بعد المغرب عند الحريم
ام جواد : ايه يبنات باي صف الحين انتم
ترف : انا ثالث ثنوي
حور : مخلصه جامعه
ارجوان : اول جامعه
ريتال : مخلصه جامعه تخصص ادارة الاعمال
ليالي : انا السنه ذي مفروض ادخل جامعه لاكن ماكتب ربي
ام جواد : افا ليه ؟
ليالي : فاتني التسجيل وخيره اساسا مابي جامعة المحافظه ****
فجر بطرف عين : عشتو شفيها جامعة الـ****؟
ليالي : الصراحه شينه ومافيها تخصصات
جود : وش بتدخلين تخصص ؟
ليالي : مادري الصراحه
فجر : علينا ! مستحيل اكيد حاطه واحد ببالتس
ليالي : يمكن مابي اقولكم
جود : احترمي نفستس
ليالي : شدعوه شقلت ؟
ريتال تنهدة وكان واضح الضيق من ملامحها : ليالي قلبي كلمي خالي سعود الصراحه مليت ابي اطلع
الجده فاطمه : سعود عند الريجيل شتبون فيه
حور : تكفين جده كلمي عمي نبي نطلع
ليالي جلست قدام الجده فاطمه ومسكت يدينها : امي تكفيننن وربي طفشت من هنا
الجده فاطمه طلعت جوالها ودقت على سعود وفتحت الاسبكر
سعود : لبيه يالغاليه
الجده فاطمه: سعود وينك
سعود : امري بغيتي شي ؟
الجده فاطمه : البنات يبون يطلعون تطلعهم ؟
سعود : امي قولي للبنات سعود مشغول ووعد مني بطلعهم بس مو الحين
طلال جاء عند سعود : يليل تكلم ليالي الحين
سعود اشر لطلال يعني اسكت
الجده فاطمه :منهو الي جاك
سعود : يمه ذا طلال
الجده فاطمه: وش عرفه بليالي ؟
سعود يحاول يرقع السالفه: دايم اكلم ليالي ويكون موجود
الجده فاطمه : اها تمام يالله يامي استودعتك الله
وقفلت
ريتال ضحكت
الجده فاطمه : شفيك
ريتال تحاول تكتم ضحكتها : طلع الكره متبادل
ضحكو البنات لانهم فهمو
الجده فاطمه بستغراب : يبنت انتي شتقولين ؟
ليالي : يمه معليك منها ماتدري وش تقول
ام طلال همست لارجوان : وش الكره ؟ شسالفه
ارجوان : ليالي تكره طلال ف ريتال تقصد انه يكرها كمان
ام طلال : ليه تكره ولدي شمسوي ؟
ارجوان : مادري لاتساليني .
__________________
عند العيال
سلمان انسدح على الارض : يعيال انهد حيلي
غسان بضحكه : مافارقكك
جواد : بذمتي انها وناسه اول مره اول مره اجي المزرعه واستانس كذا
جابر ضحك : اتفق دايم ملل ونصبر هالشياب
طلال : شرايكم نلعب بلوت
وايل : خلاص انا كفيت ووفيت
سعود : تمم موافق
عساف : وانا
جواد : قدام يالله نلعب
وبدا طلال يوزع الكروت على العيال وبعد العب دام ساعه فاز طلال وسعود على جواد وعساف
جابر عند عساف : يحرامم خسرتت
عساف دف جابر : ابعدو البزر ذا عني
جابر بعد عنه
سلمان وقف : هيا مشينا خيمه الرجال هناك كفايه قطعناهم لهالوقت ، دخلو الخيمه
الجد ناصر بعصبيه : الحمدلله شفناكم وينكم غادين به ؟
سلمان : حنا هنيا بالخيمه الي ورا
ابو طلال : شيوديكم هناك ؟
طلال : الله يطول بعمرك كنا نلعب
سعود ضرب طلال وهمس : غبي طول عمرك غبي
الجد ناصر بستنكار : تلعبون ؟ رجال وشنابات وتلعبون ؟ شبقيتو للورعان ؟
سعود بترقيع : كنا نلعب بلوت
ابو وايل : كان لعبتو عندنا ليش تندسون
الجد ناصر : صادز لاكن المره ذي بمشيها لاكن المره الثانيه لو ماشوفكم عندي يصير علمن ثاني
بدو يجلسون العيال ودخلو بالسوالف
__________________
بالمطبخ
ريتال بصوت عالي : خير ليش الانسات مايجون يساعدونا ؟
ارجوان وهي تقطع البصل : فكينا تكفينن
ليالي : ارجوان حبيبتي اطلعي من المطبخ خوالي بيجون
ارجوان طلعت
دخل سعود ولمح ارجوان وطالع بليالي : منهي الي طلعت ؟
ليالي : ويي خالي تطالع ببنات الناس ؟
سعود : ماله دخل المهم كيفكم بناتي ؟
ريتال بابتسامه: خاليييي كيوتتتت
ترف : الصراحه يخال يحظ من تاخذك
سلمان وهو داخل المطبخ : الا مقروده وامها داعيه عليها
سعود بابتسامه مذهول : اح ، ورعع لاتسب مرتي !
سلمان : مسرع صارت مرتك ؟
ليالي : ايه حتا انها عندنا هنا
البنات : مين ؟
ليالي برفعة اكتاف : ارجوان
حور شهقة: غبيه انتي ؟ اخت خويه
ليالي : واذا عادي ترا ماقلت يكلمها بالسر !
سعود بطقطقه: ايه تكفييننن
سلمان : وراك مطفوق كذا اثقل
سعود بضحكه : دامها اخت طلال موافق
ريتاال : خال عاد البنت هاديه لاتجننها معك
سعود : لا معليتس بتعقلني
ليالي : يخوفي انها تنجن مثلك
جابر من الباب الخلفي بصراخ : يالربعع لي ساعه هنا !
سعود : يوههه معليش تو اتذكرتك نسيتك يرجال
ليالي : ارحببب جابروه
جابر : البقى يبنت العمه وينتس لتس فقده !
ليالي : هنا انت الي وينك ولا بعد طلال سحرك ؟
جابر ضحك : يخي شفيتس على طلال
ليالي : اكرهه كذا من ربي
جابر : غريبه طلال ماينكره
ليالي :يخي فكني من سيرته
جابر : ابشري
ليالي : جابر شوف مجيد وش سوا بالفديو
جابر : صحح تو اتذكر ، يالله يبنت العمه ويالطلق اخت بروح استودعتك الله
ليالي : يالله مع السلامة
سلمان بذهول : سوال وش ذالميانه القويهه ؟
ليالي : جابر طيب مره وانا ماشوفه الا اخو وهو كمان
حور : هي تمون على عيال العيله كلهم عكسي انا وترف شوي مو مره
سلمان : جابر قربعته الحياه
سعود اشر لسلمان بمعنى يالله
وكملو البنات شغلهم
________________________
عند جابر الي طلع يعدي للصيوان
جابر دخل بقوه الصيوان وطاح بالمركى
العيال كلهم ضحكو
الجد ناصر : بسم الله وراك عجل كه
جابر الي وقف بصعوبه : اخخ منهو الكلب الي حطه هنا ؟
سند الي اشر على مجيد : عانه حيلك فيه
جابر توجه لمجيد : غبي انت
محيد راح عند جده ناصر : يجدد انا بوجهك ابعده عني
جابر تكتف : يجد ذا غبي مابوه عقل ؟ في احد يحط المركى عند الباب ؟
الجد ناصر ضرب مجيد : وهو صادق في احد يحط المركى عن الباب ؟
مجيد مسك مكان الضربه وتكلم : يجد جايك ابي الفزعه تجي تطقني ؟
الجد ناصر دفه : تقلع تقلع عني
جابر : اخلص علي شصار على المقطع
مجيد اي مقطع ؟
جابر : يلوموني لقلتك غبي !
طلال فهم السالفه : حقت السباق
مجيد عقد حواجبه : سباق ؟
جابر مسك مجييد من ثوبه وطلعه برا وطلع طلال معهم
مجيد : شبلاكم
جابر : للحين مافهمت ؟
مجيد : ايه
طلال : الفديو حق ليالي وسعود يفاغر
مجيد : ايههه تذكرته نزلته ومدري شصار عليه حشى يومين عشان ينزل من النت الخايش
طلال : طيب افتح جوالك وشف
مجيدطلع جواله وفتح المقطع وصرخ : اححححح
جابر بفضول :كم كم
ركض مجيد للعيال
عند مجيد قابل سعود عند الباب حق البيت يسولفون
سعود : هُب هُب هُب شفيك ؟
جابر ضرب مجيد على رقبته : وجعان انت ؟ لي ساعه اصايح وانت سافهني
مجيد بتنفس صعب : يعيالل المقطع ضرب نص مليون مشاهد
سعود : شلون ؟
سلمان بصدمه : احلفف نص مليون على صوت ليالي وسعود ؟
جابر : ههههههههههههههه مستحيلللل
سعود : يربي احد يفهمني ؟
سلمان : انت غبي ؟ قاعد اقول المقطع حق الاغينه
سعود : امنتك بالله !
سلمان : يرجال خذ الجوال شف
جابر عطا الجوال لسعود
جابر : قلتلكمم
مجيد : يعيالل يخوف شلون نص مليون بيوم ؟
جابر : يغبي اكثر من نص مليون
سعود : كم ؟
جابر : وصل تسع مية الف
سعود : اححح تسع مية الف ذنب يويل حالي
العيال ضحكو
سلمان : بعلم ليالي
__________________
سلمان عند باب المطبخ : ليالي عندك احد ولا ادخل
ليالي : تعال
سلمان دخل المطبخ وجلس على الكرسي : تخيلي شصار
ليالي بابتسامه: شنوو
ريتال بحماس : خال لايكون الي ببالي
سلمان : وانا شدراني شفي ببالتس ؟
ريتال : ههههههههههههههه خاللل
سلمان: خلاص بقول تذكرين الفديو حقتس انتي وسعود ؟
ليالي : ايوه
سلمان : جاب تسع مية الف مشاهد
ترف كانت تشرب ماءً وشرقت
حور ضربت ترف على ضهرها : صحه صحه ههههههههههههههه
ليالي : اما ! مستحيلل
ريتال صرخت
سلمان: وجعع شفيتس
ريتال : ليالي صوتها صار مشهور !
سلمان : ايه
ليالي : جد خال ؟
ريتال : واوو ليالي وخالي بيصيرون مشاهير ؟
حور : ويننن دام جدي ناصر هنا مستحيل
سلمان باس راس ليالي : يالله يقلبي بروح انا وشوي بجي بكلمتس بموضوع
ليالي : ان شاء الله
ريتال مدت راسها لسلمان
سلمان بذهول : وخري راستس عني وراتس تحطينه ؟
ريتال : خال حب راسي نفس ليالي
سلمان ضحك : يبنت انتي من طلعتي عليه غيوره ؟
ريتال : شدعوهه
سلمان باس البنات كلهم : يالله استودعتكم الله
وطلع
حسابي انستا "j.xiiix
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
