سعود تلاشت ابتسامته وخاف من نبرة صوت امه : مافي ارجوان بجماعتنا غيرها
الجده فاطمه وقفت: يصير خير
سعود وقف معها ومسكها : يامي طلبتك لاترديني
الجده فاطمه: قلت يصير خير بفكر بعدين البنت صغيره وينك رايح ؟؟
سعود : وينن صغيره عمرها 19 وانا 27 مابيننا شي
الجده فاطمه ضربته بخفه : اخزياه وش عرفك بعمر البنت ؟
سعود تورط وتذكر ليالي : كبرر ليالي عشان كذا اعرف
الجده فاطمه اقتنعت وسحبت يدها منه وراحت لغرفتها
ضاقت بسعود واضح على امه انها ماتبي ارجوان طلع بسرعه وصادف سلمان وراح له
سعود : سلمان فزعتك
سلمان رفع راسه : احتزم شبلاك يولد
سعود : قلت لامي اخطبيلي ولما قلت اسم البنت تضايقتت
سلمان فتح عيونه بقوه: خيررر ؟؟؟ تتزوج يعني تغطي على فضيحتك ؟؟
سعود سكر فكه : يولدد اص اص فضحتنيي انا بخطبهاا
سلمان : شسالفه اشرح زين
سعود : مافي حل غير اني اتزوجها طلال خويي وابوها صديق ابوي بالساهل يوافقون بس اميي مدري شفيها تضايقت من قلت ارجوان قعدت المح اني بتزوج وقالت بزوج سلمان طيب انا ؟؟
سلمان رفع يدينه : هيي شدخلني انا ؟ سفرتي بعد زواج حور وشهرين قدام ماتشوفوني وبعدها بجي وباخذ ليالي ويمكن ترف ونروح نسكن بالرياض ان شاء الله
سعود : ماشاءالله متى قررتو ليه توي ادري ؟
سلمان : انت غاطس بمصيبتك مانك معنا
سعود : يخي ادوختني بكلمة مصيبه !
سلمان : اقول دزهاا رح ارقد بسببك الحين بيفتحون سالفة الزواج اخخ يراسيي
سعود ضحك : وين الي مروق قبل شوي ويغني ؟
سلمان مكشر : من شفت وجهك وانا ضايق طار الروقان يوجه النحس
سعود ضحك : بتنام ؟
سلمان : وين انام عشان يقوموني الساعه 2 اقعد لين بعد الفجر وانام
سعود : ليه يقومونا 2 ؟
سلمان : اوههه انت بعالم ثاني بكره صيام عرفه
سعود شهق : اخو نوره العيد بعد بكره ؟؟؟
سلمان : تو الناس ايه
سعود : ابكك ماقضيت للعيد
سلمان ضحك : احسن وينك شهرين ؟ ههههههههههههههه
سعود زفر بضيق ووقف : انا بطلع بروح للاستراحه البيت ضاق علي
سلمان وقف : بجي معك "وهم يمشون " بكلم زياد ترا
سعود : توه رايح من عندنا تلقاه رقد خله خله
سلمان : ماضنتي زياد يرقد
سعود : يرجال خله بعدين
وطلعو متوجهين لاستراحه الشباب
-
بيت ابو تركي
ميلاف وقف بغضب : زواج حور بعد سبوعين واحنا ماعندنا فستان واحد حتا ؟
العنود : اص اصصصص امي لاتسمعكك
اريج : وابوي مستحيل يخلينا نحظر حتا
ميلاف : خير والله لحظر ومالي دخل فيه
العنود : ميلاف اقصريي صوتككك
ميلاف : ليه انتي خوافه كذا ؟ صيري قويه حقك خذيه بالغصب واذا ابوي مراح يعطينا فلوس والله لاتسلف واشتري لي فستان بعدين وينه هو الحين ؟ تلقونه عند زوجته العاشر ولا يصرف على بنات الناس ، مو منجدكم العيد بعد بكره وللحين ماعندي لبس البسه كل مره نروح لخالتي واشوف لبسهم وحياتهم احتقر نفسي وانا لبسي حق قبل سنين ، بكمل الجامعه غصب وبصرف على نفسي وهو بالطقاق لو يذبحني
دخل ابو العنود على نهاية كلامها ، وبغضب : بالطقاق يعني ودخول للجامعه معصي والله مادخلين
ميلاف بنفس النبره : والله لدخل من انت عشان تمنعني
ابو العنود مسكها من شعرها : عيدي كلامك اشوف ؟ عيدي
ميلاف كانت تبعد يدينه عنها : اترككنيي انت مو اب انت بالنسبه لي قاتل ابليس شيطان اكرهك واتمنى انك مو ابوي
ضربها ابو العنود كف على خدها ، وقفت اريج تبعد ميلاف عن ابوها تماسكت ميلاف وحاولت ماتنزل دمعتها وبحده : الله ياخذك يمنك ذبحتنا ان شاء الله يرجع فيك كل شي سويته فينا من ضرب واهانة وذل
وطلعت ووراها طلعو خواتها وطلع ابو العنود من البيت.
-
باستراحة العيال
رواف : سعود غن لنا طلبتك
طلال لف على سعود : ايه تكفى اخر مره سمعت صوتك قبل يمكن خمس اشهر بالمزرعه
سعود : عيد العود وينه ؟
عيد عطاءه العود
تنحنح سعود وبدا يعزف على العود وغناء:
ياعذلين الهواء مايفيد الكلام
مسكين مسكين من قد بلي بالغرام
ياعذلين الهواء مايفيد الكلام
مسكين مسكين من قد بلى بالغرام
فالحب جنه وفالبعد نار وهيام
مسكين مسكين من قد بلي بالغرام
يامثني العاشقين احيني بابتسام
مسكين مسكين من قد بلي بالغرام
في ضحكتك بدر خمسة عشر في الظلام
مسكين مسكين من قد بلي بالغرام
"وقف يغني "
سلمان ضحك بخفه من فهم اخوه عرف انها طاح مو بس طاح غرق بالحب
رواف : كلتبنن وش ذالصوت البطل ماشاءالله تكفى لاعاد تغني ويصير
عندي ادمان كل يوم بجيكم تغنيلي
سعود ضحك : حياك
عيد : ماشاءالله تبارك الرحمن صوتك حلو
بعد دقايق ضاري وقف : يالله يالله بنروح نلعب كوره انتم سامجين هنا
سعود وقف بحماس : ايوهه وينك من اول يالله
سلمان شافهو كلهم يناظرون فيه : هي لاتعاينون فيني ماحب العب انا
سعود : يخي بس هالمره بس
طلال : ايه تعال
طلعو العيال وعند سلمان وسعود
سلمان : جبت الخيول كّساِر ورُوح وبحّر
سعود فرح وبقوه مشتاق لبحر وبقوه بحر هو خيل سعود وكسار ليالي وروح فرس حور نطق سعود : اسالك بالله تكفى قل ايه مو مقلب لاتخليني ابكي هنا تراني مشتاقله بالحيل
سلمان ضحك : جبته جبته بالمزرعه
سعود متشقق من الفرحه راح يبشر العيال ويناقز والفرحه مو سايعتة راح لطلال : تقهرني بسهم عان بحري جاء والحين نسوي مسابقات وطبعا بحري بيفوز لاتتعب نفسك
طلال ضحك : يشيخ ؟ نشوف ههههههههههههههه
سعود تجاهل طلال وبدو يتقسمون عشان الكوره ولعبو وبنص العب سعود صارت عنده الرويه ضبابيه وبدا يحس بالملعب يدور وراسه يوجعه و بالعب اغماء عليه وسط الملعب شالوه العيال وودوه للمستشفى.
-
دخلو المستشفى ودخلو سعود لطوارئ وتجمعو الدكاتره والممرضين فوق راسه سلمان كان يدور حولهم ومتوتر ومو قادر يشوف سعود من الدكاتره لف عليه دكتور
الدكتور : هل يستعمل ادويه ؟
سلمان بعدم تاكد : لا اتوقع يدكتور ماقال لنا شي
الدكتور : يشكو من شي
سلمان بعدم صبر: يدكتور شدراني عانه قدامك اساله
الدكتور : صار عنده انخفاض بالضغط وخفيفه ان شاء الله بس يرتاح الان ويطلع
سلمان : الله يعطيك العافيه
راح الدكتور والي معه فتح سلمان جواله ودق على نواف رد نواف
نواف : هلا
سلمان بهدوء : سعود بالمستشفى
فز نواف من السرير وصحت ام سلطان من قوة فزته وبخوف : سلمان انت وش تقول وش فيه ؟
سلمان : هد هد خفيفه ان شاء الله بس انخفض الضغط عليه وهو يلعب
نواف زفر براحه : الضغط مو هين لاكن الحمدلله اجيكم ؟
سلمان : اي والله يليت جينا مع العيال وراحو وسيارتي بالاستراحه
نواف : يالله جاي
-
الساعه 1:30
طلعو البنات للمطبخ دخلت ترف تركض وطاحت على ظهرها صرخت بصوتها كله لفّو البنات وشافو ترف بالارض وتتحلطم طاحو يضحكون
ريتال : احسن ليه تعدين ؟ شاطفتنا تركض قلت ماشاءالله صارت سنعه امحق من سنع الرفل يبقى رفل ههههههههههههههه
حور مسكت يدها وقومتها : قومي وسمي بالله بعدين اهجدي اهجدي
ليالي : اقوى شهادة زور خوالي يقولون ترف مافي اهدا منها وهي معنا احنا عندها ولا شي
ريتال ضحكت : وربييي يقولون ريتال فيها هبال مو طبيعي وترف هاديه ماكان ريتال اكبر منها
حور : الحمدلله انا هاجده
ليالي ضحكت وبتسليك: ايه ايه
ريتال : هيا خل نسوي السحور
ترف : عني انا ماعرف حتا اشغل المويه الحاره اني انادي سميره تفتحه
حور : الله يعين الي بيتزوجها
ليالي : بتخليه يطبخ هو
ترف : طبعاً
ريتال جابت جوالها وحطته على الدولاب وفتحت التسجيل : تعالوو جنبي
وقفو البنات كلهم صف وبدت ريتال تشرح وتسولف وجهزو الاشياء الي بيسوونها واتفقو على كبسه وثلاث انواع سلطه كل وحده تسوي شي
ريتال كان تقطع الخضار وترف حايسه ماتعرف كيف تقطع وجنبها ليالي وريتال قد بدو وهي لسا همست لحور : النجده ياختي
حور ضحكت بخفه : مو منجدك ترا سهل سوي
ترف صرخت بدون صوت : لو اعرف كان سويت !!!
ريتال رفعت راسها وشافت ترف عند حور وضربتها : ارجعييي ممنوع تساعدك
ليالي : سويت سلطة الجزر وبخلص شويات
ترف ناظرة بمقادير السلطه حقتها وكانت كثير وبذهول : كل ذي لسلطه ؟
ريتال : انا سويت سلطه عاديه طماطم وخيار وبصل وزيت زيتون وليمون
حور : وانا كبست الحم
ترف : خلاص شوفوو كثير يكفي مايحتاج اسوي
ريتال : وبتسوين شي يعني بتسوين
ترف بترجيي : ماعرففف شسوي
حور : خلاص بنات تروح البقاله تجيب عصير جيت ادوره تو مالقيت خلص
ترف بخوف : بنات لحالي ؟
ريتال : ايه معليه البقاله قريبه
ليالي : اروح معك ؟
ترف : لا لا ماله داعي
طلعت ترف تجيب عباتها وطلعت متوجهه للبقاله لوحدها .
-
بالمستشفى
طلعو وسعود مستند على نواف
سعود : وش صار ؟
سلمان : ابد هذا وحده من عادات اخوي سعود
نواف : شلون ؟
سعود بتعب : يعني كل فتره اطيح عليهم وادخل المستشفى
نواف : ماتشوف شر يابو ناصر
سعود كان يقاوم الصداع : ابو زايد
سلمان ضحك : ابو محمد افضل يسعود
سعود ابتسم نواف شاف ابتساماتهم وبضحكه : وش بلاكم تبتسمون ؟
سلمان : اساله
لف نواف يناظر بسعود ، توهق سعود وفكر ان يقوله عشان يساعده : نركب السياره واعلمك
-
عند ترف كانت متوتره بالحيل وخايفه لان المنطقه الي هم فيها تخوف نوعًا ما بالليل رفعت نظرها على الاستراحات وكانت مليانه شباب وخايفه عمانها يشوفوونها طالعه دخلت البقاله وعلى طول اخذت ببسي وحمضيات كبير وحاسبت وطلعت من البقاله وكانت متوجه للبيت و اخذها التفكير والهواجيس قاطعها صوت استنكرته وكان الكلام الي تسمعه يخوف ثلاثه شباب ويتغزلون
واحد منهم : وش تسوين هنا يحلوه ؟
ترف رجولها معاد تتحملها وانزبط لسانها جت بتمشي ومسك كتفها واحد منهم بعدت يدها بقوه وضربته مسكها بقوه وكانت تصرخ وتبكي والعيال الثانين يضحكون ،
الولد يحاول يكشف وجها : على وين لسا مابدينا
الولد الثاني كان ماسكها من كتوفها ونطق : هيا جهاد افتح غطوتها خل نشوف
ترف بغضب : تخسي تشوف وجهي يوصخ
جهاد ضحك : اخسي ؟ ترا اقدر اطرحك هنا خليك هاجده
مشاري للحين ماسكها وترف انهارتت معاد قدرت تتحرك ونطق مشاري : شبلاها ذي معاد تتحرك "وضحك " مسرع استسلمتي
صالح ضحك : بالدور يعيال
جهاد فك نقاب الترف وناظرها باعجاب : ذا وجهك ؟؟
ترف : لا قناع فكنييي يتبنن الله ياخذكم وربي ليذبحونكم عماني ويطلعونكم من تحت الارض
جهاد ضحك : من عمانك ذول الي تهايطين فيهم ؟
مشاري : شكلهم خرطي ههههههههههههههه
انحنى صالح وحط اصابعه على شفايفها ونطق : لذيذه
ترف تفلت بوجه : لاتمسكنييي
صالح مسح وجه بغضب ومسكها من فكها : اعقليي لا الحين العب فيك
ترف ضحكت بسخريه: تعقب والله ماتمسني وانا بنت ال راجح
مشاري بصدمه : اعمامك سلمان وسعود ؟؟؟
صالح : ماعلي من عمانها بعد حركتها ذي مراح تسلم
جهاد كان بيتكلم وقاطعه صوت سياره
مشاري : اخو ساره ذا من
جهاد : يالله مشينا
صالح : والله ماروح الا ماخذ ذي
جهاد : يولد تعالللل
نزل من السياره شدته اصوات الصراخ وراح يشوف وين وشافهم وانتبه للبنت ونزل بدون تردد ونطق بصوته الجهوري : يعيال الكلب " وتوجة يركض وتضارب مع صالح ومشاري وجهاد هجو
ترف وقفت وهي منهد حيلها وكانت تبي تركض لاكن ماقدرت
طاح صالح من الضرب وتوجه عبدالرحمن لترف ونطق : وش تسوين هناا ؟؟؟
ترف من نبرة صوته بكت وبشده وكانت تتكلم كلام مو مفهوم
وقف صالح وكان بيضرب عبدالرحمن من ورا بعصا صرخت ترف بكلمة وراك لف عبدالرحمن بسرعه بديهه ابتعد للجهة اليمنى ومسك صالح من الخلف وطرحه ونطق : وش تبي بالبنت ؟؟
صالح : شدخلك ؟؟
ضربه عبدالرحمن من ظهره : اخوياك وينهم ؟؟؟
صالح : مدري
عبدالرحمن ضربه اقوى من قبل ونطق بحده : قلت وينهمم !
صالح صرخ بالم : مادري مادري
وقفت ترف وكانت تدور عباتها نطق عبدالرحمن: اركبي السياره وذا عندي
ترف صرخت: مستحيلل
لف عليها عبدالرحمن بغضب : انا وش قلت ؟؟؟
خافت ترف وركبت السياره بالغصب وشوي ويغماء عليها من التوتر ، دق عبدالرحمن على زياد وجاء ومعه دوريه
نزل زياد من السياره وتوجه لعبدالرحمن: من شذا ووش فيه
عبدالرحمن دف صالح على الارض وطاح وناظره بقرف : الخايس ذا كان يتحرش ببنت و معه ولدين بس هجو
زياد : وينها البنت ؟
عبدالرحمن: بسيارتي
توجه زياد لسيارة عبدالرحمن وتكلم وهو صاد للجه الثانيه : سلام
عليكم ياختي وش تسوين هنا وكيف صار
بكت ترف كانت تبي تتكلم وتقول والله مالي ذنب بس ماتقدر
زياد رجع يعيد عليها الكلام : وش تسوين هنا ياختي
واخيراً ترف قدرت تنطق : والله مالي ذنب
زياد : من بنته ؟
ترف : فايز بن ناصر
زياد انصدم من الاسم وكان يدعي انها مو من بني راجح : انتي من بني راجح ؟
ترف كانت تبكي وتشاهق ونطقت : والله العظيم اني كنت رايحه للبقاله بجيب عصير وارجع ومدري وش صار تكفى عماني لايعرفون
زياد توتر وبنفسه ( وش ذالعايله المحقه كل يوم بنت لهم ضايعه ولا صاير بها شي اعوذ بالله )
توجهو للمستشفى وترف معهم
-
بالبيت
حور بتوتر : بنات ترف لها ساعه وللحين ماجت تكفون دقو شوفو صرفه
ليالي كانت تدق ويطلع الجوال مغلق : ادق والجوال مقفل !
ريتال : لازم نكلم خوالي !! طولت
حور : مو منجدك ! ترا ممنوع اننا نروح البقاله وكمان ليل خذلك
ليالي وقفت : مالي دخل بكلم خوالي
حور وقفت قدامها ونطق : تكفينن ابوي لو يعرف ان يذبحها ابوي يكره روحت البقاله ولحالها يويلها
ريتال : اوفر احس خالي مره كيوت وطيب
حور ضحكت : صح ابوي كذا لاكن عصبي جداً هو زوجني وانا مادري لو يعرف ان ترف طلعت وهو مايعرف يويلهه المشكله انا نسيتت
ان ممنوع
ليالي : خلاص يكلم خالي نواف
ريتال : ايه عمي نواف حليل وبيتفهم عكس خوالي الثانين
ليالي : ماعندي رقمه !!
-
__________________
كان ودي انزل بارت اطول لاكن مابي اتاخر عليكم 😢😢
حسابيي انستا j.xiiix
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
