بالمستشفى
طلع حاتم من غرفة سعود وقفو العيال
نواف : حاتم بشرنا طلبتك
حاتم : عنده تمزق بـ**** بس الحمدلله خفيفه مانضطر نسوي له جراحه
نواف : وش تمزق ****
حاتم : **** ممكن يكون من ضربة قويه على البطن تودي الى تمزقه وممكن حتا يودي الى وفاة لقدر الله وفي كمان اسباب كثيره وشكله جايته ضربه قويه لان بطنه فيه كدمه
نواف مسك راسه : اعوذ بالله وش بتسويالحين
حاتم : الحاله مو لي بس دخلت بالغصب بعد وعرفت تقريباً وش فيه
خالد : اهم شي حالته كيف
حاتم : لا الحمدلله جت خفيفه حتى التمزق مو مره في ناس يشيلونه
لكن سعود بس يحتاج الراحه وباذن الله محلوله
عساف : يعني مافي خطر على حالته ؟
حاتم : مابي اقول شي ويكون غلط خل يجي الدكتور ونشوف
بعد ربع ساعه جاهم الدكتور
الدكتور : السلام عليكم اهل المريض سعود ؟
نواف : وعليكم السلام ،ايه يالاخو بشرنا
الدكتور : الحمدلله جت خفيفه وباذن الله اليومين ذي يطلع بس لازم يرتاح اليوم
نواف بابتسامه: الله يعطيك العافيه
طلعو العيال وبقي بس نواف مرافق مع سعود .
-
بعد رجوهم من العزبه دخلت ليالي غرفتها وطلعت عباتها ووقفت قدام المرايه هذي عاده عند ليالي من الصغر للحين ماتركتها توقف قدام المرايه وتناظر بنفسها ، كان واضح عليها النحف تغيرت مره شعرها طال اكثر من قبل بعد ماكان نهاية ظهرها الحين تعداه بكثير
وجها صاير فيه هالات كانت جميله وش الي خلاها كذا تمنت انها ماوقفت قدام المرايه ، بعدت عن المرايه بسرعه واخذت روبها ودخلت دورة المياة تتروش ، طولت مره فوق النص ساعه وممكن ساعه، بعد ماطلعت من دورة المياة ، لفت إنتباهها اشعارات الجوال كانت كثير وبشكل متكرر توجهت له كان من رقم مو مسجل وعباره عن كلام ماهي فاهمته غريب قفلت جوالها ولبست بشكل سريع
ورجعت له وكان الكلام عباره عن غزل وحب واعترافات انخرشت من الكلام الي يهل عليها من شخص غريب صورة الشاشه وطلعت من محادثة الغريب ودخلت تدق على جنى اقرب صاحبه لها كانت الساعه "11:50 اليل " ردت عليها جنى
جنى : ارحبي وينك يالعشير لك يومين مختفيه
ليالي بكت وكانت تشاهق وتحاول تتكلم
جنو بقلق : ليالي قلبي بك شي ؟
ليالي : جنو انا وش مسويه من ذنب عشان يجيني كل ذا المصايب انا تعبت خلاص
جنو : استغفر الله حرام لاتقولين كذا قوليلي وش صار
بدت ليالي تشرح كل شي صار معها باليومين ذي من سالفة حور وهوشة البنات لين محادثة الغريب
جنو : لا اله الا الله يعمري اسمعي لازم ندور حل لكل مشكله مو نتركها كذا
ليالي : انا خايفه من محادثة الغريب
جنو : ارسليلي الكلام بقراءه ونشوف
قرت جنو الكلام وانصدمت من الكلام من ذا الي فيه الجراه ذي
ليالي : جنو ليش انا عايشه ؟
جنو : يليل يلولي رجعنا للموضوع ذا ؟؟ مو قلنا بنقفله ولا عاد تفكرين فيه وش جاك
ليالي بغضب : مادري مادريي انا ابي ارتاح انا تعبت
جنو : تعالي الرياض مو تقولين خالك سلمان قال نروح الرياض تكملين جامعه وانتي نسبتك تدخلك الجامعات بالراحه ماشاءالله وانحاشي من ديرتكم ذي
ليالي : جنو انتي صاحيه كم باقي على الدراسه ؟
جنو : اصبري بعدهم الحين احنا شهر كم ؟
ضحكت ليالي : احبك يشيخه
جنو ابتسمت : اعشقككك ايوهه اضحكي وش تبين بالنكد عيشي حياتك وتعالي الرياض جويي كل يوم نطلع نفرفر واوو حماس
ليالي : يشيخه ! ههههههههههههههه
جنو : هو لجيتي الدراسه بننساها اشك
ليالي : هذا شي اكيد بالنسبه لك
جنو : شوفي سجلي معي ندخل هندسه انا وانتي شرايك
ليالي :كم نسبتك حقت الثنوي ؟
جنو : والله تحتاج الستر
ليالي ضحكت : كم كم
جنو : 97 وزعلانههه مره كنت ابي 99 او 100
ليالي : وزعلانه ؟؟ ههههههههههههههه
جنو : انتي 99 ماشاءالله اناا 97 خيرر ظلم
ليالي : محد قالك اطلعي الشاليه وانتي عندك اختبار
جنو : اخخ لاتذكريني رجعت اذاكرر وربي تعب
ليالي : احسنن ههههههههههههههه
جنو : تقهريننن يخي
ليالي ضحكت : احب انرفزك
جنو : على حسابي !
ليالي : خلاص خلاص نفستي علي ، جنو تدرين للحين مامشطة شعري يخي خرشني ذاك
جنو : وش سويتي ؟
ليالي : مثل ماقلتيلي بلكيه والصراحه افضل حل ومابي اجادله وادخل بنقاش مادري وش نهايته
جنو ؛خلاص الحين نسولف لصبح وننسى كل الاحداث الي صارت هاليومين
ليالي : انتي صار عندكم شي ؟
جنو : قاعدين نحهز لزواج خالي تكفينن تعاليي
ليالي ضحكت : شرايك بس اجي زواج ناس ماعرفهم
جنو : بتعرفينهم بنعرفينهم مو تقولين ممكن اجي الرياض
ليالي : غبيه انتي نسيتي الزواج بالمدينه وانا يمكن يمكن بعد مو اكيد اروح لرياض
جنو ؛ صحححح نسيت الزواج بالمدينه عاديي خالك سعود وينه ؟ يوديك مايرفض لك طلب
ليالي :ذكرتينييي يخي في شي صاير بين سعود وارجوان تتوقعين ضرب ارجوان دخله المستشفى ؟ مستحيل احس خفيف ضربها
جنو : وش صارر ؟
ليالي : مدري كن بالعزبه وارجوان واضح صاير بها شي وصارت هوشة بين جود وارجوان ودخل سعود معي حوسه يبنت وربي للحين مو مستوعبه الي صار
جنو ضحكت: جود ذي شخصيتها فضيعه تضحكني
ليالي : ويعع تقهرر يبنت احسها تحب سعود وقلبي قارصني احس فيه شي بين ارجوان وسعود او صاير شي
جنو : كيف ؟
ليالي : مادري مادري "وضحكت " شرايك نحول قانون احسن يلبق لنا
جنو ضحكت : قدام
ليالي : قاعده امشط شعراتي تخيليي مره طال عن قبل ماشاءالله وربي انخرشت بالعاده انا كل شهر او شهرين اقص الاطراف
والفتره ذي سحبت عليه
جنو : ماشاءالله تحمست اشوفه
ليالي : ان شاء الله قريب نتقابل
جنو 'رفعت يدينها وقالت : يارببب
ليالي بابتسامه: يخي الله يسعدك
جنو ضحكت: تقولي الله يسعدك ماتدري انها سعادتي ، لازمم اصير شاعرهه ضروري
ليالي : بيعطونك هذيك شاعر المليون
جنو : من وين جبتيها ذي ؟
ليالي : مدري طرت ببالي وقلتها
جنو ضحكت : لولي انا بخمد الساعه صارت وحده وبكره امي من صباح الله خير مطلعتني ادور فستان العرس
ليالي : وربي حماسس حتا حور بتتزوج وتجينا شرايك
جنو بتسليك : يصير خير
ليالي : جنووو جد اتكلم ههههههههههههههه
جنو : مو صاحيه من ذا الي بيوديني الديره ؟
ليالي : دبري نفسك ههههههههههههههه
جنو : اقول دزيها استودعتك الله
ليالي ابتسمت : في حفظ الرحمَن
قفلت ليالي من جنو ماتنكر غيرت من نفسيتها جداً والان صار وقت نومها .
(جنى تبلغ من العمر (18) ثالث ثنوي من الرياض صاحبة ليالي الاكترونيه من عمر 14 ، فتاه غامضه تقريباً ، تحطك بالامر الواقع على طول ماتمهد لشي ، شخصيتها طيبهه وتحبها على طول وبنفس الوقت شخصيتها متقلبه بعض الاحيان تصير هاديه ومالها حس وغامضه ومره تصير حياه وتحينا معها وتحب الحياه وماتهتم لاحد . )
-
بيت الجد ناصر الفجر طلعو من المسجد
الجد ناصر: نواف متى رجعت مو كنت مرافق مع سعود
نواف : سلمان حلف اني ارجع البيت ويرافق هو
الجد ناصر : زين ،،، يالله مشينا خل نلحق على الفطور ونروح لبيت ابو مسفر الغداء هناك
لف جابر على الجد ناصر وباس راسه : يجد انا بروح نياف يقول تعال الفطور عندي
الجد ناصر: الله يستر عليك انتبه على نفسك والغداء اشوفك محضر عندي
جابر بابتسامه: ابشر
وراح الجد ناصر وراشد وخالد للبيت وبقي
جابر باس راس ابو جابر : استاذنك
ابو جابر ابتسم : اذنك معك .... جابر يبوي
جابر وقف : سم
ابو جابر : سم الله عدوك اذا ماعليك امر بكلمك شوي وبعدها رح
جابر نزل نظره على ساعته : طيب
ابو جابر : اذا متاخر رح عادي
جابر : لا لا معليه
ابو جابر نزلت دموعه: اعذرني يبوك طول السنين ذي ماسالت عنكم ولا جيتكم والله اني نادم على فعلتي وتمنيت ان احد يجيني ويوجهني وصار العكس محد قالي شي وابوي للحين ماهو راضين عني بالحيل ويتغاضى عني واجد يجابر انا المرض اتعبتي خفت على عيالي ومرتي يتيمه واذا صار فيني شي بيقعدون ومالهم احد غيري بهالدنيا وسلطان صغير وانا عارف انك بتهتم بخواتك واخوانك واشوف علاقتك فيهم لو غيرك كان مايكلمهم ويسوي معهم مشاكل ومحملهم الذنب كله
جابر كان منصت للكلام كله وماحب يقاطعه ابداً
ابو جابر يمسح دموعه وصوته واضح فيه الرجفه : والله اني محظوظ بولدن مثلك لاكني ماقدرتها وتركتها وندمان بالحيل
جابر حضن ابوه بقوه ونزلت دموعه ، مسح ابو جابر على راس جابر
اثرت الحركه هذي بجابر مره : معذور يابو جابر معذور صح بالبدايه كنت زعلان عليك ومانكر للحين ، وعيالك تراهم اخواني ومالهم ذنب بسالفتك هم اطفال "بعد منه " وش المرض ؟ هل هو خطير
ابو جابر نزل راسه
جابر : يايبه ارفع راسك راسك لاتنزله خله دايم مرفوع لاينحني الا لربك
ابو جابر : سرطان الرئه
جابر : خطير ؟
ابو جابر : اخر مره كشفت عنه قبل ثلاث شهور
جابر فتح عيونه بقوه : جد ؟؟؟؟ ليشش
ابو جابر : انشغلت وماقدرت اروح
جابر : لازم نروح ماينفع يمكن الحين صار خطير مره
ابو جابر ابتسم بحزن وبعد الشماغ عن راسه ، مسك شعره وكان يطيح معه : شف كيف شعري بدا يحت ويطيح مره
جابر بكي : ليه يبوي ليه مارحت حرام عليك عيالك توهم صغار لاتحرمهم منك
ابو جابر ابتسم : عندهم جابر يكفي ويزود
جابر : لا لاا ماحد ياخذ مكان الاب مهما يصير يبقى الاب له مكانه خاصه لو تسوي الي تسويه محد ياخذ مكانه حتا لو نادوك بكلمة ابوي
ابو جابر : ابشر متى مابغيت نروح نكشف
جابر : بكلم عمي سعود ولا عمي سلمان ونروح افضل دكتور بالسعوديه حتا لو يحتاج نسافر الخارج موافقق معليه
ابو جابر ابتسم: يبوي مايحتاج نروح لدكتوري بجده وهو يعرف حالتي خلاص ماله داعي
جابر : الا يحتاج خل نروح جده ونشوف لاتنسى اليوم بكلم عمي سلمان
ابو جابر حضن جابر بقوه : تكفى يبوك سامحني
جابر سكت ماتكلم .. كان بحيره الان هو بوقت يحتاجه فيه والانتقام والحقد مايفيد اذا راح ومعاد بيرجع ، ابتسم : الله يسامحك
مسكه جابر ودخلو البيت يغسل ابو جابر وجه وكان الفطور جاهز
ابو جابر طول الخمس شهور الي فاتت كان مركز بتصرفات جابر ومعجب جداً بتربية جابر ولحظات يحمد ربه ان جابر رباه ابوه .
-
بالمستشفى
سعود بـ عبوس : سلمان يورع ابي اطلع هربني تكفى
سلمان رفع حاجبه : وين اهربك ؟؟ صاحي انت ؟
سعود ضرب فخذه بخفه : اهخخ يسلمان اخخخ وانا كنت معك اربع شهور اربع شهور وانا ارقد بالاسياب البارده المظلمه ال
قاطعه سلمان وحرك يده : فش فيها يالخوي محد قالك اقعد هناك واصلاً انا بغيبوبه كنت ومايحتاج مرافق و ركز بالله على مايحتاج مرافق
سعود : انت اخ كذاب متاكد انت اخوي؟؟
سلمان : لا ولد الجيران
سعود ضحك بتسليك : سامج لعاد تنكت بالله
سلمان وقف : بروح اشتري فطور وانت كل اكل المستشفى
سعود فتح عيونه بقوه: سلمان اخوي عضيدي اطلق اخواني جبلي فطور معك
سلمان ضحك: مصلحجييي يسعدوه
سعود بابتسامه: بتجيبلي صح ؟
سلمان : تعرف اني احبك يتبن
سعود ضحك : جب فول وقلابه وتميس وبعد جب عدس
سلمان رفع حاجبه ومبتسم : في شي ثاني تامر بس طال عمرك
سعود رفع راسه وثقل صوته : لاتنسى الشاهي طال عمرك
سلمان ضحك بقوه
سعود ضحك معه
سلمان عيونه دمعت : انت المستشفى معطينك شي ؟ متاكد المغذيه مافيها شنبو على قولت امي ههههههههههههههه
سعود : لا تخاف مابها شنبو ، ( شنبو هو الشبو )
سلمان عند باب الغرفه : يالله استودعتك الله "وطلع "
من طلع سلمان طلع سعود جواله وكان ضايف ارجوان بالتويتر ويشوف تغريداتها طاحت عينها على تغريده لها
تغريدة ارجوان | عساك ارتحت يوم اوجعت قلبي هالكثر ،،
رفع سعود حاجبه حس بغيره غريبه عليها بدا يدور بالحساب وكان فيه تغريده ثانيه لها مكتوب | كان خوفي الوحيد أني اهون عليك ، و هُنت
تذكر سعود الحظه الي سوها وهو باقسى مراحل التوتر والضغط الي كان عليه ونسى كل شي نسى الدين ونسى اهله ونسى البنت الي مالها اي ذنب فقط كانت ضحيه ونسى انها اخت خويه اقرب اخوياه خانه
سعود كان يبي يعتذر من ارجوان باي طريقه ،، قاطع تفكيره دخول طلال
سعود بابتسامه: ارحبب
طلال حضن سعود : البقى علومك يالخوي ان شاء الله بخير
سعود : الحمدلله بخير للحين ماحددو متى اطلع وسلمان مو راضي يهربني
طلال غمز : شرايك نهربك وحاتم يساعدنا
سعود : قداممم ،، سلمان لايدري بيعلم علينا
طلال ضحك : وننقفط مثل كل مره بسبب سلمان
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
