لف سلمان على سعود وبلع ريقه بـ توتر وشاف نظرات اخوه وماقدر يتحمل ونزل من السياره بـ سرعه , ورغد ارتبكت مره وتناظر سعود ومنتبهه لـ ملامح وجهه الي انقلبت ميه وثمانين درجه , توجهه سلمان لـ سعود , ورفع سعود اصبعه لـ سلمان : طلبتك ياخوي لا تقولها !
وقف سلمان قدام سعود , ونزل راسه , غمض عيونه بـ قوه يحاول ماتنزل دمعه منه لكن الي قدامه مو شخص عادي الي قدامه اخوه وتقدم سعود ورفع راس سلمان ويناظر بـ عيونه : شصار معك بـ الكويت ؟
تنهد سلمان بـ ضيق ولف بـ يصد عن سعود لكن مسكه سعود من كتوفه بـ يدينه وثبته , وبـ صوت عالي : وش صار معك من ذي وش مسوي !!!!
رفع سلمان راسه لـ سعود وبـ صوت عالي : مرتيي يـ سعود انا تزوجتها وصلت !!
انصدم سعود وماتوقع انه تزوج ونزل يدينه ورجع لـ الخلف , ونطق : كيف قدرت ؟ واهلك وينهم ؟؟؟ شلون تركتنا وتزوجت بدون علم احد !
ارتفعت اصوات العيال وطلع حاتم وشاف سلمان وسعود يـ تهاوشون وتقدم وحاول يـ بعدهم عن بعض ونطق سلمان : انا ماسويت شيء حرام صح من ورا اهلي بس اهون من اني اتحرش بـ بنت !
لانت ملامح سعود وضحك بـ صدمه : ماقول اني ماغلطت انا غلطت لكن انت ؟ انت رحت وتزوجت بنت ماندري من وين وسويت نفس نواف !
انصدم حاتم من سعود وسلمان وانكشفوا كلهم من اشياء حاولوا يخلونها لكن كل مالها تطلع ونطق سلمان بـ غضب واشر على نفسه : انا انحديتتت !!
ضحك سعود ونطق بـ سخريه : انحديت ؟ وين انحديت رجال طول وعرض عمرك فوق 30 وتقول انحديت ؟!!!!
سكت سلمان ويناظر سعود , مايعرف وش يقول ونطق سعود بـ غضب : تحسب ابوي بـ يخليك تدخل كذا عادي !!!! والله ان يخليك تندم على كل لحظة فعلتها !! انت تركتنا كلنا ورا ظهرك ولا اهتميت حتا لـ ابوي وامي !! احنا بـ الطقاق لكن ابوي وامي الي كل يوم يدورون لك عروس ومتحمسين لـ زواجك وانت اكثر واحد تمنوا يشوفون زواجه ويحضرونه ميرنك سحبت علينا ورحت تزوجت كذا وجيت الحين وهي معك ! بـ يخليك ابوي تطلقها ولا تحلم تدخل بيته!!
رفع سلمان اصبعه بـ توعد وتذكير : نذر اني ماطب بيت ابوي الا وهي معي انا مامشي خطوه وحده الا هي معي ! بـ تطردوني ماعلي منكم بـ روح و بـكمل حياتي معها بس اني اطلقها والله ما اطلقها
ضحك سعود وصفق بـ يده : بداية حلوه يا سلمان انساني وانسى كل اهلك عشان بنت توك عارفها مانك بـ صاحي
سلمان بـ ابتسامه : انت الي ما شاء الله تبارك الرحمن العقل والحكمه تراك اخس والعن مني وماجيت الرياض الا تدور ارجوان ! وانت عارف ان ابوي وابوها متهاوشين ومستحيل تقدر تتزوجها هـ ليش للحين تدورها ؟
عقد سعود حاجبه : انا هنا عشان البنات بـ يكملون دراستهم وش تخربط انت !
ضحك سلمان : نشوف يـا سعود اذا ما تركت الكل وتزوجت ارجوان غصبً عن الكل !
كان بـ يتكلم سعود لكن تركه سلمان ولف متوجه لـ سيارته , ركب ورغد ماسكه دموعها ماتبكي من كلامهم ورفع سلمان الشباك وطلع من الحي , وماسك نفسه لا يبكي للحين مو مستوعب كيف الكل شاف تصرفه خطأ ولا احد فكر فيه اذا هو عاجبه الوضع ولا , مستغرب تغير علي وليش عصب عشان شيء من حقه وماله دخل فيه , وسعود ماوقف معه وصار يعاتبه وزاد الهم همين , زفر بـ ضيق وحط يده على جبينه ويناظر الطريق , وعيونه مليانه دموع ولا قدر يشوف الطريق ولفت رغد عليه ونطقت بـ هدوء : سلمان ! سلمان اوقف شويه تكفى اهدا !!! سلمان ,
مارد سلمان عليها وتجاهل كلامها , وصرخت رغد بـ قوه من شافت نور السياره الي على جهتهم , وصحى سلمان من الي فيه وتدارك الوضع وابتعد عن السير , ووقف السياره وزفر بـ صعوبه ومسح وجهه ولف لـ رغد ونطق : اسف !
لفت رغد على سلمان وانهارت تبكي , مافهم سلمان من ايش تبكي ولا يعرف كيف يواسيها وهو يحتاج من يواسيه , ومافي حل غير انه يحظنها وحظنها بـ قوه ومحتاج ان احد يحضنه بـ هالوقت ولا احد منهم قدر يتكلم , وابتعد سلمان من رغد ومد يدينه لـ وجهه وثبتها على خدها , ويناظر بـ عيونها : نذر مايمسك ضرر منهم ولا احد يقدر يـتعرض لك !
رغد بـ بكى : انا خايفه حيل !
مسح سلمان دموع رغد بـ خفه : لا تخافين وانا معك !
ابتسم سلمان بـ وجهه رغد يحسسها بـ الامان , وصدت رغد وعدلت جلستها , وكمل سلمان طريقه متوجهين لـ الفندق .
-
« بـ بيت سعود »
دخل سعود البيت بـ سرعه ودخل على البنات , ووقفت ترف ونطقت بـ سعاده : عمي سلمان جـ...
قاطعها سعود بـ غضب : جاء ويليتها ماجاء !
انصدمت ليالي من كلام سعود وتقدمت له ونطقت : ايش صاير ؟
زفر سعود وجلس على الكنب رافع راسه لـ البنات الواقفات قدامه ، : سلمان متزوج !
شهقت ريتال ولفت ليالي بـ صدمه على سعود : شلون !!!!!؟؟؟؟؟؟
ترف : سعود تكفى قل انك تمزح !
سعود : ليش امزح !!! ذا شيء ينمزح فيه !
ماصدقت حور كلام سعود ونطقت : متاكد ؟ سالته عن السبب ؟
سعود بـ غضب : يهوو سلمان متزوج كويتيهه بعد وشفتها بـ سيارته !!!
انصدموا البنات من طرا انها كويتيه وللان مو مصدقين ان الشخص الي مايداني الزواج تزوج وبدون علم احد , لف سعود نظره على البنات وشاف ملامح الصدمه وعدم التصديق على وجيهم , وتنهد بـ قل حيل وطلع من البيت , ركب سيارته وشغلها متوجه لـ المطعم , واخذه التفكير , وندمان انه قلب على سلمان وقال له كلام ما يستاهله سلمان وعارف ان سلمان يحتاج من يوقف معه لكن سلمان غلطته كبيره وهو جاي لـ مجتمع متخلف وبتعاني رغد معهم
« بـ بيت سعود »
طلعت حور من دق حاتم عليها , ركبت ولفت عليها و ما استغربت هدوئه , وماتحمل حاتم وسالها : سعود صدق تحرش بـ بنت ؟
فتحت حور عيونها بـ صدمه وهي تعرف انه حاول يكلم ارجوان ودخل الشيطان لكن توقعت حور وحده ثانيه ونست ارجوان وهم مقفلين على السالفه من زمان: متى ؟؟؟
عقد حاتم حاجبه : ماتعرفين عن شيء ؟
هز حور راسها بـ النفي : لا والله وكيف سعود مستحيل يسوي كذا !
زفر حاتم ومشى متوجه لـ الفندق : مدري تهاوشوا سعود وسلمان وقال سلمان كه !
لفت حور لـ حاتم : اوف كيف تهاوشوا!!
شرح حاتم كل الي صار لـ حور وحست بـ ضيق وخوف على سلمان وعارفه ان الكل بـ يوقف بـ وجهه ولفت على حاتم وطلبته : حاتم تكفى كلم سعود عمي سلمان مستحيل يسوي شيء مثل كذا بدون سبب وهو مايحب الزواج شلون يتزوج ؟ تكفى ياحاتم لا تتركون عمي سلمان لـ وحده وكل الناس تغلط لكن نعطي فرصه ولا نتركه لـ وحده !!
حاتم : سعود اذا عصب يقول كلام ماينقال وسلمان راح وهو منكسر من اخوه وسعود راسه يابس ماضنتي بـ يرجع لـ سلمان ويعذر عن كلامه
حـور : الله يعين !
-
« بـ الديره , بـ بيت زياد »
الساعه 10 الليل , رجع زياد وشاف خالته قاعده بـ الصاله وضحك من عرف وش تبي ودخل عليها : سلام عليكم
رفعت نوف وجهها لـ زياد , ورفعت حاجبها : وعليكم السلام , تعال اجلس بـ قولك كلام
جلس زياد قدامها ومبتسم عارف انها بـ تطري الزواج : اسمع
نوف بـ غضب : انت سحبت علينا ورحت الرياض لك اسبوع وكل يوم تقول بـ عدين متى يازياد متى !!!
ضحك زياد واردف : يا خاله ابشري بكلم عمي بـكره وبقوله عنهم !
نوف : طلع جوالك يالله دق عليه !
عقد زياد حاجبه : العرب رقود الحين هههههههه
وقفت نوف ونطقت : بسوي برادي شاهي واجي
طلعت نوف لـ المطلخ وسوت شاهي , ودخل نادر وتقدم لـ الخاله نوف وحضنها من الخلف وضحك : ماقدر لي 24 ساعه ماحضنتك احس بنتحر !
ضحكت نوف ولفت على نادر وحضنته : ياكثر هبالك ياولد ! هههههههه
ضحك نادر وابتعد عنها واشر على الشاهي : اكيد عشاني ؟
ابتسمت نوف : لا عشان حبيبي زياد !
عبس نادر وجهه بـ كذب : اما ! والله يامي انتي تحبين زياد اكثر مني !
نوف : ايه تو تدري ؟
ضحك نادر وهو مو مصدقها : ايه ايه عشان كذا تبين تزوجين زياد وساحبه علي !
ماظرته نوف وضحكت : تبي تتزوج ؟
هز نادر راسه : من مايبي يتزوج يايمه !
ضحكت نوف واخذت برادي الشاهي وحطته على الصحن وطلعت لـ الصاله « مقلط » وجلست وجلس نادر معهم ونطق نادر بـ ابتسامه : اخباركك ياعريس !!
اخذ زياد البياله وشرب جغمه ونزلها : ياعريس ! هههههههه
ضحكوا وكملوا يسولفون ودخلت فرح وعبست وجهها وتوجهت لـ نادر وضربته بـ خفه على كتفه , ولف نادر على فرح وتهلل وجهه ونطق بـ صوت عالي وفتح ذراعه : يامرحبااا ارحببي يالاميرهه
تكتفت فرح وتناظر نادر بـ غضب , وعرف نادر سبب زعلها لكن سوا نفسه مايعرف ونطق : افا علامك ؟
فرح بـ تضجر : انت قلت لي انتظريني وبجيك وتركتني ماجيت !
رفع نادر حاجبه ونطق : اح انا سويت كذا ؟
هزت فرح راسها بـ تكرار ونطقت : ايوه انت رحت مع اصحابك وتركتني !
ابتسم نادر وسحب يد فرح ونطق : هـ ابشري بالي يرضيك بس تبين اسكريم نروح الحين نجيب اسكريم
ضحك زياد ونطق : ارتاح انا بجيب لها لا تكلف على نفسك
تجاهل نادر زياد ورفع فرح بـ سرعه وثبتها على كتفه ولف بـ يطلع من المقلط ونطق : مع السلام هههههههه
ضحك زياد والخاله نوف : نادر انتبه على فرح
نادر بـ صوت عالي : ابشري
وطلع نادر معه فرح متوجهين لـ البقاله .
-
« بـ الرياض , الصباح »
نامت رغد لكن سلمان ماقدر ينام ويحاول ينام لكن ماقدر وجالس على كنبه قدام السرير و مميل راسه ويناظر بـ رغد , زفر بـ ضيق ومسح وجهه بـ يده ورجع نظره لـ رغد , وتذكر يوم امه واخته نوره طردوا بنات نواف ولا دخلوهم الا بعد معاناه وللان تعاني زوجة نواف من امه واخته وقرايبهم , وكان سلمان يحدق بـ وجهه رغد ونسى نفسه تمامًا وفتحت رغد عيونها بـ بطىء لكن حست بـ نظرات سلمان لها , ورفعت راسها ونطقت : سلمان !! مانمت ؟؟
رمش سلمان بـ سرعه وزفر : هلا , ماجاني نوم نامي انتي !
ورفعت رغد خصل الشعر الي جت على وجهه , وقامت , متوجه لـ دورة المياه وغسلت وجهها ونشفته , ورجعت لـ سلمان , ونزلت الربطه من شعرها وانتثر باقي شعرها الي حاصرته بـ ربطه صغيره , وبلع سلمان ريقه بـ ارتباك داهمه فجاه و يناظر رغد بـ تدقيق , وتحاول تلم شعرها لكن الربطه ما ساعدتها و انقطعت , وزفرت بـ غضب ولفت على سلمان وبـ تضجر : افف ياربي استغفر الله العلي العظيم مالي خلق اطلع الشباصه الباجي كلهم ب الجنطه
ابتسم سلمان ونطق : اتركي شعرك كذا لا تلمينه !
عقدت رغد حاجبها بـ استغراب وتقدمت لـ السرير وجلست عليه وسلمان قدامها على الكنب ونطقت : سلمان فيك شيء ؟! ماحس انك مو على طبيعتك
هز سلمان راسه بـ النفي : مافيني شيء
ابتسمت رغد بـ خفه : متى نروح عند اهلك ؟؟
زفر سلمان وشتت نظره عن رغد , وما قدر يتكلم , وسكتت رغد ولا رجعت تسال , ونزل سلمان نظره على ساعته وشاف الساعه 8 الصباح ونطق : نطلع نفطر ؟
فزت رغد من مكانها : واخيراً زين زين حسيت فيني لانه طقت جبدي ! وانا منحكره بين اربع اطوف
ضحك سلمان ووقف : يالله اجهزي
تجهزت ولبست عبايتها وحطت الطرحه على شعرها , وطلعت خلف سلمان متوجهين لـ مطعم بـ يفطرون فيه .
-
« بـ بيت سعود »
جلسوا البنات حول السفره يفطرون ونطق سعود : جهزوا انفسكم لـ نمشي اليوم واسحبوا بكره وبعده !
ليالي : تمام
وكملوا يفطرون وطلعوا مع سعود عشان ترف محاضراتها قبل ليالي بـ وقت كثير , لكن مره وحده , ونزلهم سعود بـ الجامعه وكل وحده راحت لـ قسمها , ودخلت ترف اول محاضرها وساعدها الحظ واخذوا وقت قصير وطلعوا من المحاضرة ، وكانت الساعه 10 وجلست بـ زاويه ومقرره انها تسحب على المحاضره الثانيه والثالثه وترجع على نهايه المحاضره الثالثه عشان سعود بـ يحي ياخذها وطلعت جوالها ودورت رقم سلمان واخذت نفس بـ اصعوبه واتصلت على سلمان واخذ وقت عشان يرد ودقت مره ثانيه ورد سلمان : نعم
بلعت ترف ريقها بـ توتر ونطقت بـ لهفه : عمي سلمان !!
عرفها سلمان من صوتها وهي رقمها غيرته ونطق بـ نبرة فرحة : ترف !! ترف يابوي ترف اخبارك طمنيني عليك
بكت ترف ونطقت : عمي عمي سلمان !!! مره اشتقت لك فينك ماجيتني امس !
سلمان :امس ما امداني اشوفكم اعذريني
ترف : عمي تكفى تعال الحين خذني ! ابيي اشوفكك
سلمان : وينك فيه ؟
ترف : بـ جامعه ******
ابتسم سلمان : كنت متوقع انك كملتي والان تاكدت كفو ياترف كفو يابنتي !
ضحكت ترف بـ غصه وهي مشتاقه لـ سلمان بـ الحيل وقفلت منه وتناظره يجيها .
-
« بـ الديره »
دق زياد على عمه وقاله يجيه يبي منه طلب , وجلس بـ المجلس ينتظر عمه ودخل نادر , وضحك مع شاف زياد متوتر ونطق : متوتر ؟ ترا مو اول مره تخطب هههههههه
رفع زياد راسه لـ نادر ونطق : شرايك تسكت وتفكنا من حسك !
ضحك نادر وتقدم وجلس حول القدوع واخذ ثلاجه القهوه ويصب لـ نفسه فنجال وفتح بوكس الحلا وصرخ زياد : اتركهههه
نادر وهو مازال يفتح البوكس : اصبر اصبر
وقف زياد وراح لـ نادر بـ يسحب البوكس ووقف نادر بـ سرعه وطله يركض وخلفه زياد , ووصل لـ الباب وطلع وقف بـ خرشه ولف على زياد ووقف من شاف عمه وعيال عمه , وابتسم نادر بـ فشله: ارحبووواا
لف زياد على نادر واشر له ثم رحب بـ عمه وقلطوهم واخذتهم السوالف ونطق عم زياد « فيهد » : متى تبغى نروح نخطب !؟
زياد : الوقت الي تبغاه انا جاهز ومزهب اموري
نزل فهيد البياله : القابله باذن الله نروح نخطب
ابتسم حمود ونطق : الله يجيب الي فيه الخير ياولد العم !
زياد : اللهم امين
عبيد : مابحياتي انتظرت زواج احد كثرك !
ضحك زياد ومستغرب كيف كلهم ماصدقوا انه بـ يتزوج : ماندي ياعبيد هم يوافقون ولا لاتتحمسون
حمود : ليه وش ناقصك يولد العم عشان يرفضونك ؟
عبيد : وهو صادز يازياد!!
نادر بـ دخله خطا : البنت صغيره !
لف زياد على نادر وهمس : الله ينكبك
عقد فهيد حاجبه : كم عمرها ؟
تورط زياد وعمر ليالي 20 لكن : عمرها حول العشرين 23 حوله
لف نادر بـ صدمه على زياد والبنت يعرف ان عمرها 19 وزياد لف على نادر وعشان يقومه : قم وخذه غيره
قام نادر وعارف ان زياد يطرده واخذ ثلاجة الشاهي وراح لـ امه نوف .
-
« بـ الرياض »
وصل سلمان لـ جامعة ترف , ولف يدورها بـ نظره وتوقع انها طلعت لكن ابدًا ماعرفها بين البنات ولفت رغد على سلمان ومستنكره المكان الي هم فيه ونطقت : شجابني اهني وليش هل مكان يعني ؟!
التفت سلمان لها : باخذ ترف
عقدت رغد حاجبها وهي نست من ترف : ترف منو ؟
سلمان : بنت اخوي باخذها من الجامعه دقت علي تبيني اجيها
تذكرت رغد كلامه وعده لـ اسماء البنات ونطقت : انت تبي بس ترف وبنات اخوك والي عددت لي اسمائهم الباجي ؟!
ابتسم سلمان بـ ضيق : ماحد دورني غير ترف
تنهدت رغد بـ قل حيل ونزل سلمان من السياره ودق على ترف وردت : ترف وينك ؟
لفت ترف تدور سلمان بـ نظرها : عمي وينك انا برا ؟
سلمان وهو يدورها بـ نظره : انا عند البوابه *****
عرفت ترف مكان سلمان وتوجهت له ووصلت وشافت سلمان ورفعت جوالها واشرت بيدها : شفتني ؟
لف سلمان وشافها وابتسم ابتسامه عريضه: ايههه !!
قفلت ترف وتوجهت لـ سلمان وركضت وقت ما قربت منه وحضنته بـ قوه والشوق ذبحها, وبادلها سلمان , واخذت وقت ترف ثم ابتعدت والدمعه بـ طرف عينها ونطقت : عادي ابكي ؟
ضحك سلمان وحضن طرف ترف : لا مو عادي ياني مشتاق لك كان لي سنه
ترف : عمي لا عاد تسافر كذا وتطول !
سلمان : ابشري تعالي اركبي وندور لنا مكان !
ركبت ترف السياره ولفت عليها رغد ومدة يدها ونطقت بـ ابتسامه : هلا والله فيج ياروحي
استنكرت ترف البنت لكن شكت انها البنت الي تزوجها سلمان ومدة يدها وسلمت على رغد : هلابك يقلبي
بعدت رغد يدها ونطقت : انا زوجة سلمان !
ناظرتها ترف بـ تدقيق ونطقت : تشرفنا ! ترف
رغد بـ ابتسامه: عاشت الاسامي ياقلبي !
ترف : عاشت ايامك
لف سلمان عليهم وبـ ملل : بتقعدون تردون على بعض كه لمتى ؟
ضحكت ترف : اصبر ! هههههههه
ضحكت رغد ولا تكلمت ولا حبت تشارك باي كلام لهم وسكتت وتقدمت ترف لـ المرتبه ولفت وجهها لـ سلمان ونطقت : عمي وش سويت طول الشهرين ؟
سلمان ونظره على الطريق : ابدا من وين ؟
لفت ترف وجهها لـ رغد وتبي تعرف عنها شيء ونطقت: مثلًا كيف تعرفت على رغد !؟
لف سلمان نظره على رغد ورجعه بـ سرعه ونطق : كل شيء صار فجاه
ترف : طيب فهمت انك قاعد تتهرب لكن نمشيها
ضحك سلمان ونطق : خليك مني قوليلي انتي كيفك ! وش سويتي كيف حياتك بدوني ! متعبه صح ؟
ترف : عمي وربي كرهت سفرتك ذي اول مره تطول كذا ! يخي فكنا من السفريات هذي لانها ماتعجبني ابدًا
هز سلمان راسه : ابشري تامرين بشيء ثاني ؟
تنهد ترف ونطقت بـ هدوء: عمي سلمان ياعمي البنات وسعود بـ يرجعون الديره اليومين ذي وانت مابي !
رفع سلمان حاجبه بـ استغراب وطرا على باله انه يستغل الوضع ويروح معهم ويكونون معه لكن تذكر كلام سعود واذا هم بين بعض قال كذا كيف قدام ابوه زفر بـ ضيق ونطق : روحي ليش ماتروحين ؟
عدلت ترف جلستها و هي كارهه الديره بـ سبب الكلام الي للان يتادول عنها وانها مو بنت ، و كلام امها ودقات اقاربهم بـ الكلام لها ونطقت والدمعه بـ طرف عينها : انت تعرف ليه ماحب !
توقع سلمان ان السالفه الي حاول يقفلها لكن مافي امل و بـ كل مره يرجعون يطرونها : ماعليك من كلامهم خل يقولون الي يقولونه انا عارف انك قويه وماخليتيهم يقربون منك ! ولا ياترف ؟
هزت ترف راسها بـ الايجاب ورجعت ظهرها لـ المرتبه وتناظر الشوارع والسير من الشباك وتتامل الابراج وتحاول تكتم شهقاتها وبكيها ولا يحسون فيها , و وصلوا مطعم ونزل سلمان ومعه رغد وترف , وعلى ان رغد مو فاهمه ولا شيء من كلامهم الا ان اكلها الفضول تعرف شنو يقصد سلمان وكلام الي يقولونه لـ ترف , وجلسوا حول طاوله وجلس سلمان جنب ترف , وطلب اكل , و وقت انتظار الاكل لف سلمان على ترف , ومسك بدها وشد عليها بـ قوه وابتسم : مو قلت لك مره بـ نخلي كل الناس خلف ظهورنا ونسوي الي براسنا ؟ قلناه ولا ؟
ضحكت ترف وهو فعلًا سلمان قال لها هـ الكلام : ايوه
سلمان بـ ابتسامه : اجل اليوم انا وانتي بـ نسوي كل شيء بنروح كل مكان ولا همني سعود يقول الي يقوله ونرجع بكره الديره !
ضحكت ترف و ما تنكر انها خايفه من الفكره وممكن سعود يسوي شيء : حـ...ـلو بـ..ـس .......
عقد سلمان حاجبه و ما عجبه تردد ترف وخوفها : بتخافين ؟ اذا بتخافين مراح تعيشين ترا
تنهدت ترف وفاهمه ان كلام سلمان صح ونطقت : تم وبكلم البنات يشغلون سعود ويقولون اليوم مانبي نمشي ونمشي بكره وقت مايطلعون خلفهم على طول !
سلمان بـ ابتسامه عريضه : توكلنا على الله
لفت ترف ووصل الطلب , وبدوا ياكلون , ورفعت رغد راسها لهم ومنتبه لـ تعامل واهتمام سلمان لها وكيف يحرص عليها تاكل ومتعجبه بـ اهتمامه واذا هي بنت اخوه كيف بنته .
-
« بـ بيت سعود »
دخل سعود البيت و لف على ليالي ونطق بـ غضب : شلون تطلع ؟ مو قلت انا الي باخذكم واوديكم بـ الجامعه ؟؟ ولا
عقدت ليالي حاجبها ومستغربه انفعاله : سلامات وش فيك معصب ؟ ترا ماسوت شيء غير انها راحت مع سواق لـ البيت ! وش فيها ؟
رفع سعود حاجبه بـ استغراب وكيف الوضع عادي : ليالي !!!
مشت ليالي وتركت سعود خلفها ونطقت : اليوم مراح نمشي خله بكره
تقدم سعود بـ سرعه ولفها ووقفت ونطقت بـ غضب : شنو صاير لك انت ؟ من جينا هنا وانت منلذع ؟؟ مو سعود الي خابرينه ولا سعود يترك اخوه ويوقف ضده !
ناظر سعود ليالي بـ صدمه واستنكر كلامها ونطق : شتقصدين ؟
ناظرت ليالي بـ عيون سعود وضربته على صدره ونطقت بـ كل قوه : اقصد انك ضعيف على مواجهة سلمان وعارف ان الي سواه سلمان اهوه من سالفتك ! سلمان عصب عليك صح عشان الي سويته حرام !!!! عكسه هو ! سلمان تستر عليك ولا فضحك ترا يقدر يروح يعلم ابوي ويذبحك ويعلم ابو ارجوان و تنذبحون ! وكلنا نقدر نروح ونقولهم وحور وترف وريتال كلنا نعرف لكن ساكتين عشانك بس انت ؟ لـ طاحوا اخوانك مارحت ساندتهم ! فايز وينه ؟ فايز بالسجن محكوم عليه فوق 20 سنه !!! ولا رحت ساعدته وحاولت تنزل الحكم ! وشايف بناته وعياله ومرته!!!! وسلمان قالها بـ وجهك انه منحد ! وطلب منك الفزعه ! وانت وقفت بوجهه ! ونواف يوم جاء ومعه بناته ؟مانطقت بحرف ! يا سعود كل يوم انصدم فيك ! كل يوم الاحظ التغير الي صاير فيك ! كل الي صاير بسبب ارجوان ؟ هل فراقها سوا فيك كذا وخلاك كذا !!! انت مو خالي الي كنت افتخر فيه وبشجاعته ! قلبت شخص ثاني ! حرفيًا معاد اعرفك ! وعلى المعلوميه ترا سلمان هو الي اخذ ترف ! وترف ماهي بالبيت هي مع سلمان !
تجمد سعود بـ مكانه من كلام ليالي وحس كانه يصحى ويستوعب الي قاعد يصير و بـ كل كلمة تنطقها ليالي يصحى ويسترجع كل الي تـتكلم عنه وماينكر انه تغير وصار شخص عصبي ومايتحمل اي شيء وينفعل على كل شيء حتا لو تافهه وزفر بـ ضيق ولف بـ يطلع من البيت والبنات تركوه ولا انتظروا منه اجابه وقعد على عتبت البيت وتذكر عتبت بـيت ابوه المقابل لـ بيت ابو ارجوان وانتظاره لـها ولو صدفه تطلع ويشوف زولها , والضيق اكل قلبه وتأنيب الضمير على كلامه لـ سلمان وعارف ان كلامه وموقفه غلط بـ غلط و وده يدق عليه ويعتذر منه لكن صعب عليه بـ الحيل وطلع جواله و طول التحديق فيه وفتحه ودخل على سجل المكالمات وعبس وجهه بـ ضيق ونطق : ليش مستصعب المكالمه !!!!!
قفل جواله و وقف وتوجه لـ سيارته وركبها متوجه لـ المطعم ويشوف وش مهبب راكان من جديد ويعدل عليه ويتناسى الموضوع .
-
« بـ الديره , بـ بيت الجد ناصر »
جالس مجيد وجنبه جابر وماد رجوله عشان الجبس ومجيد ماسكه تشمات ولف جابر بـ غضب على مجيد وضربه بـ كتفه : كل تراب يابو سبع ارواح كل يوم تطيح ولا تتكسر يهب !
فتح مجيد عيونه بـ قوه وفز من مكانه ونطق : اذكر الله !!
ضحك جابر وذكر الله وتجاهل مجيد ومجيد يلف ويدور حول جابر ومشغله ربي يتشمت على جابر ودخل الجد ناصر , وهجد مجيد ولف على الباب ومبتسم : ارحبب يابو فايز !
ما ناظره الجد ناصر وللحين معصب على مجيد وهو حرق الدواليب وجلس ورمي عصاته على الارض ومجيد بلع ريقه بـ خوف وواضح في شيء وهمس لـ جابر بـ ببكى : يجابر الفزعه !
ضحك جابر ونطق : دبر نفسك
دخل نواف ولف مجيد وابتسم , وجلس جنب الجد ناصر ووقف مجيد بـ ينحاش ونطق الجد ناصر : عبدالمجيد اقعد !
فتح مجيد عيونه بـ قوه وصار يتشهد وجلس قدام الجد ناصر ويصب له قهوه ويمد له التمر يبي يشغله باي شيء , وناظره الجد ناصر ونطق : وش مهبب انت ؟ يولد الشيب ملا راسي ! معاد بقي من عمري شيء وبيهدي وانا اعدي وراك !
مجيد ونظره على القدوع : الله يطول بـ عمرك ياجدي لكن انا ماسويت شيء !
نزل الجد ناصر الفنجال بـ قوه ونطق : منحاش من المدرسه !
شهق مجيد وحاول يجحد : اوففف ياجد انا ما انحاش انا ولد متربي ولا اعرف هالاشياء المخنزه !
الجد ناصر : التربيه بوادي وانت بوادي ! ابك افتكيت من سعود جيتني انت ! عز الله نسخه ماخليت من عمك لون !
ضحك نواف ونطق : معليه معليه شباب ومراهق مايقعدون بـ مكانهم لازم يجربون كل شيء يابوي!
ابتسم مجيد لـ نواف وينتظره يغير الموضوع ونطق الجد ناصر : مراهق مراهق !! اعقل اعقل ياولد لاتفضحنا مانا بناقصين فضايح !
مجيد : ابشر على خشمي
رفع الجد ناصر فنجاله يتقهوى, ولف جابر على ابوه : متى بفتك من ذي ؟ لي فوق الشهر طلعت كبدي !
نواف : مطولهههه !!
زفر جابر بـ ضيق ونطق : ابي اطلع خل نطلع !!
مجيد وهو ياكل بـ التمر : عمي سعود والبنات بيجون الليله !
تهلل وجه الجد ناصر وهم لهم بـ الرياض ثلاث اسابيع وكانه ثلاث سنين عند الجد ناصر ونطق : الله يوصلهم بالسلامه والله اني فاقدهم !!
لف نواف وجهه لـ الجد ناصر ومبتسم ويسمع كلامه عن حفيداته وكيف انه اشتاق لهم وفقدهم مره وفقد الغاليه الي بـ كل ليلة تحرص على اكله ودواه ونومه وراحته ولبسه واحواله كلها ونطق : راحت وبعدت عني الي تهمز لي رجولي وتروي لي بالحكايات وتطلع وتمشيني لـ اشرقت الشمس وماحبيت وقت الشروق الا منها والبنيت كثار مير ان بنيتي ليالي غير عنهن كلهن واخذت الصفات الي فيني كلها واقوى البنيت هي فيه ريتال بنت نوره قويه وتاخذ حقها بنت نوره قويه لكنها ضعيفه ضعيفه تضعف بامورن واجد ! ماهي مثل ليالي ! ليالي صغيرة عمر وكبيرة عقل ! تفهم وتفرق بين الصح والخطا ! واعقلهن واهداهن واذا شفتها مو نفس دايم عرفت ان بنت نوره لعبت فيها وبنت نوره مرجوجه ! تهاوشت مع عيال بـ الحاره وطقتهم والله انهم متصرعين بالارض ! وهي سليمه مابها شيء !! وليالي نفسها ماتباعدها مير انها اعقل !
مجيد انسجم مع الجد ناصر ومنعحب بـ وصفها لها وكانه يوصف رجال مو بنت ونطق : جدي وخواتي !؟
ضحك الجد ناصر ونطق : ترف الله يعينها ضعيفه ضعيفه بالحيل وبيكسرونها العرب ! مير ان الكبيره بـ تعيش وهي راحت بين الـ****** والعرب ذول مجنن
مجيد : اشوا وحده طلعت
ضحك الجد ناصر ونطق : دق على سعود قوله متى يوصلون
دق مجيد على سعود ورد وساله وفهم انهم بـيمشون بكره ونزل جواله ولف على الجد ناصر ونطق : ياجد بيمشون بكره يقول جته شغله وانشغل !
تغيرت ملامح الجد ناصر وبان عليه الزعل والضيق : صدز !
نواف : خيره يايبه !
هز الجد ناصر راسه بـ الايجاب , وكمل يتقهوى والعيال حوله يسولفون .
-
« بـ الرياض , الاربعاء « الصباح 9:25 »
جهزت ليالي اغراضها ولا كثرت لان فقط ثلاث ايام ويرجعون ومتحمسه بـ شكل كبير ومشتاقه لـ الجد ناصر بـ الحيل ودخلت عليها ريتال ونطقت عابسه وجهها : تخيلي ترف تصور طالعه الـ***** وموديها خالي سلمان لـ اماكن تجنننن!! وربي وسعود بغى يذبحني عشان جينا مطعمه !
ضحكت ليالي : تراك قد جيتي كل هالاماكن ! هههههههه
جلست ريتال على سرير ليالي ونطقت : ايوه قد جيتها لكن ابيكم معي ! مو طبيعي سعود رافض ! وش عنده الرجُل القيور !
لفت ليالي وجهها لـ ريتال وانهارت تضحك من كلامها وحاولت تكمل اغراضها لكن ريتال اخذت سعود ذبات ونطقت : وربي انك اسطورتي وربي انقهرت من كلام حور حاتم بخور السوق كل شيء قاله !
ضحكت ليالي ونطقت : وهم ما انفجروا على بعض الا قدام حاتم ! هههههههه
ضحكت ريتال ونطقت : كملي كملي اغراضك وانا بدق على خالو سلمان خل يمرني
رفعت ليالي حاجبها ضاحكه : روحي روحي دقي على خالو هههههههه
طلعت ريتال وكملت ليالي اغراضها وسحبت جوالها وشافت مكالمه من فرح , وهي اشتاقت لـ فرح مره ورجعت تتصل عليها وردت كام , وثبتت ليالي الجوال على الرف وتطلع الميكب حقها وردت فرح وصرخت من شافت ليالي : ليلييييي !!!!
فز زياد وهو كان بـ جانب فرح ولف وجهه لها وشافها على الايباد ومثبته على مركى ومنسدحه على بطنها وتكلم ليالي ويسمع زياد صوت ليالي وضحكتها وسوالفها , ويدعي ان اليوم يعدي على خير وتتم الخطبه ويوافقون , ومسوي نفسه منشغل بـ جواله وهو كل تفكيره معهم , واشغله ربي يسمع وش تقول فرح ولا تجيب العيد ورفعت فرح الايباد وقلبت الكامره على زياد ونطقت : شوفي زياد عندي !
تجمد زياد بـ مكانه وفتح عيونه بـ قوه , ونزل نظره على شكله وشاف ثوبه وحمد ربه انه ماطلعه , وينتظر فرح تبعد الايباد لكن فرح تقدمت وحطت الجوال قدام وجهه زياد ونطقت : زياد زياد عاين !
رفع زياد راسه لـ فرح , وحرفيًا ابتلش وليالي تجمدت واسترجعت سوالفها شنو قالت وماتدري تقفل المكالمه ونزل زياد الايباد من يد فرح وحطه على الفرشه وبان شكل ليالي بـ الايباد وحاول يصد عن الجوال , وماسمع الا شهقت ليالي وتقفل المكالمه , ولف على فرح وضربها على كتفها بـ خفه ونطق بـ غضب : وش تسوين انتي ؟؟؟
فرح بـ ابتسامه غبيه : مو اليوم بـ تروحون و تخطبونها ؟ وتصير حرمتك ! خلاص عادي
ماقدر زياد يقول لها شيء ويحاول يكتم ضحكته واخذ الايباد وعطاها : روحي روحي الله يصلحك ! هههههههه
ابتسمت فرح واخذت ايبادها وطلعت تركض لـ الخاله نوف , و وقف زياد وطلع لـ الحوش وشاف نادر ونطق ضاحكًا : اليوم بـ تلقاء شبيهينك !
مافهم نادر وش يقول زياد ونطق : ها ؟؟؟
ضحك زياد وتقدم لـ نادر وجلس جنبه , وصب نادر لـ زياد شاهي : وش تقول انت ؟
ضحك زياد ونطق : في لونككك عند الي بـ بنروح لهم الليله ! نفس هبالك نفس جوك
لف نادر وجهه لـ زياد بـ حماس : احلف ! العب ابو الوناسه اشوا كنت شايل هم !
ضحك زياد : و لا هم ثنين وكلهم ثالث ثنوي
نادر : ابك؟ وش جابني لـ الوراعان ذول ؟
اخذ زياد البياله بـ يشرب : وانت ايش ؟
ابتسم نادر ونطق : وصل
ضحك زياد وكملوا يسولفون و بعدها قام زياد يزهب اموره .
-
بـ الرياض »
وقف سلمان سيارته قدام بيت سعود ونطق : اغراضك جاهزه ؟
ترف : كلها جاهزه
رجع سلمان ظهره لـ المرتبه ونطق : انزلي وتعالي بـ سرعه خل نمشي !
نزلت ترف ودخلت البيت وشافت سعود ينادي على البنات وياخذ شنطته بـ يطلعها والقت السلام وتوجهت لـ غرفتها وطلعت اغراضها وشنطتها ونزلت وشافت سعود واقف عند الباب ينتظرها وماكلمته , لكن سعود وقفها : ترف !
التفت ترف لـ سعود : نعم !
زفر سعود ووده يـسأل عن سلمان ونطق : سلمان برا ؟
ترف : ايوه برا وبنمشي لـ الديره
ناظرها سعود بـ صدمه ونطق : الحين !
ترف : الحين
وتركته وطلعت من البيت وشافت سيارة حاتم ونزلت حور وتوجهت لـ سلمان , ونزل سلمان من السياره بـ وجهه بـشوش ويرحب بـ حور : يامرحبا يامرحبا بـ ام عتيق !
توجهت حور لـ سلمان وحضنته : هلابك ياعميي !
ضحك حاتم ونزل من السياره ولف على سلمان : عتيق لو يستعجل ويجي !
لف سلمان وجهه لـ حاتم وحاضن حور من كتفها ونطق : يبت له هديه شكيت ان حور حامل !
لفت حور وجهها لـ سلمان ونطقت : ياعمي تونا ! وش مسعجلين له !
ضحك سلمان واشر على حاتم : دام حاتم ابوه ماهو بمطول !
فهم حاتم على سلمان وضحك وتقدم لـ حور ومسكها من يدها ونطق : يبوي لزقت فيها خلها لنا !
ضحك سلمان ونطق : تراها بنتنا !
ضحك حاتم وركبوا حور وحاتم السياره وسلم على البنات ونزلت رغد وسلموا عليها وكانت اصواتهم الكل يسمعها وطلع سعود وشاف البنات حول سلمان ، ولف سلمان وجهه لـ سعود وطول النظر بـ عيونه وتقدم سعود وحاول يـشجع نفسه وساعده سلمان من تقدم وراح سعود لـ سلمان وحضنه بـ قوه , مارده سلمان وحضنه وهمس سعود : تكفى ياسلمان سامحني !
سلمان بـ نفس الهمس ونطق من قلبه : ماسويت شيء غلط عشان اسامحك انت قلت الصدق !
ابتعد سعود عن سلمان , ويناظر بـ وجهه وسلمان بـ ابتسامه: كل الي حدث كان عمل الشيطان ! واعوذ بالله من الشيطان ، ولا نكمل زعل واحنا اخوان ومتربين مع بعض ولا تربينا على الحقد والكره ! ومثل ماقال ابوي الله يطول بـ عمره « لو يصير الي يصير اخوك اول من تدوره ماحد بشاد ظهرك غيره »
تفشل سعود من سلمان ولا يقدر يحط عينه بـ عين سلمان وتقدم سلمان وحضنه مره ثانيه ونطق : توكلنا على الله لـ الديره والي فيه الخير بـ يحصل لنا !
ابتعد سعود من سلمان وباس راس سلمان وراح لـ سيارته ومعه ليالي وريتال , ومشى وخلفه حاتم وحور وركب سلمان ولفت رغد وجهها لـ سلمان وهي صايره تفهمه اذا تضايق او فرح , وملامح الضيق ملا وجهه , وحطت يدها على يده ونطقت : هو لا تحاتي الموضوع اييي بـ التفاهم وانك تكون هادي والله العظيم والي خلق البشر كلها هذي السالفه سالفه وقت واكيد راح يتعودون عليها بس انت لازم تكون طويل الباب وهادي وكل شئ ايي الين اهم شئ تاخذ اخوانك انت على صوب و تفهمهم واكيد اخوانك ماراح يخلونك راح يكونون معاك وتوكل على ربي سبحانه ومافي يشئ صعب واذا انت تفكيرك ان شلون ابوك تبي تعمله عادي بسيطه دام انت علمت اخوانك وفهمتهم اكيد راح يكون معاك ويساعدونك عشان تلين قلب ابوك وعشان بعد ماتكون ابروحك وكون هادي تمام اتفقنا؟! تعلمه عادي بسيطه دام انت علمت اخوانك وفهمتهم اكيد راح يكون معاك ويساعدونك عشان تلين قلب ابوك وعشان بعد ماتكون ابروحك وكون هادي تمام اتفقنا؟!
ابتسم سلمان ونظره على عيون رغد , ودخل اصابعه بـ اصابع رغد وشد عليها بـ قوه ونطق : اتفقنا و وعدي بـوفي فيه ومايمسك ضرر منهم !
ابتسمت رغد ورفع سلمان يدها وقبلها , بـ شده وترف تمنت الارض تنشق وتبلعها وحرفيًا سلمان نسى امرها , وانهارت من شافت لطافت عمها ونظراته لـ رغد , ومبتسمه ماتعرف ليه , ورغد تهربت من نظرات سلمان وصدت لـ الجهه المقابله , ولف سلمان وجهه وطاحت عيونه على ترف الي واضح الابتسامه من وجهها وكانت قريبه منهم مره , وضحك سلمان , وتلاشت ابتسامة ترف ونزلت يدينها الي كانت على فكها وتتامل رغد وسلمان , ورجعت ظهرها لـ الخلف وصدت عن سلمان ومتفشله بالحيل , وسلمان كمل طريقه خلف سعود وحاتم , وترف بـ الخلف وتتامل هدوء علاقتهم وتبادل النظرات بينهم , ومتحمسه يوصلون وتقول لـ البنات شنو صار .
-
« على صلاة العصر »
مشوا نص المشوار وبقي لهم مسافه ويوصلون ديرتهم , وهي بعيده عن الرياض بـ كثير , و وقفوا عند محطات ونزلوا يصلون صلاة العصر , وتوجهوا البنات لـ قسم النساء وصلوا وكذلك الرجال , و وانتهوا من الصلاه ولفت ليالي على رغد ونطقت : لا تخافين !
التفت رغد لها و مافهمت شنو تقصد : من شنو ؟
التفتوا البنات لهم وكانت ليالي مستنده على الجدار ورغد واقفه قدامها ونطقت ليالي : لا تخافين من خوالي دام سلمان معك
ابتسمت رغد وهي فهمت انها تقصد الرفض الي ممكن يواجهم وكملت ليالي : سلمان حنون وابوي احن منه ! ممكن بيقصى وبيزعل لكن بعدين بيرضى مستحيل يترك عياله وحتا لو تركهم بيرجع لهم ! لكن جده فاطمه .....
فهمت حور وش تقصد بـ الجده فاطمه وغيرت الموضوع : بنات انا جوعانه بـ شكل !!
لفت ريتال على حور وناظرتها من فوق لـ تحت وهي تو تفطن بـ هالموضوع بعد كلام سعود وحاتم اليوم ونطقت : كملك متزوج انتي ؟
لفت حور لـ ريتال وانخرشت من سوالها : بسم الله وش دخلك ؟؟
ريتال : كملككك ؟؟
حور : يمكن ثلاث شهور اربعه ليه ؟
شهقت ريتال وحطت يدها على صدرها : يا خراشيييي وللحين مو حامل ؟؟؟
ناظروا البنات ريتال بـ صدمه وانصدمت رغد ونطقت بـ صدمه وخوف : شنو لايكون لازم من اول شهر يحملون ؟
التفتوا البنات لـ رغد وماتوا يضحكون , ورغد للان مو فاهمه وش يضحك ونطقت حور ضاحكه : ماله دخل لكن ريتال متحمسه وتبيني اجيب بيبي !!
ريتال : جد اتكلم لك اربع شهور ؟؟؟
التفت حور بـ غضب على ريتال ونطقت : يبوي اسكتي تكفينن لو انتي كان من اول شهر وحامل بعد تبين تتزوجين عساف عز الله كدينا خير !
عقدت ريتال حاجبها : حبيبي وش دخل ذا بذا ؟ واذا تزوجت عساف ؟ ان شاء الله اجيب 15 ولد بعد ! وش تبين ؟
ضحكت ليالي ونطقت : يا ساترر !! يمه ماتخيل اني لو تزوجت بجيب اكثر من 4
التفت ترف وناظرت ليالي بـ طرف عين : حبي بعد كبت المويه ومسكت الخصر بيخطبك زياد اليوم قبل بكره و زياد ما شاء الله مايحتاج اتكلم !! هههههههه
ضحكت ريتال وضربت كفها بـ كف ترف : كفوو تربيتييي
نزلت ترف كفها وضربتها على كتفها : كل تراب !
ولفت حور على ترف ونطقت ضاحكة : ترف ياليت بس مسكت خصر ! الا فستان احمر واشياء واجد!!! زياد حافظها حفظ و يوم شالها ! اوففف هههههههه
عبست ليالي وجهها وماعجبتها سوالف البنات وعصبت مره , ونطقت بـ غضب : وجع توجعكم ! خير وش ذالكلام اعوذ بالله !!!
وطلعت ليالي وهي كل مالها تحاول تنسى زياد لكن يذكرونها البنات وماتبي حتا يطرون اسمه لكن التفكير يخونها ويمر ببالها , وتوجهت لـ سيارة سعود ووقفت تنتظر يطلعون , وطلعوا البنات وشافوا ليالي واقفه جنب السياره ومتكتفه وواضح انها معصبه وماقدروا يمسكون نفسهم وماتوا يضحكون , ودخلوا بـ سرعه المصلى لان الرجال قاعدين يطلعون , ورغد ماتعرف وش صاير لكن ضحكت من ضحك البنات , وانهارت من ضحكت ريتال , ووقفوا يحاولون يسكتون ريتال ويهدونها وهدت بعد معاناه , وطلعوا ومنزلين راسهم مايبون يناظرون بـ ليالي ويضحكون وراحت ريتال مع سلمان ورغد , وحور مع حاتم , ومشوا مكملين طريق و دخلوا محافظه وراحوا لـ اقرب مطعم واخذوا غداهم وطلعوا من المحافظه , ووقفوا على الخط , ونزلوا العيال الزوالي وحطوا زوليتين وجلسوا البنات على وحده والعيال على وحده , وتغدوا ثم وقف سلمان بعد ما انتهى اكل وغسل وتوجه لـ البنات وجلس جنبهم وهم للان يتغدون , ويناظر رغد وعارف انها مبتلشه ماتعرف كيف تتصرف , ونزل راسه يكتم ضحكته , من جلستها وبلشتها بـ الاكل وماتعرف تاكل بـ ايدها ومافي ملاعق , وحاولت تاكل لكن ماقدرت تكمل , وسلمان عارف انها ما افطرت زين والان ماقدرت تتغداء و وده يتجراء وياكلها لكن البنات وماقدر , وخلصوا غداء و وقفوا البنات وبدوا يغسلون ويشيلون الزوالي , ولف سلمان عليهم : ولا وحده تروح معي سيارة سعود وش مقصره فيه !
ضحك سعود ونطق : طرده حلوه هههههههه
عبست ريتال وجهها ونطقت : افا يخال افا يسلمان !
ضحكت ترف وتقدمت لـ ريتال وسحبتها وهم متوجهين لـ سيارة سعود همست : رغد ما اكلت وعمي سلمان شال هم وهي مافطرت كمان ! واتوقع بـ يرجع لـ*** وبياخذ لها اكل !
لفت ريتال وجهها لـ ترف ورفعت يدها تدعي : يارب ترزقني واحد نفس خالي سلمان !
ضحكت ترف وركبوا سيارة سعود , ومشوا لـ الديره , و دخلوا محافظه ثانيه وخلفهم سلمان وتوجه لـ مطعم , ونزل واخذ لـ رغد اكل ماعرف وش ياخذ لكن اخذ شيء تقدر تاكله زين , ولفت رغد وجهها لـ سلمان ومستغربه وقفتهم عند المطعم وركب سلمان ومد الاكل لها وضحكت رغد من شافت الاكل ولا توقعت ان سلمان بـ يركز بـ اكلها: مو منصجكك!
قفل سلمان بابه ولف لـ رغد : انتي ماكليتي ما افطرتي ولا تغديتي ! بتدوخين كذا !
نزلت رغد الاكل ولفت على سلمان ومبتسمه ماتعرف وش تقول وهي تسرها التفاصيل البسيطه وتعشقها مره , وعدل سلمان جلسته وشغل السياره : هيا اكلي وبلحق العيال لا يذبحوني !
ضحكت رغد واخذت الاكل بـ تاكل وكمل سلمان الطريق .
-
« المغرب بـ بيت الجد ناصر »
صلوا الرجال بـ المسجد ورجعوا البيت وفتح مجيد الباب الكبير , وشغلوا انوار البيت وشغلت الجد فاطمه على الجمر , و الجد ناصر واقف عند الباب ويناظر بـ العيال ودخل عساف بـ ابتسامه ونطق : ياهل البيت !
لف الجد ناصر لـ الباب وشاف عساف داخل ونطق : يامرحبا يامرحبا بـ ولد مسعود اخوي ! حي الله بولد اخي !
ابتسم عساف وتقدم لـ الجد ناصر وباس راسه ودخل محيد يركض ومعه العوده , فتح عيونه بـ قوه من شاف عساف ونطق : اليوم متفقين كلكم تجون مره وحده ؟؟
ضحك عساف ونطق : من بيجي بعد ؟
لف الجد ناصر لـ عساف : سعود والبنات وحاتم ومرته وزياد وعمه فهيد جاين اليوم بس اني ما استفسرت عن جيتهم !
تقدم مجيد ومشى على جده وتقدم لـ عساف بالعوده ونطق عساف : بـ زواجك !
مجيد بـ نذاله : على بنتك !
رفع عساف وجهه لـ مجيد و عاقد حاجبه : تخسي !
فتح مجيد عيونه وضحك بـ صدمه : افا !!!
ضحك الجد ناصر ونطق : والله انك اقديت ولا ذا واحد يزوجه بنته ! بتضيع البنت
ضحك مجيد ودخل المجلس ولف الجد ناصر على صوت السيارات , ودخلت ثلاث سيارات , وتهلل وجهه من عرف سيارة سعود وانتبه لـ سيارة سلمان وفرح من شاف سلمان وله فتره طويله ما شاف سلمان , ورفع عصاته لـ السماء : يامرحباا بعيالي تو مازان بيتي !
وكمل يرحب فيهم ونزلوا العيال من سياراتهم وتوجهوا لـ الجد ناصر , الا سلمان ماقدر يروح له ونزل من السياره ويناظرهم من بعيد , وهو مشتاق له بالحيل , ويشوف سلامه لـ البنات وحبه لهم وحضن ليالي بـ قوه وماقدرت تتحمل ليالي وبكت , وضحكوا على بكي ليالي , ولف الجد ناصر لـ سلمان واستغرب بعده , ونطق بـ فرحهه واضحه من نبرة صوته : تعال يا سلمان ليه ماجيت !؟
امتلت عيون سلمان دموع وندم على كل لحظه خطاها بدون علم ابوه وندم على زواجه وخاف انه يكدر خاطره وواضحه الفرحه عليه , ونزلت رغد وتقدمت لـ جانب سلمان , وشبكت يدها بـ يد سلمان , وتلاشت ابتسامة الجد ناصر من شاف البنت الي جنب سلمان , وكانت ملامح الصدمه باينه على وجهه ولف نواف على ابوه بـ يكلمه وشاف نظراته ولف على المكان الي يناظر فيه وانصدم من شاف البنت , ونزل نظره على يد سلمان وكان حاس والان تاكد ورجعت فيه الذاكره لـ وقت رجعتله لـ الديره ومعه بناته ومتاكد ان سلمان بـ يمر بنفس الي مر فيه , ومجيد لف من شاف البنت كاشفه واستحى من عمه يناظر فيها , والجد ناصر مانطق بـ حرف ينتظر سلمان يتقدم ويتكلم , وتوتر الجو بينهم بعد ماكان سعاده انقلب مية وثمانين درجه , لـ توتر وخوف من الي بيصحل , وطلعت الجده فاطمه بعد ماقالوا لها ان العيال وصلوا , وسمعوا صوتها من بعيد والتفتوا كلهم لها : ياهلا بعيالي تو ينور البيت تو زانت بعيوني الدنيا ! و..
وقفت الجده فاطمه بـ مكانها وشهقت وحطت يدها على صدره : وانا اخت محمد !!!
غمض سلمان عيونه من سمع نخوة امه بـ اخوها , ورغد كل مالها ترجع خلف سلمان ولا تبي تناظر فيهم , وتقدمت الجده فاطمه ووقفت جنب الجد ناصر ونطقت : سلمان يولدي ! منهي ذي وعلامها كاشفه قدام الرجاجيل !
بلع سلمان ريقه بـ ارتباك ولا قدر يتكلم , وتقدم الجد ناصر بـ غضب : من هذي !
شد سلمان على يد رغد ونطق بـ تمثيل لـ القوه : هذي يايبه مرتي !
عقد الجد ناصر حاجبه وضحك من استوعب فعل سلمان : كه ! مرتك !
سلمان : ايه مرتي
الجده فاطمه : يفالي على الله مرتك ! كيف مرتك!!
تقدم الجد ناصر وضرب صدر سلمان بـ قوه وصرخ : سفرياتكككك ذي عارف ان ماوراها الا الـ***** وبتجيب لي الفضيحه بـ سواتك ! والبنت ماتدري منهي بنته ومتزوجها ؟ احد ماسكك ؟ الا نبيك تتزوج
ورحت تزوجت من وراانا ؟؟ قلدت اخوك !
نزل سلمان راسه ويحاول يكتم بكيته واوجعه صدره من ضرب ابوه ويسمع كلام ابوه وشتمه , وتقشعر كل خليه بـ جسمه من سمع اخر كلام ابوه : انقلع لا بارك الله فيك مسوي لك بلوه ومتزوجهاا تتستر !
لفت رغد بـ صدمه على الجد ناصر و كانت بـ تتكلم لكن سلمان سكتها ولا خلاها تنتطق بـ حرف , وتقدم نواف ولف ابوه يـ حاول يهديه : يايبه عين من الله خير وش ذا الكلام الولد تربيتك وانت ادرا فيه !
سعود : يا ابوي سلمان ماتزوجها الا منحد ! ولا هو بـ يعصيك ويتركك !!
تقدمت الجدد فاطمه وصرخت عليهم : الا ابوك صادز !! والا ذي شكل بنت متربيه ! اخوك ماتزوجها الا انها مسويه بلوه ولا هو الي مسوي شيء ! ولا ماهو بعقله يتزوجها و يخلينا !
تقدم سلمان ومسك يد الجده فاطمه : يايمه تكفين وش ذا الكلام يايمه والله ماسويت شيء يغضب ربي !! ! كيف تقولين كه !!!!
تقدم الجد ناصر , ودف سلمان عن الجده فاطمه وصرخ باعلى صوته : انقلع انقلع ولا ابي اشوف وجهك نذر يا سلمان ان شفتك عندي ولا مخلي اخوانك وسيط ان يصير لكم شيء مايعلم فيه غير الله , واذا تبي ترجع ورضاي تطلقها !!! ولا لعاد تدورني !
ولف الجد ناصر ودخل معصب المجلس والعيال دخلوا خلفه يكلمونه ويتحايلونه , ولف سلمان وجهه لـ الجده فاطمه واخر امل عنده انها تحن عليه لكن صدمته ونطقت رافعه اصبعها بـ وجهه سلمان : متحسفه على تربيتي لك 33 سنه ! وتعبي عليك ! الا ياحسافاه !!!
مسك سلمان ذراعها يترجاها : يمه طلبتك يايمه !!
دفت الجده فاطمه يد سلمان ونطقت بـ حده : لا تقول لي يمه !!!!! ماني بـ امك ولا انت ولدي !! ولدي مايخليني !
لانت ملامح سلمان وماعرف كيف يتصرف ودخلوا كلهم وتركوا سلمان الا ترف من بكت وحضنت سلمان بـ قوه ونطقت : عمي تكفى ياعمي حاول يرضون تكفى ياعمي لاتتركني !
حاول سلمان مايبكي وحضن ترف بـ قوه , ونطق : انتبهي لـ نفسك وابشري بحاول بحاول !!
ابتعدت ترف وهي تبكي , ولف سلمان بـ يركب السياره وركب ولف على صوت بكي رغد , وصوت شهقاتها , و شغل السياره وطلع من الحوش الكبير , ويسترجع كلام ابوه و مايبي يعصي ابوه ويخسر رضاه ولا يبي يترك رغد لـ وحدها وتضيع لـ وحدها , ومشى بدون اي وجهه محدده , و وقف بـ مكان خالي ونزل الشباك , يدخل هواء , ولف على رغد وشافها محتضنه نفسها , وتقدم وسحب يدها , ولفت رغد جسدها لـ سلمان , ورفعت نفسها و ارتمت بـ حضن سلمان , وبكت بدون ما تشعر وغالبًا انهارت تبكي , وسلمان نزلت دموعه حزن وعجز بـ الوضع الي يمر فيه , و يحاول يهديها لكن يحتاج من يهديه ويواسيه , وابتعدت رغد ورفع سلمان كفينه , وثبتها على خدها , ونظره ثابت على عيونها , وتسارعت نبضات قلبها , ورجفتها , والخوف وضح من عيونها , وقبل جبينها ثم سند جبينه على جبينها , وغمض عيونه لـ ثواني , ونطق : لهدرجه تخافين ؟؟
بلعت رغد ريقها بـ ارتباك ورفعت كتوفها وهي فعلًا ماتعرف وش توصف الشعور الي تمر فيه ، و رجع سلمان راسه لـ الخلف ورفع خصل شعرها الـ منتشره حول عيناها وخدها , ونطق بـ هدوء : مو قلتلك لا تخافين وانا معك !
تنهدت رغد بـ ضيق , ونطقت بـ غصه : احنا ضعاف جدامهم !
ماعجبه سلمان ردها ولا يعتقد انه ضعيف الا بـ سبب واحد وان الي كان امامه , هو « ابوه » ونطق : احنا ضعفنا بـ سبب يارغد وهو سبب واحد وان الي كان قدامنا هو ابوي ! ولازم ادور رضاه ولا اعق فيه عشان كذا احنا ضعفنا !
سكنت رغد و زمت ثغرها ونظره على عيون سلمان , وزفر سلمان بـ ضيق ومسح دموعها ونطق : مراح يخليهم يرضون البكي ! حتا لو نبكي من اليوم لـ بكره مراح يتغير رايهم الا بـ فعل الاسباب والدعاء لـ الله تعالى ! لا تبكين وتكدرين خاطري زياده تكفين !
ابتسمت رغد بـ الغصب وحاولت ماتبكي ومسحت دموعها بـ عنف , وابتعدت عن سلمان وعدلت جلستها , وشغل سلمان السيارة وراح يدور شقه يدبرون نفسهم فيها هاليومين .
-
« بـ بيت الجد ناصر »
دخلوا المجلس والجد ناصر معصب منهم كلهم وتهاوش معهم وارتفع الضغط عنده وحاولوا ينزلونه ونزل بعد معاناه وعساف ونواف حوله يهتمون بـ اموره وسعود طلع من البيت ويدق على سلمان ولا يرد ، وطلع جابر ويمشي بـ عكازته ونطق : عمي سعود
لف سعود لـ جابر وعقد حاجبه من شاف العكازه وهو تو ينتبه وتقدم لـ جابر : سلامات سلامات عسى ماشر ؟
ضحك جابر ونطق : الله يسلمك مثل ماتشوف تكسرت
تقدم سعود وسند جابر وجلسه فوق عتبت الدكه الي خارج البيت ويتجمعون عندها العيال , ونطق سعود : لا اله الا الله وش جاك ؟
نزل جابر نظره على رجوله : والله مجيد ماتعرف هباله هذا اخر الي يمشي مع مجيد !
ضحك سعود والتفت على صوت مجيد من نطق : يالله انك تعين مجيد كل شيء مجيد مجيد !
ضحك جابر : وانا صادق رجلي ماتكسرت الا منك !
ضحك مجيد : ماحد غصبك تجي معي !
رفع جابر حاجبه بـ صدمه : يشيخ !
ضحك سعود وكملوا يسولفون , والتفت مجيد لـ اصوات السيارات والانوار ووقف سعود وعرف سيارة زياد بينهم , ودخلوا جوا الحوش ودخل محيد يركض لـ المجلس وقال لهم , وطلعوا كلهم لـ الحوش , ونزلوا الرجال من السيارات وكان زياد ومعه عمه وعيال عمه وعبدالرحمن ونادر , ورحب الجد ناصر فيهم وقلطوهم , واخذ مجيد الدله ومشي بـ القهوه , وللان سبب جيتهم مجهول , وسعود مستغرب جيت زياد ومعه عمه وعيال عمه ومو لوحدها , ونطق عم زياد فهيد : صلوا على النبي يارجال !
بـ صوت متفاوت ومنخفض : اللهم صل وسلم عليه ,
وكمل فهيد : الليله يابو فايز جيناكم نطالب بـ القرب منكم , لولدنا زياد من حفيدتك بنت عبدالله طارق و......
وكمل عم زياد الخطبه لـ زياد ومعالم الدهشه على ملامح وجيهم وترت زياد , ومن انتبه لـ ناصر وانتبه لـ ملامح عدم الرضا ، عرف كل شيء وتاكد لكن في احتمال واحد فقط وهو « ليالي » وممكن يغير كل شيء
ونطق ناصر بعد ما انتهى فهيد من كلامه : والله انها الساعه المباركه فيها اننا نناسبكم ، وزياد ولدنا ومعنا وخابرينه ورجال , وعطونا وقت ونرد لكم والي فيه الخير بيحصل باذن الله ..
وقفل ناصر الموضوع وكلهم مو راضين على الخطبه , وفتحوا مواضيع ثانيه , والجد ناصر حلف عليهم يتعشون عنده , وطفش نادر من مواضيعهم ولا جازت له والتفت لـ زياد وهمس : وين الي تقول عنهم خل اصاحبهم !
ناظرهم زياد ونطق : عان الي رجله منكسره والثاني الي من اليوم يدور حولنا !
ناظرهم نادر وضحك بـ خفه : عرفت انهم لوني من شفت ذا متحرول !
ضربه زياد بـ خفه على كتفه : لا احد يسمعك تقول متحرول ترا مالي دخل يدبونك !
ابتسم نادر ووقف وتوجه لـ جابر وجلس جنبه ومد يده : سلام عليكم
عقد جابر حاجبه من الشخص الي جاه فجاه ومد يده يصافحه : وعليكم السلام امر ؟
نادر : مايامر عليك عدو لكن ابي اهرج معك بس !
ضحك جابر ونطق : الحمد لله طلعت كبدي من هروجهم !
نادر بـ ابتسامه عريضه ضرب كفه بـ كف جابر : نفسييي مو عاجبني كلامهم !
التفت مجيد على اصواتهم وعقد حاجبه , ثم تزل الدله وتقدم لهم ونطق بـ غضب : افا نادوني طيب !
ضحك نادر ونطق : من انت !؟
مجيد بـ ابتسامه عريضه : معك عبدالمجيد بن فايز !
نادر : والنعمممم
مجيد : ماعليك زود ! ... الا وش عندكم تكفون يدي فترت من الدله !
ضحك جابر : تعرف التشمات الحمد لله جالس بمكاني وانت تدور !
ضحك نادر ولف يسولف مع العيال ونسى مجيد القهوه , وفتح عيونه بـ قوه من سمع صوت جده ونبرة صوته الغاضبه : عبدالمجيد !!!!
فز مجيد ونطق : سمّ
ناظر الجد ناصر بـ الدله وفهم مجيد واخذ الدله وكمل يقهويهم , وجابر يرفع ضغط مجيد ومبسوط بـ مكانه .
-
« داخل البيت , عند البنات »
طفشت ريتال من الجو الكئيب وهي حرفيًا تكره الحزن ولا تحب تشوف احد يحس بـ حزن او متضايق ووقفت وتوجهت لـ ليالي واخذت جوالها , و صرخت ليالي : وجع توجع هالوجه ردي جوالي
خبت ريتال الجوال خلف ظهرها ولفت نظرها لـ حور ثم ردت نظرها لـ ليالي و غمزت : اليوم زياد جاي ؟ ومعه عمه !!
ليالي بـ تمثل لـ عدم الاهتمام : ويعني !
ريتال : ياغبيه ليه بيجي ! اوففف بعد نثر الماء !! هههههههه
ضحكت حور : مسرع والله طلع خفيف !!
انصدمت ليالي واشرت بـ اصبعها : اشششش بنات والله لو يجون خوالي ان يذبحونكم وش ذالكلام ! وش يفهمهم وهم اليوم توقعوا بـ سلمان استغفر الله !
تغيرت ملامح البنات لـ ضيق ويحاولون يشغلون نفسهم ولا يفكرون بـ سلمان لكن , ونطقت ريتال : اوف الله يصبر خالي والله يضايق !
لفت حور و جهها لـ البنات : ترف دخلت ! هي مره تحب عمي سلمان ولا تقدر تشوفه كذا ولا بتتحمل لو يتكلمون عنه اعرفها بتجيب العيد !
تنهدت ليالي ووقفت , ومسحت وجهها , ورفعت وجهها لـ السقف , وغمضت عيونها لـ وقت طويل , وتحاول تفكر بـحل لكن كل شيء مقفل بـ وجيهم , وفجاه سكتوا ولا وحده قدرت تتكلم , ومر الوقت وصار « وقت العشاء » ودخل سعود و نواف بعد العشاء لـ المطبخ وشافوا البنات واقفين , وناظرهم نواف , و رجع ذراعه خلف ظهرها , وتقدم سعود وحضن ليالي , ونطق : بتنحل !
حضنته ليالي وغمضت عيونها ونطقت بـ ترجي : يارببب ياربب
وابتعدت عن سعود , ونطق نواف بـ ابتسامه : تحباركم انتم كيف الدراسه معكم؟
ابتسمت ليالي وعارفه ان خالها يحاول يغير الموضوع : للان تونا بدينا بس اسبوع وجينا !
ضحك نواف : مسرع ! والله انكم غريبين الناس ينحاشون وانتم تجون هههههههه ؟
صحك سعود واستند على الدولاب : يرجال الحمد لله اننا قعدنا هالمده !
ريتال ضاحكة : خالي نواف وربي صارت احداث واجد وانا متكيه معهم بالبيت الي ساكنين فيه ! وساحبه على بيت ابوي !
رفع نواف حاجبه ضاحكًا : بيت ابوك وينه ! هههههههه
ريتال بـ ابتسامه غبيه : والله يعني شوف ااااااا
ضحك نواف واشر بيده تسكت , ولف على حور ونطق : غرقتي ؟ هههههههه
ناظرت حور عمها بـ صدمه وماتعرف كيف عرف : يمه عمي كيف عرفت !
نواف : لا تحسبين انك تزوجتي ورحتي مع حاتم خلاص ما نسال عنك !
تغيرت ملامح حور وابتسمت غصب عنها , وميلت راسها ضاحكه : عمي !!!!
ضحك نواف وفتح ذراعه وتوجهت حور وحضنت نواف : ياحظنا باعم مثلك !
عبس سعود حاجبه وضربها على كتفها و بـ مزح : انسيني انسيني بعد ! تراني عمك بعد !
ضحكت حور وابتعدت عن نواف : انتم افضل اعمام بحياتي ! جد احمد ربي عليكم !
وكملوا سوالف وليالي بالها مشغول وابتعدت عنهم مره ويسولفون وليالي روح بدون قلب , وتفكر بـ زياد , وعندها فضول تعرف وش سبب زيادتهم اليوم , ولف سعود على ليالي وعقد حاجبه بـ استغراب لـ سرحانها وتكتف يناظرها , وحرفيًا ليالي ابتعدت وبعالم اخر , ومرر يده امام وجهها , ولا انتبهت لـه ليالي وصفق بيده ورفعت ليالي وجهها بـ سرعه , والتفتوا على سعود ونطقت ليالي بـ سرعه : شفيه ؟ شصار ؟
ضحك سعود ونطق : انتي الي شفيك ؟
زفرت ليالي بـ ضيق ونطقت : مافيني شيء بروح لـ غرفتي !
عقد سعود حاجبه بـ استغراب لـ ليالي وماهو متعود عليها كذا وطلعت ليالي لـ غرفتها , وكانت منفصلها تقريبًا عن البيت وكبيره نوعًا ما لان الجد ناصر مجهزها لـ ام ليالي « مزون » وليالي , وطلعت المفتاح من جيبها , وكان الي حولها كله ظلما , والهدوء خوفها , لكن تشجعت وفتحت الباب , ودفته , و سمت بـ الله ودخلت وشغلت النور , و وقفت تناظر الغرفه , والدمعه بـ طرف عينها , وابتسمت من شافت شرشف امها الي حرصت على الحفاظ عليه , وقفلت الباب وصارت تمشي بـ هدوء وتناظر بـ انحاء الغرف , وتحاول ماتبكي , وابتسمت بـ بكى وغصه وهي تسترجع ذكرياتها الي كانت مع امها , ومو قادره تصدق ان صارت امها ومواقفها مع امها من الذكريات الي مستحيل ترجع , وفقط ذكره وشيء حدث بـ الماضي , وكتمتها ريحة الغبار , لكن تحملت وتوجهت لـ غرفة امها , وشغلت النور , وبدات تلف بـ الغرفه وتتذكر امها , وقتلتها الذكريات ، و قلبها اوجعها مره , و توجهت لـ سرير امها , واستلقت عليه , وغمضت عيونها لـ دقائق , لكن ليالي غطت بـ نوم عميق وهي تبكي .
-
« بـ الرياض , بـ بيت ابو مشاري »
واقف بـ وسط المكتب ومنزل راسه , وواقف امامه , ويصرخ باعلى صوته , ويعاتبه على اختفاءه و دخلوه لـ التوقيف وقد تحول لـ المحاكم , ومشاري يسمع من اذن ويخرج من اذن , وينتظر فقط ينتهي كلام ويروح ويدور ارجوان وله حول 4 ايام ما شافها ! , وتقدم ابو مشاري , بـ غضب ورفع راسه مشاري بـ قوه وسرعه : الله يسود وجهك ويفضحك بكل مكان مثل مافضحتني ! قل امين !
ابتسم مشاري بـ تبلد وعدم اهتمام : امين !
عقد ابو مشاري حاجبه بـ صدمه واول مره يمر عليه شخص مثل مشاري ونطق بـ غضب : انقلع من غرفتي بسرعهههه !!!
هز مشاري راسه بالايجاب : بس ؟ تم
ولف بـ يطلع , وتوجه لـ الباب وفتحه وطلع من المكتب وزفر بـ غضب , وطلع متوجه لـ قسم ابو طلال , ووصل لـ الدرج , ويناظر الدرج , وعارف ان ابوها مو موجود , لكن امها موجوده و رجع لـ بيتهم ودخل على وصايف , عدلت وصايف جلستها ونطقت بـ استغراب : عسى ماشر ؟ وش هالدخله ؟ خير مشاري بعدين دق الباب قلي !
عقد مشاري حاجبه بـ غضب : ليهه ؟؟ تسوين شيء عشان ادق الباب ؟
رفعت وصايف حاجبها , و هي ما انصدمت من تفكير مشاري لكن ماحبت دخوله بـ نيتها , ونطقت بـ غضب : اول شيء ثمن كلامك يامشاري !!! ولا اصلًا انت صاحي ؟ في احد يدخل كذا كانه داخل على لـ***** اعوذ بالله منك !
تقدم مشاري ومسكها من شعرها بـ غضب ونطق راس على اسنانه : لا تراددينيي وسوي الي بقولك عليه !!
صرخت وصايف وتحاول تبعد يد مشاري لكن قفل فمها ونطق : انطميي انطمييي !!
دفت وصايف مشاري وبعد عنها من نفسه ورفع اصبعه بـ تهديد : والله ياوصايف لو ماتسوين الي اقولك عليه ان يصير لك ماتتمنينه ! و....
قاطعته وصايف ونطقت : اخلص وش تبي ؟
قال لها مشاري طلبه ويبيها تطلع ام ارجوان او ارجوان من البيت , وترددت بالاول لكن مشاري ما تضمنه وصايف ودقت على ارجوان , وطلبت منها تجي عشان سبب وكان تافه ولا يستحق انها تجي , وماردتها ارجوان و بـ العكس جت , ونزلت وصايف ودخلت ارجوان غرفتها واستاذنت منها انها بـ تطلع تجيب طلب من برا , لكن وصايف غدرت فيها ومشاري بـ نفس الغرفه , ودخلت و ما خافت ان مشاري ممكن موجود بـ البيت لانها متاكده ان سعود سحبه , ولفت وجهها صدفه وطاحت عيونها بـ عيون مشاري , وابتسم مشاري ابتسامه عريضه , وارجوان تناظره بـ صدمه هل من مشاري ولا من وصايف ونطق مشاري وهو متقدم لها : ماشتقتي لي ؟
عبست ارجوان وجهها ونطقت : انت حتا الجنون ما تدانيك وتبي الفكه منك !
رفع مشاري حاجبه وضحك : افا ! يارجوان شايفتني ولا فزعتي لي !
عرفت ارجوان وش يقصد وكانت ترجع على الخلف وابتسمت بـ خبث : ما اقول الا تسلم يده !
ضحك مشاري بـ اقوى صوته , وايقنت ارجوان انه مخه ضارب , ونطقت تبي ترفع ضغطه : الا يولد التاجر كيف ضرب حبيبي ؟ ايه ماتعرف ان الضابط سعود بن ناصر يصير حبيبي ؟ افا !!
وقف مشاري بـ مكانه بـ صدمه ولا عرف يصدق ولا ونطق بـ غضب وصراخ : كذابه !
رفعت ارجوان حاجبها واشرت على نفسها : انا كذابه ؟ ترا سعود حبيبي واموت فيه كمان ! واحبه بشكل ما تتخيله وحتا مجهزه اسم ولدنا ! عاد لا تنسى تجي العرس !
تقدم مشاري بـ سرعه بـ يمسكها , لكن ارجوان لفت وركضت ومشاري انجن من الغضب وهو يكره سعود والان البنت الي يعشقها , وبدون وعي صارت يرمي اغراض وصايف وارجوان خافت مره وطلعت تركض وطاحت لثمتها , ولا ركزت , وطلعوا الموجودين بـ البيت على صوت التكسير والصراخ وصدف بدر ارجوان , وفاتح عيونه بـ صدمه و مايعرف من هالبنت وليش مشاري يـ صارخ , وطلع يركض ولا اهتم لـ ارجوان , ودخلوا غرفة وصايف ووقفوا مشاري بعد معاناه , وضرب اكلوه , وانتظر ابو مشاري ان مشاري يهدا , وهذا والتفت له بـ غضب : ما كفاك سيارة الولد الحين اغراض اختك انت بني ادم مثلنا ولا ؟ يبني اتقي الله بنفسك وفكني منك تراك تعبتني معك ! مدري وش سويت من ذنب وجيتني !! الحمد لله ان بنتي ماهي موجوده بالغرفه ولا كان ذبحتها !!! تعبتني وتعبت امك وخوانك ! اعوذ بالله منك !
رفع مشاري راسه لهم ولا هم مهتم وقلبه محترق وهو صدق ان سعود حبيب ارجوان وانها تحبه , ونطق بـ عدم اهتمام : انتهيت ؟
عقد ابو مشاري حاجبه , ووقف مشاري وطلع من الغرفه وكلهم مصدومين من تصرفاته , وطلع ابو مشاري من الغرفه معصب و توجه لـ مكتبه , ووصايف دخلت غرفتها وتناظر اغراضها , وبدو طلع من البيت باكلمه ومو فاهم شيء ووش سالفة البنت واخوه ،
« و ارجوان »
وارجوان طلعت من البيت تركض ودخلت قسمهم وتوجهت لـ غرفتها وتحمد ربها ان انها نامت , واستندت على الباب وغمضت عيونها بـ راحه , ماتعرف ليه لكن شافت مشاري يحترق وبرد حرقت قلبها , صحيح كذبت وهمست بـ غضب : سعود اول سبب بموت طلال ! وقريب يرجع حق اخوي !!
وتوجهت لـ دورة المياه واخذت شور , سريع وطلعت ولبست بجامتها , واخذت قرار وحلفت انها معاد تصدق وصايف وبلكتها , وتوجهت لـ سريرها ونامت نومه من جت الرياض ماقد نامت مثلها .
-
« يوم جديد , بـ الديره »
قاموا الفجر يصلون الفريضه , ومر الجد ناصر , غرفة ليالي , ودق الباب ولا سمع صوت , ودق اكثر من مره و توتر , وفتح الباب وشاف النور مفتوح , وتوجه لـ الغرف وينادي على ليالي : ليالي !! لياليي يابوي وينك ! ليالييي يبنتي وينك ؟
خاف الجد ناصر وهو لف على الغرف كلها وقومهم , وليالي ماكانت عند احد , ودخل غرفة مزون , وشاف ليالي ترجف , وتوجه الجد ناصر وحط يده على جبينها وكانت حاره مره , وطلع بـ سرعه من الغرفه وتوجه لـ الحوش وشافهم متجمعين هناك ينتظرون الجد ناصر , ونطق بـ خوف : لياليي تعبانه ! ليالي حرارتها مرتفعه مره !
قمز سعود وتوجه لـ الغرفه يركض , وخلفهم الجده فاطمه والجد ناصر مسكه نواف لانه ماقد يمشي , وتوجهت ترف وريتال وحور لـ غرفتها , ودخل سعود , و حط يده على جبينها وحرفيًا كانت نار , وجابت ريتال كمادات , وحاولوا يخفضون حرارتها , لكن ما كانت تنزل ابدًا , وقام سعود ونطق : يبه لازم نوديها المستشفى كذا مايصير !!
تقدم الجد ناصر بـ يساعد سعود بـ ليالي : يالله
عقد سعود حاجبه : يبه ارتاح نواف يساعدني معليك !
هز الجد راسه بـ النفي , وما تركهم وراح معهم لـ المستشفى, وكان كل هذا حدث بعد صلاة الفجر .
و بعد مده , رفعت ليالي راسها عاقده حاجبها مستغربه المكان وتحاول تناظر زين لكن اضطرت تقفل عين وتفتح وحده والنظر مشوش , والتفت حور لها وابتسمت : الحمد لله على السلامه !
ليالي بـ اسغراب : وينا فيه ؟
تقدمت حور وطبطبت على كتفها ونطقت , : بـ المستشفى!
سكتت ليالي وحاولت تتذكر وش اخر شيء صار لها , لكن هزمها التعب وماقدرت حتا تفتح عينها , وبعد انتهى المغذيه , طلعت ومستنده على حور , و وقف الجد ناصر من شاف ليالي وتوجه لها , وباست ليالي راسه من اقترب منها , ودخلت ذراعها بـ ذراع وسانده راسها على كتفه , وطلعوا من المستشفى, وركبت ليالي وركبوا الباقين وتوجهوا لـ البيت و وصلوا على الساعه 10, ونزل الكل ونزلت ليالي و على طول توجهت لـ غرفت امها ولا قابلة احد ولا تبي , ودخل الجد ناصر المجلس ورمي عصاته بـ الارض وكان الكل موجود ونطق : ليالي لا تدري عن خطبة زياد !
عقد نواف حاجبه بـ استغراب : ليه ؟
جلس الجد ناصر ونزل نظره على القدوع ونطق : ليالي صغيره ولاني مزوجها واحد كبر عمها !
رفع سعود حاجبه بـ صدمه ومنصدم من كلام ابوه ولف على نواف وشافه منصدم مثله , والجده فاطمه نطقت بـ صدمه : شنهو ! زياد خطب ليالي !
هز الجد ناصر راسه بـ الايجاب : اي خطبها ولا اني موافقق ولا راح اعلمها !
ضحكت الجده فاطمه وهي تعرف ناصر والبنت كبرت ولا بيخليها ونطقت : وش غيرك ؟ البنت صغيره ؟ انا اسمع هالكلمه من ناصر ولا ؟؟
ضحكوا العيال وعصب الجد ناصر , وكلهم سكتوا وماسكين الضحكه ونطق سعود : ايه ايه يا يمه ابوي ! هههههههه
غطت الجده فاطمه خشمها بـ طرحتها : اثر ابوك انجن ! ولا انا معاد اعرفه !
الجد ناصر بـ غضب : وش تخربطين يامره ! وبنتي انا ادرا بـ مصلحتها ولا واحد يتدخل !
الجده فاطمه : انت ادرا انت ادرا مالي دخل ترا !
رفع الجد ناصر عصاته ووقف , وطلع من المجلس بـ غضب , ووقف جابر بـ اصعوبه , وطلع خلف جده , وشافه عند المغاسل , وتوجه له , ونطق بـ ابتسامه : غريبه يابو فايز رفضت ؟
عرف الجد ناصر انه جابر من صوته , وقفل المويه , وتقدم جابر لـ الجد ناصر وباس راسه ونطق : امسحها بـ وجهي يالغالي !
ابتسم الجد ناصر : الله يجزاك خير
مسك جابر ذراع الجد ناصر , ويحاول يمشي والجد ناصر عارف ان جابر رجله مايقدر يمشي عليها لكن ماقدر جابر يترك جده وساعد جده بـ المشي , والجد ناصر : جابر ناد عبدالمجيد
لف جابر بـ استغراب ونطق : عبدالمجيد ولدنا ؟
عقد الجد ناصر حاجبه ونطق : ليه عندنا ولد ثاني اسمه عبدالمجيد
ماعلق جابر بـ شيء ونادا على مجيد وجاهم يركض , ونطق : سمّ ياجد طلبتني ؟
الجد ناصر : ابيك توديني المزرعه لي فتره ماجيتها !
ابتسم مجيد ودخل بين الجد ناصر وجابر وماسكهم كلهم ويمشيهم , وطلعوا وساعدهم على الركوب .
-
« بـ شقه سلمان ورغد »
كان سلمان جالس على كنبه صغيره ,و وقف ويكلم سعود وصوته ارتفع , وطلعت رغد من الغرفه وتناظر سلمان ومنتبه لـ تغير لون وجهه وعيونه صارت حمراء, ومنصدمه من كلامه وعتابه لـ شخص جاهلة من هو , ولف سلمان صدفه على رغد , وتنهد بـ ضيق , ونطق : كلم ابوي ! وقله على الاقل خلنيي اتكلم واقوله وش خلاني اتزوج ! ولا اني ميت على بيتهم ! بس بقوله وش خلاني اتزوج وبروح الكويت ولا اني قاعد بالسعوديه بكبرها !
وقفل من سعود على طول ولا اهتم لـ كلامه , وتقدمت رغد بـ سرعه ومسكت يد سلمان ونطقت : لحظه دقيقة انت تقول بنرد الكويت؟؟
سلمان : اي
ماتعرف رغد تفرح ولا تحزن : من صجك بنرد احلف متى اي يوم اي تاريخ؟؟
زفر سلمان بـ غضب ولف وجهه لها ونطق بـ صوت عالي : رغددد روحييي وفكينييي من الزننن !! قبل اسوي فيك شيء مايعجبك !!! طشيتيي راسيي !!!
هجدت رغد ولانت ملامح وجهها , وتوجهت لـ غرفتها وسلمان رجع وجلس على الكنبه , وحط يدينه على جبينه وياخذ نفس بـ سرعه , وحس بـ تانيب ضمير لانه عصب على رغد وهي مالها اي ذنب , وتوجه لـ الغرفه , ودخل وشافها على السرير نايمه , وماصدق انها نامت وتوجه لها وجلس , ويحاول يمد يده , ومدها وحطها فوق كتفها , لكن رغد مالتفت له ومثلت انها نايمه , ورفع سلمان حاجبه وناظرها ضاحكًا : يعني بتمشي علي واصدق انك نايمه ؟ كل هذا عشان ما تكلميني ؟
زفرت رغد بـ غضب وهي ماتبي تكلمه لكن لفت وجهها لـ سلمان , ونطقت : شنو تبي بضبط انت؟! مو طاردني قبل اشوي شنو يايبك عندي وتزفني !!
قدم سلمان وجهه لـ وجهه رغد ونظره مثبت على عيونه ونطق : شايفتني معصب وحالفه تتكلمين ؟ وش تبين اقول يعني ؟
امتلت عيون رغد دموع لكن قوة نفسها ونطقت بـ صوت راجف : بس لا تصايح وترفع صوتك علي !
سلمان ونظره على ثغرها : تامرين بـ شيء ثاني ؟
رغد : انك تطلع وتخليني انام !
ضحك سلمان ونطق : تنامين ؟
تجاهلته رغد وغطت راسها بـ البطانيه , وسحب سلمان البطنيه : انحاشي يارغد انحاشي !!
صرخت رغد ونطقت : سلمانننننن !!!!
ضحك سلمان ونطق : رغددددد هيا قومي خل نروح اوريك ديرتنا الجميله !
عبست رغد وجهها ونطقت : امبيه امانه شنو الشئ الحلوه والي يونس حتى قطاوه او عتوي مو موجودين
ضحك سلمان و توجه لـ ثوبه ولبسه :ترا مراح انتظرك اخلصي
فزت رغد وراحت تلبس , وطلعوا من الشقه الي استاجرها سلمان يدبرون نفسهم فيها .
-
« العشاء »
طلع سعود بـ سرعه من المجلس لـ الحوش وابتعد عن المجالس ونطق بـ غضب : حمار انت حمار ! يومنك عارف انهم بيجون ليه ماقلت لي كان مارحت ! وربي ياراكان ان في يوم يمكن اذبحك والسبب غبائك !!!! ...... وعارف يخي ليه ماقلتلي الحين بنلقم مخالفه كبر وجهك ! والله مادفع ريال ادفعها انت جاين يفتشون المطعم وجايك العلم ومجلد ! ماقلت لاحد !..... لا تتكلم !!! لا تبرر لي وانت غبي توبه اعتمد عليك ياراكان !!
وقفل سعود من راكان ومعصب منه مره وكره الساعه الي جاء فيها الديره ويجهل وجود نواف خلفه ونطق نواف بـ اسغراب : من راكان ؟
التفت سعود لـ مكان الصوت وفتح عيونه بـ قوه من شاف نواف , مايعرف كيف يتكلم ونطق : هلا
نواف بـ تكرار : راكان مين !
زفر سعود ونطق : راكان ؟
نواف بـ غضب : ياتراب اقولك راكان من ماتفهم ؟
سعود : هذا واحد داخله معه شراكه ! بـ مطعم
ناظره نواف بـ استغراب : ما شاء الله تبارك الرحمن متى ؟
زفر سعود بـ راحه وتوقع ان نواف يهاوشه وابتسم : له فتره والله ولا تحمست اقول لـ احد
تقدم نواف وحط كفه على كتف سعود ونطق : اذا محتاج مساعده كلمني وانا اخوك ! ناقصك شيء تبي دراهم قلي اساعدك !
ابتسم سعود وباس راس نواف ونطق : الله يطول بعمرك ياعضيدي !
ابتسم نواف وكمل يسولف مع سعود .
« وبعد مدة »
طلع جابر ومجيد بـ هدوء من المجلس ومجيد كان متاكد ان مافي احد برا , وماسك جابر من ذراعه ويتحلطم بـ همس : الله يقلع ابو هالراس يجابرر امش امش
رفع جابر عكازته ونزلها على اصابع مجيد وضغط بقوه , وصرخ مجيد ورجع جابر يضغط ونطق : يـ**** اسكتتن دروا عنا !
زفر مجيد , ونطق : كل ذا عشان بنروح مع نادر ! علامهم عادي اذا طلعنا الساعه 10 ! عماني والله مايقعدون بالبيت شوي !
جابر : غبي انت غبي ! جدي يقول ماتطلع لي انا الا معك احد كبير !
لف محيد وجهه لـ جابر وعاقد حاجبه بـ استغراب: وانا وش ؟
ضحك جابر وكمل يمشي : انت ؟ يبوي انت ما اتركك لحالك حتا !!
عبس محيد وجهه ونطق : كاني ميت عليكم بالعكس فكه
ضحك جابر , وطلعوا مع الباب الكبير وجاهلين نواف وسعود الي يناظرونهم ونطق نواف بـ صوت عالي : جابر !!!
فتحوا عيونه بـ قوه ولف جابر وجهه لهم وابتسم ابتسامه غبيه : سمّ
تكتف نواف ورفع حاجبه ويناظرهم ، ينتظرهم يتكلمون ونطق جابر : يبه طلبتك لاتقول لـ جدي يبه جدي رافض اني اطلع مع مجيد الا اذا احد معنا !
ضحك سعود ونطق : ليه ؟
شتت مجيد نظراته ونطق : يقول لو يصير شيء مجيد بيسحب عليك ولا هو عارف يدبر
ضحك سعود ونطق : وهو صادز هههههههه
نواف : بتروحون مع من ؟
جابر : مع نادر ولد خالة زياد !
نواف : دامه ولد خالة زياد اجا روحوا
ابتسم جابر وطلعوا من البيت وركبوا مع نادر , ونطق نادر بـ حماس : ارحبواااا
لف جابر وجهه لـ نادر وهو كان بالمعاون : الله يبقيك !
لف نادر عليهم ونطق : وين نروح ؟
جابر : الي تبي مشينا !
نادر : اجل تعالوا بنروح لـ اخوياي ومعهم عبدالرحمن !
هز مجيد راسه : تممم .
-
« فجر يوم الجمعه »
كانت ليالي اليوم افضل من امس بـ كثير وقامت بدري لانها نامت بدري مره , وباقي على الاذن قليل , و طلعت من غرفتها وتوجهت لـ السطح , وفتحت باب السطح بـ هدوء ودخلت , وكان فيه زي الجدار لكن بوسط السطح , وفرشت السجاد , واخذت سجادة الصلاه وفرشتها فوق السجاد الكبير , وعدلت طرحت الشرشف , وصلت , وقبل تسلم , رفعت يدها لـ لله وهزمتها دموعها وسالت حزن وضيق وكانت تدعي واغلبها لـ امها وهي للان مو قادره تتقبل وفاة امها و تعبت من التمثيل لـ خوالها انها بخير ومافيها شيء , ولا تحب تبين حزنها لـ شخص , واخذت ساعه كامله وهي تدعي وتبكي وما سلمت الا على اذان الفجر , ووقفت واخذت دقايق وصلت الفجر , وانتهت من الصلاه ولا حبت تنزل ، واستندت على الجدار , ونظرها لـ السماء تنتظر وقت الشروق , وقرت اذكارها وشغلت نفسها بـ التسبيح لـ الله , وتناظر شروق الشمس , ومتعجبه بـ شكله وبكل مره تنعجب اكثر ونطقت : سبحان الله !
وطولت فوق ولا نزلت , وعقدت حاجبه بـ غضب من سمعت اسمها وصراخهم ينادون وطفشت مره وهي ماتحب هالشيء ونزلت بـ سرعه , وشافتهم بـ الحوش , ونطقت : اشبكم ! انا موجوده ! مراح اروح ! لا تخافون علي !
زفر الجد ناصر بـ راحه : وين اختفيتي ! من اليوم واحنا ندورك !
رفعت ليايل كتفها : انا موجوده ! واتمنى ما تقعدون تدوروني كذا وتضايقوني !
استغرب الكل من تصرف ليالي وكلامها , وطلعت لـ السطح وتركتهم ودخل الجد ناصر وخلفه سعود ونواف وريتال دخلت لـ الجده فاطمه وجلس الجد ناصر ونطق : ليالي ماكنها هي ! علامها متغيره !
سعود : يبه ماهي متغيره لكن هي الفتره ذي تعبانه شوي وتحتاج راحه !
نزل الجد ناصر ونظره على عصاته ويفكر بـ ليالي وخطبت زياد و مقرر انه يرفض ومايعرف يقول لها ولا , وبعد معاناه من التفكير لف على سعود ونطق : دق على زياد وبلغه بالرفض !
انصدم سعود وكان متوقع ان ابوه يمزح ومستحيل يرفض ونطق : عسى ماشر ؟ ليه خل نسال ليالي طيب؟
نواف : يبه خل ناخذ شرو البنا يمكن موافقه !
الجد ناصر بـ غضب : زياد اكبر من ليالي بـ عشر سنين !!
ماصدقت نواف سبب الرفض ونطق : يبه هذا انت وامي بينكم 7 سنين وش فرقت ؟
الجد ناصر وهو مازال رافض : لا ذا غير وذاك غير !
سعود : شلون غير؟ يبه الله يعافيك ليه تتسرع !
الجد ناصر بـ غضب : اذا وافقت قلتوا ليه وافقت وماسالت البنا ولرفضت قلتوا ليه ماسالت البنت ! انا مابيها تروح مع زياد ! زياد مايصلح لـ ليالي
سعود : يبه وش دخل !
رمى الجد ناصر عصاته : قفل عليه ولا عاد تطرونه وبلغهم بالرفض !!!
هز سعود راسه بـ الايجاب ولف لـ نواف وقاله ان هو يكلم زياد .
__________________
من طول بالغيبات جاب الغنايم اول مره اوصل 10k حرف ! واتمنى ماحد يسالني عن البارت لاني اخذ اسبوع ! واذا طولت اكيد في سبب « وينزل بـ الانستا j.xiiix تقريبًا يوميًا الا اذا جاني ظرف وانحديت ما انزل »
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
