انصدم الجميع مما قاله لؤى... وكانت حور أكثرهم صدمة.. لم ينطق اي منهم.. عندما استوعب لؤى ما قال قال بسرعة: اقصد.. اقصد انها يعنى.. جليستى و كدة وحاجة يعنى.. خاصة بيا يعنى الى اقصده انها جيا ترعانى
نظرت له حور بصدمة و غضب .. وغادرت وذهبت لغرفتها..... قالت فريال: لؤى.. انت عارف كلمتك دى معناها اي؟.. ده حتى لو انت متقصدش بس الكلمة فعلا كبيرة و.. حور اصلا مشيت من هنا ودخلت اوضتها هى أكيد أدايقت
لؤى: بس.. أنا مقصدش
فريال: ماشي بس حور ادايقت وليها حق يا لؤى.. وكمان انت ليه اتعصبت كده؟... ليه كلمت ابن خالتك كدة؟
لؤى: هو كدة.. أنا عايز أطلع أوضتى... رقية طلعينى
استمعت رقية له.. وأخذته لغرفته.. وكان كريم منزعجاً من تصرف ابن خالته.. و لم تفهم كريمان لِما غضب لؤى هكذا.. نظرت دلال لأولادها نظرة بمعنى أتبعوني.. صعدت دلال لغرفتها و جاء أولادها وراها... أغلقت مرام الباب.. ثم نظرت لوالدتها بغضب وقالت: هو مش انتى قولتيلي ان فى خلال أسبوع هتمشيها يا ماما
دلال: فعلا.. انا الحق عليا اصلا انى أجلت الموضوع ده.. لا لا لازم فعلا دى تمشي من هنا.. وانت يا زياد مش قولتلي اخلى الموضوع ده عليك
زياد: وهو كذلك.. انا من ساعت ما قولتلك كدة وانا اصلا خلاص فكرت و عارف أنا هعمل اي كويس
مرام: ماما.. انتى شوفتى ازاى لؤى كان بيتكلم مع كريم.. ماما أنا خيفا إلى فى بالي يطلع صح
دلال بصوت عالي: لا يا مرام مش هيكون صح.. استحالة
مرام: من الأحسن اننا نبدأ بقى خلاص عشان الموضوع ميتطورش
دلال: خلاص يا مرام متشغليش نفسك.. يلا روحى نامى لان عندك شغل بكرة فى الشركة..
مرام: خلاص ماشي يا ماما.. أنا سيبا الموضوع عليك انتى و زياد
اقتربت دلال من ابنتها و قبلتها فى جبينها بحب و أمسكت بوجهها بكفيها وقالت: متقلقيش يا قلبي انا والله هخلصك منها كله إلا زعلك يا مرام
مرام: أتمنى ان ده يحصل فعلا يا ماما... وبعدها ابتعدت عن والدتها و انصرفت.... قالت دلال بجدية و خبث لزياد: حور هى الى اقنعت لؤى انه يتعالج ومش بعيد بكرة يقولنا انه هيعمل العملية إلى بسببها هيشوف.. وبعد كدة هيتعافى.. هو أصلا ابتدى يتغير و يطلع من أكتئابه.. وكل ده بسبب حور.. وبعد كدة هيرجع للشركة تانى و.. و هيطردنا منها.. لا وكمان شكله ابتدى يحب الى اسمها حور.. وهى أكيد ما هتصدق شاب غنى وحليوة يتقدملها.. أكيد هتوافق... لااااا لااااا كل ده مش لازم يحصل
زياد: و أنا مش هسمح بده أصلااا.. خلاص يا ماما بوعدك ان البنت دى انا هنهي وجودها هنا.. ولازم نخلي لؤى يرجع زى ما كان.. ثم ابتسم بشر...............
فى غرفة لؤى......
كان لؤى يفكر بحور ويقول فى نفسه: يا ترى زعلت منى.. أكيد يعنى..... ثم تنهد.. وكانت رقية مازالت بغرفته و كانت تنظر له و تقول فى نفسها: معقول.. معقول لؤى يكون معجب بحور!!... طب وهل يا ترى حور بتبادله نفس الشعور... الله.. بجد.... أنا لازم اكلم ادهم ضروري.. كانت ستغادر ولكن لؤى نادها وقال: رقية ناديلي حور
رقية: مش هترضى تطلع الساعة بقت 1
لؤى: ناديهالى بس
رقية: صدقنى والله مش هترضى.. وهى أصلا زعلانة منك
لؤى: عارف يا رقية.. بس الكلمة بجد طلعت غصب عنى
اقتربت منه رقية وقالت: لؤى قول الصراحة.. هل هى فعلاً طلعت غصب عنك؟
لؤى بتردد: اه يا رقية فى اي
رقية: طب ليه اتعصبت كدة من حكم كريم على حور
تذكر لؤى الحكم.. وغضب قليلا وقال: كدة هو كدة
رقية بمكر: يعنى دى مش غيرة؟
تردد لؤى وبان عليه ذلك وقال: لا.. لا طبعا.. أغير عليها ليه يعنى
رقية بمكر: مش عارفة.. بس انت أكيد عارف.. طب يا لؤى نفرض مثلا حور خرجت مع كريم تمام.. هتعمل اي؟
تخيل لؤى المشهد فغضب وقال: يعملوها بس
ابتسمت رقية بسعادة و دمّعت عيونها.. وتمنت ان يكون الذى ببالها صحيحاً... ابتعدت عن لؤى وقالت: ماشي يا لؤى يلا تصبح على خير بقى
لؤى: مش هتنادي حور
رقية: صدقني هى مش هتطلع.. كلمها بكرة عادى يعنى
لؤى: تمام... رقية ممكن طلب منك؟
رقية بحب و إبتسامة: اتفضل؟
لؤى بتردد: ممكن.. ممكن
رقية بفضول: ممكن اي!؟
استجمع لؤى جرأته وقال: ممكن تبعدى كريم عن حور
شعرت رقية بسعادة كبيرة واقتربت منه و جلست بجانبه وقالت بطفولة ومكر: طب لييييي؟
لؤى بتردد: عادي يعنى.. بصى انا لما ابقى نايم او كدة او حور مثلا مش بتراعينى.. لو لقيتى كريم بيتكلم معاها ابعديهم عن بعض بأى طريقة بقى.. ويبقي عرفينى بردو.. هو صح كريم هيبات هنا اد اي؟
رقية: اه صح هو أنا مقولتلكش.. فيلا كريم حصل فيها حريق بسيط يعنى.. فهى بتتشطب دلوقتي.. فا ممكن يقعدوا حوالى شهر
لؤى بغضب: نععععم!! شهر ليي لي شهر
كتمت رقية ضحكتها وقالت: واي الي مزعلك بقى.. هو مش كريم ده اخوك
لؤى بغضب: اه أخويا بس مش أخوهااا
رقية بمكر و إبتسامة ماكرة: ايوة هو مش اخو مين؟
لؤى: بقولك اي يا رقية هو مش انتى كنتى خارجة.. يلا مع السلامة
رقية وهى تقوم من على الفراش: ماااشي يا ذوووق
خرجت رقية من غرفته وكادت ان تطير من السعادة.. وكانت تقول فى نفسها: لازم اعرف ادهم بالأخبار دى.. اععععع هيفرح قوي
أنت تقرأ
آنآرت ظـلمـتى ♥
Lãng mạnهى لطيفه محبوبه رقيقه جميله الملامح و جميله الروح بصوت و عيون ساحره... هو عاجز عن الرؤيه و الحركه بعد الحادث الأليم فهل ستنجح ف أن تنير حياته بعد انطفائها و تبث فيها الحياه من جديد ام ستفشل كما فشل من قبلها هل حقا تستحق ان تكون روايتها باسم"انارت ظل...
