في شوفتك سالت دموع العين من فرحها

12

عند الحريم دقت الباب زوجتة نواف وكانت بحظنها غنى وجنبها وجدان وفتحت الباب ريتال
ريتال ابتسمت : سلام عليكم حياك تفضلي
ام سلطان ابتسمت ودخلت السيب : وعليكم السلام يحلوه شسمك ؟
ريتال استنكرت من سوالها : ريتال ليه امري
ام سلطان : انا زوجتة نواف قالي ادخلي واسالي عن مزون
ريتال شهقت وصرخت وراحت تركض للمطبخ : جده جده
الجده فاطمه لفت عليها : شفيك شفيك
ريتال والدموع بعينها : يجده في حرمه هناك
الجدة فاطمه قطبة حواجبها : واذا ؟
ريتال : يجدهه زوجة خالي نواف
البنات كلهم انصدمو
ليالي طلعت تركض لسيب
ام سلطان : يقلبي انتي ناديلي ام ليالي
ليالي شهقت يم شافت البنات : انتي ام جابر ؟
ام سلطان : جابر ؟ من جابر
الجدة فاطمه دخلت السيب وتكلمت بصوت عالي : من انتي وشلون زوجة نواف ؟
ام سلطان كانت متوتره من الوضع
ام ليالي سمعت صوتهم عند السيب ودخلت وتكلمت : الله يهديكم صوتكم واصل لاخر الشارع شوي شوي فضحتونا
ليالي اشرت على ام سلطان : امي شوفي
ام ليالي قطب حواجبها : من انتي ؟
ام سلطان نزلت غنى بالارض وقالت : انا زوجة نواف وام لعياله الثلاثه
الجد فاطمه صرخت عليها : شلون يتزوج واحنا مانعرف شلون تكذبين ؟
جابر كان رايح لجدة فاطمه وصرخ : ياميي امي فاطمه
ام سلطان كانت عند الباب ولفت على الصوت ونزلت نقابها على وجها على طول قالت : في احد ينادي هناك
ليالي جت بتطلع تكلمت الجده فاطمه برفع صوت : ليالي ارجعي يمكن واحد من العيال ادخلن كلكن مابي احد عندي بسرعه
دخلو كل البنات المطبخ ، لفت على ام سلطان : تغطي
ام ليالي طلعت وكان جابر وشكله مبهذل ووجه احمر ويبكي : ابوي جابر
راح جابر حظنها وتكلم : يعمه جاء يعمه قالي اي واحد انت ؟
ام ليالي شهقت : اسالك بالله
جابر : والله والله
ام ليالي مسكته وجت عند الباب: جابر بيجي
الجده فاطمه : جابر ابوي
جابر حظنها وزاد بكيه وتكلم بغصه : يامي جاء يامي جاء وقالي انت اي واحد يامي حتا ولده ماعرفه يامي انا مرتاح بدونه انا وراشد ليشش يج
الجده فاطمه قاطعته ووبكت مع جابر وتكلمت : يابوي انت يجابر خلاص يحبيبي يقليبي انت ، نواف ذا لاياثر فيك خلك قوي هو تركنا كلنا انا وابوه وانت واخوك انا ياجابر انا امه له عشر سنين ماسال عني
غنى بكت ولف جابر عليها وكان مستنكر الحرمه والبنات
الجدة فاطمه اشرت على الحرمه : ذي تقول انا حرمة نواف
جابر صنم بمكانه ماقدر يرد
ام سلطان كانت تحاول تسكت غنى لاكن بدت تبكي زياده
وجدان قربت من جابر وناظرت فيه قالت : انت مين وشلون تعرف بابا ؟
جابر :انا ؟
وجدان : ايوه
جابر : انا جابر ولد نواف الكبر
وجدان فتحت عيونها بقوه وقالت : ايش ؟ ولد نواف ؟ بابا ماعنده الا ولد واحد واسمه سلطان من انت ؟
الجدة فاطمه راحت تاخذ جوالها ودقت على سعود دقت مره ومرتين وثلاث وكان مايرد دقت على سلمان المره الاولى مارد والمره الثانيه رد
الجده فاطمه : الو
سلمان : لبيه
الجده فاطمه: وين اخوك سعود ادق مايرد
سلمان : امي عطي الجوال اي احد ثاني
الجده فاطمه: ليه ؟
سلمان :استعجلي يامي
اعطت الحوال لجابر : هلا ياعم
سلمان : جابر وينك من اليوم ندورك
جابر : عند امي
سلمان : اسمع راشد
جابر : وش فيه راشد ؟
سلمان : راشد وديناه المستشفى
جابر فتحت عيونه بقوه :وشش ؟ راشد فيه شي ؟
سلمان تكلم بسرعه : مافيه شي ، وقفل
جابر عطا الجوال لمزون وقال : راشد ودوه المستشفى وطلع يركض للمجلس .
"تعريف بسيط " ( مريم زوجة سلطان يتيمة الاب والام من جده تزوجها نواف بالسر تبلغ من العمر ( 36) عيالها وجدان (13) سلطان (6) غنى (3) )
في المستشفى
طلع الدكتور من غرفة راشد : وين اهل المريض
الجد ناصر والعيال وقفو : حنا
الدكتور : اي واحد ولي امره
سعود رفع يده : انا
الدكتور : تعال معي
الجد ناصر: بجي انا بعد
الدكتور : من انت ؟
الجد ناصر: جده
الدكتور: تمام الحقوني
سلمان راح جنب ابو جابر وقال : وش جايبك ؟
ابو جابر لف وجه عليه وحظنه وبكى
سلمان بادله الحظن وقال ابو جابر : يخوي انا ماغبت عشر سنين من كيفي
سلمان بعده عنه وقال : تكذب علي ؟ شلون مو من كيفك
ابو جابر : انا
سلمان : انت ايش
ابو جابر : انا جاي اقضي اخر عمري مع عيالي
سلمان ضحك وقال : وانت مصدق انهم بيستقبلونك ؟
ابو جابر بكى : ايه ايه انا ابوهم
سلمان رفع صوته عليه : يخي انت غبي ؟ ابوه بالاسم بس ماسويت ولا شي من الابوه تو الدكتور قال من ولي امره دخل سعود مو انت وتقول ابوهم ؟
ابو جابر : تكفى يخوي ساعدني
سلمان : اساعدك بايش ؟ اسالك بالله عندك غير الولد شي ؟
ابو جابر كان جالس على الكرسي وسلمان قدامه رفع راسه وقال : عندي بنتين وولد
سلمان شهق : اخو سعود انت صادق ؟
ابو جابر : وجدان وغنى وسلطان
سلمان ناظر فيه بقرف وقال : بحلال صح ؟
ابو جابر فتح عيونه بقوه وقال : تستهبل ؟ اكيد
سلمان : طيب ليه ماندري ؟؟؟
ابو جابر وقف وقال : لو اعر
قاطه فتح الباب وطلع سعود والجد ناصر
سلمان لف عليه وهمس : بعدين نتفاهم
الجد ناصر بضيق : بينومون راشد
سلمان بتوتر : يبه وش فيه راشد
سعود : يقولون بيجيبون دكتور نفسي عشان يكشف على حالته
سلمان مسك راسه وقال: سعود مستحيل راشد مافيه شي
سعود وعيونه مليانه دموع : سلمانن يخي شدارني يقول ممكن معه اكتئاب حاد ويمكن بعد يدخل المستشفى
ابو جابر كان يناظر فيهم وماتحرك فيه ولا شعره كان الي تكلمون عنه مو ولده
الجد ناصر : يالله خل نرجع ترجنا المعازيم هناك
سلمان : دق علي وايل يقول من طلعتو واحنا معشين العرب وفي الي من طلعتو سرو اصلاً
سعود : يالله انتم روحو وانا برافق معه وكلمو جابر يجي بعد
وطلعو وراح سعود يكمل البيانات .
بالبيت عند الحريم ، راحو كل الحريم مابقي الا الاهل
الجد فاطمه بحده: اخلصي علي وقولي من انتي
ام سلطان: يخي ماتفهمون انتم ؟ انا زوجة نواف واسمي مريم وذول بناتي وولدي برا
ام ليالي : ايش ؟ ولد بعد ؟
ام خالد وقفت وقالت : اطلعي برا ومراح تدخلين الا اذا جاء نواف
ليالي : يخاله يرحم لي والدينك برا برد وهي معها بنات صغار حرام
ام خالد وفعت صوتها وقالت : حرام علينا ؟ متزوج من دون علمنا وعنده ثلاث عيال ؟ وله عشر سنين ماشفناه ؟
ريتال : يمه يقلبي وش ذنب البنات ؟
ام خالد : مالي دخل يجي نواف ويقول وش ذالمصيبه الي بلانا فيه ولا اطلعو برا
ام سلطان وقفت ورفعت صوتها : مراح اطلع من انتي عشان تطرديني ؟
ام ليالي : يهوو تراكم كبرتو السالفه علامكم
الجده فاطمه : ليالي البسي عباتك واطلعي لرجال ونادي خوالك وجدك بسرعه
ليالي : ابشري
راحت ليالي لريجيل وكانت لابسه عباتها ونقاب
-