ابو طلال : جابر سعود بخير !؟؟؟؟
ابتسم جابر وحضن ابو طلال ونطق بـ سعاده وفرحه : سعود طلع وبخيرر
ضحك ابو طلال بـ قوه من الفرحه وحس ان هم وانزاح عنه وابتعد عن جابر وسجد شكر لله ويحمد الله : الحمد لله الحمد لله !!
اخذ جابر نفس ونطق بـ ابتسامه: الحمد لله ياعم عدت على خير
عقد ابو طلال حاجبه بـ اسغراب ونطق : وش دخل سعود المستشفى ؟
جابر : ياعم ماحد يعرف للحين يدورون والاسعاف شالوا عمي من الاسطبل
توسعت عيون ابو طلال بـ صدمه : الاسطبل ؟؟؟
جابر : الله الله
نزل ابو طلال عيونه ونطق : الله يعين ياولدي ويقوم سعود بالسلامه هافمان الله
جابر : الله يستر عليك ياعم وان شاء الله بينحل
ابتسم ابو طلال ولف متوجه لـ بيته وجابر محزن على ابو طلال مره والكبر بان عليه وانحنى ظهره ومشيته والتجاعيد ورجع لـ البيت وضحك بـ اسغراب : اقطع كلكم نمتوا مسرع ؟
ودخل المقلط وشاف مجيد على فراشه لكن مانام وانسدح بـ جانبه وسند راسه على ايده ونظرهم بـ السقف وكل واحد ماكله التفكير ونطق جابر بصوت خافت : عبدالمجيد
لف مجيد وجهه لـ جابر ومسغرب نطق جابر لـ اسمه ونطق : هلا
اخذ جابر نفس طويل وزفره ببطىء وبخاطره كلام كثير كثير ويحاول يطلعه لكن في شيء ثقيل على صدره ونطق : عبدالمجيد يخي صرت اشك اذا مر يوم ومافي مصيبه !
ماقدر مجيد يتحمل وضحك بـ صوت عالي والتفت جابر لـ مجيد مستغرب ضحكته وضربه بـ خفه على فخذه ونطق عاقد حاجبه : ولد علامك ؟؟؟ وش قلت !!
زاد ضحك مجيد وحاول يتكلم : جابر تسمع وش تقول ؟ هههههههه
زفر جابر بـ غضب والتفت مجيد لـ جابر ومسك نفسه مايضحك ونطق : ياجودي ورالي في احد دعاء على جدي والظاهر ذا
ضحك جابر ونطق : وانا صادق ولا جدتي فاطمه مسويه شيء لوحده واستلمتها دعاء ليل ونهار ! واكلناها هههههههه
ضحك مجيد بـ صوت مرتفع وكملوا يسولفون ويطقطقون على الاحداث الي تصير بحياتهم وفجاه انفتح الباب وفزوا العيال من اماكنهم ودخل نواف المقلط ونطق : ادخل ؟
اشر جابر بايده يقلط ابوه : اقلط
ابتسم نواف ودخل وجلس مع العيال وعقد حاجبه بـ اسغراب : مانمتوا ؟
لفوا العيال يناظرون بببعض وضحك مجيد بقوه وهم اشغلتهم السوالف ونسوا النوم ونطق : ياعم ألهتنا الهروج وطار النوم !
نزل نواف راسه ونطق بـ ضيق : شلت هم سعود مير ان اليومين ذي طالع ان شاء الله الا انتم علومكم وش بتقدمون عليه؟ ؟
رجع مجيد ظهره لـ الجدار وغمض عيونه براحه : انا مرتاحه وعندي واسطه قويه ادخل كلية الضباط بالراحه ! وقدملي زياد
رفع نواف حاجبه بـ صدمه وضحك من كلام مجيد وثقته : وانت واثق ما شاء الله هههههههه
ضحك جابر واشر على مجيد : لو ماسحبه يذاكر معي كان الحين باولى ماعدا !
ضحك مجيد والتفت نواف على جابر ونطق : وانت وش تبي تدخل ؟
ابتسم جابر ونطق : قدمت و باذن الله الواحد احد ان ادخـ....
وقاطع كلاممهم اصوات صراخ وفزوا من أماكنهم على اصوات الرجال وصوت الجد ناصر وركض نواف والعيال لـ برا والصدمه من يشوفون الرجال الي مالين الحوش واقفين أمام الجد ناصر وتقدم نواف ونطق : عسى ماشر ؟
صرخ واحد من رجال الديره : ابو طلال غدر بخويه وطلع من الديره والحين راجع !
تغيرت ملامح العيال لـ صدمه وهم كانوا يحاولون ماحد يعرف لكن تبين لهم ان مابقى احد ماعرف ونطق الجد ناصر بـ غضب : وش مرجعه ؟؟؟
توتروا العيال ولا عرفوا وش يقولون ودق مجيد على زياد ونطق : زياد شيبان الديره دروا عن ابو طلال ومعصب جدي وبيفلم باعمي !!
توسعت عيون زياد بـ صدمه وحس سعود بتغير ملامح زياد ونطق : وش فيه ؟؟
نطق زياد : يالله يالله جاي !
ولف بيطلع ونطق سعود بـ صوت عالي : زيادد شصايرر
زياد : ولا شيء
وقف سعود من مكانه وماسك مكان الجرح ومشي متوجع : عمي محمد ؟
ماعرف زياد وش يقول وهز راسه بـ الايجاب , ولبس سعود نعاله ونطق زياد بـ اسغراب: سعود يرجال استرح نص ساعه وانا معود لك !
رفض سعود يرحع ونطق : لا بروح !!
زياد بـ غضب : انهبلتت انهبلتت ؟؟؟ تبي تموتت ؟؟
صرخ سعود بـ قوه وبغضب : تبيني اخلي عمي بدون احدد ؟؟ وهو معتمد علي بكل شيء واول سبب بجيته هنه انااا يازياد لا تحدني ادور احد يجي يوديني !!
زفر زياد بـ غضب وسند سعود وطلعوا من المستشفى بدون ماحد يعرف وكان هذا الشيء خطير لـ سعود واسرع زياد بالسيارة لـ الديره وكان سعود متوتر وزاد الالم ببطنه جدًا وبدا ياكله اكل وتحمل لين دخلوا الديره وتوسعت اعيونهم بـ صدمه من شاف العدد الكبير خلف ابوه وابو طلال لوحده ونزل زياد مسرع بـ مشيته ونطق بـ صوت عالي : ياعم
التفتوا الرجال على زياد وداهمت ابو طلال الراحه من شاف زياد ونطق الجد ناصر : نعم يابو سلطان !
توجه زياد لـ جهة الجد ناصر ونطق بـ صوت عالي : استهدوا بالله يرجال وافهموا العلم ! وتعوذوا من الشيطانوعمي محمد نادم ياعم ! وعارف إنه اخطأ مير محد يلومه والي يحصله ماهو بشيءٍ هين ! ولده مات قدام عيونه !
ضرب الجد ناصر عصاته بـ الارض بـ غضب : زياد انت ماتدري عن شيء ابعد !!!
نزل سعود من السياره ونطق بـ صوت عالي : يبه
توسعت عيون نواف بـ صدمه وركض لسعود ومسكه ونطق : ياولد وش جابككك ؟؟؟
دف سعود يد نواف عنه بـ غضب و وقف بين الجد ناصر وابو طلال
وغمض عيونه بـ شده من الالم ونطق بـ هدوء : الى متى ؟
عقد الجد ناصر حاجبه بـ اسغراب ونطق بـ صوت مرتفع : وش تقول انت !!! سعود ارجع المستشفى ولا تتدخل !!
رفع سعود راسه وصرخ باعلى صوته : انا الي جبت عمي لديره والله ماترككم الا اذا دفنتوني تحت التراب !
توجه ابو طلال لـ سعود ومسك كتفه ونطق : سعود بطنك يصب دمم !!
تغير لون وجهه نواف وهو من اليوم خايف وعارف ان بيصير شيء لسعود وكان يصارع الالم ومايبي يرجع الا اذا صلحوا ونطق : مايهم ياعم الي يهم انتم !!
الجد ناصر بـ غضب : تمد الغريب يابـ...
لف ابو طلال وجهه لـ ابو طلال ونطق بـ غصه : صرت غريب يا ناصر !
صد الجد ناصر عن ابو طلال وهو يحب ابو طلال وياما حاول يقسى ولا يبين فقده له ونطق بتلعثم : الايام خلتك غريب يابو طلال !
تنهد سعود بالالم ونطق بـ صوت متقطع: ياعم انت جاك العلم ناقص ! وفهمته غلط لكنن فايز بالسجنن ياعم فايز اخويي بالسجننن !!! وخويي الي اقرب لي من اخويي توفىىى يايبهه !!! وين الإخوه الي كان ينطرح فيها المثل ؟ قدروا عيال كلب يزرعون بينكم فتن والحين يطرحون المثل في هوشتكم !!!؟؟؟
ماقدر الجد ناصر يعطي وجهه لـ ابو طلال ونطق بـ صوت عالي : انا الشيخ ناصر بن فايز ال راجح ! مانذل ولا ينزل راسي ولا تقدر انت ولا غيرك تمشي كلمته علي !!
توتر زياد جدًا وهو يشوف بطن سعود ينزف وباين من لبس المستشفى الي مامدى حتا يغيرونه ونطق سعود بـ صوت عالي لـ رجال الديره والشيبان : لا احد يبقى هناااا مابي اشوف احددد !!!
واختلف التوازن عند سعود وسنده زياد ومسك نواف ذراع الجد ناصر ونطق بـ غضب : ماتسحتي انت ؟؟؟ ماتستحي تطردهم قداميي !!
ماتكلم سعود ودخلوه المجلس وحاولوا يدخلون الجد ناصر بـ الغصب واختلف الوضع وصار متوتر جدًا وبدا يفقد الامل ابو طلال لكن قاطع تفكير كلام زياد : ياالربع لا تخلون الشيطان يدخل بينكم !! ياعمي ناصر لا تخلي لقب قبل اسمك يفرقكك عن خويك !؟؟؟؟
نزل ابو طلال راسه ورجع يتذكر أيامهم ونطق بـ ضيقه : ياكثر ماطحت وكنت لي سند ياناصر بكل زاويه بالحاره صار فيه موقف والله مانسيته وللحين اذكره ! ياناصر ماهقيت انك بتنسى !
عقد الجد ناصر حاجبه وعبس وجهه خوفًا من تهل دمعته ونطق بـ حده : الي انتهى انتهى يامحمد !
انصدم ابو طلال من الجد ناصر ولا توقع انه بيجحده ويناسه ونزل راسه بـ ضيقه وحزن على خوتهم الي دامت اكثر من 50 سنه ولف ظهره بـ يطلع وركض جابر خلف ابو طلال وحاول يترجاه : ياعم ياعميي محمدد !!!
صد الجد ناصر عن ابو طلال ولا يبي يناظر بوجهه ولا يبي يتذكر اي شيء من الماضي والتفت سعود على ابو طلال وشافه طلع ولا قدر يرجعه جابر والتفت على ابوه ونطق بـ غضب : يبه عاجبكك عاجبككك ؟؟؟ يبهه شلونن نسيتنت شلوننن قدرت تقسى !!! يبه يرحم لي والدينك
ماتكلم الجد ناصر وطلع بدون مايناظر سعود وتبعه سعود والدم ينزف من بطنه ويلهث : يبه يايبههههه !!!!!
وغمض عيونه بـ قوه من الالم ومعاد يقدر يتحمل واختلف توازنه وفزوا العيال له وركض جابر لـ السياره وقربها لـ الباب وركبوا سعود وطلعوا لـ المستشفى وخايفين يتضرر سعود من النزيف .
-
« الــريـاض »
بإحدى الإحياء الراقيه في الـريـاض قصر التاجر ~ عبدالله بن طارق ال عيسى ~ وقفت الجي كلاس ونزل غازي وأنزل النظاره الشمسيه وتوجه لـ بأب القصر ودخل بـ ضيق شديد وقرر يدور تميم وتوجه لـ غرفته واثناء صعوده بـ الدرج اوقفه صوت فتاه وألتفت لها عاقد حاجبه : نعم
ابتسمت جود ونطقت بغباء: غازي ! تدور على عمي عبدالله ؟
كان غازي ينفر من بنت عمته علياء وهو عارف ان ابوه بالمستشفى ونطق بـ أختصار: لا
وأكمل طريقة ويحاول ابدًا مايناقشها وفتح باب غرفة تميم وفز تميم من داهمه غازي ونطق تميم بـ غضب وتلعثمه : غازي وش جابك !!!!
تقدم غازي ونزل نظره على يد تميم وسحب الجوال من ايده وشاف المكالمه ورماه على الارض بـ قرف ونطق بـ غضب : ماتتترك عاداتككك ؟؟؟ حتا وابوك بالمستشفى ؟؟؟؟ ياتميم ترا ماني فاضي اعدي وراككك !!!
زفر تميم بـ غضب ونطق : ماحد قالك اعد وراي ياغازي ! ولا صح نسيت ابوي قالك دور على اختنا ليالي الي مدري من وين طلعت ! وانت اخذت الدور علينا كلنا ! هههههههه
عقد غازي حاجبه بـ غضب وهو مايحب اي احد يتكلم عن ليالي ودف كتف تميم بـ قوه ورفع إصبعه بـ وجهه تميم ونطق : احترم نفسككك !!!
رجع تميم ظهره لـ الخلف وضحك بـ صوت عالي ونطق : خلاص خلاص لا تعصب مراح نقول شيء عن اختك الحبيبيه ! هههههههه
وابتعد عن غازي وتوجه لـ الشباك الطويل وطول النظر من خلاله ونطق بـ فضول : غازي ابوي وش طرأ عليه يدور على بنته ؟ ولا يوم طاح وعرف ان الموت بياخذه قرر يدور عليها ؟
ماقدر غازي يتحمل كلام تميم وتوجه له بـ غضب ومسكه من كتفه وصدمه بالجدار : ابوي ماعرف يربيك !!! كيف تتجراء تقول عن ابوك كذا ؟؟؟؟
دف تميم يد غازي ونطق : وانا وش قلت ماكذبت بعد 21 سنه يدور على بنته ؟؟؟؟ الحمد لله بعد ماوصلت الثلاثين !
زفر غازي بـ غضب وقرر ينزل قبل تصير جريمه وطلع من غرفة تميم مسرع بخطواته و استوقفه صوت عمته حصه وألتفت بصدمه إليها وخاف ان حدث با ابوه مكروه لانها تبكي بـ شده وتوجه لها ونطق : ياعمه شفيك ؟؟ ابوي فيه شيء !؟
حضنت ام عبدالاله غازي وبكت بـ حضنه : اخويي ياغازيي اخوييي
تنهد غازي بـ ضيق ومسح على ظهر عمته حصه : ياعمه تعوذي من الشيطان وان شاء الله ابوي بيتعافى ! مالنا الا الدعاء
ومسح على ظهره لـ أخر مره وابتعد عنها وطلع من البيت وكاره نفسه ورفع نظره لـ السماء وكانت الساعه ~ اربعه العصر ~ وقرر يهرب لـ شركه ابوه وينشغل فيها ,,, وعلى صغر سنه الا قدر يدير شركه كامله ويدرس ويكمل أمور ابوه عكس اخوه تميم الي اكبر همومه سعادته وراحته ولا يختلط بـ إشغال ابوه ,واكمل طريقة الى الشركه لكن خطر على باله ~ لـيالي ~ وهو مايعرف عنها الا اشياء بسيطه لكن تعلق فيها بشكل قوي ولا يرضى احد يتكلم عليها لو بـ كلمة بسيطه واثناء تفكيره اتصل جوالها ورفعه وتوسعت عيونه من استوعب الاسم وفتحه بـ عجله : نعم ,,, لقيت شيء ؟؟
"""" : ايوه ,, تدرس قانون ثالث سنه لها بجامعه الاميره نوره ومعدلها مرتفع حول الاربعه ومتزوجه وزوجها ضابط لواء زياد بن سلطان الرجال كبير عمره حول 32 والبنت بشهر 5 تدخل 23سنه حاولت اعرف زياده لكن ما قدرت اعرف غير انها كانت عايشه مع خوالها قبل تتزوج بالغربيه والي قلتها اول
انصدم غازي من عرف انها متزوجه ونطق بـ خوف وتوتر : عندها اطفال ؟
" " " " : لا
غمض غازي عيونه وزفر بـ راحه وهو خاف ان عندها اطفال ثم نطق : مشكور تعبتك معي واي معلومه تعرفها عنها على طول تبلغني
" " " " : ابشر
وقفل غازي المكالمه وهو قدر يجيب شيء بسيط وارسل لهم يطلعون موقعها وقرر يروح لها الاسبوع هذا و وقف عند الشركه ونزل من السياره متوجه لـ الداخل وتجاهل كل الاساله عن ابوه واستلم كل الاوراق وغرق داخلها .
-
« بـيت ابو طلال »
دخل ابو طلال بيته وثبت كفه على الجدار يستند عليه وغمض عيونه بـ ضيق وخيبه وكان يدعي ليل ونهار ان يصلح الله شانهم لكن كل أماله انهدمت امامه وهمس بـ صوت راجف : كسرتنيي ياناصرر كسرتنيي ياناصررر !!
ورفع راسه على صوت ارجوان ونطق : ارجوان يابنتي !
تقدمت ارجوان بـ عيون محمره وخد يملئه الدموع وحضنت ابيها بـ شده ونطقت ببكى : يبه تكفى لا تضايق نفسكك ماحد يستاهل زعلك يا يبه !
وحضنها ابو طلال ونطق : مافي شيء يابنتي لا تبكينن يابوي انتي !
رفعت ارجوان وجهها ونطقت ببكى : شلون ما ابكي يابوي شوف حالتك شوف شلون كنت وشلون صرت !
ابتسم ابو طلال بـ شكلٍ زائف ومسح على راسها : مافيني شيء يابنتي
عبست ارجوان وجهها بـ ضيق ونطقت : سعود ماسوا شيء ؟
نزل ابو طلال عيونه بـ الارض من تذكر شكل سعود وحالته الي كان يُرثى لها ونطق : سعود جاء من المستشفى وهو تو طالع من العمليات ووقف معي وحاول يقنع ابوه لكن ناصر راسه يابس وطاح سعود وتفككت خيوط العمليه
شهقت ارجوان وغطت فمها بـ سرعه وماقدرت تسيطر على دموعها وسالت دموع ارجوان خوفًا على سعود , ومسح ابو طلال على كتف ارجوان وتركها ودخل لداخل , وتجمدت ارجوان بـ مكانها مصدومه من كلام ابوها وتوجهت لـ غرفتها ركض ورفعت جوالها واتصلت على ليالي وردت ليالي بـ صوت ثقيل : ارجوان ؟
نطقت ارجوان ببكى وانهيار :ليالي سعود بخيرر ؟؟؟؟
فزت ليالي من مكانها وتوترت من كلام ارجوان ونطقت : بخيير طلع من العمليات والحين بالتنويم
هزت ارجوان راسها بـ النفي ونطقت : لا لاا طلع سعود وطاح عليهم !!
توسعت عيون ليالي بـ صدمه وهي تو تهدأ ونطقت بتلعثم: ايش ؟
ارجوان ببكى : سعود طلع عشان ابوي وعمي ناصر وطاح بينهم و...
وقاطع كلامها صوت تقفيل المكالمه ونزلت جوالها وطاحت على سريرها تبكي .
-
« المــانيا »
دفن سلمان وجهه بـ عنق رغد وحاضنها بـ شده وكانت تتألم لكن كانت متوقعه الم طبيعي ومستحيل تكون ولاده على ان قربت تكمل 9 أشهر وغمضت عيونها باللم ورفع سلمان راسه من حس بحركتها وناظر وجهها ونطق عاقد حاجبه : رغد يوجعك شيء ؟
هزت رغد راسها بـ النفي : لا
ما اقتنع سلمان بـ كلامها ومن تعابير وجهها تاكد انها تتألم ومو الم بسيط ورفع البطانيه عن جسدها وتوسعت عيونه بـ صدمه من نزل ماء الرحم ونطق بـ توتر : رغد بتولدينننن !!!
فتحت عيونها بـ شده وسرعان ما انهارت تبكي بـ خوف وفز سلمان من السرير ولبس ثوبه بـ سرعه وحاول يقوم رغد وكانت من الخوف والتوتر ماتقدر تمشي وشالها وتعلقت بـ رقبة سلمان وتوتر من بكيها لكن حاول ما يخوفها هو كمان وركبها السياره واسرع لـ المستشفى وطول الطريق يهدي رغد ويحاول توقف بكي ونطق : رغد ياقلبيي اهدي اهدي
ورفع ايده وقبلها بـ شده ونطق : توكلي على الله !
ونطقت رغد ببكى : سلمان خايفه !!
كانت عيون سلمان مليانه دموع لكن يحاول ما تهل ونطق : لا تخافينن افرحيي افرحيي لنا 9 اشهر واحنا ننتظر ؟؟ الحمد لله يارغد انهم بيولدون طبيعي ! خلاص قربنا من المستشفى انتي ادعي وتوكلي على الله وان شاء الله نرجع البيت معنا التؤام !
ابتسمت رغد باللم وكلام سلمان خفف عليها ووقف سلمان السياره ونزل بـ سرعه و جت ممرضه تركض لـ سلمان بـ عربيه ودخلوا رغد على طول غرفة الولاده وكان طبيعي وماتركها لوحدها ودخل يركض خلفها ودخل معها الغرفه وكانت تضارخ وتبكي وماتحمل سلمان وبكى معها وسلمان مايحب يشوف احد يتوجع وغمض عيونه بـ قوه من سمع صوت بكي طفل والتفت على صوت الدكتوره : Congratulations on your first child
~ مبروك الاول ولد ~
وضحك سلمان من مدت الولد لحضنه وبكى فرح من شاف ولده بين يدينه واذن بـ اذنه واخذت الدكتوره البنت وحطتها على صدر رغد وابتسمت رغد ومن اختلاط المشاعر بكت وضحكت مع بعض وترك سلمان الولد بين حضن رغد وكانت تقبلهم بـ خفه , ثم اخذوا الاطفال وطلع سلمان واذن باذن البنت , واخذوا الاطفال للحضانه وجلس على احد الكراسي وغمض عيونه بـ قوه وفتحها والتفت يناظر المستشفى وكان فاضي ولا فيه احد يوقف معه وتذكر لحظه ولادة حور كان المستشفى ماينطب من الناس والان العكس تمامًا لكن هو ماقدر يتحمل حياته بيين اهله وضرهم لـ زوجته وطلع لـ الخارج بحجة شغله وقاطع تفكيره الطويل الممرضه التي بدات تتكلم بلغتها ولعدم معرفة سلمان للغه غير الانجليزية مافهم الا كلمات بسيطه ونطق : What?
~ ماذا ؟ ~
ونطقت باللغه الانجليزيه من فهمت عدم معرفته للغه الألمانية: Please, can you complete the procedures?
~ لو سمحت اذا ممكن تكمل الإجارات ~
هز سلمان راسه بـ الإيجاب وتركته الممرضه , وألتفت سلمان لـ ممر الحضانه ومشي بين هذا الممر ودخل الحضانه ووقف خلف الزجاج وكان بيحاول يصورهم لكن انتبه له احد الممرضين واخرج الاطفال لـ سلمان وابتسم سلمان بعرض ونطق : Thanks
~ شكرًا !! ~
وضحك من تأمل صغر ملامحه ونطق : يامرحبا بـ سعود ووديان
وصورهم ولا قدر يصبر وارسلها لـ اهله عبر مواقع النت وقفل الجوال واكتفى بتاملهم ووده يبكي لان ابدًا ماتوقع بيوم بيتزوج وبيرزقه ربي بتؤام وتنهد بـ راحه يخالطها الحزن على حاله وحال اهله .
-
« الـديره »
التفت ريتال على صوت الاشعار وسرعان ماصرخت ترف من شافت صورة سعود ووديان واسفل الصوره اسمائهم , وفزوا كل الموجودين بالجلسه اثناء القهوه ونطفت ام خالد : وش فيكنن ؟؟
لفت ترف لـ ليالي وحضنتها بـ شده ونطقت : حرم عمي سلمان ولدتت !!!
رفعت ام خالد ايدها بـ السماء وكانت تدعي ببكى : الحمد لله الحمد لله !
والفرحه عمت الجلسه والكل يتكلم عن لطافتهم وصغر حجمهم والتفت ليالي على وجدان صاحبة 16 عام اخت جابر وقدمت الجوال لها ونطقت : ياربييي باكلهممم بسم الله عليهمم !!
وكملوا يسولفون عن سلمان وعياله ويردون على الصوره وحاولوا مايحسسون سلمان انه بعيد عنهم ,, وكان الكل فرحان ومبسوط على التوأم ماعداء الجده فاطمه و نزلت الفنجال بـ قوه وانكب على السجاد ونطقت بـ غضب : تفرحون لانه جاب
من الـ**** عيال ؟؟ الي خلته يعق بوالدينه ! ويسافر بعيد عنا ؟!
وتوسعت عيون ليالي بـ صدمه ونطقت : ياجده خالي سلمان راح المانيا عشان شغله ! واخذ رغد معه ولا هو بيرجع !
وقفت الجده فاطمه ونطقت بأعلى صوتها : انا ما أنسى! وإذا بنسى بنسى ان عندي عيال !
غمضت ليالي عيونها بـ شده وهي ابدًا مالها خلق تتناقش ولا تتكلم بشكل عام ولفوا البنات على ليالي لان ماحد يقدر يتكلم غيرها ونطقت ام خالد : يامي حرام عليك ! ذول عيالك في ناس محرومين منهم! لازم يامي تحمدين ربك عليهم !! يامـ..
ووقفتها الجده فاطمه بايدها وكانت ما تايد ابدًا كلام بنتها نوره : انا قلت الي عندي والله لا يحدني عليم وياخذهـ...
قاطع كلامها صوت ليالي المرتفع الي يخالطه البكي : ادعي ادعي ياجده انتي الي هلكتي عيالك ! انتي الي بنفسك كنتي سبب بهلاك عيالك كل يوم تدعين عليهم كل يوم اتحمل دعاءك عنهم قدامي ! ياجده مستحيل انسى يوم قلتي الله يصيبك بلوه على راسك مثل مانت بلى علي ! الحين فينه ؟ فين خالي فايز بالسجن !
نزلت ترف راسها بـ ضيق من طرت ليالي ابوها وكانت تتجنب الكلام عنه ,, وألتفت ليالي على ترف وام سند وثم على وجدان وام سلطان : ولا خالي نواف الي ربي بلاه بمرض منتشر بجسمه ولا يقدر يشفى منه ! ولا سعود الي كل يوم طايح بالمستشفى ياجده انتي كل يوم تدعين على عيالك لين صاروا كذا ! وانتي بنفسك تشوفين شلون كانوا وشلون صاروا ؟ بسالك وش السبب الي خلاك تكرهين عيالك ليه ؟؟ ليه ؟؟؟ ولا انسى خالي سلمان ومرته الي هربوا من ضررك!! راحوا ببيت لوحدهم ما تركتيهم طلعوا من المدينه ماتركتيهم طلوا برا البلد ! وللان ! ياجده وش خلاك قاسيه كذا على عيالك ؟؟؟ وش الي خلاك كذا؟؟ ياجده تكفيـ...
وطاحت ليالي على الارض منهاره تبكي وهي ماقدرت تكمل كلامها واجتاحتها ضيقه قويه وطلعت وجدان من البيت تركض ومنهاره تبكي وهم حاولوا بكل الطرق يتشافى ابوها وطلعت من القسم الي متواجدين فيه لـ قسم الرجال تدور على ابوها وكان عبدالمجيد جالس بوسط الحوش لوحده ويهوجس بـ حياته وهمس : والله وعجزت يامجيد قربت تصك 20 !
ورفع راسه صدفه وطاحت عيونه على وجدان وفز من مكانه وصغر عيونه يحاول يشوف وش فيها تركض وانتبه انها تبكي , وسمع صوتها وعرف انها تدور على ابوها لكن هو يعرف ان مافي احد بالبيت وكلهم بـ المستشفى بدون استثناء وركض لها بيبلغها عن عدم وجود احد بالبيت ووقف خلفها ونطق : يابنت عمي لا تدورين مافي احد !
شهقت وجدان بـ قوه ولفت بـ صدمه على مجيد وبدون وعي من مجيد نطق : بسم الله عليك !
وبحكم غطاء وجدان صدت ودخلت تركض ومجيد الي سرح يتأمل لون شعرها وطوله وتوسعت عيونه من استوعب انه يفكر ببنت عمه ونطق بـ غضب : انت مهبول مهبول لو يدري عنك جابر علقك بالباب !!
وسمع جابر اخر كلام مجيد ونطق ضاحكًا : وش مسوي اعترف !!
صرخ مجيد فزعًا من سمع صوت جابر خلفه وتوتر جدًا
وبدا يتلعثم بالكلام ولا فهم جابر منه شيء ونطق : اسكت اسكت خلاص ! هههههههه
زفر مجيد براحه من حس ان جابر ماشافه ابدًا ونطق يغير الموضوع : عمي سعود وش صار معه ؟
جلس جابر على عتبت الباب وثبت كفه على فكه ونطق : لالا بخير والحمد لله ماتاثر وقدروا يوقفون النزيف والحين بخير بخير ويسولف لكن متضايق متضايق من جدي حيل ! يالله انك تعديها على خير ولا يتضرر احد !
تنهد مجيد بـ ضيق ونطق : ياولد حياتنا اكشن ! تنفع مسلسل !
ماقدر جابر يمسك ضحكته وضحك بـ قوه وضحك مجيد من ضحكته ونطق : والله جد !
ضحك جابر ونطق : واسمه العائله ! لكن فيه كل شيء الا عائله !
ضحك مجيد بـ قوه وجابر كان يقصد تشتتهم والتفت جابر ووقف من شاف ليالي : جابر اذا ماعليك امر ابيك توديني المستشفى
نزل جابر عيونه بـ الارض ونطق : ابشري
ولف على مجيد واشر له يتبعه وتوجه لـ السياره وخلفهم ليالي وركبت بـ الخلف وبالامام جابر ومجيد .
-
« الــمانيا »
دخل سلمان غرفة رغد بـ ابتسامه عريضه وبين ذراعه باقة ورد كبيره وضحكت رغد من شافت الباقه ونطقت : سلوميييي!!
ابتسم سلمان ونزل الباقه وتوجه لـ رغد وقبل راسها بـ شده ونطق : الحمد لله على السلامه يام سعود !
رفعت رغد نظرها لـ عيون سلمان وكانت الابتسامة مرسومه على ثغرها ونطقت : الله يسلمك ياحياتيي
وجلس سلمان بـ جانبها ورفع ايدها وقبلها بـ تكرار ونطق : سميتهم !
ميلت رغد راسها ونطقت بـ فضول : اول مره اشوف ام ماتعرف شنو اسم بنتها انزين شنو اسمها بنتي ؟ الي اعرفه الولد سعود البنت شنو اسمها
وقفت كلام من انتبهت لـ ثوب سلمان ووسعت عيونها بـ صدمه ونطقت : تعال منو وين جبت لك دشداشه؟؟
نزل سلمان نظره على ثوبه ونطق ضاحكًا : من الخرشه اخذت اول شيء قدامي وكان ثوب هههههههه
ضحكت رغد ونطقت : امبيه صج مو صاحي
ضحك سلمان ونطق : معليك عيالك بيطلعون لوني ونشوف !
نطقت رغد بـ سرعه وبدون ماتركز : لا بسم الله عليهم !
توسعت عيون سلمان وضربها بـ خفه على كتفها : افا !
ضحكت رغد ونطقت :هو شدعوه سلوم ماقصد شئ عادمو على طول تزعل!
صد سلمان وكان مرسوم على ملامحه الزعل وبشكل زائف , ونطقت بـ صدمه : هو سلمان من صجك زعلت ترى اتغشمر يعني ذبه !!
دفته بـ ايدها وضحك سلمان بـ قوه وحضنها بـ شده ونطق : اصلًا انا ابيهم يطلعون على امهم !!
ضحكت رغد بـ خفه ونطق سلمان : سميت البنت وديان
عقدت رغد حاجبه بـ اسغراب من الاسم ثم توسع ثغرها بابتسامة : الله ، صج ؟؟!!
لانت ملامح سلمان من حس انه ماعجبها ونطق : لا يكون ماعجبك ! انا اخترته لان معناه يوصف حُبنا وكيف انا اعشقكك وكيف اشوف الدنيا بعيونك وماقدر اتخيل حياتي بدون رغدييي ! يابعد طوايفي انتي جلعني مانحرم منك
ميلت رغد راسها وابتسمت بعرض ثغرها وقرب سلمان وجهه من وجهه رغد وكان بـ يُقبل خدها لكن داهمتهم الممرضه بـ التوأم وديّان وسعود و ضحكت رغد من لفت على سلمان وشافته واقف وعابس وجهه ونزلت الممرضه الاطفال بين ذراع رغد ونزلت نظرها عليهم وشوي وتنهار من اشكالهم وتقدم سلمان ونطق ضاحكًا : البنت حبيبة ابوها
وسحب وديان من حضن رغد ورفعت رغد حاجبها بـ تمثيل لـ الصدمه ونطقت : الي كنت خايفه منه شكله بيصير !
ضحك سلمان بـ قوه ونطق : افا يارغيّد توقعين مني كذا !
ضحكت رغد ونزلت نظرها على سعود وكانت تتأمل ملامحه البسيطة وصغر حجمه وجلس سلمان بـ جانب رغد ونطق : الله يرزقنا برهم ويجعلهم الله بركه علينا وعلى امة محمد علية الصلاة والسلام ويعيننا على تربيتهم يارب !
رغد : اللهم امين
ولف سلمان على سعود ويسولف معه وبلعت رغد ريقها من خطر على بالها موضوع ونطقت بـ ضيق : سلمان
رفع سلمان وجهه لـ رغد ونطق : لبيه ياقلب سلمان
استصعبت رغد الكلام لكن الموضوع طول اكثر من حده : سلمان امانه خل نرجع سعوديه
توسعت عيون سلمان بـ صدمه ونطق : ليه ؟
بكت رغد وهي تعبت اكثر من تعبها ببيت اهله من تعب سلمان وضيقته على فراق اهله :انا ماحب اشوفك جذي يا سلمان انت بعيد حيل عن اهلك و عبالك مستانسه؟! يعني والله لا تسوي جذي يا سلمان كل ما اشوفك جذي واحس انت حيلللل اشتقت لهم وفقدتهم وعبالك انا مو ملاحظه وتحاول انك ماتبين لي وانت حيل مبين وانت اكثر واحد محتاجهم وتبي يكونون جنبك تلف تبي اخوك سعود ماتشوفه جنبك ! تلف تشوف اخوك نواف ما تشوفه جنبك تلف تبي ابوك ماتشوفه جنبك؟!! الف مره تبي امك ماتشوفها جنبك الي مهما سووت معاكم تبقى تحبكم
ارخى سلمان راسه وثبت نظره على الارض وكلام رغد فتح مواجع كثيرر و سرعان ماتذكر بكي رغد كل ليله وكلام امه وتعامل امه معها ماقدر ونطق : ماقدر يارغد ماقدر اشوفك تتاذين واتركك معهم !
كانت رغد ماتدري ايش تقول وتبي اي حل يقرب سلمان من اهله حتا لو بمصلحة سعادتها ونطقت : طلقني
التفت سلمان بـ صدمه على رغد وغمض عيونه بـ شده من استوعب كلام رغد وسالت دموع رغد
رغد غصبًا عنها ونطقت : سلمان دام انا الي موقفه حياتك طلقني ! واذا لي عندك خاطر طلقني مابي اكون انا الي بعدتك عن اهلك ومابي اشوفك متكدر خاطرك وزعلان بس الغلط مني انا انا الي غلطت وقلت لك يا سلمان السالفه جذي جذي جذي !!
وقف سلمان وهو تضايق من كلام رغد مره ولا توقع انها بتطلب منه الطلاق يوم وهو الي ضحى بكل الي معه عشانها لكن هي الي ضحت بحياتها عشان سعادة سلمان بس سلمان سعادته مع رغد ! سلمان يشوف الدنيا بعيون رغد ,, واذا بعدت رغد عن سلمان بعدت الدنيا عن عيون سلمان ,, ونطق : لا اسمعك تفتحين هالموضوع مره ثانيه !
وطلع من الغرفه ماكلته الضيقه وطلع بسرعه لخارج المستشفى وصرخ باعلى صوته : غبيي غبيييي !!!!
وهو الي ماتوقع انها بتلاحظ تغيره وحزنه على فراقه عن اهله والغربه الي عايش فيها لكن قاطع تفكيره من دق جواله , وجلس على كرسي وطلع جواله وكان مكالمه من موقع وابتسم بعرض من شاف اسم سعود ومسح وجهه بـ عنف وعدل شعره عشان مايبين لـ سعود شيء وفتح المكالمه وطاحت عيونه على الاجهزه الي خلف سعود ونطق بـ صدمه : سعود وينككك ؟
ضحك سعود ونطق : بالمستشفى هذي نهاية الي يعدي ورا هوشه ! هههههههه
مافهم سلمان وش في سعود ونطق : ياولد اهرج زين !
ضحك سعود ونطق بـ تغير للموضوع عشان مايضايق سلمان : خلك مني يابو سعود انت خبرني عنك والاهل !
ابتسم سلمان ونطق : الحمد لله بخير وتبي الصدق خايف سعود يطلع لونك !
ضحك سعود بـ قوه وتوجع بـ بطنه لكن مابين لـ سلمان وضحك : انت شفيك ؟ وش الهوشه !؟
سعود : ابوي وعمي !
زفر سلمان بـ ضيق ونطق : اما وش صار عليهم ؟
انفجر سعود يشكي وهو الي ضاقت الدنيا بعيونه وماحد يفهمه غير سلمان وانهى كلامه بـ : ياسلمان اقسم بالله اني مستنكر فعلة ابوي مدري شلون قسى كذا !
تنهد سلمان بـ ضيق ونطق : ابوي ماينلام ياسعود ولا عمي محمد كلهم غلطوا مير وش يقنع ابوي !
سعود : مدري مدري واليوم بعود لديره خلاص طلعت روحي بهالمستشفى !
ضحك سلمان ونطق : اسغفرالله!
ضحك سعود وسكتوا فجاه ثم نطق سلمان : شلونهم ؟ ليالي وحور وترف ؟ والمرجوجه
ضحك سعود بـ قوه من لقب ريتال ونطق : المرجوجه كل يوم تتهاوش هي ومجيد
ضحك سلمان من تاكد انها مستحيل تعقل وبالاصح ماخذه من خوالها كل الصفات وماهو شيء غريب عليهم : ياولد يزيد ليه مايزوجها ؟ هههههههه
ضحك سعود ونطق : لو تدري انها منحاشه لنا عشان ايش تموت ضحك !
ضحك سلمان وهو توقع وش مهربها لخوالها : اسلم
سعود ضاحكًا : يزيد يبيها تتزوج ولد عمها وهي ماتبي واستغلت جيتنا للديره وجت معنا ولا درينا الا يوم وصلنا ! هههههههه
ضحك سلمان بـ صدمه : والله الي اسغلتكم !
ضحك سعود ونطق : انت شايف !
ضحك سلمان ونطق : ريتال مستحيل تتغير خلها نفس ماهي عاجبتني كذا الا ترف ترف بنتي وش صار عليها ؟
شتت سعود نظره عن الجوال وهو الي معاد يدري وش تمر فيه ترف لكن متاكده انها تعاني من اشياء كثير ونطق : والله ياسلمان معاد اعرف ترف منعزله عنا كلنا واذا جلست معنا مالها حس من بعد الحادثه ذيك وهي ماهي ترف قلت يمكن وجودها بالديره بيضرها مير انها نفسها نفسها ماتغيرت كلمتها قلت وش محتاجته وش تبين بالضبط تبشرين فيه لكن ماترد ابدد ياسلمان والفتره ذي ماكلمتها والله اني اعدي ورا ابوي وعمي واهلي والدنيا حايستنا حوس يرجال !
ماعجب سلمان كلام سعود ونطق : ياسعود انتبهه على ترف انتبهه على ترف !!!
اخذ سعود نفس بـ ضيق ونطق : ابشر
وماحب سلمان يطول يكلم وبيرجع لـ رغد و وقف من مكانه ونزل وجهه لـ الجوال ونطق : سعود اقلب وجهك بروح لمرتي
ضحك سعود بـ قوه من كلام سلمان ونطق يقصد ارجوان : خل تخلص الهوشه واخذها والله ماتشوفني حتا !
ضحك سلمان ونطق : يالله استودعتك الله انتبه لنفسك واي شيء يصير بلغني !
وقفل من سعود والتفت على البوابه وماقدر يمسك نفسه ودخل مسرع بـ مشيته وفتح باب غرفة رغد وفزت رغد من شافت سلمان وتوجه لها وحضنها بـ شده ونطق : طلبتك لعاد تفتحين طاري الطلاق
بكت رغد على صدر سلمان ونطقت بتلعثم : اهخ ياسلمان ماحب اشوفك جذي لانه ماعرفتك جذي يا سلمان ماحب اشوفك زعلان وب هل زعل ؟
غمض سلمان عيونه ونطق بـ هدوء : خلاص يارغد خلاص !
نزلت رغد راسها بـ ضيق و رجع سلمان وقبل راسها بـ شده وسالت دموع رغد ضيق وطلع سلمان من الغرفه وللان ماقدر يتخطى كلام رغد والضيقه ماكله صدره واشغل تفكيره اهله وحالتهم وعمه محمد وطلع من المستشفى متوجه لـ الشركه .
-
« باحدى الاحياء المهجوره بـ الديره »
في البيت الطيني يخرج مشاري من البيت ومثبت الجوال على اذنه وانشد النقاش وكان الغضب يبان من عيون مشاري ونطق بـ غضب وصراخ : ولد عبدالله مايقعد بمكانه ؟؟؟؟ شلوننن شلوننن نخسر كل هالمبالغ بسببه ؟؟؟؟؟؟؟ ابوي وينه ؟؟؟ هالبزر يسوي كل ذا ؟؟؟؟؟؟ ...... انقلعع انقلعع لعاد احد يدق علي لين ادق عليه !
ونزل الجوال بـ غضب ومسح شعره بـ سرعه والتفت لـ الخلف وتوسعت عيونه من انتبه لـ البنت ونزل نظره على لثمتها وطرحتها وعيونها المكحله ونطق : من انتي ؟؟؟
توترت من نظرات مشاري وهي الي كانت جايه بيت جدتها القديم لكن المصيبه من تستوعب وجود مشاري فيه وكان الشخص غريب عليها وابدًا ماقدرت تميزه ,, وبلعت ريقها ونطقت : وش تسوي ببيتنا يالغريب
لف مشاري نظره لـ البيت وطول النظره بارجاء البيت لكن تبين له ان البيت مهجور من سنين ورفع حاجبه بـ اسغراب ونطق : الي واضح قدامي ان البيت مهجور يابنت الناس
اخذت نفس بـ هدوء ونطقت : اظهر من البيت قبل اجمع عليك العيال !
ابتسم مشاري بشكل مستفزة وهو الي حط البنت براسه ونطق : ناديهم لاتحسبين واحد ولا ثنين بخاف منهم !
ضحكت بـ خفه وكانت تبي تنادي العيال لكن خافت على سمعتها وحتا لو حاولت تبين موقفها مراح تقدر تطلع من كلامهم وهي تعرف وش قالوا عن بنات ال راجّح ومحد يتمنى يطيح بنفس موقفهم ونطقت : ماودي ندخل بمشاكل مالها نهاية فافضل لك يالغريب تروح بدون اي تدخل !
ميل راسه بـ خفه وابتسم بعرض وتقدم بـ خفه لـ البنت ونطقت : عود وراك !
كان يعجب مشاري سماع هالكلمة والصد والرفض الي لقاه بارجوان فقط والان بالبنت هذي , ونطق : واذا مارجعت ؟
تسارعت نبضات قلبها ورجعت لـ الخلف بـ خوف ونطقت : جعلها بمحارمك يالغريب جعلها تنرد فيها لو قربت
ضحك مشاري بـ قوه ونطق : مراح اقرب منك وش ابي فيك ؟ انا هنا عشان البنت الي احبها
رفعت حاجبها بـ خفه ومستغربه وجوده بالبيت ونطقت : ماهميتني انت وحبيبتك مير ان بيت جدتي شلون دخلته ؟؟؟
ضحك مشاري من كلام البنت والبيت مافيه حتا باب : شكلي مو ادمي مثلكم ولا ابد شفت البيبان العملاقه ودخلت بكل سهوله لاني مو انسان ! تستهبلين الباب وينه ؟ والبيت مافيه احد وجلست فيه لكن البيت فاضي حتا سحله مافيه
زفرت بـ غضب ونطقت : خلصت ؟ انا بقعد بالبيت واكيد مراح اقعد وانت موجود يالغريب !
وصدت عن مشاري ودخلت البيت وعبست وجهها من استصعبت فكرة العيش بالبيت الطيني وجلست باحدى الزواياء ودخل مشاري بـ غضب : يابنت الناس اطلعي من المكان ولا ماهو خوفًا عليك لكن الديره ذي قعدت فيها اسبوع وشفت شيء يهول اطلعي قبل تنقتلين واذا انقتلتي انا مالي دخل اعرفي ذا
ماهتمت وثبتت بمكانها وكانت ترجف من الخوف وتبين القوه لـ مشاري وكان البيت الطيني فيه اربع غرف صغيره من الطين والحجر وطلع مشاري لغرفة بعيده عن البنت وانسدح على ظهره وطول النظر من خلال الفتحه المبينه تمامًا القمر وابتسم بـ خفه من تذكر عيون ارجوان وذكرته هذي البنت بعيون ارجوان لكن كانت تميل للون العسلي عكس ارجوان ذات السواد الحاد واخذه التفكير لوقت طويل ومرت الساعات ومشاري يفكر بكل شيء مر فيه ومع ذلك يطري على باله المتواجده معه بنفس مكانه وداهمه الفضول عن قصتها وعن سبب تواجها للبيت المهجور من سنين ورفع كفه ومسح طرف حاجبه و وقف وطلع من البيت الطيني متوجه لـ السوق الموجود في بداية الديره ليجاد اكل واخذ ساندوش له ولـ الفتاه وعاد الى البيت الطيني ورفعت الفتاه طرحتها وغطت راسها وشعرها من راءت مشاري مقبل عليه ودخلت بعجل الى احدى الغرف وانتبه لوجودها بالخارج لكن مااهتم ونزل الاكل عند باب الغرفه ولاول مره يصد هكذا ويحاول مايناظر لو طرفها ونطق : اكلي يالغريبه لاتموتين علي
عبست الفتاه وجهها بـ غضب من اسلوب مشاري المتهجم وماسمع اي رد منها وطلع من البيت الطيني وجلس على التربه وبدا ياكل ويناظر القمر ولا يزال يزاحمه التفكير بكل وقت وبعد إنتهائه قرر النوم بـ الخارج وفصخ جاكيته وسند راسه على التربه وتلحف بالجاكيت وترك بطانيته عند باب الفتاه لها لان كان البرد شديد ومتاكد مراح تقدر تتحمل وبتتعب لكن ابدًا ما اهتم لـ نفسه ونام بـ عمق هارب من الكل .
-
« صباح يوم جديد ,, بـيت حاتم »
ضحكت حور باعلى صوتها مخالطه لـ ضحكت نجد ونطقها للحروف بشكل متبعثر ولطيف ورفعت حور نجد بين ذراعينها وقبلتها بـ قوه على خدها ونطقت : اوخهخخ جميلتيييي نجودديي ياروححح ماما !!
وتوسع ثغرها بـ ابتسامه من ضحكت نجد ونزلت لـ الطابق السفلي ولف حاتم نظره لـ الخلف ونطق بـ ضحكته عاليه : يالله انك تديم هالضحكه بوجودكم !
تقدمت حور و وقف حاتم وتوجه لـ حور وقبل راسها بـ شده ثم اخذ نجد من حضنها ونطق : كيفك اليوم ؟
التفت حور ونطقت بـ ابتسامه خفيفه تعجز عن تفسير شعورها الان ونطقت : الحمد لله
اخذ حاتم نفس بـ هدوء ونطق : معليك من خالاتي مهما قالوا تجاهليهم امس انشغلت مع اخوياي وبلغتني اليوم لينا ان خالاتي قالوا لك كلام ماهوب زين امسحيها بوجهي طلبتك واوعدك معاد تقابلينهم ولا تشوفينهم
رفعت حور حاجبها بـ صدمه ونطقت : لا حاتم ! بقدر اتحمل انا لكن مابي يقولون عنك شيء ولا تخاف لينا معي مايقدرون يقربون دامها حولي صاروا يخافون منها !
ضحك حاتم بـ قوه ونطق : ياجعلني مابكيها
ونزل نظره على نجد وكانت تلعب بـ لحيته ونطق : مع ذلك خففي جيات لهم واهم شيء ابوي وامي وانتهى
هزت حور راسها بـ الايجاب : تمام ياقلبي
التفت حاتم لها بـ ابتسامه ونطق : شرايك نكنسل الروحه ؟
ضحكت حور بـ خفه ونطقت : مافيهه هياا
ضحك حاتم ولبست حور نقابها وطلعوا متوجهين لـ بيت الجد ناصر
وشغل حاتم اغنيه اهداء لـ حور ~ لا ضقت اضيق ~ وتوسع ثغر حور من بدا يردد حاتم كلمات الاغنيه : لاضقت اضيق ومتى ماتفرححح افرحح لككك
ولف وجهه لـ حور وابتسم ابتسامه عريضه تحمل معانيي كثيره وتوصف الحُب تجاهه حور وكانت ضحكت نجد دخول جميل لـ تبادل النظرات بينهم وسرعان مانزلت حور نظرها لـ نجد وضحكت ورجع حاتم نظره لـ الطريق ومافارقته الابتسامة واكتملت الاغنيه وحور قلبها معاد يوسعها ودائمًا حاتم يعرف يخليها تنسى كل ضرر مرت فيه و وصلوا بيت الجد ناصر ووقف حاتم السياره ولف على حور ونزل نظره على ايدها وشبك ايده بـ ايدها وطول النظر بـ عيونها وتقدم وقبل راسها بـ شده ونطق: ياجعلني مانحرم منك يابعد طوايفي
ابتسمت حور وميلت راسها بـ خفه ونطقت : ولا منك ياحبيبيي
وحضنها بـ شده ونطق : انتبهي لـ نفسك ولنجد
هزت راسها بـ الايجاب ونزلت حور بعد الف وصاه من حاتم ودخلت قسم الحريم ,, واستقبلتها ضحكت ريتال : يالله انك تحيهااا يالله انك تحيي ام نجد ونجد
ابتسمت حور وتقدمت لـ ريتال بتسلم عليها لكن ريتال سحبت نجد على طول وتوسعت عيون حور بـ صدمه وضربتها بـ خفه على كتفها : ياحيوانه !!!
ضحكت ريتال ونطقت وهي تبوس نجد : يابنتي صبر !
ضحكت حور وتقدمت وقبلت خد ريتال ودخلت لـ غرفتهم الي دايم متواجدين فيها وفيها اغراضهم وطلعت عباتها وعدلت بـ لبسها وثم طلعت متوجه لـ المجلس : السلام عليكم
ردوا السلام و صدت الجده فاطمه من دخلت حور لكن حور مهما سوت الجده فاطمه تجيها وتطيح عليها وتقبلها وتبين حبها لها ونطقت : اخبارك ياجده كيفك ان شاء الله بخير ؟
رفعت الجده فاطمه نظرها لـ حور ونطقت : بخير بخير روحي عني
هزت حور راسها بـ الايجاب وهي ابدًا ماتبي اي شيء يعكر مزاجها وسلمت على امها مها ومهما شافت الجفاف من امها تصر اكثر على حُبها لـ امها ثم تقدمت لـ ليالي : حوريييي
ضحكت حور ونطقت : شروقيييي
وحضنتها بـ شده وكانوا الثنتين محتاجين هالحضن من وقت طويل
وابتعدت حور عن ليالي وجلسوا البنات وكملوا يسولفون بشكل عشوائي بدون سالفه محدده وفزت ريتال من سمعت صوت الترحيب وتوجهت لـ الشباك وناظرت بطرف وجهها وحاولت ماتبين وجهها ولفت ام خالد على ريتال ونطقت : ريتال ! بنت وخري عن الدريشه !
لفت ريتال وجهها لهم ونطقت : يمهه مافي غير البزر مجيد وجابر
ضحكت حور ونطقت : عبدالمجيد يتحلطم ذاك اليوم يقول للحين راسي يعورني من الحصى الي رمتها علي هههههههه
ضحكوا البنات وصدت ريتال تناظرهم وكان سعود راجع من المستشفى وتناظر فيه ومعجبه بـ شجاعته وإصراره وحبه لـ ارجوان وهمست : ماقول الا ياحظك يام العيون السّود !
وقاطع تفكيرها صوت نواف ولفت على وقفت البنات وركضوا لـ سعود ويرحبون بـ سعود والضحك والسوالف يسمعها الي بنهاية الديره وضحك سعود من شاف ريتال مقبله عليهم ونطق : ريتال هههههههه
ضحكت وهي ماتعرف وش السالفه وليش يضحك ولفوا البنات كلهم عليها ونطقت بـ اسغراب وفهاوه بـ ضحكه: شفيكم تطالعون فيني ؟
ضحكت ليالي وهي تعرف ان ريتال تحب عساف ونطقت : مبروكك !
عقدت ريتال حاجبها ثم تذكرت ولد عمها الي تقدم لها ونطقت بـ عبس : لا طلبتكم ! سعود كلم ابوي مابيي مابيي ولد عمي عـ....
ضحكوا بـ قوه من طار تفكير ريتال لـ بعيد ونطق نروف بـ صوت عالي : عساف عساف خطبكك !!! وكلم ابوك وابوك قال الله يحيكم
توسعت عيون ريتال بـ صدمه ولا توقعت لو واحد بالميه ومع الزحمه والفوضه الي يمرون فيها قرر ابو عساف يخطب لولده عساف بنت يزيد ,, ويشيل التوتر الي حتا وهو بعيد واصله وتنحت تناظر فيهم بـ صدمه ولا توقعت انها بتتزوج حُب الطفوله ولفت ام خالد ونطقت بـ ضحكه : ياقلبي يابنتي استحت ومعاد تعرف تتكلم !
ضحكوا من تغير ملامح ريتال ومسكت ام خالد كتف ريتال ونطقت : ياويلييي لو يعيرك بالفقشه ! الله ينكبك وانا امك !
ضحكت ريتال ونطقت : معليك يمه اذا عيرني بفقشه مره ثانيه لا تخافين علي !
ضحكت ام خالد بـ صوت عالي وضحكوا العيال ونطق سعود بـ الم : ماتعقلين !
ضحكت ريتال ونطقت : مراح اعقل الا اذا عقل سعود وقتها
ضحك سعود بـ قوه ومقصدها واضح جدًا وتقدم لها وثبت ذراعه على كتفها ونطق ضاحكًا : امشي امشي ماقول الا الله يعين ولد عمي !
ضحكت ريتال ودخلوا المجلس وتقدم لـ الجده فاطمه وارخى جسده بـ اصعوبه وقبل راسها بـ شده ونطق: كيف حالك يا يمه
رفعت الجده فاطمه نظرها لـ سعود ونطقت بـ هدوء : وش جايبك ؟
جلس سعود وجلس نواف بـ جانبه ونطق نواف : وش ذالكلام يايمه الشكر لله الي رجع سعود لنا
ماردت الجده فاطمه عليهم وبدت
ليالي تقهوي خوالها وارتفع صوتهم بالضحك والسوالف والكل صار يتجنب كل شيء يضايقه لان الراحه صارت مو سهله تجيهم ..
-
« الــريـاض , قـصر عبدالله بن طارق »
غمض عيونه بـ شده من رجع يعيد تميم الموضوع ووقف بـ غضب وصرخ باعلى صوته : تميم انا وش اسويي وش اسوييي !!! كل اشغال ابوي مسكتها اناا !!! بدال ماتقعد تعاتبني تعال !! تعال الشركه وامسكها !!!
زفر تميم بـ غضب و وقف : مابي امسكها ولا ابي احط رجلي على بابهم حتا !!
لف غازي ظهره ومسح وجهه بـ عنف وسرعان ما صد عن الباب من خروج جود ونطق بـ غضب : ايههه من اليوم اقول وش ناقص من بلاء !
ماقدر تميم يكتم ضحكته وضحك بـ قوه وتغير لون وجهه لـ الاحمر ولف غازي على تميم ونطق بـ حده : ورععع تميم !!
رفع تميم عيونه لـ غازي وحاول يكتم ضحكته لكن ضحك بـ قوه وكلهم يعرفون كره غازي لـ خطيبته وجود بنت عمتهم علياء ومشى تميم تارك غازي مع بلائهِ لـ احدى السيارات ولف وجهه لـ جهة غازي ونطق بـ صوت عالي يخالطه الضحك : حظك اليوم مع مجانين !
ضحك غازي بـ خفه وتوقفت ضحكته من ابشع صوت سمعه غازي وعبس وجهه من نطقت وجود : غزويي !!
لف غازي وجهه لـ وجود ونطق بـ غضب : هاه !
لانت ملامح وجود من اسلوب غازي وألتفتت تدور على تميم لكن قد راح من وقت وتقدمت لـ غازي ومسكت كتفه ونطقت : غازي وش مزعلك ؟
نزل غازي يد وجود عن كتفه بـ قوه ونطق : ماتستحين انتي ؟؟؟؟
توسعت عيون وجود بـ اسغراب ونطقت بـ صوت مستفز بالنسبه لـ مشاري لانه قريب لتغنج : شدعوه حرام امسك كتف خطيبي ؟
رفع غازي حاجبه بـ صدمه وهمس : يارب ترزقني الصبر يارب
وغازي الي معاد يقدر يلحق على اي شيء من يمينه تميم ومن يساره وجود وابوه هم وليالي هم ومعاد يعرف وش يسوي ورفع كفه ونطق : مع السلامه
واعطى وجود ظهره ومشى هارب منها قبل تتكلم وركب سيارته وزفر براحه : عطيتها وجه وتورطت !
ولف ظهره لـ المرتبه الخلفيه وشاف شنطته وتنهد بـ ضيق وهمس : جايك جايك !
وعدل جلسته وشغل موتره وحرك متوجه لـ الديره ,, ومر المحطه قبل مايمسك خط ولف على العامل : فل احمر
ودخل البقاله وضحك بـ خفه من احتار وش يشتري وهو الي كان يوقف عند المحطه عشان تميم وطلع من البقاله ورفع جواله واتصل على تميم وسرعان ماوصل صوت تميم : هلا مسرع اشتقت لي ؟
ضحك غازي ونطق : الله ياخذ بليسك اخلص اخلص جايك بنروح سفره اسبوع
عقد تميم حاجبه بـ اسغراب ونطق : وين ؟
ركض غازي لـ سيارته ونطق : اعجلل اعجلل
فز تميم لـ سيارته ونطق : غازيي انا مانـ....
وقاطع كلامه صوت تقفيل المكالمه ولحسن حظه انه ماكان بعيد عن البيت ودخل ونزل يركض ودخل غرفته وتورط مايدري وين بيروحون وطلع جميع انواع التيشرتات وما كان متوقع ابدًا أنهم بيروحون الديره ديرة ليالي وانتهى من لم اغراضه وقفل الشنطه وما اخذ دقايق الا صوت البوري ونزل يضحك وفجاه بدا يكح بـ قوه من وقفت قدامه وجود ونطقت : تميم !!
ضرب تميم صدره بـ خفه ونطق عاقد حاجبينه : هاه !!
عبست وجود وجهها بـ ضيق ونطقت : تميم شفيك !!
زفر تميم بـ غضب ونطق : اشغلتيني !
وتركها وطلع يركض لـ غازي وركب بـجانبه ونطق : وش ذالاخو البطل ؟؟
ضحك غازي وهو مايدري يضحك على تميم ولا على ايش ,, ومتاكد ان تميم لو يعرف وين رايحين بيتوطئ ببطنه ونطق غازي : جبت معك ثوب ؟
هز تميم راسه بـ الايجاب : جبت جبت
غازي : يالله اعجل خل نمشي
لف تميم وجهه لـ غازي عاقد حاجبه واشر بيده : وش اعجل انت الي امش !
ضحك غازي بـ قوه ومشوا طالعين من الرياض لـ الديره وتميم الي كان ساعه يتهاوش مع غازي وساعه يسولف ويضحك مع غازي ويشغل جميع انواع الاغاني وطش راس غازي من الاغاني الي يشغلها وسحب غازي الجوال ونطق : ذوقك بالحضيض وانا اخوك
ضحك تميم ونطق : اتحفنا ياغزوي
لف غازي وجهه لـ تميم وناظره بـ حده ورفع تميم كتفه ونطق ضاحكًا : شدخلني ؟؟ هههههههه
تجاهل غازي تميم وطاح على شيله وشغلها ونطق بـ ابتسامه من بدت كلمات الشيله ونطق : ايهه الحين صدق حسيت اني ماسك خط !!
ضحك تميم بـ قوه تشمت بـ غازي لكن سرعان مادخل تميم مع غازي وبدوا يغنوا ويرقصون وراح الوقت بدون مايحسون ومعاد بقي على على الديره شيء وتميم للحين مايعرف وين رايحين .
-
« البـيت الطيني »
وقفت الفتاه وتوجهت لـ الشباك وحاولت ترفع العروه لكن كان قوي جدًا لكن قدرت ترفعه وفتحت الدرفتين الحديد ولفت نظرها وصدفه طاحت عيونها على مشاري و سمع مشاري صوت ولف وجهه بـ سرعه وطاحت عيون مشاري على غرام وهي الي سهت عن نفسها ونست تتغطى وصد مشاري وشهقت غرام وقفلت الشباك بـ سرعه ورجعت لـ الخلف وتسارعت أنفاسها وبدت توتر وهي كانت تحاول قد ماتقدر مايلمح لو طرفها ونطقت بـ غضب : اوفف اوفف !!
وجلست على الارض ولفت نظرها على البطانيه وكانت حقت مشاري وهي الي انكتمت من ريحة الدخان الموجود بـ البطانيه ولفت نظرها لـ شنطتها وفتحتها وعارفه ان مامعها فلوس لكن لعل تطيح لو على ريالات تشتري فيها اكل اقل شيء ووزفرت بـ ضيق من مالقت شيء بـ شنطتها وانسدحت على ظهرها وغمضت عيونها وتحسب حياتها الي انقلب كل شيء على بعض وايقنت انها انتهت وفتحت عيونها بـ قوه من سمعت صوت وميزت الصوت وكانوا عيال عمها وفزت بـ سرعه ولبست عباتها وماركزت بلثمتها وعلى طلعتها من الخلف مسك مشاري كتفها وحاصرها وتوسعت عيون غرام بـ صدمه وهمست : ابعد يدك جعلها الكسررر !!!!
همس مشاري بـ حده : من انتي ؟؟؟ ومن ذوللل
ولف مشاري على صوت التهديد وحاولت تركض لكن مشاري محاصرها وتبي تهرب قبل يشوفونها مع مشاري ويحسبون بينهم شيء وتوسعت عيونهم من سمعوا صوت خطوات مشي ومسك مشاري ايدها وركضوا بـ سرعه وطلع ولد عمها وصرخ باعلى صوته : يابنت الكلببب يالـ****** يالي ماتـ***** ماهرررر ماهرررر غرام تعدي مع ولد كلب وكانوا بالبيت
توسعت عيون ماهر بـ غضب والشرار يبان من عيونه وركضوا حاولوا يوصلون لـ غرام ومشاري لكن ضيعوهم ولف ماهر على مفرح وصار يلعن ويسب غرام ونطق رافع اصبعه وبـ غضب : بتندمينن بتندميننن !!!!
~ مشاري وغرام ...
لف مشاري على غرام ومسكها من عضدها ونطق بـ صوت عالي : اسالككك مره ثانيههه من انتييي !!!!!
رفعت غرام عيونها وثبتتها بـ عيون مشاري وناظرته بـ حده ونطقت : ابعد يدك !!!!
زفر مشاري وضحك بـ صدمه على المصيبه الي طاحت على راسه : من الي مسلطك علي ؟؟؟؟؟؟ من ذول الي يعدوا وراك ؟؟؟ وش جايبك لهالبيت من انتيييييي !!!!!
بلعت غرام ريقها ونطقت : مراح اعلمك ! لو تموت وتحفر هنا ماعلمتك ! فهمت ولا تبيني افهمك زياده ؟؟؟
ضحك مشاري بـ استهزاء بـ غرام ونطق : والله ؟ اجل اقعدي بمكانك خل يذبحونك ماهميتيني !
ابتسمت غرام من تذكرت محاولات قتلهم لها ونطقت : معليك مايصير لي شيء الا انت الي كيف بتدبر عمرك ؟ تراهم مجانين لحطوك براسهم معاد يفكونك !
عبس مشاري وجهه وزفر بـ غضب ومن التوتر بدا يمشي إمامها ونطق : امشي
ومشى مشاري ثم وقف من شافها ماتحركت ولف عليها ونطق بـ صوت عالي : هيااااا !! امشي
ضحكت غرام على تفكير مشاري ونطقت بـ صدمه : تبيني اجي معك ؟
لف مشاري لها ونطق : ايه
ضحكت غرام بـ صوت مرتفع ونطقت : انجنيت ؟؟؟ هههههههه
غمض مشاري عيونه وهمس : لا مجنونه عز الله مجنونه ! اقعدي هنه وخل تاكلك الكلاب
رفعت غرام حاجبها ونطقت بـ ضحكه : لا ياروحي انا الي اكل مو انكل
ناظرها مشاري بـ صدمه وضحك بـ صدمه من لقى وحده نفس عقليته ونطق رافع اصبعه : ايههه اخيرًا وحده مجنونه مثلي !
ضحكت غرام بـ خفه ونطقت : تلقاهم راحوا انا بعود للبيت
ميل مشاري راسه وبدا يحدق بـ وجهها وكانت غايه بالجمال وطول شعرها الحرير وحدة عيونها ورسمت ثغرها وللحظه مشاري تلخبطت كل موازينه واستوعب على نفسه ونزل نظره عن غرام وتنحنح : كنت بالبيت ذا عشان مايلقوني لكن الحين صرت بين طرفين الله بنكبك !
ضحكت غرام ونطقت : مع السلامة
وراحت غرام راجعه لـ البيت ومشاري الي كان يتهرب من الشقه ولا يبيها لكن الان مضطر يستاجر و وقف يتامل مشيتها المليانه ثقه ومتاكد ان البنت ذي وراها إسرار مو سر واحد وفيه فضول الدنيا كلها عشان يعرف .
-
« بــيت ابو طلال »
اخذت نفس ثقيل على قلبها واوجعها بـ صدرها من ثقله وحضنت رجولها وتحدق بـ القمر وتتامل السماء والنجوم حول القمر بالحوش الخلفي بـ مكانها هي وطلال وكاتمه البكيه وتحاول ماتنزل دمعتها لكن سالت دمعتها بـ ضيق ونزلت نظرها على الارض ومسحت دموعها بـ خفه وارخت راسها لـ الخلف وسمعت صوت قوي ولفت على الصوت وتوسعت عيونها من شافت رجل متلثم و فزت من مكانها وبلعت ريقها بـ توتر وخوف ولفت تدور شيء تدافع عن نفسها ولقت حطب بـ جانبها ورفعتها وكانت بترميها عليه اذا اقترب منها ولف نظره لها وضحك بـ صوت عالي من لمح الخوف بـ عيونها ونطق : يام العيون السّود !
ارتخت يدين ارجوان وطاحت الحطبه من ايدها وراحت تركض لـ سعود وحضنته بـ قوه وبدت تبكي وضحك سعود : لوني داري ان الحضن ذا بيجي كان من اول انطعنت
رجعت ارجوان راسها لـ الخلف وضربتها بـ خفه على كتفه ونطقت بـ صوت يخالطه البكى : سعودد !! مو وقتك !!
ضحك سعود وقبل خد ارجوان بـ شده ونطق : اوخخخخ والله انيي اشتقتتت
توسع ثغر ارجوان بـ ابتسامه ونطقت : سعود انتبهه لنفسككك !!! تخيل اني ماقدر اجي لاهلك ولا اقدر اطلع من ورا هالباب واحاول ادق على البنات ومحد يرد ! ولا اعرف عنك شيء !!!
كان سعود مثبت نظره على عيون ارجوان و مبتسم يتاملها وهي تعاتبه ونطقت : اوف ياسعود بكل لحظه تستغلها !! وصخخخ !!!
ضحك سعود ونطق : لا تلوميني يام العيون السّود ابروي ضماي
ابتسمت ارجوان ونزل سعود يدينه المثبته على خصرها لـ ايدها وشبك اصابعه بـ اصابع ارجوان ونطق : انتي طمنيني عنك بخير ؟
هزت ارجوان راسها بـ الايجاب: من شفتك وانا بخير
ابتسم سعود ومشى وهو حاضن كتف ارجوان وسانده راسها على كتفه وجلسوا على الجلسه الارضيه حول النار وسندت ارجوان راسها على كتف سعود ونطقت : سعود
نزل سعود نظره على ارجوان ونطق : لبيه ياعيون سعود
ابتسمت ارجوان ونطقت بـ هدوء : سعود لا تتركني !
ضحك سعود بـ خفه ونطق : مراح اتركك الا عند موتي !
شهقت ارجوان بـ صدمه ورفعت راسها ونطقت : سعودد !!
عودد !!
ضحك سعود ورجع راسها وثبته على كتفها : لا تبعدين عن حضني وانا اوعدك مراح ابعد عنك
رفعت ارجوان نظرها لـ سعود وثبت سعود نظره بعيون ارجوان ونطقت : سعودد احبكك
ابتسم سعود من جمال الكلمه الي خرجت من ثغر ارجوان ونطق بـ حماس : واناا اموتت فيككك يابعدييي !!!
وقبل راس ارجوان واحتضنها بـ شده ولا ابعدها عن حضنه ومر الوقت وللان سعود ما ابعد ارجوان عنه ثم نزل نظره على الجوال وهو طول عند ارجوان ونطق : ارجوان
ابتعدت ارجوان عن سعود ونطق : انا بروح لاهلي ابوي مسوي عشاء مابيهم يلاحظون اني اختفيت وش يفكني وقتها !
عبست ارجوان وجهها ونطقت : سعود ! تكفى شوي بس !
قبل سعود خد ارجوان بـ شكل متكرر ثم وقف ونطق : استودعتك الله
ورجع لـ نفس مكانه الي طلع منه وتورط شلون يطلع لكن قدر يطلع وقبل ينزل من فوق الجدار لف على ارجوان ولوح لها وسوا بـ اصابعه قلب وضحكت ارجوان بـ خفه وسوت مثل سعود ثم نزل سعود واخذت نفس ثم زفرته وكانت تحس بـ شعور غريب وجميل جدًا وققررت تدخل لـ غرفتها لان بدا يشتّد البرد ..
-
« سـيـارة غازي »
توسعت عيون تميم من دخلوا الديره ونطق غازي : هذي هي الديره الي بنقعد فيها اسبوع !
لف تميم على غازي ونطق بـ غضب : غازي قلتتت الاماكننن !!!!!! ذا وين وش ذالديره الخايسه ! ياولد حتا بقاله ماعندهم ؟؟ ياغازي تكفى وش ذا
ضحك غازي ودخلوا الديره ودخلوا لـ الحي الشعبي ونطق : شوف ذي الاسواق هههههههه
زفر تميم بـ غضب ورجع راسه لـ الخلف ويناظر من الشباك الشباب والاطفال والعقود والبيبان المفتوحه والرجال يطلعون ويدخلون : ياولد وش ذالديـ...
ولف بـ صدمه على غازي من تذكر ليالي ونطق بـ صوت عالي : غازييي !!!!!!
ضحك غازي بـ قوه من تاكد ان تميم فهم وعرف الديره ونطق : شاطر اخوي والله طلعت ذكي عرفت
صرخ تميم بـ غضب ومسح وجهه ونطق : يارب انك تصبرني !
ضحك غازي ووقف ونزل الشباك ونطق بـ صوت عالي : ياولد !
لف الولد على غازي وعقد حاجبه بـ اسغراب من شكل الرجال وماقدر يعرفه وتقدم : هلا والله امر ياخوي مضيع ؟
زفر تميم بـ غضب ونطق غازي يستفسر عن بيت جد ليالي : تعرف بيت ناصر بن راجّح ؟
رفع الولد حاجبه بـ صدمه من نطق غازي اسم ناصر بن راجّح ونطق : الله الله تبيني ادلك دليتك على بيت الشيخ
غازي : بيت زياد بن سلطان ابيك تدلني عليه
لف الولد وبدا يوصف لـ غازي بيت زياد ونطق : ذا بيت نسيب ال راجّح لكن ماضنتي بتلقاه الشيخ مسوي عشاء كبير سلامة لـ ولده سعود
عقد غازي حاجبه ونطق : وش فيه ولده ؟
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
