في شوفتك سالت دموع العين من فرحها

"19"

طلع ماجد لغرفة البنات
ماجد حط الجوال عند ريتال : عساف لقاه
ريم ضحكت: متاكد لقاه ؟
تهاني : يماما هو من وين طلعه ؟
ماجد : دورته بالمدخل ومالقيته وانتم قلتو اذا مالقيته كلم عساف وكلمته وقال اي جوال وقلت جوال رتول وهو قال جوال رتول تعال ندوره واخذنا شوي وقال ماجد عانه هنا عند المركى بس
ترف : حركاتت رتول ههههههههههههههه
حور ضحكت: اخس اخس بنات في قصة حب قريبه
ريتال : يليل يخي خلاص وربي اني ندمت اني قلتلكم
ليالي ضحكت : انتي متاكده كان بالمدخل؟
ريتال : وربي يبنات انه بالمدخل موجود بعدين عساف كان بالمجلس وانا بالمدخل كيف الجوال راح للمجلس من نفسه يعني عنده رجوال
جميله ضحكت : اقول اعزمينا على الزواج
ريتال وقفت : آ امي تناديني
ليالي ضحكت : باي
طلعت ريتال من عند البنات وبدت تدور بجوالها اذا فيه شي وشافت مقطعها وكان عساف طالع فيه واخذ الجوال يم راحت .
-
عند باب ابو مفلح | الساعه 10:55
طلال : شرايكم نتجمع بالاستراحة
غسان : ماني موجود
وايل : حتا انا
سلمان : ولا انا
ريان : يرجال ابي ارقد مافتح
خالد : طلال اقول توكل جدي لو يدري اننا طالعين من البيت ومارقدنا يصير علم ثاني
سعود كان مستند على طلال : الفجر ننحاش لعزبة ابوك شرايك
طلال : تممم وناخذ جابر وعساف
سعود : يغبيي انا منحاش منهم تروح تاخذهم ؟
طلال : تكفى عساف خل جابر بز ناخذ عساف وربي جوي
سعود : تم تم
ابو جابر : يالله يعيال توزعو بالسيارات
الجد ناصر: ابك عساف وينه ماشفته من اليوم ادوره ولا اشوفه وينه فيه
غسان : يعم عساف بالبيت ماجاء معنا
الجد ناصر: ليه لايكون تعبان ؟
غسان : يقول انه مصدع ويبي يرتاح
الجد ناصر: معليه بمشيها المره ذي الحين يالله سرينا البيت انا تعيبان ابي ارقد
ركبو كلهم السيارات كانت اربع فيها اهل الجد ناصر كلهم وطلال وابوه راحو لبيتهم ، بعد نص ساعه وصلو البيت والاغلب نام من التعب .
-
الظهر >
الجد ناصر: يالله بركب السياره خمس دقايق وانحرك والي يتاخر بيقعد
ممدا تكمل الخمس دقايق الا يم امتلت السيارات بكل شي متوجهين لعزبة ابو طلال
خمس سيارات ، سيارة خالد
سلمان بعصبيه : يعيال الكلب عمكم واكبر واحد بينكم وحاطيني بالنص !! بين العمالقه
سعود : تلايط
سلمان : خالدوه كم باقي
خالد : يخال تونا طالعين اصبر
سلمان رفع يده يدعي : يارب توصلنا سالمين بدون اي كسور من العمالقه
سعود لف على ورا : يرجال "طاح يضحك "
سلمان بقهر : اضحك اضحك
سعود طلع جواله : لجاك عيال اوريهم شكلك
سلمان حط يده على وجه : سعودد يزفتت
سعود ترك الجوال : معليك معليك الصراحه ممكن تعيش لكن بدون كسور مدري
جابر ضحك
سلمان : اقول تراك معي متكسر شف كيف منحشر
غسان : من ركبنا وانت تقول عمالقه العمالقه ذي وين تشوفها ؟
جواد : غسان انت اسمك لحاله عملاق
سلمان ضحك : اتفق
غسان لف على سلمان : يشيخ طير
سلمان : ماعندي جنحان ولا كان طرت
جواد ضحك: سلمان انت صاحي ؟
سلمان : لا نايم
جابر ابتسم: متاكدين الشاهي الي شربه تو مافيه شي؟
سعود ضحك
سلمان : يالليل
غسان : شفيك يحبيبي ضايقناك ؟
سلمان بتقليد غسان : ايوه يعيوني لو نركز كتفي ورا ظهركك
غسان : من طوله
سلمان ضربه : قل ماشاءالله
غسان : على ايش بالضبط
سعود : يناسس خلاص اساسا الروحه معكم شينه لو عساف ولا طلول معنا
جابر : خمسه يعمي مو مالين عينك
سعود لف لقدام : الزبده معاد بقي الا عشر دقايق
سلمان كشر : يوهه عشر دقايق يكثره كثراه
ضحكو كلهم ، بعد دقايق وصلو العائلات كلها لعزبة ابو طلال "محمد" وبدو ينتشرون بالبر .
-
طلال من بعيد رفع صوته : يمرحبا بربعي
سعود بابتسامه: ياهلا يابو سُيف
طلال توجه لسعود : هلابك يابو طلال
سعود ضحك : لوسمحتت زايد !
طلال حضنه وهمس : على اساسا اليوم ننحاش
سعود ضحك : اقول ابي اهرب منهم وجو معي
بعد طلال من سعود وقال : اقلطو
دخلو الريجيل الخيمه حقتهم وبدا طلال يمشي بالدله كانت الخيمه مليانه من الجال للجال وموجود ( الجد ناصر وعياله واحفاده ، ابو مسفر وعياله ، ابو وايل وعياله ، ونياف وجواد وخالد وابو حاتم وحاتم )
-
عند الحريم
ام طلال : ياهلا وغلًا
الجده فاطمه: ياهلابك
وسلمو على بعض السلام المعتاد الموجودات ( الجده فاطمه وام حور وبناتها وام خالد وبناتها وام جواد وبناتها وليالي وام العنود وبناتها [تعريف بسيط عن ام العنود وبناتها ، الاب : تركي شخص شديد جداً على بناته ويكرهم كان يبي عيال بدال الاربع بنات وتزوج "موضي عشان يجيه عيال وربي مارزقه ببنات ولا عيال من موضي " مكرهم بحياتهم كلهم شخص بخيل .
امها : سلمى اخت الجده فاطمه ماخذه صفات الجده فاطمه كلها وتحبها مره وحنونه على بناتها وتدافع عن البنات اذا ضربهم ابوهم والحسنه الوحيده بالبيت هي .
العنود تبلغ من العمر (22)مطلقه زوجها ابوها بعمر 16 وماكملت سنه الا تطلقت ،اكثر وحده عانت من ابوها جسمها كله اثار ضرب وقفت دراستها بالمتوسط تتمنى انها تكمل دراستها يمدي نقول شخصيتها ضعيفه .
اريج تبلغ من العمر (19) صاحبة ليالي من الطفوله اعز صاحبه على ليالي وقفت دراسه من الثنوي بسبب ابوها ، عايشه مع امها وابوها و اخواتها
ميلاف تبلغ من العمر (17) كملت الثانوي بعد معاناه تدرس ثاني ثنوي شخصيتها قويه تعاند ابوها بكل شي اقوى وحده بين خواتها .
جوري تبلغ من العمر (14) تدرس بالمتوسط مجتهده جداً . ] .)
ليالي : بنات الجو يهبل تكفون خل نطلع
حور : اكلم سند؟
ترف : للا عمي سعود وربي جوي
جود تكلمت بدلع : اذا سعود الي بيوديكم بجي معكم
ارجوان دخلت على كلامها : ويع تكفين سعود لايسمعك
ليالي ضحكت: صادقه .. اكلم سلمان ؟
اريج : قدامم اليوم ابوي مو موجود بسوي كل شي
ميلاف : منجد وربي لجيناكم نتحرر
ليالي بابتسامه: تم الحين ادق على سلمان
دخلت ريتال تركض ونست وجود الحريم : بنات شفته شفته
ام خالد بصوت عالي : من شفتي ؟
ريتال مسكت راسها وهمست : اح جبت العيد
ليالي فهمت وش تقصد وطاحت تضحك ومعها حور وترف وارجوان
الجده فاطمه: ريتال من شفتي اخلصي
ريتال كانت تحاول ترقع : يجده شفت لي بعير مزيونن البعير ذا حبيته على طول وسبحان الله غير عن البعارين كلها
ام عساف ضحكت بخفه تقريباً فاهمه من تقصد بما انها سمعت ريتال يوم قالت عساف حب الطفوله : ان شاء الله يستاهل ؟
ريتال ضحكت بخفه : قيد التجربه يخاله
ليالي وقفت وجت جنب ريتال وهمست : ريتال اسكتي لاتجيبين العيد بنفسك
ريتال بنفس الهمس : ماقدر
ليالي شافت ان مافي امل بريتال : بنات شرايكم نطلع ؟
اريج : تممممم موافقه
ترف وقفت: انتي بس امشي واحنا وراك
ليالي ضحكت: يالله
ريتال : على وينن خير يم جلست فكرتو تقومون ؟
حور : وجع قومي عادي
ريتال وقفت : حسبي الله
ام عساف : مسرع عجزتي يريتال توك ماشفتي شي
ريتال : يخاله كرفت مع جوجو بالطبخ واحس خلاص
ارجوان ضحكت: الي يشوفك يقول سلختي الذبيحه ولا طابختها تراك مقطعه سلطه
ريتال : الله ياخذك
ليالي مسكت ريتال من كتفها : امشي امشي انتي ماتنقعدين لحالك لازم نمسك خفارات عليك
طلعو البنات من الخيمه وكان الجو غيم وكان ممكن ينزل مطر
ترف : يالله بنات دقو على عماني
ليالي طلعت جوالها وتجمعو البنات كلهم جنبها وفتحت الاسبيكر : هلو خالي سعود
سعود بابتسامه: هلو لولي
ليال : ازيك يخالو سعود
سعود : الحمدلله ازيكي يابنة اختي
ليالي ضحكت : يضحك هههههههه
سعود : والله فنانه
ليالي : سعوتشي فينك ؟
سعود : عانيني بالحزم انا وطلال وحاتم
ليالي : مين حاتم اول مره اسمع اسمه
سعود : شدخلك بحاتم ؟
ليالي : خال تكغى مين ذا ؟
سعود : هذا خوينا دكتور بالديره وكاره نفسه عشانه جاء الديره ويبي يروح
حور : يعم ممكن اسال سوال
سعود : حوري هلا يقلبي اسالي
حور : هذا كان مشرف على حالة ليالي يم جانا طلال
سعود : متى جاكم طلال ؟
ليالي : يليل يخال لاتصير غبي مو انا جاني الاسعاف وانت بجده
سعود : ايهه دقيقه بسال طلال ... ورع طلال
طلال كان منسدح ومغمض عيونه ماسمع سعود : حاتم تكفى ارم عليه تراب خل يصحى
نثر حاتم على سعود تراب قليل فز طلال من التراب وصرخ : خيررر
سعود ضحك : قم قم يرجال في احد يهوجس بالقايله
طلال بابتسامه: اخخ
ليالي : خال وربي انك سامج راح الوقت وانت ساحب علينا يعني !!
سعود : خلاص الحين اساله .. ولد بنت فايز تقول حاتم هو الي شرف على حالة ليالي
طلال : متى قصدك حقت الحادث ولا ام 12
حاتم : حقت ام 12 ايه كنت مشرف عليها وجانا بنت معها وبعدها طلال
سعود رفع الجوال على اذنه : حوري سمعتي ؟
حور همست : يكرهيي
ترف : عمي ذول سولفو وربي معاد يسكتون بقولك الزبده وانت تعال
سعود : طيب شوي شوي على اذني
ترف صرخت : ارجوان ابعدي
سعود كشر : يترف فقعتي طبلتي وخلي ارجوان وقوليلي شفيه لاني بقفللل
ترف : عمي نبيك تفرفر فينا
سعود : تجهزو بجي بالشاص وانتن بالصندوق "قفل سعود على طول "
كان البنات اساسا لابسات العبايات الا ارجوان ولبستها
سعود وصل معه طلال : اعوذ بالله
طلال : كلكن ؟ وين نركبكن انتن ؟
ارجوان طلعت وكانت رافعه النقاب : بنات وينكم
سعود لف عليها ، طلال انتبه لها وبغضب : ارجوان تغطيي
نزلت ارجوان نقابها على طول ،
ريتال ركبت بالصندوق : يالله
سعود ضحك : مسرع ركبتي
ريتال : لو انتظرهم بيمسي اليل واحنا مارحنا
ليالي : اتفق "
وركبت الصندوق بمساعدة ريتال و ركبو البنات بالصندوق ليالي بصوت عالي : سعود يالله
طلعت جود تركض وصرخت : بجي معكم
ريتال : شجايبك ؟
جود بدلعها الشين : بجي معكم مو انا قلت اذا سعودي بيوديكم بروح معكم
ارجوان ي: يععع شكلي بروح اسوي غسيل باذني والسبب من بعد ماسمعت صوتك جاني تلوث
اريج ضحكت : حي عينك يجوجو
طلال : اركبي يالله
ليالي : خيرر مو منجدكم؟
سعود : خلاص يالله يجود اركبي
ارجوان : ليالي عرفها !!
سعود ضحك : ايه عرفتها
ارجوان شهقت وهمست : بنات سمعني
ريتال : يناس يالله انا طفشت
ميلاف : يولد الخاله حرك
سعود ضحك : ابشري
-
عند الشيبان
ابو حاتم : يابو سند عندك غير الولدين شي ؟
ابو حور : ايه بنتين
ابو حاتم : الله يخليك لهم انا ماعندي غير حاتم وبنت
الجد ناصر بابتسامه: حاتم ماشاءالله عن عشره
حاتم ابتسم ، ابو حاتم : عاني ادورله بنت الحلال وتبي الصدق يابو فايز انا طامعن بنسبكم ونبي القرب منكم
حاتم انصدم ابوه ماقاله ابداً
ابو حاتم : نطلب يد بنت فايز على سنة ورسوله لولدي حاتم نطالب بالقرب منكم
ابو حور ابتسم : والله انها الساعه المباركه ووحنا نتشرف فيكم وفي ولدكم ومتاكد مراح القى احسن من حاتم لبنتي حور وواثق ان ولدك راح يصون بنتي ويحطها بعينه وعني موافق
الجد ناصر : على البركه والف مبروك ياحاتم عطيناك البنت
حاتم غمض عيونه مو قادر يستوعب اي شي متى صار ذا كله مو مستعد لاي شي ،مايعرف البنت مايدري كم عمرها وش اسمها حتا
جابر راح لفايز وهمس : يعم البنت ماسالتها حتا ؟
ابو جابر : فايز والبنت على طول عطيتهم ؟
ابو حور : البنت شورها من شور ابوها مايحتاج
ابو جابر : شجاك ؟
سند : يبه حرام عليك وحور اسالها يمكن مو موافقه
ابو حور : حور كبرت وماني مخليها عندي
مجيد : يابوي من متى صارو بناتك حمل عليك ؟
ابو حور : مالكم دخل رح للحريم وقلهم عن الخطبه والملكه ان شاء الله لرجعنا من العزبه
ابو حاتم : متى ماتبون نجي نملك موافقين
عساف همس لغسان : لو اخطب ريتال الحين بيعطوني بهالسرعه
غسان لف عليه : ايششش
الجد ناصر لف عليهم : شفيكم ؟
عساف : الله ياخذك يغسان
غسان : ولا شي يعمي لكن عساف عنده حاجه وتو يقولي
ابو وايل همس : الله يفشلكم
عساف أبتسم إبتسامه غبيه
-
راح مجيد لخيمة الحريم
مجيد رفع صوته : امي حور وينها ؟
ام حور طلعت : مجيد هلا يامي ويش فيه ؟
مجيد : حور وينها ؟
ام حور : راحت مع البنات وسعود
مجيد : امي حور انخطبت وابوي وافق
ام حور شهقت : ماسال البنت ؟؟؟
مجيد : يامي قلناله كلنا صكينا عليه بس يقول البنت شورها من شور ابوها
الجده فاطمه : وش فيه منهي الي انخطبت ؟
مجيد : يجده حور خطبها حاتم وابوي وافق على طول حتا ماسال حور
الجده فاطمه بعصبيه : ابوككك صاحي ؟؟؟ والبنت وش ذنبها
ام حور مسكت الجده فاطمه وجلستها : يعمه استهدي بالله
الجده فاطمه: رح ناد ابوك رح بسرعه
مجيد راح يركض للخيمه ونادا فايز ورجع للجده فاطمه وام حور
الجده فاطمه: حسبي الله عليك من اب يرجال اتقي الله انت الي بتعيش مع الرجال ولا حور ؟؟
ابو حور : يمه تبيني ارد الرجال ؟ مافقت عقلي لسا
الجده فاطمه: الا فقته يمنك قدمت الغريب على بنتك
ام حور : يفايز بيصير شي اذا سالت حور يمكن موافقه اما ان تغصبها
ابو حور : اسمعو حور ملكتها الاسبوع الجاي وممكن حتا مانسوي عرس
ام حور : بكري اول بناتي وتبيني ماسوي لها زواج ؟
ابو حور : بعدين نهرج "راح للخيمه "
الجده فاطمه: يمها امسكيني
ام حور دخلت الجده فاطمه للخيمه
ام العنود : فاطمه شفيه ؟ ماقدرت افهم شي
الجده فاطمه تكلمت بحرقه : اخخ ولدي الي اقول انه اعقل عيالي صدمني بزواج حور زوج حور بدون مايشورها على طول وافق والملكه الاسبوع الجاي
العنود بقهر على حور بما انه قد عاشت نفس كذا: يخاله تكفين حور ماتقدر تتحمل
ام حور : بكلمها بحاول فيها معليه حور صبور
الجده فاطمه: دام كذا اولها كيف تاليها ترا ذا يسويها ويزوج ليالي وترف بعد
ام حور : وين عاد ليالي ماله دخل فيها
الجده فاطمه: قلتلك
مع كلامهم دخلو البنات
ليالي ضحكت: تخيلو شصار
الجده فاطمه صدت بضيق
حور ضحكت: جود طاحت من صندوق السياره
ام جواد فزت : بسم الله عليك يبنتي صارلك شي
ارجوان : يخاله مافيها الا العافيه
ام طلال : ارجوان شفيك ؟
ترف : شفيه يم جينا كان ابوي ومجيد طالعين من هنا شفيه
الجده فاطمه: لرجعنا البيت قلتلكم موضوع
حور : خير ان شاء الله ؟
الجده فاطمه: خير خير معليك
-
عند الشيبان
دخل سعود مبتسم : سلام عليكك يربعي
الجد ناصر: وعليكم السلام تعال
سعود جاء عنده : امرني
الجد ناصر: حور انخطبت وخلاص ببتزوج
سعود ابتسم : ماشاءالله متى صار
الجد ناصر :تو ماله نص ساعه
سعود : نص ساعه حور معي شلون ؟
الجد ناصر: فايز عطى الرجال موافقه
سعود : ماسال حور ؟؟؟؟
الجد ناصر: سعود اقعد بعدين ينهرج
سعود كان طول القعده معصب ووده يذبح فايز
__________________
ممكن نقول اطول بارت انزله بالواتباد 😭😭😭 ، حبايبيي اذا ماعليكم امر تعالو بالانستا j.xiiix .