء حلوه ليه ماعرف غرفتك من اول
سلمان ضحك ويبي يخرب على سعود : ترف قفلي غرفتك ترا سراق كبير
ترف ضحكت: ازهلني هههههههه
بدو يزبطون بترف والي يستشور والي يفشت والي منسدح ويطقطق حست بترف شعور حلو صح فقدت ابوها وسند لاكن حاولت تتجاهل الشعور وتستانس معهم وهي كل دقيقه يطري ببالها الموقف البشع الي مرت فيها وماتتمنى لعدوتها يصير نفس الي صار لها .
-
صباح العيد
صار بيت الجد ناصر يعج بالناس والريحة العوده خلصو العيال من ترف وكان شعرها حلو لاكن المكياج لعبو بوجها لعب وسوت واحد ثاني ، تجمعو كلهم بالصاله وطقطقتهم على بعض واصوات الاطفال وفرحتهم بالعيد وتوجهو البنات لغرفة ليالي يتجهزون وخلود تعدي من المطبخ وغرفة البنات ماتدري تساعدهم بالضحيه ولا تروح تتكشخ وريتال وليالي وترف ماطبو المطبخ ابد وترف متعمده ماتجيهم توجهو العيال والجد ناصر للمصلى يصلون صلاة العيد ، وركبو على الفطور وبما ان الجد ناصر اكبر ال راجح فجميع الناس يتوجهون له وبيته هو البيت الي يجمعهم ، رجعو من الصلاة ودخلو يسلمون على بعض وانواع الضحك والمدح والطقطقه على اشكال بعض وتوزيع العيديات وفرحتهم واضحه من عيونهم تجاهلو كل المشاكل الي بحياتهم ويعطون العيد حقه وينسون كل شي ، طلعو العيال من البيت وتوجهو لمجالس الجد ناصر الي بدت تمتلي بالرجال ، ونفس الشيء عند الحريم
طلعت ارجوان من مجلس الحريم متوجهه للمطبخ دخلت واستغربت من شافت الثلاجه مفتوحه توجهت لها بتقفلها ضرب الباب بسعود لف سعود وبغضب : وجع ماتشو
ارجوان انخرشت شلون مانتبهت له
وقف سعود وبابتسامة: عز الله عيدي اكتمل "وتكتف يتامل فستانها وكشختها ، لفت ارجوان بتروح مسكها سعود بذراعها : على وين ؟
ارجوان همست : سعود فك يدي بعدين الحين بيجي احد وتصير سالفه
سعود كان هيمان بشكلها ولا هو مهتم يجي احد مايجي : شدخلنا بالناس ؟
ارجوان : سعود !!
كان سعود بيتكلم لاكن دخلت الجده فاطمه ، فتح سعود عيونه بقوه وتورط لف يدور مكان شاف جحر صغير بين الثلاجه والدولاب وصاد للجه الثانيه دخل جواته بالغصب
توترت ارجوان ووضح عليها ، ناظرتها الجده فاطمه باستغراب: وش تسوين هنا ؟
ارجوان : هلا شسمه كنت ادور البنات ولا في احد
الجده فاطمه ناظره فيها بشك وطلعت من المطبخ ، قفلت ارجوان باب المطبخ وبغضب : سعود يرحم لي والدينك انا عارفه حظنا اخر شي بيكشفوننا !
سعود بابتسامه: يكشفوننا ؟ ليه بيننا شي عشان يكشفونا ؟
ارجوان تفشلت وهي فقط زل لسانها ،
ضحك سعود وانتبه لتغير ملامحها : يشيخه حسبي الله على بليسك
انا شلون بطلع لرجال الحين ؟
ارجوان باستغراب: ليه ؟
سعود استند على الجدار : دايخخ دخت شفتك وعلومي طارت معاد اعرف يسراي من يمناي
ارجوان ابتسمت بخجل ونطقت : مشكلتك ، انا طولت لازم اروح
سعود تافف : يليل تدرين ودي يوقف الوقت الان ونبقى دايم كذا
ارجوان مافهمت عليه : انت شتقول ؟
سعود تقدم لها : ماادري من قوة جمالك ضعت مادري
ارجوان كانت ترجع على ورا ووصلت للباب : خلاص كفايه كانك فليتها ؟
سعود قطب حواجبه وكان يقرب : اما بتروحين ؟
ارجوان : سعود وين وعدك ؟ مايضرك شي مني ؟
سعود بابتسامه: وانا صادق وقد وعدي معليك مايصير الي الي يرضيك
ارجوان : تكفى لا تعيد الي صار ،
سعود رجع على ورا : معليك يخوافه مستحيل اسوي شي اهم شي رضيتي ؟
ارجوان بابتسامه: اعتذارك سامج وللان منقهره من حركتك !
سعود كان بيتكلم لاكن سمع صوت الكعب واحط رجله وطلع من الباب الخلفي ورجوان فتحت الباب بتطلع وصادفت خلود
خلود : ارجوان يقلبي تكفين شوفي نايف انا بشوف الفطور ونايف بيقعد
ارجوان ارتاحت ان سعود طلع وماشافتهم ، بابتسامه : ابشري
-
بالمستشفى
جو عبدالرحمن وفرح والخاله نوف متوجهين لغرفة زياد كانت اشكالهم تلفت الانظار وريحة العوده يشمها الي باخر المستشفى دخلو غرفة زياد وركضت فرح لزياد
زياد رفع نفسه واستند على السرير وبابتسامة : ارحبي
حضنته فرح وباسته بخده : الحمدلله على السلامه وكل عام وانت بخير
زياد : الله يسلمك وانتي بخير ، الله الله وش ذا الزين ياخت زياد
عبدالرحمن سلم عليه وبضحكة : من العايدين وحتا احنا نبي وش ذا الزين ياخو زياد
ضحك زياد على غيرة عبدالرحمن : من الفايزين يا غيور هههههههه
خاله نوف سلمت عليه : كل عام وانت بخير ،
زياد ابتسم : وانتي بخير ومن العايدين يخاله لو معي فلوس والله ان اعطيكم
عبدالرحمن : وصّلت ماتقصر هحنا نستاذنك بنروح نعيد وسعود لزم ان الفطور عندهم وبروح لهم
زياد : يالله الله يستر عليكم وسلملي عليهم ،
عبدالرحمن: يوصل ،
بالمطبخ
دخلو نواف وسلمان وسعود للمطبخ
شمر نواف اكمام ثوبه ونسف الشماغ حط صحن الضيافه وكانت ثلاثه وسلمان وسعود حوله يساعدونه
كت سعود الصحن الي فيه الماء وطاح معه ، لف نواف بغضب : يحمار شيل الصحن زين ، سلمان وينهههه !!!
سلمان كان جنبه : عاني جنبك !
لف نواف عليه : اقرب اقرب ساعدني
ساعده سلمان وحطو الذبيحه بالصحن شال جابر ونواف واحد وسعود وسلمان ، اخذو البنات الصحن ودخلوه على الحريم وبكذا انتهى فطور بني ناصر ،
-
بعد الفطور | الساعه 12:38
تجمعو البنات بالمجلس
وكانت ريتال ماخذه الجلسه وبقوه ، سكتت من تكلمت جود بكذب : اليوم سعود شافني بالغلط وشكله داخخخ
ناظرتها ارجوان باستغراب وضحكت : داخ ؟ هههههههه
ريتال : الله يكون بعون خالي مراح يقدر يرقد من الراعه
ترف ضحكت: اي والله عمي ارتاع
جود بغضب : اقول انطمي يالوصخه تحسبين ماعرفنا عن سالفتك ويقولون تعرضو لها الضاهر انتي رايح لهم هههههههه
ترف ناظرتها بغضب : ايش تحسبين انا نفسك ؟ رايحه بنفسي ؟ ولا قايله تكفون تعالو لي !!!؟؟ ماني رخيصه مثلك
فجر وقفت : ترف احترمي نفسك ولا تتبلين اختي وتحسبين الناس مثلك !
ترف اشرت على جود : الكلام ذا قوليه لاختك مو لي ،
حور : فجر اهجدن قبل يصير شي كلنا مانبيه
جود ضحكت : وش هالشي ؟ ابي اعرفه
وقفت ريتال ومسكت جود من شعرها : مثل كذا الحين عرفتي
فجر تحاول تبعد ريتال من فجر : فكي اختي ياوحش
حور وقفت وبسرعه مسكت فجر وصرخت فجر
ليالي ضحكت: حيكن حيلكن فيهن
نست حور وجود لينا بالمجلس استغربت تصرف حور بالاصح انخرشت
حور فكت فجر ودفتها : هيا اشوف قفاك ، كمان بيبي كمان
جود فكتها ريتال ونطقت : بيجي يوم اخليكم تبكون انتظرو بس
ارجوان ضحكت: اسمعي لاتنسين مري على سعود وقولي انا تبليتك وانك شفتني ،يجويد تراني قافطتككك
جود كانت بتتكلم وتقول عن سالفة سعود وارجوان لاكن دخلت ام خالد وهاوشتهم عشان صوتهم وطردتهم من الغرفة .
-
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
