نزل سعود يركض وطاح من الدرج , وكانت ريتال واقفه عند الدرج وشافت سعود طاح وطاحت جنبه تضحك ماتت تضحك , وقف سعود بـ صعوبه ولف على ريتال , وغطت ريتال فمها توقف ضحك ووقفت ونطقت بـ ضحك : متت ربيي بلاك هههههههه
وماقدرت تكمل وطاحت تضحك وسعود طاح نفس طيحت ريتال , ومرت ليالي من عندهم عاقده حاجبها ونطقت : اشبكم ؟
اشرت ريتال على سعود وتضحك : انا طحت هنا وهو ضحك علي واليوم طاح نفس طيحتي
ضحك سعود : يالوجعانه ! هههههههه
ضحكت ليالي : انتم يخي ! هههههههه
ضحك سعود وطلع من البيت متوجه لـ المطعم , وريتال وليالي طلعوا لـ غرفهم .
« وقت وصول سعود لـ المطعم »
وقف سيارته , وفتح لـه الباب وعطى الرجُل مفتاح السياره , ودخل المطعم , ولـف بنظره يتفحص المكان وماجاز له ديكور المطعم وشافه راكان , وتوجه لـ سعود وسلم عليه وجلسوا , ويسولفون الا سعود يطري الشراكه , وشرح راكان كل شيء وليش يبي الشراكه , وجاب اوراق المطعم وباسم مين واشياء كثيرر ووقع سعود والان المطعم مشترك بين راكان وسعود ويتقاسمون الارباح , و وقف راكان ومد يده لـ سعود , و وقف سعود وسلم , ونطق راكان بـ ابتسامه: مبروكك
ابتسم سعود : الله يبارك فيك
وكملوا يتكلمون عن المطعم واخذ سعود نسخه من كل شيء وطلع من المطعم , الان سـعود صاحب اكبر المطاعم بالـرياض وحاط بـراسه حبه حبه وياخذ المطعم كـله , وتوجـه لـ سيارته , وهو طالع لـ البيت شاف محل يبيع حلويات , نزل واخذ كيكه وركب السياره , وفتح البوكس وهمس : احتفل لحالك عادي ترا
وضحك وطلع لـ البيت
-
« بـ الكويت , بـيت ابو رغد »
قامت رغد من النوم لكن للان على السرير , ونظرها على السقف , وفي راسها اسالها كثير عن سلمان , مادري ليه كثرت الصـدف بدت تضايقها , اول شيء الشنطه ثم الرماه الي كان شيء غريب وللان مو فاهمه كيف مر , ثم المطر ! وتذكرت يوم حضنت ذراعها , عبست وجها بـ ضيق : يعععع !!
زفرت رغد , وكانت بتقوم ولفت على جوالها من دق , رفعته وناظرت بالرقم وبدون اسم , فتحت الخط : الو
ونطق سلمان : سلام عليكم
نست رغد انها عطت سلمان رقمها وانصدمت : وعليكم السلام
ارتبك سلمان ومافي حل غير يتكلم مره وحده ويرتاح : شـ..ـسمه السياره وديتها اليوم وحبيت ابلغك انها اليومين ذي تروح تستلمينها
تذكرت رغد وقت عطته رقمها وحطت اصبعها على جبينها : مشكور تعبناك ويانا
ابتسم سلمان : اي تعب واذا تبين اجيبها جبتها
رغد بـ سرعه : لالا !!!
انصدم سلمان من سرعتها وردها : طيب براحتك
غمضت رغد عيونها بـ فشله وقفل سلمان , رمت جوالها ونطقت بـ غضب : شاطرههه يرغد شاطره !!!!
وفتح الباب وممدا تنطق العامله الا لفت رغد بـ غضب وبصوت عالي : جممم مره قلتتتت لا احد يدخل علي جذي دقييييي البااابببب !!!!!!
انفجعت العامله وزفرت رغد , ورفعت يدها : شنو تبين ؟
العامله بـ تلعثمه : بابا ينتـظـ.....
رفعت يدها توقفها : اطلعي
طلعت العامله وقفلت الباب , وتوجهت رغد لـ دورة المياه ثم نزلت لـ ابوها , وشافته جالس على طاولة الطعام , وتوجهت لـه وجلست , وناظرت الاكل ومالها نفس تاكل , واخذت المويه تشرب , وابو رغد ياكل , نزل الشوكه ولف نظره لـ رغد ونطق بـ هدوء : تعرفين الصبي الي ساعدتج ؟
نزلت رغد الكاسه الي بيدها , ولفّت وجهها لـ ابوها وبـ توتر : لا
ابو رغد : حسافه من وين ايب رقم تلفونه ؟
رغد بتلعثم وارتباك وضح عليها : شسمه بـ.ـد....
رفعت راسها بـ صدمه من استوعب الكلمه الي قالتها وتو سمعتها من سلمان ! غمضت عيونها بـ قوه وتحاول تشيل الافكار الي داهمتها ولا عجبتها ابدا , ناظرها ابوها بـ أستغرب ومد يده وحطها على كتف رغد ونطق : فيج شيء ؟ تعبانه يبه ؟ اوديج المستشفى ؟
هزت رغد راسها بالرفض ووقفت بدون ماتتكلم وطلعت لـ غرفتها , دخلتها ورفعت يدينها وحطتها على راسها تحاول تستوعب شنو قاعد يصير وشافت عبايتها وعلى طول لبستها وطلعت , نزلت تركض من الدرج وابو رغد عاقد حاجبه مستغرب تصرفات رغد , ونطق : على وين ؟
التّفت رغد لـ ابو ابوها, : ماقدر اقعد زياده بالبيت
توجه ابو رغد لـ اغراضه الموجوده على الطاوله وجمع الاوراق ونطق : خل اوصلج على طريجي
عبست وغد وجهها وابتلشت كيف بتقول له يوديها لـ الرماه وخطر على بالها اسيل , : تمام
وطلع ابو رغد ورغد خلفه متوجهين لـ بيت اسيل .
-
« بـ المطار »
دخل حاتم من البوابه وشّاد على يد حور , وجلسوا , لفت حور بـ خفه على حاتم ودققت بعيون حاتم , وطاحت عيون حاتم بـ عيون حور , ارتبكت حور وصدت , ابتسم حاتم , ورفع يد حور وقبلها , وضحك حاتم بـ خفه ونزل يد حور من انتبه لـ رجفتها وهو بدا يتعود على خوف وتوتر حور وتناقض شخصياتها ,,
وبعـد مده نادا لـ رحلتهم ، وقف حاتم ومد يده لـحور , رفعت راسها لـ حاتم , ثم وقفت معه ودخلت ذراعها بذراع حاتم , ومتوجهين لـ الطياره , ركبوا وجلست حور وبجانبها حاتم ....
كانت الرحله طويله نوعًا ما وحاتم متكتف ويراقب تصرفات حور , وبـ كل تصرف او حركه بسيطه تعجب حاتم ويزيد بقلبه حبه لـ حور ,,,,,
و هبطت الطيارة بـ السعوديه وتحديدًا « الرياض » ...
لف حاتم على حور بـ يقومها وكانت حور بـ نوم عميق حاول حاتم يقومها بـ هدوء لكن لا حياه لمن تنادي ورفع صوته اعلى من اول ونبرة صوته تغيرت , وفزت حور وزفرت بـ ضيق من رجعت تتذكر الحلم الي تحلمته , تقدم حاتم عاقد حاجبه ومسك ذراع حور وطلعها , نزلوا من الطياره , واخذوا شناطهم وحور ميته تعب وطلعوا من المطار متوجهين لـ الفندق , وحاتم مركز على حور والدمعه بطرف عينها , ووصل الفندق , وحجز غرفه , وطلعوا لها , دخلت حور بسرعه وتوجهت لـ دورة المياه , لف حاتم عاقد حاجبه وانتظر حور لكن طولت مره وتوجه لـ الباب ودقه مره مرتين ثلاث , ومافي اي تجاوب من حور ورجع يدق ونطق بـ خوف : حور يعيوني فيك شيء ؟
ارتبك من شاف تاخرها وعدم اصدار اي صوت ورجع يدق الباب أقوى وبعد ثواني انفتح الباب , ورفعت حور راسها لـ حاتم , وعضت شفتها تكتم بكيتها لكن ماقدرت تسيطر على نفسها وغدرتها دموعها وسالت دموع حور , تقدم حاتم بـ سرعه وحضن حور : خلاصص خلاصص
وبادلته حور وحط يده على راسها , وبعد ماهدت حور قبّل راسها وتركها وكل واحد راح يخلص الي عنده ثم ناموا ..
-
«بـ البيت الجديد »
نرجع شوي على ورا .... وقت وصول سعود لـ البيت ومعه الكيكه , نزل وفتح الباب دخل والبيت هادي , والانوار طافيه , كان بيفتحه الانوار الا يصرخ من سمع الصيحه الي خرشته , وطاحت البوكس الي بيده , وريتال ميته ضحك , لف سعود بـ سرعه على ريتال ومعصب , شافت ملامح وجهه وصرخت وراحت تركض , ولف سعود على الكيكه الي طاحت من البوكس واخذه , يركض خلف ريتال وكان سعود اسرع من ريتال وخذ الكيك وضربه براس ريتال , شهقت ريتال ومدت يدها على شعرها , ونزلت يدها والكريمه ماليه يدها , وصرخت : سعوددد يخال وش هالمزح !
سعود عابس وجهه : الله يقلعك يحمار خربتي علي فرحتي
فتحت ريتال عيونها بقوه وخطر على بالها : شفت ارجوان !!!!!!!
تنهد سعود وزفر بـ ضيق : ياليت
انفجرت ريتال تضحك بـ قوه , وسعود عاقد حاجبه بـ استغراب, والتفت على ليالي من سمع صوتها : اشبكم ؟؟؟؟ شسالفه ؟؟
اشر سعود على ريتال : خذيهااا خذيهااا لو تقعد زياده عندي ذبحتها
ضحكت ليالي ونطقت : وش مسويه لك ؟؟
ريتال وهي مستلقيه على الارض وبـ ضحكه : لا بس خرشته وطاحت الكيكه هههههههه
حطت ليالي يدها على فمها وضحكت : اذا دخل بسعود جني تراه بسببك هههههههه
ضحكت ريتال وسعود نفس ونطق يتحلطم : بسببك يحماره الكيكه الي شريتها عشان احتفل وافرح بالي صاير لي خرب !!!
ريتال بـ صوت ثقيل وضحكه : شعندك امانه ؟ هههههههه
لف سعود عليها : دخلت بشراكه بمطعم
رفعت ليالي حاجبها : ماشاءالله !! متى ؟
وقفت ريتال بـ صعوبه : صرنا معاد نهمك يسعودددد
لف سعود عابس وجهه : انا معاد افهم خرابطك
تقدمت ليالي ومسكت ريتال من تيشرتها : تكفينن قومييي غسلي شعرك انا تقرفت ومالي دخل !
وقفت ريتال وراحت وهي تضحك ,
ناظرها سعود وضحك : البنت ذي مو صاحيه هههههههه
ضحكت ليالي وجلست جنب سعود على الدرجه وشبكت يدها , ولفت وجهها على سعود ، ونطقت بـ ضيقه وعيونها مدمعه : وحشني ابوي
لف سعود عاقد حاجبه , وعدل جلسته : ابوي انا ؟
هزت راسها بـ الايجاب , وابتسم سعود بـ خفه : بعد بكره اول يوم جامعه صح
ليالي : ايوه
سعود ضربها بـ خفه على كتفها : فليهاااا الخميس نسحب والجمعه وسبت نروح الديره وش تبين اكثر من كذا ؟
لفت ليالي على سعود وصرخت , ضحك سعود , وحضنته بسرعه : شكرًا شكرًا مرهههه !!!!!!
سعود : يبنتي ماسويت شيء عشان تشكريني ولو تطلبين عيوني عطيتك !
ابتعدت ليالي عن سعود , واخذت نفس بـ قوه والفرحه مو سايعتها تبييي ينتهي الاسبوع باسرع وقت وماتوقعت انها بتشتاق لـ الجد ناصر كذا , ووقفت وركضت لـ غرفه ترف , ودخلت بـ سرعه , وصرخت , رفعت ترف راسها من البطانيه ونطقت : بسم الله الرحمن الرحيم اللهم سكنا بمساكنه
رحت ليالي وتربعت على سرير ترف والابتسامه شاقه وجهها ، ونطقت : تخيليييييي بعد اسبوع بنروح الديره !!! الخميس بنمشيي اخخ يانها واحشتنيييييي
عبست ترف وجهها : تكفين قولي غيرها !
ضربتها ليالي بخفه على فخذها : خير ! بنروح وبنبسطط معليك
زفرت ترف بـ ضيق , وسكتت تسمع لـ كلام ليالي , وقاطعهم صوت ريتال مستنده على الباب : ايه ايه سولفوا سولفوا وريتال بنت البطه السوداء ماتنادونها ؟؟؟؟؟
ترف اشرت على ليالي عابسه وجهها : تكفين خذيها طشت راسي
رفعت ليالي حاجبها بـ صدمه ووقفت : الشره مو عليك الشره على الي يجيك
رفعت ترف يدها ونطقت :طفوا النور معكم وانتم طالعين
سحبت ليالي على ترف وطلعت , صرخت ترف واضطرت تقوم تطفي النور ونامت ..
-
« بـ الكويت , بيت اسيل »
نزلت رغد ببيت اسيل و وقفت عند الباب تنتظر ابوها يروح عشان تروح على انه مو ممنوع لكن ماتبيه يعرف عن هوايته و عارفه انه بيرفض تكمل , وطلع ابوها من الحي كله وركبت مع سائق , واخذها لـ مكان خاص بالرمايه , نزلت من السياره ودخلت مع البوابه كملت بياناتها , ودخلت الغرفه وما ناظرت باحد ولا اهتمت والضيقه مسيطره عليها , ولبست القلافز واخذت السماعات وحطتها على اذنها وعدلت وقفتها وتناظر بالهدف , شالت السلاح ويدها ترجف حاولت تقوي نفسها وضغطت على الزند وكل مره تخطي بالتصويب والسلاح ثقل بيدها ماقدرت تشيله وحست بفوضهه براسها وتراكمت عليها اشياء كثير وصارت رميه خلف رميه وبشكل مخيف , وتقدم وسك يدها بـ سرعه يحاول يوقفها و عشان ماتاذي نفسها , لفت رغد بـ سرعه على الشخص الي ماسك يدها وشهقت من شافت سلمان , شال يده وماسك السلاح ونطق بـ غضب : تبين تذبحين نفسك ؟؟؟؟
عقدت رغد حاجبه ونطقت بنفس نبرة سلمان وبنفس القوه : شدخلكككك اذبح نفسي مالك دخل !!!
نزل سلمان يد رغد ونطق بهمس : ريحينا واتركي هالشيء بس تعبتي نفسك !
للان رغد مو فاهمه : يهمك تعبي ؟؟
سلمان بدون وعي : ايههه ايهه يبنت الـ......
عقد حاجبه وبسرعه نطق يغير الي قاله : وش الرابط العجيب الي بينهم ؟
غمضت رغد عيونها ونزلت يدها , وكانت بتطلع ولحقها سلمان , سحب ذراعها ونطق بـ همس : يالكويتيه لاتتعبيني معك !
ناظرته بـ طرف عين وبنفس النبره: اتعبك ؟ ليه وش مكاني عشان اتعبك ؟ وليش انت هنيه ؟ تلحقني بكل مكان ؟ مو طبيعي بكل مكان القاك ؟
زفر سلمان بغضب ولف وجهه عن رغد ويناظر بالمكان وشده شخص مستند على الجدار و يناظر رغد والابتسامه شاقه وجهه , عقد حاجبه ولف على رغد وفهم نية الرجال , نزل نظره على يدها ودخل اصابعه بـ اصابعها وشد على يدها , وناظر رغد وابتسم : لاتقولين حرف !
لفت رغد بـ صدمه وسكتت , طلعوا بـ هدوء والرجال واقف يناظرهم , واشر لـ شخص يلحق البنت , طلع سلمان وشاد على يد رغد , ناظر السماء والدنيا بدت تظلم , ولف على رغد : سيارتـ.. ايه صح انا مامعي سياره وش نسوي
هزت رغد راسها : مادري
لف سلمان وشاف الرجال نفسه طالع , ومشى بيبتعد والرجال يمشي خلفهم
ومعه رجال ثانين اسرع سلمان بـ مشيته ورغد عاقد حاجبها بـ استغراب ونطقت : سلمان اشبك ؟
ركض واحد من الرجال ولف سلمان على رغد : اعدييي
ماترك سلمان لـ رغد مجال تتكلم وشاد على ذراعها يحاول فيها تركض , والرجال شافوهم يركضون وركضوا خلفهم , خافت رغد وماقدرت تكمل , وطاحت على الارض ، لف سلمان وصرخ : يرغدد جووووو
لفت رغد وهي تبكي على العيال ولمحت وجه واحد وشهقت : حازممممم !!!!
عقد حاجبه سلمان مافهم من تقصد لكن الرجال قربوا وصرخ حازم , وعلى طول تقدم لـ رغد وشالها , صرخت رغد : سلمان !!!!!!
سلمان تجاهلها و حاول يركض باقوى ماعنده وشايل رغد وماقدرت تتحمل وصارت تبكي وحاضنه رقبة سلمان , وسلمان خايف يصير على رغد شيء وماهمه نفسه وشاف سلمان دخله ودخل معها والرجال خلفه بيدخلون وساعده الظلام وتخبى خلف جدار ضيق ورغد انهارت تبكي ومغطيه فمها تحاول ماتطلع صوت , وحاضنه سلمان بـ قوه , وسلمان يحاول ياخذ نفس لانه تعب مره واصوات الرجال ينادون باسم رغد ,ويتوعدون فيها , وبكل حرف ينطقونه تبكي زياده وسلمان توتر وبدون وعي حضن رغد وشوي وتدخل بـ عظامه , وكانت ترجف من الخوف ,وللان بالمكان ينتظرون الرجال يروحون , ورغد مغمضه عيونها ودافنه وجهها بـ صدر سلمان وتنتظر بس متى يسحبونها الحين وياخذونها وتنتهي حياتها, خفت الاصوات وماعد فيه حس , ونزل سلمان نظره على رغد , والظلام خرب عليه ولا قدر يشوف ملامح وجهاا زين ، ونزل يده لـ يدها وشد عليها وطلع وهي حاضنته ولا تقدر تبتعد بسبب ضيق المكان , وابتعدت بعد ماطلعوا ولف سلمان عليها ونطق : كيف يعرفونك ؟
لفّت رغد على سلمان بـ خفه ونطقت بـ هدوء : عيال عمي
رفع سلمان حاجبه بـ صدمه : وش يبون فيك ؟؟؟!!
ماقدرت رغد تتكلم وبكت , وتقدم سلمان وماعرف كيف يتصرف ونطق : رغد اسالك بالله نيتهم مو بزينه ؟
عضت شفتها بـ قهر وهزت راسها بالايجاب ونطقت وهي تبكي : عينهم على حلال ابوي وحاطيني براسهم
عقد حاجبه والضيقه سيطرت عليه ولف على رغد وسحبها لـ حضنه .
-
« عند ابو رغد »
طولت رغد ويدق عليها ماترد وما وتره الا الاتصال ورفع جواله ودخل على رقم ابو اسيل بيدق عليه يسال عن بنته ودق بعد تردد , وجاه صوت ابو اسيل , : سلام عليكم
ابو اسيل : وعليكم السلام عساه خير يمبارك
ابو رغد : خير باذن الله الا رغد ويا اسيل ؟
ابو اسيل : احنا مو بالكويت واسيل ويانا والبيت مافي احد داخله
عقد ابو رغد حاجبه بـ صدمه ونطق : تعبتك وياي
وقفل من ابو اسيل , وخاف رغد مو عند اسيل ولا ترد , وبسرعه طلع لـ سيارته ولف كل الاحياء الي حول بيت ابو اسيل وراح لـ مطعمهم ممكن تكون فيه ويعرف رغد صديقاتها قليل وتكتفي بوحده ثنتين وداخ من الفره ويرجع يتصل على رغد ودق على مكتبها وارعبه يوم قالوا لنا اسبوع ماشفناها ، وقرر يرجع البيت قد تكون رجعت
«عند بيت ابو رغد »
كانت رغد تمشي مع سلمان ووصلوا لـ بيتها , وزفرت بـ راحه من انتبهت لـ عدم وجود سيارة ابوها , وناظرها سلمان ورفع يده : بكذا اقدر اروح وانتبهي على نفسك منهم
هزت رغد راسها وابتسمت بـ خفه : دام ابوي حي مراح يضرني شيء
ابتسم سلمان ولف بيروح لكن سيارة ابو رغد مرت من جنبهم ونطق ابو رغد بـ عضب الدنيا : اقعددد يايكممممم
تورط سلمان ورغد لفت بـ خوف عليه : شنوو بتسوي !!!!
سلمان : بقول كل الي صار !
فتحت رغد عيونها بقوه : لاتقوللل عن الرمايههه !!!! تكفىىى
عقد سلمان حاجبه وكان بيتكلم وقاطعه من حضر عليهم ابو رغد , ورجعت رغد على ورا وصارت بنفس مستوى سلمان , وتقدم ابو رغد ومسك يد رغد بـ قوه : وينجج ادق عليج ماتردين ؟؟؟؟؟؟؟؟
رغد بتلعثم : مـ.....ـد.....
تقدم سلمان ونطق بـ ابتسامه: المعذره لكن بقولك
لف ابو رغد وجهه لـ سلمان وعابسه : منو انت بعد !
تقدم سلمان ومسك يد ابو رغد ومشى فيه بيدخله : يعمي السالفه ومافيها اني ساعدت بنتك بس وهي مامعها سياره وتعرف الحواري ماهي بزينه هالوقت
ابو رغد ناظره بطرف عين : تلعب علي ؟ اعرفك انت الي جبتها ذاك اليوم
شتت نظره وحاول يدور تصريفه ومافي حل غير يقول كل شيء : تعال ارتاح وبقولك
دخلوا مجلس ابو رغد ورغد وقفت خلف الباب وتسمعهم ، وحاول سلمان يكثر كلام ويغيره السالفه بكبرها وينساه ولف ابو رغد عابس وجهه : يريال شنو عندك انطق وريحني !!
زفر سلمان و انفجر وقال كل شيء من الى وقال اسماء عيال عمها كلهم
انصدم ابو رغد ووقف : شلون يتجرون يسون جذي !!!!! يقربون صوب بنتي !!!! وانا حي !!!!! يخسوننن وحسابهمم عندييي
وقف سلمان : وانا معك اي شيء تبي فيه مساعده موجود
لف ابو رغد على سلمان وناظره بتفحص وطول وهو يناظره وتوتر سلمان , ونطق ابو رغد بتردد : تساعدني ؟
هز سلمان راسه بالتاكيد : طبعًا!!!
صعب على ابو رغد يقول هالكلمه لكن نطقها وبـاصعوبه : تزوج رغد
فتح سلمان عيونه بـ صدمه : شنهو !؟؟
ابو رغد بـ تغير لـ الموضوع: خلاص خلاص وو
ناظره سلمان ونطق : موافق بس اذا تزوجتها بترتاح منهم ؟
تقدم ابو رغد لـ سلمان : ايه و اسمع انا وثقة فيك وعارف انك افضل من عيال اخوي وماقلت هالكلام اذا اني متاكد انك بتصون رغد وبتبعدها عن عيال اخوي ومابي منك غير انك تاخذ رغد وتطلع من الكويت كلها وانا ايامي معدوده يمكن اموت الليله قبل بكره
قاطعه سلمان : اعوذ بالله لا تتفاول بالشين
ابو رغد : ماحد يعرف يومه وانا عمري تعدا الخمسين بيصك الستين والتعب سيطر علي ومافي احد غيري لـ رغد وكل الي حولنا طمعانين بالحلال الي عندي ويبون يتزوجون رغد وياخذون فلوسي وكلهم خريجين سجون ولا واحد فيهم صاحي والله اني ماعرفك لكن وقفاتك ويانا ثبتت انك ريال صج وتعرف الحق و ولد ريّال ومتربي بدال المره خمس ومعك حق لو ترفض انا راضي لكن بنتي بتقعد بروحها وعمانها بيدعسون عليها اعرف بنتي قويه وبتوقف بويهم لكن ماهي بقادره بروحها !!
بلع ريقه بـ توتر من الموقف الي انحط فيه ومايقدر يرفض وتنتهي رغد ولا يقدر يوافق ويترك اهله وربعه الي بالسعوديه وحس بـ ضغط قوي عليه وحس بـ عجز ولا عرف كيف يتصرف لكن تنتهي حياته وتخرب افضل من ان رغد تطيح عند الناس ذول وتخرب حياتها ومقتنع انه بيتحمل لكن رغد مراح تقدر تتحمل , واخذ نفس بـ صعوبه وابو رغد واقف والدمعه بـ طرف عينه ينتظر اجابه من سلمان , وسلمان تايهه بين خوف على مستقبل رغد وخوف على ردت فعل اهله وعارف انهم مراح يتقبلون رغد بينهم وللان زوجة نواف تعاني من امه وجماعتهم , وانتهى حديثهم بجمله : الي فيه خير بيحصل
وغمض ابو رغد عيونه بقوه يحاول يوقف دموعه ولا تنزل من الغبنه , وانتبه سلمان لـ ابو رغد وتقدم : ياعم عين من الله خير وزواج بيصير والله مايمسها ضرر منهم وانت الله يطول بعمرك مع بنتك ! يكفي انك بحياتها
وبعد ابو رغد وجلس على الكنب ويناظر سلمان بـ خوف وخايف انه يندم على قراره .
« خلف الباب »
مغطيه فمها تحاول ماتطلع صوت بكيها وعيونها تغرقت دموع وتجهل مستقبلها مع سلمان وكيف بتزوج بكل سهوله بشخص ماتعرف عنه غير اسمه وسمعت صوت سلمان وكان بيطلع وراحت تركض لـ بيتهم ودخلت غرفتها , وتوجهت لـ سريرها وطاحت تبكي .
-
« الصباح , الرياض »
بـ فندق حاتم وحور , واقف حاتم ويناظر مع الشباك الرياض ولف على حس حور وحركتها , وابتسم ابتسامه عريضه وتوجه لها : صباح الخير صح النوم
رفعت حور الخصل الي على وجهها لانها بدت تضايقها , وعيونها مفقعه نوم وابتسمت, وبصوت مبحوح : صباح النور
تخرفن حاتم وحط يده على دقنه ويتامل وجه حور ومبتسم , لفت حور على حاتم وضحكت : والله وجهي مفقع مابه شيء تتامله هههههههه
حاتم : اتامل جمال خلق ربي
نزلت حور راسها وتوترت تعرف تصرفات حاتم وماعنده بريكات وقامت على طول متوجه لـ دورة المياه, طلعت وعلى طول نطقت : اليوم بنروح لـ عمي والبنات ؟
هز حاتم راسه : بنروح لسعود ثم نروح لـ اختي لينا
تقدمت حور وجلست قدام حاتم , مسكت يده , ونزل حاتم نظره على يده ثم رفع نظره لها , ونطقت : حاتم تكفى بنام عندهم والله بس يوم واحنا بنرجع الديره حاتم تكفى !! مراح اشوفهم الا بالاجازه وربي واحشتني اختي مرههه
ميل حاتم راسه ويناظر حور ينتظرها تنتهي كلام وهي تطالبه وتتحايله يوافق ورفع يده ينزل ذراعها يوقفها : تم تم ابشري نشف حلقك وانتي تتحايلين
ابتسمت حور ابتسامه عريضه وحضنت حاتم بقوه : وربيي انك كفووو
ضحك حاتم ونطق : يالله خلصي خل نطلع نفطر
قامت حور بسرعه وراحت تصلي وتلبس عبايتها , وطلعوا من الغرفه ونزلوا تحت , واخذوا فطور ،،
بعد فطورهم طلعوا من الفندق و وصلت سيارة حاتم , وحور مدخله ذراعها داخل ذراع حاتم , ونزل شخص من السياره وعطى حاتم المفتاح وتركهم , ركبت حور وقفل حاتم الباب وركب حاتم , ومشوا متوجهين لـ بيت سعود ,,,
بالطريق شغل حاتم اغنيه مفضله له « ردي سلامي » وابتسم من سمع افضل مقدمة اغنيه بالعالم وبدا يردد كلمات الاغنيه وحور تغني مع حاتم وتضحك , لف حاتم نظره لـ حور وشاد على يدها , وابتسم من شاف الفرحه طالعه من عيونها والسعاده مليت قلبه من فرحه حور ,,
-
« بـ بيت سعود »
طلع سعود من البيت وتوجه لـ سيارته بيشغلها ولف على صوت الشيله والبوري وانتبه لـ حاتم , ضحك من شاف حاتم يرقص وصار يرقص معه , وقف حاتم سيارته ونزل بـ سرعه ويرقص مع سعود
ونطق سعود بصوت جهوري : يامرحبااااا ارحبوااا حيا الله حاتمم والغاليه !!
تقدم حاتم لـ سعود وسلم عليه : الله يبقيكك
نزلت حور وتضحك على ترحيبهم لـ بعض وتقدمت حور لـ سعود , ولف سعود عليها وحضنها , ضحكت حور من ضمة سعود , ونطق سعود : تزوجتي ونسيتينا
فتحت حور عيونها بقوه وابتعدت عن سعود وضربته بـ خفه على كتفه : شدعوه ! لوني داريه كان ماجيتك
لف حاتم على حور ونطق : اجل مشينا معاد بجاينكم
لفوا حور وحاتم بيرجعون السياره وركض سعود خلفهم ومسك حور : روح انت بنتي بتقعد عندي
رفع حاجبه بـ ضحكه : يشيخ !
ابتعدت حور عن سعود وغدرت فيه : معليش سعودتشي لكن حاتم اولا
مسك سعود قلبه بتمثيل وغمض عيونه : احح سعودتشي لـ ضمير
حور بـ ضحكه : شعرفك انت هههههههه
ضحك سعود ونطق : اقلطواا البيت بيتكمم
حاتم مسك يد حور ودخلوا خلف سعود لـ البيت , ودخل سعود على البنات بـ المطبخ وماسك راسه يثبت عقاله : حورر جتت جتت
فزت ترف من فوق الدولاب وطاحت على الارض وهي تبي تنزل , وصرخت وطاحوا يضحكون على طيحتها , رفعت راسها تناظرهم ونطقت : صادق حور جت ؟؟؟؟؟؟؟؟
سعود بـ ضحكه : ايهه ايهه عانيها بالمجلسس معها حاتمم
عبست ترف وجهها : يليل هالحاتم كيف الطريقه ؟
ريتال بـ ابتسامه خبيثه : نحط منوم خل يرقد ويفكنا
لف سعود عليها : عز الله كدينا خير
ليالي : يخوفي تحط سم بدال منوم وتذبح الرجال
غمزت ريتال لـ ليالي : معليه بنت خالتي محاميه تطلعني من السالفه
ناظرتها ليالي : يدرج للحين مابدينا اول اسبوع حتا
سعود : صدقتيي والله انها درج
مسكت ريتال قلبها بـ تمثيل : وصل وصل جرحكم
ضحك سعود من حركاتها الي نسخه منه واخذ القهوه وراح لـ المجلس , والبنات جالسين بالمقلط ينتظرون حاتم يروح عشان يشوفون حور وطولوا وهم يسولفون ووقفت ريتال ورفعت اصبعها : قلتلكم لونا حاطين منوم كان راقد من اليوم وارتحنا
ترف : تكفين لعاد تفكرين وش يفكنا من حور وقتها !
كانت بتتكلم ريتالل وقاطعها خبطت الباب وصرخت من فتح الباب بقوه وصقع براسها والعروه فكت ظهرها تفكيك , ولفت بتصارخ على الي فتح الباب وشافت حور , ضحكت حور : ريتال !! هههههههه
صرخت ريتال و حضنت حور بـ قوه والشوق مايرحم , وطولت وهي حاضنه حور وطفشت ترف ونطقت وهي عابسه وجهها : ريتال يبنت ابي اضم اختي طسيي
ضحكت حور : كل ذا شوق يريتال ! توقعت الكل يشتاق الا انتي
ريتال وهي حاضنه حور بـ مكابر : مااشتقت لك بس مابيهم يضمونك
سمتعها ترف وتقدمت سحبت ريتال وريتال متشبطه بـ حور وضربتها ترف : ريتال ابعدييي خلاص
ضحكت ريتال وابتعدت عن حور ونطقت : خير تراني مشتاقه !
ليالي : واضح واضح
تقدمت ترف وناظرت اختها وبكت وهي تحضن حور , انخرشت حور ونطقت : ترف بسم الله عليك يقلبي اشبك !
مسحت ترف دموعها ونطقت بـ ضحكه : لخبطت مشاعر هههههههه
ضحكوا البنات وابتعدت ترف , شافت حور ليالي ونطقت : الشروق
عقدت ريتال حاجبها ولفت تدور : معنا احد اسمه شروق ؟
ضحكت ليالي وتقدمت لـ حور حضنتها ، وريتال انخرشت ونطقت : حور شكلها تشوف العالم الثاني
ناظرت ليالي ريتال وضربتها بـ خفه على راسها : يغبيه تقصدنيي
عبست وجها ريتال ومسكت راسها : ليالييي ترا معاد بقي فيني عظمه صاحيه !!!!
ضحكوا ودخلوا داخل وحور تناظر بالبيت : ما شاء الله تبارك الرحمن البيت يفتح النفس
ريتال بـ ابتسامه: طبعًا دامني اسكن بالبيت !!
عبست ترف وجهها : ريتال وثقتها تفقع الكبد
ناظرتها ريتال بطرف عين وجلست على الكنب , لفت ليالي عليها ونطقت : اقمزي جيبي القهوه
ريتال : شدخلني روحي انت جيبيها
رفعت يدها : انا سويتها
واشرت ريتال على ترف : ترف قومي جيبي القهوه
رفعت ترف يدها : انا سويت الحلى
صدت ريتال تتجاهلهم وسولفت مع حور وقامت ليالي وشدتها مع شعرها : ريتال قومييي
صرخت ريتال وقامت : قطعتي شعري !
ليالي : هيا رتول هيا
وجلست مكانها وراحت ريتال المطبخ وهي تتحلطم .
-
«بـ الديره , الظهر »
في غرفه صغيره بـ الحوش ومرتخيه ومكان مجيد المفضل ودايم طامر فوق الجدار وجالس فوق الغرفه قدام مجالس الجد ناصر ومتربع وقدامه برادي شاهي ويغني , سمع جابر صوت واخذ عكازته وطلع من المجلس ورفع راسه وشاف مجيد يغني ويشرب شاهي : قلتلتسسسس حبتسسس بقلبييي كبيرررر يلالااهههلالااههه و محد ينافس حبتسسس بقلبيييي يبعد حييي
عقد جابر حاجبه ونطق : الله يكون بعونها
نزل مجيد نظره على جابر وبـ شماته صرخخ : يضعيففففف ماتقدر تطمر معي وتشرب شاهييي على كيف كيفك!!! اقعد انت ورجلك
جابر : ترا بسبتك يالتيس
شرب مجيد شاهي وغمض عيونهه يتلذذ الشاهي ونطق : اوباههههههه
وكمل يغني و جابر يناظره ويضحك على هباله , ودخل نواف مع باب الرجال وعقد حاجبه من شاف مجيد ورفع يده : مجيد !!
نزل مجيد نظره على نواف ونطق : عمي نواف ارحببب ودي انزل احب راسك لكن مثل ماتشوف
رفع نواف يده : يولد انزل وش تسوي فوق تقال قرد
مجيد بـ ابتسامه: شكرًا على التشبيه
تقدم نواف لـ جابر ونطق : ذا كذا دايم ولا كيف ؟
جابر رفع صوته عشان ابوه يسمع بسبب غناء مجيد : متعودين على انفصام مجيد
ضحك نواف وكان بيدخل ووقف من شاف ابوه طالع من المجلس ويهاوش : الحمار الي طش راسنا ذا منهو !
طارت عيون مجيد يوم سمع صوت الجد ناصر ووقف يبي يقمز وطلع الجد ناصر من المجلس وشاف مجيد وصرخ : عبدالمجيد!!!!!
رفع مجيد يدينه : استسلم
رفع الجد ناصر عصاته : ابك وش مطمرك فوق الجدار ؟
مجيد بـ ابتسامه غبيه : والله طفشت واخذت برادي شاهي وقعدت فوق الجدار
عقد الجد ناصر حاجبه ونطق : امك شكلها ولدتك المغرب !
كتم نواف ضحكته ويناظر مجيد وملامحه تموت ضحك , وجابر جنب الجد ناصر يحرش على مجيد : يجد عان ولد ولدك يتشمت برجلي
فتح الجد ناصر عيونه بقوه : شنهوووو
جحد مجيد انه تشمت وبكذب : يجدد كذببب كذبببب يجددد حفيدكك كذابببب يجددد ماتشمتت
جابر : ياجد تراه يغني ويقول حبتك بقلبي كبير شوف شوف يحب يجد شفت
بلع مجيد ريقه ومافي حل غير انه يقمز وينحاش , وطمر على اساسا بيقوم وبينحاش وصرخ جابر وقت ماشاف مجيد ينقز وقلب بثواني دجاجه يحاول يطير وندم انه قمز , وطاح بالارض ,وركض نواف لـ مجيد وشاف رجله وضربه على راسه بـ خفه : يمهبول رجلك انلوت وبتقعد يومين ماتمشي زين
جابر بـ فرحه : احسننن عشان تطقطق علي قبل شوي وتقول يضعيف ماتقدر تركب واقعد انت ورجلك
الجد ناصر لف على نواف : قومه قومه ودخله المجلس وبعدين نتكلم
لف مجيد على نواف ونطق ببكى وتحايل : تكفى يعم تكفى لاتدخلني عنده هربني !
نواف : قم قم تبي ابوي يذبحني معك !
وقوم نواف مجيد ويسحب رجله سحب وتوجعه مره وجابر بعكازته دخل المجلس .
-
«الكويت »
بـ غرفة سلمان مستلقي على سريره ويناظر السقف ويفكر بـ رغد تنهد بقل حيل وشايل من راسه فكرة الرفض ومستحيل يترك رغد بينهم وهو سمع كلامهم وتهديدهم , وسمع صوت دق الباب ومافيه حيل يقوم ويفتح الباب وصرخ : من
ونطـ.....
__________________
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
