عند الرجال وصلو العيال وكان المجلس بس فيه الجد ناصر وسلمان وفايز وعياله ابو وايل وعياله وابو مسفر وعياله وخالد وجواد وابو طلال وطلال ونواف وولده وجابر راح مع نياف لسعود وراشد ،
كان جواد متكي ويطالع بالمزرعه من جوا المجلس وفز : ابو عايض
غسان لف : وش فيك ؟
جواد : ابك في حرمه جايه يمنا
لفو العيال كلهم يمها
سلمان فز وصرخ عليها : ادخلي داخل وش جايبك
ليالي : يابوي
الجد ناصر لف عليها : ليالي ؟ هلا يبوي ادخلي ادخلي هنا كله رجال
ليالي : وين خالي نواف ؟
سلمان جاها ومسكها من كتفها وسحبها : ليالي اطلعيي
ليالي بعدته عنه وقالت : انت صاحي شفيك ؟ جدتي فاطمه قايلتلي اجي
ابو وايل : صوتك يمره
ليالي : انا جيت بقول كلمتين لخالي نواف واروح
ابو جابر وقف : وش عندك ومن انتي ؟
ليالي : بعدين تعرف من انا الحين انت الحق على مرتك وبناتك اذا تبيهم
ابو جابر : وش ذالكلام ؟
ليالي رفعت كفينها وقالت : جدتي وخالتي نوره طردو مرتك وبناتك جدتي تقول الحرمه ذي مانعرفها ومراح تدخل الا اذا جاء نواف وقال منهي
ابو جابر صرخ عليها: خيرر وينا فيه ؟ "وطلع "
الجد فايز طلع من المجلس مع ليالي .
-
نواف طلع يركض لقسم الحريم وشاف بناته يرجفون من البرد : وجدان
وجدان راحت تركض له حضنته وبكت : بابا وش ذالمكان ومن ذاك الولد
نواف حط يدينه على وجها وقال : بعدين يقلبي تعرفين الحين انتم شتسون برا ؟
الجد ناصر: من انتي ؟
وجدان : انا ؟
الجد ناصر: ايه
وجدان : انا وجدان نواف
الجد ناصر ناظر فيها من فوق لتحت وناظر بولده
ليالي : ابوي خل ندخل
الجد ناصر لف على ليالي وقال : ادخلي خلي الحريم يتغطون
ليالي دخلت وسوت نفس كلامها وفضت الصاله من الحريم وبقي بس الجده فاطمه وام خالد وام ليالي وريتال وحور
الجد ناصر دخل ورفع صوته : فاطمه
الجده فاطمه: نعم
دخل ابو جابر وكان منزل راسه
الجد ناصر : عانيه ذا هو ولدك الي ترك اهله وراح ورا حرمه
ابو جابر : جيتكم وانا اتوقع انكم بتستقبلوني لاكن شفت شي ثاني
ام خالد : نسقبلك ؟ انت مو نواف وش صار لك ومن ذا الي قدامي
ام ليالي بكت بدون صوت
الجده فاطمه: اخلص منهي ذي وش تصير وشلون تزوجتها
ابو جابر : ذي مرتي وام عيالي
الجد ناصر: دارين اختصر
ابو جابر: بنت اخت خويي يتيمه شفتها بالصدفه وخطبتها وتزوجتها وجبت منها بنتين وولد
الجده فاطمه ناظرته بطرف عين : ناقصك عيال ؟ يم تتزوج ؟
الجد ناصر: الحين قلي وش اسوي ؟ اطردك ؟
ابو جابر : يناس علامكم انا ولدكم يعرب الي يشوفني يقول سويت ذنب
الجده فاطمه: اخذ عيالك واطلع من بيتي
ابو جابر بصدمه : يمهه
الجدة فاطمه رفعت صوتها : لاتقوللل امي ماني بمك
ام ليالي راحت للجده فاطمه وعيونها مليانه دموع : يمه تكفين شلون تقولين كذا
ليالي جلست عند رجوال الجده فاطمه وقالت : يجده يقلبي اكيد في سبب اكيد جاي يبي يعدل اغلاطه يجده كلنا نغلط على الاقل عرف غلطته وجاء يطلب السماح منكم
الجده فاطمه : غلطته ماتنغفر لها
ليالي : طيب اسمعي خليه هو ماعلي منه لاكن بناته ؟ يجده طلبتك على الاقل بناته توهم صغار خليهم يدخلون وربي مالهم ذنب غير انه ابوهم
الجد ناصر: احفادي يقعدون وانت اخذ مرتك واطلع
ابو جابر بصدمه : شلون ؟ اخلي بناتي ؟ تمزح
الجد ناصر: انت مو حق ابوه ومسؤولية يخوفي يضيعون العيال
ابو جابر: مستحيل اخلي عيالي
الجد ناصر: اسمع تراني تعبت ومعاد لي حيل اطلع وخل اليوم ينتهي ولصبحنا يصير خير
ليالي باست راس الجد ناصر: يبه خلهم يرتاحون اليوم وبكره نعرف السالفه من الى تكفى يبوي
الجد ناصر بعد تردد : طيب ، "وطلع "
وانتهى يومهم كان يوم متعب جداً وطويل ومليان احداث ، بدا ينام الكل .
أنت تقرأ
في شوفتك سالت دموع العين من فرحها
Randomاول رواية لي || الكاتبه ندى حسابي بـ الانستا ~ j.xiiix ~
