ليالي : حتا انا
طلعو سعود وليالي ورجعو للعزبه وبقي الرجال كلهم
-
عند وصول ليالي كانت ارجوان جالسه برا وتلعب بالتراب رفعت راسها من سمعت صوت السياره وقفت من لمحت ليالي
نزلت ليالي وركضت لارجوان
ارجوان ضحكت: ليالييي
ليالي حضنتها وبكت : يليتني سمعت كلامك
ارجوان : ليالي يقلبي كيفك تعبانه ؟ جوعانه تبين اكل
ليالي بعدت عنها : لا انا برجع البيت تجين ؟
ارجوان ناظرت بسعود : بتروحين معه ؟
ليالي : ايوه تكفين تعالي معي البيت
ارجوان: مو من منجدك مستحيل
ليالي : يسلام انتي دايم تجين وش صار ؟
ارجوان: اقتنعت يم قالت امي بيتكم كله عيال وامي مو راضيه اصلاً بس عشان طلال
ليالي : لنا كلام ثاني " ودخلت للخيمه
وقفت الجده فاطمه: لياليي يامي
ليالي حضنتها بقوه : جده
الجده فاطمه نزلت دموعها
ليالي : ليه جدهه ليهه تبكين
الجده فاطمه ضحكت وكانت تمسح دموعها : من الفرح يبنيتي برجوعك سالمه
ليالي سلمت على الحريم كلهم
| وبعد ساعه
بدت تجمع اغراضها : انا برجع البيت
الجده فاطمه: مع من ؟
ليالي : مع سعود ، جده تجين ؟
الجده فاطمه: تعالي امسكيني بروح معاداقدر اقعد
حور وقفت : وانا بعد
ريتال : هيييي اقعد هنا ؟؟؟ لحالي
ليالي : وارجوان بتروح بعد
ام طلال : من قاله ؟
ليالي : قلتلها تو بتروحين معنا
ام طلال : بنتي ماهي رايحه
حور : يخاله اذا عن العيال ترا بيتنا فاضي وخالي سعود بيروح عنده شغل
الجده فاطمه: يام طلال البنيه عندي لاتشيلين هم
ام طلال تنهدة بقلة حيل : طيب الله يستر عليكم
ريتال : يجدهه تكفينن بروحح
الجده فاطمه: وين تروحين وين احطك بحضني؟
ريتال : معليه اجي بالشنطه
ام عساف ضحكت ؛ تعالي معي كلمت عساف وبيجي ياخذني
ريتال : قدام موافقه
ام خالد : مايحتاج يام وايل مانبي نثقل عليكم
ام عساف : اي ثقل يشيخه معليه تعالي ومنها انا اطفش لحالي بالبيت العيال يروحون وحريم عيالي كل وحده بقسمها
ريتال : انا موافقه ابي اجرب شي جديد
ام خالد همست : ريتال اهجدي
ام عساف مسكت يد ريتال : والله ان تروح معي حلفت
ام خالد : المغرب تجين
ام عساف : يصير خير
ريتال ضحكت : يخاله وربي انك كفو بس الحين انا بطفش هناك
ام عساف غمزت : تطفشين وانا هنا ؟
ليالي : سعود برا
دخلت ارجوان مع طلعتها : ليالي مراح اروح
ليالي : ارجوان تكفين تعالي
ارجوان كان مشهد سعود ينعاد بعقلها وامتلت عيونها دموع
ليالي همست : انتي فيك شي وراح اعرفه
ارجوان بغضب : مافيني شي عصب يصير فيني شي ؟ !!
ليالي : اسمعي انا اساسا بنام بس وربي ماخليك كلكم فيكم شي غبت 7 ساعات وانقلبت حالتكم ، بفهم سالفة حور اول والف عليك ولاتحسبيني بنساك لاا
ارجوان : انا مافيني شي انتي تتوهمين يخي شفيك ؟؟
ليالي بغضب : طيب شفيك معصبه ؟ شخصنتيها بمشيها المره ذي لاني منهلكه ومالي خلق اي شي "وطلعت "
ارجوان كانت منقهره على حالها وكيف قدر يتحكم فيها وهي ماسوت شي
جود جت عند اذن ارجوان وهمست بضحكه : كيفك بعد البوسه امس
ارجوان لفت وشهقت من شافت جود
جود : تراني عارفه كل شي مايمديك تنكرين "ومدت يدها تبعد الطرحه الي على عنقها " هذا يثبت كل شي "وضحكت "
ارجوان : وش تقولين انتي شتخربطين ذي اثار حساسيه طلعت لي
جود ضحكت : يحليلك يخي تضحكين وش ضعف الشخصيه هذي الي فيك تحزنين
ارجوان سكتت
جود : ماعرفتي تردين لان كلامي صح "وضحكت "
ارجوان مسكتها من كتفها : يخايسه انتي ماكفاك الضرب الي جاك انتي واختك والزفت الي معكم ؟؟ تبين ارجع اضربك مره ثانيه
جود شهقت بتمثيل : يمه يمه خفت ههههههههههههههه
ارجوان دفتها بقوه وطاحت على الارض
جود صرخت : خيررر جعل هاليد بالكسر
ارجوان بتقليد لجود : يمه يمه خفت
وقفت جود بسرعه ومسكت ارجوان من شعرها ، ارجوان صرخت وكانت تحاول تبعدها
-
برا طلعت ليالي وكان سعود وواقف : جدتي جت ؟
سعود ببرود : لا
ليالي : طيب خوالي جو ؟
سعود : ايه يجهزون عشان يمشون
ليالي ناظرت فيها : سعود اخلص غرد وش فيك
سعود رفع نظره عليها : مافيني شي
ليالي : افف انا شبعت من كلمة مافيني شي
سعود تجاهلها
ليالي : سعود تعر...
قاطعه صياح البنات جوا الخيمه سعود لف عليها : شفيهه
ليالي ؛ مادري " ودخلت تركض للخيمه ودخل وراها سعود
لفت شافت سعود صرخت : سعودد وش دخلككك
سعود صرخ : تبين الوحشه ذي تاكل ارجوان
جود كانت حاطه يدينها على وجها وارجوان فرغت كل الي بداخلها بجود ، مسكها سعود من كتفوها وصرخ : خلاصصص وقفيي
ليالي صرخت : انت الي خلاصصص اترك البنت واطلعع
جود تكلمت بالم : لو تعرفين وش مسوين "وضحكت بنقد "
لفت ليالي على سعود : وش تقول ذي ؟؟
ارجوان استغلت غفلة سعود عنها وضربته بركبتها على بطنه بقوه اكثر من مرا
كح سعود بقوه وتركها ، لفت عليه ارجوان تضربه وتبكي
ليالي وقفت مصدومه من تصرف ارجوان ومو مستوعبه ولا شي
دخلت ام خالد لخيمه وشهقت : سعوددد
ليالي مسكت ارجوان وبعدتها عن سعود وحضنتها، وقف سعود وطلع بسرعه من الخيمه
ام خالد : وش يصير "لفت على جود " انتي شفيكك ؟
مارد احد عليها
ام خالد صرخت : ليالي تكلمييي وش تسون هنا سعود وش يسوي هنا وارجوان ليش تضربه ؟ وجود شفيها شفيكم انتم كل يوم
اشوفكن متهاوشات المره ذي سعود معكمم
ليالي تكلمت بصوت عالي : شدراني انا سمعت صوتهم ودخلت ودخل سعود معي شلون مادري
ارجوان جلست بالارض ماسكه راسها وتبكي ، ام خالد جلست قدام ارجوان : يبنتي شفيك ؟ علامك تبكين ؟
جود وقفت بتعب : تبين اقولك ؟
ارجوان كانت تدعي ان يصير شي وماتقول جود
ام خالد حست بشي صاير مصيبه ومتاكده اخوها مسوي شي : وش الي يخليني اصدقك ؟
جود : اذا قلتلك الكلام هذا وسالتي ريتال وانكرت
ارجوان وقف وبقهر تكلمت : غبيه انتي غبيه ؟؟ اكيد بتقول كذب دامك تقولين كلام كذب
جود ضحكت : كذب ؟ "وضحكت "
ام خالد دخل الخوف قلبها : قولي
جود اشرت على ارجوان : اخوك الي تحبونه مرا وتشوف......
قاطع كلامكم صراخ الرجال ، دخل واحد من الاطفال وقال : عمي سعود يطلع من فمه دم
ليالي شهقت : ايششش "طلعت تركض برا " (بعباتها*****)
-
حاتم بدا يشوف سعود وشخص حالته : ماقدر اسوي اي شي هنا لازم نوديه المستشفى
طلال : يهوو من هنا لديره ساعه !!!
حاتم : هيا هياا مشينا لانتاخر
الجد ناصر: سعود وش فيهه
ابو جابر مسك الجد ناصر وجلسه
طلعت ليالي ورفعت صوتها : خالي سعود وش فيه ؟
لف زياد عليها وصد من عرفها
ابو حور : ليالي ادخلي داخل
ليالي جت عند راس سعود ورفعت راسها : وش فيكم تنتظرون ودوه المستشفى!!
طلال بغضب بغيره كلها : ادخلي داخل واقصري حسك كلن سمعه
ليالي بقهر : عندك اوامر ثانيه استاذه طلال ؟؟ وربي مانك صاحي ،"لفت على حاتم " مو انت دكتور شوف حالته !!
خالد : ليالي بعدي بنشيل سعود
وقفت ليالي وبعدت عنهم شوي عساف وخالد شالو سعود وركبوه السياره
ليالي راحت لابو جابر : خالي تكفى بروح معكم
ابو جابر : وين تروحين ؟ بعدين المستشفى كله رجال
ليالي : خالي تكفى ماقدر اقعد هنا
ابو جابر حط يدينه الثنتين على وجها : انتي لازم ترتاحين وعيونك شوفيها حُمر واضح تعبانه
ليالي تكلمت بغصه : طلبتك
عساف رفع صوته : نواف يالله بنتاخر
ابو جابر باس راس ليالي : اعذريني يقلبي ماقدر
كان جابر واقف وسمع كلام نواف وزعلانه عليه مرا خمس شهور عندهم وماعتذر ولا وضح اختفاءه وحتا كلام بينهم مافي .
-
دخلت ليالي على الحريم وكان واضح انها باكيه
ام خالد بتوتر : ليالي وش فيه سعود شفيه ؟؟
ليالي بكت بصوت : مادري مادري انا تعبت وربي تعبت المصايب قاعده تنهل علينا معاد اتحمل "وجلست على رجولها مغطيه وجها بيدينها "
الجده فاطمه بهدوء :يارب انك تشفي سعود وترجعه سالم لنا
كانت ارجوان تدعي عليه بدال ماتدعي له كارهته من كل قلبها وفرحانه على ضربها له وماحست بالذنب ابداً لانه يستاهل ببالها "
سند رفع صوته برا الخيمه : يعمه نوره
ام خالد طلعت له : هلا يسند شفيه ؟
سند : يعمه ابوي يقول خلي الحريم يجهزن بنرجع بيتنا اهل جدي ناصر كلهم
ام خالد : طيب ، الا بسالك من راح مع سعود
سند : عساف وخالد وحاتم وعمي نواف وطلال
ام خالد : ماشاءالله من بقي ؟
سند : بقى بقى يالله يعمه اعجلو جدي لازم يرتاح مره تعب
دخلت ام خالد للحريم : سند يقول بيت جدي ناصر يجهزون كلهم
والباقين مادري والله
بدو يجمعون اغراضهم الكل بدون استثناء بيرجعون بيوتهم كرهو العزبه وروحتهم لها ، طلعو من العزبه متوجهين لبيوتهم .
__________________
على اساسا مراح انزل هالبارت بس مادري وش صار البارت قصير مره المعذره 😢😢😢😢 || حسابي بالانستا « j.xiii »
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
