في شوفتك سالت دموع العين من فرحها

البارت السابع

يوم جديد بعد الفطور
الجد ناصر : اليوم عندنا عشاء وانت يسعود خذ واحد من العيال وروحو خذو الذبايح وحطوها بالمطبخ يطبخونها
وقف سعود : ابشر ، كم ذبيحه ؟
الجد ناصر: 2 وثلاث صحون
سعود لف على جابر : تخاوي ؟
جابر : تم
سند : لنا الله
مجيد زفر براحه : كنت خايف تقول تعال
سعود ناظره بطرف عين : خلك وابوي يكرفك هنا
مجيد : مايهم
جابر لف على الجد ناصر: ياجد
الجد ناصر: هلا
جابر : عادي اعزم خويي
الجد ناصر: من هو
جابر : نياف بن فهد
ابو وايل : الي اهله ميتين ؟
جابر  : الله يرحمهم
الجد ناصر ؛ الله يرحمهم ايه عادي خله يجي
جابر راح باس راس الجد ناصر
جابر بابتسامه عريضه : جزاك الله خير
سعود : يالله بنتاخر
جابر طلع وراحه لشبك الغنم بالمزرعه
سعود : اي وحده ناخذ
جابر كان على جواله
سعود لف عليه : جابرر
جابر  فز : لبيه
سعود : انادي لي ساعه
جابر : معليش
سعود : وش تسوي ؟
جابر : اكلم نياف
سعود : تكلملي عن نياف
جابر تنهد تنهيده طويلهه : وش اقول ووش اخلي
سعود : مافهمت هل شي زين ولا ماهو زين ؟
جابر : الاثنين
سعود : تكلم اسمعك
جابر : اسمع خل ناخذ الذبيحه واتكلملك عنه بالسياره
وخذو الذبايح وطلعو متوجهين للمصلخ
سعود : اهرج يالله
جابر : سلامتك يا طويل العمر السالفه ومافيها قبل 5 سنين كان عمر نياف وقتها 14 وكانو رايحين جده وصار عليهم حادث
سعود : لا اله الا الله
جابر : وتوفو امه وابوه واخوه واختين بقي هو واخته الجوهره 
سعود لف عليه : الله يرحمهم وينه عايش الحين ؟
جابر : مع جدته ام امه والصراحه ماش اهل امه وابوه كلهم مايبونهم
سعود تضايق : يالله عاد كيف الحين يصرفون على بعض
جابر : نياف يشتغل بس مايجيه كثير وجد الولد مضغوطط مره ويذاكر منا ويشتغل منا
سعود : اسمع شرايك تخليه يشتغل بمحل ابوي
جابر : لو اقوله مراح يرضى
سعود : عادي قل فيه عطار يحتاج محاسب او كاشير مدري كيف ينقال له
جابر ضحك : الاثنين بس كاشير احدث فهمت
سعود : مايهم
جابر دق جواله ورد وفتح الاسبكر
""""
جابر : ارحببب
نياف : البقى يحيي علومك
جابر : نحمد الله انت كيفك  والاهل
نياف : نحاول نعيش
جابر : الله يرزقك
نياف : امين ، يالخوي عندك شي محتاج شي داق ؟
جابر : ماتقصر بس بغيتك تجي المزرعه عندنا عشاء وجب معك اختك
نياف : يجابر صعبه مره اني اجي
سعود اخذ الجوال من جابر : السلام عليكم
نياف بستغراب : وعليكم السلام
سعود : انا سعود بن ناصر عم جابر
نياف : والنعم
سعود : ماعليك زود المهم اليوم والله ان تجي تعشى بعدها الله يستر عليك
نياف : الله يعطيك العافيه ماتقصر لاكن اختي ماضنتي تجي صعبه
جابر : ياولد معليه خل تجي مع بنات عماني
سعود : ايه مافيه احدً غريب
نياف : ان شاء الله باذن الله اجي
جابر : حياكك
وقفل
سعود : اذا خلص العشاء كلمه بس لاتقول محل ابوي يمكن يرفض والراتب اساسا 3000 بس بزيده
جابر حضن سعود
سعود : هياا تاخرنا على ابوي والعيال خل نلحق نساعدهم
وتوجهو  للمزرعه .
__________________