« بـ جناح حاتم وحور »
دخلوا حور وحاتم اخر الليل ولا سلموا على ابو وام حاتم , ومبتلش حاتم كيف يكلمومهم وطلع من المطبخ , وشاف حور حاضنه نفسها وسانده خدها على الكنب , وعقد حاجبه بـ استغراب لـ شكلها وكان واضح التعب على ملامحها وتوجه لها , وثبت يده على كتفها , ونطق بـ قلق : حور يقلبي تعبانه !
عبست حور وجهها بـ غضب ماله اي افسير وصرخت : حاتم انقلعع ابعد عني لا تقرب !!!
انصدم حاتم وشك بـ نفسه , ونزل نظره على شكله لكن تو ماخذ له شور , ووقفت حور ورفعت اصبعها : اطلع من البيت مابي اشوفك ولا اسمع لك حس !!
للان حاتم منصدم منها وطلبها غريب بـ الحيل ونطق : عشى ماشر ؟ علامك !!
كانت بـ تتكلم لكن سرعان ماحست انها بـ تستفزغ وركضت لـ دورة المياه , وحاتم ركض خلفها , ودخل وشافها تبكي وتستفرغ , تقدم وحاول يساعده وغسل وجهها , و عدلت وقفتها , وغطت وجهها : حاتم اطلع ! حاتم انقلع !!!!!!
طلع حاتم وماحب يزيد عليها وتوجه لـ غرفة النوم واخذ ثوبه , ولبسه وتعطر وطلع من الجناح ونزل , عند ابوه وشافه جالس بـ المقلط وقدامه قدوع وقهوه , وامه حول ابوها , ونطق بـ ابتسامه : صبحكم الله بالخير !
تهلل وجه ابو حاتم عكس ام حاتم ما لفت وجهها لـ حاتم ومعطيته قفاها , وتقدم وباس راس ابوه ثم توجه لـ امه , ولا ناظرت له حتا , وما استغرب تصرفها وجلس واخذ القهوه واصطب , ونطق ابو حاتم بـ استفسار : حور وينها ؟ من دخلت وانا اتحراها حولك !
حاتم : حور والله انها تعبانه له يومين وهي بس تستفرغ وخمول واذا شافت لها شيء ولا شمته استفرغت !
ضحكت ام حاتم بـ استهزاء : ليه وحام
عقد حاتم حاجبه وهو حرفيًا نسى امر الحمل ونطق : لا وين بدري !
ناظره ابوه بـ طرف عين ونطق : وين بدري يابوك انا امي جابتني حول اخوي محمد بـ شهرين !
رفع حاتم حاجبه بـ صدمه ومو مستوعب كيف شهرين ونطق : اوله يبه كيف شهرين !
ضحكت ام حاتم : هذي الناس الصاحيه مو مرتك ! كملكم متزوجين ! اربع شهور خمسه !!! يفضحتي اذا للحين ماحملت وهي لها خمس شهور كامله!!
مسك حاتم نفسه وهو يكره احد يطري حور بـ شيء سيئ ونطق : عشانكم تدورون كلام الناس ماجبتي الا ثنين ! همكم الناس !!
ام حاتم : ايه ايه يحاتم لدخت المجالس وطروا حرم حاتم وسالوني المره حامل ! استحي اقول لا ! ولا اذا قلت لا قالوا طولوا شكل في عقم !
ماعجب حاتم الموضوع ونطق بـ غضب : فال الله ولا فالك يايمه وش عقمه ! اعوذ بالله تفالوا بالخير والي كاتبه ربي بيصير واذا تكلموا وش بيجيك يايمه !
و وقف حاتم والتفت لـ ابوه : يالله يايبه تاخرنا على الصلاه !
و وقف ابو حاتم ولف لـ ام حاتم ونطق : الله يشغلك بنفسك يامره !
ما ناظرته ام حاتم وطلع حاتم وابوه , وطول الطريق منشغل باله مع حور وخايف مره عليها وخايفه عليها من لسان العربان , ودخلوا المسجد .
-
« بـ جناح حور »
وقفت حور بـ تعب واتصلت على ليالي وهي تبكي وماترد وترجع تتصل بـ تكرار لين ردت ونطقت ببكي: ليالي !
خافت ليالي من نبرة صوت حور ونطقت بـ قلق : حور فيك شيء !
انهارت حور تبكي وهي ماتعرف وش فيها : ماعرف ماعرف بس مره تعبانه وابي اروح المستشفى لكن مابي اروح مع حاتم !!
استغربت رفض حور انها رفضت تقول لـ حاتم لكن بـ لغتها انها بـ تجيها مع سعود , وطلعت حور لـ دورة المياه , ثم طلعت وتوجهت لـ غرفتها
وبعد ساعتين , وصارت الساعه « 2:49 ظهر »
زاد تعب حور ولا قدرت تتحمل زياده وليالي قالت لها سعود مايقدر يجي , ورجعت تتصل على ليالي , وردت عليها وطلبتها تجي , وراحت ليالي لـ سعود وقالتله وما انتظر سعود دقايق حتا وراحوا بـ سرعه لـ بيت حاتم , و وصلوا , ونزل سعود بـ سرعه وتوجه لـ الباب المودي لـ قسم حور وصار يدق الجرس بـ تكرار , ونزلت حور لهم وماسكه نفسها ما تستفرغ , وفتحت الباب , وانخرش سعود من وجهه حور وكان واضح عليها التعب وبقوه , وساعدها وركبها سيارته , وراحوا لـ اقرب مستشفى, لكن اقرب مستشفى كان بـ محافظه جنبهم وتقريبًا 30 دقيقه , وطلعوا لـ المستشفى.
« بعد مادخلت حور على الدكتوره »
مر وقت طويل وللحين حور بـ الداخل ، و كان سعود واقف بـ الخارج , والتوتر اكله مايعرف ليه لكن خايف على حور مره وماعجبه شكلها يوم اخذها , وطلع جواله , ونزل نظره عليه , و متردد يدق على حاتم ولا , لكن غير تفكيره من نطق بـ همس : لونه يمها كان من شافها تعبانه وداها المستشفى! مو تدق علينا !
والتفت على صوت الباب , وشاف ليالي طلعت وتوجه لها بـ كل ارتباك وتوتر على حور : وش صار ؟؟
ابتسمت ليالي وخنقتها العبره وبكت , ماتعرف ليه بكت ونطقت بـ سعاده : حور حامل !
تغير ملامح وجه سعود لـ صدمه ونطق بـ صدمه وعدم استيعاب : ها!
ضحكت ليالي على سعود وعرفت انه للان مو مستوعب ونطقت: سعود !!! حور حامل ! حامل في بطنها بيبي فهمت ؟ هههههههه !!
تهلل وجه سعود وحس بـ فرحه عجيبه بـ قلبه وضحكت بـ صدمه : اسالك بالله حور حامل ! هههههههه
هزت ليالي راسها بـ الايجاب وكانت تضحك , ودخل على حور وابتسم : لوني داري كان دعيت اني اتزوج ارجوان !
ضحكت حور وفهمت قصده يوم دعاء ان عتيق « اسم ابو حاتم » يجي باقرب وقت وتوجه سعود وباس راسها وابتعد : كنت بدق على حاتم لكن قلت بخرب عليهم !
لفت ليالي على سعود و فاتحه عيونها بـ صدمه وضحكت : يمه يمه منك !!
ضحك سعود والتفت على حور وشافها تناظر بـ طنها ونطق : يليل ابك 9 شهور واجد !
ضحكت حور ونطقت : نقص شهر و***** اسابيع
رفع سعود حاجبه ونطق ضاحكًا : مجلد ! تو يفكر يعلمنا ؟
ناظرت ليالي سعود وغمزت : من حقه ولد الدكتور !!
ضحكت حور وضحك سعود ونطق : ماقدر اقول شيء هههههههه
وضحكت حور وتقدمت ليالي تساعدها وكملوا امور حور وطلعوا لـ بيت الجد ناصر .
-
« بـ الرياض »
طلعت من المطبخ و بـ يدها صينية مكرونه , وتوجهت لـ طاولة الطعام , وضحكت ارجوان بـ صدمه : مكرونه !!! وين الي طشت راسي تقول بطبخ لك كبسة حاشي !!!
ضحكت ميار ونزلت الاكل ورفعت راسها لـ ارجوان ورفعت كتوفها : والله الجود من المجاود !
ضحكت ارجوان ونطقت : يبوي امزح بالعكس كنت شايله هه بطني ! هههههههه
ضحكت ميار و رجعت لـ المطبخ واخذت الباقي , ورجعت لـ ارجوان وبدوا ياكلون , وبدون سابق انذار خطر على بال ميار سعود وهي تسمع عنه كثير لكن للان ماتعرف من هو , ونزلت الشوكه ورجعت ظهرها لـ الخلف , وتكتفت تناظر ارجوان وشافتها تاكل وما انتبهت لها , ونطقت بـ فضول : من سعود ؟
غصت ارجوان بـ الاكل و وقفت بـ سرعه واخذت مويه لعل القمه تروح , وضحكت ميار بـ صدمه ونطقت : يمهه !!! شكل سعود وراه اشياء كثير !!!
عبست ارجوان وجهه ورجعت لـ الكرسي , وسندت ظهرها , وتناظر ميار ماكان ودها تتكلم لكن خلاص طالت : وش تبين تعرفين ؟
رفعت ميار نظرها ومسكت شعرها ونطقت بـ استفزاز : مثلًا ليس هالهوس !! بكل سالفه تطرين سعود !
زفرت ارجوان بـ غضب وبنظرها انها تكره سعود و ماقد حبته :شدخل !!! وجع ميار وش هوسه !!
ضحكت ميار وقربت وجهها لـ ارجوان وعارفه ان ارجوان تحبه لكن تنكر : يحمار لو احسب الكلام الي قلتيه عنه مستحيل انتهي !!
زمت ارجوان ثغرها ثم نطقت بـ غضب : صاحيه انتيي صاحيهه شلون احب شخص قتل اخوي ؟؟؟؟؟
انفجعت ميار وفتحت عيونها بـ قوه مصدومه من الكلام : شلوننننن؟؟؟؟
مسكت ارجوان دموعها وتحاول ماتبكي من طرت اخوها : طلال توفي والسبب سعود !
حاولت ميار تصدق لكن ماقدرت ونطقت : السبب؟؟؟ شدخل سبب بقتل ؟ يبنت تكلمينن زين !!!
ماتعرف ارجوان كيف صار وتو تسوعب ان مافي اش شيء يثبت ان سعود هو سبب بـ موت طلال وعقدت حاجبها : امي قالت لي ولد ناصر كان سبب بـ موت اخوك !
ميار : مين ؟؟؟
رفعت ارجوان كتوفها وهي ماتعرف مين السبب : ماعرف !
انصدمت ميار من ارجوان ووقفت ونطقت بـ غضب : انتي الحين متهمه شخص انه سبب بموت اخوك ؟؟؟؟؟؟ مافي اي شيء يقول ان سعود السبب ؟؟ فقط ولد ناصر !!!
ماتحملت ارجوان وبكت وانهارت تبكي وكل شيء تلخبط ولا عاد تعرف الصح من الخطا و وقفت ونطقت بـ صوت عالي : لانييي كنت احب سعود !!! واحاول اكرهه اتهمتهه بموت اخويي الشخص الوحيد الي يدور رضاي ويحبني ويهتم فيني !!! طلالل ولا قدرت اتحملل موتهه !!!! صح اخطيت وعارفه ان سعود وطلال اصحابب مره وعلاقتهم قويه لكن لكن اناا !!! انااا احبهههه فاهمه !!! انا بسبب تصرفهه كرهتههه !! لكن قدرر قدر انه
وطاحت على الارض وسندت نفسها على ركبتها وانهارت تبكيي اقوى من اول , وتوجهت ميار بـ سرعه لها وحضنتها بـ قوه , وتحاول تواسيها , وبعد ماهدت ارجوان ساندتها وجلست على الكنب وحطت ارجوان راسها بـ حضن ميار , وهدت بـ شكل يخوف ونطقت ميار : ليش يا ارجوان ليس تكرهين سعود كذا وش سوا لك ؟
خان ارجوان التعبير ورحعت تبكي من تذكرت قربه منها وحاولت تتكلم و اشرت على ثغرها , وعقدت ميار حاجبها بـ اسغراب ولا فهمت عليها ورجعت تكرر عليها : وش ؟؟؟
وقفت ارجوان , ونزلت طرف تيشرتها من عنقها واشرت على عنقها وثغرها , وحاولت ميار تكذب ان سعود حاول يقرب منها ووقفت : مستحيلل !!!
نزلت ارجوان راسها وتقدمت ميار بـ سرعه ورفعت راسها ونطقت بـ قوه : لا تنزلينن راسكككك انتي ماسويتي شيء غلط ! واكيد حاولت تبعدين منه صح ارجوان !
تجمدت ارجوان بـ مكانها وهي حاولت تبعد سعود لكن سعود كان اقوى منها وهزتها ميار وبتكرار وبصوت عالي : ارجوان تكفين قولي انك حاولتي تبعدينن!!!! ارجوانننننن
هزت ارجوان راسها بـ بطئ بـ الايجاب , وزفرت ميار بـ راحه , وسندت ظهرها على المخده , ونزلت ارجوان رساها بـ حضن ميار وغمضت عيونها و رجعت تمر فيها الذاكره لـ كل الي مر بينها وبين سعود .
-
« بـ الديره , بـ بيت ابو حاتم »
طلع حاتم بعد ماصلى العصر مع ابوه لـ حور , ودخل وصار يدور حور بـ نظره , لكن البيت انواره اغلبها طافيه وهادي جدًا , ودخل يدور حور بـ غرفة النوم وصار يكرر اسمها ومافي اي استجابه , وتوتر واخذ جواله ويدق عليها بـ شكل متكرر والتفت على صوت الجوال , المرمي على الكنب , ودخل قلبه الخوف , وكانت حور اليوم تعبانه , وطلع بـ سرعه من البيت يجهل مكانها وفين يروح بدون ما تقول له , وشغل سيارته متوجه لـ بيت عمانها لان مستحيل تروح مكان غيره , وراح لـ بيت عمانها , ووصل ونزل بـ سرعه وكان يركض ودخل مع باب الرجال المفتوح دائمًا , وتنحنح , و وقفوا العيال وطلعوا لـ حاتم , وكان واضح على حاتم الخوف والتوتر , ولا قدر يسالهم عن حور , وكانوا يرحبون فيه وحاتم ابدًا مو معهم ويدور سعود بـ نظره لان سعود الوحيد الي بيقدر يساعده , ودخلوه المجلس وصب مجيد قهوه , ويسولفون على حاتم لكن حاتم كلن مختبص ولا هو معهم وشاغله تفكيره حور , ومر ربع ساعه و للان الجد ناصر يسولف على حاتم وحاتم يهز راسه ومايعرف وش يقول , وبعد مده دخل سعود وخلفه البنات , وكانت حور مستنده على كتف ليالي ودخلوا بـ سرعه قسم الحريم , وفز حاتم من شاف سعود , و من شاف سعود وجه حاتم عرف انه فقد حور , والتفت على البنات وشافهم راحوا , وتقدم ومد يده لـ حاتم وابتسم : حيا الله ابو عتيق !
حاتم : الله يحيك
وتقدم سعود بـ كل برود وجلس ولا اهتم لـ حاتم وحاتم توتر زياده وسعود دخل ولا انتبه اذا خلفه احد , وجلسوا وكملوا يسولفون وحاتم ينتظر متى يقوم سعود وبعد عناء قام سعود , وفز حاتم وطلع خلف سعود , ونطق : سعود !
التفت سعود لـ حاتم : امر ؟
حاتم : مايامر عليك عدو , سعود حور عندكم ؟
عقد سعود حاجبه وهو يبي يرفع ضغط حاتم : ليه انت ماتدري وين مرتك ؟
غمض حاتم عيونه , وعارف ان سعود صادق لكن مافي باليد حيله , ونطق : ياسعود حور تعرف وينها !
ناظره سعود وتكتف : هذا وانت دكتور ولا عرفت وش بـ مرتك ؟وش الفايده !!!
ناظره حاتم بـ استغراب , وعارف طبع سعود والربط العجيب الي يخلقه من اي مكان , ونطق : دكتور ؟ حور فيها شيء يسعود !!!
سعود بـ غضب : اليوم حور داقه علي تبيني اوديها المستشفى وينك انت ؟؟؟؟
انفجع حاتم وخاف جدًا على حور ونطق : حور فيها شيء ؟؟؟؟؟
زفر سعود بـ غضب : لونك صاحي كان عرفت !!
تنرفز حاتم ونطق : وش تقول انت ؟ وحور شو فيها !!!
سعود بـ صوت عالي : يا حاتم انت شفتها تعبانه ولا وديتها المستشفى!!!؟؟؟
حاتم بـ نفس المستوى بالصوت : انت وش دخلك !!! يسعود لا تدخل نفسك باشياء ما تخصك ؟؟؟؟ بنت اخوك ! على العين والراس !! بس تدخلاتك وكلامك الي كله محاسب عن شيء يخصني معليش !!!
ضحك سعود وطلعوا كل الي بالمجلس وسمعوا اغلب الكلام وتقدم الجد ناصر وناظرهم بـ استغراب وما فهم شو سبب هوشتهم ونطق بـ غضب : سعود !!!
التفت سعود لـ ابوه وكان بـ يتكلم وقاطعه ابوه بـ غضب : قطع تقطع هالسان فضحتونا عند الجيران كل يوم حسكم طالع ! وش بكم يومنكم تتهاوشون !
زفر حاتم بـ عضب ولف وجهه لـ الجد ناصر ونطق : ياعم اذا ماعليك امر ابي حور وبروح لـ بيتي !
عقد الجد ناصر حاجبه : حور ؟ وش جاب حور لـ هواشكم ؟
سعود بـ غضب : يبه حور تعبانه وحاتم ماوداها المستشفى ودقت علي !!!
التفت حاتم على سعود ومنصدم من كلام سعود ونطق : انت عايش معنا عشان تقول كذا ؟؟؟؟؟
ماعجب الجد ناصر كلام وتدخل سعود ونطق : وانت وش دخلك ؟ لو البنت عندنا وابوها مو فيه قل الي تقوله مير ان البنت متزوجه وذا رجلها ومالك اي حق تتدخل !
ابتسم حاتم بـ سعاده وانتصار من شاف الجد ناصر يهاوش سعود والتفت الجد ناصر على مجيد ونطق : انقز ناد اختك !
طلع مجيد يركض ودخل قسم النساء وشاف وجدان جالسه على عتبت الباب وبيدها كتاب , وركض بـ سرعها لها ونطق : وجداننننن
رفعت وجدان راسها بـ صدمه من شافت مجيد , وماترك مجيد مجال تتكلم ونطق : قومييي ناديييي حور بسرعهه قولي حاتم برا ينتظرها !!
نزلت وجدان كتابها وطلعت بـ سرعه لـ المجلس وشافت حور منسدحه جنب ليالي , ونطقت : حور !!
التفت حور لها ونطقت بـ تعب : هلا ؟
وجدان : عبدالمجيد برا يقولي نادي حور ! حاتم ينتظرها !
عبست حور وجهها ونطقت ببكى : والله اني حاسه اقولكمم حاتم هنا انا حاسه انه هنا بنات مابي اروحح !!
انفجعت ريتال منها ونطقت : يبنت انتي علامك وش فيك من دخلتي وانتي تتشكين علامك !
بكت حور وضحكت ليالي : يليل يالوحام يبنت خلاص روحي واطرديه من الغرفه هههههههه
فتحت ريتال عيونها بـ قوه ونطقت بـ سرعه : وحاممممم؟؟؟!
التفت حور لـ ليالي وهي محذرتهم مايقولون لـ احد ونطقت : شاطره !!
وقفت ريتال بـ سرعه وطلعت تركض لـ جدتها فاطمه وتصارخ بـ البيت : حورو حامللل حور حامللل ,
وقفت حور بـ تعب وعدلت طرحتها وحاولت تطلع بـ سرعه قبل يوقفها احد , وراحت ليالي بـ سرعه ومسكت ريتال تحاول تسكتها لكن ريتال ماقصرت والكل عرف , ونطقت الجده فاطمه من شافت حور تلبس : حور انتي حامل ؟؟؟؟
زفرت حور بـ ضيق : ايوه
ابتسم الجده فاطمه وتوجهت لـ حور وتبارك لها ونطقت : الحمد لله ياربي لك الحمد !! والله انك طولتي بالحمل وكنت شايله هم انك طولتيبييي لكن الحمد لله !!!
كانت حور ضايقه فيها وضاقت فيها زياده من سمعت كلام جدتها , ودخلت ام حور المجلس , وناظرت حور بـ طرف عين , ونطقت : حملتي ؟ مابغيتي !
ابتسم حور بـ صعوبه وماسكه الدمعه : حملت وبيجيك حفيد !
ضحكت ام حور : حفيد ؟
ناظرت ليالي حور ونطقت بـ همس : خلاص!
ماردت حور واخذت شنطتها وطلعت من المجلس , وشافت مجيد واقف وقدامه وجدان وواضح الفرحه على وجهه مجيد والتفت على صوت حور وركض لها : مبروكككك مبروككككك بصيررر خالاللللللل انا اسعد شخص بالحياههه اخخ يحور قد ايش فرحت لكككككك انتي وحاتم !!
بكت حور بـ فرحه وخنقتها العبره من كلام مجيد وتناظر فرحت مجيد وتذكرت ابوها لو كان هنا قد يفرح لها , وحضنها مجيد بـ قوه وللان يبارك لها , والفرحه ملت قلبه , وقدر يغير مزاج حور , ونطق : يارببب بنتوتههه تجنن مثلككك وانا متاكد انك بتكونين احن ام بالعالم ! انا مره فرحان لك !! كان الطفل هذا ولدي مو ولد اختي !! من تزوجتي وانا متحمسه متى تجون وتقولون حور حامل ولله الحمد جاء هاليوم وقريبب بصير خاللل !!
ضحكت حور وتبكي بـ فرحه , وتو قدرت تستوعب انها حامل و ابتعد مجيد منها ودخل ذراعه داخل ذراعها يساعدها وطلع لـ قسم الرجال والفرحه مو سايعه قلبه ونطق بـ كل قوه وسعاده لـ اخته : حوررر حاملللل !!!
بانت ملامح الفرحه على الكل , وحاتم انصدم من نطق مجيد بـ حور حامل , و يناظرها بـ صدمه لكن قاطعه من تقدموا العيال ويسلمون على حاتم ويباركون له ، وحور توجهت لـ خالها نواف وحضنها بـ قوه , ونظره عليها وكان يسلك لهم , ونطق الجد بـ فرحه : ما شاء الله تبارك الرحمن
وحاول حاتم يتهرب من عزايمهم وقدر يهرب , وصرفهم انه بـ يروح لـ اهله , وطلعت حور معه وماسكه نفسها ما تستفرغ , وطول الطريق فاتحه الشباك ومبتعده من حاتم مره , وحاتم ودي يعاتبها ويتكلم لكن يهون من يشوف حالتها وبعد معاناه قدر ينطق : ليه اخر من يعلم انا ؟
ما التفتت حور لـ حاتم ومازال نظرها على الطرق , ونطقت بـ غصه : غصبن عني
ناظرها حاتم بـ خفه ونطق : غصب عنك !
بكت حور ولفت لـ حاتم : انا مااقدر انا ياحاتم ماقدر اتحمل اقعد ثانيه معك تكفى رجعني بيت اهلي انا ماقدرت ارفض اروح معك قدام عماني ولا اقدر اقعد معك !!!
عرف حاتم ان الوحام لعب فيها ونظره على الطريق نطق : هذا كله وحام فتره ويروح
حور ببكى : مره تعبتنتتتت مره !!
سكت حاتم وكانت حور تبكي , و وصلوا البيت , و نزلت بسرعه ودخلت ثم توجهت لـ دورة المياه , وحاتم يناظرها ومتضايق على حالها وعارف انها بتعاني مره مع الوحام وبياكلها هو .
-
« بـ شقة سلمان ورغد »
طفش سلمان من الوضع مره وينتظر سعود يدق عليه لكن يعرف اخوه وعارف انه جاب العيد بدال ما يزينها , ورفع جوالها , ودخل على رقم نواف , وكان متردد لكن دق عليه , واخذ دقايق ورد نواف , ورفع الجوال لـ اذنه ونطق : سلام عليكم يابو جابر
تهلل وجه نواف وبانت السعاده من صوته : وعليكن السلام يامرحبا باخويي اخبارك وش مسوي محتاج شيء وانا اخوك ؟ تامر على شيء لا تحاتي فتره وترجع حولنا ! انت بس عطنا فتره والحين ابوي مروق ولا تشيل هم بكلمه !
ابتسم سلمان وحس بـ سعاده من كلام نواف , وكان نواف مثل الطبطبه على قلب سلمان , وكيف عرف عن سبب اتصال سلمان وهمه بدون مايتكلم ونطق : الحمد لله انا بخير لكن ابوي !
نواف : قلت لا تحاتي كل شيء بيتغير وانا واثق ! صح بتعانون لكن تحملوا انا تحملت ولي سنه بالديره وللحين ما ارتحت !
اخذ سلمان نفس ونطق : تكفى يانواف كلم ابوي وعلى طول كلمني
نواف : ابشر انت انتبه لـ الجوال ولا تطلع من الديره
سلمان : تامر بشيء ثاني ؟
نواف : سلامتك
و ودعه سلمان وقفل من نواف , ومرت رغد من امامه , وتكتف يناظرها ويسمعها تغني ونطق : الله يرزقني روقانك !
التفت رغد له ورفعت حاجبها بـ استغراب ونطقت : نعم ؟
ضحك سلمان بـ قوه وفهم انها ماسمعته بـ سبب صوت الاغنيه العالي , وكرر مع الاغنيه : وتوحشني وانت بجنبييي واشتاق لك لو تغيبببب واحسدد حتا عليك حتىى نفسي واخشى يمسك غريببب !!!
ضحكت رغد وتقدمت لـ سلمان وصارت تردد كلمات الاغنيه : واخجل اذا جات عيني صدفه بـ عينك واصيررر مربوك وحاير بـ امرييي
وابتسم سلمان وثبت كفه على فكه ويحدق بـ وجهه رغد ويتامل ملامح وجهها , وتركزت نظراتها على ثغرها , و انتهت رغد تغني وما انتبهت لـ نظرات سلمان وكملت تسولف : سلمان الصراحه اشتقت وايدددد حق البندق ابي ارمي لي جم شهر ما رميت
عقد سلمان حاجبه وضحك : من وين اجيب لك هنه ؟
قربت رغد من سلمان ونطقت بـ ترجي : امانه يالله عاد تكفى خل نروح اي مكان قريب من اهني اتوقع في
خطر على بال سلمان سلاحه , ووقف : يالله البسي !
وقفت رغد بـ سرعه ونطقت : جم اخذ ملابس معاي ؟
ضحك سلمان وهي عبالها بيسافرون : يقلبي هنا بنفس الديره بوريك كيف ترمين وافضل من المجمع حقكم
توجهت رغد لـ الغرفه ولبست واخذت وقت وطفش سلمان مره و توجه لـ الغرفه واستند على الباب ونطق : ليلنا طويل ؟؟؟
هزت رغد راسها بـ النفي : امبيه انطر بس ثواني
تقدم سلمان و وقف خلف ظهرها بـ الضبط , وانحنى وقرب وجهه لـ خدها , ونظره على المرايه : والله ماله داعي كل هالاوان يكفي انك بعيوني حلوه !!
تجمدت رغد بـ مكانها ولا عرفت ترد , وقبلها سلمان بـ اسفل عنقها , وكان بـ شكل متكرر , وفجاه توقف , وابتعد بكل هدوء وطلع من الشقه كامله , و اخذت رغد نفس بـ اصعوبه , ورفعت نظرها لـ المرايه , وانصدمت من الاثر , واخذ شيء تغطيه بـ سرعه , و طلعت وشافت سلمان واقف عند السياره وركبت , ولا نطقت بـ حرف ونفس الشيء عند سلمان
وتوجه سلمان لـ مزرعة ابوه الثانيه و شبه مهجوره وماحد يجيها , وقبل يمشون تاكد ان سلاحه معه , ونزل وفتح الباب حق المزرعه , ودخلوها , وناظر سلمان رغد وعارف انها مراح تتكلم الا اذا هو كسر الحاجز الي بينهم وتكلم : ماعندك فضول تعرفين وين احنا ؟
ناظرت رغد المكان ونطقت بـ هدوء : لا وين ؟!
ابتسم سلمان , و وقف سيارته ونزلت رغد , ثم فتح سلمان الدرج واخذ السلاح , ونزل , وتوجه لـ رغد وحط ذراعه فوق متفها ومد السلاح قدامها : شرايك نجرب ؟
ناظرت رغد السلاح وضحكت : ايييي هذا الي ابيه انا من زمان!!!
ضحك سلمان , وتوجه لـ مكان كان ابوهم يعلمهم الرمايه فيه و وصلوا وناظرت رغد بـ استغراب لـ الطوب الي فوق بعض والمتفاوته بـ الحجم والمسافه , ورتب سلمان كل شيء ورفع السلاح لـ السماء واطلق طلقه , ورفع حاجبه من شاف ثبوت رغد , وتقدم لها ومد السلاح لها : سمي !
اخذت رغد السلاح , وعدلت وقفتها , وتقدم سلمان خلفها بـ الضبط وعدل على وقفتها ورفع كتوفها ومسك يدينها ورفعها , وتوترت رغد من قرب سلمان وتكره انها تكون محصوره بين احد , ونطقت رغد :ليش تحسسني اني ماعرف ترى انا مو صيدا اعرف ؟!
سلمان بـ نبره قريبه لـ الهمس وكان قريب من وجهها وقدرت تسمعه : اثبتي لي !
رجعت رغد كوعها بـ سرعه وضربته بـ بطن سلمان , وكح سلمان بـ قوة , ونطقت رغد : امبيه امبيه شدعوه شنو فيك ؟!
ضحك سلمان ونطق : شنو فيني ؟؟؟
ابتسمت رغد , ورفعت السلاح وثبتت نظرها على الهدف , ورجعت كتوفها , وهمست : بسم الله
ورمت رصاصه , ومن اول محاوله كسرت الزجاجه , ونزلت يد , ورفعت السلاح بـيد , ورمت لـ مكان ابعد وكررت الرمي و قدرت تكسرهم كلهم , وسلمان جالس على الارض ويناظرها بـ صدمه ومتعجب بـ شده : ما شاء الله !!
لفت رغد جسدها لـ سلمان ومدت السلاح تتحداه : احم شرايك بس لا تشك بقدراتي ثاني مره تعال جدام اشوفك ؟!
وقف سلمان بدون تردد وحت ثوبه , وراح عدل على الزجاج , ورجع لـ رغد واخذ السلاح , واخذ نفس طويل وزفره , وصوب اول زجاجه , ثم الثانيه ثم الثالثه والرابعه اخطاء بها ولم يستطيع الوصول لها , ونزل سلاحه بـ احباط , وضحكت رغد بـ قوه ونطقت بـ كل سعاده وفخر : اهخ انهرت فزت وبجداره كل اشوي فوز عليك !! هههههههه
التفت سلمان لها ونزل سلاحه على الارض وتقدم لـ رغد , ومسكها من عضدها , ورغد كانت منهاره تضحك , وسلمان ضحك من ضحكتها ونطق : رغدد هييي هههههههه
ماتت رغد تضحك ومدة يدها وثبتتها على صدر سلمان ونظرها على عيون سلمان , وتحاول توقف تضحك لكن اذا ناظرت وجهه سلمان تضحك , وضحك سلمان ومد كفينه وثبتها على خدها ونطق : اعوذ بالله منك !!! هههههههه
رغد ضاحكه : شنو احلى من اني افوز عليك ؟؟؟؟؟
ابتسم سلمان وكان نظره على ثغرها , ورفع خصل الشعر عن وجهها ونطق : قد تكون قبلها من شفتـ...
وصدمها من قاطع ضحكها بـ قبلها بـ ثغرها , و بـ شكل متكرر يقبلها بـ ثغرها , ومرر ذراعه حول خصرها , ومدة رغد يدها خلف راس سلمان , ثم رجع سلمان وجهه لـ الخلف ونظره على عيون رغد , ونزلت رغد عيونها تتهرب من نظرات سلمان , وحاولت تهرب منه لكن سلمان محاصرها ومافي مجال ونطق بـ كل اعجاب وانبهار :
"قُل للمليحة إن ثغرك فاتن
ذاب الفؤاد لمبسم المُتكلم
الوجه بدر والعيون كأنها
سهم يُداوي موضع المتألم"
ناظرته رغد بـ خجل داهمها بـ شكل شديد , وضحك سلمان من انتبه لـ تغير لون وجهها وابتعد عنها ونطق : بنروح هههههههه
وتوجه لـ سيارته ورغد خلفه طالعين من المزرعه .
-
« يوم السبت »
اخر يوم لـ سعود والبنات بـ الديره , وكانت ليالي تنتظر السبت متى يجي تبي تروح ولا تقعد بـ الديره وماتقدر تتحمل تشوف ذكرياتها مع امها وبكل زاويه ترحع تتذكر امها , وطلعت وشافت الجد ناصر لوحده بـ المجلس , ورفعت طرف الشرشف على راسها احتياط , وتقدمت لـ الجد ناصر ومنبته لـ الضيقه الباينه على وجهه ونطقت : صباح الخير !
رفع الجد ناصر وجهه لـ ليالي وحاول يبين الابتسامه لكن ماقدر ، وتقدمت ليالي وجلست جنبه وابتسمت : كيفك يابوي ؟
الجد ناصر : الحمد لله !
حاولت ليالي تتكلم وتقنع الجد ناصر لكن كان صعب عليها : يبه لمتى بيكون الوضع كذا !
الجد ناصر بـ تمثيل لعدم الفهم : وش تقولين انتي ؟
ليالي : سلمان ؟ يرضيك عيالك يكونون متفككين ؟ يبه بني ادم ماهو معصوم عن الغلط ! كلنا غلطنا وانت يابوي ماقد غلطت ؟
تنهد الجد ناصر بـ قل حيل ونطق : كلنا غلطنا مير ان سلمان غلطته قويه بحقنا !
ليالي : يايبه سلمان غلط ! مو يعني نتركه من اول مره ونتبرا منه ! يبه انت تعرف كيف الشخص يعاني من دون اب ! وام ! شفت ناس كثير مروا بهالشيء ! لا تقلدهم تكفى !
تغيرت نظرة الجد ناصر ميه وثمانين درجه , وقدرت ليالي تقنعه الجد ناصر , واخذه التفكير بـ سلمان و وده يدق عليه يرجع ووده يتعلم من غلطه ولا يحن عليه بسرعه , لكن الجد ناصر ماقدر ينتظر دقيقه زياده وطلع جواله وقربه من عيونه يحاول يناظر الارقام الصغيره , واتصل على سلمان , ورفع الجوال لـ اذنه , وفرحت ليالي مره وعرفت انها قدرت تقنعه .
-
« بـ شقة سلمان »
كان الجد ناصر يتصل على سلمان بـ شكل متكرر بسبب نوم سلمان الثقيل , وقامت رغد على صوت الجوال , وضربت سلمان وصرخت : حشىى كانك من اصاحب الكهف استغفر شنو هل نومه هذي ؟!
قام سلمان , وناظر رغد بـ صدمه : شسالفه ؟؟
رغد : امبيههه سلمان شفيك متنح على ويهي رد على تلفونك دخت انا
لف سلمان على جواله وتو يستوعب ان يدق وشاف الاسم , وفز من مكانه , وناظرته رغد بـ صدمه واستغراب على فزته ونطقت بـ فضول : منو منو الي داق قول سلمانننن منو الي داق ؟؟؟؟؟
اشر سلمان لها تسكت , وفتح المكالمه ونطق : ارحب !!
الجد ناصر : من اليوم ادق ماترد !!
حط سلمان يده على جبينه بـ فشله : اعذرني يايبه والله اخذتني نومه !!
زفر الجد ناصر ونطق : تجي الحين البيت !
هز سلمان راسه وكان الجد ناصر يناظره : ابشر الحين وانا عندك !
ونزل الجواله من قفل الجد ناصر وصرخ بـ فرحه : ابويييي حننن حننن واخيرًا اخخخ جد اخيرًا !!
ضحكت رغد : لك الحمد واخيرا مابغينا يبيلها يباب كلوووورلش واخيراً الحمدالله ياربب !!
ناظرها سلمان ونطق : بسرعه بسرعه الساعه 9 هيا بنروح بيت اهلي !!
وقفت رغد وراحت تجهز , وسلمان مبسوط وحاس ان ابوه غير رايه وبيمشيها له .
-
« بـ بيت زياد »
شافت فرح زياد جالس وساند ظهرها على الباب , ونظره لـ السماء , وتوجهت له , وحطت يدها على كتفه والتفت زياد لها , ونطق : فرح ؟ لبيه يابوي انتي امري
جلست فرح جنب زياد وتحاول تعرف زياد وش يناظر فيه ووش عاجبه بـ السماء ثم تذكرت ليالي ونطقت : زياد بنسوي عرس ؟
ابتسم زياد من تذكر الرفض وكان متاكد انهم بيرفضون , وزفر بـ ضيق , والتفتت فرح على زياد وعقدت حاجبها بـ استغراب: ليالي مراح تعيش عندنا ؟
هز زياد راسه بـ النفي ونطق : لا !
عبست فرح وجهها : ليه ليه !! ابي ليالي تجي عندنا ؟؟؟!!
زياد : فرح خلاص ادخلي البيت !
زعلت فرح مره ووقفت ودخلت بـ سرعه لـخالتها نوف , وطلع زياد من البيت , ومايدري وش يسوي وتذكر البل , وشاف الشاص وتو يستوعب انه ساحب عليه , وتوجه لـه وركب وشغلها ثم دق على خويه , ورد عليه : سلام عليكم
......: وعليكم السلام علومكك يابو سلطان !
زياد : الحمد لله انت وش مسوي ؟
....: عاني بمجلس ابوي ماعندي ولا شغل ولا مشغله واخذت اجازه الله ياخذها من اجازه
ضحك زياد ونطق : عزام انا بروح البل امرك ؟؟
عزام بـحماس : ايييي تعالل طلبتك طلعني من بيتنا طلعت روحي !
زياد : يالله جايك
عزام : احتريكك
وقفل ومر بقاله واخذ كل شيء يحتاجه وطلع متوجه لـ عزام , وطلع عزام من بيتهم وركب : ارحبب
التفت زياد على عزام ومد يده , وضربه عزام بقوه ونطق : يامرحبااا يولد وينك مانشوفك !!
زياد : موجود الا انت الي وينك ؟
عدل عزام جلسته : اجازتي بتخلص وانا حزين
ضحك زياد : شكلنا بنعود مع بعض ؟
رفع عزام حاجبه ونطق : متى تنتهي اجازتك ؟
زفر زياد بـ ضيق ونظره على الطريق لـ العزبه : تنتهي الجمعه وبعود الرياض
عزام : وش تقول للي تنتهي اجازته بعد يومين !
ضحك زياد ولف وجهه لـ عزام : هاسمع خل نمشي بكره لـ الرياض وتعال ببيتي ماعندي احد
رفع عزام حاجبه بـ استغراب : سمعت انك خطبت وش صار ؟
ضحك زياد بـ قوه من استوعب ان الديره مايقدر بـ بطونهم شيء : ياساتر انتشر ؟؟
ناظره عزام بـ صدمه : صاحي انت ؟ من طلع عمك من بيتك وهو منتشر بكل مكان يقولون عيال عمك يم طلعوا تكلم واحد وسمعه وغد من وغدان الديره ونشره !
عبس زياد وجهه ونطق بهمس : اعوذ بالله منهم !
زفر عزام : الا صدز وش صار ؟
رفع زياد يده وثبتها على جبينه ويناظر الطريق ونطق بـ كل ضيق : رفضوا !
رفع عزام حاجبه بـ صدمه ومو مصدق انهم رفضوا ونطق يـ صدمه : ها ؟ تمزح ؟ وشلون ؟؟؟!
ضحك زياد من صدمه عزام وانفجر بالغلط عند عزام : العلم سلامتك يقولون البنت صغيره وتبي تكمل دراسه !! طيب انا مراح احرمهاا !! ابك شغلي بالرياض وجامعتها بالرياض !! ماني برادها والله لدعمها بكل شيء واخليها تكمل غضب ! مير ان جدها وجعان كل يوم له طاري جديد حاتم مزوجينه البنت بالغصب !!!! شكلي بكرهه البنت ولعل يوافقون !
ضحك عزام من انفجر زياد وزياد ماقد تكلم اكثر من كلمتين ودايم ساكت : البنت من بنته ؟
زياد : تعرف عبدالله بن طارق ال عيسى ؟
عقد عزام حاجبه لكن سرعان ماتذكر القضيه : ذا الي اتهمه عبدالمحسن بـ سرقته وخرابيطهم ؟
هز زياد راسه بالايجاب : الله الله مير ان الرجال طلع منها وانلفت على عبدالمحسن والي معه !
فتح عزام فمه بـ انداهش : انت وش جابك لـ عبدالله وعبدالمحسن ؟
ضحك زياد : البنت ابوها متبري منها ويقولون موقع براءه لكن كل ذا كذب من وين طلع التوقيع ماخبر شيء اسمه توقيع ؟؟؟ ومايجوززز ابككك يقول البنت ماهي بنتي وينكرر انها بنته ميرانه غصبب سجل البنت معه ! ! والبنت عايشه مع خوالها وتوفت امها السنه الي فاتت بحادث
منصدم عزام من قوة قلب ابوها ويفكر وش حده لـ التبرؤ : يرجال هو ليه يتبرا ؟؟؟؟
زياد : شيء اسمه يتبرا مافيه ! مافيههه يقول براءة نسب ! وماينفق عليه وهو ربي مغنيه ! وسيرته منتشره بكل مكان ! وتاجر وعنده شركات ! واغناء خلق ربي !!
عزام : ياساتر !!
زياد : فالبنت مع خوالها ولا تعرف ابوها ولا قد شافته وابو جدها كان خوي جدها لكن الحين معادهم باخوياء وجدها مات بقي ابو امها وتعرف سعود بن ناصر ؟
كان عزام عاقد حاجبه ويحاول يفهم شيء وتلخبط من كلام زياد : وش جاب سعود لعندهم ؟؟؟
زياد : سعود خال البنت
عزام بـ صدمه : سعود سعود !!!؟؟ العقيد ؟؟؟
زياد :العقيد !
حاول عزام يرتب الكلام بمخه وسكت زياد بعد مانفجر على عزام وكان منضغط من كل جهه وكملوا طريقهم لـ البل .
-
« بـ الديره »
وصلوا رغد وسلمان بيت الجد ناصر , والتوتر اكلهم وكلهم خايفين , وتناظر رغد الباب والحوش, وسلمان التفت عليها واشر على وجهه ونطق بـ توتر : شكلي زين ؟
لفت رغد وجهها لـ سلمان وعقدت حاجبه : امبيه شدخل رايح تخطب؟!؟
زفر سلمان بـ عضب : رغد مو وقت تتغشمرين !! سريعع التشخيصههه زينههه ؟؟؟
رغد بـ تسليكك : اي اي وايد زين شكلك !!!
عبس سلمان حاجبه وعرف انها تطقطق عليه : والله انك حيوانه !
ضحكت رغد وشتت نظرها عن سلمان : شدعوه ؟؟
ضحك سلمان , ودخل مع الباب الكبير ولبق سيارته ورجع يلف على رغد : تتوقعين اذا ابوي شاف وجهيي بيرضي ؟
ناظرته رغد وقربت وجهها من سلمان وتناظره بـ تفحص ونطقت بـ هدوء : سلمان احس بيطردنا ؟
ضربها سلمان بـ خفه على كتفها : انزلي انزليي اخر مره استشيرككك بشيء !!
ضحكت رغد , وعدلت حجابها وحرصت مايطلع اي شعره , وتقدمت ووقفت جنب سلمان , واخذ سلمان نفس بـ صعوبه ونطق : توكلنا على الله
ردتت رغد خلف سلمان ثم نظقت : الله يستر
دخلت رغد ذراعها داخل ذراع سلمان والتفت سلمان على يدها ونطق : عز الله كدينا خير !
ضحكت رغد , وتوجه لـ مجلس ابوه , وشافه جالس بـ مكانه الي تعودوا على وجود ابوهم فيه من صغرهم , ونطق بـ صوت عالي : سلام عليكم
رفع الجد ناصر نظره لـ صاحب الصوت , ورفع حاجبه ضاحكًا من شاف سلمان , ثم نزل نظره على ساعته وشاف فرق الوقت بين وقت دقه عليه والان وعرف ان سلمان صدق يبي يرضيه : وعليكم السلامم
ترك سلمان رغد وركض لـ ابوه وقبل راسه وكرر عليه يقبل راسه , ثم نزل يحب رجوله , وحاول يوقفه الجد ناصر , وهزمته دموعه وبكي ويترجاء ابوه يسامحه ونطق بـ كل عجز وحزن : يايبه تكفى اسمع اسمع بس اسمع !
حاول الجد ناصر يقسى على سلمان لكن ماقدر ابدًا , وصد عن سلمان , ورجع سلمان يردد : يابوي والله اني ماتزوجت الا عشان احميها واطلعه من الي هي فيه ! يابيه والله مهو مقصد اني اغضبك و..
قاطعه الجد ناصر من نطق بـ غضب : قل انك حبيتها وسويت حركات المراهقين ؟؟ وتركتناا
انصدم سلمان من كلام ابوه وناظره بـ صدمه وفهم ان ابوه مستحيل يصدقه , ووقف بـ كل خيبه وبلع ريقه بـ ضيق ونطق بـ كل هدوء وعتاب : ابد مافي امل تسمعني ؟ يايبه اتقي الله فيني ! يايبه لوني مابي رضاك كان ماجيتك اعدي !! والله يايبه اني ندمان قد شعر راسي ! وانا مارحت للحرام ! تزوجتها بالحلالل وصارت حلالي ! يايبه انا صح سويت شيء من وراك ! وتزوجتها بدون علمك ! وعارف ان معك كل الاحقيه بـ العتاب والغضب مني ! لكن اسمعني اسمع بس كلمه وابشر بالي يرضيك !
ماناظره الجد ناصر ويحاول قد مايقدر مايبين لـ سلمان شوقه لـ ولده ونظره كان على الباب , وسلمان بجانبه , والتفت الجد لـ البنت الواقفه بعيد عن المجلس وواضح على ملامحها معالم الصدمه والخوف , وعقد حاجبه بـ غضب ونطق : استر المره الي تزوجتها وتركتنا عشانها !!
عقد سلمان حاجبه والتفت لـ رغد وشافها وسلمان ماعنده اي مانع وهي تربت على هالشيء ثم رجع نظره لـ ابوه وحرفيًا منصدم من ابوه وهو الان يترجاه يبي رضاه لكن ابوه فين يناظر وايش شاغل باله , واخذ سلمان نفس طويل وذبحه وذبحه بـ صدره , وكانها نار على صدره , ومسح دموعه بـ عنف وابتسم بـ كل حزن وضيق : قل انك ناديتني عشان تشوفني انذل قدامك ! وتهينيي قدام مرتي ! لكن يايبه لو تذبحني والله مااطلق رغد ! انا عديت وراك لين مت بس مافي اي فايده , يايبه انا معاد اعرفك ! وش غيرك ؟؟ اخبر الواحد لكبر لـان ويعدي لخاتمته ويجمع عياله حوله ماخبر واحد فرق الاخوان عن بعض ويفرق بناتهم عن بعض ! مثل ماسويت بليالي وحور ؟ العلم جاني ! وزياد رجال وكفو تحدا تلقى فيه عيب واحد !! وكلن يتمنى لبنته مثل زياد ! وحاتم ماقول فيه شيء حاتم مايبعاد زياد وكلهم رجال وينشد فيهم الظهر !!! بس يوم انخطبت حور وافقتوا على طول ولا قلتوا لحور ! وليالي رفضت بدون حتا تقول لها ؟ والسبب ؟ ليالي صغيره ؟ يايبه من متى وانت تفكر بالعمر ؟؟؟ كلنا عارفين ان ليالي مستحيل توافق لكن اسالها !! اسالها عطها خبر !!!؟ قل يايبه انك ماتبي زياد يتزوج ليالي !!!مادري وش لاقي على زياد عشان ترفض ! وقفت نصيبها كذا !!! واخواتي ؟ مزون يايبه كل الي مرت فيه ترا مو بسبب عبدالله ! يايبه بسببك انت الي زوجتها عبدالله ! وجتك تترجاك تقولك افعال عبدالله لكن انت ؟ تقولها ارجعي بيت رجالك ماعندنا حريم يتطلقون ويقعدن عندي ! واصبري واصبري واخر شيء ! ضربها لين ولدت بليالي ودخلت العنايه المركزه وعانت مع المستشفيات لو عماني ما ترجوك واخواني ترجوك كان الحين مزون عند عبدالله ولا تطلقت ! اموت ولا انسى يوم ولادة ليالي ! دخلت علينا مزون بدون بنتها ! وكل يوم اسمع بكي مزون !! واحقد على عبدالله اكثر واكثر ولا ادري انك السبب بكل شيء مرت فيها ! و مرت سنه وليالي بالمستشفيات!! وللان ليالي قاعده تعاني بسبببك ! ليالي جاها خطا طبي وبسببه للان تعاني والسبب مو المستشفى السبب انت !!!
غضب الجد ناصر من سلمان مره وسلمان تعدا حدوده مره ومنصدم كيف يتهمه كذا ووقف وتقدم بـ كل غضب وضرب سلمان على خده , ومن قوة الكف نزف خشمه , واوجعه بـ فكه , ونطق بـ كل غضب وحقد : انقلع لا بارك الله فيك انقلع ولا عاد اشوفك عندي انقلع يالله انك تـ******* وثمن كلامك بعدين ولا تقعد تحاسبني وانا ابوك وتحترمنييييي!!!
كان بيتكلم سلمان لكن قاطعه من دخلت وكانت منصدمه من هول ماسمعت اذنها , واكتشفت انها كانت بدوامه كبيره من الكذب وان كل شيء سمعته عن ابوها طلع كذب وان ابوها هو الي رفض طلاق امها لكن جدها الي تعتبره ابوها هو الي خلها امها تتعذب وهي قاصره وسالت دموع ليالي حزن وقهر على امها ونطقت بـ كل هدوء : الي اسمعه صدق ؟ يبه صدق ؟؟؟ تكفى قلي لا !! تكفى قل انك مو سبب بدمار حياة امي وحياتي !! تكفى قل ان ابوك جاء وخطب امك وانا مااصريت عليها ! وخليتها تتزوج وهي عمرها 18 !! ورفضت انها تتطلق !!! وبالعكس اصريت عليها تتطلق من جتني وقالت لي وش يسوي لها !!! يبهههههه ناظر فينييي !!! يبه انا اعرفكك انت مو كذا !! يبه ليهه ليههه ليهههه !!!؟؟؟
حس الجد ناصر بالضعف من شاف ليالي قدامه وهو يحب ليالي بـ شكل كبير وتعلق فيها وصارت ليالي مثل بنته وانضغط بشكل كبير وماتوقع بيوم تعرف ليالي كل شيء وهم مخبين كل شيء عن عبدالله وكيف تزوج مزون وانهار وطاح على الارض وركض سلمان بـ سرعه لـ الجد ناصر وشافه فاقد الوعي , وصرخ ينادي احد يجي , وجاء نواف بـ سرعه يركض والتفت على ليالي بـ صدمه من شافها تبكي و واقفه بعيد عن الجد ناصر وسلمان موجود , وتوجه لـ الجد ناصر وشافه فاقد الوعي , وتغير لون وجهه للون الازرق , وصرخ على ليالي : ادخلييي ادخلييي
تقدمت رغد وهي منرعبه من الموقف وكانت تبكي وانهارت من كلام سلمان ثم ليالي وسحبت ليالي ودخلوا قسم النساء وصرخ نواف وسلمان بـ اسماء العيال وكانت المجالس عازله , وطلع سلمان ويصرخ على العيال ويتجاهل الالم , وطلعوا بـ سرعه من المشب منصدمين من وجود سلمان وحرفيًا ماعرفوا عن وجوده وركضوا له : عمي سلمان ؟؟؟
سلمان بـ خوف وقلق : جبب السياره بسرعهه ياعبدالمجيددد
ركض عبدالمجيد لـ السياره وهو مايعرف وش السالفه لكن جابها وقربها من المجلس ودخل جابر وانفجع من شاف الجد ناصر وصرخ وينادي على جده : ياجدددد ياجديي تكفىى ياجديي تكفى ياجد لا تموتت !!
صرخ نواف على جابر من سمع كلام جابر :اعوذذ بالله اعوذذ بالله انطمممم
سكت جابر وهو حرفيًا انهار يبكي ولا قدر يروح معهم من اخذوا الجد ناصر وتوجهوا لـ اقرب مستشفى .
-
« بـ قسم النساء »
مسكت رغد ليالي ودخلتها على الحريم الموجودات بالمجلس ورغد تبكي وليالي منهاره تبكي , والتوتر ملا الجلسه لان اصوات الصراخ وصلت لهم , لكن ولا وحده جتها الجراءه تروح تشوف , ووقفت الجده فاطمه بكل غضب وتقدمت لـ رغد ونطقت : اطلعي برا بيتييي !!!
وتقدمت ومسكتها من كتفها بتطلعها وتقدمت ليالي ونطقت بـ هدوء احترام لـ عمر جدتها : ياجده اتركي رغد !
التفت الجده فاطمه بـ صدمه على ليالي ونطقت ليالي بكل غضب : اتركي رغد ولا تسون لها مثل ماسويتوا بامي !
الجده فاطمه بـ صدمه : ليالي !! انت وش تقولين !!!
ليالي بـ غضب تقدمت من الجده فاطمه ونطقت : ليش مكذبه علي وقلتي ان امي الي وافقت وانكم رفضتوا تتزوج لكن هي اصرت تتزوج ابوي ؟؟؟ وليش قلتي ان امي هي الي تحملت ضرب ابوي ولا قالت لكم شيء ؟ ولا جتكم تتشكى من ضرب ابوي !؟؟
مانهز بالجده فاطمه شعره ولا اهتمت لـ كلام ليالي ونطقت : هذا شيء اكبر منك ولا تتدخلين فيه واطلعي من بيتي وانتي يا الفـ*** اطلعي من بيتي بيتي يتعذرك!!! والي ترفع صوتها علي اقطع لها لسانها فاهمه !!!
انجنت رغد من كلامها وهي فهمت انهم كذبوا على ليالي ونطقت بـ غضب : هل هالدرجه في جده تقول جذي حق حفيدتها ؟!!! انتِ شنو من جنس حواء انتِ انسانه نفسنا ؟!! عندج احساس بالي تسوينه ؟! بقيتوا ؟! لـ**** ٫ اول مره اشوف وحده تقول جذي حق حفيدتها ! خافي ربج احسابج عند ربي عسير صدقيني !! وليالي صاجه ب كل شئ وسلمان تكلم وقال الي خاشينه وتبين كل شيء ؟! وكل الي صار بامها راح تتحاسبون عليه ؟! وبيتج خليه لج لانه ما ابي ايي عند وحده ظالمه !!
عصبت الجده فاطمه وتقدمت ودفت رغد تطلعها من المجلس , وليالي تحاول توقف الجده فاطمه لكن الجده فاطمه من الحقد والكره لـ رغد صارت معاد تشوف الي قدامها , وطاحت رغد بـ قوه على عتبت الباب , ونزلت على الارض وانقذها ربي ان فقط اربع درجات , واوجعها مره ومسكت نفسها ماتبكي وتنهان قدامهم , ووقفت بـ صعوبه , ومسكت ليالي ونطقت : ياحرام ياحرام ان سلمان ولدج !
مافهمت الجده فاطمه وش تقول رغد ونطقت بصوت عالي : اطلعنن من بيتيي !!
ماردت ليالي وسحبت رغد وطلعوا من القسم , وما كان فيه احد , وراحت لـ المجلس وشافت جابر ودخلت عليه وكانت متغطيه وفز جابر من شاف ليالي وصرخ عليها : جدي كيف صار كذا ؟؟؟؟
بكت ليالي ونطقت : افعالها خلته كذا!
انصدم جابر ونطق بـ صدمه : بديت اشك انك مو ليالي ؟ لهدرجه انعميتي ونسيتي كل شيء سواه لـك جدي ؟ وش الي يخليك تقولين كذا ؟؟؟
ليالي : لا تتكلم وانت ماتعرف وش صاير ! لونك مكاني والله ان تسوي نفسي !
جابر : يبنت الاوادم اعرف ليالي ماتقول كذا !!! وش صايررر !!!!
ماتكلمت ليالي وطلعت من المجلس وطلعت جوالها واتصلت على سعود , وكانت تبكي ورد ونطقت ببكى : سعود فينك ؟ ..... سعود تكفى تعال بسرعه ماقدر اقعد زياده بالديره !! تكفى تعال !! ...... لا تطول طلبتك !!!
ونزلت الجوال من اذنها , وكانت تحاول تكتم بكيها وشهقاتها , وتقدمت رغد وحضنت ليالي بـ قوه وماتكلمت لانها عارفه ان ليالي ما تحتاج لـ كلام تحتاج لـ حضن , وبكت ليالي بـ حضن رغد , وهزمها حبها لـ الجد ناصر وصارت تفكر فيه وايش صار له , وتفكر بـ امها , وخايفه خايفه من الي بتواجهه , وبدات تحس بالذنب , وليالي متربيه على يد جدها , وابتعدت عن رغد وضاق التنفس عندها مره , وتحاول تاخذ نفس لكن حست بـ شيء يخنقها بـ رقبتها , وطاحت على الارض وركضت رغد لها , وصرخت تناديها , وتشوف ليالي تحاول تدور نفس , والتفت على السياره من نزل واحد يركض , و تقدم لـ ليالي ورفع راسها , وشاف ملامحها وواضح عليها الاختناق , وركض لـ سيارته واخذ البخاخ ورجع لها ودخله بـ فمها , واخذ ثواني ينتظر ليالي ويضربها على خدها ويصارخ بـ اسمها , وصحت ليالي وفتحت عيونها وشافت سعود قدامها وبكت وحضنته بـ قوه ومنصدم سعود من ليالي ومايعرف وش صاير , وطلع جابر من المجلس وغطاها سعود ووالتفت على جابر ونطق : وش صاير ؟؟؟ علامكم تبكون ؟؟
كان جابر يبكي ونطق : ليالي تهاوشت مع جدي !
انصدم سعود ونزل نظره على ليالي وهو يعرفها ومتاكده ان صاير شيء قوي ولا ليالي تحب الجد ناصر ولا ترضا عليه , ونطق : جابر ادخل !
دخل جابر ولا جادل سعود , وقام سعود وساعد ليالي , وتناظرهم رغد وحرفيًا تورطت وسلمان راح وتركها والان كيف تتصرف , والتفت سعود ثم نزل راسه ونطق : تعالي بنروح المستشفى!
ماتردتت حتا وراحت لـ السياره لانها عارفه لو تقعد اكلوها وركبت مع سعود بالخلف وليالي ركبت بالمعاون , وسعود مشى متوجه لـ المستشفى وكان يبعد عن البيت وقت ويحاول يسال ليالي وش صاير , وانفجرت ليالي وهي تبكي وتصارخ على سعود : انت كنت تعرف كمان !! انت كنت تعرف وماقلت لي شيء ! وخليتني اعيش بـ كذبه ! وان الشخص الي اقوله ابوي هو السبب بتدمير حياة امي ! سعود انا كل يوم اموت بعد موت امي ! انا حاولت انتحر ثلاث مرات من توفت امي ! انا كنت اكره عبدالله !! اكرهه لانه دمر امي لكن طلع العكس ! ابوي هو الي دمر امي ليه ماكنتو تقولون لي ! ليش اميي ماقالت لي !! ليهه ياسعودد ليهه !!!
التفت سعود على ليالي ومنصدم من كلامها وحرفيًا سعود كان عارف عن كل شيء لكن الجد ناصر محذرهم مايقولون شيء لـ ليالي خوف من ان ليالي تبتعد عنه , وماعرف وش يرد على ليالي لانها صادقه بـ كلامها وغطت ليالي وجهها بـ يده وتحاول ماتبكي ونطقت بـ صوت راجف : انا تعبت ياسعود! انا احب ابوي مره ومااعرف اعيش بدونه ! وانا خايفه يصير فيه شيء ! انا ماقدر ماقدر اقسى عليه واتركه !! ماعرف ازعل منه عشانه دمر امي ولا اسامحه عشانه سعى لمستقلبي ولا خلاني احس بفقد ابوي ! لكن امي امي تعبت بـ دنياها ! ياسعود مو قادره مو قادره احس كل شيء ملخبط وحوسه ! مو قادره افهم تكفى انت فهمني زين وقل ياليالي كله سوء فهم وكله كذب !
زفر سعود بـ ضيق ووقف السياره , ولف على ليالي وسحب يدها ونطق : تبين اقولك الصدق ؟
هز ليالي راسها بـ الايجاب وتدعي بداخلها ان كل شيء غلط وسعود بيقول الصح ونطق سعود : اول شيء لا تقاطعيني , وكل الي صار مكتوب ! وابوي والله ياليالي ان بعد ماصار بمزون تغير تغير مره ! عبدالله ابوك هو ولد خويه طارق ! طلبه طارق مزون لولده عبدالله وابوي وافق على ان مزون ماتبي ماتبي تتزوج وصغيره عمرها 18 وتزوجت عبدالله الي عمره فوق 30 وكل شيء مر طبيعي الا بعد زواج امك كان عبدالله على اتفه سبب يضرب امك ! وعبدالله يروح لـ اهله ويعبون راسه ! ويرجع ويضرب مزون اختي وتجينا مزون وتشتكي عند ابوي لكن ابوي يردها وعيب عشان خويه ! وكلام الناس , وانا وقتها عمري اقل من 7 سنين ولا ادري وش يصير , وامك حملت بدري ! ونواف وقف معها مره لان عبدالله يسافر كثير ! ولا يهتم باي شيء يخص مزون والحمل , وكل يوم ومزون تعاني مع عبدالله وابوي يردها لـه وعلى هالحال لين وصلت الشهر السابع ! ووقتها عبدالله انجن مدري وش جاه ورجع لـ امك بالليل وطاح فيها ضرب وكان يشك انك مو بنته ! وكان اعوذ بالله الله لا يسامحه دنيا واخره كان يقول ان البنت ماهي بنتي !!! وتحلف مزون له وتبكي وتقول البنت بنتك ! مير ان راسه يابس وجاء مزون الطلق و ولدت ولاده مبكره وشافها معاد تتحرك خاف انها ماتت ووداها المستشفى على انه بعد خاف يسالونه وش خلاها تصير كذا لكن قرر انه يدخلها المستشفى وينحاش ! وواخوه دق على ابوي ! وابوي راح المستشفى وانصدم من شاف مزون بهالحاله وانتي دخلتي العنايه اكثر من ثلاثه شهور وتعرفين وش جاك بعدها ! وعماني و اقاربنا محد كان راضي على الي يصير ! وتطلقت امك من عبدالله وانتهى كل شيء ورباك ابوي و وصلتي عمر 7 سنين وانتي بوهم ان ابوك يحبك ويبيك ! والان هو مشغول لين سمعتي كلام امك وهي تكلم اختي نوره ! وعلموك ببشيء بسيط ويوم كبرتي علموك بشيء ثاني لكن اغلبه ماالف من خيالهم وان ابوك خطب مزون وامك واقفت غصب عن الكل واصرت على زواجها منه واحنا كنا مانبي مزون تتزوج ابوك ! ورفضنا لكن امك اصرت وهذا كله كذب والي صار هو العكس ! ومزون اتذكر بكيها والله ماانساه ! اذا جتنا وابوي يردها لـ عبدالله ! ولا قدر ابوي يعلمك يوم كبرتي بالصدق لانه خاف خاف انك تتركينه وتكرهينه وهو تعلق فيك ويحبك اكثر من بناته !! وانتي مو بس حفيدته والله ياليالي ان ابوي يحبك والي سواه من مصلحتك !!!
كانت ليالي تسمع لـ سعود ودموعها تنزل بدون ماتشعر وتحاول تستوعب وش يصير وسعود بين لها كل شيء ورجعت ظهرها على المرتبه وشغل سعود سيارته ومشي لـ المستشفى ورغد تجمدت بمكانها منصدمه من الي تسمعه , وليالي اكلها التفكير وتانيب الضمير على ان جدها وماعرفت كيف تتصرف , واخذوا مده لين وصلوا المستشفى وليالي دايخه تفكر والتفت سعود عليها ونطق : بنزل اقعدوا بالسياره !
هز ليالي راسها بـ النفي ومستحيل تقعد : لالا بجي معك !!
سعود : ليالي مرة سلمان من يقعد معها اقعدي !!
التفت ليالي على رغد ونطقت : تقعدين هنا عادي ؟
هزت رغد راسها بـ الايجاب , وتنهد سعود بقل حيل ومايقدر يرفضها ونزلت ليالي , وكانت كل خطوه تمشيها اثقل من الثانيه وتراودها افكار مخيفه وارعبها طاري الموت وخافيه يصير لـ جدها شيء وهي اغضبته قبل يطيح , وانتبه سعود لـ مشيتها , وسندها تدخل , وكانت ترجف والخوف مالي قلبها , وشاف سعود حاتم يكلم دكتور والتفت على ليالي : اجلسي على الكرسي بكلم حاتم واجيك !
هزت ليالي راسها بالايجاب وجلست وتوجه سعود لـ حاتم ونطق : سلام عليكم يابو عتيق
التفت حاتم لـ الصوت وشاف سعود وتقدم سلم عليه : وعليكم السلام
ماحب سعود يكثر كلام ونطق : ابوي كيف صحته ؟
تنهد حاتم بـقل حيل ويفكر كيف يقول لـ سعود لكن هذا قضاء الله وقدره ولا يقدرون يعترضون عليه ونطق : ياسعود عمي ناصر جته سكته دماغيه واحاولنا اننا ننقذه ونخليه يعيش والحمد لله قدرنا لكن لازم يبقى تحت الملاحظه 24 ساعه وممكن يغيب ويطول عشان يقوم والله يقويكم ويصبركم وانا اخوك !
كان كلام حاتم قوي على سعود قوي مره وعرف ان ماجته السكته الا من قوة الصدمه الي جته وقت شاف ليالي , ومسك نفسه مايبكي وتوجه لـ ليالي وكان صعب عليه يقول لها ومتاكد انها بترمي على نفسها الوم وانها السبب , وجلس جنبها , وناظرها بـ عيونها والبكي كان ماثر عليها وذابله , ومن عجز عن الكلام حضنها , واستغربت ليالي حضن سعود , وهمست بـ تعب وتلعثم : سعـود وش صــصـ.....ـار بـ بـ ابـ....ـوي ؟
بكى سعود ونطق : ابوي بخير بخير
حست ليالي من بكي سعود ان صاير شيء قوي ونطقت : سـعـود لــ.....ـلا تـ..ـكذب علــ...ـي
سعود بـ بكى وحزن شديد : ابوي نام لكن بيقوم بيقوم !
سالت دموع ليالي حزن ونزلت يدينها من خلف ظهر سعود وطاحت من الكرسي بعد ماكانت متثبته على ظهر سعود , وتناظر بلا هدف وكانت مصدومه مره , واستغرب سعود هدوء ليالي وابتعد عنها ويناظرها بـ استغراب وصار ينادي على اسمها لكن ابدًا مافي اي ايجاب , و وقفها وحاول يمشيها يبي يطلعها من المستشفى لكن ليالي انهارت تبكي بقوه وطاحت من يدين سعود على الارض , وانحنى سعود ويحاول يقومها , والكل التفت على صوت البكي وركضت ممرضه وساعدتها , وقومتها من على الارض وساندتها لين دخلتها الغرف واخذت مهدي , وعطتها وهدت ليالي وكانت تنادي باسماء بدون وعي : امـي امي مــ...ـزون ابوي ابويييييي عبدالله !!
كان سعود يسمعها ولا قدر يتحمل وطلب من الممرضه تسكر الستاير بيدخل , ودخل على ليالي , وركض من شاف حالة ليالي , ومسك يدها بـ قوه ونطق : ليالي يابنتي سمي بالله قولي بسم الله الرحمن الرحيم !
كانت ليالي مغطيه وجهها بـ يدها ونزلها سعود وصفق يبيها تسمعه : ليالي !!!!
بكت ليالي ونطقت : سعود امي راحت وعبدالله تركني ! والحين ابوي ناصر !! سعود انا مااقدر ماقدر الكل قاعد يتركني لوحديي
امتلت عيون سعود دموع ونطق بـ حده : لا تقولين كذا ! انا وين رحت ؟؟؟ انا معكك انا مراح اتركك !!! امك راحت لـلي ارحم مني ومنك ! وابوي بيقوم بيقوم ياليالي بيقوم !!
ليالي ببكى : وعبدالله ؟؟
اخذ سعود نفس بـ اصعوبه وحرفيًا مايعرف ايش يقول وشد على يدها : الي فيه الخير بيحصل ! لا تخافين على ابوي ابوي بيقوم !!
وصدت ليالي وجهها عن سعود وفجاه نامت من التعب والبكي ووقف سعود ويناظرها بـ حزن على حالها ولف بيطلع لكن وقفه من سمع كلام حرمه كبيره بـ السن : ضعيفه هالبنت والله اني اسمع صياحها من عند الاستقبال !
***** : الظاهر احد من اهلها مات ! ولا صاير لهم شيء
***: ايه شكله كه ولا وش يخليها تصايح كذيا , وفهمت ان امها ميته وعبدالله مدري منهو ! وابوها يقولون بيقوم ؟ مدري وش يقولون
زفر سعود بـ غضب والتفت على الممرضه : انتبهي لـ ليالي بنت عبدالله بن طارق الـ*** ونذر ان يصير فيها شيء او يتعرض لها احد ان اطيرك من مكانك ذا ! فاهمه !!!
ناظرته الممرضه بـ صدمه وكانت بـ ترد على سعود لكن سعود سحب عليها وطلع من القسم , وتوجه لـ « العنايه المركزه »
دخلها وشاف سلمان متلثم وطايح على الارض وساند ظهره على الجدار , وجنبه حاتم وكان سلمان يبكي وصوته يسمعه من بدايه الممر واستوقفه كلامه بـ « يحاتم ابوي بيروح وهو مو راضي علي ياحاتم والله اني ندمان ياحاتم تكفى طلبتك ياحاتم حاول ماتخليه يموت !! »
وتوجه بـ سرعه لـ سلمان وصرخ : وشش مسوي ؟؟؟
رفع سلمان راسه لـ سعود بـ صدمه ونطق : وش سويت ؟
جلس سعود على ركبته قدام سلمان ونطق : ليالي وش وصلها لهالحالههههه !!!؟؟؟؟ وش مسوينننن وش قلتوا لهااا ليهه ليهه ليالي عرفتت ليههه
نزل سلمان راسه بـ الارض , ونطق : كنت اكلم ابوي والله اني غلطانن وعارف اني اغضبت ابوي !! بس انا ماقدرت اتحمل اشوف ظلم ابوي !! نواف وش صارلههه!! مزون وش مرت فيههه !! الحين بيجي دوري ؟؟؟ سعود ليالي عرفت عن الي مخبينه عليهاا !! وحبل الكذب قصير !!
اذا ماعرفت اليوم بتعرف بكره ! وعارف اني كلمت ابوي باسلوب ماهو محترم وانا ندمان ندماننن ياسعودد فاهممم انا خايف ان ابوي يروح وانا ما راضيته !! انا الي قلته مو تقليل بـ شانه !! ياسعود !!! تكفى افهمني !!!
شاف سعود حالة اخوه وحضنه بـقوه ونطق : ابوي بيقوم وبيتغير كل شيء وليالي مستحيل تترك ابوي ! انا متاكد وابوي بيسامحك !! ومرتك بالسياره اذا تبي تروح !
بلع سلمان ريقه بـ قلق من تذكر رغد وابتعد سعود عن سلمان ومااحد تكلم منهم , ووقف سلمان وطلع من القسم متوجه لـ السياره , لكن شافها واقفه وتناظر القسم بـ اسغراب وواضح تدور احد , ولفت صدمه وطاحت عيونها بـ عيون سلمان , وركضت لـ سلمان , وفتح سلمان ذراعه , وارتمت رغد بـ حضن سلمان , وحضنها سلمان وحرفيًا كان محتاجه هالحضن , ولا اهتم اذا احد موجود , وابتعد عن رغد , وشد على يدها وتوجه لـ احد الغرف ودخلها , والتفت رغد على سلمان وحطت يدها على خد سلمان وتناظر بـ عيونها : سلمان انت بخير؟
هز سلمان راسه بـ النفي ونطق : انا خليت السالفه أسوء انا
وقفته رغد يتكلم ونطقت : انت ماسويت شئ غلط ولا يبت حق نفسك الكلام الغلط انت قلت الصج وكلام الصج واذا اهيا ماعرفته الحين عادي يمكن تعرفه من ناس غيرك ولا تشيل بخاطرك وتتضايق انت بس اهدا وانطر وربي بحلها ويفرجها
ناظر سلمان بـ عيونها ونطق : كيف ينحل وابوي يمكن يقوم ويمكن لا ؟
فتحت رغد عيونها بـ صدمه وماتوقعت توصل السالفه لـ هالكثر وحاولت ماتبين لـ سلمان ونطقت : واي لا تحاتي وتشيل بخاطرك ان شاء الله ابرك بأذن الواحد الاحد بيقوم ويصحصح وتشوفه ويقر عينك فيه ولا تتضايق ربي معاك توكل على الله لانه اهو المدبر سبحانه كل شئ ان شاءالله بيتغير الي الافضل لا تضايق على نفسك وتحاسب نفسك على اهدا ولا تتضايق سلمان عفيه خلك هادي
تنهد سلمان بـقل حيل , وجلست رغد وسندت ظهرها على الجدار , وانسدح سلمان ودفن وجهه بـ حضن رغد , وصارت رغد تمسح على شعر سلمان , وتسمع صوت بيكه لكن ماعندها اي حل ولا تقدر تساعده ابدًا ولا في امل غير انهم يتوكلون على الله وينتظرون .
-
« بعد العشاء بـ عزبة زياد »
عدل زياد وقفته وناظر القدر والتفت على صوت عزام ونطق عزام : انت وش تسوي ؟ يومك كله وانت هنه !
ضحك زياد ورفع حاجبه : كل ذا عشان اسوي لك عشاء يالـ***
ضحك عزام وتقدم لـ القدر , ويبي يذوق لكن مايعرف كيف والتفت يدور ملعقه ومالقاء , وهمس : بسم الله
ومد يده بـ القدر واخذ بسرعه كم حبه رز وصرخ بـ صوته كله من الحراره ونطق : ياربب تنجينا من النار !!
ضحك زياد من شاف فعلت عزام ونطق : يالمصخن بغيت تحرق نفسك ؟؟؟
اخذ عزام نفس , وهز راسه بـ اليئس ونطق : اخخخ اخخخخ كل ذا عشان اذوق طبخ خويي !! خاطرت بيدي عشانك !
مااهتم زياد ونطق بعدم اهتمام : وانا شدخلني محد قالك دخل يدك بالقدر !
رفع عزام حاجبه بـ صدمه وكان متوقع شيء ثاني وانضرب بوجهه : طيب والخيالات الي رسمتها بـ خيالي ليه ماصارت ؟
ما رد زياد على عزام , وطفش عزام مره ونطق : يرجال سولف سولف اسحب الكلام منك انا ؟؟!!
لف زياد عليه ونطق : وانا وش اسوي ؟
كان عزام طفشان مره وزاد عليه زياد , وسكوته ونطق : خلاص خلاص تكلم انفجر علي انا راضي بس ماتقعد ساكت كذا توترنييي
ابتسم زياد ونطق : ود السفره بجيب العشاء
ناظره عزام بـ صدمه وحرفيًا يتكلم مايتكلم زياد يسوي الي براسه ولا يهتم , واخذ السفره وحطها وتقدم زياد بالعشاء وتعشوا , وبعد ماانتهوا صلح زياد الشاهي جمر , وعزام يغني وزياد منخنق من صوت عزام وصرخ : عزام يولد انطم انطم لا تغني على راسي!!!
ضحك عزام : وراه ؟ هياالله قلي قصيده !
التفت زياد على عزام ورجع نظره لـ الشاهي , وتذكر بيتين شعر توصف شعورها الان , واخذ الباردي وحطه وسحبه عزام وصار يصب , وسند زياد ظهرها على المرتبه , وناظر عزام وشافه ينتظره وتنهد بقل حيل , وركز نظره على النار واردف :
أمان الله على قلبٍ لقى بك قسوة التهجير
ولا هو قد شكى ظلمٍ يفتّق لوعة ثقوبي
أنت تقرأ
في شوفتك سالت دموع العين من فرحها
Diversosاول رواية لي || الكاتبه ندى حسابي بـ الانستا ~ j.xiiix ~
