مرّت ايام العيد واول اسبوع وبقي يومين على زواج حور وحاتم والكل متحمس لزواج وسعود وليالي مع حور يساعدونها بتجهيز اشيائها كانو رايحين لجده بياخذون فستان حور وكالعاده ليالي وسعود معها
ليالي اشرت على كوفي : سعود تكفى خذلي
سعود ناظر بساعته : مفروض ماشين من اربعه العصر لاكن التاخير والحين بنتاخر اكثر
حور لفت عليه : معليه لو نوصل اخر الليل
ليالي تقدمت للمراتب الاولى : ايوه تكفى تكفى ابي كوفي بخاطري فيه
سعود وقف بالمواقف : يالله انزلي ماني بنازل
ليالي ناظرة بحور : وش تبين ؟
حور : امم ماادري جيبي اي شي
ليالي : خالي تبي
سعود هز راسه بالرفض ، ونزلت ليالي للكوفي وكان فاضي تقريبًا ومافيه الا بنت وثلاث شباب ناظرة ليالي بالبنت وهي ناقده عليها البنت كانت لابسه بنطلون وتوب وحجاب اي كلام وعبايتها مفتوحه كملت طريقها تبي تطلب لاكن صوت البنت مو غريب عليها وازعجها لفت بغضب عليها فتحت عيونها بقوه من شاف البنت وهمست : هذي جودد !!!!!!!
صدت ليالي وهي للان مو مصدقه كيف البنت تجيهم بعبايتها ونقابها ؟ ، تذكرت تهديد جود لارجوان لفت بخبث على جهة ارجوان وكانت داخله على جوا ومااحد يشوفهم الا الي يقرب وصورتها وكانت كل الصور وجه جود واضح وتعمدت انها واضحه الان ليالي اسعد انسانه انها لقت على جود شي يخليها تسكت طول عمرها وتفتك منها ، استغربت وجود جود مع شباب ابدًا مايدخل العقل لاكن سرعان مانست جود وطلعت لسياره سعود وهي الفرحه مو سايعتها .
-
بالطريق متوجهين لجده سعود يسوق وحور جنبه وليالي ورا تسولف عليهم مو قادره تسكت وتذكرت تحايل سعود لها عشان يقابل ارجوان وضحكت : سعود جحفلتك ولا شفت ارجوان
سعود نسى ان حور ماتدري : اخ يليلي شفتها شفتها وللان مو قادر اتخطى
لفّت حور بصدمه على سعود ونطقت : ايش ؟
سعود : اخو نواف يوه نسيت
ليالي ضحكت : بموتت نسيت ان حور ماتعرف هههههههه
حور ضحكت : وشو مااعرف ؟
سعود رجع يناظر بالطريق ويتامل القمر طول وهو يتامل تنهد : اخخ يحظ من مايعرف الحب
حور تكتفت تناظر بسعود بابتسامه تنتظره يكمل ونفس الشي عند ليالي ولو ريتال معهم كان الان ذابت وهي عشقها سوالف الحب
ابتسم سعود : امي رافضه اني اتزوج
شهقت ليالي : تمزح ؟
سعود زفر بضيق: اي والله تقول لين سلمان يتزوج ويم قلت ابي ارجوان عصبة قالت ارجوان ماغيرها
حور قطب حواجبها وهي مو فاهمه الا ان سعود يحب ارجوان : عمي شلون كيف ؟ ارجوان ؟ شلون حبيتها ؟ فهموني ؟
سعود : مدري من وانا صغير وانا على كثر البنات عندنا مااهتم الا
بارجوان وكنت مناشب طلال واتطاق انا وابوي عشان اروح لبيت طلال وكبرت وتغطت وكنت احاول اشيلها من راسي بس ماقدرت ماقدرت واخخ يوم شفتها بالعزبه رحت وطي وورا بيتنا وكان بيقفطنا طلال لاكن دخلتها على قسم ليالي بملكة حور ، وهي للان زعلانه علي مو راضيه ترضى يخي اعتذرت خمسين مره تعطيني على جوي بعدين تغدر بي !
حور : وش مسوي ؟
ليالي ضحكت: وانا اقول ليه طلعت من غرفتي تقول عدلت على مكياجي هههههههه
سعود : شسمه والله ماسويت شي قوي بس الشيطان شاطر ومدري
حور فتحت عيونها بقوه : عمي ؟؟
ليالي اشرت على فمها ونطقت : بارجوان
شهقت حور وناظرتك بصدمه : جد ؟؟؟؟؟؟؟
سعود : انا احبها شسوي !
حور ناظرة سعود باستغراب : عمي تخيلت الموقف ماقدرت اتحمل مالومها يوم ماترضى
ليالي : كذب ارجوان خفيفه وتلقاه رضت بس تسوي نفسها ثقيله شايفتها مثلك
سعود : يناس امي مو راضيه !! شلون اسوي
ليالي : معليك بترضى بترضى لاكن الحين احلم وسلمان ماضنتي يفكر بالزواج
سعود زفر بضيق: كلمته وهاوشني يقول فتحت باب بيقعدون يحاولون فيني اتزوج ، وهو مايبي من الديره يطمح بالخارج الحمار
حور ضحكت: الصدق يعمي مالومه بنات الديره يروعون وقليل الي ماشاءالله
ليالي اشرت على نفسها وبغرور : طبعًا انا احلى وحده بالديره
سعود نسى سالفة ابوها : طالعتن على ابوك ياساتر عليه جمال لا اله الا الله ماشاءالله
ليالي تنرفزة : خالي لاتقول اني اشبه ابوي !!!
سعود : يوه نسيت المعذره
حور بفضول : الان هو وينه ؟
سعود : بالرياض وماشاء الله ربي مغنيهم
حور : عنده عيال ؟
سعود : ايه عنده ولدين بس
بلعت ليالي ريقها بخوف انها ممكن يوم تقابله توجهه لشباك وفتحته تشم هواء وتحاول تتنفس وهي مو قادره تخيل حتا ان عندها اخوان وهي طول عمرها وحيده جاها فضول وش اسماهم وقربت بهدوء لسعود : سعود وش اسماهم ؟
سعود : تبين تعرفين ؟
ليالي تحاول تكتم بكيتها : ايوه
سعود تنهد : غازي وتميم
ليالي ابتسمت : الله يوفقهم ويعوضهم ان شاء الله
انتبه سعود ان ليالي ضاقت ونطق يبي يغير جوها : حور شغلي دق
حماس ابي ارقص بخاطري ارقص
حور فهمت انه يبي ينسي ليالي السالفه : بس ازهلنييي اشغل سامري ؟
ليالي قربت وبضحكة : انجنيتي تبين الجنون تطلع علينا
سعود : وهي صادقه لا فكينا
ليالي : حطي لعباس ابراهيم وبغني
حور فتحت جوالها ونظرها على الجوال : وش اسمها
ليالي : منت فاهم لعباس ابراهيم
وكملو يسولفون ويغنون ووصلو جده وتوجهو للفندق يرتاحون وبكره بياخذون الفستان ويرجعون الديره عشان زواج حور .
-
يوم زواج حور وحاتم
الساعه 3:38 الفجر ماقدرت حور تنام من التوتر طرا ببالها تقوم تصلي لها ركعتين قبل الفجر وبالفعل توجهت لدورة المياه وتوضت ، وفرشت سجادتها ودعت بالحاح كانت خايفه ماتدري كيف بتقدر تعيش مع ام حاتم وهي من الان تشوف حقدها وكرهها لحور خلصت صلاة وصلت الفجر وماتنكر حست براحه عجيبه الخوف الي بداخلها خف اكثر من قبل بكثير وراحت تشغل نفسها باي شي عشان ماتفكر واول شي فكرة تطلع للسطح والان وقت شروق الشمس ، طلعت حور وصادفت ليالي استغرب وجودها وبجانبها كوب شاهي ، تنحنحت عشان تعرف بموجودها
سمعت ليالي الصوت ولفّت باستغراب وشافت حور ، وبهدوء : حور ؟
حور توجهت لمكان ليالي وجلست بالفرشه الصغيره الي فارشتها ليالي ، ناظرة حور بليالي وكانت ليالي تتامل الشروق : يعجبك ؟
لفّت ليالي نظرها على حور بهدوء : مره يعطيني طاقه عجيبه والوانه تجذبني مره
حور : ليش مو نايمه ؟
ليالي بابتسامه: ايش تقصدين يعني اصلي الفجر وانام او مااقوم لصلاة الفجر
استغربت حور كلام ليالي : نعم ؟
ليالي ضحكت بخفه وفهمت ان حور مافهمت وش تقصد
حور توترت خافت انها قالت شي خطا ، : يبنت انطقي انا مدري وش تقولين وتسوين حركات غريبه تراك خرشتيني !!!
ليالي بابتسامه: قمت اتسنن وانتظرت صلاة الفجر وانا دايم مثل هالوقت اطلع فوق ومعي شاهي
حور استغربت الشاهي : وش الرابط العجيب بالشاهي ؟
ليالي ضحكت: احبه بالحيل ومنها يخف الصُداع
حطت حور راسها على كتف ليالي ونطقت : اليوم دخلتي
ليالي بابتسامه : يالله يحور جد بتتزوجين ؟
حور ضحكت وهي بنفسها مو مصدقه : اف ماابي
ليالي مسكت يد حور ونظرها على الشروق : القولك الصدق ؟
حور : قولي
ليالي : انا متفائله بزواجك مره وحاتم من بعد الساعه عارفه انك بتعيشين زي الأميرات
ضحك حور بسخريه : أميرات ؟
ليالي ضحكت: طبعًا شوفي انا اعرف كل عيال القبيله من كثر جلستي مع ابوي والعيال ودايم ابوي يسولف عن حاتم وماشاءالله بس يمدح فيه ولا مره سبه ومعروف بكرمه ويقلبي احنا دورنا عن سعر الساعه وطلعت ب عشر الاف والله لونا ايش ماجبناها هههههههه
حور : هو انا خايفه مانكر لاكن فيني راحه مدري واهتمامه بالمستشفى حلو يم ضيعوني انا عمري 25 سنه يضيعوني كيف ؟ هههههههه
ليالي ابتسمت : اخيرًا قلتي كلمة حلوه هههههههه
حور : لوسمحتي مستحيل اطرح ثقلي لو ايش لين هو يبادر
ليالي رفعت حاجبها وبضحكة : الله يوفقكم وان شاء الله اشوف عيالك هههههههه
حور ضحكت وتخيلت الموضوع وناظرة ليالي بخوف : خير توني صغيره يوه تخيلي اجيكم ومعي اربعه ورعان وكلهم تحت بعض يراسي
ليالي انهارت تضحك على ملامح وجه حور الخائفه
حور وقفت بعضب : قومي قومي خل نجهز قبل الساعة 8 ويجون الارتست
وقّفت ليالي بضحكة : مشينا هههههههه
الظهر توجهو العيال للحلاق
سعود جواء المحل وقف من لمح طلال ونطق بترحيب : ارحببب يبو محمد
دخل طلال بابتسامه وتوجه حضن سعود بقوه ، استغرب سعود لان طلال طول وهو حاضنه ونطق بهدوء : فيك شي ؟
طلال ترك سعود ورجع على ورا : لا انت كيفك يابو طلال
ناظرة سعود يمزح : لاتكفى انا يالله متحملك تبيني اجيب طلال ثاني ؟
طلال ضحك : انت تزوج بالاول
سعود ابتسم من طرت بباله ارجوان وسرح يتذكر شكلها بالعيد ،
ناظرة طلال وضحك من شاف ابتسامت سعود : شعندك تبتسم للجدار
سعود تهند تنهيده طويله وناظر طلال بابتسامه ويحاول يطلع الشبه بينه وبينها وبداخله ( ذول اخوان ولا مبدلين ؟ ) قاطع تفكيره من دخل حاتم وسلمان وبعدها زياد وعبدالرحمن
جابر وقف ومسك الشفره وركض لعبدالرحمن وشافه مجيد وركض معه مسكو عبدالرحمن ، ونطق جابر : بسوي لك حلاقه اسطوريهه
عبدالرحمن : ورععع انقلعع جابر تراني ماداني مزحك
قرب جابر الشفره على وجه ونطق : بسويلك اطلق حلاقهه انتظر بس
ضحك مجيد : معليكك على ضمانتيي
عبدالرحمن عبس وجه : دامها على ضمانتك عز الله كدينا خير
بعد جابر الشفره وطاح يضحك ، وقف عبدالرحمن وزفر براحه
عبدالرحمن ضرب جابر على رجله : يهبا انت ووجهك
جابر صرخ بضحك : رجليي هههههههه
عبدالرحمن: كسررر
طاحو جابر ومجيد يضحكون وعبدالرحمن ضحك من هبالهم
،وسند على جواله وعادي كان الزواج مو زواج اخته ، وبدا الكل يتجهز ونفس الشي عند البنات .
-
دخلت لينا تركض للغرفة الي بالقاعه يتجهزون فيها : جوجو جوجووو ارجوانن
ارجوان صرخت : هاهااا
لينا : يالله يبنت الناس جو امشيي
ارجوان بغضب ماسكه كعبها ورمته على الجدار
لينا قطبت حواجبها : شفيككك ؟؟
ارجوان : الكعب الخايس انكسر !!!
لينا ضحكت : انكسر ؟ هههههههه
ارجوان ضربتها على كتفها : لاتضحكينن الحين كيف اجيب كعب ؟ مستحيل احد يوديني البيت
لينا : كلمي الهنوف تجيبلك
ارجوان : تتوقعين تجييب
هزت لينا راسها بالايجاب
و ارجوان طلعت جوالها واتصلت عليها وقالت تجيب لها كعب ،
لينا ضحكت : هيا بطلع وانتي اقعدي هنا
وقفت ارجوان وتوجهت للمرايه : تقلعي تقلعي
لينا طلعت وهي تضحك ،
ناظرة بفستانها
-
طلعو ال فيصل كلهم والي يعرفهم وبينهم علاقه، يستقبلون ال راجح ودخلو ال راجح مع حريم بطيران ويرددون (يا ام العريس تهنئتي على عيالك لاونيتي ) وال فيصل يرفعون البوارق ودخلو مع بعض يرقصون بالبوارق والسيوف وكملو يمشون لين الكوشه يرقصون انتهى وسلمو على بعض سلام حار على ان ام حاتم كانت بارده معهم ، وحطو شوط ب آل راجّح توجه الكل بدون استثناء للكوشه يرقصون مع الجده فاطمه وبسبب حبهم لها وقفو الحريم عند طاولاتهم يرقصون عشان الزحمه مايقدرون يدخلون ، نزلت ليالي من الكوشه وكان فستانها عنابي وعشق ليالي لدرجات الأحمر لاينتهي وباختصار كانت تسحرر ومستحيل ماتّلف تناظرها ،
شافتها نوف وتمتمت ، بذكر الله واستودعتها الله ، توجهت فرح لليالي وحضنتها
انحنت ليالي لها وبضحكه : فروحه اخبارك ؟
مسكت فرح شعر ليالي : ماشاءالله شعرك يهبل
ليالي بابتسامه : حتا انتي شعرك يجننن مرهه ماشاءالله
فرح مسكت يد ليالي : اليوم بقعد معك ماني بتاركتك
ليالي ضحكت : تمام تعالي
توجهت حُرمه لليالي وبابتسامة ناظرة فرح : بنتك ؟
ليالي ضحكت باستغراب وهي مابينها وبين فرح شبه ابدًا : لا
الحرمه بابتسامه عريضه: عبالي بنتك يوم شفتها معك كم عمرك ؟
ابتلشت ليالي توها دخلت وذي مستقبلتها با اساله: 19
فتحت الحرمه عيونها بقوه : جد عمرك 19 ؟ ماشاءالله تبارك الرحمن مخطوبه ؟
ليالي تحاول ماتكشر وتبتسم لو بالغصب : ايوه مخطوبه
الحرمه انصدمت : الصدق وحده مثلك مفروض ماانصدم ، من مين ؟
ليالي توهقت ولفّت للجه الثانيه ، وبسرعان : معليش يقلبي جدتي لازم اروحلها وشويات وارجعلك
الحرمه بابتسامه: عطيني رقم امك على الاقل
ليالي تجاهلتها وراحت للمغاسل وفرح ضحكت : كاني فهمت ؟ هههههههه
ليالي ضحكت: وش فهمتي
فرح وقفت قدام ليالي : تبي تزوجكي
ليالي هزت راسها : ماادري قلتلها انا مخطوبه وانا اكذب
فرح عبست وجها : لاتتزوجين تكفين
ليالي ضحكت: ليه ؟؟؟
فرح : ماابي تكفينن
ليالي : ماادري انا الحين صغيره وبعدين يصير خير
فرح : حتا بعدين
ليالي ضحكت وهي مو فاهمه فرح ابدًا .
-
عند الرجال
وقف سعود جنب حاتم : مره بجيبك ومره بجيبي
ناظرة حاتم بضحكة : هلا ؟
ضحك سعود : امزح امزح ، الف مبروك يبو عتيق منك المال ومنها العيال ويويلك تزعلها لاجيك انا اول واحد
حط حاتم اصبعه على خشمه : على خشمي ان شاء الله مايجيها مني ضرر
سلمان اشر لسعود يجي بصف معه توجه سعود وصف مع سلمان وامتلى الصف من عيال ناصر واحفاده و ودخل سعود بالعرضه ومعه زياد بالسيف
-
وقت زفة حور وحاتم
دخلت المصوره على حور وحاتم وصارت تصورهم
دخل سعود بابتسامه: الله الله يلبى وش ذا الزين ماشاءالله تبارك الرحمن استودعتك الله
وسلمان توجه حضن حور : مبروك يقلبيي
مجيد وقف عند الباب يناظر بحور خنقته العبره تكه ويبكي توجه لها بسرعه وحضنها بقوه حاول مايبكي عشان ماتتاثر وابتّعد : الف مبروك يعيون اخوك
عضت حور شفايفها عشان ماتبكي ، ضحك مجيد : طلبتك لاتبكين
حور : شلون ؟
نواف باس راسها : افرحي هذا يومك يوم مافي افضل منه
سعود بابتسامه: اخخ متى يجي اليوم الي ادخل ويزفوني مع زوجتي
ضحكت حور من عرفة انه يقصد ارجوان ونطقت : قريب ان شاء الله
سعود ناظر سلمان بطرف عين: وين قريب وذا هنا !
سلمان ضحك : احلم اتزوج مستحيل
المصوره : لوسمحتو ممكن توقفون جنبها بصوركم ، ابوها وينه ؟
حور حزن بخاطرها عدم وجود ابوها وسند
سعود حاول يرقع عدم وجود فايز : شوي بيجي انشغل هيا خل صور الحين
دخل سند وكان متوتر : تاخرت ؟؟؟
نواف : امش امش لا
توجه سند لحور وباركلها ، بدت تصورهم المصوره
نزل حاتم نظرة على يد حور وشده وجود الساعه الي جابها لحور ابتسم ابتسامه عريضه تنهد وهمس : الاصل ما يليق الا على الاصل
ناظرتة حور بخجل ، انتبهت المصوره لهم وصورتهم بدون يبينون الباقين .
-
بقسم الرجال
ناظر طلال فايز باستغراب مادخل لبنته وشده وجود شخص غريب ناظر يد الشخص وكانت سلاح مثبت على بطن فايز ، لف فايز والرجُل بيطلعون لحقهم طلال وابتعدو عن القاعه كان الرجُل ملقي ظهره وفايز لاهي مانتبه مسك طلال يد الرجُل ونطق : من انت ؟؟
الرجُل للان ملقي طلال ظهره : يهمك ؟
فايز يحاول يبعد طلال من الرجُل : طلال لاتدخل باشياء مالك دخل فيها
طلال ناظره باستغراب: مالي دخل ؟
استغل الرجُل من خف مسكت يدها وطلع السلاح وصوبه بطلال ، سمعو الرجال صوت الرصاص وتوجهو كلهم لصوت ، طاح طلال وحاول ينحاش الشخص وقدر لاكن شافوه الرجال ،
ابو طلال صرخ : طلالل ولدييي
فايز ارتبك خاف يتورط وحط يده على ماكن الاصابه يخفف الدم
اتصلو على الاسعاف .
-
لفو العيال مستغربين صوت الرصاص وطلعو يركضون وحاتم معهم شاف سعود الاسعاف وانخبص توجه للاسعاف وشهق من شاف طلال وفايز يده مليانه دم ، نواف تدخل على طول وهو عنده خبره بالطب "نواف دكتور "
سلمان بخوف : شصار ؟؟
ابو طلال كان يبكي وقفلو باب الاسعاف متوجهين للمستشفى باليالله مسكو حاتم عشان مايروح ونطق بغضب: ولد عمي والله مااتركه
زياد مسكه : يولد اليوم زواجكك !!!
سعود لف على مجيد بغضب : ادخل وخلهم يوقفونن اي اغاني ولا يشتغل شي بسرعه
راح مجيد يركض ويدق على امه ردت : يمه اطلعيي بسرعه عند الباب
طلعت ام حور بتوتر وشافت مجيد : شفيك ؟
مجيد : يمه الاغاني طفوه والزفه تتكنسل لاتشغلون شييي
ام حور استغربت: ليه ؟؟
مجيد : طلال ذبحوه والحين ماندري حيا ولا مات
انصدمت ام حور ودخلت وكان واضح عليها الصدمه ، وتوجهت لام حاتم وقالتها ، ام حاتم تحب طلال بالحيل وانصدمت :يام سند انتي صادقه ؟؟؟
ام حور : تو جاني مجيد يقول لاتشغلون شي
ام حاتم تمسكت بالجدار عشان تتوازن ، توجهت للمطربه وقالتها توقف معاد تغني وتكنسلت الزفه ، علمو ام طلال وانهارت عليهم وتبي تروح للمستشفى ، حاولو فيها عشان ماتروح لاكن كانت مصره تروح ، واتصلت الجده فاطمه على سعود يوديها وراحت ارجوان معها .
-
دخلو المستشفى ودخل طلال على طول العمليات ودخل نواف معهم ، وبعد ربع ساعه وصلت ام طلال وارجوان وقف ابو طلال بغضب : وش جايبك يمره !
بكت ام طلال : ولدي يمحمد ولدي
جلستها ارجوان على الكرسي وينتظرون يطلع طلال طول مره ولف ابو طلال : سعود يبوي ابيك تودي المره والبنت للبيت
ام طلال : والله ماعتب من درجة المستشفى الا اذا شفت ولدي
ابو طلال : يبنت الناس قعدتك مالها فايده خلي سعود يوديك افضل
ام طلال باصرار : والله مااعتب بقعد عند ولدي
ابو طلال يثق بسعود ثقه عمياء ونطق : سعود خلاص ود ارجوان لبيت اهلك عشان بيتنا فاضي مابيها تقعد فيه لحالها
انصدمت ارجوان وهمست : يبه ماله داعي تكفى
ابو طلال : لا لا روحي مايصير تقعدين هنا روحي مع اخوك سعود
انصعق سعود من كلمة اخوك ،: ابشر يعم بوديها بيت اهلي
ابو طلال : يالله يابوك روحي معه
طلع سعود وارجوان وراه وصلو ليسارة سعود وفتحت الباب الخلفي
ناظرها سعود بصدمه : بتركبين ورا ؟
ارجوان : اجل وين اركب ؟
سعود اشر على الكرسي الي قدامه
ارجوان : لا انجنيت !
سعود مسكها : والله ان تركبين قدام سواق انا ؟
ارجوان تحاول تبعد يد سعود : سعود يخي حرام متى تفهم حراممم
سعود :ارجوان اركبي قدام !
ارجوان : سعوددد !!!
ركبها سعود بالغصب قدام وتوجه لبابه وركب : معليش تركبين ورا وانا قدام ؟ سواق عندك انا ؟
سكتت ارجوان وصدت للجه الثانيه ،
مشى سعود متوجه لبيتهم : وريني فستانك اشوف
ناظره ارجوان بصدمه وبداخلها ( مفروض معاد استغرب من حركات سعود ) لف سعود بابتسامه: يبنت الناس تكلمي
ارجوان : شلون تبيني اتكلم واخوي ذابحينه ؟
سعود : لا ان شاء الله بيطلع بخير انتي تفائلي
-
بعد دقايق دق جوال سعود وكان سلمان فتحه سبكر : هلا سلمان
سلمان تكلم ببكي : يسعود طلال مات
وقف سعود السياره بقوه وقفل السبكر : انت متاكد ؟
سلمان يبكي ويحاول يتكلم : طلع نواف يقول الاصابه مكانها خطير ووقف قلبه
قفل طلال المكالمه ولف يناظر بارجوان ، كانت تبكي وتناظر سعود تنتظر يقول انهم ملخبطين او كذب
ارجوان ببكي : سعود تكفى قل الصدق
سعود ماقدر يمسك دموعه وبكي ، فهمت ارجوان ان طلال توفى إنهارت تبكي حضنها سعود بقوه ويحاول يهديها وكل مالها تزيد وسعود يبكي معها ، ابتّعدت ارجوان ونطقت : تكفى ودني للمستشفى
سعود : مستحيل
ارجوان مسكت يد سعود بدون ماتستوعب وكانت تبكي : تكفى بشوف اخوي تكفى خلني اشوفه اخر مره
سعود :بس انتي كاشخه وتروحين بفستانك ؟
ارجوان : ودني بيتنا بنزل وبسرعه ارجع تكفى
سعود تنهد بقل حيل ومايقدر يرفض ، كمل طريقه متوجه لبيت ارجوان ،
وصلو ونزلت ارجوان بسرعه بدلت ومسحت مكياجها وكانت منهاره تبكي ، وسعود يمسك نفسه ماينزل وهو عارفه ارجوان ومتاكد انها منهاره الان ، جته وركبت بهدوء وتوجهو للمستشفى.
-
بالقاعه
انقلب الزواج فوق تحت بدو المعازيم يروحون وتفضى القاعه والكل يبكي والكل متضايق مايدرون عشان زواج حور خرب ولا عشان طلال ، طلعت حور مع حاتم وكانت الدمعه بعين حاتم شوي وتنزل ، كان عارف انهم مراح يعلمونه اذا صار شي بطلال وكلم صاحب له بالعمل ، كانو متوجهين للفندق وصلو ونزل حاتم وساعد حور طلعو للغرفة وطلع حاتم وبقيت حور حاولت تبدل فستانها وكان صعب مره عشان تفتحه دخل حاتم واستغرب انها للان مابدلت ، شافها مبتلشه بالفستان تقدم لها ونطق بهدوء: تحتاجين مساعده ؟
كانت بترفض لاكن لو ترفض بتقعد بفستانها هزت راسها بالموافقه
تقدم حاتم ارتبك مره وحاول يفتح السحاب فتحه وابتعد طلع من الغرفه ، زفرت حور براحه وتوجهت لدورة المياه ، انتهت وطلعت شافت حاتم جالس وقدامها جواله وواضح انه متوتر وينتظر شي ،
دق جواله ورفعه بسرعه ونطق بخوف وتوتر : مازن طلال شصار فيه
قاله ان طلال توفى رمى حاتم الجوال ، مسك راسه بصدمه وصار يبكي توجهت حور له وكانت متردهه لاكن تجاهلت الشعور هذا وحضنته بسرعه وجلس وحور للان حاضنته ،
حاتم يبكي وحور تبكي معه تاثرت وبقوه ، خف بكي حاتم ، و حط راسه على بحضن حور وغمض عيونه لانها بدت توجعه وصارت حمرا ،
مدت يدها وحطها على راسه وتمسح عليه .
-
بالمستشفى
دخلت ارجوان وانصدمت من شافت الرجال والزحمه ، دورت امها وابوها بنظرها وماكان في احد ، حاولت تدخل لاكن مسكها سعود :
على وين تشوفين الريجيل انتي ؟ تعالي منه
مشت ارجوان معه ودخلها على الثلاجه ، رجولها معا تقدر تشيلها دخلت وتحاول تمشي وسعود انتبه لها مسكها من ذراها ومشاها لين عند طلال وكشفو عن وجه ، ناظرت فيه جتها كتمه انخنقت مع دوخها طاحت اغماء عليها ، انصدم سعود من طاحت عليه شالها وتوجه فيها لطوارئ ، انخفض الضغط عندها ، لف الدكتور على سعود ونطق : فقط انخفاض بالضغط وشويات وتصحى ان شاء الله انا استاذنك
سعود : اذنك معك
طلع سعود ووقف عند الباب وصادف سلمان وحضنه وصار يبكي بانهيار ويردد : يسلمان طلال طلال يسلمان
سلمان حاول مايبكي : قول لا اله الا الله يسعود استهدي بالله
سعود طاح على الارض وطاح معه سلمان منهار بكي ، شاله سلمان ونواف وجلسوه على الكرسي وللان سعود مو قادر يهدي وكان متفائل جدًا ان طلال بيقوم لاكن صدموه بموت طلال وهو اقرب له من اخوه
بعد مده وقف وتوجه لغرفة ارجوان دق الباب ودخل شافها نايمه بعمق ووجها واضح عليه التعب ، الان كيف بتعيش ارجوان بدون طلال ؟ عمه محمد ؟ ام طلال ؟ فقط التخيل كسر ظهره وهو حاس بالفقد باخته مزون تذكر كيف توفى مزون ، استند على الباب وكان ينزل على الارض يبكي ويضرب بيده على الارض ، حست ارجوان بصوت وقامت انفجعت من شافت سعود منهار يبكي وقفت بتردد وتوجهت له وهي تبكي ،
نطقت ببكى : سعود
رفع سعود راسه وعيونه صارت حمرا ، ماترك لارجوان مجال وحضنها وصارو يبكون الاثنين ،
أبتعد سعود عن ارجوان ورجعت ارجوان ظهرها للخلف وصارت جنب سعود مستندين على الباب ويناظرون بالجدار وكل واحد اخذته الذاكر بالاحداث الجميله والسيئة مع طلال ، تلثم سعود بالشماغ يحاول يوقف بكي مااقدر وارجوان غطت وجها بيدينها ، سعود يسمعها تشاهق وتبكي بحرقه على اخوها وحيدها ، مايعرف كيف يواسيها لان يحتاج مواساة بعد ، وقف سعود ومد يده لارجوان رفعت ارجوان نظرها على سعود ومدت يدها له وقفت معه وتوجه بها لسرير
سعود كان يحاول يغير نبرة صوته ومايبان فيه الحزن : انا بطلع وشويات واجيك
هزت ارجوان راسها بالموافقه ووانسدحت على ظهرها وتناظر بالسقف وماتكلمت ابدًا ، طلع سعود من غرفة ارجوان ويحاول يتوازن بمشيه وكل ماله يغمض ويرجع يفتح بقوه يحاول مايطيح ، انتبه له شخص وتوجه له : يخوي فيك شي ؟
هز سعود راسه بالرفض
، الرجُل : متاكد ؟ تعال تعال اجلس هنا ارتاح
سعود كان محتاج احد يساعه وجلس على الكرسي .
-
انتشر خبر وفات طلال بسرعه والصلاه عليه الفجر ويدفن بعدها ،
توجهو اهل ال راجّح لبيت ام طلال ورتبو البيت اذا فيه شي مو مرتب قبل يجون المعزين وفتحو القرآن ورفعو بالصوت لاعلى صوت، وصلت ام طلال وارجوان للبيت وانهارت ارجوان من شافت ليالي وتذكرت حب طلال لليالي وكانت ليالي مو مهتمه بطلال .
بدت ايام العزاء وكانت كئيبه على اهل طلال ووقفت ال راجّح زادت معزتهم عند ابو طلال واعرف انه احسن الجيره ،
-
مر اسبوع على وفات طلال صار فيها احداث كثير ،
خروج جميل وبراءته من تعذيب زياد ، فتح التحقيق مع فايز ومحاولت معرفة الرجُل الي ذبح طلال ، دخول ارجوان للمستشفى اربع مرات ، تنازل فايز عن صالح لاكن وقفو بوجه فايز ورفضت ترف وبالعكس اصرت انها ينسجن وكانو موقفين كلهم معها الا فايز وصارت هوشه بينه وبين ترف ، وزياد يدور بالقضيه وشاك بفايز والاسباب كثير " محاولت الاعتداء على ليالي ومسك العامل وفضح ساجي ، الاعتداء على ترف ، تعذيب زياد ، رمي القضيه على جميل ، واسباب كثير ، وللان عدم معرفة احد بمعرفة ساجي وفايز والعلاقه بينهم .
-
بييت الجد ناصر
وقف زياد سيارته الكزز عند باب بيت ناصر ، وكان بينزل وشده خروج فايز وواضح التوتر من تصرفاته وساعده هدوء المنطقه وعدم وجود سكان كثير والظلام الدامس ، ، شغل زياد سيارته وحاول تتبع فايز ،
ابتّعد فايز عن البيت ووقفت سياره كبيره ذات لون اسود ونزل منها ثلاث رجال مغطين وجهم بالشماغ وثياب دخلو فايز لسياره ، انصدم زياد من اخذو فايز وحاول يتتبعهم لاكن صعب ، بلغ الجهات المختصة ، ويالفعل حاول زياد تتبعهم بددون مايعرفون ومطفي نور السياره وطلعو من المنطقه وابتّعد جدًا والجهات تتبع زياد وصلو للمنطقه وابتعّد زياد عنهم لاكن عرف مكانهم والمكان مهجور جدًا ،
دخل فايز بغرفه وجلسوه على كرسي ، بعد دقايق دخل ساجي
فايز لف برعب على ساجي بلع ريقه من شاف الغضب بعيون ساجي
ساجي قرب بسرعه على فايز ومسكه من ياقته بغضب : انت وش قلتلي ؟ قلت صالح بيطلع !؟ وينههه !!!!
فايز بخوف : والله حاولت اطلعه حتا اني تنازلت لاكن بنتي بنتي مو راضيه وعمانها وقفو معها وماقدرت
ساجي دف فايز وطاح على ظهره من الكرسي : العانيه وصلتك بزواج بنتك ؟
فايز قطب حواجبه وهو مو فاهم كلامه
ساجي لف يدور بالغرفه : صح الولد ذاك انقذك على حظك ، لاكن اليوم مافي احد يساعدك ! اقدر اذبحك هنا ومحد يدري عنك ،
فايز بترجي : تكفى يساجي عيالي
ساجي ضحك بسخريه: عيالك ؟ وينهم ؟ انت خربت بيتك بنفسك
الحين بنتك الكبيره حور صح ؟
فايز بغضب : لا تقولل اسم بنتي على لسانك
ساجي بعناد : حور وترف حلوه اسماهم وهم جميلات مثل اسماهم وصالح طمع بالصغيره لاكن ساعدها ذاك الولد ، صح طرا ببالي نسامحك بس تجيب بناتك عندنا شرايك
انجن فايز وحاول يقوم من الكرسي لاكن مربطه رجلينه ويدينه ، توجه ساجي له وضربه ببطنه : وحده "وضرب مره أخرى " ثنين ثلاثه اربعه خمسسسه ستهه
كح فايز وطلع دم من فمه بسبب قوة الركل ، ساجي انحنى له وضحك : عورتك ؟
فايز صد للجه الاخرى ، مسك ساجي فك فايز ولفه عليه وكان بيتكلم قاطعه من دخل واحد من رجال ساجي وتكلم بخوف : المباحث جو المباحث جو
خاف فايز حاول يقوم ولا احد فكه طلعو كلهم يركضون يبون ينحاشون وانمسكو كلهم ، دخل زياد الغرفه الي فيها فايز ، وتوجه له وفك الحبل عنه لبسه الكلبش وطلعه ، انصدم سعود من شاف فايز ركض لزياد ونطق : فايز ؟؟؟ زياد فك الكلبش عن اخوي
زياد بعد سعود عن طريقه وركب فايز لسياره وودوه القسم ورجال ساجي انمسكو كلهم وساجي وفايز ،
-
فتح تحقيق بقضيه ساجي وفايز وانكشف كل شيء من اعترف واحد من رجال ساجي واتخذ قرار سجن فايز 20 سنه وعقوبات اخرى ، وساجي ورجاله اعدام وصالح تدبل له الحكم ،
طلع سعود مصدوم من اخوه وتوجه للبيت طول الطريق يفكر كيف يقول لاهله وهم تو طالعين من صدمه يدخلون بصدمه ثانيه كيف يصارح ترف ان الي صار فيها بسبب ابوها ، كيف يناظر بزياد وهو متعذب بسبب فايز كيف يناظر بارجوان واخوها متوفي بسبب فايز كيف يقول لابوه ان فايز بكره كان يروج المخدرات للمراهقين الي كبر عياله وهدم عائلات كثيره ، استوعب ان المشاكل الي صارت لها علاقه بيعض ومتشابكه ببعض وكل قضيه ترجع لفايز .
-
دخل البيت والقاء السلام جمع العائله كلها وبدا يمهد لهم الموضوع ونطق بقل حيل : فايز انحكم عليه 20 سنه سجن
شهقت الجده فاطمه ونطقت : يسعود انت صادق !
بلع سعود ريقه واخذ نفس بصعوبة: فايز دخل مع عصابه بترويج المخدرات وحكم عليه 20 سنه لاكن بسبب انه تاب وحاول يبعد عن ساجي خفف عليه الحكم ولا كان اعدام مع الرجال الي انمسكو معه
ضحكت ترف وهي فهمت السالفه : يعني الي صار لي بسبب ابوي ؟
سعود رفع راسه بصدمه : كيف عرفتي ؟
ترف عضت شفايفها ونطقت : ابوه ساجي
نواف وقف : سعود مشينا للقسم يالله
سعود : اجلس مافي امل يدخلونا زياد الي ماسك القضيه ولا نقدر نسوي شي ومانع دخول اي شخص يقرب لفايز
الجد ناصر بغضب: كيف مايدخلنا على ولدنا !!
ام حور وقفت وطلعت من الغرفه بهدوء
سند امتلت عيونه دموع : يعمي ابوي مظلوم مستحيل يسوي كذا
مجيد وقف ونطق بقهر : عشان كذا تنازل عن صالح قدم الغريب على بنته انا كنت ملاحظ تغيره حتا انه نفخ مره على جدي وبغو يتذابحون
ترف لو مامسكوه عماني كان الحين دافنينها وحور مادخل عليها يسلم ولا يبارك لها ؟ واول ماجاء حاتم عطاه على طول واحمد ربي ان الي جاء حاتم ،
سعود بحزن شديد : وسبب وفاة طلال فايز
الجد ناصر: لا حول ولا قوة الا بالله الله المستعان
وقف شعود وطلع وبعده افترقو كل الي بالمجلس وراحو لغرفهم والي طلع .
-
ببيت ابو طلال
فتحت ارجوان جوال طلال ودخلت للاستديو وشافت صور طلال وتبكي اكثر كل ماشافت صوره ، دخت الواتس وصارت تدور شدها اسم"ليلي " وهذا لقب معطينه لليالي دخلت وانصدمت من شافت الكلام واعتراف دورت رد ليالي مالقت وشافت انها مبلكته ، تاكدت من الرقم وطلع نفس رقم ليالي ، انصدمت وهي عارفه ان طلال يحب ليالي بس مو كذا وانه حاول يكلمها ، قاطعها دخول امها وخبت جوال طلال
ام طلال : ارجوان يبنتي تعالي كلي لم لقمتين لك اسبوع اشوفك ما تاملين زين
ارجوان تاكدت ان الجوال مخبأ وطلعت مع امها ، ابتسم ابو طلال من شاف ارجوان : ارحبي يبنيتي
ارجوان تقدمت وباست راسه وجلست جنبه مسكت يده وصار تحبها
ابو طلال: اخبارك يبوي كيفك
ارجوان : نحاول نعيش
ابو طلال حضن ارجوان بقوه وبادلته ارجوان
ابو طلال : تبين اوديك لبني ناصر ؟
ارجوان : لا يبوي الله يعطيك العافيه ماابي اروح والحين الساعه 9 مايصير
ابو طلال وده يطلعها تروح مكان : بعد العشاء بنطلع مالي دخل
ارجوان بابتسامه: ابشر
حطت ام طلال العشاء ورفع راسه ابو طلال ويناظر بمكان طلال ودايم طلال يحاول مايفوت اي وجبه ببيتهم مسك دموعه لاتنزل ويتاثرون ، انسدت شهيته وقام يغسل .
-
بجناح حور وحاتم
دق سعود على حاتم وعلمه السالفه وقاله يعلم حور ، تورط حاتم كيف يعلم حور شافها بالمطبخ تسوي لها كوب شاهي ، لفّت على حاتم ونطقت : اسويلك معي ؟
حاتم ابتسم : لا مشكوره انتي تعالي بقولك حاجه
خافت حور : اهلي فيهم شي ؟
حاتم مسك يدها : تعالي انتي
جلسها على الكنب وجلس جنبها وصار مقابلها : حور ...
حور ارتبكت اكثر من شافت توتر حاتم : حاتم فيك شي ؟
حاتم : شسمه ...
حور : تكفى قول بسرعهه !
حاتم : عمي فايز
حور : شفيه
حاتم بلع ريقه ، : مسكوه مع عصابه
شهقت حور ، ونطقت بصدمه : حاتم كيف شلون ؟
حاتم : وحكم عليه 20 سنه اسمعي اسمعي دقيقه حور
حور نزلت دموعها وصارت تبكي ووقفت تبي تدخل غرفتها لحقها
حاتم وحضنها : حور يقلبي اهدي افهمي السالفه كلها
حور ببكى : متى مسكوه ؟
حاتم : اليوم متى بالضبط ماادري لاكن فايز كان سبب بكل المشاكل الي صارت
ناظرة حور فحاتم بصدمه : يعني الي تحرش بترف
حاتم حط يدينه على وجه حور : اول شي اختك ماتحرشو فيها ستر ربي عليها ، وايوا فايز كان سبب بالي صار فيها
حور حاولت ماتبكي ونطقت بغصه : وطلال ؟
حلتم زفر بضيق: زياد وليالي وطلال كله بسبب فايز
حور انهارت تبكي حضنت حاتم بقوه وحاتم بادلها ويحاول يهديها وماينكر ان انصدم دخلها الغرفه ونامت على طول وهو طلع للعيال بعد تردد .
-
صباح يوم جديد
ببيت الجد ناصر دخلت ام خالد بالفطور على الجد ناصر والجده فاطمه ، وكانت تحاول فيهم ياكلون ، اكل الجد ناصر عشان علاجه والجده فاطمه اكلت لقمتين وقامت ، بدو يقومون الي بالبيت حبه حبه والبيت كئيب بمعنى الكلمة قام سعود وطلع من البيت متوجه للقسم ، وسوت ليالي فطور وتجمعو البنات بالمقلط ليالي وترف وخلود وريتال
ليالي : شرايكم نروح لارجوان ؟
ريتال : ايه خل نروح لها وودي حور تجي اشتقت لها
ترف : هيا خلصو فطور ونروح لارجوان ،
بعد الفطور استاذنت خلود من الجد ناصر وطلعو متوجهين لبيت ارجوان ،
وصلو ونزلت ليالي رنت الجرس وطلعت لها ارجوان ، وبعدها دخلو البنات ،
ارجوان جتهم بالقهوه وبدت تقهويهم : كيفكم ؟
ترف بابتسامه حزينه: لو تعرفين وش صاير اخ الله يعين
ارجوان بخوف : شفيه ؟
ليالي : خالي فايز انمسك
فتحت ارجوان عيونها بصدمه : تقولينه صادقه ؟
قالت ليالي السالفه لارجوان وماقالت ان فايز سبب بموت اخوها
نطقت ارجوان : لا اله الا الله الله يعينكم يقلبي وان شاء الله يطلع
ترف : ان شاء الله
ريتال وقفت : تكفين خل نسوي اي شي انا تعبت من الاكتئاب هذا تعبت من المصايب
ارجوان : وش نسوي ؟
ريتال : بتسوين غداء صح ؟
ارجوان : ايه
ريتال ناظرة بالبنات : مشينا ندخل المطبخ نسوي الغداء
ارجوان : لا وين ؟ انا بسويه انتم ارتاحو
ليالي وقفت وتوجهت للمطبخ : ضيوف حنا ؟
ضحكت ارجوان وركضت لليالي : والله ان تجلسين
ليالي : والله مااجلس انا بخاطري اطبخ يبنت خل نطبخ ونحوس تصير ذكره
ترف : يالله يحمسس
دخلو البنات للمطبخ وخلود معهم تشرف عليهم
ريتال : ترف ماتعرف تسوي حتا اندومي خايك على جنب
ضحكت ترف : صحيح
ارجوان ضحكت : تعالي جنبي اعرفي
توجهت ترف تركض لاارجوان وبدت ارجوان تشرح لها كيف تسوي
كبسه وتساعدها باشياء بسيطه والبنات يساعدونها ، نظفو المواعين
وطلعو يضحكون من المطبخ ، نسو جميع همومهم من دخلو مع
بعض وكملو جلستهم وبعدها حطت ارجوان الغداء وتغدو ،
ترف وهي تغسل يدينها: تسلم ايدياء على الاكلات الطيبات
ليالي ضحكت : وين انتي مسويته ترا ارجوان الي طابخته
ترف : لاتقتلين المتعه يشيخه
خلود مشت وضربت راس ترف بخفه : لمتى بتبقين رفله كذا ريتال اجيد منك
ترف بتمثيل الغضب : ماابي اصير جيده ابي اتزوج شخص غني ويجيب طباخه لي
ارجوان ضحكت: العب طباخه مره وحده وبديرتنا وينهم ذول ؟
ترف تنهدت : اخخ الي ينكد علي اننا بالديره ذي
ليالي طلعت من عند المغسله تضحك على ترف ، ورجعو البنات تجمعو بالمجلس .
-
بجناح حاتم ،
قامت حور وشافت حاتم نايم جنبها بتعب طلعت متوجه لدوره المياه وصلت بعدها دخلت المطبخ ناظرت المطبخ ماتعرف وش تسوي لفّت بتطلع وصرخت من شافت حاتم واقف
حاتم وهو يفرك عينه : شفيك تصايحين ؟؟
حور اخذت نفس ونطقت : حاتم خرشتني !! تكلم بعدين
ضحك حاتم : خرشتك ؟
حور بلعت ريقها : ايوا ؟
مشى حاتم متوجه لها وحط ذراها على كتفها : وش بتسوين اكل ؟
حور ناظرته : وش تبي ؟
حاتم : تبين الصدق ؟ ماودي بشي
مشو طالعين من المطبخ : حتا انا ، حاتم عادي اطلب طلب
حاتم : اطلبي
حور وقفت قدامها ومسكت يده : تكفى ابي اروح لاهلي تكفى حاتم
حاتم ماكان وده يخليها تروح : الحين البيت متوتر مره وماحد له خلق لثاني متاكده تبين تروحين ؟
حور : ايوه تكفى حاتم تكفى
حاتم تنهد بقل حيل: تمام تجهزي وانا بتروش ونروح لاهلك
حور بابتسامه عريضه: مشكورر
حاتم تكتف يتاملها وانسحر بابتسماتها ، راحت تتجهز وهو توجه لدورة المياه ،
__________________
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
