غمز عبدالمجيد ونطق : نتعلم منك ! !
رفع سعود حاجبه واشر على عبدالمجيد ونطق : نسحبه فاغر طلع العن مني ومنك !
ضحك سلمان ونزل نظره على عياله والي بعد شوفتهم قدروا يغيرون نفسيته ودخل نواف بعد ما تاكد ان مافي احد ونطق : انتم وش جاكم؟
ضحك سعود وجلس على الكنب ونطق : جدولنا على بنتك !
ضحك سلمان ودخل جابر ولف نظره لـ عبدالمجيد وبدا يفسر كل كلام عبدالمجيد وتوتره اذا دخلت وجدان وكلامه لـ الخيل ولف عبدالمجيد وطاحت عيونه بـ عيون عبدالمجيد وتلاشت ابتسامته ونزل نظره وهمس : الله يسامحك يامي ماخليتي شيء !
وضحك نواف بـ قوه لانه كان بـ جانب عبدالمجيد وسمع كلامه ونطق سعود بـ فضول : وش يقول ؟؟؟؟
ابتسم نواف ونطق عبدالمجيد : وش عليك مني انت بتخطب اليوم ولا ؟
لف سعود على نواف وهو كان معتمد عليه ونطق : مدري
فهم نواف من نظرة سعود ونطق : بكره ان شاء الله عشان اعمامي بيجون وعيالهم وعساف وانت بيكتب كتابكم بنفس اليوم !
ابتسم سعود و وقف ورفع ذراعه لـ السماء ونطق : اخخ يالسعادهههه يارب تدوم السعاده وتعيننا على ما بلانا وتصبرنا على فقد غاليتنا ويربط على قلوبنا
وبدا الكل يكرر كلمة امين ثم اكملوا يسولفون وقاموا مره وحده لـ المجلس وبحضن سلمان وديان وحضن سعود سعود الصغير .
-
« بـيت زياد »
نزل الشناط وكان مصدوم من عدد الشناط الي طلعتها ليالي وبدا يركبها السياره وطلعت ليالي من البيت ولف عليها ونطق : متاكده انك بتقعدين شهر ولا مهاجره ؟؟؟
ماردت ليالي على زياد وضحك بـ صدمه من ركبت بـ الخلف وقفل على الشنطه وتوجه لـ شباكه وثبت ذراعه على الشباك ونطق : ما شاء الله والمرتبه قدام من بيقعد فيها ؟ لا يكون لحالي !
ماردت ليالي على زياد وهي الي زعلت على ان السبب تافهه الا انها زعلت وبـقوه , ورفع حاجبه بـ اسغراب لكن قرر يتجاهل وركب السياره وحرك من البيت وشايل همها ومتوتر من زعلها وتذكر حبها لـ الورد وتوجه لـ اقرب محل ورد ونزل لـ المحل ولفت ليالي وعبست وجهها من قرئت اسم المحل وما مر دقايق الا وصل زياد و بين ذراعينه باقة ورد يكسوها اللون الاحمر اللون المفضل لـ ليالي , وركب السياره ونزل الباقه بـ مقعد المعاون ، وصدت ليالي نظرها وثبتته على الطريق وزياد الي يخطفها بنظرات من المرايه, وتنهد بـ ضيق وشغل اغنيه مفضله لـ ليالي ~ انتظرته ~ للفنان خالد عبدالرحمن وفز قلبها من سمعت كلمات الاغنيه وبدا يردد زياد مع الاغنيه :
انتظرته وقلبي بحساسه يقولل ...
وكمل يغني وليالي تحاول تصد عن زياد ولا تلف نظرها له وتورط مع الباقه مايدري شلون يعطيها
وانتهت الاغنيه وكانت اغنيه خلف اغنيه وكل وحده تعني شيء ~ ياحبيب الروح عني لا تروح ~ مايدري ليه زياد يحس ان روحتها المره ذي مو من صالحه وبتضره , لكن غصبًا عنه يخليها تروح لـ خوالها , وقرر من يوصل يكلم سعود وعمه ناصر عن اهل ليالي ، وصدفه اشتغلت اغنيه لـ راشد الماجد ~ خذ راحتك ~
وكانت ثقيله على قلب ليالي وانهارت تبكي وانصدم زياد من سمع صوت بكيها ونزل نظره على المسجل واستوعب كلمات الاغنيه وعبس وجهه بـ ضيق وهمس : اخ يازياد اخخ !!
وقفلها على طول وكان من غباء زياد الي سهى عنها وماركز بالكلمات , و وقف عند محطه ونزل لـ البقاله وبدون وعي منه بدا ياخذ كل انواع الشوكلت والشبسات لـ ليالي , وطلع بـ اكياس كبيره ونطق : تفداك والله !
وتوجه لـ السياره وفتح الباب الخلفي وترك الاكياس بـ جانب وكانت صاده عنه ، وفتح زياد بابه وركب وكمل طريقة لـ الديره وكان الوقت طويل من الرياض لـ الديره , والمره هذي وقف زياد الاغاني ولا شغل شيء ولفت ليالي وجهها على الاكياس وصدفه شافت شوكلت وحذبتها بشكل مو طبيعي واشتهتها لكن ماتبي تاخذ من جابها زياد ، وصدت عنها وتحاول تجاهد نفسها ولا تاخذها لكن انهزمت وفتحت الكيس وللاسف كان زياد جايب من النوع الي اشتهته ليالي واحد , وبعد ماخلصت الاول رجعت تدور واحد ثاني لكن مالقت وسرعان ما سالت دموعها ونطقت : مافيي الا وحدهه مافي الا وحدهه !
صفط زياد السياره ولف على ليالي وانصدم من عرف سبب بكاها ونطق : بس تبين النوع ذا الحين اقرب بقاله انزل واجيبها !
ولف على الاكياس وكانت مليانه من انواع الشوكلت لكن ليالي علقت على نوع واحد , و وقف زياد عند اقرب بقاله ونزل يركض يدور على الي بخاطر ليالي واخذ خمس كراتين من نفس النوع وطلع لـ السياره وفتح الباب ونطق : بالعافيه
ورجع لـ مكانه و معاد يسغرب ليالي لان لها فتره وهي على هالحال , و وصل الديره و وصل بيت خوالها لكن كان فاضي وبيت ابو طلال فاضي ولف على ليالي ونطق : البيوت فاضيه
لفت ليالي نظرها على البيت وتذكر بيت المزرعه ونطقت : اكيد بالمزرعه
كان بيروح المزرعه لكن حب يتاكد واتصل على سعود ونطق : السلام عليكم
سعود : وعليكم السلام يابو سلطان يالله انك تحيه علومك
زياد : الحمد لله بخير الله يسلمك الا ياسعود البيت فاضي وينكم
فز سعود من مكانه ونطق بـ صوت عالي : يالله انك تحيهمم ابك والله تو تنور الديره ! احنا بالمزرعه الي دون الـ^^^
ابتسم زياد ونطق : مشكور يابو ناصر
وقفل من سعود وتاكد ان ليالي صادقه وتوجه لـ المزرعه وعلى تعبها الا متحمسه ومشتاقه حيل لـ خوالها وهي من
من بعد العزاء ما قابلت احد ، و وصل زياد المزرعه ودخل سيارته مع البوابه واستقبلوه خوالها بـ التراحيب ونزلت ليالي وركض سعود لـها ونطق : يالله انك تحيهمم ارحبوااا ارحبواااا
وحضن ليالي بـ قوه ونطق : اخبارك ياليلييي طيبه ؟
ماتحملت ليالي وانهارت تبكي وسعود الي انرعب من بكيها ونطقت : تكفى لا تخليني اروح مع زياد !
لف سعود بـ قوه على زياد وعيونه الي تطلع شرار وغمض زياد عيونه وتنهد بـ ضيق من تاكد انه بيتورط و وصل سلمان وانتبه لـ نظرات سعود ونطق : شفيك ؟
ولف على زياد ونطق زياد : سوء تفاهم !
سعود بالنسبه له كل شيء الا ليالي ويفجر باللي يضايقها ونطق : ليالي ادخلي والباقي احله انا
وابتعدت من سعود وسلمت على سلمان ونواف و توجهت لـ الجد ناصر الي طلع من سمع خبر وصولها ونطق بـ ابتسامه: يامرحبا بالغاليه ارحبي يابعد اهلي ، طمنيني عليك
توسع ثغر ليالي بـ ابتسامه عريضه وتوجهت لـ الجد ناصر وقبلت راسه ونطقت : الله يسلمك يابوي كيفك !!
الجد ناصر: الحمد لله يابنتي بخير انتي بخير هذا اهم شيء ! يالله يابنتي ادخلي داخل عن البنات المجلس فيه رجال
هزت ليالي راسها بـ الايجاب ودخلت لـ الداخل ولف الجد ناصر وصغر عيونه يحاول يفهم وش يصير بين العيال ، ورفع سعود اصبعه وثبته بوجهه زياد ونطق : والله يازياد لو اعرف ان يدك طويله عليها والله ان انـ....
رفع زياد كفينه يهدي سعود ونطق : يارجال افهم ! ليالي الفتره ذي ماهي بطيبه ابد وماترضى تطلع من ورا الباب اا شافتني بكت ابك تو تو بكت عشان مالقت البسكوت الي عجبها !! وليالي انا احرص عليها اكثر منكم وانا بنفسي بقطع يدي اذا مديتها عليها !
زفر سعود بـ ضيق ونطق نواف : وش الي ماتعرف ؟ ماوديتها مستشفى ؟
زياد : اقنعها ! اقولك ماترضى تتحرك من غرفتها ! ماتطلع منها ! وماهي طيبه ابد من رجعت من الدوره
تقدم سلمان وطبطب على كتف زياد ونطق : لا تشيل هم هي عندنا وابوي يعاين فينا لا توترونه !
لف سعود نظره لـ الجد ناصر ونطق : ايه ابوي مو ناقص بعد هم !
نواف : اقلط يازياد !
زياد : الله يكثر خيركم ما تقصرون لكني مستعجل يوم ثاني ان شاء الله
نواف بـ اصرار : والله ماتروح الا وانت متعشي اقلط يارجال !
زياد : يابو جابر اعذروني المره ذي ماقدر اهلي ينتظروني واعدهم
نواف : في امان الله !
وتوجه زياد لـ الشنطه وبدا ينزل اغراض ليالي وتوسعت عيون سعود من شاف شناطها ونطق : ياولد الشناط ذي شنهي ؟
ضحك زياد ونطق : لا تسالني ! تبي تهاجرني
ضحك سلمان وبدا يشيل الاغراض يدخلها وتساعدوا العيال يدخلونها ونزل زياد الباقه فوق كراتين الشوكلت وتنهد بـ ضيق وهو الي ماقدر يودعها ولا أعطته مجال ابدًا , وتوسع مبسم سعود بـ ابتسامه وضحك ونطق : العبب العببب ياللواء !
ضحك زياد وتوجه لـ باب السواق ونطق : مع السلامه
ضحك سعود ونطق : مع السلامه
وشال الباقه وكراتين الشوكلت ودخل قسم الحريم ونطق باعلى صوته : لوني بنت كان حاشرتك بزياد !
توسع عيون نواف ونطق بـ صدمه : سعودد !!!
تغيرت ملامح سعود ونطق بـ صدمه : وش قلت ؟ قلت لوني بنت ! صحح بقولكممم بكره بخطب ارجوان
صرخوا البنات بـ صدمه ونطقت ريتال : اخيرًا !!!!
ضحكت وجدان ونطقت : كلنا شهدنا على الحب !
لف نظره على وجدان ونطق : شهدنا على حبكم ؟ الدور جايكم !
لفت وجدان بـ صدمه من كلام سعود لـ ابوها وضحك نواف من تغيرت تعابير وجهها ونطق : سعدوننن !!!
ضحكوا البنات بـ قوه ونطقت ريتال : السنه ذي بتكون غير ان شاء الله
جلس سعود ورفع رجل على رجل : خير خير دامك بتفارقينننا !
توسعت عيون ريتال ولفت وجدان لـ ريتال وضحكت باعلى صوتها ونطقت : ايوه واحد بواحد ! هههههههه
ضحك سعود ورفع كفه وتقدمت وجدان وضربته بـ كفه وجلست بـ جانبه ولف نظرها عليها ونطق : نذب عليها ؟
لفت وجدان وجهها لـ ريتال وعبست وجهها : وش نخلي و وش نقول ؟
ضحك سلمان بـ قوه من استوعب انها وقعت بين سعود وريتال ونطق : يانواف الحق بنتك طاحت بين الشماتين !
ضحك سعود وحضن كتف وجدان ونطق : والله اني احبك يابنت !
توسع ثغر وجدان بـ ابتسامه عريضه وكانت ملامحها من الخجل تتورد ونطقت : عمي سعوددد
ضحك سعود و وقف من اشر له نواف يلحقه ودخلوا المطبخ وبدوا يشيلون العشاء وطلعوا لـ قسم الرجال وبعد العشاء مر الوقت بالسوالف والعب والطقطقه .
-
« البـيت الطيني »
وقفت غرام من فراشها البسيط وفتحت الشباك ورفعت نظرها لـ السماء وتتامل النجوم وللحظه خطر على بالها الغريب وضحكت بـ خفه من تذكرت اسمها المستعار ~ مـرح ~ وماهي متاكده اذا هو صدق اسمه بدر , ولفت جسدها واعطت الشباك ظهرها وتنهدت بـ ضيق من شعرت بـ جوع لكن ما كان عندها شيء تاكله ابدًا وكان البيت ابوابه مصديه من السنين وما يتقفل وكل ليله تعيش بتوتر وخوف , وفتحته وطلعت لـ الخارج ولفت نظرها لـ المكان الي كان مشاري طول الوقت المتواجد فيه بـ البيت ينام فيه وعلى قسوة البرد الا تحمل ونام عشان راحتها , وهو يقدر يستاجل فلا مو فقط شقه لكن ما يبي يدخل بين الحواري المليئه بـ البشر وفضل البيت الطيني القريب من حارة الجد ناصر , التي تجمع بين بيتين ~ الشيخ ناصر بن فايز ال راجح ~ محمد بن تركي ال فيصل ~ وبيت اخيه ~ والد حاتم عتيق بن تركي ال فيصل ~ البعيد عنهم وكان بـ بداية الحاره , والباقي مزارع ضخمه ذات خضار شديد وبيوت مهجوره من سنين , وتوجهت لـ مكانه وجلست على التربه وصارت تحرث بـ يديها وتكتب كلمات وحروف عشوائيه على التراب وعبست وجها بـ ضيق من الشيء المدفون بين التراب , ورفعتها بـ صدمه وهمست : بسم الله الرحمن الرحيم
وكانت ملفوفه حول بعض و للحظه خطر على بالها سحر , لكن تعالت ضحكتها من فتحتها وكانت ربطة فلوس باعداد ضخمه ونطقت : حطيتها يالغريب ؟
و وقفت بـ سرعه وطلعت تركض فوق لـ السوق الشعبي لعل تلقى محل فاتح بالوقت المتاخر , ودخلت الحي الكبير المتواجد فيه اكثر سكان القبيله وتوسعت عيونها بـ صدمه من شافت مشاري طايح على الارض وصرخت باعلى صوتها تستنجد باحد , وتوجهت لـ مشاري وكان طايح عند الزاويه وبدت تضرب بـ خفه على وجهه وزاد ضربها له ولفت تدور احد لكن كان المكان فاضي لا انس ولا جن , وانتبهت لـ قارورة ماء فيها كمية جدًا قليله وركضت لها واخذتها ورجعت لـ مشاري وفتحها وكبتها على وجهه مشاري , وشهق مشاري بـ قوه واخذ نفس طويل وزفره بـ ثقل , و وقفت غرام من استوعبت انها جالسه بـ جانبه , ورفع نظره لـ غرام وعبس وجهه بـ ضيق ونطق : وش جابني هنا ؟
غرام بـ غضب : وش دراني عنك ! انتبه لنفسكك لو ماجيت كان متت !!
ضحك مشاري بـ قوه ورفع جسده بـ تعب وغمض عيونه من حس بدوخه قويه ونطق بـ طقطقه : جوعان !
رفعت غرام حاجبها بـ استغراب ونطقت : ما اكلت شيء ؟
هز مشاري راسه بـ النفي : لي يومين ماذقت الاكل مو عن طفره مالي نفس ! وتو اذهن
ضحكت غرام ونطقت : انا جايه ادور اكل والواضح ان الدنيا خلاء
رفع مشاري نظره لها ورفع حاجبه بـ استغراب من خوفها ونطق : لو واحد غيري كنتي بتعدين له ؟
جمدت غرام بـ مكانها من سؤال مشاري وبلعت ريقها بـ توتر وكان جوابها واضح ~ لا ~ مستحيل تضحي بنفسها عشان شخص غريب , وشتت نظرها عن مشاري ونطقت بـ تلعثم : انا بروح !
ولفت وصارت تمشي بـ شكل سريع ، و وقف مشاري بـ اصعوبه وهو الي ما انتبه على نفسه ونام من التعب ، وتبعها الين نص الطريق وبدا يوضح عليها التوتر ولفت بـ غضب على مشاري ونطقت : ماعندك بيت ؟
مشاري : تبين الصدق ؟
زفرت غرام وكانت شوي وتنهار من التوتر وخوف من مشاري بشكل كبير ونطقت بـ غضب : انا ساعدتك وندمت ! لو خليتك ابرك كان الحين مت وافتكيت وافتكت بنت الناس
ضحك مشاري بـ قوه من طرت ارجوان ولف على بيت ابو طلال واشر عليه بايده : بنت الناس هنا !
توسعت عيون غرام بـ صدمه ونطقت : مستحيل!
تنهد مشاري ونطق بـ ضيق : ارجوان سلبت عقلي وسلبتني بكبري !
رفعت غرام حاجبها بـ ضحكه من بدا مشاري يفضفض ونطقت : يالغريب طلعت مو هين عرفت تختار !
ضحك مشاري : مراح يطول لان في واحد يحبها وحاولت اذبحه لكن مايموت !
شهقت غرام بـ رعب ورفعت نظرها بـ صدمه لـ عيون مشاري وكانت بـ تطلع من مكانها ، وتملكها الخوف تجاه مشاري وفهم من نظراتها انها انرعبت ونطق بـ مزح : لا تقولين لاحد اذبحك ترا !
بلعت غرام ريقها ونطقت بـ تمثيل لـ القوه : تحداك يالغريب ! ماتقدر حتا تمس خصله من شعري
ابتسم مشاري بـ عرض وهو الي انعجب بـ قوتها وثقتها بـ نفسها ونطق : نشوف !
هزت غرام راسها بـ ثقه وتذكير لـ مشاري ولفت تكمل طريقها واعطت مشاري ظهرها ، والمره هذي ما تبعها وبقى بـ مكانها وركضت لـ البيت الطيني وتمنت لو ماطلعت من البيت ، ودخلت وضربت الباب بـ قوه وغمضت عيونها وغطت اذنها بـ يدينها من الصوت المرتفع وسالت دموعها ضيق ورعب ومهما ادعت القوه تبقى ضعيفه وتنهدم باصغر حدث , وجلست على الارض وبكت بـ صوت عالي ونطقت : اللهم يا مغيّر الأحوال غيّر حالي إلى أحسن حال , اللهم إنّي أدعوك وأرجوك يا مولاي أن تقلب حالي إلى أفضل حال، وأن تُيسّر لي سُبل الهدى والفلاح , يا ربّنا يا واسع الملك غيّر أحوالنا إلى حالٍ أفضل، وأقمنا في الموضع الذي يُرضيك عنّا، ولا تجعل الدنيا أكبر همّنا ولا مبلغ علمنا
و وقفت وتوجهت لـ مكان سجادتها وفرشتها وبدت تصلي وتدعي وتهزمها دموعها .
-
« المـزرعه »
وقفت ليالي وطلعت من الغرفه وهي الي ماقدرت تتحمل البنات لان كلهم كانوا بنفس الغرفه وانتبهت لـها ارجوان و طلعت خلفها وتوسعت عيونها بـ صدمه من انتبهت لـ ليالي وركضت لها وحاولت تساعدها وكانت تستفرغ بـ كثره ,وغسلت وجهها ورفعت نظرها لـ ارجوان وكانت ملامح ليالي تحزن وعيونها ذابله , وناظرتها ارجوان بـ ضيق ورفعت كفينها وثبتته على خدها ونطقت : فيك شيء ؟
ماقدرت ليالي تتحمل ونزلت يد ارجوان ونطقت : لا تمسكيني !!
ولفت لـ المغسله ورجعت تستفرغ وانصدمت ارجوان من ليالي ونطقت : بقوم وجدان تروح لخوالك يودونك المستشفى
لفت ليالي على ارجوان وكانت ماتبي احد يتعب عشانها ونطقت : لالا !!! لا تقومينهم
تنهدت ارجوان بـ ضيق ونطقت : بتقدين على هالحال لمتى ؟
هزت ليالي راسها تبين ان مافيها شيء : مافيني شيء يابنت الناس ! انا بطلع الحوش ولا ابي احد ابدًا ولا احد يقرب مني مابيي اشوف احد ! روحي
ماتنكر ارجوان انها مستنكره اسلوب ليالي ونطقت : ماقدر اسفه !
ولفت مسرعه لـ الغرفه تقوم وجدان وصرخت ليالي : لا تفتحينننننن الباببب احسن لككك !!!
لفت بـ صدمه على ليالي وعلى تهديدها ونطقت : ليالييي !!!
بكت ليالي بـ انهيار ونطقت : خلاصصص خلاصصص روحييي مابيك و ولا ابي احد افهمييي افهمييي
وقررت ارجوان تسكت ولا تقول لاحد ونطقت : براحتك !
ودخلت الغرفه تتدعي النوم لكن قلبها مع ليالي وخايفه حيل عليها , ومتاكده ان ليالي فيها شيء , وطلعت ليالي من البيت وتبكي بدون اي سبب وجلست على الجلسات الخارجيه وحضنت رجولها من لفح الهواء البارد , ونزلت راسها بـ حضنها ومنهاره تبكي وتحس باللم بـ بطنها وكل ماله يشتد اكثر من اول , وشعور غريب يداهمها , ثقل غريب اول مره تشعر به , ورفعت راسها لـ السماء وبلعت ريقها ث مسحت عيونها ونزلت نظرها وكانت تناظر بعشوائية وطاحت عيوها على باقة زياد وتذكرت كل كلامها له وزعلها الي بدون سبب , ومنصدمه من نفسها اكثر من الي حولها وحاولت تجاهد دموعها ما تنزل لكن انهزمت وسالت دموع العين من دون سبب , وتجهل وجود الجد ناصر خلفها وعاد الى مكانه واخذ لحاف يدفي ليالي عن البرد وطلع من الغرفه وكان البرد شديد , ويوجع بالعظام , وتقدم لـ ليالي ورفعت راسها بـ رعب من نزل الجد ناصر على كتوفها الحاف ولفت نظرها بـ سرعه لـه ونطق الجد ناصر بـ حنية الارض كلها : البرد بيعورك يابنتي
كانت كلمة يابنتي كفيله بانها تسيل دموع ليالي لكن حاولت ماتبكي ونطق الجد ناصر : قومي غسلي وجهك وتعالي اجلسي
وقفت ليالي وركضت لـ المغاسل وغسلت وجهها ورفعت نظرها لـ المرايه وبدت تحدق بـ ملامح وجهها وظهرت ابتسامه خفيفه على جانب ثغرها , وطلعت لـ الجد ناصر ولف من سمع صوت خطواتها ونطق بـ ابتسامه: تعالي يابنتيي ارتاحيي
جلست ليالي وكانت مرخيه راسها و نظرها بـ الارض وماعجب الجد ناصر حالها ونطق : ارفعي راسك يابنتي ولا تخلين احد يرخيه !
رفعت نظرها فقط لـ الجد ناصر ونطق : ارفعي راسك ! انتي ليالي بنت مزون ! واذا جاء اليوم الي تصيرين فيه ليالي بنت عبدالله لا ترخين راسك ابد الا للي خلقك ! انتي حرم اللواء زياد بن سلطان ! الي يذبح قبيله كامله عشانك ! ويبتر يد الي يمدها عليك ويقطع لسان الي ياذيك بكلمه ! انتي المحاميه ليالي ! أذكى حفيداتي واكثرهم فطنه ! وفرقتك بين حفيداتي كلهم واستثنيتك بينهم و تناديني بابوي ! ومارضيت احد يقول لي ابوي غيرك !
كانت مستنكره قوله لـ ~ بنت عبدالله ~ وتركت كل الكلام على جانب وركزت على بنت عبدالله ونطقت : بنت عبدالله ؟
الجد ناصر :
ليالي عبدالله ! مانتي ليالي ناصر ولا ليالي مزون ولا سعود ! انتي ليالي عبدالله ! واخوانك كانوا بالديره ودخلوا مجالسي وكانوا بيننا وكلموا زياد
توسعت عيون ليالي بـ صدمه ونطقت بـ صوت مهزوز : ليهه ؟؟ ليهه ؟؟ وش يبونن يابوي تكفى تكفى مابي احد ماابي اشوفهم مابي اشوف حتا زياد مابيي يابوي تكفى !
قدم الجد ناصر ذراعه وحضن كتف ليالي ومسح على شعرها ونطق : يابنتي ذا ابوك ! ابوك !
بكت ليالي بـ صوت عالي وكانت تون بشكل مخيف واشتد اللم بطنها و وقفت من شعرت بـ الاستفراغ وركضت لـ دورة المياه , وتنهد الجد ناصر بـ ضيق ونطق : الله يشرح صدرك يابنتي
وتوقف وتوجه لـ المجلس وتقدم لـ سعود وبدا يهز كتفه ثم لف سعود راسه لـ الجد ناصر وصغر عيونه يحاول يميز الملامح ورفع جسده من عرفه ونطق بـ نبرة همس : ابوي
الجد ناصر : قوم يالله ابيك تروح المستشفى مع ليالي
فز سعود من طرا اسمها ونطق بـ خوف : ليالي ؟؟ شفيها يابوي
الجد ناصر : اسكتت قم ازعجت الراقدين
وقف سعود واخذ ثوبه وطلع يركض يدور على ليالي وصرخ : لياليييي يا لياليي
طلعت ليالي من المغاسل ولف سعود على صوتها ونطق : بسم الله عليك يعورك شيء ؟
بكت ليالي وركض سعود لها وحضنها بـ شده ونطق : خلاص خلاصص بتهون بتهون يالله البسي عبايتك بوديك المستشفى
هزت ليالي راسها بـ النهي : لالا ماابي
سعود : اقول البسي ماطلبت رايك يالله
ضحك الجد ناصر ونطق : انتبه عليها ياسعود
سعود : ابشر
وطلعت ليالي تلبس عبايتها وطلعت ارجوان تركض من الغرفه ولفت ليالي بـ استغراب ونطقت : على وين ؟
ارجوان : معك
زفرت ليالي ونطقت : مو ناقصني الا انتي !
وطلعت من البيت لكن ارجوان ما اهتمت لـ كلامها وحاسه بان فيها شيء , وطلعت خلف ليالي وما حسبت حساب سعود وهمست : اجل تتوقعين من يوديها ؟ غبيه
وتوجهت لـ السياره ولف سعود على ارجوان متوقع انها وحده من البنات وتوسعت عيونه من عرفها ورسمت ابتسامه عريضه على مبسمه ونطقت ليالي بـ غضب : مالي خلقكم اعجلوا !
ضحك سعود وركب السياره وارجوان بـ الخلف وتوجهوا لـ المستشفى.
-
« بـيت زياد »
وقف زياد وهو الي الضيقه معاد تقدر توسع صدره ونطق : اكرمكم الله
لف نادر على زياد وغمز له : على وين اهاااا عشان ا.ا.ا... ؟
ضحك عبدالرحمن على انه حاس بتغير اخوه المره ذي ونطق : نادر يبي ينام اليوم بالتوقيف ! هههههههه
ضحك نادر ولف على زياد يدور اي تعابير اي ردة فعل على وجهه لكن مافي وانرخت حاجبينه ونطق : فيك شيء
مارد زياد ولف متوجه لـ غرفته وفز نادر ولحق زياد وسحب كتفه ونطق : ولد علامك ؟
لف زياد بوجهه
عبوس على نادر ونطق : نزل يدك وانقلع عني
نادر بـ عناد : ماني منزلها ! الا اذا قلت وش فيك
تغيرت ملامح وجه زياد وبان عليه الغضب وسحب يد نادر بـ قوه ونزلها بـ غضب ورفع اصبعه بـ وجهه نادر ونطق : اذا انت رجال الحقني !!!
ولف جسده وصار يمشي بخطوات سريعه ونطق نادر بـ صدمه واشر على زياد ونطق : ذا زياد ؟
عبدالرحمن : مدري وش اقول مير الرجال ماهوب طيب ابد !
زفر نادر بـ ضيق وطلع جواله وفتح المكالمات ودخل على اسم عبدالمجيد وكان بيدق عليه لكن مايدري وش يقول له وقفل جواله بـ سرعه وطلع من البيت ...
~ غرفة زياد ~
دخل زياد الغرفه وفتح ازرار ثوبه بـ قوه وتنهد بـ ضيق ، ولف نظره لـ السرير وتوجه لـه لكن خطر على باله شيء محتفظ فيه لـ ليالي وفز لـ الدولاب وفتحها وصار يدور على العلبه وصرخ بـ غضب من فقدانها ونطق : من بياخذهااا !!!!
وسحب الملابس بـ قوه وتناثرت على الارض وكان من بينهم العلبه الموجود بداخلها اسورارة ، وتوسعت عيونه من لمحها واخذها بـ سرعه وفتحها وماقدر يسيطر على ابتسامته ورفع السوارة الي طاحت بـ سيارة زياد وهمس : اخخ يالياليييي !
وكان شعور اللهفه وبداية نشوة الحُب يعود من البدايه , وكانه يقع بـ حبها مره اخرى , وكان ما حب بحياته مخلوق كـليالي ،وبدون وعي بدات ذاكرته بـ استرجاع جميع ذكرياه مع ليالي وتوجه لـ السرير وطاح على ظهره وغمض عيونه بـ شده والاسواره بين ذراعينه .
-
« المستشفى »
نزلت ليالي ودخلت قسم الطوارئ وكانت توصف وش تمر فيه وتبكي ، ولا قدر احد يوقفها من البكي وضحكت الدكتوره من كلام ليالي ونطقت : ياروحي بحولك على قسم الولاده وانتي أدرى !
لفت ارجوان بـ صدمه على ليالي وشقهت : حامل ؟؟؟
توسعت عيون ليالي بـ صدمه ونطق : من قاله !!!
ضحك سعود ونطق : صدق ؟
الدكتوره : انتي حللي احتياط منها تتاكدين
وصرفت لها ادويه وطلعت ليالي من عند الدكتوره ومو مصدقه كلامها ابدًا ونطق : مستحيل شلون احمل ؟
نزل سعود راسه لـ الارض ويحاول يكتم ضحكته لكن ماقدر وضحك باعلى صوته ولفت ليالي على سعود ونطقت بـ غضب : سعوددد !!! مو وقتك تتشمت !!!!!!!
ضحكت ارجوان ونطق سعود :مو مني من سؤالك الغبي !! هههههههه
زفرت ليالي بـ غضب ونطقت : اسكتت اسكتت !
ضحك سعود اقوى من اول وزعلت ليالي حيل عليه وطلعت من المستشفى وسعود للان مو قادر يوقف ضحك ولف نظرها لها ولفت طرف عينها لـ سعود ونطقت : اضحك اضحك بكره اول واحد يضحك عليكم انتم !
ضحك سعود ونطق : راضييي راضيي بس هو يتم !
حركت ليالي يدها باالهواء ونطقت : مطفوق !
ضحك سعود بـ قوه ولف نظره لـ المرايه وابتسم من لمح عيون ارجوان ونزلت راسها بـ سرعه وغمضت عيونها بـ قوه من داهمها الخجل ، ولفت ليالي وجهها لـ سعود وكانت الابتسامة شاقه وجهه شق ولفت نظرها لـ ارجوان ونطقت : ياربي انا وش سويت بحياتي عشان يبلاني بمجنن ؟
ماقدرت ارجوان تتحمل وضحكت بـ قوه وضحك سعود من ضحكتها وتنهد بـ راحه من رجعت له الحياه الي فقدها سنين بـ بعدها وضحكت ليالي ونطقت : الله يكتب الي فيه خير !
وهي مهما تقول وتسوي تحب سعود وارجوان لكن تخاف عليهم من الذنب و وصلوا المزرعه وكان الجد ناصر يحتريهم بـ الخارج ونزلت ليالي واسرعت بـ خطوتها لـ الجد ناصر ونطق : ارحبي يابويي
نزلت ليالي نقابها وتوجهت لـ الجد ناصر وحضنته بـ خفه ونطق : كيفك الحين بخير ؟
رجعت ليالي لـ الخلف ونطقت : الحمد لله عطوني علاجات وش كثرها
عقد الجد ناصر حاجبه ونطق : بس ؟ وش قالوا وش قالوا
ضحك سعود ونطق : حفيدتك حامل
لفت ليالي على سعود وعبست وجهها بـ غضب ونطقت : سعود وانت صدقت الدكتوره !
توسعت عيون الجد ناصر ونطق : اسالكم بالله !
ضحك سعود ولف على ليالي ونطق : بتجيب لك حفيد فوق ماانها ماكلتنا بياكلنا ولدها !
ضحك الجد ناصر بـ سعاده ونطق : ما شاء الله صدق يابنتي ؟
رفعت ليالي كتوفها ونطقت : مدري
غمز سعود لـ الجد ناصر وضحك الجد ناصر ولفت ليالي على سعود وهي فاهمه حركاته ونطقت بـ عبس : سعود !!!
الجد ناصر بـ ضحكه مليئه بـ الراحه : سعود يابوك امرحح امرحح المحاجر امتلت !
ضحك سعود ولف على ليالي وتقدم لها و حضنها بـ شده ونطق : احبك ياورعه !
مسحت ليالي دموعها ونطقت بـ صوت يخالطه البكى : ورعه ؟ هههههههه
ضحك سعود وابتعد عن ليالي ونطق : ادخلي البرد قوي بيعورك
ابتسمت ليالي ونطقت : يلبى يالدلع !
ضحك سعود وضربها بـ خفه على راسها : تسع شهور وبعدها نتقابل وهذا وجهي اذا ماسدحتك هنه !
ضحكت ليالي ودخلت البيت ولفت على ارجوان الواقفه تنتظرها والابتسامة مرسومه على ثغرها ونطقت : جدولتي علي لكن فدا !
رفعت ليالي حاجبها بـ صدمه ونطقت بـ ضحكه : لا يشيخه هههههههه
ضحكت ارجوان وتقدمت لـ ليالي وحضنتها بـ شده ونطقت : احبك ياورعه !
ضحكت ليالي من ركزت على كلمة ورعه ونطقت : اليوم حالفين تخلوني ورعه !
ضحكت ارجوان وعقدت حاجبها بـ اسغراب: من قالك بعد ؟
ليالي : سعود
ضحكت ارجوان وماعرفت وش ترد على ليالي وضحكت ليالي ونطقت : سامحيني اذا ضايقتك جد ماحسيت بنفسي ! وصرت افضل من اكلت العلاجات ذي
مسحت ارجوان على كتف ليالي ونطقت : مازعلت عليك عشان تقولين كذا ! واحنا ما بيننا زعل وشره ولا ؟
ابتسمت ليالي وحضنت ارجوان من داهمها شعور جدًا جميل ، وثم دخلت ارجوان الغرفه وبقت ليالي تنتظر صلاة الفجر لان معاد بقى وقت كثير وتوجهت لـ المطبخ وفتحت الثلاجه وكانت تدور بشكل عشوائي ماتعرف ايش تاخذ وصرخت من دخل سلمان يركض ونطق : صدقق صدقق ؟؟؟
غمضت ليالي عيونها بـ شده واخذت نفس تستوعب وش يصير , ولفت على سلمان وصرخت بـ غضب : سلماننن خرعتنيييي
ضحك سلمان وتقدم لـ ليالي ومسك ايدها ونطق : اسالك بالله صدق ؟
صدت ليالي عن سلمان واخذت خضار وتغسلها وتقطعها وتحاول تتهرب من سؤال سلمان ونطق : يابنتي اهرجي اهرجي ! حريتي كبدي !
ضحكت ليالي ولف سلمان على صوت سعود وعبس وجهه : هاههه هاهه ياولد لجيتنا ادخل ادخل مافي احد
سعود : علامك تهاوشش !! مغير تصايح تقول واحد متقاعد !
تقدم سلمان ومسك سعود من ياقة ثوبه وقدمه لـ وجهه ونطق : ياسعودددد !!
عبس سعود وجهه ونطق بـ لعانه : ابويييييييي
توسعت عيون سلمان بـ صدمه من حركة سعود وفكه ودفه بـ قوه وطاح على الارض ونطق : ياملـ**** الـ**** !!!
ضحك سعود بـ قوه وضحكت ليالي ونطقت : البيت كله قام !
اشر سلمان بـ غضب على سعود ونطق : ولد الـ*** لجناا لجناا !!
ضحك سعود وعدل سدحته وكوع على الارض ونطقت ليالي بـ خوف : سعود قوم الارض بارده والله تتعب !
سلمان : خليه خليه نرتاح يوم !
ضحكت ليالي : استغفر الله!
ضحك سلمان وتقدم لـ سعود وسحبه من ذراعه لان يعرف سعود يتعب بـ سرعه ونطق : قوم قوم
توسع مبسم سعود ونطق بـ طقطقه : تخاف علي ؟؟
تغيرت ملامح سلمان ونطق: مايفيد معك الاهتمام انقلع انقلع خل ام عيون تعاين فيك !
رفع سعود حاجبه بـ ضحكه ولفت ليالي على سعود ونطقت بـ فضول من طروها : جد انتم بتخطبون ؟ ولا تستهبلون
لف سلمان على سعود ويناظر فيه ولف على ليالي ونطق : لازم ولا ذا بيدهورنا !
عقد سعود حاجبينه واشر على نفسه : لهدرجه تخافون علي ؟
ضحكت ليالي ولفت تكمل تقطيع وضربه سلمان على راسه ونطق : يامحوو الكون امرح !
ضحك سعود وتقدم لـ ليالي واخذ خيار كامل وتوسعت عيون ليالي بـ صدمه ونطقت : سعوددد !!!
وحاولت تسحب الخيار لكن سعود اكل نصه ونطق سلمان : بسم الله ما شاء الله نصفها !
لفت ليالي على سعود وضحكت بـ قوه وضحك سعود وغص بـ القمه وفز سلمان ولف من الخلف ونطق : لياليييي لياليي عايني وجههه وجههه
لفت ليالي تناظر وجهه وسلمان يدقه من الخلف ويسحبه يحاول يطلع اللقمه واخذت مويه وبدت تشرب سعود لين بلع اللقمه ولف على سلمان عابس وجهه : والله العيون انت !
ضحك سلمان ونطق : كمل كمل اكل والحقني لـ المسجد
وطلع سلمان يضحك من المطبخ ولف سعود على ليالي وابتسم بشكل مشكوك فيه ونطقت ليالي بـ فهم: اخلص اخلص وش تبي مني ؟
تقدم سعود وقبل راس ليالي بـ قوه ونطق : يافهمتنييي بعطيك شيء ابيك توصلينه
ضحكت ليالي ونطقت : بدق عليك وندبرها
قبل سعود راس ليالي مره اخرى ونطق بـ صوت عالي : يالله مع السلامة
وطلع يركض من المطبخ وضحكت ليالي من تذكرت نقاشاتهم التافهه وهوشاتهم ونزلت نظرها على الصحن المليئ بـ الخضار وخطر على بالها كلام الجد ناصر وتنهدت بـ ضيق وتحاول تستوعب الكلام ماتدري هم يلعبون عليها او جادين ، ونزلت نظرها على الارض وماقدرت تسيطر على دموعها ورفعت اصبعها تمسحها بـ هدوء ونطقت : وينك يازياد وينكك ..
وليالي الي مهما حاولت تكابر ماتقدر المكابر على زياد و رفعت راسها بـ سرعه ونزلتها تحاول ماتبين دمعتها ونطقت : تبين شيء ؟
زمت وجدان ثغرها وتقدمت لـ ليالي وفتحت ذراعها بـدون ماتنطق بـ حرف وحضنت ليالي بـ شده وهمست : ابيك توقفين بكى هذا الي ابيه
ابتعدت ليالي وجهها لـ الخلف ونطقت بـ عيون مليئه بـ الدموع : وجدان ياعمريي
ابتسمت وجدان بـ عرض وحضنت ليالي وتحرك كتفها : هيا يادنيتي وسعي خاطرك
ابتسمت ليالي ومسحت على ظهر وجدان ونطقت : الله لا يحرمنيي منك ياوجدانيي
ضحكت وجدان من شعور الخجل ونطقت : ياههه احبكك والله !!!
ضحكت ليالي ونطقت : ياحظييي والله
ابتسمت وجدان ونطقت : هيا بروح اصلي قبل تفوتني
وطلعت تركض من المطبخ تلحق على الصلاه ، وسمعت ليالي صوت احد يناديها ، وطلعت من المطبخ متوجه لـ صاحب الصوت .
-
« الـريـاض »
فتح غازي الباب ودخل غرفة تميم بـ إحباط وضيق على حالهم المتدهور وفز تميم مستنكر تعابير وجهه غازي ونطق : شفيك ياخوي !؟
رفع غازي نظره لـ تميم واخذ نفس طويل وثقيل حيل وزفره بـ بطئ : معاد اقدر اسوي شيء زياده ! ابوي تعب وكل يوم يسالني عن ليالي انا معاد اقدر اتحمل !
كان تميم عنده يقين بان ليالي بترضى تكلمهم ونطق : غازي تكفى خل نكلم خوالها ! رجالها مجنون مانقدر عليه !
غازي : بتقدر !؟؟ مانك بقادر ! اذا ذا نسيبهم اجل شلون هم
زفر تميم بـ قرف ونطق من طرا على باله فكره : ولد البس البس خل نروح الديره
رفع غازي حاجبه بـ اسغراب ونطق : تسمع وش تقول ؟ ياولد فكنا من الفضايح
رفع تميم كتوفه ونطق بـ غضب : فضايح ؟؟
وتجاهل غازي وبدا يطلع له ملابس وعلى ان غازي كان جدًا متردد وواضح عليه الا راح يتجهز وما اخذوا وقت طويل الا قد طلعوا من البيت ، ونصفوا الطريق ، ويحاول تميم يلطف الجو لان غازي كان جدًا متوتر ولف على غازي : اقبلنا على الديره يارجال ارتاح مابحاصل الا كل خير صدقني !
غازي : الله يعديها وانا اخوك
وتعدوا المحافظات ودخلوا الـديره ، وطلع تميم جواله وفتحه وانتظر ثواني الا يرد عليه عبدالمجيد ونطق : يامرحبا ! يالله انك تحيهه ارحب يابو عبدالله امر
كان عبدالمجيد يجهل اسم تميم كامل ومن كثر تهربه ماكان يسأل بـ تكرار ، وفتح تميم السبكر ونطق : الله يسلمك ويبقيك ياعبدالمجيد
لف غازي على تميم ويحاول يستوعب اسم الشخص وكانت تعابير الصدمه مرسومه على وجهه ونطق عبدالمجيد: علومك عساك بخير
تميم : الحمد لله بخير الله يعافيك نسأل الله السلامه أنت بلغني عنك
عبدالمجيد: الحمد لله امرني يابو عبدالله
تميم : وينك فيه الحين ؟
عقد عبدالمجيد حاجبه بـ اسغراب ونطق: بـمزرعتنا
تميم : اجل ارسلي اللوكيشن جايك
ضحك عبدالمجيد ونطق : الله يحيك
وقفل تميم من عبدالمجيد وغازي للان مستغرب الميانه ونطق : مآنت بصاحي انشهد !
ضحك تميم وثواني الا ارسل عبدالمجيد اللوكيشن على تميم وطلعوا لـ المزرعه لكن كان عندهم شغله وتوجهوا لها اول .
-
« المـزرعه »
فتحت ليالي الباب بـ هدوء ودخلت طرف عينها تناظر لـ خالتها نوره وكانت على سجادتها تتسنن ، ودخلت وقفلت الباب خلفها وكانت شوي وتنهار بـ مكانها من شدة الحياء ، وسلمت نوره ولفت نظرها لـ ليالي ونطقت : فيك شيء يابنتي ؟
ابتسمت ليالي بـ خفه ونطقت : خالتي ممكن اطلب منك طلب ؟
لفت نوره جسدها و ثبتت نظرها على ليالي من حست ان في شيء ونطقت : انتي تامرين مو تطلبين ! وش بغيتي وابشري فيني
ابتسمت ليالي بـ عرض مبسمها ونطقت : ابي جهاز حمل
توسعت عيون نوره وفزت من مكانها ونطقت : اقسمي !
ليالي : ياخالهه صبر صبر ! مدري مدري امس كنا بالمستشفى وقالت الدكتوره بحولك على قسم الولاده لكن انا هربت وجيتك
ضحكت نوره بـ نبرة عاليه من شدة السعاده التي داهمتها ونطقت : ابشريي ابشري الحين اروح و اجيب لك
كانت سعادة خالتها نوره تذكرها بـ امها حيل وكانت ضحكتها مشابهه جدًا لـ ضحكت مزون وهزمتها دمعتها ومسحتها بـ سرعه خوفًا من ان تنتبه خالتها نوره ، وانتبهت لها لكن بينت انها ما شافت دمعتها ، ونطقت : وش له جهاز حمل قومي قومي خل نروح لـ دكتوره تكشف عليك ونتاكد !
ضحكت ليالي ونطقت : ما له داعي يا خاله
نوره بـ اصرار: قوميي بسرعه
ليالي : اجل طيب بس لا نروح مع سعود نصيحه لانه بيشهر فيني على اني متاكده ان مابقى احد ماعرف اني ممكن اكون حامل
ضحكت نوره بـ نبرة عاليه من شدة السعاده التي داهمتها ونطقت : ابشريي ابشري الحين اروح و اجيب لك
كانت سعادة خالتها نوره تذكرها بـ امها حيل وكانت ضحكتها مشابهه جدًا لـ ضحكت مزون وهزمتها دمعتها ومسحتها بـ سرعه خوفًا من ان تنتبه خالتها نوره ، وانتبهت لها لكن بينت انها ما أنتبهت لـ دمعتها ، ونطقت : وش له جهاز حمل قومي قومي خل نروح لـ دكتوره تكشف عليك ونتاكد !
ضحكت ليالي ونطقت : ما له داعي يا خاله
نوره بـ اصرار: قوميي بسرعه
ليالي : اجل طيب بس لا نروح مع سعود نصيحه لانه بيشهر فيني على اني متاكده ان مابقى احد ماعرف اني ممكن اكون حامل
ضحكت نوره ونطقت : سعود هذا طبعه اذا فرحه شيء مايخليه ببطنه !
ضحكت ليالي وتقدم خالتها نوره وقبلت راس ليالي وحضنتها ونطقت : الله يحفظك يابنتي ويبعد عنك الشر
رفعت ليالي نفسها وقبلت راس خالتها نوره بـ شده ونطقت : ويخليك لي يارب ياخاله ولا يحرمني منك يارب
ابتعدت الخاله نوره ونطقت بـ نبرة الضحك : ههه خليني اروح قبل ابكي !
ضحكت ليالي وطلعت خالتها نوره تركض من شدة الحماس والسعاده التي غمرتها من الان
~ بعد مرور وقت ~ خارج المـزرعه ~
كان زياد بيدخل مع البوابه لكن وقفه السياره التي كانت نفس مسار زياد وعقد حاجبه بـ صدمه من دقق بـ ملامح الرجال ونزل بـ غضب من السياره ونطق بـ صوت عالي : انزلللللل
نزل تميم بـ كل ثقه ورافع راسه ونطق بـ عدم خوف : نعم
تقدم زياد ولا قدر يتحمل غضبه الشديد انتجاه عيال عبدالله ومسكه من ياقة ثوبه واصطدم بـ كبوت السياره ونطق : وش جايبك ! ماكفاك انت و اخوك الطرد الي صار لكم ! الحين تنقلع ولا اشوفـ...
قاطع كلامه صوت غازي :لـ صار المكان مكانك ذيك الساعه لك الحق ولا يالنسيب ؟
توسعت عيون عبدالمجيد الي سمع نهاية الكلام ولف زياد على غازي وكانت عروق وجهه بارزه من شدة الغضب ونطق : احـ.....
و تقدم سعود وسحب زياد من تميم ونطق بـ صدمه : يرجال هدو علامكم !
غمض زياد عيونه بـ قوه ودف يد سعود وأسرع متوجه لـ غازي وحالف ان مايطلع منهم اليوم سّالم ، وتقدموا العيال وحاولون يوقفون زياد وسعود الي معاد قدر يقول شيء من شدة الصدمه ونطق بـ حده من أستوعب كلامه : من انت ؟ وش جايبك عقبه ؟
نطق غازي بـ صوت جهوري يسمعه الي بنهاية الديره : غازي ! غازي بن عبدالله الـ^^^ وجاي من اقصى الرياض اخذ اختي الي من دمي ولا احد يقدر يـ...
ضحك زياد بـ صوت عالي ونطق بـ حده : عود مع دربك قبل اكفر فيك هنه !
رفع غازي اصبعه بـ الهواء ونطق بـ تهديد : اذا انت مجنون انا اجن منك ونذر ياولد سلطان ان اخذ اختي قدامك وانت طايح هنه !
توسعت عيون زياد بـ صدمه ونطق بـ غضب : تعقب والله ماتخذها الا على جثتي !
تقدم سعود عابس وجهه ونطق : انشهد انك مانك برجال
رفع غازي حاجبه بـ صدمه ونطق بـ حده : الـ....
الجد ناصر بـ غضب : غازيييي
لفوا العيال كلهم على الجد ناصر ونطق : ورعان انتم ؟ فضحتونا بالعالم ادخلواااا
لف زياد على الجد ناصر ونطق : المعذره ياعم لكن ذول ...
قاطع زياد صوت اكل قلبه اكل وحرقه من الغبنه والضيقه من نطقت بـ تلعثم وهلع : زياد
لف تميم على ليالي وتوسعت عيونه ولف على غازي وهمس : ذي ؟؟؟؟
هز غازي راسه بـ الايجاب ونطق الجد ناصر بـ حده : وقسم باللي خلقني و بجلاله ان احرقكم كلكم هنا لو تفتحون فمكم بهرجه !
ماهي من عادة ليالي لكن غصبًا عنها ناظرت غازي وتميم وتوسعت عيونها من ركزت بـ ملامح غازي ، النسخه من ملامحها وسع عيونها فكها الحاد كثف حاجبها وشعرها الذي كـ سواد الليل ، غمضت عيونها من حست بـ دوخه وفز سلمان وغازي من انتبهوا لها ومسك يدها يحاول يثبتها ودفته بـ قوه ونطقت راصه على اسنانها : لا تلمسني !
لف زياد على ليالي وكان ممكن يطرح غازي على الارض لكن سعود دخله غصب خوفًا من اي حركه او كلمه من زياد ، وليالي الي سحبها الجد ناصر بالرغم من معرفتها بـ حملها الا دخلها المجلس ، ودخلوا غازي وتميم خلف ليالي وتميم للان يتامل ليالي ومنغرم بـ زولها وهمس لـ غازي : اسالك بالله ذي اختنا ؟
كان غازي بـ حالة توتر وخوف شديد ويحاول يدعي الراحه وكان سؤال تميم كارثه بـ النسبه لـ غازي ونزل نظره على تميم وهمس بـ حده : والله لو ماتسكت ان ادبغك هنا ! انطممم
لف الجد ناصر نظره على ليالي التي بـ جانبه ونطق : افسخي جلالك يابنيتيي كلهم محارمك
غمض زياد عيونه بـ ضيق ولف على غازي وتميم وانتبه سعود لـ نظرات زياد وهمس : يازياد ذول اخوانها لو يصير الي يصير لهم حق بـ صلتها !
لف زياد على سعود ونطق : ياسعود تشوف الي يصير حق ؟ ابك البنت كم لها ؟ 24 سنه !!! ماهي بصغيره ياسعود ! ماهي بصغيره !
سعود : وانت صادق
الجد ناصر : بصرك خليك كه
لفوا العيال على الجد ناصر وعقد سعود حاجبه بـ اسغراب ونطق : يبه !
رفع الجد ناصر يده يسكت سعود ونطق ونظره على غازي وتميم : علومكم ياعيال عبدالله عساكم بخير وابوكم بخير حالته للحين نفسها ولا تطورت ؟
لفت ليالي بـ صدمه من فهمت ان ابوها فيه شيء ونطق غازي : الحمد لله ياعم علومنا زينه وابوي ان شاء الله بتتحسن حالته ومانبي الا دعواتكم
نزلت ليالي نظرها على الارض ومررت ذراعينها حول بطنها وداهمها خوف شديد مالقت له تفسير ، وليش هي جالسه هنا ومين ذول ومين عبدالله ، ناس تجهلهم تجهل ابسط الاشياء عنهم ، شلون بتقدر تتقبلهم بعد 24 سنه ، كانت مشتته وتفكيرها غير متوازن وغمضت عيونها من حست بـ الالم ، وفز سعود ونطق : ليالي قومي
رفعت ليالي نظرها لـ سعود وهزت راسها بـ النفي ونطقت بـ نبره منخفه ومبحوحه مليئه بالالم : لا خلني
تقدم سعود بدون ما يناقشها ورفعها من ذراعها وهمس : المكان ذا بيضرك وبيضر الي...
توسعت عيون ليالي وهمست : اشششش اصص ياسعود اسكتتت لا احد يعرف
تنهد سعود بـ ضيق ونطق : اطلعي اطلعي
ما قالهم شيء وفضل انه يكلم غازي بدون ليالي افضل ، ونطق : ياغازي وانا عمك كلمت ليالي مير انه مو راضيه تستوعب ولا تبي بس ابشروا باللي يرضيكم
غازي : تبشر بالجنه ياعم ويطول عمرك ويعافيك
رفع زياد حاجبه بـ اسغراب كلام الجد ناصر ونطق : ليالي بترتاح شوي وتجي تكلمكم هي تعيبينه لها مده
رفع زياد نظره لـ الجد ناصر ونطق بـ صدمه : علامها ليالي ؟
الجد ناصر : روح كلمها انتم ابخص
فز زياد وطلع يركض لـ المجالس الداخليه ودخل مع الباب وتجمد من منظر ليالي بـ حضن سعود وكانت منهاره تبكي و وجهها قالب لـ اللون الأحمر وكان ونينها وشهقاتها تشق كل جزء بـ جسم زياد ، وكل مايرتفع صوتها يوجعه قلبه وتقدم لـ ليالي ونبر بـ جانبها ومسك ذراعها ونطق : ليالي
صدت ليالي وجهها عن زياد ولف سعود عليه ونطق : زياد طالب هالخشم اطلع
اصر زياد انه مايطلع ونطق : ليالي شوفيني !! ماتبين تكلمينهم ابشر والله ..
لفت ليالي على زياد ورفعت ايدها توقفه : لا لا خلهم نشوف وش نهايته !
زياد : ليالي !!!
وقفت ليالي ومسحت عيونها بـ عنف ونطقت بـ صوت مهزوز : لا تخاف برجع !
وطلعت من المجلس وتوجهت لـ المغاسل وغسلت وجهها ورفعت نظرها لـ المرايه ومسحت وجهها وهمست : وصلنا لنهايه هذي نهايتك ياليالي ! شلون وكيف ما اعرف ؟ بقدر القادر
تنهد سعود بـ ضيق وهو اكثر واحد كان ضايق على ليالي وحاس بـ شعورها وعارف ان مهما حاولت تقوى تنهد بالنهايه ونطق : صلِ على النبي يادنيتي وادخلي وسلمي على اخوانك !
تقدمت ليالي وحضنت سعود وقبل راسها ونطق : استودعتك الله
ابتعدت عن سعود وابتسمت ابتسامه باهتته وكانها باخر اختبار لها بـ الحياه ، وتوجهت لـ المجلس وكانت كاشفه شايله الغطاء والقت السلام بـ صوت عالي : السلام عليكم
فزوا غازي وتميم كانهم يلتقون بـ ليالي لاول مره وتقدم غازي : وعليكم السلام
كعادة تميم كان يتفحص ملامحها ولف على غازي ونطق : سبحان الله
ضحك الجد ناصر من فهم تفكيره ونطق : ايهه ايه يشبهون بعض
ضحك تميم ونطق يشيل التوتر : الوضع مشكوك !! شكلي مو اخوكم ؟ غازي !
ماقدرت ليالي تتحمل وضحكت ولف تميم من غمرته السعاده بسبب انه قدر يضحك ليالي ونطق : ايوه اضحك والله حلوه الضحكه عليك !
كان غازي منصدم من جراءة تميم وتقدم تميم ومسك يد ليالي ونطق : تعالي تعالي
وجلس على الكنب وللأسف تربع ونطق : اخبارك ان شاء الله انك طيبه ، الحمد لله والشكر لله والله اني ماني عارف وش اسوي عشان اشكر ربي الي خلانا نجتمع فيك
ماقدرت ليالي تنكر انها قدرت تتقبل تميم من روحه الحلوه واسلوبه ولفت نظرها لـ الباب وكان سعود واقف ومبتسم بـ راحه من ابتسامة ليالي ولفت نظرها لـ تميم ونطقت بـ جراءه : الحمد لله بخير انا ليالي وانت ؟
غمض تميم عيونه ومسك قلبه : اخ ضيقه
ضحكت ليالي ونطقت : انا اعرف اسمائكم لكن ...
ضحك تميم ونطق : عادي عادي انا تميم
رفعت حاجبها بـ استغراب : تميم تميم الصغير ؟
ضحك تميم ولف على غازي ونطق : مو احنا الوحيدين الي دورنا !
ضحك غازي ولف على ليالي وكان مثبت دقنه على اصابعه وكوعه على ركبته ويناظر ليالي وكانوا سعيدين جدًا ~ تميم وغازي ~ وكانهم وجدوا الدنيا بعد فقدها ، ونطق تميم : انا عارف انه شيء غريب وشلون بعد السنين ذي لكن انا ماودي نفتحها مره ثانيه والله ياختي اني احبك وانا ما اعرفك زين ! واني كنت اتمنى اخت ! لكن ربي بلاني بـ غازي ! واعرفي ان احنا اخوانك وسندك بعد الله وخوالك معك كل الاحترام والتقدير لعمي ناصر الي رباك والنعم بالتربيه والله
الجد ناصر : الله يسلمك وذي حفيدتي اغلى حفيداتي ! وجوهرتي ! والي يضرها يضرني قبلها !
ابتسمت ليالي بـ عرض ثغرها وميلت راسها وتسمع كلام الجد ناصر ولاول بعد فتره طويله ترجع لها الحياه وشعورها ، ودخل زياد وسعود بـ جانبه ونطق بـ ضحكه : لا يكون نقاطعكم ؟ ولا صح بتسرقون بنتي مني ؟
ضحك تميم وعدل جلسته ونطق : والله يا سعود كاني ضيعت طريقة الحياه وتو لقيته
كان زياد يشوف السعاده بـ عيون ليالي وأبتسم يتامل ملامح ليالي الي واضح جدًا فيها التعب لكن حلف ان مايتدخل باي قرار يخص سعادة ليالي وهمس سعود : تميم حليو وواضح انه يحب ليالي وليالي تقبلته بسرعه عكس الثاني
غمض زياد عيونه بـ غضب ونطق : الثاني ما ادانيه !
ضحك سعود ونطق : تحمل هههههههه
دخل سلمان بـ يدينه الدله وبدا يقهوي الجد ناصر والأخرين ،وكان تميم الوحيد الي يتكلم و يطرح أساله على ليالي ومر الوقت ولا حسوا فيها لكن غازي للان ماقدر يكلم ليالي وبعد مرور ساعتين من وجودهم فز سعود من سمع صوت السيارات ونطق الجد ناصر: سعود وانا ابوك عمانك جو اعد استقبلهم
وطلع سعود ونطق : يامرحبااا يالله انك تحيهممم ارحبووووا ثم ارحبوااا
وقفت ليالي وعدلت طرحتها ولفت على تميم وفتح ذراعينه ونطق : ممكـ..
ما كمل كلامه وحضنته ليالي بـ شده وسالت دموعها ومسح تميم عيونه من حس ان دمعته بـ تهزمه ونطق بـ ضحكه : في امل نسرق الرقم ؟
ضحكت ليالي وابتعدت عن تميم ونطقت : تسرق بس الرقم ؟
شتت تميم نظرتها ونزلها على زياد ونطق : ودنا لكن ...
ضحك زياد بـ قوه وتقدم تميم لـ زياد ونطق : اعذرنا يابو سلطان اخطينا بحققك ولفينا واجد ! اعذرنا
ابتسم زياد ونطق : الي راح الله يستر عليه واعتذر منكم قلت لكم كلام ..
وقفه تميم من ثبت يده على كتف زياد ونطق : كل الي صار بوقت غضب والحمد لله ثم لـ عمي ناصر وقفنا وخلانا نصحى ، والحين نستاذنكم بـ نطلع
الجد ناصر : عشاكم الليله عندنا و..
تميم : الله يكثر خيرك ياعم يومًا ثاني ابشر
تقدم زياد ومسك يد تميم ونطق : لا والله ان ما تطلعون وانتم ضيوفنا واجبـ...
غازي : ما عادنا ضيوف وصرنا من الاهل
زياد : الله الله ..
تميم : ابشر يازياد والله ان عندنا شغله بنخلصها ونعود الرياض ابوي تعبان ومانقدر نخليه واجد وابشروا يوم ثاني ، عاد نبيكم تحيوننا بديارنا
زياد : تبشر ياولد عبدالله
تميم : اكرمكم الله
ولف على ليالي وتقدم وتقبل راسها ونطق : بـ ابلشك تحملي
ضحكت ليالي ونطقت : انتبه لـ نفسك
ابتسم تميم بـ عرض مبسمه ورجع لـ ليالي مسرع وقبل عيونها لـ شده وضحك زياد ونطق : تميم !!
ضحك تميم ونطق : شكلي مو مبطي عنكم على هالحال
ضحكت ليالي وطلعوا تميم وغازي وسلموا على اخوان الجد ناصر ويالله يالله هربوا من العزايم وركب تميم السياره وصرخ من شدة السعاده وضحك غازي بـ صدمه ولا توقع ان بيمر بكل هالسهوله ونطق : طلعت مو هين !
كان غازي ماخذ فكره غير ان تميم لكن طلع الرجال المدفون الي بداخله ونطق : ليه شايفني ناقص بشيء ؟
ضحك غازي ونطق : ما شاء الله عليك
سند تميم راسه على المرتبه ونطق : يالله يالراحه اقسم بالله اني مبسوط مبسوط !! واحس اول مره انبسط كذا
غازي : جعله دايم ياتميم
تنهد تميم ونطق : بنروح الرياض
هز غازي راسه بـ الايجاب : بنروح نبشر ابوي
ابتسم تميم ونطق : الله يكتب الي فيه الخير .
-
« البيت الطيني »
طلعت غرام من البيت ورافعه على راسها الجلال وتوسعت عيونها بـ صدمه من لمحت عيال عمها ورجعت لـ البيت وطلعت تركض خوفًا منهم ، ونطقت عمتها بـ غضب : كنت عارفهه عودد عوددد مابي احد معيييي روحوااا
ماهر بـ غضب واصرار : ياعمه ذي السلوقيه وصـ*** مالها امان !
ناظرته العمه بـحده ونطقت : عود ياماهر احسن لك !
زفر ماهر بـ غضب وراح بـعيد عن البيت ونطقت بـ صوت عالي : عود بيتكممممممم
كان الغضب يـطلع من عيونها وقرر يسمع كلامها ورجع بيتهم وتوجهت عمتها لـ البيت ونطقت بـ صوت عالي : غراممم غرام وانا عمتك اطلعي انا لحالي مامعي احد لا تخافين انا اعرف كل شيء
ماكان من غرام اي رد ودفت الباب بـ رجولها ودخلت مصدومه من منظر البيت وكان بـ اختصار طين ، ونطقت : شلون عايشه هنه انتي ؟
ولفت نظرها ولمحت باب مفتوح وطلعت تركض معه وتتبع جُرت غرام ونطقت من اختفت جرتها : غرام والله اني لحاليي
طلعت غرام طرف عينها ولفت تناظر اذا في احد موجود و وقفت ونطقت : عمه عهود
نزلت عهود لثمتها ونطقت بـ ابتسامه: اخيرًا !
كانت تثق بـ عهود ثقه عمياء وتحبها حيل وتقدمت لها وحضنتها بـ شده ونطقت : ياعمه اخبارك وين اختفيتيي وتركتيني !
ابعدت وجهها وناظرت بـ عيون غرام ومسحت على خدها ونطقت : سامحيني يابنتي سامحيني طول السنين الي فاتت ما قدرت اتكلم سامحيني
عقدت حاجبها بـ اسغراب ونطقت : عمه وش صاير ؟
سحبتها وجلست على طرف العشه ومسكت يدينها وحاولت تتكلم وهي تناظر بـ عيون غرام لكن ماقدرت ونطقت : يامي انتي عمك جمعان فعل له فعلتًا ماهي من عقيدتنا ولا تربيتنا الي تربينا عليها ، عمك طاح بـ ذنب عظيم عظيم
كانت تناظرها غرام بـ عدم فهم ولا هي قادره تستوعب كلامها ونطقت : ذنب ؟ وش صاير ياعمه
عهود : انا جيت عشان اصحح الغلط الي انتي تربيتي عليه...
ابعدت غرام يدها من يد عمتها عهود ونطقت عاقده حاجبينها : ياعمه انتي صادقه ؟
بكت عهود من قوة الحسره ونطقت : عمك جمعان اتهم امك انها جابتك من رجال ثاني ! وان الي ببطنها مو منكم بس هو كذاب ! كذاب انتي بنت فواز بلحمه ودمه ! انتي بنت حلال وامك مرّه عفيفه والي مايخافون الله قذ**** الله يسامحهم امك يابنتي ماتت من الهم ماتت على فراشها
غمضت غرام عيونها وهمست : يارب يارب انك تهون علي يارب
و وقفت من شدة الضيقه التي داهمتها ومسحت عيونها من شعرت بـ سيالان دمعتها وفزت عمتها عهود ومسكتها -
سحبت غرام ذراعها ونطقت بـ غضب : من انتي ؟ عمتي عهود الي كنت احبها اكثر من روحي ! تخبين علي كل هالمده ؟؟؟ كل هالمدهه !!! شلون شلونن تقدرين تسمعين اخوك يقول كل ذالكلام عن امي ؟؟؟ انتم دمرتوا امي ودمرتونييي انتم ذبحتونيي حيههه !!! حسبي الله عليك ! الله ينتقم منك ومنهم ! وياخذ حق امي منكم ! كل يوم تتنافسون فيه حرام عليكم ! اخذتوا امي مني وبعدها ابوي وبعدها حياتي بالكامل ! هههه ابسط الاشياء ابسطها ماعندي ! شهادتي ماخلتوني اخذها ! كل يوم اعيش على إهانات ماكنت استحقها بسببكم ! وانتي اولهم كنت احسبك تحبيني صدق ! لكن طلعتي نفسهم !!! انا هربت للبيت هذا الي حتا الكلاب ماتعيش فيه ، وش خليتوا فيني باقي حي !
وطاحت على الارض تبكي ومنهاره من شدة الصدمه ورفعت كفينها لـ السماء ونطقت بـ بكى : امي ماتتت مظلومهه مظلومههه يارب يامدبر الكون ان تاخذ حق امي من عبادك ....
واكملت بـ دعائها على اعمامها واهل ابوها جميعًا ، كانت سعيده رغم حزنها ، سعيده بانها عرفت الحقيقة ، التي كانت تجهلها سنين وتاكدت ان امها أشرف منهم جميعًا ، وعندها يقين بان الدنيا دوراه ومثل ماظلموا امها بيرجع لهم كل شيء ، ولفت على عمتها المنهاره تبكي ونطقت بـ حده : ابعدي عيال اخوك عني ! انا بدبر عمري انتم ابعدوا عني ! ابعدوا عني !
و وقفت وركضت ترجع لـ البيت الطيني وتركت عمتها عهود لـ وحدها ، ودخلت البيت واخذت نفس طويل وزفرته بـ بكى وجلست على الارض وانسدحت تبكي وتسترجع كلام عمتها وتزيد بـ البكي .
-
« المـزرعه »
دخلت ليالي مجلس الحريم وفزوا البنات وصرخوا بـ صدمه ونطقت ريتال : صدق صدق ؟؟؟
ضحكت ليالي ونطقت : وش الصدق ؟
سحبتها ارجوان وجلسوا على الكنب ونطقت ارجوان : الي برا كانوا اخوانك ؟؟
ضحكت ليالي ولفت على ترف من نطقت : شفتهم في واحد نسخهه من ليالي وواحد بس يناقز ويعدي ! لكن مايشبهم ابد
توسعت عيون ريتال وضربتها على كتفه بـ غضب : ليش ما ناديتيني !
صرخت ترف من قوة الضربه ومسكتها وصارت تدور عليها بـ اصبعها تخفف الالم ونطقت عابسه الوجه : يامطفوقه انا شفت اخوانها ماشفت خطيبك !!
ضحكوا البنات بـ قوه ونطقت ليالي بـ ضحكه : عاد توني شايفته جو كلهم
شتت ريتال نظرها وحطت رجل على رجل ونطقت بـ دلع متصنع : عاد تعرفون يموت علي عشان كذا استعجل !
عبست حور وجهها ونطقت : ويعععع ريتال طلبتك لعاد تدلعين !
عبست ريتال وجهها واشرت على حور ونطقت : غيوره !
رفعت حور حاجبها بـ صدمه ونطقت بـ ضحكه : غيوره !!!؟؟؟؟؟ هههههههه
ضحكت ليالي و قفت ونطقت : الحين بيجون حريم اعمامي اسقبلوهم انا بسرق حور
ابتسمت حور ولفت على ريتال وسوت بايدها حركه الحره وضحكت ليالي ونطقت ريتال : وش المقصد حورر !!!!
حور وهي معطيها ظهرها لـ البنات : سوالف حريمم
وطلعوا من المجلس ليالي وحور يضحكون ونطقت ريتال : روحوا من زين سوالفكم
و وقفت وعدلت لبسها ونطقت بـ ابتسامه عريضه: بروح اسقبل خالتي المستقبليه
غطت ارجوان فمها تحاول تكتم ضحكتها ونطقت بـ صوت متقطع يخالطه الضحك : قواك الله
وماقدرت تتحمل وضحكت بـ قوه وضحكت ترف من حركات ريتال وطلعوا يستقبلون حريم اعمامهم
~ حور وليالي ~
دخلت ليالي الغرفه وقفلت الباب وعقدت حور حاجبها بـ اسغراب ونطقت : شفيك ؟
ابتسمت ليالي بـ عرض ثغرها وكانت متوتره حيل ونطقت: ثواني
وتوجهت لـ شنطتها وطلعت صوره ولفت على حور ، ورفعت لـ وجهها وتوسعت عيون حور من صورة الجنين وشهقت بـ صدمه ونطقت : والله !!!!
ضحكت ليالي وهزت راسها بـ الايجاب ضحكت حور بـ سعاده وتقدمت وحضنت ليالي بـ شده ونطقت : مبروكككك مبروكك ياعيونييي ما شاء الله الله يتممه على خير باقلبييي ياربيي ببكييي
ابتعدت ليالي عن حور ونطقت : الله يبارك فيك يادنيتييي
حور : في احد يعرف ؟
نزلت ليالي نظرها على الصوره ونطقت بـ ضيق : غالبًا لكن زياد مايعرف وماني عارفه شلون اعلمه
زمت حور ثغرها وماعجبتها فعلت ليالي ونطقت : كم لك ؟
رفعت ليالي اصبعها بـ رقم ثلاثه ورفعت كتوفها : يعنييي ...
غطت حور فمها وكانت السعاده قد ملت قلبها ، وليالي اكثر من بنت عمه وفرحتها من فرحتهم كلهم ونطقت : ثلاثه اسابيع
ضحكت ليالي ونطقت : ثلاث شهور
توسعت عيون حور بـ صدمه ونطقت : اسالك بالله ! ياحيوانه تو تقولين لنا ؟
ليالي : لالا تو اعرف انا اليوم رحت احلل مع خاله نوره
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
