الساعه 4:55
عند البنات فقط
فجر كانت بعيده عن قعدت البنات وتكلمت بصوت عالي : تخيلي ينايفه اهلي يرموني على الرجال
نايفه ضحكت بصوت عالي : ومن يجي الرجال على طول يوافقون كانهم يبون الفكه مني
بين جلسة البنات وقفت تهاني قالت بعصبيه : خيررر فجر اضبطي لسانك ذا لايصير علمن ثاني وانت يالسوسه معها
فجر وقفت وقالت بدلع : شفيك ؟ اوه صح حور ماتدري ان اهلها الي تحبهم رموها على رجال على طول حتا ماسالوها "وضحكت "
حور وقفت وقالت بهدوء : وش تقولين انتي ؟ تسمعين الكلام الي يطلع من فمك
فجر : يقلبي يحور تبين الصدق اشفق عليك وصلتي 25 ولا احد دق بابكم ويم دق على طول وافقو جد مايبونك ولا في احد يرمي بنته هالرميه؟
نايفه ضحكت : تحزنين وربي
ليالي مسكت فجر من شعرها وقال بغضب : فجروهه يالخايسه لو اسمعك متدخله بشي مالك فيه وربي ليصير شي ثاني
فجر رفعت صوتها : وش بتسوين ؟ بتروح لطلال ؟ قافطتك ترا
ليالي لصقت راس فجر بالارض وانحنت : شدخلكك ؟ اروح لطلال اروح لاي احد انتي مالك دخل امي وانا مدري ؟ ابوي ؟
فجر صرخت : ابعدي عنيي انتي امك ماتت واستانستي تعيشين على راحتك وتسوين اي شي مافي احد يحاسبك وابوك متبرا منك اصلاً
ليالي رفعت صوتها : صح مافي احد يحاسبني بالدنيا لكن بالاخره ربي بيحاسبني قبل مافكر بالناس او اهلي افكر اول بربي يغبيه انتي ماني وصخه مثلك
جود دخلت تركض وبعدت ليالي عن فجر وصرخت عليها : وش تسوين انجنيتي ؟؟؟؟
ليالي لفت على البنات : يعع لي دقيقتين وانا ماسكتها الحين يدي كلها جراثيم
حور ابتسمت
ريتال جت جنب ليالي وقال : نبدا ؟
ليالي ضحكت: تم
ريتال رفعت صوتها : وربي لاندمك يجود ام ذبان
ارجوان دخلت مسكت جود : ريتاللل خلي جود لي تكفين فاقعه مرارتي
ريتال رفعت يدينها : لك يعمري بالعافيه
بعدت ريتال عنهم وكان شكلهم تحفه ليالي والبنات ضد جود وفجر ونايفه وممدا اخذو خمس دقايق الا جود وفجر ونايفه منطقات بسبب قلهم
ريتال ضحكت: فجر يقلبي تعورتي ؟
فجر تكلمت بالم : حسبي الله عليكم
ريتال : يشيخه طيري
ليالي : طلعنا ؟
ارجوان : مشينا كل الي بخاطري طلعته اوه
دخلت ام حور تركض : شفيههه وش الازعاج ذا ؟؟
ام طلال شهقت : وش فيكممم شصاير
ام خالد : بنات انتن بنات وربي اشك انكن عيال
ريتال : شهاده افتخر فيها اني طقيت الخايسات ذول
ام عساف دخلت : ريتال ؟ ضربتي الثلاث ذول
ارجوان : كلنا يخاله ريتال كانت بيدها جود واخذتها انا طلعت من عذاب ودخلت عذاب اقوى
ام عساف ضحكت : الصدق كفو
ريتال ابتسمت : يشيخه احبكك
ام عساف : حتا انا يقلبي أحبك
ريتال همست : وايي بنات دام العلاقه مع الام زبطت الولد محلول
ليالي : كلن على همه سرا يريتال
اريج كانت متكيه وتشرب شاهي : ياخالاتي فاتكم عرض مستحيل يتكرر
ام خالد ضحكت : اريج ليش متضاربتي معهم ؟
اريج : انا رقيقه مالي بالضرب والطق
ريتال : خفي علينا يالرقيقه
اريج : خلي عنك وربي اني اجنن
ريتال : عزالله انك تجنني
اريج ابتسمت ابتسامه عريضه
ريتال : واييي وجهلك قلب علبة الوان
ام حور : امشن قدامي امشن عند خالتي تقلن وش السالفه
-
الساعه 8:43
بين جلسة البنات كانت ليالي بعالم ثاني ومضايق عليها المكان ودمعتها مطرفه ممكن تنزل باي وقت وسالفة حور زادت عليها تذكرت امها وابوها وان سبب ضياعها زواج امها بالغصب ،كان التفكير ماكلها اكل ،قاطعتها ارجوان سرحان ليالي
ارجوان بابتسامه: ليالي
ليالي بهدوء: نعم
ارجوان : فيك شي ؟ وجهك متغير مره
ليالي : ارجوان لو اطلع امشي يصير شي ؟
ارجوان : لا بس لاتبعدين لان في عزبات جنبنا
ليالي وقفت : تمام "وطلعت وماحد عرف وين بتروح غير ارجوان "
-
بعد ساعه ونص بدو يجهزون اشيائهم عشان يرجعون بيوتهم
ام حور دخلت: بنات ليالي وينها دورتها مالقيتها
ارجوان : للحين مارجعت ؟؟
ريتال : من وين ؟؟؟
ارجوان : قالتلي بطلع امشي وشوي وارجع
الجده فاطمه بقلق : استودعتك الله يبنتي
ام طلال : وين ممكن تروح ؟ نادي واحد من الصغار يروح ارجال يعلمهم
ريم : طارق يحبيبي روح لرجال وقل ليالي طلعت والحين مارجعت بسرعه
طلع طارق يركض لفرشة الرجال
وايل : طارق ؟ شفيك
تكلم بسرعه : ليالي طلعت وللحين مارجعت
سعود وقفت : اخو فايز وين راحت ؟
طارق : مدري امي قالتلي رح لريجيال وقل ليالي طلعت وللحين مارجعت ومالقيناها بالخيم
طلال بتوتر : وين بتروح يعني ؟؟
سلمان : استودعتها الله
الجد ناصر: يالله اركبو سياراتكم ودوروها طارق قل للحريم يدورون زين جوا الخيم واحنا بنروح حول العزبه والي بجنبنا
سعود طلع يركض لسيارته وراح معه طلال وجابر
-
عند ليالي كان جسد بدون روح كانت تمشي وماهي منتبها وتفكر بدت تستوعب من حست بالمطر واصوات المطر والرعود وقعدت تلف وتدور العزبه وايقنت انها ضاعت
تكلمت بصوت عالي : آبوييي سعودد
شافت عزبه بعيده شوي لكن ماعندها حل غير انها تروح لها ولا تمشي وتضيع زياده ويغرقها المطر ، توجهت ليالي للعزبه وكانت عباره عن ابل كثير وغرفه صغيره ، ليالي كانت لابسه شرشف صلاه قربت من العزبه وبدت تنادي : في احد ؟ "وبدت تكرر الين طلع من الخيمه "
طلع عامل العزبه : من انتي ؟
ليالي دخل الخوف قلبها وماهي مرتاحه لهرجال
العامل ضحكت : شكلك ضايعه
ليالي بكت بصمت
العامل قرب لها وبدت ليالي تركض تبي تطلع من العزبه وكان هو وراها يركض
كان العامل يتمايل ومشيته بطيئه : وقفيي...
كان فيه خيام وكرفان جنب الابل ، ليالي وصلت للعزبه ذي ودخلت وبدت تصرخ وتبكي ولبسها مبلل طلع زياد : بسم الله
ليالي سمعت صوت العامل وركض لرجال وجت ورا ظهره : تكفى تكفى فكني منه
زياد : اهدي اهدي انتي بوجهي معليك
دخل العامل : تحسب بخليها لك ؟
زياد : اعوذ بالله شتقول انت ؟
العامل : عطني البنت
زياد : اقول انقلع اطلع لادق على الشرطه
العامل كان مو بوعيه "سكران " : البنت بتعطيني هي
زياد مسكه من رقبته وبدا يضربه ونزف خشمه
العامل ضحكت : يعني قوي
زياد ناظره بقرف : الله يسود وجهك يوصخ
ليالي كانت موقفه بعيد وتبكي وحالتها حاله كرهت نفسها كرهت الساعه الي طلعت فيها ندمت انها ماسمعت كلام ارجوان يم قالتلها لاتبعدين عن المزرعه ، دخل زياد العامل لمطبخ وقفل وكانت عزبته كبيره
زياد : يابنت
ليالي تكلمت بصوت يالله ينسمع : نعم
زياد كانت صاد عنها : اهلك وينهم ومن ذا
ليالي بكت بصوت عالي
زياد توتر : وينن اهلكك
ليالي : ضيعت اهلي مادري وينهم
زياد : اسمعي ادخلي الخيمه ذي واقعدي فيها وماحد بيتعرض لك واذا جو اهلك بقولك
ليالي بخوف : لا لا ماقدر
زياد : لاتخافين وربي ماحد يجيك وبعدين الوصخ ذا قفلت عليه ولصبحنا وديته المركز ، انت اهلك من
ليالي : انا هنا مع خوالي
زياد : ابوك وينه ؟
ليالي : مادري
زياد : شلون ماتدرين ؟ طيب خوالك من هم
ليالي : خوالي بن راجح
زياد بصدمه : خالك سلمان بن ناصر ؟؟
ليالي : ايه
زياد : خويي
ليالي : تكفى دق عليه خل يجي
زياد : هنا مافي شبكه ولا كان دقيت مافي غير اننا ننتظر او اوديك المركز ... خوالك ماعندهم عزبه هنا كيف جيتي ؟
ليالي : عزبه محمد بن تركي
زياد : اعرفهه طلال ؟
ليالي : ايه
زياد : الحين مانقدر نروح مطر وممكن نغرز انتي ادخلي الخيمه واذا اذن الفجر وديتك
دخلت ليالي الخيمه بقلة حيل وماقدرت تذوق النوم الخوف مسيطر عليها واصوت المطر والرعود كانت تخوف .
-
بعد مادوروها باربع ساعات
سعود بغضب : يبهه وين راحت ؟ فين اختفت برا مطر ليالي ماتقدر تتحمل البرد
الجد ناصر: شدراني يم تسالتي معهم انا يوم طلعت ؟؟ رح اسال الحريم
طلع سعود من الخيمه بعصبيه وبعد بعيد عن العزبه : الله ياخذكم وياخذ من يطلع معكم وين تروح يعني ؟؟
ارجوان كانت وقفه برا وسمعته : انا اخر من كلم ليالي وقالت انها متضايقه وتبي تطلع
سعود : ارجوان
ارجوان : ايوه قلتلها لاتبعدين في جنبنا ناس كثير
سعود مسك راسه : يارب انك تستر عليها وترجعها لنا سالمه
ارجوان : ليالي قويه وباذن الله ماراح يصير لها شي انت فقط اكثر من الدعاء
سعود ابتسم : ان شاء الله
ارجوان : سعود لهدرجه تحب ليالي
سعود بابتسامه: هذي مو بس بنت اختي ذي بنتي
ارجوان : علاقتكم ببعض حلوه
سعود ركز بوجه ارجوان كان واضح على شدة الظلام وابتسم بخفه
ارحوان : انا ..ب.بروح
سعود مسكها من يدها : على وين ؟
ارجوان نزلت نظرها على يده : ابعد يدك
سعود ضحك بخفه : واذا مابعته وش يصير ؟
ارجوان بغضب : سعودد اترك يدي
سعود بابتسامه : وش اسوي بك يمنك اخذتيني من اقصاي
ارجوان : ايش و
"قبلها سعود بين شفايفها وخدها "
ارجوان حاولت تبعد نفسها ويم بعد ضربته كف وكانت تبكي : وش تسوي
سعود : اسف والله اسف
ارجوان بكت : وين اودي اسف ذي ؟؟
سعود حضنها بقوه : خليك لاتبعدين
ارجوان : سعود حرامم ابعد
سعود: لبيه يقلب سعود لبيه
ارجوان بكت بصمت ، سعود : طلبتك لاتبكين
ارجوان تحاول تبعده وتبكي وكان سعود اقوى منها ومثبتها : سعود فكنيي
سعود بهمس : ارجوان انا مو عارف نفسي ووش اسوي
ارجوان بخوف : سعود طلبتك اتركني اروح
سعود بدا يقبلها من عنقها
ارجوان كانت تضرب سعود عشان يبعد وتبكي
فكها سعود بعد عناء عانته ارجوان ، وبعصبيه : الله ياخذك يوصخ
اكرهك يسعود اكرهك
سعود بابتسامه خفيفه : للاسف انا احبك
بعدت ارجوان عنه وراح تركض تبي تدخل قبل يشوفها احد ، غطت ارجوان عنقها عشان ماينتبه احد وطول اليل كانت تبكي وخايفه يعرف احد كرهت سعود بشده ، وسعود ماقدر ينام من تأنيب الضمير كان نادم على فعلته هو يعرف ارجوان ويعرف كيف شخصيتها ويعرف اصغر تفاصيلها وانها مستحيل تقدر تتحمل كل الي سواه كره نفسه شلون هانت عليه .
-
بعد صلاة الفجر تجمعو الرجال والحريم بخيمه وحده وكانو يتناقشون عن اختفاء ليالي وطول الجلسه سعود ماشال عينه عن ارجوان لدرجه ان ارجوان طلعت من الخيمه مره ضايقها نظراته
الجد ناصر كان منتبه لسعود ولنظراته وقال : يسعود قلي وش قلنا الحين كله
سعود لف بهدوء على الجد ناصر: هلا ... المعذره ماكنت معكم
ابو مسفر ضحك : وش مو معنا وانت جالس قدامي
سلمان : يعني يعم عقله ماهو معكم ومانتبه لكلامكم
مسفر ضحك يبي يغث سعود : عقلك مو معنا اجل وش تفكر فيه
سعود تجاهله وابداً ماله خلق لاحد وقف ولف على ريتال وقال : ريتال الحقيني
وقفت ريتال وكانت مستنكره مناداته لها بعدو شوي عن الخيمه وقال : خليك مع ارجوان طلعت ومتاكد فيها شي وقولي سعود يعتذر منك
ريتال : تعتذر من ايش ؟
سعود : ريتال مالك دخل انتي قولي كه وخليك معها تراها تعبانه
ريتال بصدمه : شعرفك انها تعبانه ؟؟
سعود : يليل وش قلت انا لاتساليني ولاتقولين لاحد عن كلامي روحي لها الحين وانتبهي لها تكفينن
ريتال كانت للحين مصدومه : ابشر
رجع سعود للخيمه وقرر الجد ناصر ينتشرون يدورون على ليالي وبقي سند وجابر ومجيد عند الحريم .
اما ريتال راحت لارجوان : ارجوان فيك شي ؟
ارجوان بهدوء: هلا لا ليه ؟
ريتال : الا فيك شي وخالي سعود كمان فيه شي اخلصي وقولي السالفه
ارجوان بتوتر : مافي شي واي سالفه
ريتال : غبيه انا قالي قوليلها سعود يعتذر منك وانتبهي لها تراها تعبانه شدراه انك تعبانه ؟؟
ارجوان ماقدرت تتحمل وبكت
ريتال بصدمه : ارجوان بسم الله عليك شفيك
ارجوان حضنت ريتال وتكلمت كلام مو مفهوم
ريتال مسكتها من كتوفها بيدينها الثنتين وقالت : ارجوان يقلبي خالي سعود مسوي لك شي ؟
ارجوان كانت بتنكر بس ماقدرت : بقولك بس امانه ماتقولين لاحد
ريتال : ابشري مراح اقول لاحد
ارجوان فكت الشال عن عنقها
ريتال شهقت : مستحيللل
ارجوان بكت : حتا انا مدري هو بنفسه يقول مادري وش اسوي وماعرف نفسي
ريتال حضنتها وبكت معها وقالت بتوتر : وش سوا بعد ؟
ارجوان : بس هنا وهنا "اشرت على عنقها وشفايفها "
ريتال : الحمدلله ربي ستر
ارجوان مسكت يدين ريتال وقالت : تكفين لاتقولين لاحد تكفينن
ريتال : خلاص يقلبي مراح اقول لاحد وعد
ارجوان بابتسامه حزينه: شكراً
ريتال : العفو
كانت جود عند الباب وسمعت كل شي " ضحكت بخفه وهمست : هين يارجوان .
-
عند ليالي مانامت من الخوف سمعت صوت اذان الفجر وكان زياد ياذن طلت ليالي تتهايق من الفتحه حقت الخيمه وبعد دقايق رجعت لمكانها والفراش الي عطاها زياد شوي وتموت من الخوف والتوتر
الساعه 8:40 |
سمعت صوت زياد وكان يناديها وقفت عند الباب : نعم
زياد : يبنت راجح العامل وسلمناه واذا تبين الان اوديك عند خوالك
ليالي : اي تكفى ابي اروح
زياد : ابشري "
ومع لفته كانت السيارات فوق الخمس موقفه عنده ونزل الجد ناصر وعياله
زياد عرفهم ورحب بهم : يمرحبا اقلطو
سلمان ضحك: زياد رجعت لاكتئابك
زياد : ارسلني ربي هنا عشان اساعد البنت
سعود : اي بنت ؟؟
زياد : انتم خوال بنت ناصر ؟ قالتلي اسمائكم وعرفت سلمان على اساسا اجيبها لكم بما اني أعرف عزبة ابو طلال
سعود : وينها ؟
زياد اشر على الخيمه : هناك
راح يركض للخيمه ومعه سلمان دخلو وشافو ليالي جالسه بزاوية الخيمه ونايمه
سعود قرب منها وتكلم بصوت منخفض: ليالي.. ليالي "وحركها"
فزت ليالي : خالي سعود "وحضنته "
سعود بابتسامه: يقلبي ايه انا
بعد ليالي عن سعود وتكلم : وش تسوين هنا ؟
ليالي : الحمدلله اني صادفت هالرجال وساعدني باني اهرب من العامل
سعود : اي عامل ؟
سلمان باس راس ليالي : الحمد لله على سلامتك
ليالي بابتسامه: الله يسلمك
سعود : كملييي
ليالي : انا طلعت من عزبة عمي محمد ومشيت وربي ماكنت حاسه وكان فيه عزبتين جنب بعض الي هي ذي وعزبه صغيره مره وكان فيها عامل واتوقع انها لزياد الرجال ذا
سلمان : متى عرفتي اسمه ومتى كلمك تو يقول كلمتها
ليالي : من ورا ماجاني ابداً وربي ارسله لي جد ماقصر وساعدني
سعود غمز لسلمان بمعنى خلاص بعدين : يالله مشينا نروح
سلمان ضحك :ابوي قلط وشكلها بداية المحبه بينهم
سعود مسك ليالي من كتفها : انا وليالي بنروح حتا اننا بنرجع الديره ماقدر اقعد دقيقه زياده هنا
ليالي : حتا انا
طلعو سعود وليالي ورجعو للعزبه وبقي الرجال كلهم
-
__________________
غبت ثلاث ايام ورجعت ببارت بطلل ويقهر كمان 🫢 | حسابي بالانستا (j.xiiix)
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
