"အမုဏ်းကမျက်နှာ ထိခိုက်မိတာလား"
"ဟုတ် နည်းနည်းပါ"
"အမုဏ်းအခန်းထဲဝင်နားတော့ ကိုယ်အခုလိုက်လာခဲ့မယ်"
"ဟုတ်...ကျွန်တော်သွားလိုက်အုံးမယ် ဦလေးနဲ့အန်တီ"
"အေး...အေး...သွားနားလိုက်လေ...ပတ်တီးတွေနဲ့ဘယ်လိုဖြစ်တာလဲ "
"အဖေ့တူ ဟိုခွေးသူတောင်းစားကြောင့်လေ ကျွန်တော်အဲ့ကောင်ကို ကုန်းကောက်စရာမရှိအောင် လုပ်ပြမယ်"
"စိတ်လျှော့စမ်းကွာ နေရာတကာ ဒေါသကိုရှေ့တန်းမတင်နဲ့ မင်းနဲ့သူကညီအစ်ကိုတွေ...သူနဲ့ကဘာပြဿနာဖြစ်ပြန်လဲ"
"ဘာဖြစ်ရမှာလဲ...ကျွန်တော်အိမ်မှာမရှိတုန်း အမုဏ်းကိုသူ့အမေနေမကောင်းလို့ဆိုပြီး လာခေါ်သွားတာ...ကျွန်တော်အချိန်မှီရောက်သွားလို့ပေါ့...အဲ့သူတောင်းစားကောင် ကျစ် အမုဏ်းကို အဓ္ဓမကျင့်ဖို့ကြိုးစားတာ"
ပြောနေရင်း မာန်က နာထင်းကြောတွေပါထောင်လာသည်
"ဒီကောင်ကတော့ကွာ..."
"ကျွန်တော်ကတော့ ညီအစ်ကိုလို့လည်း မသတ်မှတ်ဘူး ငယ်ငယ်ထဲက သူများပိုင်တာဆို သူခိုးချောင်း ချောင်းနေတဲ့ကောင် ကျွန်တော့်ကိုမကျေနပ်ချင်ရင် ထိပ်တိုက်လာတွေ့လေ အမုဏ်းကိုထိစရာဘာ အကြောင်းမှမရှိဘူး"
"အဖေအဲ့ကိစ္စရှင်းပေးမယ်...သွားနားတော့"
"ရတယ် ကျွန်တော့်လူကို လာထိတဲ့ကိစ္စ...ကျွန်တော်ကိုယ်တိုင်ရှင်းမယ်"
"အဲ့လိုဆိုရင်တောင် လက်မလွန်စေနဲ့"
"......."
"ဟိုကလေးက ဘယ်လိုဖြစ်နေတာလဲ လမ်းလျှောက်တာ ကွတကွတနဲ့"
တီလင်းကဝင်ပြောတော့ မာန်ကစောစောကထွက်နေသည့်ဒေါသတွေက ကြက်ပျောက်ငှက်ပျောက်နှင့် အမုဏ်းပုံလေးကို ခပ်ဟ ဟရယ်ပြီးနောက်ကနေ ကြည့်နေမိတာ ဘေးကနှစ်ယောက်ကိုပင် မေ့နေသည်
ကားပေါ်မှာတုန်းက မာန့်ပေါ်တွင် ယိမ်းထိုးနေသောပုံစံလေးက ဘယ်လောက်တောင်ချစ်ဖို့ကောင်းလိုက်လဲ
ဒီလိုပုံစံထပ်မြင်ချင်ရင် မာန်ကိုယ်တိုင်ဆေးခတ်မှပင်ရတော့မည်၊
YOU ARE READING
A MONNE / အမုဏ်း(COMPLETED)
Romanceမာန်ကမ္ဘာမြေ🖤အံ့အမုဏ်းချေ ဤဇာတ်လမ်းပါ အကြောင်းအရာနှင့်ဖန်တီးမှုများသည် စာရေးသူ၏စိတ်ကူးယဥ်သက်"သာဖြစ်သည်။
